Te Otinako 29
29
Tuua i bukin Katabuaia Ibonga
(Nak 8.1-36)
E taku te UEA nakon Moote:
1Kam na rinea te kaomm'aane ae uarereke ao uoman tiibu mm'aane aika akea toabuakan rab'ataia, ngkana kam na katabuaia natin Aaron b'a a na riki b'a au ibonga. 2Ao i mwiina, kam na karaoi ten aekaki taian kariki aika aki karikaki. Tabeua mai iai b'a taian kariki aika a buubura, ao tabeua b'a taiani kariki aika uarereke aika renganaki ma b'aan te oriwa, ao nikirana a na karaoaki b'a taian kariki aika mmani aika kabiraki aoia n te oera. 3Kaaki taian kariki aikai i nanon te b'aene ao uoti ngkana kam roko ni karean maan ake teniman nako Iu.
4Kairiia Aaron ma natina mm'aane nako mataroan te Um'antabunrianna b'a a na tebotebo. 5Karina kunnikain Aaron te kabaraaki n ibonga, te niiniira are mena i aan te raburabu ae tabu, ao bon te raburabu n ti ngaia, te ub'a, ao te kabaean nuuka. 6Katoka ana m'aita ma te koora ae irariki ae nib'aaki te koroboki i aona 7ao i mwiina, kam na katabua ni kab'aroa i aon atuuna b'aan te oriwa.
8I mwiin anne, kam na karina kunnikaiia n ibonga aika kaokoro natin Aaron mm'aane 9ao b'araia ao aia kabae n nuuka,#29.9 aia kabaea n nuuka: N te rairai nikawai teuana; ao te boki n Ebera e koreaki ae “aia kabae n nuuka Aaron ma natina mm'aane,” ao i mwiina, kam na katabuia, i bukina b'a ana teimatoa n riki aia kariki b'a ibonga.
10Kaira te kaomm'aane nakon mataroan te kawai nakon te Um'antabunrianna, ike a na katokai iai baiia Aaron ma natina mm'aane i aon atuuna. 11Tiringa te kaomm'aane i rarikin au baonikarea i matan te Um'antabunrianna. 12Kamanenai tabonibaimi ni kabiri koonan te baonikarea n tatabeua nako ao kab'aroa nikiran te raraa i aon te tano i rarikin te baonikarea. 13I mwina, anaa te nenea mai rarikin te man, ao ai uana naba m'akoron te ato are mai nano ao taian kirine ma neneaia, ma ni kabuoki i aon te baonikarea. 14Ma a na riai ni kabuokaki i tinanikun aia maeka te iriko ni man, te kun, ao te am'arake are tiku i nanon biroton te kaomm'aane b'a te angab'ai i bukin te buubuti kab'araan aia bure ibonga.#29.14 kab'araan aia bure ibonga: Ngkana e karaoaki te angakarea i bukin kab'araan ana bure temanna ae tiaki te ibonga, e konaa ni kanaki te m'akoro anne are e aki kabuokaki i rouia ibonga (Noora Nakoaia ibonga 5.13; 6.26). 15Uota temanna mai buakoia tiibu mm'aane nakon Aaron ma natina mm'aane ao tuangiia b'a a na katokai baiia i aona. 16Tiringa te tiibu te mm'aane ao tatauriia raraana nakon iteran te baonikarea ake aua. 17Korokorea te tiibu mm'aane, teboki kanoannanona ma waena ake mai buki, ao kawenei i aon te baonikarea m'akorona ni kabane n reitaki ma atuuna. 18Ao i mwiina, kam na kakoaua raoi b'a e tinimaki raoi rab'atan te man ni kabane b'a e na kakukureiai boina.
19Uota te tiibu mm'aane nakon Aaron ma natina mm'aane ao tuangiia b'a a na katokai baiia i aon atuuna. 20Tiringa te tiibu mm'aane ao kaaki raraana teutana i aon reben taningan Aaron are te atai, ao i aon waebuan tabon waena are te atai. Karaoa naba ae ai aron anne nako ia natina mm'aane n tatabemaniia, ao taauria nako nikiran te raraa nakon iteran te baonikarea ake aua. 21Ao i mwiina, anaa teutana te raraa man te baonikarea, ao renganna ma te oera are e kamanenaaki i bukin te katabutabu, ao tatauriia iai kunnikain Aaron, ao kunnikaia naba natina mm'aane. E na kaotaki iai b'a a tia ni katabuaki ma aia kunnikai nako Iu.
22Bon kanoan naba te katabutabu te tiibu mm'aane aei. Ma ngaia are, kanakoi rangana akana mai buki.#29.22 rangana akana mai buki: E taneiai te aba n anganaki ibonga ake a tei n te tai anne (noora Nakoaia ibonga 7.33). 23Anaa teuana te kariki man aekaki ni kariki n tatabeua nako#29.23 man aekaki ni kariki n tatabeua nako: Noora te kibu 2.3, man te b'aene, 24ao katuka te kariki anne, n reitaki ma te iriko ni man, nako nanon baiia Aaron ma natina mm'aane. Ao i mwiina, a na tabekaki rake#29.24 a na tabekia rake: Ke “ni uotia rake”. ma ni kaotaki b'a e katabuaki b'a au b'ai. 25I mwiin aei, e na katukaki te iriko ni man ma te kariki i aon te baonikarea ma ni kawaerakea bubuna ma boina are N na kukurei iai.
26Kam na kana te rinikaokao are e a tia ni kaokoroaki man te kauoman n tiibu aei, ma kam riai moa n tabeki rake#29.26 tabeki rake: Ke “otirake”. ma ni kaotii b'a a tia ni katabuaki b'a au b'ai.
27Ni boong aika na roko ngkana arona b'a iai Iteraera ane e anga rinikaokaon ma rangan te tiibu mm'aane ake mai buki b'a tao b'ain katabuaia ibonga ke i bukin te buubuti te kakab'aia, 28ao e na aranaki te irikoniman b'a au b'ai, ma e na riai ni kanaki irouia ibonga. E na aki manga bitaki te tua aei.
29E na kakaawakinaki kunnikain Aaron n ibonga nakon rooro nako ae na manga onea mwiina n riki b'a te ibonga ae rietaata, 30ao a na riai ni kunnikainaki ni kunnikai aikai ni kaitiuani bongin te bootaki ni katabutabu.
31Kaburoa irikon te tiibu are b'ain te katabutabu n te tabo are e tabu, 32ao a na kaai ni kanna Aaron ma natina mm'aane n reitaki ma taian kariki ake tenaekaki akekei#29.32 kariki ake tenaekaki akekei: Noori kiibu aika 2,3. n te mataroa n rin nakon te Um'antabunrianna. 33E na karaoaki te bootaki ni kab'ara bure i bukiia ma kanaia aika a tabu i nanon taini katabuaia. Ti i nanon te tai anne ae a konaa ni kanna iai. 34Ngkana arona b'a iai nikiran te am'arake are e tabu ae e tiku nakon te moaningabong are i mwiina, e na riai ni kabuokaki.
35Karaoa te bootaki ni katabutabu i bukin Aaron ma natina mm'aane i nanon itiua te bong aika ti te bo kanoaia, n aron are I a tia n reireiniko. 36Kam na katoa bong n anga te kaomm'aane b'a te karea i bukin kab'araan buure n ai aron kaitiakan te baonikarea. N reitaki ma anne, ko na taauria te baonikarea ni b'aan te oriwa b'a e aonga n tabu rab'atana ni kabane. 37Kam na karaoa aei i nanon itiua te bong, ao e na riki n tabu iai te baonikarea n te aro are a na bane n tabu akana a riiringnga.
Te Karea are Katoabong
(Nak 6.8-13; War 28.1-8)
E taku te Atua:
38Kam na riai ni kareana uoman te tiibu mm'aane ae uoua ana ririki ni maiu ni katoa bong, 39temanna n te ingabong ao temanna n te tairiki. 40Kam na anga ni kaairia ma te tiibuteteei, teuana te kirokuraem te buraawa ae e renganaki ma teuana te riita b'aan te oriwa ni koaua b'a te angab'ai. 41I rangi ni kukurei ni boiararan te karea aei i aon ain te baonikarea. 42Kam riai n angaanga te karea aei n taai nako ngkoe ma am kariki 43i aon te baonikarea are ni mataroan te Um'antabunrianna.
Kaain Iteraera, N na manga kaitibo ma n taetae ma ngkami ikekei, ao e na riki n tabu te tabo anne n ootan mimitongiu. 44E na riki n tabu te Um'antabunrianna i buku, ao a na nako raoi aia m'akuri n ibonga Aaron ma natina mm'aane. 45N na maeka i buakomi b'a Atuami Ngai, 46ao kam na ataia iai b'a bon te UEA Ngai ae Atuami, are E kamaiungkami mai Aikubita, b'a I aonga ni konaa ni maeka i buakomi.
Избрани в момента:
Te Otinako 29: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Te Otinako 29
29
Tuua i bukin Katabuaia Ibonga
(Nak 8.1-36)
E taku te UEA nakon Moote:
1Kam na rinea te kaomm'aane ae uarereke ao uoman tiibu mm'aane aika akea toabuakan rab'ataia, ngkana kam na katabuaia natin Aaron b'a a na riki b'a au ibonga. 2Ao i mwiina, kam na karaoi ten aekaki taian kariki aika aki karikaki. Tabeua mai iai b'a taian kariki aika a buubura, ao tabeua b'a taiani kariki aika uarereke aika renganaki ma b'aan te oriwa, ao nikirana a na karaoaki b'a taian kariki aika mmani aika kabiraki aoia n te oera. 3Kaaki taian kariki aikai i nanon te b'aene ao uoti ngkana kam roko ni karean maan ake teniman nako Iu.
4Kairiia Aaron ma natina mm'aane nako mataroan te Um'antabunrianna b'a a na tebotebo. 5Karina kunnikain Aaron te kabaraaki n ibonga, te niiniira are mena i aan te raburabu ae tabu, ao bon te raburabu n ti ngaia, te ub'a, ao te kabaean nuuka. 6Katoka ana m'aita ma te koora ae irariki ae nib'aaki te koroboki i aona 7ao i mwiina, kam na katabua ni kab'aroa i aon atuuna b'aan te oriwa.
8I mwiin anne, kam na karina kunnikaiia n ibonga aika kaokoro natin Aaron mm'aane 9ao b'araia ao aia kabae n nuuka,#29.9 aia kabaea n nuuka: N te rairai nikawai teuana; ao te boki n Ebera e koreaki ae “aia kabae n nuuka Aaron ma natina mm'aane,” ao i mwiina, kam na katabuia, i bukina b'a ana teimatoa n riki aia kariki b'a ibonga.
10Kaira te kaomm'aane nakon mataroan te kawai nakon te Um'antabunrianna, ike a na katokai iai baiia Aaron ma natina mm'aane i aon atuuna. 11Tiringa te kaomm'aane i rarikin au baonikarea i matan te Um'antabunrianna. 12Kamanenai tabonibaimi ni kabiri koonan te baonikarea n tatabeua nako ao kab'aroa nikiran te raraa i aon te tano i rarikin te baonikarea. 13I mwina, anaa te nenea mai rarikin te man, ao ai uana naba m'akoron te ato are mai nano ao taian kirine ma neneaia, ma ni kabuoki i aon te baonikarea. 14Ma a na riai ni kabuokaki i tinanikun aia maeka te iriko ni man, te kun, ao te am'arake are tiku i nanon biroton te kaomm'aane b'a te angab'ai i bukin te buubuti kab'araan aia bure ibonga.#29.14 kab'araan aia bure ibonga: Ngkana e karaoaki te angakarea i bukin kab'araan ana bure temanna ae tiaki te ibonga, e konaa ni kanaki te m'akoro anne are e aki kabuokaki i rouia ibonga (Noora Nakoaia ibonga 5.13; 6.26). 15Uota temanna mai buakoia tiibu mm'aane nakon Aaron ma natina mm'aane ao tuangiia b'a a na katokai baiia i aona. 16Tiringa te tiibu te mm'aane ao tatauriia raraana nakon iteran te baonikarea ake aua. 17Korokorea te tiibu mm'aane, teboki kanoannanona ma waena ake mai buki, ao kawenei i aon te baonikarea m'akorona ni kabane n reitaki ma atuuna. 18Ao i mwiina, kam na kakoaua raoi b'a e tinimaki raoi rab'atan te man ni kabane b'a e na kakukureiai boina.
19Uota te tiibu mm'aane nakon Aaron ma natina mm'aane ao tuangiia b'a a na katokai baiia i aon atuuna. 20Tiringa te tiibu mm'aane ao kaaki raraana teutana i aon reben taningan Aaron are te atai, ao i aon waebuan tabon waena are te atai. Karaoa naba ae ai aron anne nako ia natina mm'aane n tatabemaniia, ao taauria nako nikiran te raraa nakon iteran te baonikarea ake aua. 21Ao i mwiina, anaa teutana te raraa man te baonikarea, ao renganna ma te oera are e kamanenaaki i bukin te katabutabu, ao tatauriia iai kunnikain Aaron, ao kunnikaia naba natina mm'aane. E na kaotaki iai b'a a tia ni katabuaki ma aia kunnikai nako Iu.
22Bon kanoan naba te katabutabu te tiibu mm'aane aei. Ma ngaia are, kanakoi rangana akana mai buki.#29.22 rangana akana mai buki: E taneiai te aba n anganaki ibonga ake a tei n te tai anne (noora Nakoaia ibonga 7.33). 23Anaa teuana te kariki man aekaki ni kariki n tatabeua nako#29.23 man aekaki ni kariki n tatabeua nako: Noora te kibu 2.3, man te b'aene, 24ao katuka te kariki anne, n reitaki ma te iriko ni man, nako nanon baiia Aaron ma natina mm'aane. Ao i mwiina, a na tabekaki rake#29.24 a na tabekia rake: Ke “ni uotia rake”. ma ni kaotaki b'a e katabuaki b'a au b'ai. 25I mwiin aei, e na katukaki te iriko ni man ma te kariki i aon te baonikarea ma ni kawaerakea bubuna ma boina are N na kukurei iai.
26Kam na kana te rinikaokao are e a tia ni kaokoroaki man te kauoman n tiibu aei, ma kam riai moa n tabeki rake#29.26 tabeki rake: Ke “otirake”. ma ni kaotii b'a a tia ni katabuaki b'a au b'ai.
27Ni boong aika na roko ngkana arona b'a iai Iteraera ane e anga rinikaokaon ma rangan te tiibu mm'aane ake mai buki b'a tao b'ain katabuaia ibonga ke i bukin te buubuti te kakab'aia, 28ao e na aranaki te irikoniman b'a au b'ai, ma e na riai ni kanaki irouia ibonga. E na aki manga bitaki te tua aei.
29E na kakaawakinaki kunnikain Aaron n ibonga nakon rooro nako ae na manga onea mwiina n riki b'a te ibonga ae rietaata, 30ao a na riai ni kunnikainaki ni kunnikai aikai ni kaitiuani bongin te bootaki ni katabutabu.
31Kaburoa irikon te tiibu are b'ain te katabutabu n te tabo are e tabu, 32ao a na kaai ni kanna Aaron ma natina mm'aane n reitaki ma taian kariki ake tenaekaki akekei#29.32 kariki ake tenaekaki akekei: Noori kiibu aika 2,3. n te mataroa n rin nakon te Um'antabunrianna. 33E na karaoaki te bootaki ni kab'ara bure i bukiia ma kanaia aika a tabu i nanon taini katabuaia. Ti i nanon te tai anne ae a konaa ni kanna iai. 34Ngkana arona b'a iai nikiran te am'arake are e tabu ae e tiku nakon te moaningabong are i mwiina, e na riai ni kabuokaki.
35Karaoa te bootaki ni katabutabu i bukin Aaron ma natina mm'aane i nanon itiua te bong aika ti te bo kanoaia, n aron are I a tia n reireiniko. 36Kam na katoa bong n anga te kaomm'aane b'a te karea i bukin kab'araan buure n ai aron kaitiakan te baonikarea. N reitaki ma anne, ko na taauria te baonikarea ni b'aan te oriwa b'a e aonga n tabu rab'atana ni kabane. 37Kam na karaoa aei i nanon itiua te bong, ao e na riki n tabu iai te baonikarea n te aro are a na bane n tabu akana a riiringnga.
Te Karea are Katoabong
(Nak 6.8-13; War 28.1-8)
E taku te Atua:
38Kam na riai ni kareana uoman te tiibu mm'aane ae uoua ana ririki ni maiu ni katoa bong, 39temanna n te ingabong ao temanna n te tairiki. 40Kam na anga ni kaairia ma te tiibuteteei, teuana te kirokuraem te buraawa ae e renganaki ma teuana te riita b'aan te oriwa ni koaua b'a te angab'ai. 41I rangi ni kukurei ni boiararan te karea aei i aon ain te baonikarea. 42Kam riai n angaanga te karea aei n taai nako ngkoe ma am kariki 43i aon te baonikarea are ni mataroan te Um'antabunrianna.
Kaain Iteraera, N na manga kaitibo ma n taetae ma ngkami ikekei, ao e na riki n tabu te tabo anne n ootan mimitongiu. 44E na riki n tabu te Um'antabunrianna i buku, ao a na nako raoi aia m'akuri n ibonga Aaron ma natina mm'aane. 45N na maeka i buakomi b'a Atuami Ngai, 46ao kam na ataia iai b'a bon te UEA Ngai ae Atuami, are E kamaiungkami mai Aikubita, b'a I aonga ni konaa ni maeka i buakomi.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте