Tơlơi Tơbiă 22
22
Tơlơi Juăt brơi Kơ Tơlơi Soh Klĕ Dŏp
1Tơdah hlơi pô klĕ dŏp sa drơi rơmo ƀôdah sa drơi triu laih anŭn ñu pơdjai ƀôdah sĭ hĭ, ñu khŏm duh rơma wơ̆t lu hloh brơi kơ sa drơi rơmo, laih anŭn pă wơ̆t lu hloh brơi kơ sa drơi triu. 2Tơdah sa čô pô klĕ arăng hmâo mă ñu hlăk ñu dŏ đưh bah amăng laih anŭn arăng taih pơdjai hĭ ñu, pô taih pơdjai anŭn ƀu soh ngă tuh drah ôh; 3samơ̆ tơdah arăng taih pơdjai ñu hlăk yang hrơi ƀlĕ laih, pô taih pơdjai mơnuih anŭn či jing soh ngă tuh drah. Pô klĕ khŏm duh; tơdah pô klĕ ƀu hmâo mơnơ̆ng hơgĕt ôh kiăng kơ duh, arăng či sĭ hĭ ñu kar hăng sa čô hlŭn yua kơ tơlơi soh klĕ dŏp. 4Tơdah ƀuh amăng tơngan pô klĕ hơgĕt mơnơ̆ng ñu hmâo mă laih, rơmo ƀôdah aseh kle ƀôdah triu ăt dŏ hơdip, pô klĕ anŭn khŏm duh dua wơ̆t lu hloh.
Tơlơi juăt brơi kơ tơlơi ngă răm
5Tơdah hlơi pô ngă răm kơ hmua ƀôdah đang boh kơƀâu, ƀôdah ñu klaih lui hlô mơnơ̆ng ñu rong mŭt ƀơ̆ng pơdai kơtor amăng hmua pô pơkŏn,#22:5 Dưi pơblang dơ̆ng mơ̆n: Tơdah hlơi pô čuh hmua ƀôdah đang boh kơƀâu laih anŭn ƀu dưi wai lăng apui ôh, ngă brơi apui ƀơ̆ng hĭ hmua pô pơkŏn. pô anŭn khŏm mă gơnam hiam hloh mơ̆ng hmua ñu ƀôdah mơ̆ng đang boh kơƀâu ñu kiăng duh kơ arăng.
6Tơdah apui ƀơ̆ng laih anŭn ƀlŏng nao ƀơ̆ng hĭ pum drơi giơ̆ng anŭn ƀơ̆ng hĭ abih khul pŏ pơdai, pơdai aka hơpuă ôh, ƀôdah pơdai amăng hmua, pô čuh apui anŭn khŏm duh glaĭ abih mơnơ̆ng apui hmâo ƀơ̆ng laih.
Tơlơi juăt brơi kơ tơlơi pleč ƀlor
7Tơdah hlơi pô jao prăk ñu ƀôdah gơnam tam ñu kơ mơnuih jum dar ñu djă wai, samơ̆ arăng klĕ mơ̆ng sang pô djă, tơdah pô klĕ arăng hmâo mă hĭ, ñu khŏm duh dua wơ̆t lu hloh. 8Samơ̆ tơdah arăng ƀu hmâo mă ôh mơnuih klĕ, arăng či ba pô sang anŭn nao pơ anăp Ơi Adai, kiăng pơklă ñu thâo dah ñu mă ƀôdah ƀu mă ôh gơnam mơnuih jum dar ñu hmâo jao laih kơ ñu.
9Amăng abih tơlơi pơrơsua djơ̆ kơ dram gơnam, rơmo ƀôdah aseh kle, triu, ao phyung ƀôdah hơgĕt mơnơ̆ng hmâo rơngiă laih samơ̆ hmâo mơnuih laĭ: “Gơnam anai jing gơnam kâo”, tui anŭn dua gơñu khŏm nao ƀơi anăp Ơi Adai. Gah pă Ơi Adai klă kơđi, pô anŭn khŏm duh dua wơ̆t lu hloh brơi kơ mơnuih jum dar ñu.
10Tơdah hlơi pô jao hĭ aseh kle, rơmo, triu ƀôdah hlô mơnơ̆ng pơkŏn brơi kơ mơnuih jum dar ñu wai, laih anŭn hlô mơnơ̆ng anŭn djai hĭ, ruă rơka ƀôdah arăng klĕ mă hĭ ƀu hmâo hlơi ƀuh ôh, 11tui anŭn brơi dua bơnah khŏm ƀuăn rơ̆ng hăng anăn Yêhôwa kiăng pơklă pô wai hlô mơnơ̆ng anŭn ƀu mă ôh mơnơ̆ng pô jum dar ñu. Pô gơnam khŏm tŭ ư tơlơi ƀuăn rơ̆ng anŭn, laih anŭn pô wai anŭn ƀu hmâo duh hơgĕt get ôh. 12Samơ̆ tơdah pô sang klĕ hlô mơnơ̆ng anŭn, ñu khŏm duh glaĭ kơ pô gơnam anŭn. 13Tơdah hlô glai kĕ hek hĭ hlô mơnơ̆ng anŭn lu črăn, pô wai hlô mơnơ̆ng anŭn ba rai tơlơi pơsĭt, tui anŭn ñu ƀu či duh ôh hlô mơnơ̆ng hlô glai hmâo kĕ hek hĭ anŭn.
14Tơdah hlơi pô čan sa drơi hlô mơnơ̆ng mơnuih jum dar ñu, laih anŭn hlô mơnơ̆ng anŭn ruă rơka, ƀôdah djai hĭ hlăk pô hlô mơnơ̆ng anŭn rơkut, tui anŭn pô čan anŭn khŏm duh. 15Samơ̆, tơdah pô hlô mơnơ̆ng hmâo ƀô̆ mơta pơ anŭn, pô čan ƀu duh ôh. Tơdah hlơi pô čan hlô mơnơ̆ng laih anŭn ñu kla laih nua čan anŭn, tui anŭn nua čan anŭn pơala brơi kơ prăk duh anŭn.
Tơlơi Juăt kơ Tơlơi Phiăn laih anŭn Tơlơi Đaŏ
16 #
Mơñă 22:28-29. Tơdah sa čô đah rơkơi plư sa čô đah kơmơi dra hmŭm aka djă kong ôh laih anŭn đih hrŏm hăng ñu, pô đah rơkơi anŭn khŏm brơi gơnam pŭ mơnŭ kơ gơ̆ laih anŭn mă gơ̆ jing bơnai. 17Tơdah ama dra anŭn hơngah ƀu brơi gơ̆ dŏ kơ đah rơkơi anŭn ôh, đah rơkơi anŭn khŏm brơi prăk mơdơ̆ hăng gơnam pŭ mơnŭ pioh brơi kơ ƀing dra hmŭm.
18 #
Mơñă 18:10-11. Anăm lui sa čô đah kơmơi pơjâu dŏ hơdip ôh.
19 #
Lêwi 18:23; 20:15-16; Mơñă 27:21. Hlơi pô đih hăng sa drơi hlô mơnơ̆ng či tŭ tơlơi arăng pơdjai.
20 #
Mơñă 17:2-7. Hlơi pô pơyơr mơnơ̆ng ngă yang kơ yang pơkŏn rơngiao kơ Yêhôwa, arăng či pơdjai hĭ ñu.
21 #
Tơb 23:9; Lêwi 19:33-34; Mơñă 24:17-18; 27:19. Ih anăm ngă sat ƀôdah kơtư̆ juă mơnuih tuai, yua kơ ƀing gih hmâo jing ƀing tuai laih amăng čar Êjip.
22Ƀing gih anăm kơtư̆ juă ôh ƀing đah kơmơi djai rơkơi ƀôdah ƀing ană tơhrit. 23Tơdah ih kơtư̆ juă gơñu, laih anŭn gơñu či ur đĭ kơ Kâo, sĭt yơh Kâo či hmư̆ tơlơi gơñu ur; 24Tơlơi hil Kâo či tơgŭ đĭ, kâo či yua đao gưm pơdjai ƀing gih, bơnai ƀing gih či jing hĭ đah kơmơi djai rơkơi laih anŭn ană ƀing gih jing ană tơhrit.
25 #
Lêwi 25:35-38; Mơñă 15:7-11; 23:19-20. Tơdah ih brơi ƀing ƀun rin amăng ƀing ană plei pla kâo čan prăk, anăm ngă ôh kơ gơñu kar hăng pô hơnưh, laih anŭn kŏn anăm brơi gơñu kla kơmlai lơi. 26#Mơñă 24:10-13.Tơdah ih djă ao dai kơ mơnuih jum dar ih jing gơnam pioh pơala guan, brơi ih ba glaĭ kơ gơñu hlâo kơ yang hrơi lĕ; 27Yua kơ anŭn jing mơnơ̆ng sŏm drơi jan kơ gơñu, jing ao gom drơi jan, mă hĭ ao anŭn ñu đih pĭt hăng hơgĕt dơ̆ng? Tơdah ñu ur đĭ kơ Kâo sĭt yơh Kâo či hmư̆ ñu, yua kơ kâo jing Pô thâo pap.
28 #
Bruă 23:5. Ih anăm ƀrưh hmiah kơ Ơi Adai ôh,#22:28 Dưi pơblang dơ̆ng mơ̆n: Ih anăm ƀrưh hmiah ôh kơ ƀing khua phat kơđi. kŏn anăm hơtơ̆m pah kơ khua gĭt gai ană plei pla ih lơi.
29Ih anăm kaih amăng bruă pơyơr khul boh hlâo hlang laih anŭn ia tơpai ih ôh. Brơi ih ăt khŏm pơyơr kơ Kâo ƀing ană kơčoa đah rơkơi ih. 30Ih ăt ngă tui anŭn mơ̆n hăng triu laih anŭn rơmo ih. Brơi ih pioh ană tuh blŭng hlâo dŏ hăng amĭ ñu amăng tơjuh hrơi, truh hrơi tal sa păn brơi ih pơyơr ñu kơ Kâo.
31 #
Lêwi 17:15. Ƀing gih jing mơnuih rơgoh hiam kơ Kâo, yua kơ anŭn anăm ƀing gih ƀơ̆ng añăm hlô mơnơ̆ng kơ mơnơ̆ng glai kĕ hek hĭ pơ hmua ôh; brơi gih glŏm hĭ ñu brơi kơ asâo ƀơ̆ng.
Избрани в момента:
Tơlơi Tơbiă 22: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 22
22
Tơlơi Juăt brơi Kơ Tơlơi Soh Klĕ Dŏp
1Tơdah hlơi pô klĕ dŏp sa drơi rơmo ƀôdah sa drơi triu laih anŭn ñu pơdjai ƀôdah sĭ hĭ, ñu khŏm duh rơma wơ̆t lu hloh brơi kơ sa drơi rơmo, laih anŭn pă wơ̆t lu hloh brơi kơ sa drơi triu. 2Tơdah sa čô pô klĕ arăng hmâo mă ñu hlăk ñu dŏ đưh bah amăng laih anŭn arăng taih pơdjai hĭ ñu, pô taih pơdjai anŭn ƀu soh ngă tuh drah ôh; 3samơ̆ tơdah arăng taih pơdjai ñu hlăk yang hrơi ƀlĕ laih, pô taih pơdjai mơnuih anŭn či jing soh ngă tuh drah. Pô klĕ khŏm duh; tơdah pô klĕ ƀu hmâo mơnơ̆ng hơgĕt ôh kiăng kơ duh, arăng či sĭ hĭ ñu kar hăng sa čô hlŭn yua kơ tơlơi soh klĕ dŏp. 4Tơdah ƀuh amăng tơngan pô klĕ hơgĕt mơnơ̆ng ñu hmâo mă laih, rơmo ƀôdah aseh kle ƀôdah triu ăt dŏ hơdip, pô klĕ anŭn khŏm duh dua wơ̆t lu hloh.
Tơlơi juăt brơi kơ tơlơi ngă răm
5Tơdah hlơi pô ngă răm kơ hmua ƀôdah đang boh kơƀâu, ƀôdah ñu klaih lui hlô mơnơ̆ng ñu rong mŭt ƀơ̆ng pơdai kơtor amăng hmua pô pơkŏn,#22:5 Dưi pơblang dơ̆ng mơ̆n: Tơdah hlơi pô čuh hmua ƀôdah đang boh kơƀâu laih anŭn ƀu dưi wai lăng apui ôh, ngă brơi apui ƀơ̆ng hĭ hmua pô pơkŏn. pô anŭn khŏm mă gơnam hiam hloh mơ̆ng hmua ñu ƀôdah mơ̆ng đang boh kơƀâu ñu kiăng duh kơ arăng.
6Tơdah apui ƀơ̆ng laih anŭn ƀlŏng nao ƀơ̆ng hĭ pum drơi giơ̆ng anŭn ƀơ̆ng hĭ abih khul pŏ pơdai, pơdai aka hơpuă ôh, ƀôdah pơdai amăng hmua, pô čuh apui anŭn khŏm duh glaĭ abih mơnơ̆ng apui hmâo ƀơ̆ng laih.
Tơlơi juăt brơi kơ tơlơi pleč ƀlor
7Tơdah hlơi pô jao prăk ñu ƀôdah gơnam tam ñu kơ mơnuih jum dar ñu djă wai, samơ̆ arăng klĕ mơ̆ng sang pô djă, tơdah pô klĕ arăng hmâo mă hĭ, ñu khŏm duh dua wơ̆t lu hloh. 8Samơ̆ tơdah arăng ƀu hmâo mă ôh mơnuih klĕ, arăng či ba pô sang anŭn nao pơ anăp Ơi Adai, kiăng pơklă ñu thâo dah ñu mă ƀôdah ƀu mă ôh gơnam mơnuih jum dar ñu hmâo jao laih kơ ñu.
