Karikani B'aai 45
45
Kaotakin Ioteb'a Nakoia Tarina
1Ao Ioteb'a e a aki kona n taotaona nanona ni karaba mairouia tarina, ma ngaia are, e a tuangiia aomata ni kabane b'a a na kitana te ru, ao ngke ai bon akea aomata, ao e a tuangiia tarina b'a antai ngaia. 2Ao e a tangi n takaarua, ma ngaia are, a ongo kaain Aikubita, ao e a roko rongorongona n ana bareti te uea. 3Ao e taku Ioteb'a nakoia tarina, “Bon Ioteb'a ngai. Ao e uara tamau, e boni maiu ngkai?” Ao ngke a ongo arei tarina, ao a bane ni maaku, ao a aki kakarongoa. 4Ao e a taku Ioteb'a nako ia, “Taiaoka ma keemai. Ao ngke a roko, ao e taku, “Bon tarimi ngai are Ioteb'a, are kam kabonakoa ngkoa nako Aikubita. 5Kam na aki nanokawaki, ke ni bukiningkami i bon iroumi i bukina ngke kam kabooai nako ikai. Bon te Atua ae kanakoai n ri moami nako ikai b'a N na kamaiuia aomata. 6Bon te kauoua n ririki n rongo aei i aon te aba; ao ai ti nimaua riki te ririki ae a na akea iai te ununiki ma te ribana. 7E karimoaai te Atua, b'a N na kamaiungkami n te aro ae kamimii aei, ao ni kakoauaa naba b'a kam na maiu, ao a na maiu naba ami kariki. 8Ma ngaia are, tiaki ngkami ae kam karokoai ikai, ma bon te Atua. E a tia ni karikai b'a te aobitia ae rietaata i roun te uea. E anganai taekan abana ni kabutaa, boni ngai te tia tautaeka i aon Aikubita ni kabutaa.
9Kam na kawaekoai ngkami ngkai ni kawara tamami, ao tuangnga ana taeka natina te mm'aane ae Ioteb'a ae kaangai, ‘E a tia te Atua n anganai tautaekanakin Aikubita ni kabutaa, kawaekoai ngkami n nako mai nako iu, ao tai babaenikai. 10Kam kona ni maeka n te tabo are Koten, b'a kam aonga ni kaani ma Ngai; ngkami ma ami ataei, tibumi, ami tiibu, ami kooti, ami kao, ao ami b'aai ni kabane. 11N na kona n tararuaingkami ngkana kam maeka i Koten. Ai ti nimaua riki ririkin te rongo; ao I aki tangiringkami b'a kam na mate ni baki ma ami utu, ma ami nanai ni man aika kawakawa.’
12Ao e reitanako ana taeka Ioteb'a ao e taku, ‘Ma ngaia are, ngkai kam tia n noorai raoi b'a bon Ioteb'a ngai, ao ngkoe naba Beniamin, 13ao kam na tuanga tamau aroni m'aakau i aon Aikubita, ao tuangnga b'aai ni kabane aika kam a tia n noori. Ao i mwiina, kawaekoai ngkami ni kairaa mai tamami.’ ” 14Ao e kanakoa baina Ioteb'a n rab'ata tarina are Beniamin, ao a kaai n tang. 15Ao i mwina, e rab'atiia tarina ake tabeman, ao e inga ma ngaiia. Ao i mwiin aei, ao a tib'a taetae tarina ma ngaia.
16Ao ngke e roko te rongorongo arei n te baareti b'a a roko tarin Ioteb'a, ao a bane ni kukurei ana aobitia te uea. 17Ao e taku nakon Ioteb'a, “Tuangiia tarim b'a a na kaoni uotan aia aati man okira te aba are Kanaan. 18Ke a nako n anaa tamaia ma aia utu nako, ao a manga okira ikai. N na anganiia te aba ae rangi n tamaroa mai aon Aikubita, b'a a na maeka iai, ao e na bon toki nanoia ni baika tangiri mai aon te aba. 19Tuangiia naba b'a a na uoti taiani ka ake a katikitikaki i rouia maan b'a baoia buuia ma natiia ake a uarereke, ao tamaia. 20A na aki raraomaeakini aia b'ai akana a tiku i mwiia, b'a a na b'aini b'ain te aba are Aikubita ni kabane aika moan raraoi.”
21Ao natin Iakob'a a karaoa are a tuangaki. Ao Ioteb'a e anganiia taiani ka ake a katikitikaki n taiani man, n ai aron ana taeka te uea, ao kanaia naba are aia tianaki i nanoni m'anangaia. 22Ao e bane naba ni katoaia ma tatabeua aia kunnikai, ma e angan Beniamin tenibubua te m'akoro n tirewa, ao nimaua ana kunnikai. 23Ao e kanakoa ana b'ai tamana tengaun taian aati aika a onrake n uotaia b'ain Aikubita aika rangi n tamaroa, ao tengaun naba taian aati aika a onrake n te uita, te kariki, ao am'arake riki tabeua b'a aia tianaki 24Ao e kab'akaia i aoni kawaia, ao ngke a nako, ao e taku nako ia, “Kam na aki ngurengure i aoni kawaimi.” 25A kitana Aikubita nakoni mwengaia, nakon tamaia are Iakob'a i Kanaan. 26Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.
27Ao ngke a tia n tuangnga b'aai ni kabane are e tuangiia Ioteb'a, ao ngke e a noora te ka are e katikitikaki irouia maan are e kanakoa Ioteb'a mai Aikubita nako ina, ao e a tib'a kakoaua raoi.
28Ao e taku, “E boni maiu natiu are Ioteb'a. Bon ti anne te b'ai ae I kan ongo taekana. N nangi nako ngkai n nooria i m'aini mateu.”
