Karikani B'aai 34
34
Tauan Nei Rina
1Ao n te tai teuana, ao e nako Nei Rina are natin Iakob'a ma Nei Reea b'a e na kawariia ainen Kanaan tabeman. 2Ao ngke e nooria Tekem are natin Amora are te I-Iwaite, are mataniwiin te aono arei, ao e nako n raweia, ao e taua. 3Ma e noora neierei b'a e bon rangi n tikiraoi, ngaia are, e a tangiria, ao e a kakab'aka nanona. 4Ao e a tuanga tamana, ao e taku, “I tangiria b'a ko na anaa Nei Rina b'a buu.”
5Ao e a ongo Iakob'a aron b'ainikiriinan natina arei i bukina ngke akea m'anena n te tai arei b'a a nako n te tawaana ma ana nanai ni man. Bon akea te b'ai ae e karaoia Iakob'a ni karokoa okiia natina mm'aane. 6Ao e nako taman Tekem are Amora ni kawara Iakob'a b'a e na maroroo ma Iakob'a, 7ao ngke a oki natin Iakob'a mm'aane man te tawaana, ao a ongo te b'ai arei, ao a rawawata ma ni maraki nanoia iai iroun Tekem ngke e taua m'aneia, ao e karaoa te m'akuri n tautau ae bon rangi ni katabuaki n te tua n Iteraera. 8Ao e taku Amora, “Taiaoka b'a I a bon uota ana rongorongo natiu te mm'aane nakon natimi te aine b'a e a rangi n tangiria ni kan mare ma ngaia. 9Ti na karaoa te boraraoi b'a a na iein ara aomata ma ami aomata. 10Ao kam kona ni maeka i rarikira n te aba aei, kam kona ni maeka n te tabo ane kam bon taku, ma ni kabob'ai, ao ni karekei aromi i bon i roumi.”
11Ao e taku Tekem nakon taman Nei Rina ma m'anena, “Ngkana kam karaoa ae N na tuangngkami, ao N na anganingkami te b'ai ane kam tangiria. 12Tuangai b'a tera te b'ai n tangira ae kam tangiria, ao bairea boon ami ataei n aine ni kaboobuaka n aron boona ane kam bon taku; N na anganingkami te b'ai ae kam bubuti iai ngkana kam kariaia b'a n na iein ma ngaia.”
13Ao a kaeka natin Iakob'a ake mm'aane nakon Tekem ma tamana are Amora n te aro ni m'am'anaai ke ni kewe, i bukina ngke e kab'ainranga Nei Rina are m'aneia teuare Tekem. 14Ao a taku nako ina, “Ti bon aki kona n anga m'anera nakon te aomata ae e tuai korotabonim'aneaki,#34.14 tuai korotabonim'aneaki: A korotabonim'aneaki ataeinimm'aanen Iteraera ngke 8 aia bong imwin bungiakiia, ao akea Iteraera ae e aki korotabonim'aneaki. e na bon riki b'a te b'ai ni kamamaa nako ira. 15Ti tii kona ni kariaia ngkana kam katotongiira ni korotabonim'aneia naba ami mm'aane ni kabane. 16Ao ti a tib'a kona ngkanne n iein ma ngkami ma ni maeka ma ngkami, ao n riki b'a te botannaomata ae ti teuana ma ngkami. 17Ma ngkana kam aki kariaia ara iango aei ni korotabonim'aneaki, ao ti na anaa ara ataei n aine ma ni kitaningkami.”
18Ao e taraa n nakoraoi te iango aei iroun Amora ma natina te mm'aane are Tekem, 19ao e aki manga kabane tai te rorobuaka arei ni karaoa nanon te iango arei, i bukina ngke e rangi n tangira natin Iakob'a te aine, ao bon ngaia te kabanea ni kakannato n ana utu.
20Ao a nako Amora ma natina te mm'aane nakon te tabo ni kabowi i mataroan te kaawa n taetae nakoia aomatan te kaawa, ao a taku, 21“A bon rangin iraorao aomata aikai, ma ngaia ae, ti na kamaekaia i rarikira ma n anganiia te inaomata n nako ngkana a m'ananga nako. E bon rangi ni buubura naba te aba i bukiia. Ti na iein ma natiia aine, ao ti na anganiia naba ara aine b'a buuia. 22Ma a na ti kariaia ni maeka i rarikira ma n riki b'a te botannaomata ae ti teuana ngaira ma ngaia ngkana a korotabonim'aneaki ara mm'aane ni kabane, n ai aroia ngaiia ae a bane n tia ni korotabonim'aneaki. 23Ao a na riki aia nanai ni man ma aia b'ai nako b'a ara b'ai. Ngaia ae, ti riai ni kariaia b'a aonga ni maeka i rarikira.” 24Ao a bane kaain te kaawa are buubura arei ni kariaia aia iango Amora ao Tekem, ngaia are a korotabonim'aneaki mm'aane ni kabane.
25Tenibong te bong i mwiina, ngke a tuai mao mwiin koreaia mm'aane, ao uoman natin Iakob'a mm'aane aika Timeon, ao Rewi ake m'anen Nei Rina a anai aia kabaang, ao a nakon te kaawa n tiringiia mm'aane ni kabane n te aro ae aki kaantaningaaki, 26n ikotaki naba ma Amora ma natina are Tekem. Ao i mwiina, a anaa Nei Rina man ana auti Tekem, ao a nako. 27Ao i mwiin te tiritiri arei, ao a manga m'ananga natin Iakob'a mm'aane ake tabeman n anai b'ain te kaawa arei b'a irantangaan m'aneia are e tauaki. 28A anai taian nanai ni kao, ma nanai n tiibu, ma taian aati, ma b'ain te kaawa ni kabane ma taian tawaana. 29A anai b'aai ni kabane aika a kakawaki, ao a kairiia aine ni kabane ma ataei b'a aia taenikai, ao a uotinako b'ain taian auti ni kabane.
30Ao e taku Iakob'a nakon Timeon ma Rewi, “Kam a tia ni karekeai n te kangaanga; ngkai a ribaai kaain Kanaan, ma taian Beritaite, ma aomata ni kabane n te aba aei. Ti na bon bane ni mate ngkana a bootia aia aomata ni buakaniira b'a bon ti tabeman ara aomata.”
31Ma a taku, “Ti bon aki kona ni kariaia m'anera b'a e na karaoaki te m'akuri n tautau nako ina kaanga te aine n aki akaaka.”
Избрани в момента:
Karikani B'aai 34: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Karikani B'aai 34
34
Tauan Nei Rina
1Ao n te tai teuana, ao e nako Nei Rina are natin Iakob'a ma Nei Reea b'a e na kawariia ainen Kanaan tabeman. 2Ao ngke e nooria Tekem are natin Amora are te I-Iwaite, are mataniwiin te aono arei, ao e nako n raweia, ao e taua. 3Ma e noora neierei b'a e bon rangi n tikiraoi, ngaia are, e a tangiria, ao e a kakab'aka nanona. 4Ao e a tuanga tamana, ao e taku, “I tangiria b'a ko na anaa Nei Rina b'a buu.”
5Ao e a ongo Iakob'a aron b'ainikiriinan natina arei i bukina ngke akea m'anena n te tai arei b'a a nako n te tawaana ma ana nanai ni man. Bon akea te b'ai ae e karaoia Iakob'a ni karokoa okiia natina mm'aane. 6Ao e nako taman Tekem are Amora ni kawara Iakob'a b'a e na maroroo ma Iakob'a, 7ao ngke a oki natin Iakob'a mm'aane man te tawaana, ao a ongo te b'ai arei, ao a rawawata ma ni maraki nanoia iai iroun Tekem ngke e taua m'aneia, ao e karaoa te m'akuri n tautau ae bon rangi ni katabuaki n te tua n Iteraera. 8Ao e taku Amora, “Taiaoka b'a I a bon uota ana rongorongo natiu te mm'aane nakon natimi te aine b'a e a rangi n tangiria ni kan mare ma ngaia. 9Ti na karaoa te boraraoi b'a a na iein ara aomata ma ami aomata. 10Ao kam kona ni maeka i rarikira n te aba aei, kam kona ni maeka n te tabo ane kam bon taku, ma ni kabob'ai, ao ni karekei aromi i bon i roumi.”
11Ao e taku Tekem nakon taman Nei Rina ma m'anena, “Ngkana kam karaoa ae N na tuangngkami, ao N na anganingkami te b'ai ane kam tangiria. 12Tuangai b'a tera te b'ai n tangira ae kam tangiria, ao bairea boon ami ataei n aine ni kaboobuaka n aron boona ane kam bon taku; N na anganingkami te b'ai ae kam bubuti iai ngkana kam kariaia b'a n na iein ma ngaia.”
13Ao a kaeka natin Iakob'a ake mm'aane nakon Tekem ma tamana are Amora n te aro ni m'am'anaai ke ni kewe, i bukina ngke e kab'ainranga Nei Rina are m'aneia teuare Tekem. 14Ao a taku nako ina, “Ti bon aki kona n anga m'anera nakon te aomata ae e tuai korotabonim'aneaki,#34.14 tuai korotabonim'aneaki: A korotabonim'aneaki ataeinimm'aanen Iteraera ngke 8 aia bong imwin bungiakiia, ao akea Iteraera ae e aki korotabonim'aneaki. e na bon riki b'a te b'ai ni kamamaa nako ira. 15Ti tii kona ni kariaia ngkana kam katotongiira ni korotabonim'aneia naba ami mm'aane ni kabane. 16Ao ti a tib'a kona ngkanne n iein ma ngkami ma ni maeka ma ngkami, ao n riki b'a te botannaomata ae ti teuana ma ngkami. 17Ma ngkana kam aki kariaia ara iango aei ni korotabonim'aneaki, ao ti na anaa ara ataei n aine ma ni kitaningkami.”
18Ao e taraa n nakoraoi te iango aei iroun Amora ma natina te mm'aane are Tekem, 19ao e aki manga kabane tai te rorobuaka arei ni karaoa nanon te iango arei, i bukina ngke e rangi n tangira natin Iakob'a te aine, ao bon ngaia te kabanea ni kakannato n ana utu.
20Ao a nako Amora ma natina te mm'aane nakon te tabo ni kabowi i mataroan te kaawa n taetae nakoia aomatan te kaawa, ao a taku, 21“A bon rangin iraorao aomata aikai, ma ngaia ae, ti na kamaekaia i rarikira ma n anganiia te inaomata n nako ngkana a m'ananga nako. E bon rangi ni buubura naba te aba i bukiia. Ti na iein ma natiia aine, ao ti na anganiia naba ara aine b'a buuia. 22Ma a na ti kariaia ni maeka i rarikira ma n riki b'a te botannaomata ae ti teuana ngaira ma ngaia ngkana a korotabonim'aneaki ara mm'aane ni kabane, n ai aroia ngaiia ae a bane n tia ni korotabonim'aneaki. 23Ao a na riki aia nanai ni man ma aia b'ai nako b'a ara b'ai. Ngaia ae, ti riai ni kariaia b'a aonga ni maeka i rarikira.” 24Ao a bane kaain te kaawa are buubura arei ni kariaia aia iango Amora ao Tekem, ngaia are a korotabonim'aneaki mm'aane ni kabane.
25Tenibong te bong i mwiina, ngke a tuai mao mwiin koreaia mm'aane, ao uoman natin Iakob'a mm'aane aika Timeon, ao Rewi ake m'anen Nei Rina a anai aia kabaang, ao a nakon te kaawa n tiringiia mm'aane ni kabane n te aro ae aki kaantaningaaki, 26n ikotaki naba ma Amora ma natina are Tekem. Ao i mwiina, a anaa Nei Rina man ana auti Tekem, ao a nako. 27Ao i mwiin te tiritiri arei, ao a manga m'ananga natin Iakob'a mm'aane ake tabeman n anai b'ain te kaawa arei b'a irantangaan m'aneia are e tauaki. 28A anai taian nanai ni kao, ma nanai n tiibu, ma taian aati, ma b'ain te kaawa ni kabane ma taian tawaana. 29A anai b'aai ni kabane aika a kakawaki, ao a kairiia aine ni kabane ma ataei b'a aia taenikai, ao a uotinako b'ain taian auti ni kabane.
30Ao e taku Iakob'a nakon Timeon ma Rewi, “Kam a tia ni karekeai n te kangaanga; ngkai a ribaai kaain Kanaan, ma taian Beritaite, ma aomata ni kabane n te aba aei. Ti na bon bane ni mate ngkana a bootia aia aomata ni buakaniira b'a bon ti tabeman ara aomata.”
31Ma a taku, “Ti bon aki kona ni kariaia m'anera b'a e na karaoaki te m'akuri n tautau nako ina kaanga te aine n aki akaaka.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте