O Kandɔɔ 7
7
Noe luɛi o dɛ̀ndɔ̀ɔ́ nin
1Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni. 2Cua visia diandaa súúlan kpow, súú oo súù visia tɔ́ a à hiɔɔlu: a piaandua a ŋɔmmɛw a laandua a ŋɔmmɛw. Kɛ o visia dindu le-a nin, o piaandoo a o laandoo koni n bɛnda ma cua o súú oo súù nin ni. 3Le yowva yɛ, cua yowva tɔ́ a à hiɔɔlu o súú oo súù nin: a piaandua a ŋɔmmɛw a à laandua a ŋɔmmɛw, haliko mi súúla ndala yɛ́-yɛ́la lan bɛɛ la sɔla cindaa le lou yoomu ma kui o ceendo coo. 4Kani o lo palɛi ndii ŋɔmmɛw mì tuisi piɔɔ bɛndu-bɛndoo o lɛŋnden coo, mò lo siaa háá palɛi belehiɔɔlu a malɔ belehiɔɔlu, mì tɛɛmbuu ɲɛ-ɲɛ co ɲɛ yoomaa.» 5Mí Noe tosa ɲɛ-ɲɛ Mɛlɛka dimul ndu le tosaa.
Mɛmma bɛnduan ma hin o lɛŋnden coo
6Tuma mɛmma bɛnduan ma hin kon o lɛŋnden coo-o, Noe ndóò nɔ vɔsilan kɛmɛ leŋɔmpum. 7Mó luɛi o dɛ̀ndɔ̀ɔ́ nin a laa ndɔ, a poaa ndɔa a á laandaa poaa ndɔa, yɔŋii ndáà lo o mɛmma kpundɛma man nin. 8Mí visia dendu-a, a dindu le-a, yowva a visia pɔmbɔa sasun lɛŋ-nda kpow 9a hun o dɛ̀ndɛ̀ bɛndu Noe-o a ŋiɔn-ŋiɔnda: o piaandoo a o laandoo, maa mɛɛ Hala pila ndóò dimul Noe yɛ. 10Mɛɛ palɛi ŋɔmmɛvii ken i cuu, mí mɛmma bɛnduan má hun o lɛŋnden coo.
11Vɔsi Noe suili yoomu o ceendo coo vɔsilan kɛmɛ leŋɔmpum-ndo, mɛɛ paangii diinndɔɛi tiiya palɛi tɔ́ a i ŋɔmmɛw, mí lɛŋnden le tɛɛndiaa, mí mɛnndan ma fula nɛɛ-nɛɛ ka, mí halataalaa kumbin, 12mí piɔɔ kandu siaa o ceendo coo, mó lo siaa háá palɛi belehiɔɔlu a malɔ belehiɔɔlu. 13Paale len Noe luɛi o dɛ̀ndɔ̀ɔ́ nin nda laa ndɔ, poaa ndɔa yáá-a Sɛm, Ham a Yafɛt, a laandaa poaa ndɔa ni. 14Mó luɛi vɛlɛ a visia yondoa, a visia cieeninnda súúlan kpow, visia sasun lɛŋ-nda, yowva, kamballa a visia pɔmbɔa kela lɛŋ-nda. 15Mí ɲaa yoomaa súúlan kpow a kɔa a ŋiɔn-ŋiɔnda Noe ikɛi o dɛ̀ndɔ̀ɔ́. 16O ɲaa yoomaa súú oo súù nin, mí o piaandoo a o laandoo luɛi o dɛ̀ndɔ̀ɔ́ nin maa mɛɛ Hala pila dimul Noe le tosaa yɛ. Mɛɛ nda luɛi kpow, mí Mɛlɛka pila kinda dioo Noe kɔɔli.
17Mí mɛnndan ma lo hunɔɔ háá palɛi belehiɔɔlu o lɛŋnden coo. Mí má hun taw-taw, mí ma cua dɛ̀ndɔ̀ɔ́, mó hel lecoo. 18Mɛɛ mɛnndan ma va hunɔɔ a piɔu o lɛŋnden coo yɛ, lende koni dɛ̀ndɔ̀ɔ́ va cɔnɔnndo lecoo ni. 19Mɛnndan ma lo hunɔɔ háá, mí pembun bɛndun co o lɛŋnden coo-on kpow n mɔɔva lenin. 20Mɛɛ pembun mun mɔɔva, mí mɛnndan ma hel vɛlɛ lecoo le dunndo tɔ́ a leŋuɛɛnu. 21Mí ɲaa yoomaa o lɛŋnden coo kpow a vu: kandɔɔ a yowva, cɔlua, visia yondoa, visia pɔmbɔa kela lɛŋ-nda, kɔ bii a vanndacieea. 22Mí ɲaa yoomaa hoeiye va fulaa o milin-nda kpede, a va o lɛŋnden coo-a, a cuu vu. 23Nuaa Hala cii ɲaa yoomaa va o lɛŋnden coo-a ni, kandɔɔ a vanndacieea, visia, visia pɔmbɔa kela lɛŋ-nda, kɔ bii a yowva, mí ɲɛ-ɲɛ basun o ceendo coo selemenden. Fɔ Noe a ɲɛ-ɲɛ va ndu ikɛi o dɛ̀ndɔ̀ɔ́ nin a lo yoomu ni.
24Mí mɛnndan ma lo mahunaa lende o lɛŋnden coo háá palɛi kɛmɛ a beleŋuɛɛnu.
Избрани в момента:
O Kandɔɔ 7: BKG
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Alliance Biblique en Guinée
O Kandɔɔ 7
7
Noe luɛi o dɛ̀ndɔ̀ɔ́ nin
1Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni. 2Cua visia diandaa súúlan kpow, súú oo súù visia tɔ́ a à hiɔɔlu: a piaandua a ŋɔmmɛw a laandua a ŋɔmmɛw. Kɛ o visia dindu le-a nin, o piaandoo a o laandoo koni n bɛnda ma cua o súú oo súù nin ni. 3Le yowva yɛ, cua yowva tɔ́ a à hiɔɔlu o súú oo súù nin: a piaandua a ŋɔmmɛw a à laandua a ŋɔmmɛw, haliko mi súúla ndala yɛ́-yɛ́la lan bɛɛ la sɔla cindaa le lou yoomu ma kui o ceendo coo. 4Kani o lo palɛi ndii ŋɔmmɛw mì tuisi piɔɔ bɛndu-bɛndoo o lɛŋnden coo, mò lo siaa háá palɛi belehiɔɔlu a malɔ belehiɔɔlu, mì tɛɛmbuu ɲɛ-ɲɛ co ɲɛ yoomaa.» 5Mí Noe tosa ɲɛ-ɲɛ Mɛlɛka dimul ndu le tosaa.
Mɛmma bɛnduan ma hin o lɛŋnden coo
6Tuma mɛmma bɛnduan ma hin kon o lɛŋnden coo-o, Noe ndóò nɔ vɔsilan kɛmɛ leŋɔmpum. 7Mó luɛi o dɛ̀ndɔ̀ɔ́ nin a laa ndɔ, a poaa ndɔa a á laandaa poaa ndɔa, yɔŋii ndáà lo o mɛmma kpundɛma man nin. 8Mí visia dendu-a, a dindu le-a, yowva a visia pɔmbɔa sasun lɛŋ-nda kpow 9a hun o dɛ̀ndɛ̀ bɛndu Noe-o a ŋiɔn-ŋiɔnda: o piaandoo a o laandoo, maa mɛɛ Hala pila ndóò dimul Noe yɛ. 10Mɛɛ palɛi ŋɔmmɛvii ken i cuu, mí mɛmma bɛnduan má hun o lɛŋnden coo.
11Vɔsi Noe suili yoomu o ceendo coo vɔsilan kɛmɛ leŋɔmpum-ndo, mɛɛ paangii diinndɔɛi tiiya palɛi tɔ́ a i ŋɔmmɛw, mí lɛŋnden le tɛɛndiaa, mí mɛnndan ma fula nɛɛ-nɛɛ ka, mí halataalaa kumbin, 12mí piɔɔ kandu siaa o ceendo coo, mó lo siaa háá palɛi belehiɔɔlu a malɔ belehiɔɔlu. 13Paale len Noe luɛi o dɛ̀ndɔ̀ɔ́ nin nda laa ndɔ, poaa ndɔa yáá-a Sɛm, Ham a Yafɛt, a laandaa poaa ndɔa ni. 14Mó luɛi vɛlɛ a visia yondoa, a visia cieeninnda súúlan kpow, visia sasun lɛŋ-nda, yowva, kamballa a visia pɔmbɔa kela lɛŋ-nda. 15Mí ɲaa yoomaa súúlan kpow a kɔa a ŋiɔn-ŋiɔnda Noe ikɛi o dɛ̀ndɔ̀ɔ́. 16O ɲaa yoomaa súú oo súù nin, mí o piaandoo a o laandoo luɛi o dɛ̀ndɔ̀ɔ́ nin maa mɛɛ Hala pila dimul Noe le tosaa yɛ. Mɛɛ nda luɛi kpow, mí Mɛlɛka pila kinda dioo Noe kɔɔli.
17Mí mɛnndan ma lo hunɔɔ háá palɛi belehiɔɔlu o lɛŋnden coo. Mí má hun taw-taw, mí ma cua dɛ̀ndɔ̀ɔ́, mó hel lecoo. 18Mɛɛ mɛnndan ma va hunɔɔ a piɔu o lɛŋnden coo yɛ, lende koni dɛ̀ndɔ̀ɔ́ va cɔnɔnndo lecoo ni. 19Mɛnndan ma lo hunɔɔ háá, mí pembun bɛndun co o lɛŋnden coo-on kpow n mɔɔva lenin. 20Mɛɛ pembun mun mɔɔva, mí mɛnndan ma hel vɛlɛ lecoo le dunndo tɔ́ a leŋuɛɛnu. 21Mí ɲaa yoomaa o lɛŋnden coo kpow a vu: kandɔɔ a yowva, cɔlua, visia yondoa, visia pɔmbɔa kela lɛŋ-nda, kɔ bii a vanndacieea. 22Mí ɲaa yoomaa hoeiye va fulaa o milin-nda kpede, a va o lɛŋnden coo-a, a cuu vu. 23Nuaa Hala cii ɲaa yoomaa va o lɛŋnden coo-a ni, kandɔɔ a vanndacieea, visia, visia pɔmbɔa kela lɛŋ-nda, kɔ bii a yowva, mí ɲɛ-ɲɛ basun o ceendo coo selemenden. Fɔ Noe a ɲɛ-ɲɛ va ndu ikɛi o dɛ̀ndɔ̀ɔ́ nin a lo yoomu ni.
24Mí mɛnndan ma lo mahunaa lende o lɛŋnden coo háá palɛi kɛmɛ a beleŋuɛɛnu.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Alliance Biblique en Guinée