Избрани в момента:
Karikani B'aai 45: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Karikani B'aai 45
45
Kaotakin Ioteb'a Nakoia Tarina
1Ao Ioteb'a e a aki kona n taotaona nanona ni karaba mairouia tarina, ma ngaia are, e a tuangiia aomata ni kabane b'a a na kitana te ru, ao ngke ai bon akea aomata, ao e a tuangiia tarina b'a antai ngaia. 2Ao e a tangi n takaarua, ma ngaia are, a ongo kaain Aikubita, ao e a roko rongorongona n ana bareti te uea. 3Ao e taku Ioteb'a nakoia tarina, “Bon Ioteb'a ngai. Ao e uara tamau, e boni maiu ngkai?” Ao ngke a ongo arei tarina, ao a bane ni maaku, ao a aki kakarongoa. 4Ao e a taku Ioteb'a nako ia, “Taiaoka ma keemai. Ao ngke a roko, ao e taku, “Bon tarimi ngai are Ioteb'a, are kam kabonakoa ngkoa nako Aikubita. 5Kam na aki nanokawaki, ke ni bukiningkami i bon iroumi i bukina ngke kam kabooai nako ikai. Bon te Atua ae kanakoai n ri moami nako ikai b'a N na kamaiuia aomata. 6Bon te kauoua n ririki n rongo aei i aon te aba; ao ai ti nimaua riki te ririki ae a na akea iai te ununiki ma te ribana. 7E karimoaai te Atua, b'a N na kamaiungkami n te aro ae kamimii aei, ao ni kakoauaa naba b'a kam na maiu, ao a na maiu naba ami kariki. 8Ma ngaia are, tiaki ngkami ae kam karokoai ikai, ma bon te Atua. E a tia ni karikai b'a te aobitia ae rietaata i roun te uea. E anganai taekan abana ni kabutaa, boni ngai te tia tautaeka i aon Aikubita ni kabutaa.
9Kam na kawaekoai ngkami ngkai ni kawara tamami, ao tuangnga ana taeka natina te mm'aane ae Ioteb'a ae kaangai, ‘E a tia te Atua n anganai tautaekanakin Aikubita ni kabutaa, kawaekoai ngkami n nako mai nako iu, ao tai babaenikai. 10Kam kona ni maeka n te tabo are Koten, b'a kam aonga ni kaani ma Ngai; ngkami ma ami ataei, tibumi, ami tiibu, ami kooti, ami kao, ao ami b'aai ni kabane. 11N na kona n tararuaingkami ngkana kam maeka i Koten. Ai ti nimaua riki ririkin te rongo; ao I aki tangiringkami b'a kam na mate ni baki ma ami utu, ma ami nanai ni man aika kawakawa.’
12Ao e reitanako ana taeka Ioteb'a ao e taku, ‘Ma ngaia are, ngkai kam tia n noorai raoi b'a bon Ioteb'a ngai, ao ngkoe naba Beniamin, 13ao kam na tuanga tamau aroni m'aakau i aon Aikubita, ao tuangnga b'aai ni kabane aika kam a tia n noori. Ao i mwiina, kawaekoai ngkami ni kairaa mai tamami.’ ” 14Ao e kanakoa baina Ioteb'a n rab'ata tarina are Beniamin, ao a kaai n tang. 15Ao i mwina, e rab'atiia tarina ake tabeman, ao e inga ma ngaiia. Ao i mwiin aei, ao a tib'a taetae tarina ma ngaia.
16Ao ngke e roko te rongorongo arei n te baareti b'a a roko tarin Ioteb'a, ao a bane ni kukurei ana aobitia te uea. 17Ao e taku nakon Ioteb'a, “Tuangiia tarim b'a a na kaoni uotan aia aati man okira te aba are Kanaan. 18Ke a nako n anaa tamaia ma aia utu nako, ao a manga okira ikai. N na anganiia te aba ae rangi n tamaroa mai aon Aikubita, b'a a na maeka iai, ao e na bon toki nanoia ni baika tangiri mai aon te aba. 19Tuangiia naba b'a a na uoti taiani ka ake a katikitikaki i rouia maan b'a baoia buuia ma natiia ake a uarereke, ao tamaia. 20A na aki raraomaeakini aia b'ai akana a tiku i mwiia, b'a a na b'aini b'ain te aba are Aikubita ni kabane aika moan raraoi.”
21Ao natin Iakob'a a karaoa are a tuangaki. Ao Ioteb'a e anganiia taiani ka ake a katikitikaki n taiani man, n ai aron ana taeka te uea, ao kanaia naba are aia tianaki i nanoni m'anangaia. 22Ao e bane naba ni katoaia ma tatabeua aia kunnikai, ma e angan Beniamin tenibubua te m'akoro n tirewa, ao nimaua ana kunnikai. 23Ao e kanakoa ana b'ai tamana tengaun taian aati aika a onrake n uotaia b'ain Aikubita aika rangi n tamaroa, ao tengaun naba taian aati aika a onrake n te uita, te kariki, ao am'arake riki tabeua b'a aia tianaki 24Ao e kab'akaia i aoni kawaia, ao ngke a nako, ao e taku nako ia, “Kam na aki ngurengure i aoni kawaimi.” 25A kitana Aikubita nakoni mwengaia, nakon tamaia are Iakob'a i Kanaan. 26Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.
27Ao ngke a tia n tuangnga b'aai ni kabane are e tuangiia Ioteb'a, ao ngke e a noora te ka are e katikitikaki irouia maan are e kanakoa Ioteb'a mai Aikubita nako ina, ao e a tib'a kakoaua raoi.
28Ao e taku, “E boni maiu natiu are Ioteb'a. Bon ti anne te b'ai ae I kan ongo taekana. N nangi nako ngkai n nooria i m'aini mateu.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте