Te Otinako 5
5
M'anangaia Aaron ma Moote Nakon Uean Aikubita
1Ao a m'ananga Moote ma Aaron nakon uean Aikubita ao a tuangnga ni kaangai, “E taku te UEA ae te Atua, “Ko na kariaia Au aomata b'a a na nakon te rereua, b'a a aonga ni konaa ni karineai ni karaoa aia bootaki ni kukurei ikekei.”
2Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”
3Ao a taku, “E a tia ni kaoti te UEA ae Atuaia Ebera nako ira. Ti butiiko b'a ko na kariaia b'a ti na nakonako i nanon tenibong nakon te rereua ike ti konaa n anga iai ara karea nako ina. Ngkana ko aki, ao e na oroira n te kangaanga ae e kakamaaku ke n te buaka.”
4Ao e taku te uea nakon Moote ma Aaron, “E aera ngkai kam na katoka m'akuriia aomata aikai? Kaokiia taani m'akuri aikai nakon aia m'akuri! 5E korakora riki m'aitimi nako ia kaain Aikubita, ao kam a manga aki m'akuri!”
6Ao n te bong naba anne are e a manga kanakoa ana taeka te uea nako ia aia mataniwi tooro ao mm'aane ake a tararuaia tooro ake Iteraera. Ao e taku:
7Akea te uteute ae kam na anganiia tooro b'a a na kamatoai aia buriki iai. Kairoroia b'a a na bon kakaei aia uteute n taabo n aki akaaka, #5.7 uteute: Te uteute e karika te buriki b'a e na kona ni matoatoa n aki kona n uruaki ke ni mae nako. 8ma a na bon karaoa naba te m'aiti ni buriki n aron are a bon kaakaraoia mai m'aaina. A taningaroti, ke a aonga n aki manga butiai b'a N na kanakoia n anga karea nakon Atuaia. 9Kakorakora aia m'akuri b'a e aonga n aki reke aia tai n ongo nakon taian taeka ni kewe aikai.
10Ao a nako aia mataniwi tooro ao mm'aane ake taan tararuaia ao a tuangiia ni kaangai, “E taku te uea b'a ti na aki manga anganingkami te uteute. 11Kam na kakaaea ami uteute n taabo n aki akaaka, ma kam na bon karaoa naba te m'aiti ni buriki n aron are mai m'aaina.”
12Ao a nakonako toro i aon Aikubita ni kabutaa ni kakaaea te uteute. 13Ma a tua matoa aia b'aoti nako ia ao a aki toki n taetae ni kaangai, “Kam na karaoi buriki ae m'aitin naba are kam kaakaraoia mai m'aaina ngke kam a anganganaki ngkoa te uteute.” 14Ao a kataereaki mataniwiia tooro irouia taiani b'aoti ao a taku, “E aera ngkai kam aki kairoroia tooro b'a a na karaoi buriki aika a m'aiti ngkoananoa ao n te bong aei n aron are a bon kaakaraoia mai m'aaina?”
15Ao n tokina mm'aane aika Iteraera ake a tararuaia tooro a m'ananga ni kawara te uea ao a taku, “E aera ngkai ko karaoa aei nako ira? 16Bon akea ae e anganiira te uteute, ao ti bon tuangaki naba b'a ti na boni karaoa te buriki ni m'aitin are ti kaakaraoia mai m'aaina. Ti oreaki n taiani kainikataere, ao a boni bure am aomata.”
17Ao e kaeka te uea ni kaangai, “Kam rangi n taningaroti, bon akea manenami b'a kam taningaroti! Ao bon anne bukina ngke kam aki toki ni buubutiai b'a N na kanakoi ngkami b'a kam na anga ami karea nakon Atuami. 18Naako okiri ami m'akuri, ma kam na bon karaoa naba te m'aiti ni buriki n aron are mai m'aaina.”
19Ao a namakinna mm'aane b'a a reke n te kangaanga ae korakora ngke a manga tuangaki naba b'a a na karaoa te buriki ni m'aitin are a kaakaraoia mai m'aaina ni katoa bong. 20Ao ngke a tia ni kiitana te uea, a nako ni kawara Moote ma Aaron, ake a tataningaia. 21Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”
Ana Berita Te UEA Nakon Moote
22Ao e kiitaniia Moote n nako n tataro ni kaangai, “Ara UEA e aera ngkai ko karokoa irouia Am aomata taiani kangaanga aika m'aiti? Bon aei bukin karokoaia ikai i Roum? 23Ko tuangai ngkoa b'a N na taetae nakon te uea, ao akea te b'ai ae Ko karaoia ma ti karokoan te kangaanga nako ia aomata aikai. Ao Ko tuai man karaoa Am buobuoki.”
Избрани в момента:
Te Otinako 5: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Te Otinako 5
5
M'anangaia Aaron ma Moote Nakon Uean Aikubita
1Ao a m'ananga Moote ma Aaron nakon uean Aikubita ao a tuangnga ni kaangai, “E taku te UEA ae te Atua, “Ko na kariaia Au aomata b'a a na nakon te rereua, b'a a aonga ni konaa ni karineai ni karaoa aia bootaki ni kukurei ikekei.”
2Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”
3Ao a taku, “E a tia ni kaoti te UEA ae Atuaia Ebera nako ira. Ti butiiko b'a ko na kariaia b'a ti na nakonako i nanon tenibong nakon te rereua ike ti konaa n anga iai ara karea nako ina. Ngkana ko aki, ao e na oroira n te kangaanga ae e kakamaaku ke n te buaka.”
4Ao e taku te uea nakon Moote ma Aaron, “E aera ngkai kam na katoka m'akuriia aomata aikai? Kaokiia taani m'akuri aikai nakon aia m'akuri! 5E korakora riki m'aitimi nako ia kaain Aikubita, ao kam a manga aki m'akuri!”
6Ao n te bong naba anne are e a manga kanakoa ana taeka te uea nako ia aia mataniwi tooro ao mm'aane ake a tararuaia tooro ake Iteraera. Ao e taku:
7Akea te uteute ae kam na anganiia tooro b'a a na kamatoai aia buriki iai. Kairoroia b'a a na bon kakaei aia uteute n taabo n aki akaaka, #5.7 uteute: Te uteute e karika te buriki b'a e na kona ni matoatoa n aki kona n uruaki ke ni mae nako. 8ma a na bon karaoa naba te m'aiti ni buriki n aron are a bon kaakaraoia mai m'aaina. A taningaroti, ke a aonga n aki manga butiai b'a N na kanakoia n anga karea nakon Atuaia. 9Kakorakora aia m'akuri b'a e aonga n aki reke aia tai n ongo nakon taian taeka ni kewe aikai.
10Ao a nako aia mataniwi tooro ao mm'aane ake taan tararuaia ao a tuangiia ni kaangai, “E taku te uea b'a ti na aki manga anganingkami te uteute. 11Kam na kakaaea ami uteute n taabo n aki akaaka, ma kam na bon karaoa naba te m'aiti ni buriki n aron are mai m'aaina.”
12Ao a nakonako toro i aon Aikubita ni kabutaa ni kakaaea te uteute. 13Ma a tua matoa aia b'aoti nako ia ao a aki toki n taetae ni kaangai, “Kam na karaoi buriki ae m'aitin naba are kam kaakaraoia mai m'aaina ngke kam a anganganaki ngkoa te uteute.” 14Ao a kataereaki mataniwiia tooro irouia taiani b'aoti ao a taku, “E aera ngkai kam aki kairoroia tooro b'a a na karaoi buriki aika a m'aiti ngkoananoa ao n te bong aei n aron are a bon kaakaraoia mai m'aaina?”
15Ao n tokina mm'aane aika Iteraera ake a tararuaia tooro a m'ananga ni kawara te uea ao a taku, “E aera ngkai ko karaoa aei nako ira? 16Bon akea ae e anganiira te uteute, ao ti bon tuangaki naba b'a ti na boni karaoa te buriki ni m'aitin are ti kaakaraoia mai m'aaina. Ti oreaki n taiani kainikataere, ao a boni bure am aomata.”
17Ao e kaeka te uea ni kaangai, “Kam rangi n taningaroti, bon akea manenami b'a kam taningaroti! Ao bon anne bukina ngke kam aki toki ni buubutiai b'a N na kanakoi ngkami b'a kam na anga ami karea nakon Atuami. 18Naako okiri ami m'akuri, ma kam na bon karaoa naba te m'aiti ni buriki n aron are mai m'aaina.”
19Ao a namakinna mm'aane b'a a reke n te kangaanga ae korakora ngke a manga tuangaki naba b'a a na karaoa te buriki ni m'aitin are a kaakaraoia mai m'aaina ni katoa bong. 20Ao ngke a tia ni kiitana te uea, a nako ni kawara Moote ma Aaron, ake a tataningaia. 21Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”
Ana Berita Te UEA Nakon Moote
22Ao e kiitaniia Moote n nako n tataro ni kaangai, “Ara UEA e aera ngkai ko karokoa irouia Am aomata taiani kangaanga aika m'aiti? Bon aei bukin karokoaia ikai i Roum? 23Ko tuangai ngkoa b'a N na taetae nakon te uea, ao akea te b'ai ae Ko karaoia ma ti karokoan te kangaanga nako ia aomata aikai. Ao Ko tuai man karaoa Am buobuoki.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте