Nakoaia Ibonga 15
15
Ranin te Rab'ata aika Kam'araa
1Aikai tuua ake E anga te UEA nakon Moote ma Aaron 2i bukiia Iteraera. Ngkana iai te m'aane ae meira te buri, ao e boni kam'araa te buri anne, 3ngkana e tabe n tiitinako, ke ngkana e aki tiitinako naba b'a tao e buri i nanon m'anena. 4A na bane ni kam'araa kainiwene akana e tekatekani ke ni wene i aoia. 5E na uatiia kunnikaina, ao e na tebokia te aomata ane e riinga ana kainiwene, 6ke e tekateka i aon b'aai ake e a tia n tekatekan te aomata are kam'araa. Ao e na tiku ni kam'araa naba te aomata anne ni karokoa te tairiki. 7E na kam'araa naba te aomata are riinga te aomata are meira te buri. E na uatiia kunnikaina, ao e na tebokia, ao e na tiku naba ni kam'araa ni karokoa te tairiki. 8Ngkana e bawarea te aomata ae aki kam'araa te aomata are e meira te buri, ao e na uatiia ana kunnikai ma n tebokia, ao e na tiku naba ni kam'araa ni karokoa te tairiki. 9E na kam'araa naba kaintekatekan te aoti are tekatekanna te aomata are meira te buri. 10E na kam'araa ni karokoa te tairiki te aomata are riinga te b'ai are a tia n tekatekanna te aomata are kam'araa. Ao ngkana iai ane uouota te b'ai are a tia n tekatekanna te aomata are kam'araa, ao e na uatiia kunnikaina man tebokia, ao e na bon tiku naba ni kam'araa ni karokoa te tairiki. 11Ngkana e riinga te aomata temanna te aomata are e kam'araa i m'ain tebokani baina, ao e na uatiia kunnikaina, ao e na tebokia, ao e na bon tiku naba ni kam'araa ni karokoa te tairiki te aomata are riingaki. 12A na uruakaki taiani b'aata aika katiibu ake e riingi te aomata anne, ao a na tebokaki taian b'aata aika taian kai ngkana e riingi naba.
13Ngkana e a toki meiran te buri iroun te aomata anne, ao e na tataningaa riki itiua te bong, ao e na manga uatiia kunnikaina, ao e na tebotebo n ranin te koburake n ran ae itiaki, ao e a tib'a toki kam'araana iai. 14Ao te kawani bong e na anai uoman te taobe, ke uoman te bitin nako mataroan ana Um'antabunrianna te UEA, ao e na angan te ibonga. 15Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki.#15.15 te karea ni kabuokaki: Noori taeka akana n 1.1-3. Ao anne ngkanne arona ni karaoa te m'akuri ni kaitiaki i bukin te aomata anne.
16Ngkana e tiinako ana tari te aomata, ao e na teboka rab'atana ni kabane, ao e na tiku ni kam'araa ni karokoa te tairiki. 17A na bane n tebokaki b'aai ake a timraki n te tari, aika b'aai aika a karaoaki man te kunnikai, ke kunin te man, ao a na tiku naba ni kam'araa ni karokoa te tairiki. 18Ngkana a wenenibure te m'aane ao te aine, ao a na tebotebo i mwiina, ma a na tiku ni kam'araa ni karokoa te tairiki.
19Ngkana e aoraki n aine te aine, ao e na tiku ni kam'araa i nanon itiua te bong. Ao ane e riinga te aine anne, ao e na tiku ni kam'araa ni karokoa te tairiki. 20A bane ni kam'araa b'aai akana e na tekatekani, ke e na wene i aoia. 21Ane riinga ana kainiwene ke b'aai ake e tekateka i aoia, 22ao e na uatiia kunnikaina te aomata anne, ao e na tebokia, 23ao e na tiku naba ni kam'araa ni karokoa te tairiki. 24Ngkana iai ane wenenibure ma neienne i nanon ana tai n aoraki n aine, ao e na riki ni kam'araa teuanne i bukin kam'araan neiene, ao e na tiku ni kam'araa teuanne i nanon itiua te bong, ao e na kam'araa naba te kainiwene are e wene iai.
25Ngkana e aoraki n aine temanna i tinanikun ana tai n aoraki n aine, ke e ri aon ana tai are e riai n toki iai aorakina n aine, ao e na tiku ni kam'araa ni karokoa tokin raoi tokin te aoraki n aine i rouna, n ai aron are n ana bong n aoraki n aine. 26A na kam'araa b'aai ni kabane ake e wene i aoia, ke e tekatekan i nanon ana tai n aoraki. 27E na kam'araa naba te aomata ane e riingnga, ngaia are e na uatiia kunnikaina, ao e na tebokia te aomata ane e riingnga, ao e na tiku ni kam'araa ni karokoa te tairiki. 28E na manga tataninga riki itiua te bong i mwiin tokin nakona, ao e a tib'a itiaki. 29N te kawanua ni bong e na anai uoman te taobe, ke uoman te bitin nako mataroan ana Um'antabunrianna te UEA. 30E na anga temanna te mannikiba te ibonga b'a te karea ni kab'arabure, ao are temanna b'a te karea ni kabuokaki, ao ai anne ngkanne aron te ibonga ni karaoa te m'akuri ni kaitiaki i bukin te aine anne.
31Ao te UEA, E tuanga Moote b'a e na kauringiia Iteraera i bukin aia bure, b'a a aonga n aki kamatauninga ana Um'antabunrianna te UEA, are e mena i nukan te maeka. B'a ngkana a kamatauninga ana Um'antabunrianna te UEA, ao a na tiringaki.
32Akanne tuua i bukin te m'aane ae e meira te buri, ke e tiinako ana tari, 33ke te aine ae e aoraki n aine, ke te m'aane ae e wenenibure ma te aine ae aoraki n aine.
Избрани в момента:
Nakoaia Ibonga 15: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Nakoaia Ibonga 15
15
Ranin te Rab'ata aika Kam'araa
1Aikai tuua ake E anga te UEA nakon Moote ma Aaron 2i bukiia Iteraera. Ngkana iai te m'aane ae meira te buri, ao e boni kam'araa te buri anne, 3ngkana e tabe n tiitinako, ke ngkana e aki tiitinako naba b'a tao e buri i nanon m'anena. 4A na bane ni kam'araa kainiwene akana e tekatekani ke ni wene i aoia. 5E na uatiia kunnikaina, ao e na tebokia te aomata ane e riinga ana kainiwene, 6ke e tekateka i aon b'aai ake e a tia n tekatekan te aomata are kam'araa. Ao e na tiku ni kam'araa naba te aomata anne ni karokoa te tairiki. 7E na kam'araa naba te aomata are riinga te aomata are meira te buri. E na uatiia kunnikaina, ao e na tebokia, ao e na tiku naba ni kam'araa ni karokoa te tairiki. 8Ngkana e bawarea te aomata ae aki kam'araa te aomata are e meira te buri, ao e na uatiia ana kunnikai ma n tebokia, ao e na tiku naba ni kam'araa ni karokoa te tairiki. 9E na kam'araa naba kaintekatekan te aoti are tekatekanna te aomata are meira te buri. 10E na kam'araa ni karokoa te tairiki te aomata are riinga te b'ai are a tia n tekatekanna te aomata are kam'araa. Ao ngkana iai ane uouota te b'ai are a tia n tekatekanna te aomata are kam'araa, ao e na uatiia kunnikaina man tebokia, ao e na bon tiku naba ni kam'araa ni karokoa te tairiki. 11Ngkana e riinga te aomata temanna te aomata are e kam'araa i m'ain tebokani baina, ao e na uatiia kunnikaina, ao e na tebokia, ao e na bon tiku naba ni kam'araa ni karokoa te tairiki te aomata are riingaki. 12A na uruakaki taiani b'aata aika katiibu ake e riingi te aomata anne, ao a na tebokaki taian b'aata aika taian kai ngkana e riingi naba.
13Ngkana e a toki meiran te buri iroun te aomata anne, ao e na tataningaa riki itiua te bong, ao e na manga uatiia kunnikaina, ao e na tebotebo n ranin te koburake n ran ae itiaki, ao e a tib'a toki kam'araana iai. 14Ao te kawani bong e na anai uoman te taobe, ke uoman te bitin nako mataroan ana Um'antabunrianna te UEA, ao e na angan te ibonga. 15Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki.#15.15 te karea ni kabuokaki: Noori taeka akana n 1.1-3. Ao anne ngkanne arona ni karaoa te m'akuri ni kaitiaki i bukin te aomata anne.
16Ngkana e tiinako ana tari te aomata, ao e na teboka rab'atana ni kabane, ao e na tiku ni kam'araa ni karokoa te tairiki. 17A na bane n tebokaki b'aai ake a timraki n te tari, aika b'aai aika a karaoaki man te kunnikai, ke kunin te man, ao a na tiku naba ni kam'araa ni karokoa te tairiki. 18Ngkana a wenenibure te m'aane ao te aine, ao a na tebotebo i mwiina, ma a na tiku ni kam'araa ni karokoa te tairiki.
19Ngkana e aoraki n aine te aine, ao e na tiku ni kam'araa i nanon itiua te bong. Ao ane e riinga te aine anne, ao e na tiku ni kam'araa ni karokoa te tairiki. 20A bane ni kam'araa b'aai akana e na tekatekani, ke e na wene i aoia. 21Ane riinga ana kainiwene ke b'aai ake e tekateka i aoia, 22ao e na uatiia kunnikaina te aomata anne, ao e na tebokia, 23ao e na tiku naba ni kam'araa ni karokoa te tairiki. 24Ngkana iai ane wenenibure ma neienne i nanon ana tai n aoraki n aine, ao e na riki ni kam'araa teuanne i bukin kam'araan neiene, ao e na tiku ni kam'araa teuanne i nanon itiua te bong, ao e na kam'araa naba te kainiwene are e wene iai.
25Ngkana e aoraki n aine temanna i tinanikun ana tai n aoraki n aine, ke e ri aon ana tai are e riai n toki iai aorakina n aine, ao e na tiku ni kam'araa ni karokoa tokin raoi tokin te aoraki n aine i rouna, n ai aron are n ana bong n aoraki n aine. 26A na kam'araa b'aai ni kabane ake e wene i aoia, ke e tekatekan i nanon ana tai n aoraki. 27E na kam'araa naba te aomata ane e riingnga, ngaia are e na uatiia kunnikaina, ao e na tebokia te aomata ane e riingnga, ao e na tiku ni kam'araa ni karokoa te tairiki. 28E na manga tataninga riki itiua te bong i mwiin tokin nakona, ao e a tib'a itiaki. 29N te kawanua ni bong e na anai uoman te taobe, ke uoman te bitin nako mataroan ana Um'antabunrianna te UEA. 30E na anga temanna te mannikiba te ibonga b'a te karea ni kab'arabure, ao are temanna b'a te karea ni kabuokaki, ao ai anne ngkanne aron te ibonga ni karaoa te m'akuri ni kaitiaki i bukin te aine anne.
31Ao te UEA, E tuanga Moote b'a e na kauringiia Iteraera i bukin aia bure, b'a a aonga n aki kamatauninga ana Um'antabunrianna te UEA, are e mena i nukan te maeka. B'a ngkana a kamatauninga ana Um'antabunrianna te UEA, ao a na tiringaki.
32Akanne tuua i bukin te m'aane ae e meira te buri, ke e tiinako ana tari, 33ke te aine ae e aoraki n aine, ke te m'aane ae e wenenibure ma te aine ae aoraki n aine.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте