San Lucas 1
1
Xrangíxin xroon jiꞌi
1Kueya na̱ tjaun na̱ ndako xrokjin na̱ kain ngeꞌe nduaxin konꞌen nchakon bakeꞌe ndo Jesús ngajinna 2xranchi juinchekuai̱na sen, sen xrangíxixión bikonxin ikon sen kain ngeꞌe juincheꞌe ndo Jesús ko kuaxi sen chronga sen ti nichja ndo. 3Janꞌan kaxon juanchangi jian kain ngeꞌe tsikonꞌen xrangíxixión bakeꞌe ndo Jesús. Ko jai xrokjinꞌannta, Teófilo, kain ngeꞌe xranchi tsikonꞌen naa ko naa, 4ixi tsichuxinnta jian kain ngeꞌe tsijinchekuanꞌannta sen.
Naa ndo ángel kui̱i̱ ndo chronga ndo ixi tsjongíꞌe ndo Juan Bautista
5Nchakon bakeꞌe xi Herodes baketuenꞌen xa nunte Judea, ntiꞌa bakeꞌe naa ndotaana bakinꞌin Zacarías, kuachrjenixin ndo xitaana bakinꞌin Abías. Ko janchriꞌe ndo Zacarías bakinꞌin jan Elisabet, ndotáchriꞌe jan kaxon xranchrjen ndotaana Aarón. 6Yui sen jian kuancheꞌe sen xranchi tjaun ndo Dio ko bakitikaon sen kain ti ngeꞌe kuetuanꞌan ndo. Méxin, xroꞌan ngisen chao xrondachro ixi jeꞌe sen chónda sen ijie̱. 7Ko xroꞌan chjan kuachónda sen ixi jan Elisabet kuituenꞌa jan xrochónda jan chjan, ko jeꞌe sen ó tachríi sen.
8Ko tjumeꞌe naa nchakon ndo Zacarías ko xitaana, sen ncheꞌe ixra̱ xranchi jeꞌe ndo, kuetuenꞌen sen tsajon sen juasie sen ngajin ndo Dio. 9Xranchi kuancheꞌe xitaana nchakon meꞌe, ndo Zacarías kuayéꞌe ndo ixra̱ tixinꞌin ndo ngaxinꞌin nchia tjúá ndoꞌa ndo Dio ixi tsjaaka ndo tsjoxraxé. 10Nchakon juaaka ndo tsjoxraxé ngaxinꞌin ndoꞌa ndo Dio, kain ni ste nduja nichjeꞌe na̱ ndo Dio. 11Ko tuinxin ndo Zacarías bikon ndo naa ndo ángel xruanꞌan ndo Dio ko siin ndo ángel nangoxin jian tjenka altar ti iche tsjoxraxé. 12Hora bikon ndo Zacarías ndo ángel meꞌe, jeꞌe ndo chrinkaxrakon ndo. 13Ko ndo ángel nichja ndo ko ndachro ndo:
―Zacarías xrakonꞌa, ixi ndo Dio kuinꞌen ndo ngeꞌe juanchia, méxin, janchriꞌa Elisabet sinchejongíꞌe jan naa xjan xi ko jaꞌa sinchekiꞌian xjan Juan. 14Ko jaꞌa xrochónda juaxruxin ko kueya na̱ xrochéꞌe na̱ ixi tsjongíꞌe xjan meꞌe. 15Ko chjanꞌan ijié tsakeꞌe xjan ngajinxin ndo Dio. Ko xroꞌan vino ko ninaa xran tsiꞌa xjan, ko tsango xrochónda xjan Espíritue ndo Dio ti xrajiyá xjan ngaya tse̱ꞌe̱ janée xjan. 16Ko jeꞌe xjan sinchekuenꞌen xjan ni tjajna Israel, ko kueya na̱ xrokjan na̱ tsitikaon na̱ ndo Dio. 17Jeꞌe ndo Juan tsitaon ndo tsjendueꞌe ndo chaꞌo tsi̱ꞌxi̱n Ncháina, ko xrochónda ndo xrajeꞌo juachaxin xranchi kuachónda ndo profeta Elías, ko xronichjeꞌe ndo aséen ndotée ichjan tsoñaoꞌa na̱ ngajin chjenꞌen na̱, ko kain ni titikaonꞌa ndo Dio tsonoꞌe na̱ xranchi tsitikaon na̱ ndo ko jian sincheꞌe na̱ ixi tsi̱i̱ Ncháina Cristo.
18Ko jeꞌe ndo Zacarías juanchangiꞌe ndo ndo ángel ko ndachro ndo:
―¿Xranchi tsonóna ixi tsonꞌen ti ndachronta? Ixi janꞌan ó tsango tachríina ko kaxon janchriꞌna ó nachríi jan.
19Ko jeꞌe ndo ángel juatingíexin ndo:
―Janꞌan Gabrielna, ko ntaꞌa kain ngeꞌe tetuanꞌan ndo Dio. Ko kuetuanna ndo tsjiꞌi ko xrontatjua ngeꞌe jian tsonꞌen. 20Ko ixi kuitikaonꞌa ti ndachrja̱n, méxin, tsonosian ko juaꞌi xronichja xroxetjaja nchakon tsonꞌen meꞌe.
21Ko kain ni stechónꞌen nduja ndoꞌa ndo Dio ixi tsachrje ndo Zacarías, stexraxaon na̱ sonda jitonchrjenꞌen ndo ngaxinꞌin ndoꞌa ndo Dio. 22Ko hora kuachrje ndo, í juaꞌi nichja ndo. Ko xraxaon na̱ ixi xrojan ngeꞌe bikon ndo Zacarías ngaxinꞌin ndoꞌa ndo Dio. Ko jeꞌe ndo ixi jeꞌo itja ndo tjakoxin ndo ngeꞌe tjaun ndo ixi nosin ndo.
23Ko juexin xetja nchakon juincheꞌe ndo Zacarías ixra̱ ngaxinꞌin ndoꞌa ndo Dio, sakjui ndo ndoꞌe ndo. 24Ko tjumeꞌe jan Elisabet, janchriꞌe ndo Zacarías, yaa jan chjan. Ko íkuachrjexinꞌa jan ndoꞌe jan naꞌó nchanitjao, ko jixraxaon jan: 25“Jaña ndo Dio kuajon ndo juachaxin ixi xrochónda chjan ko ítsjanoaꞌina na̱ jai.”
Ndo ángel chronga ndo ixi tsjongíꞌe xjan Jesús
26Kuatsinga ikjaon nchanitjao ko ndo Dio xruanꞌan ndo ndo ángel Gabriel itsji ndo naa tjajnée tjajna Galilea ndatinꞌin Nazaret 27#Mt. 1:18.*ixi ntiꞌa xronichjeꞌe ndo naa nchrichajan ndatinꞌin María ko jeꞌe nchrichan xrachuxinꞌa nchrichan ninaa xi. Jeꞌe nchrichan tsijateꞌe nchrichan tsuteꞌe nchrichan naa xi ndatinꞌin José, kuachrjenixin xa ndo rey David.
28Ko ndo ángel meꞌe kuixinꞌin ndo ndoꞌa jan María, ko ndachro ndo:
―¡Janꞌan juiꞌi tjáꞌanta juajna ixi ndo Dio ícha tjuaꞌanta ndo ko Ncháina Dio jii ngajinnta, ícha juintanchaonnta ndo ixi ikaxin nchri!
29Ko xronka jeꞌe nchrichajan ko íkuienxinꞌa nchrichan ngeꞌe juajna kuajon ndo ángel. 30Ko jeꞌe ndo ángel ndachro ndo:
―María, xrakonꞌanta, ixi ndo Dio ícha tjuaꞌanta ndo. 31#Mt. 1:21.*Ko jai tseyá naa chjan ngaya tseenta ko sinchejongíꞌenta naa xjan xi ko sinchekinꞌinnta xjan Jesús. 32Ko jeꞌe xjan tsango tsetuanꞌan xjan, ko tsinꞌin xjan chjenꞌen ndo Dio jii ngajní. Ko jeꞌe Ncháina ndo Dio xrochjée xjan juachaxin tsetuanꞌan xjan xranchi baketuanꞌan ndotáchriꞌe xjan xranchrjen, ndo David. 33Ko jeꞌe xjan tsetuanꞌan xjan tjajna Israel kain nchakon ko ti tsetuanꞌan xjan ítsjexinꞌa.
34Ko jan María juanchangiꞌe jan ndo ángel, ndachro jan:
―¿Xranchi tsonꞌen jiꞌi, ixi janꞌan rikianꞌi xi?
35Ko juatingíexin ndo ángel, ndachro ndo:
―Espíritue ndo Dio tsi̱i̱ ngajinnta ko juachaxien ndo sinchekitsáanta ndo xranchi naa tsaꞌon. Ko xjan tsjongíꞌe xrochóndaꞌi xjan ijie̱, ko ndatsinꞌin xjan chjenꞌen ndo Dio. 36Ko kaxon jan kichuunta Elisabet yaa jan chjan maski ó nachríi jan. Ko jai, nchri bandachro na̱ juaꞌi xrochónda chjan, jai ó ikjaon nchanitjao yaa jan xjan. 37Méxin juachaxien ndo Dio, chao tsonꞌen kain ngeꞌe.
38Ko ndachro jan María:
―Janꞌan ntaꞌa xrée Nchána Dio; méxin janꞌan tsitikaꞌon kain ngeꞌe kuetuanna ndo xranchi jaꞌanta ndachronta.
Ko juexin nichja ndo ángel, sakjui ndo.
Jan María kuitsjeꞌe jan jan Elisabet
39Kaxon nchakon meꞌe, jan María nteeto sakjui jan naa tjajna ngataꞌa ijna̱ nunte Judea. 40Ko kuiji jan tjajna ntiꞌa kuixinꞌin jan ndoꞌa ndo Zacarías ko jan Elisabet ko kuajon jan juajna ngajin jan Elisabet. 41Hora kuinꞌen jan Elisabet juajna, xjan yaa jan chrinka xjan ngaya tse̱ꞌe̱ jan, ko jeꞌe jan Elisabet tsango kuayéꞌe jan juachaxien Espíritue ndo Dio. 42Ko tjumeꞌe jan Elisabet séen nichja jan ko ndachro jan:
―Ndo Dio juinchenchaoan ndo ícha ixi ikaxin nchri, ko kaxon juinchenchaon ndo chjanꞌan. 43¿Ngisen janꞌan ixi juiꞌa kuitsjena jaꞌa, janée Nchána? 44Ixi hora kui̱nꞌa̱n juajnáa, chrinka chjanꞌna ngaya tse̱ꞌe̱ ixi chéꞌe xjan. 45Ijié juaxruxin chonda ixi kuitikaoan ngeꞌe tsonꞌen, xranchi ndachro ndo Dio.
46Ko tjumeꞌe jan María ndachro jan:
Aséenna tajon juasaya ngajin Ndotána Dio.
47Ko juaxruxin ritjén ixi ndo Dio kuantsjena ndo ijie̱.
48Ndo Dio xraxaon ndo sincheꞌe ndo jian ngaji̱n,
janꞌan naa nchri nóa ncheꞌe ixra̱ ngajin ndo.
Ko jai tsaxi xrondachijina na̱ ndo Dio juinchechaoan ndo.
49Ndo Dio chónda ndo kain juachaxin,
ko juincheꞌe ndo ijié ngeꞌe ngaji̱n
ixi jeꞌe ndo tsango tjúá ndo.
50Ko jeꞌe ndo kain nchakon tikonóeꞌe ndo kain ni tajon juasie ngajin jeꞌe ndo.
51Jeꞌe ndo soji ndo ixi juincheꞌe ndo kain ngeꞌe
ko kuantsjeꞌe ndo juachaxin chónda kain ni nchejié aséen.
52Ko kuantsjeꞌe ndo kain juachaxin chónda ni tetuanꞌan
ko juinchejié ndo kain ni nóa ixi jeꞌe na̱ xrochónda na̱ juachaxin.
53Ko kuajon ndo kain ngeꞌe jian kuayéꞌe ni chóndaꞌi
ko xroꞌan ngeꞌe kuajon ndo ngajin ngisen kueya chónda.
54Jeꞌe ndo bingijna ndo ni tjajna Israel, ni ncheꞌe xrée ndo;
ko bikonóeꞌe ndo na̱,
55ixi jaña ndache ndo sen tachríꞌe na̱ xranchrjen, ndo Abraham ko kain ni tsachrjenixin ndo.
56Ko jan María kuituꞌe jan ndoꞌa jan Elisabet níi nchanitjao, ko tjumeꞌe ikjan jan ndoꞌa jan.
Jongíꞌe ndo Juan Bautista
57Ko kui̱i̱ nchakon sinchejongíꞌe jan Elisabet chjenꞌen jan, ko juinchejongíꞌe jan naa xjan xi. 58Méxin, ni ste tjenka ndoꞌa jan ko ni nchandoꞌa jan, ikjui na̱ kuitsjeꞌe na̱ jan ko kuintee na̱ juaxruxin ngajin jan ixi konoꞌe na̱ ixi ndo Dio tsango bikonóeꞌe ndo jan. 59Kuitja ijní nchakon, kui̱i̱ na̱ ixi tsayéꞌe ichjan chjiꞌe ni judío, ko tjaun na̱ xrokuinꞌin xjan Zacarías xranchi tinꞌin ndotée xjan. 60Ko ndachro janée xjan:
―Naꞌi. Xrokonda tsinꞌin xjan Juan.
61Ko jeꞌe na̱ juatingíexin na̱:
―¿Sonda tsinꞌin xjan jaña? Xroꞌan sen ndúya tinꞌin na̱ jaña.
62Tjumeꞌe itja na̱ juanchangíexin na̱ ndotée xjan xranchi tjaun ndo tsinꞌin xjan. 63Ko jeꞌe ndo juanchia ndo tuꞌo nta̱a̱ ko ikjin ndo: “Jeꞌe xjan tsinꞌin xjan Juan.” Ko kain ni ste ntiꞌa xronka na̱. 64Ko tuinxin íjngo kuaxi nichja ndo Zacarías, ko kuaxi kuajon ndo juasie ndo ngajin ndo Dio. 65Kain ni ste tjenka nchandoꞌa sen xronka na̱, ko kain tjajna ngataꞌa ijna̱ Judea kuinꞌen na̱ ngeꞌe konꞌen. 66Ko kain ni kuinꞌen ngeꞌe konꞌen, xraxaon na̱ ko ndachro na̱:
―¿Ngeꞌe ixra̱ sincheꞌe ichjan ña̱?
Ko nduaxin ndo Dio tsango jii ndo ngajin xjan.
Ndo Zacarías itsje̱ ndo
67Ko ndotée xjan ndo Zacarías meꞌe ícha kuayéꞌe ndo juachaxien Espíritue ndo Dio ko nichja ndo chijnie ndo Dio ko ndachro ndo:
68Juasie Ndotáina Dio titikaon ni tjajna Israel
ixi jeꞌe ndo kui̱i̱ ndo tsingijna ndo tjajnée ndo.
69Ko jeꞌe ndo xruanꞌan ndo ngisen ícha soji tsingijna tsachrjengíexin ijie̱ chónda chujni,
naa sen kuachrjenixin ndo David, ngisen juincheꞌe ixra̱ ngajin ndo Dio.
70Jaña nichja ndo Dio nichjaxin ndo sen chronga chijnie ndo Dio ó saꞌó
71ndache ndo sen ixi tsingijna ndo tsantsjeꞌe ndo juachaxin kain ni ningakoi̱na.
72Ko tsikonóeꞌe ndo sen tachríꞌina kuintee saꞌó,
ko xraxaon ndo ti juao ndo sen tjajnée ndo ó saꞌó.
73Ko jiꞌi tsindache ndo Dio ndo tachríꞌina xranchrjen, ndo Abraham
74ixi tsingijnana ndo ixi tsituaꞌi xi ningakoi̱na,
ko chao sincheꞌena ixra̱ ngajin ndo Dio ko xroxrakonꞌana,
75ixi ícha tjúá tsakeꞌe aséei̱na ko jian tsitikaonna chijnie ndo Dio,
ko tsojuna ngajin ndo Dio kain nchakon.
76Ko jaꞌa, chjanꞌna, jaꞌa xrokjan naa ngisen xronichja chijnie ndo Dio jii noi,
ko jaꞌa saꞌó tsitaonꞌen Ncháina,#1:76 Ncháina Señor Ncháina Jesús o̱ Ncháina Dio
ko jaꞌa sinchenataonxian chaoé ndo,
77ixi tsonoꞌe ni tjajnée ndo ixi sincheméꞌe ndo kain ijie̱ chónda na̱
ko tsajon ndo juachaxin tsitjáñaꞌi na̱.
78Ixi jeꞌe Ndotáina Dio tsango tjaunna ndo ko tsango tikonóaꞌina ndo,
ko jeꞌe ndo tsajon ndo xroꞌi tsingasáñai̱na kain nchakon,
79ko tsajon ndo xroꞌi tsingasáñaxin kain ni jii ti tsango naxixeꞌe.
Ko jeꞌe ndo tsakeꞌe ndo tutéi̱na ngataꞌa chaꞌo tajon juaxruxin.
80Ko jeꞌe xjan bangi xjan ko konsoji aséen xjan. Ko bakeꞌe xjan ngataon ijngi ti xroꞌan ngisen ste, xetjaja nchakon konoxin xjan ngajin ni tjajna Israel.
Избрани в момента:
San Lucas 1: ppsNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016, Wycliffe Bible Translators, Inc. All rights reserved.
San Lucas 1
1
Xrangíxin xroon jiꞌi
1Kueya na̱ tjaun na̱ ndako xrokjin na̱ kain ngeꞌe nduaxin konꞌen nchakon bakeꞌe ndo Jesús ngajinna 2xranchi juinchekuai̱na sen, sen xrangíxixión bikonxin ikon sen kain ngeꞌe juincheꞌe ndo Jesús ko kuaxi sen chronga sen ti nichja ndo. 3Janꞌan kaxon juanchangi jian kain ngeꞌe tsikonꞌen xrangíxixión bakeꞌe ndo Jesús. Ko jai xrokjinꞌannta, Teófilo, kain ngeꞌe xranchi tsikonꞌen naa ko naa, 4ixi tsichuxinnta jian kain ngeꞌe tsijinchekuanꞌannta sen.
Naa ndo ángel kui̱i̱ ndo chronga ndo ixi tsjongíꞌe ndo Juan Bautista
5Nchakon bakeꞌe xi Herodes baketuenꞌen xa nunte Judea, ntiꞌa bakeꞌe naa ndotaana bakinꞌin Zacarías, kuachrjenixin ndo xitaana bakinꞌin Abías. Ko janchriꞌe ndo Zacarías bakinꞌin jan Elisabet, ndotáchriꞌe jan kaxon xranchrjen ndotaana Aarón. 6Yui sen jian kuancheꞌe sen xranchi tjaun ndo Dio ko bakitikaon sen kain ti ngeꞌe kuetuanꞌan ndo. Méxin, xroꞌan ngisen chao xrondachro ixi jeꞌe sen chónda sen ijie̱. 7Ko xroꞌan chjan kuachónda sen ixi jan Elisabet kuituenꞌa jan xrochónda jan chjan, ko jeꞌe sen ó tachríi sen.
8Ko tjumeꞌe naa nchakon ndo Zacarías ko xitaana, sen ncheꞌe ixra̱ xranchi jeꞌe ndo, kuetuenꞌen sen tsajon sen juasie sen ngajin ndo Dio. 9Xranchi kuancheꞌe xitaana nchakon meꞌe, ndo Zacarías kuayéꞌe ndo ixra̱ tixinꞌin ndo ngaxinꞌin nchia tjúá ndoꞌa ndo Dio ixi tsjaaka ndo tsjoxraxé. 10Nchakon juaaka ndo tsjoxraxé ngaxinꞌin ndoꞌa ndo Dio, kain ni ste nduja nichjeꞌe na̱ ndo Dio. 11Ko tuinxin ndo Zacarías bikon ndo naa ndo ángel xruanꞌan ndo Dio ko siin ndo ángel nangoxin jian tjenka altar ti iche tsjoxraxé. 12Hora bikon ndo Zacarías ndo ángel meꞌe, jeꞌe ndo chrinkaxrakon ndo. 13Ko ndo ángel nichja ndo ko ndachro ndo:
―Zacarías xrakonꞌa, ixi ndo Dio kuinꞌen ndo ngeꞌe juanchia, méxin, janchriꞌa Elisabet sinchejongíꞌe jan naa xjan xi ko jaꞌa sinchekiꞌian xjan Juan. 14Ko jaꞌa xrochónda juaxruxin ko kueya na̱ xrochéꞌe na̱ ixi tsjongíꞌe xjan meꞌe. 15Ko chjanꞌan ijié tsakeꞌe xjan ngajinxin ndo Dio. Ko xroꞌan vino ko ninaa xran tsiꞌa xjan, ko tsango xrochónda xjan Espíritue ndo Dio ti xrajiyá xjan ngaya tse̱ꞌe̱ janée xjan. 16Ko jeꞌe xjan sinchekuenꞌen xjan ni tjajna Israel, ko kueya na̱ xrokjan na̱ tsitikaon na̱ ndo Dio. 17Jeꞌe ndo Juan tsitaon ndo tsjendueꞌe ndo chaꞌo tsi̱ꞌxi̱n Ncháina, ko xrochónda ndo xrajeꞌo juachaxin xranchi kuachónda ndo profeta Elías, ko xronichjeꞌe ndo aséen ndotée ichjan tsoñaoꞌa na̱ ngajin chjenꞌen na̱, ko kain ni titikaonꞌa ndo Dio tsonoꞌe na̱ xranchi tsitikaon na̱ ndo ko jian sincheꞌe na̱ ixi tsi̱i̱ Ncháina Cristo.
18Ko jeꞌe ndo Zacarías juanchangiꞌe ndo ndo ángel ko ndachro ndo:
―¿Xranchi tsonóna ixi tsonꞌen ti ndachronta? Ixi janꞌan ó tsango tachríina ko kaxon janchriꞌna ó nachríi jan.
19Ko jeꞌe ndo ángel juatingíexin ndo:
―Janꞌan Gabrielna, ko ntaꞌa kain ngeꞌe tetuanꞌan ndo Dio. Ko kuetuanna ndo tsjiꞌi ko xrontatjua ngeꞌe jian tsonꞌen. 20Ko ixi kuitikaonꞌa ti ndachrja̱n, méxin, tsonosian ko juaꞌi xronichja xroxetjaja nchakon tsonꞌen meꞌe.
21Ko kain ni stechónꞌen nduja ndoꞌa ndo Dio ixi tsachrje ndo Zacarías, stexraxaon na̱ sonda jitonchrjenꞌen ndo ngaxinꞌin ndoꞌa ndo Dio. 22Ko hora kuachrje ndo, í juaꞌi nichja ndo. Ko xraxaon na̱ ixi xrojan ngeꞌe bikon ndo Zacarías ngaxinꞌin ndoꞌa ndo Dio. Ko jeꞌe ndo ixi jeꞌo itja ndo tjakoxin ndo ngeꞌe tjaun ndo ixi nosin ndo.
23Ko juexin xetja nchakon juincheꞌe ndo Zacarías ixra̱ ngaxinꞌin ndoꞌa ndo Dio, sakjui ndo ndoꞌe ndo. 24Ko tjumeꞌe jan Elisabet, janchriꞌe ndo Zacarías, yaa jan chjan. Ko íkuachrjexinꞌa jan ndoꞌe jan naꞌó nchanitjao, ko jixraxaon jan: 25“Jaña ndo Dio kuajon ndo juachaxin ixi xrochónda chjan ko ítsjanoaꞌina na̱ jai.”
Ndo ángel chronga ndo ixi tsjongíꞌe xjan Jesús
26Kuatsinga ikjaon nchanitjao ko ndo Dio xruanꞌan ndo ndo ángel Gabriel itsji ndo naa tjajnée tjajna Galilea ndatinꞌin Nazaret 27#Mt. 1:18.*ixi ntiꞌa xronichjeꞌe ndo naa nchrichajan ndatinꞌin María ko jeꞌe nchrichan xrachuxinꞌa nchrichan ninaa xi. Jeꞌe nchrichan tsijateꞌe nchrichan tsuteꞌe nchrichan naa xi ndatinꞌin José, kuachrjenixin xa ndo rey David.
28Ko ndo ángel meꞌe kuixinꞌin ndo ndoꞌa jan María, ko ndachro ndo:
―¡Janꞌan juiꞌi tjáꞌanta juajna ixi ndo Dio ícha tjuaꞌanta ndo ko Ncháina Dio jii ngajinnta, ícha juintanchaonnta ndo ixi ikaxin nchri!
29Ko xronka jeꞌe nchrichajan ko íkuienxinꞌa nchrichan ngeꞌe juajna kuajon ndo ángel. 30Ko jeꞌe ndo ángel ndachro ndo:
―María, xrakonꞌanta, ixi ndo Dio ícha tjuaꞌanta ndo. 31#Mt. 1:21.*Ko jai tseyá naa chjan ngaya tseenta ko sinchejongíꞌenta naa xjan xi ko sinchekinꞌinnta xjan Jesús. 32Ko jeꞌe xjan tsango tsetuanꞌan xjan, ko tsinꞌin xjan chjenꞌen ndo Dio jii ngajní. Ko jeꞌe Ncháina ndo Dio xrochjée xjan juachaxin tsetuanꞌan xjan xranchi baketuanꞌan ndotáchriꞌe xjan xranchrjen, ndo David. 33Ko jeꞌe xjan tsetuanꞌan xjan tjajna Israel kain nchakon ko ti tsetuanꞌan xjan ítsjexinꞌa.
34Ko jan María juanchangiꞌe jan ndo ángel, ndachro jan:
―¿Xranchi tsonꞌen jiꞌi, ixi janꞌan rikianꞌi xi?
35Ko juatingíexin ndo ángel, ndachro ndo:
―Espíritue ndo Dio tsi̱i̱ ngajinnta ko juachaxien ndo sinchekitsáanta ndo xranchi naa tsaꞌon. Ko xjan tsjongíꞌe xrochóndaꞌi xjan ijie̱, ko ndatsinꞌin xjan chjenꞌen ndo Dio. 36Ko kaxon jan kichuunta Elisabet yaa jan chjan maski ó nachríi jan. Ko jai, nchri bandachro na̱ juaꞌi xrochónda chjan, jai ó ikjaon nchanitjao yaa jan xjan. 37Méxin juachaxien ndo Dio, chao tsonꞌen kain ngeꞌe.
38Ko ndachro jan María:
―Janꞌan ntaꞌa xrée Nchána Dio; méxin janꞌan tsitikaꞌon kain ngeꞌe kuetuanna ndo xranchi jaꞌanta ndachronta.
Ko juexin nichja ndo ángel, sakjui ndo.
Jan María kuitsjeꞌe jan jan Elisabet
39Kaxon nchakon meꞌe, jan María nteeto sakjui jan naa tjajna ngataꞌa ijna̱ nunte Judea. 40Ko kuiji jan tjajna ntiꞌa kuixinꞌin jan ndoꞌa ndo Zacarías ko jan Elisabet ko kuajon jan juajna ngajin jan Elisabet. 41Hora kuinꞌen jan Elisabet juajna, xjan yaa jan chrinka xjan ngaya tse̱ꞌe̱ jan, ko jeꞌe jan Elisabet tsango kuayéꞌe jan juachaxien Espíritue ndo Dio. 42Ko tjumeꞌe jan Elisabet séen nichja jan ko ndachro jan:
―Ndo Dio juinchenchaoan ndo ícha ixi ikaxin nchri, ko kaxon juinchenchaon ndo chjanꞌan. 43¿Ngisen janꞌan ixi juiꞌa kuitsjena jaꞌa, janée Nchána? 44Ixi hora kui̱nꞌa̱n juajnáa, chrinka chjanꞌna ngaya tse̱ꞌe̱ ixi chéꞌe xjan. 45Ijié juaxruxin chonda ixi kuitikaoan ngeꞌe tsonꞌen, xranchi ndachro ndo Dio.
46Ko tjumeꞌe jan María ndachro jan:
Aséenna tajon juasaya ngajin Ndotána Dio.
47Ko juaxruxin ritjén ixi ndo Dio kuantsjena ndo ijie̱.
48Ndo Dio xraxaon ndo sincheꞌe ndo jian ngaji̱n,
janꞌan naa nchri nóa ncheꞌe ixra̱ ngajin ndo.
Ko jai tsaxi xrondachijina na̱ ndo Dio juinchechaoan ndo.
49Ndo Dio chónda ndo kain juachaxin,
ko juincheꞌe ndo ijié ngeꞌe ngaji̱n
ixi jeꞌe ndo tsango tjúá ndo.
50Ko jeꞌe ndo kain nchakon tikonóeꞌe ndo kain ni tajon juasie ngajin jeꞌe ndo.
51Jeꞌe ndo soji ndo ixi juincheꞌe ndo kain ngeꞌe
ko kuantsjeꞌe ndo juachaxin chónda kain ni nchejié aséen.
52Ko kuantsjeꞌe ndo kain juachaxin chónda ni tetuanꞌan
ko juinchejié ndo kain ni nóa ixi jeꞌe na̱ xrochónda na̱ juachaxin.
53Ko kuajon ndo kain ngeꞌe jian kuayéꞌe ni chóndaꞌi
ko xroꞌan ngeꞌe kuajon ndo ngajin ngisen kueya chónda.
54Jeꞌe ndo bingijna ndo ni tjajna Israel, ni ncheꞌe xrée ndo;
ko bikonóeꞌe ndo na̱,
55ixi jaña ndache ndo sen tachríꞌe na̱ xranchrjen, ndo Abraham ko kain ni tsachrjenixin ndo.
56Ko jan María kuituꞌe jan ndoꞌa jan Elisabet níi nchanitjao, ko tjumeꞌe ikjan jan ndoꞌa jan.
Jongíꞌe ndo Juan Bautista
57Ko kui̱i̱ nchakon sinchejongíꞌe jan Elisabet chjenꞌen jan, ko juinchejongíꞌe jan naa xjan xi. 58Méxin, ni ste tjenka ndoꞌa jan ko ni nchandoꞌa jan, ikjui na̱ kuitsjeꞌe na̱ jan ko kuintee na̱ juaxruxin ngajin jan ixi konoꞌe na̱ ixi ndo Dio tsango bikonóeꞌe ndo jan. 59Kuitja ijní nchakon, kui̱i̱ na̱ ixi tsayéꞌe ichjan chjiꞌe ni judío, ko tjaun na̱ xrokuinꞌin xjan Zacarías xranchi tinꞌin ndotée xjan. 60Ko ndachro janée xjan:
―Naꞌi. Xrokonda tsinꞌin xjan Juan.
61Ko jeꞌe na̱ juatingíexin na̱:
―¿Sonda tsinꞌin xjan jaña? Xroꞌan sen ndúya tinꞌin na̱ jaña.
62Tjumeꞌe itja na̱ juanchangíexin na̱ ndotée xjan xranchi tjaun ndo tsinꞌin xjan. 63Ko jeꞌe ndo juanchia ndo tuꞌo nta̱a̱ ko ikjin ndo: “Jeꞌe xjan tsinꞌin xjan Juan.” Ko kain ni ste ntiꞌa xronka na̱. 64Ko tuinxin íjngo kuaxi nichja ndo Zacarías, ko kuaxi kuajon ndo juasie ndo ngajin ndo Dio. 65Kain ni ste tjenka nchandoꞌa sen xronka na̱, ko kain tjajna ngataꞌa ijna̱ Judea kuinꞌen na̱ ngeꞌe konꞌen. 66Ko kain ni kuinꞌen ngeꞌe konꞌen, xraxaon na̱ ko ndachro na̱:
―¿Ngeꞌe ixra̱ sincheꞌe ichjan ña̱?
Ko nduaxin ndo Dio tsango jii ndo ngajin xjan.
Ndo Zacarías itsje̱ ndo
67Ko ndotée xjan ndo Zacarías meꞌe ícha kuayéꞌe ndo juachaxien Espíritue ndo Dio ko nichja ndo chijnie ndo Dio ko ndachro ndo:
68Juasie Ndotáina Dio titikaon ni tjajna Israel
ixi jeꞌe ndo kui̱i̱ ndo tsingijna ndo tjajnée ndo.
69Ko jeꞌe ndo xruanꞌan ndo ngisen ícha soji tsingijna tsachrjengíexin ijie̱ chónda chujni,
naa sen kuachrjenixin ndo David, ngisen juincheꞌe ixra̱ ngajin ndo Dio.
70Jaña nichja ndo Dio nichjaxin ndo sen chronga chijnie ndo Dio ó saꞌó
71ndache ndo sen ixi tsingijna ndo tsantsjeꞌe ndo juachaxin kain ni ningakoi̱na.
72Ko tsikonóeꞌe ndo sen tachríꞌina kuintee saꞌó,
ko xraxaon ndo ti juao ndo sen tjajnée ndo ó saꞌó.
73Ko jiꞌi tsindache ndo Dio ndo tachríꞌina xranchrjen, ndo Abraham
74ixi tsingijnana ndo ixi tsituaꞌi xi ningakoi̱na,
ko chao sincheꞌena ixra̱ ngajin ndo Dio ko xroxrakonꞌana,
75ixi ícha tjúá tsakeꞌe aséei̱na ko jian tsitikaonna chijnie ndo Dio,
ko tsojuna ngajin ndo Dio kain nchakon.
76Ko jaꞌa, chjanꞌna, jaꞌa xrokjan naa ngisen xronichja chijnie ndo Dio jii noi,
ko jaꞌa saꞌó tsitaonꞌen Ncháina,#1:76 Ncháina Señor Ncháina Jesús o̱ Ncháina Dio
ko jaꞌa sinchenataonxian chaoé ndo,
77ixi tsonoꞌe ni tjajnée ndo ixi sincheméꞌe ndo kain ijie̱ chónda na̱
ko tsajon ndo juachaxin tsitjáñaꞌi na̱.
78Ixi jeꞌe Ndotáina Dio tsango tjaunna ndo ko tsango tikonóaꞌina ndo,
ko jeꞌe ndo tsajon ndo xroꞌi tsingasáñai̱na kain nchakon,
79ko tsajon ndo xroꞌi tsingasáñaxin kain ni jii ti tsango naxixeꞌe.
Ko jeꞌe ndo tsakeꞌe ndo tutéi̱na ngataꞌa chaꞌo tajon juaxruxin.
80Ko jeꞌe xjan bangi xjan ko konsoji aséen xjan. Ko bakeꞌe xjan ngataon ijngi ti xroꞌan ngisen ste, xetjaja nchakon konoxin xjan ngajin ni tjajna Israel.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016, Wycliffe Bible Translators, Inc. All rights reserved.