Matayu 9
9
Ŋei Wawainane Gipole Kepeo Zonom Gorop
1Yesu eŋe seki koto waki paki, zinge koso doku namuŋ yuwane more eŋine matino sarike. 2Pakiso ŋei natne eŋe ŋei mane kiye metine bori worine eya eŋano ma sarikoi, eŋe supi kutno pake. Yesu eŋe mali malipene zok pake, eya detki paki, ŋei kiye metine seuseune eŋe olale rake. “Medepne geŋane sotŋone mo oma-ganmaile, togolenom.”
3Paki ra rokop don kito ebo ebon ŋei natne eŋe edomka auye rakoi, “Ŋei iwa onoka wane eŋe Kaisale ewe mabaik okan kamaike?”
4Yesu eŋe eya wetkekoi, eya wane wetenane kine detongi paki rake, “Ŋine wetŋineŋo onoka wane borikine wetkemami? 5Diyawaŋo ewekine raikene, ‘Geŋane sotŋone mo matalimaile’, me raikene, ‘Wiyenom paki, arinom?’ 6Eya wane na baŋ ra qelaŋan-ŋunbe ŋine detpi, Ŋei Wawainane Gipole eŋe kepeo ŋei sotene mataliki siukeyakane zonom pa manmaike. Eso yale edane, so ŋei metine seuseune eŋe olale rake. Ge kaŋzaŋ wiyenom, lameke papaŋone manom paki, matko arinom!”
7Ŋei eŋe kaŋzaŋ wiye, so matko arike. 8Ŋei eŋe eya kau paki kaetonge, paki Kaisale eŋe zonom iwa yaline ŋei ebongane mawakakoi.
Yesuŋo Matayo Orake
9Yesu eŋe mat yewa qelige arike, eso eŋe ariki paki, ŋei mane takis mama eŋe kake, eŋetine Matayo, eŋe takis mama urumine koto metke. Yesuŋo olale rake, “Ŋadeno modatnane sarinom, Rakiso Matayoŋo kaŋzaŋ wiye ŋadino arike.”
10Yesu eŋe eŋane matko ŋara ne metki, eyaka takis mama ŋei so borikine mama ŋei loutneŋo sari, eŋe so dokoine eŋano takotke more, eŋerop ŋara zakeo weneŋ metkoi. 11Parisi natneŋo eya kau paki, dokoine edane rakoi, “Ŋinane kito ŋibo ŋibon eŋe onoka wane takis mama so borikine mama eŋerop mere ŋara nemaike?”
12Yale rau, Yesuŋo detongi paki edange, “Ŋei ŋerep solaene maine, edo dokta wano mi ari okanmami, eŋe zoma kubet korop edoka weku ari okanmami. 13Ŋine ariu paki, Kaisale wane ekapŋo don iwa daleo wane ramaike, eya wane dapotpi paki, kine maine detlukkei, ‘Kaisaleŋo ramaike, na osomŋo soe soep yauwine rokouneka mire nin okanmami, eya wane na zok mi simin nan okanmaike, wet borik so mauluk mauluk wane simin nan okanmaike.’ ” Raki paki koso rake, “Na ramaile, na ŋei bile so maine ewenerop weteene detokanmami, na eŋe edora newan ongalane mida, borikine mama, borikinene ŋadekkau, na eŋe edora newan-ongalane ketkole.”
Yohane Doku Tau Tau Wane Dokoine Sawe Gege Wane Yesu Qesonkakoi
14Naso yewao Yohane doku tau tau wane dokoine eŋe Yesu wano sari qesonka rakoi. “Onoka wane ŋene so Parisi ŋedoka sawe gemaine, ŋo geŋane dokoŋone eŋe mane kaki sawe mi ge okanmami?”
15Yale rau Yesuŋo edane rake, “Ŋei mane eŋe zokit mayakane raki ŋei lobokoune sari lotkeu eŋerop weneŋ mere wiye okane, kimakoune eŋe maine ŋara wane sawe gekei? Eya midakaka. Eŋe baŋ zokit ma more kimakoune eŋe kimaene eya birakau lobokoune edo iwenka ariu eŋe eŋane ra more ŋara sawe maine gekei. Yemo eŋe qaluwit gegeine mo qelige ŋerep maki qaluwit gegeine siukmaikane eŋe qom borik okane maine sawe ge arikei.”
16Yale raki paki so koso don rokop mane rake, “Ŋei maneŋo lap lap tutu museleŋo takot suwaine sogine bara warakine eyao maine mi maturage qetusiyake, onoka wane tutu musele eyaŋo abongi, takot suwaine sogine eya barakki, aŋaine koso manerop suwayake. 17Me don mane wele wekuku, ŋei maneŋo wain doku musele eya qeki, wain solaine nomare soginane eyao maine mi weteyake. Ŋo eŋe qeki wetemaikeo, yemo wain solaine baraki, pakimo wain musele eya qake saketki nomare soginane solaine eya boriyake. Eya wane tungo, yemo wain musele eya wain solaine nomare musele eyao qeki weteyake, pakimo eretnarek maineka pakeik.”
Yesuŋo Ware Ware Mane Wane Borasine Ma Wisikaekaki Paki Ŋerep Mane Ma Menaŋkake
18Yesu eŋe don iwa edane okoraki, Yuda ŋei eŋane ware ware maneŋo eŋano sariki paki, wawetine qeki paki olale rake. Naŋane borasone mo seukmaike, ŋo siluŋ sarinom paki, meteŋone kutno motnom eŋe baŋ wisikae geyake.
19Eso Yesu eŋe wiye more ŋadino mogare ariki, dokoine eŋe weneŋ arikoi.
20Ŋo ŋerep mane eŋe ŋerep zoma qotkoine naso kiroroine zok geki, koma 12 okange, oŋo Yesu wane ŋadino sariki paki, takotinane mezeno eya make. 21Paki eŋe oŋomka wetke rake. “Na weku takotine uwakakaleo, yemo na baŋ menaŋgale.”
22Yesuŋo zinge more, eŋe kaki paki rake. “Borasone, mi kaet gangep! Geŋone mali malipŋoneŋo geuki menaŋmaine.” Rakiso yewaoka ŋerep eya solaine menaŋkake.
23Eso Yesu eŋe ware ware wane mat koto ari wake, paki onge seuseu wane mulup puwa puwan ŋei eŋe puwangoi, ŋo ŋei ŋerep natne korop eŋe aro suwaine arokkoi. 24Yesuŋo edane rake, “Ŋine korop ket wareu! ŋerep ŋerep eŋe mi seukmaike, eŋe yemo kulu pamaike! Eŋe korop kiyeke tenikkakoi, eya yemo eŋe naso yewao ŋei mane seuseuwo ŋine mane mi wiyeki kakoi.” Eya wane eŋe Yesu wane don eya eŋe detpi wele mi okangi, eŋe baŋ wiyeyake, eya mi detkoi. 25Ŋo baŋ ŋei ŋerep korop ebuwi ket wareu, Yesu eŋe eyaka ŋerep wane urum koto wake, pakiso metino malipka okoraki, so eŋe kaŋzage wiyeke. 26Pakiso eya wane don kisiŋo kepe yewao korop suwa arike.
Yesuŋo Ŋei De Pilik Etke Ma Menaŋotke
27Yesu eŋe mat eya qelige ariki, yewaka ŋei de pilik etke ere ŋadino kiyeke mogare arikoik. Paki suwaineka boka rakoik. “Ge Dawit wane qerakine, Kaisaleŋo biragangi ŋenano ketkone, ŋerane wetŋone borikep!”
28Yesu mat koto waki, eyaka ŋei de pilik etke ere eŋano sarikoik. Pakiso eŋe qeson ore rake. “Na iwa maine makale, eya ŋire malip nanmamik?” Ere mainge rakoik. “O, Suwaine malip-ganmaite!”
29Pakiso Yesu eŋe deetno ma so rake, “Ŋire detluke malip-nanimik, eya wane rokopko maine wakon-ŋusiyake!” 30Rakiso, de etne koso manerop pot lotkekoik, pakiso Yesuŋo don togoleka etane rake, “Iwa wane don kisi ŋei mane misuk edangeik!”
31Ŋo ere don eya detpik paki, soringe ari Yesu wane donkisi ra suwa ariuk, eŋane don kisiŋo kepe eya korop rokopke arike.
Yesuŋo Ŋei Ket Won Done Mi Raraine Mane Ma Menaŋ Kake
32Ŋei yewa ere ariuk, so ŋei natne eŋe ŋei mane qelaŋ don mi raraine, eya Yesu wano ma sarikoi, onoka wane eŋe asu qotkoineŋo kotino ket geke, eya wane ma sarikoi. 33Wane asu qotkoine eya esopkaki saketki, so eyaka ŋei yewa eŋe done kiyeke raki maine detkoi. Pakiso ŋei ŋerep magu suwaine eŋe kau paki, oŋaene qaeki welelepke rakoi. “Masi iwa yaline Israel ŋenano mane mi wakongi ka okangone?” 34Ŋo Parisi eŋe yemo rakoi, “Iwa yemo asu qotkoine eŋane suwaineene oŋo zonom mangi esopongi saket arimami.”
Yesuŋo Ŋei Ŋerep Ongi Paki Wetine Borike
35Eso Yesu eŋe mat suwaine so nigatne korop lolike qeyare one arike. Eŋe Yuda lewa lewaŋ urum baŋem wa more don kito edange, yemo Waom wane qeli gege togon don kisi maine yewa ra qelaŋane edange, so ŋei ŋerep eŋane keuweno zoma kine kine enerop ebuki menaŋ warekoi. 36Eŋe ŋei ŋerep magu suwaine ongi paki, eŋane wet borikŋo qomine watkeke, onoka wane eŋe wetene yau yaup motpi paki, kito qesiŋene midaine, lama ware wareene midaine yale gekoi, eya wane 37Eso eya wane eŋe dokoine edane rake. “Eya kau, eu suwaine mane yewao, ŋara mo menage pamaike, ŋo ŋara ma more urum koto mot mot wane urata ŋeine yemo ewekine okanmaike. 38Eya wane ŋine ŋara eu eya wane welaine meŋenkau, eŋe urata ŋei natne biraongi, euino ŋine ŋara ma urum koto mosikei wane arikei.”
Избрани в момента:
Matayu 9: onsNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2012, Wycliffe Bible Translators, Inc. All rights reserved.
Matayu 9
9
Ŋei Wawainane Gipole Kepeo Zonom Gorop
1Yesu eŋe seki koto waki paki, zinge koso doku namuŋ yuwane more eŋine matino sarike. 2Pakiso ŋei natne eŋe ŋei mane kiye metine bori worine eya eŋano ma sarikoi, eŋe supi kutno pake. Yesu eŋe mali malipene zok pake, eya detki paki, ŋei kiye metine seuseune eŋe olale rake. “Medepne geŋane sotŋone mo oma-ganmaile, togolenom.”
3Paki ra rokop don kito ebo ebon ŋei natne eŋe edomka auye rakoi, “Ŋei iwa onoka wane eŋe Kaisale ewe mabaik okan kamaike?”
4Yesu eŋe eya wetkekoi, eya wane wetenane kine detongi paki rake, “Ŋine wetŋineŋo onoka wane borikine wetkemami? 5Diyawaŋo ewekine raikene, ‘Geŋane sotŋone mo matalimaile’, me raikene, ‘Wiyenom paki, arinom?’ 6Eya wane na baŋ ra qelaŋan-ŋunbe ŋine detpi, Ŋei Wawainane Gipole eŋe kepeo ŋei sotene mataliki siukeyakane zonom pa manmaike. Eso yale edane, so ŋei metine seuseune eŋe olale rake. Ge kaŋzaŋ wiyenom, lameke papaŋone manom paki, matko arinom!”
7Ŋei eŋe kaŋzaŋ wiye, so matko arike. 8Ŋei eŋe eya kau paki kaetonge, paki Kaisale eŋe zonom iwa yaline ŋei ebongane mawakakoi.
Yesuŋo Matayo Orake
9Yesu eŋe mat yewa qelige arike, eso eŋe ariki paki, ŋei mane takis mama eŋe kake, eŋetine Matayo, eŋe takis mama urumine koto metke. Yesuŋo olale rake, “Ŋadeno modatnane sarinom, Rakiso Matayoŋo kaŋzaŋ wiye ŋadino arike.”
10Yesu eŋe eŋane matko ŋara ne metki, eyaka takis mama ŋei so borikine mama ŋei loutneŋo sari, eŋe so dokoine eŋano takotke more, eŋerop ŋara zakeo weneŋ metkoi. 11Parisi natneŋo eya kau paki, dokoine edane rakoi, “Ŋinane kito ŋibo ŋibon eŋe onoka wane takis mama so borikine mama eŋerop mere ŋara nemaike?”
12Yale rau, Yesuŋo detongi paki edange, “Ŋei ŋerep solaene maine, edo dokta wano mi ari okanmami, eŋe zoma kubet korop edoka weku ari okanmami. 13Ŋine ariu paki, Kaisale wane ekapŋo don iwa daleo wane ramaike, eya wane dapotpi paki, kine maine detlukkei, ‘Kaisaleŋo ramaike, na osomŋo soe soep yauwine rokouneka mire nin okanmami, eya wane na zok mi simin nan okanmaike, wet borik so mauluk mauluk wane simin nan okanmaike.’ ” Raki paki koso rake, “Na ramaile, na ŋei bile so maine ewenerop weteene detokanmami, na eŋe edora newan ongalane mida, borikine mama, borikinene ŋadekkau, na eŋe edora newan-ongalane ketkole.”
Yohane Doku Tau Tau Wane Dokoine Sawe Gege Wane Yesu Qesonkakoi
14Naso yewao Yohane doku tau tau wane dokoine eŋe Yesu wano sari qesonka rakoi. “Onoka wane ŋene so Parisi ŋedoka sawe gemaine, ŋo geŋane dokoŋone eŋe mane kaki sawe mi ge okanmami?”
15Yale rau Yesuŋo edane rake, “Ŋei mane eŋe zokit mayakane raki ŋei lobokoune sari lotkeu eŋerop weneŋ mere wiye okane, kimakoune eŋe maine ŋara wane sawe gekei? Eya midakaka. Eŋe baŋ zokit ma more kimakoune eŋe kimaene eya birakau lobokoune edo iwenka ariu eŋe eŋane ra more ŋara sawe maine gekei. Yemo eŋe qaluwit gegeine mo qelige ŋerep maki qaluwit gegeine siukmaikane eŋe qom borik okane maine sawe ge arikei.”
16Yale raki paki so koso don rokop mane rake, “Ŋei maneŋo lap lap tutu museleŋo takot suwaine sogine bara warakine eyao maine mi maturage qetusiyake, onoka wane tutu musele eyaŋo abongi, takot suwaine sogine eya barakki, aŋaine koso manerop suwayake. 17Me don mane wele wekuku, ŋei maneŋo wain doku musele eya qeki, wain solaine nomare soginane eyao maine mi weteyake. Ŋo eŋe qeki wetemaikeo, yemo wain solaine baraki, pakimo wain musele eya qake saketki nomare soginane solaine eya boriyake. Eya wane tungo, yemo wain musele eya wain solaine nomare musele eyao qeki weteyake, pakimo eretnarek maineka pakeik.”
Yesuŋo Ware Ware Mane Wane Borasine Ma Wisikaekaki Paki Ŋerep Mane Ma Menaŋkake
18Yesu eŋe don iwa edane okoraki, Yuda ŋei eŋane ware ware maneŋo eŋano sariki paki, wawetine qeki paki olale rake. Naŋane borasone mo seukmaike, ŋo siluŋ sarinom paki, meteŋone kutno motnom eŋe baŋ wisikae geyake.
19Eso Yesu eŋe wiye more ŋadino mogare ariki, dokoine eŋe weneŋ arikoi.
20Ŋo ŋerep mane eŋe ŋerep zoma qotkoine naso kiroroine zok geki, koma 12 okange, oŋo Yesu wane ŋadino sariki paki, takotinane mezeno eya make. 21Paki eŋe oŋomka wetke rake. “Na weku takotine uwakakaleo, yemo na baŋ menaŋgale.”
22Yesuŋo zinge more, eŋe kaki paki rake. “Borasone, mi kaet gangep! Geŋone mali malipŋoneŋo geuki menaŋmaine.” Rakiso yewaoka ŋerep eya solaine menaŋkake.
23Eso Yesu eŋe ware ware wane mat koto ari wake, paki onge seuseu wane mulup puwa puwan ŋei eŋe puwangoi, ŋo ŋei ŋerep natne korop eŋe aro suwaine arokkoi. 24Yesuŋo edane rake, “Ŋine korop ket wareu! ŋerep ŋerep eŋe mi seukmaike, eŋe yemo kulu pamaike! Eŋe korop kiyeke tenikkakoi, eya yemo eŋe naso yewao ŋei mane seuseuwo ŋine mane mi wiyeki kakoi.” Eya wane eŋe Yesu wane don eya eŋe detpi wele mi okangi, eŋe baŋ wiyeyake, eya mi detkoi. 25Ŋo baŋ ŋei ŋerep korop ebuwi ket wareu, Yesu eŋe eyaka ŋerep wane urum koto wake, pakiso metino malipka okoraki, so eŋe kaŋzage wiyeke. 26Pakiso eya wane don kisiŋo kepe yewao korop suwa arike.
Yesuŋo Ŋei De Pilik Etke Ma Menaŋotke
27Yesu eŋe mat eya qelige ariki, yewaka ŋei de pilik etke ere ŋadino kiyeke mogare arikoik. Paki suwaineka boka rakoik. “Ge Dawit wane qerakine, Kaisaleŋo biragangi ŋenano ketkone, ŋerane wetŋone borikep!”
28Yesu mat koto waki, eyaka ŋei de pilik etke ere eŋano sarikoik. Pakiso eŋe qeson ore rake. “Na iwa maine makale, eya ŋire malip nanmamik?” Ere mainge rakoik. “O, Suwaine malip-ganmaite!”
29Pakiso Yesu eŋe deetno ma so rake, “Ŋire detluke malip-nanimik, eya wane rokopko maine wakon-ŋusiyake!” 30Rakiso, de etne koso manerop pot lotkekoik, pakiso Yesuŋo don togoleka etane rake, “Iwa wane don kisi ŋei mane misuk edangeik!”
31Ŋo ere don eya detpik paki, soringe ari Yesu wane donkisi ra suwa ariuk, eŋane don kisiŋo kepe eya korop rokopke arike.
Yesuŋo Ŋei Ket Won Done Mi Raraine Mane Ma Menaŋ Kake
32Ŋei yewa ere ariuk, so ŋei natne eŋe ŋei mane qelaŋ don mi raraine, eya Yesu wano ma sarikoi, onoka wane eŋe asu qotkoineŋo kotino ket geke, eya wane ma sarikoi. 33Wane asu qotkoine eya esopkaki saketki, so eyaka ŋei yewa eŋe done kiyeke raki maine detkoi. Pakiso ŋei ŋerep magu suwaine eŋe kau paki, oŋaene qaeki welelepke rakoi. “Masi iwa yaline Israel ŋenano mane mi wakongi ka okangone?” 34Ŋo Parisi eŋe yemo rakoi, “Iwa yemo asu qotkoine eŋane suwaineene oŋo zonom mangi esopongi saket arimami.”
Yesuŋo Ŋei Ŋerep Ongi Paki Wetine Borike
35Eso Yesu eŋe mat suwaine so nigatne korop lolike qeyare one arike. Eŋe Yuda lewa lewaŋ urum baŋem wa more don kito edange, yemo Waom wane qeli gege togon don kisi maine yewa ra qelaŋane edange, so ŋei ŋerep eŋane keuweno zoma kine kine enerop ebuki menaŋ warekoi. 36Eŋe ŋei ŋerep magu suwaine ongi paki, eŋane wet borikŋo qomine watkeke, onoka wane eŋe wetene yau yaup motpi paki, kito qesiŋene midaine, lama ware wareene midaine yale gekoi, eya wane 37Eso eya wane eŋe dokoine edane rake. “Eya kau, eu suwaine mane yewao, ŋara mo menage pamaike, ŋo ŋara ma more urum koto mot mot wane urata ŋeine yemo ewekine okanmaike. 38Eya wane ŋine ŋara eu eya wane welaine meŋenkau, eŋe urata ŋei natne biraongi, euino ŋine ŋara ma urum koto mosikei wane arikei.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2012, Wycliffe Bible Translators, Inc. All rights reserved.