Tơlơi Tơbiă 14
14
Pharaôn kiaŏ tui ƀing Israel
1Yêhôwa pơhiăp hăng Môis, 2“Pơtă bĕ kơ ană plei pla Israel, wơ̆t glaĭ jưh ƀơi anăp Pihahirôt, tơ̆ng krah Mikdôl laih anŭn ia rơsĭ, klă anăp Baal Sêphôn. Brơi ƀing gih jưh ƀơi anŭn yơh, ƀơi hang ia rơsĭ. 3Yua kơ Pharaôn či laĭ kơ ană plei pla Israel tui anai: ‘Ană plei pla Israel hlăk dŏ wơr glai amăng čar; tơdrŏn har hmâo wang dar gơñu laih.’ 4Kâo či ngă brơi Pharaôn khăng pran jua, laih anŭn gơñu či kiaŏ tui ană plei pla Israel. Samơ̆ Kâo či hmâo tơlơi ư-ang yua kơ Pharaôn laih anŭn abih bang tơhan ñu; ƀing Êjip či thâo Kâo jing Yêhôwa.” Ană plei pla Israel hmâo ngă djơ̆ kar hăng anŭn.
5Tơ arăng hmâo pơthâo kơ Pharaôn, ană plei pla Hêbrơ đuaĭ laih, pran jua Pharaôn laih anŭn ƀing ding kơna ñu hmâo tơlơi pơblih mơtam hăng ană plei pla Israel, gơñu laĭ. “Hơgĕt tơlơi ƀing ta hmâo ngă laih, brơi ană plei pla Israel tơbiă đuaĭ kiăng kơ gơñu ƀu mă bruă kơ ƀing ta dơ̆ng tah hă?” 6Tui anŭn Pharaôn prăp rơmet rơdeh laih anŭn ba tơhan nao. 7Pharaôn ba năm rơtuh rơdeh aseh hiam hloh kơ abih bang, laih anŭn abih rơdeh aseh pơkŏn amăng čar Êjip. Amăng rĭm boh rơdeh aseh leng hmâo ƀing khua tơhan gĭt gai. 8Yêhôwa ngă brơi Pharaôn, pơtao čar Êjip, khăng pran jua laih anŭn kiaŏ tui ƀing ană plei pla Israel, tơdang ană plei pla Israel dŏ rơbat nao hăng tơlơi khĭn.#14:8 Dưi pơblang dơ̆ng mơ̆n: rơbat tơbiă nao amăng tơlơi Yêhôwa pơgang wai. 9Ƀing Êjip wơ̆t hăng Aseh, rơdeh aseh, ƀing gai aseh, laih anŭn ƀing tơhan pơtao Pharaôn kiaŏ tui laih anŭn hơmao ƀing Israel tơdang gơñu jưh ƀơi hang ia rơsĭ, jĕ Pihahirôt, pơklă anăp hăng Baal Sêphôn.
10Tơ Pharaôn jĕ truh, ană plei pla Israel nger glaĭ ƀuh tơhan Êjip hlăk kiaŏ tui. Gơñu hwĭ bral biă mă, gơñu ur kơ Yêhôwa. 11Gơñu laĭ kơ Môis: “Pơ čar Êjip ƀu hmâo djŏp pơsat ôh hă, tơl ih ba ƀing gơmơi nao djai ƀơi tơdrŏn har anai? Ih ba ƀing gơmơi tơbiă mơ̆ng čar Êjip kiăng ngă hơgĕt? 12Ƀu djơ̆ ôh hă gơmơi hmâo laĭ laih hăng ih amăng čar Êjip: ‘Măk ai gơmơi, lui bĕ gơmơi mă bruă kơ ƀing Êjip.’ Yua kơ lui gơmơi mă bruă kơ gơñu jing hiam hloh kơ tơlơi gơmơi djai pơ tơdrŏn har!” 13Môis laĭ hăng ană plei pla: “Anăm hwĭ ôh, dŏ kơjăp bĕ laih anŭn krăp lăng tơlơi pơklaih Yêhôwa či ngă brơi kơ ƀing gih hrơi anai. Ƀing Êjip ƀing gih ƀuh hrơi anai, ƀing gih ƀu či ƀuh gơñu dơ̆ng ôh. 14Yêhôwa či pơblah brơi kơ ƀing gih, bơ kơ ƀing gih brơi kơ ƀing gih dŏ hơđơ̆ng rơiăt.”
15Yêhôwa pơhiăp hăng Môis: “Hyư̆m ih ur krao kơ Kâo? Laĭ bĕ kơ ană plei pla Israel brơi gơñu rơbat nao pơ anăp. 16Bơ kơ ih, djă bĕ gai jra ih, yơr tơngan ih ƀơi jơlah rơsĭ laih anŭn pơkah hĭ ia kiăng kơ ană plei pla Israel găn ia rơsĭ rơbat ƀơi lŏn thu. 17Kâo či ngă brơi ană plei pla Êjip khăng pran jua kiăng kơ gơñu kiaŏ tui ană plei pla Israel trŭn amăng ia rơsĭ; Kâo či hmâo tơlơi ư-ang yua kơ Pharaôn, yua kơ abih bang ƀing tơhan ñu, rơdeh aseh ñu laih anŭn ƀing gai aseh ñu. 18Tơ Kâo hmâo tơlơi ư-ang yua kơ Pharaôn, rơdeh aseh ñu laih anŭn ƀing gai aseh ñu tui anŭn ƀing Êjip či thâo Kâo jing Yêhôwa.”
19Ling jang Ơi Adai, pô hmâo nao hlâo kơ ƀing tơhan ană plei pla Israel, đuaĭ hĭ mơ̆ng anăp gơñu laih anŭn wơ̆t glaĭ rơbat gah klon gơñu; Bơ kơ tơmeh gơnăm ăt đuaĭ mơ̆ng anăp gơñu laih anŭn dŏ hĭ gah klon gơñu mơ̆n; 20dŏ kơplah wah anih jưh tơhan ƀing Êjip laih anŭn anih jưh tơhan ƀing Israel. Gơnăm anŭn ngă brơi gah Êjip jing mơmŏt, samơ̆ gah Israel jing bơngač, yua anŭn yơh abih mlam dua gah gơñu ƀu dưi nao jĕ tơdruă ôh.
Găn ia rơsĭ mriah
21Môis yơr tơngan ñu gah ia rơsĭ; Abih mlam anŭn, Yêhôwa brơi angĭn mơ̆ng ngŏ thut kơtang kiăng kơ čơkul hĭ ia rơsĭ, Ñu pơkah hĭ ia jing dua gah, ia rơsĭ jing hĭ lŏn thu. 22#I Kôr 10:1-2; Hêb 11:29.Ană plei pla Israel găn ia rơsĭ rơbat ƀơi lŏn thu, samơ̆ ia jing hĭ pơnăng păng gah hơnuă laih anŭn gah iao gơñu. 23Ƀing Êjip kiaŏ tui, abih bang aseh, rơdeh aseh laih anŭn ƀing gai aseh Pharaôn leng kơ tui gơñu trŭn amăng ia rơsĭ. 24Ƀơi mơguah ưm Yêhôwa mơ̆ng tơmeh apui laih anŭn gơnăm lăng trŭn tơhan Êjip laih anŭn ngă brơi gơñu hmâo tơlơi pơrŭng pơrăng. 25Ñu toh lui hĭ pông rơdeh aseh gơñu, gơñu gai rơdeh gleh glăn kơtraŏ kơtrĭn biă mă. Ƀing Êjip laĭ tơdruă gơñu: “Brơi ƀing ta đuaĭ bĕ mơ̆ng ană plei pla Israel, yua kơ Yêhôwa pơblah brơi kơ gơñu, ngă kơ ƀing Êjip.”
26Yêhôwa pơhiăp hăng Môis: “Yơr bĕ tơngan ih gah ia rơsĭ kiăng kơ ia gom glaĭ ƀing Êjip, ƀing rơdeh aseh laih anŭn gai aseh gơñu.” 27Ưm mơguah, Môis yơr tơngan ƀơi ia rơsĭ laih anŭn ia rơsĭ jing glaĭ dơ̆ng kar hlâo. Ƀing Êjip đuaĭ kơdŏp, samơ̆ Yêhôwa glŏm gơñu amăng ia rơsĭ. 28Ia đuaĭ glaĭ gom abih rơdeh aseh, ƀing gai aseh wơ̆t hăng abih bang ƀing tơhan Pharaôn laih anŭn hơdôm ƀing kiaŏ tui Israel trŭn amăng ia rơsĭ ƀu hmâo sa čô hlơi dưi klaih ôh. 29Bơ kơ ană plei pla Israel gơñu găn ia rơsĭ rơbat ƀơi lŏn thu, ia jing hĭ pơnăng păng gah hơnuă laih anŭn gah iao gơñu.
30Amăng hrơi anŭn, Yêhôwa pơklaih ană plei pla Israel mơ̆ng tơngan Êjip; gơñu ƀuh drơi jan djai ƀing Êjip ƀơi hang ia rơsĭ. 31Ƀing ană Israel ƀuh hăng mơta gơñu bruă mơyang hling hlang Yêhôwa hmâo ngă kơ ƀing Êjip, hnŭn yơh gơñu hwĭ pơpŭ kơ Yêhôwa, laih anŭn đaŏ kơ Môis ding kơna Ñu.
Избрани в момента:
Tơlơi Tơbiă 14: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 14
14
Pharaôn kiaŏ tui ƀing Israel
1Yêhôwa pơhiăp hăng Môis, 2“Pơtă bĕ kơ ană plei pla Israel, wơ̆t glaĭ jưh ƀơi anăp Pihahirôt, tơ̆ng krah Mikdôl laih anŭn ia rơsĭ, klă anăp Baal Sêphôn. Brơi ƀing gih jưh ƀơi anŭn yơh, ƀơi hang ia rơsĭ. 3Yua kơ Pharaôn či laĭ kơ ană plei pla Israel tui anai: ‘Ană plei pla Israel hlăk dŏ wơr glai amăng čar; tơdrŏn har hmâo wang dar gơñu laih.’ 4Kâo či ngă brơi Pharaôn khăng pran jua, laih anŭn gơñu či kiaŏ tui ană plei pla Israel. Samơ̆ Kâo či hmâo tơlơi ư-ang yua kơ Pharaôn laih anŭn abih bang tơhan ñu; ƀing Êjip či thâo Kâo jing Yêhôwa.” Ană plei pla Israel hmâo ngă djơ̆ kar hăng anŭn.
5Tơ arăng hmâo pơthâo kơ Pharaôn, ană plei pla Hêbrơ đuaĭ laih, pran jua Pharaôn laih anŭn ƀing ding kơna ñu hmâo tơlơi pơblih mơtam hăng ană plei pla Israel, gơñu laĭ. “Hơgĕt tơlơi ƀing ta hmâo ngă laih, brơi ană plei pla Israel tơbiă đuaĭ kiăng kơ gơñu ƀu mă bruă kơ ƀing ta dơ̆ng tah hă?” 6Tui anŭn Pharaôn prăp rơmet rơdeh laih anŭn ba tơhan nao. 7Pharaôn ba năm rơtuh rơdeh aseh hiam hloh kơ abih bang, laih anŭn abih rơdeh aseh pơkŏn amăng čar Êjip. Amăng rĭm boh rơdeh aseh leng hmâo ƀing khua tơhan gĭt gai. 8Yêhôwa ngă brơi Pharaôn, pơtao čar Êjip, khăng pran jua laih anŭn kiaŏ tui ƀing ană plei pla Israel, tơdang ană plei pla Israel dŏ rơbat nao hăng tơlơi khĭn.#14:8 Dưi pơblang dơ̆ng mơ̆n: rơbat tơbiă nao amăng tơlơi Yêhôwa pơgang wai. 9Ƀing Êjip wơ̆t hăng Aseh, rơdeh aseh, ƀing gai aseh, laih anŭn ƀing tơhan pơtao Pharaôn kiaŏ tui laih anŭn hơmao ƀing Israel tơdang gơñu jưh ƀơi hang ia rơsĭ, jĕ Pihahirôt, pơklă anăp hăng Baal Sêphôn.
10Tơ Pharaôn jĕ truh, ană plei pla Israel nger glaĭ ƀuh tơhan Êjip hlăk kiaŏ tui. Gơñu hwĭ bral biă mă, gơñu ur kơ Yêhôwa. 11Gơñu laĭ kơ Môis: “Pơ čar Êjip ƀu hmâo djŏp pơsat ôh hă, tơl ih ba ƀing gơmơi nao djai ƀơi tơdrŏn har anai? Ih ba ƀing gơmơi tơbiă mơ̆ng čar Êjip kiăng ngă hơgĕt? 12Ƀu djơ̆ ôh hă gơmơi hmâo laĭ laih hăng ih amăng čar Êjip: ‘Măk ai gơmơi, lui bĕ gơmơi mă bruă kơ ƀing Êjip.’ Yua kơ lui gơmơi mă bruă kơ gơñu jing hiam hloh kơ tơlơi gơmơi djai pơ tơdrŏn har!” 13Môis laĭ hăng ană plei pla: “Anăm hwĭ ôh, dŏ kơjăp bĕ laih anŭn krăp lăng tơlơi pơklaih Yêhôwa či ngă brơi kơ ƀing gih hrơi anai. Ƀing Êjip ƀing gih ƀuh hrơi anai, ƀing gih ƀu či ƀuh gơñu dơ̆ng ôh. 14Yêhôwa či pơblah brơi kơ ƀing gih, bơ kơ ƀing gih brơi kơ ƀing gih dŏ hơđơ̆ng rơiăt.”
15Yêhôwa pơhiăp hăng Môis: “Hyư̆m ih ur krao kơ Kâo? Laĭ bĕ kơ ană plei pla Israel brơi gơñu rơbat nao pơ anăp. 16Bơ kơ ih, djă bĕ gai jra ih, yơr tơngan ih ƀơi jơlah rơsĭ laih anŭn pơkah hĭ ia kiăng kơ ană plei pla Israel găn ia rơsĭ rơbat ƀơi lŏn thu. 17Kâo či ngă brơi ană plei pla Êjip khăng pran jua kiăng kơ gơñu kiaŏ tui ană plei pla Israel trŭn amăng ia rơsĭ; Kâo či hmâo tơlơi ư-ang yua kơ Pharaôn, yua kơ abih bang ƀing tơhan ñu, rơdeh aseh ñu laih anŭn ƀing gai aseh ñu. 18Tơ Kâo hmâo tơlơi ư-ang yua kơ Pharaôn, rơdeh aseh ñu laih anŭn ƀing gai aseh ñu tui anŭn ƀing Êjip či thâo Kâo jing Yêhôwa.”
19Ling jang Ơi Adai, pô hmâo nao hlâo kơ ƀing tơhan ană plei pla Israel, đuaĭ hĭ mơ̆ng anăp gơñu laih anŭn wơ̆t glaĭ rơbat gah klon gơñu; Bơ kơ tơmeh gơnăm ăt đuaĭ mơ̆ng anăp gơñu laih anŭn dŏ hĭ gah klon gơñu mơ̆n; 20dŏ kơplah wah anih jưh tơhan ƀing Êjip laih anŭn anih jưh tơhan ƀing Israel. Gơnăm anŭn ngă brơi gah Êjip jing mơmŏt, samơ̆ gah Israel jing bơngač, yua anŭn yơh abih mlam dua gah gơñu ƀu dưi nao jĕ tơdruă ôh.
Găn ia rơsĭ mriah
21Môis yơr tơngan ñu gah ia rơsĭ; Abih mlam anŭn, Yêhôwa brơi angĭn mơ̆ng ngŏ thut kơtang kiăng kơ čơkul hĭ ia rơsĭ, Ñu pơkah hĭ ia jing dua gah, ia rơsĭ jing hĭ lŏn thu. 22#I Kôr 10:1-2; Hêb 11:29.Ană plei pla Israel găn ia rơsĭ rơbat ƀơi lŏn thu, samơ̆ ia jing hĭ pơnăng păng gah hơnuă laih anŭn gah iao gơñu. 23Ƀing Êjip kiaŏ tui, abih bang aseh, rơdeh aseh laih anŭn ƀing gai aseh Pharaôn leng kơ tui gơñu trŭn amăng ia rơsĭ. 24Ƀơi mơguah ưm Yêhôwa mơ̆ng tơmeh apui laih anŭn gơnăm lăng trŭn tơhan Êjip laih anŭn ngă brơi gơñu hmâo tơlơi pơrŭng pơrăng. 25Ñu toh lui hĭ pông rơdeh aseh gơñu, gơñu gai rơdeh gleh glăn kơtraŏ kơtrĭn biă mă. Ƀing Êjip laĭ tơdruă gơñu: “Brơi ƀing ta đuaĭ bĕ mơ̆ng ană plei pla Israel, yua kơ Yêhôwa pơblah brơi kơ gơñu, ngă kơ ƀing Êjip.”
26Yêhôwa pơhiăp hăng Môis: “Yơr bĕ tơngan ih gah ia rơsĭ kiăng kơ ia gom glaĭ ƀing Êjip, ƀing rơdeh aseh laih anŭn gai aseh gơñu.” 27Ưm mơguah, Môis yơr tơngan ƀơi ia rơsĭ laih anŭn ia rơsĭ jing glaĭ dơ̆ng kar hlâo. Ƀing Êjip đuaĭ kơdŏp, samơ̆ Yêhôwa glŏm gơñu amăng ia rơsĭ. 28Ia đuaĭ glaĭ gom abih rơdeh aseh, ƀing gai aseh wơ̆t hăng abih bang ƀing tơhan Pharaôn laih anŭn hơdôm ƀing kiaŏ tui Israel trŭn amăng ia rơsĭ ƀu hmâo sa čô hlơi dưi klaih ôh. 29Bơ kơ ană plei pla Israel gơñu găn ia rơsĭ rơbat ƀơi lŏn thu, ia jing hĭ pơnăng păng gah hơnuă laih anŭn gah iao gơñu.
30Amăng hrơi anŭn, Yêhôwa pơklaih ană plei pla Israel mơ̆ng tơngan Êjip; gơñu ƀuh drơi jan djai ƀing Êjip ƀơi hang ia rơsĭ. 31Ƀing ană Israel ƀuh hăng mơta gơñu bruă mơyang hling hlang Yêhôwa hmâo ngă kơ ƀing Êjip, hnŭn yơh gơñu hwĭ pơpŭ kơ Yêhôwa, laih anŭn đaŏ kơ Môis ding kơna Ñu.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.