Keriben 12
12
XII
O Dešudujto Šero
1Ak‐akanak andr’akada d’ives o Herodos, o Najbāroder, thod’as avri peskre vasta te kerel tēle varehavonen a Kangeratar.
2He našad’as e Jakubos, e Janoskre phrales, e xārreha.
3He kana dikl’as, kaj pes o bibolde odolestar hašārenas, ǧanas dureder; l’il’as mek e Petros. Akanate ehas o d’ivesa »Bi šutlo mārro«.
4Kana les l’il’as, thod’as les andro stariben, he diñas les dešušove lurdende kaj te les ikeren, pēl’as pre gōd’i kaj te les liǧan avri ko manuša pal e Bāri Rat.
5O Petros odoleske ehas ikerdo andro stariben; i Kangeri sako d’ives vaš leste mangelas pes ke mro Devel.
6Kana o Herodos kamelas les te liǧal avri, oda rat o Petros ehas sūto maškar o duj lurde, phandlo duje sastrentsa, he o vudārengre ikerenas o vudār.
7He dikh! o devleskro bičhado avl’as ke leste, he ehas pārno har o kham andro stariben. He mārd’as e Petros pro pašvare, hazdiñas les upre, he phend’as, Ušt’i sik! He o sastra pēle leskre vastendar.
8He o devleskro bičhado phend’as leske, Phand tut! he phand tre tsiraxa! H’auka kerd’as, he phend’as leske, Uri tut! he jav pal ma!
9Gēl’as avri, ǧalas pal leste, he na ǧānelas, kaj odova ehi čāčo so kerelas o bičhado; perelas pre gōd’i, kaj dikhel sūno.
10Kana ehas pal o anglūno he pal o palūno lurdo, pēle ko sastrūno vudār havo liǧalas andro foros. O vudār phrād’ilas pes lenge korkoro; gēle avri, ǧanas pal jek drom, he najekvar o devleskro bičhado našl’il’as.
11Kana o Petros avl’as ke peste, phend’as, Ak‐akana ǧānav čāčes, kaj o Raj bičhad’as peskre bičhadones, he l’il’as man e Herodeskre vastestar, he andral savoro so kamenas o bibolde.
12He kana pes kerelas pre gōd’i pal adava, pēl’as andro kher e Mariakro, e Janoskri daj, (leskro dadeskro nav ehas Markos), kaj pēle ke peste jekhethāne but ǧene. Mangenas pes.
13Har o Petros mārelas pro vudār, jek čhaj, so bučolas Roda, avl’as te šunel.
14He har prinǧārd’as e Petroski vika, na phrād’as o vudār a baxt’aha, uva prastalas andre, he vakerelas, kaj o Petros ehi angal o vudār.
15Jon phende lake, Tu sal diliñi. Inke vakerelas, kaj odova ehi jov. Pales phende jon, Odova ehi leskro bičhado.
16Uva o Petros inke mārelas, he kana jon phrāde o vudār, dikle les, he phrāde peskre jakha.
17Kerelas pe lende e vasteha kaj te na vakeren; phenelas lenge har o Raj l’il’as les avri andral o stariben. He phend’as, G’an, sikaven adava e Jakuboske h’e phralenge. Gēl’as avri, he gēl’as andr’aver phuv.
18Har ehas o d’ives ehas bāre viki maškar o lurde, So pēl’as e Petroha?
19He kana o Herodos rodelas, he na rakl’as les, phučelas e lurdendar he vičind’as kaj te len mudāren. Jov gēl’as andral i Judea andri Kezaria he ačl’as odoj.
20O Herodos pes but xol’ārelas e Tirskone h’e Sidonskone manušentsa, uva avle jekhethāne ke leste he kana kerde o pharpalipen e Blastoha, have ehas e Najbāredereskro telūno, jon phende kaj kamen phraleskro kamiben, odoleske kaj lengri phuv ehas ǧidi kathar e Najbāredereskri phuv.
21Varehavo d’ives, o Herodos, urdo andro rajeskro uriben, bešt’as pre peskro bešipen, he vakerelas lentsa.
22O manuša denas viki, phenenas, Odova ehi e Devleskri vika, he na manušeskri.
23Najekvar o Rajeskro bičhado mārd’as les, odoleske kaj na diñas o bāripen mre Devleske. Mūl’as, he o krrme les xanas.
24Uva o Devleskro Lav bāril’as he butvāril’as pes.
25O Barnabāšis h’o Savlos avle pāle andral i Jeruzalema, kana kerde mre Devleskri būt’i, he l’ile peha e Janos, so leskro dad bučolas Markos.
Избрани в момента:
Keriben 12: MOR1936
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
First published by the British and Foreign Bible Society in 1936.
Keriben 12
12
XII
O Dešudujto Šero
1Ak‐akanak andr’akada d’ives o Herodos, o Najbāroder, thod’as avri peskre vasta te kerel tēle varehavonen a Kangeratar.
2He našad’as e Jakubos, e Janoskre phrales, e xārreha.
3He kana dikl’as, kaj pes o bibolde odolestar hašārenas, ǧanas dureder; l’il’as mek e Petros. Akanate ehas o d’ivesa »Bi šutlo mārro«.
4Kana les l’il’as, thod’as les andro stariben, he diñas les dešušove lurdende kaj te les ikeren, pēl’as pre gōd’i kaj te les liǧan avri ko manuša pal e Bāri Rat.
5O Petros odoleske ehas ikerdo andro stariben; i Kangeri sako d’ives vaš leste mangelas pes ke mro Devel.
6Kana o Herodos kamelas les te liǧal avri, oda rat o Petros ehas sūto maškar o duj lurde, phandlo duje sastrentsa, he o vudārengre ikerenas o vudār.
7He dikh! o devleskro bičhado avl’as ke leste, he ehas pārno har o kham andro stariben. He mārd’as e Petros pro pašvare, hazdiñas les upre, he phend’as, Ušt’i sik! He o sastra pēle leskre vastendar.
8He o devleskro bičhado phend’as leske, Phand tut! he phand tre tsiraxa! H’auka kerd’as, he phend’as leske, Uri tut! he jav pal ma!
9Gēl’as avri, ǧalas pal leste, he na ǧānelas, kaj odova ehi čāčo so kerelas o bičhado; perelas pre gōd’i, kaj dikhel sūno.
10Kana ehas pal o anglūno he pal o palūno lurdo, pēle ko sastrūno vudār havo liǧalas andro foros. O vudār phrād’ilas pes lenge korkoro; gēle avri, ǧanas pal jek drom, he najekvar o devleskro bičhado našl’il’as.
11Kana o Petros avl’as ke peste, phend’as, Ak‐akana ǧānav čāčes, kaj o Raj bičhad’as peskre bičhadones, he l’il’as man e Herodeskre vastestar, he andral savoro so kamenas o bibolde.
12He kana pes kerelas pre gōd’i pal adava, pēl’as andro kher e Mariakro, e Janoskri daj, (leskro dadeskro nav ehas Markos), kaj pēle ke peste jekhethāne but ǧene. Mangenas pes.
13Har o Petros mārelas pro vudār, jek čhaj, so bučolas Roda, avl’as te šunel.
14He har prinǧārd’as e Petroski vika, na phrād’as o vudār a baxt’aha, uva prastalas andre, he vakerelas, kaj o Petros ehi angal o vudār.
15Jon phende lake, Tu sal diliñi. Inke vakerelas, kaj odova ehi jov. Pales phende jon, Odova ehi leskro bičhado.
16Uva o Petros inke mārelas, he kana jon phrāde o vudār, dikle les, he phrāde peskre jakha.
17Kerelas pe lende e vasteha kaj te na vakeren; phenelas lenge har o Raj l’il’as les avri andral o stariben. He phend’as, G’an, sikaven adava e Jakuboske h’e phralenge. Gēl’as avri, he gēl’as andr’aver phuv.
18Har ehas o d’ives ehas bāre viki maškar o lurde, So pēl’as e Petroha?
19He kana o Herodos rodelas, he na rakl’as les, phučelas e lurdendar he vičind’as kaj te len mudāren. Jov gēl’as andral i Judea andri Kezaria he ačl’as odoj.
20O Herodos pes but xol’ārelas e Tirskone h’e Sidonskone manušentsa, uva avle jekhethāne ke leste he kana kerde o pharpalipen e Blastoha, have ehas e Najbāredereskro telūno, jon phende kaj kamen phraleskro kamiben, odoleske kaj lengri phuv ehas ǧidi kathar e Najbāredereskri phuv.
21Varehavo d’ives, o Herodos, urdo andro rajeskro uriben, bešt’as pre peskro bešipen, he vakerelas lentsa.
22O manuša denas viki, phenenas, Odova ehi e Devleskri vika, he na manušeskri.
23Najekvar o Rajeskro bičhado mārd’as les, odoleske kaj na diñas o bāripen mre Devleske. Mūl’as, he o krrme les xanas.
24Uva o Devleskro Lav bāril’as he butvāril’as pes.
25O Barnabāšis h’o Savlos avle pāle andral i Jeruzalema, kana kerde mre Devleskri būt’i, he l’ile peha e Janos, so leskro dad bučolas Markos.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
First published by the British and Foreign Bible Society in 1936.