9Amăng abih tơlơi pơrơsua djơ̆ kơ dram gơnam, rơmo ƀôdah aseh kle, triu, ao phyung ƀôdah hơgĕt mơnơ̆ng hmâo rơngiă laih samơ̆ hmâo mơnuih laĭ: “Gơnam anai jing gơnam kâo”, tui anŭn dua gơñu khŏm nao ƀơi anăp Ơi Adai. Gah pă Ơi Adai klă kơđi, pô anŭn khŏm duh dua wơ̆t lu hloh brơi kơ mơnuih jum dar ñu.
10Tơdah hlơi pô jao hĭ aseh kle, rơmo, triu ƀôdah hlô mơnơ̆ng pơkŏn brơi kơ mơnuih jum dar ñu wai, laih anŭn hlô mơnơ̆ng anŭn djai hĭ, ruă rơka ƀôdah arăng klĕ mă hĭ ƀu hmâo hlơi ƀuh ôh, 11tui anŭn brơi dua bơnah khŏm ƀuăn rơ̆ng hăng anăn Yêhôwa kiăng pơklă pô wai hlô mơnơ̆ng anŭn ƀu mă ôh mơnơ̆ng pô jum dar ñu. Pô gơnam khŏm tŭ ư tơlơi ƀuăn rơ̆ng anŭn, laih anŭn pô wai anŭn ƀu hmâo duh hơgĕt get ôh. 12Samơ̆ tơdah pô sang klĕ hlô mơnơ̆ng anŭn, ñu khŏm duh glaĭ kơ pô gơnam anŭn. 13Tơdah hlô glai kĕ hek hĭ hlô mơnơ̆ng anŭn lu črăn, pô wai hlô mơnơ̆ng anŭn ba rai tơlơi pơsĭt, tui anŭn ñu ƀu či duh ôh hlô mơnơ̆ng hlô glai hmâo kĕ hek hĭ anŭn.
14Tơdah hlơi pô čan sa drơi hlô mơnơ̆ng mơnuih jum dar ñu, laih anŭn hlô mơnơ̆ng anŭn ruă rơka, ƀôdah djai hĭ hlăk pô hlô mơnơ̆ng anŭn rơkut, tui anŭn pô čan anŭn khŏm duh. 15Samơ̆, tơdah pô hlô mơnơ̆ng hmâo ƀô̆ mơta pơ anŭn, pô čan ƀu duh ôh. Tơdah hlơi pô čan hlô mơnơ̆ng laih anŭn ñu kla laih nua čan anŭn, tui anŭn nua čan anŭn pơala brơi kơ prăk duh anŭn.
Tơlơi Juăt kơ Tơlơi Phiăn laih anŭn Tơlơi Đaŏ
16 #
Mơñă 22:28-29. Tơdah sa čô đah rơkơi plư sa čô đah kơmơi dra hmŭm aka djă kong ôh laih anŭn đih hrŏm hăng ñu, pô đah rơkơi anŭn khŏm brơi gơnam pŭ mơnŭ kơ gơ̆ laih anŭn mă gơ̆ jing bơnai. 17Tơdah ama dra anŭn hơngah ƀu brơi gơ̆ dŏ kơ đah rơkơi anŭn ôh, đah rơkơi anŭn khŏm brơi prăk mơdơ̆ hăng gơnam pŭ mơnŭ pioh brơi kơ ƀing dra hmŭm.
18 #
Mơñă 18:10-11. Anăm lui sa čô đah kơmơi pơjâu dŏ hơdip ôh.
19 #
Lêwi 18:23; 20:15-16; Mơñă 27:21. Hlơi pô đih hăng sa drơi hlô mơnơ̆ng či tŭ tơlơi arăng pơdjai.
20 #
Mơñă 17:2-7. Hlơi pô pơyơr mơnơ̆ng ngă yang kơ yang pơkŏn rơngiao kơ Yêhôwa, arăng či pơdjai hĭ ñu.
21 #
Tơb 23:9; Lêwi 19:33-34; Mơñă 24:17-18; 27:19. Ih anăm ngă sat ƀôdah kơtư̆ juă mơnuih tuai, yua kơ ƀing gih hmâo jing ƀing tuai laih amăng čar Êjip.
22Ƀing gih anăm kơtư̆ juă ôh ƀing đah kơmơi djai rơkơi ƀôdah ƀing ană tơhrit. 23Tơdah ih kơtư̆ juă gơñu, laih anŭn gơñu či ur đĭ kơ Kâo, sĭt yơh Kâo či hmư̆ tơlơi gơñu ur; 24Tơlơi hil Kâo či tơgŭ đĭ, kâo či yua đao gưm pơdjai ƀing gih, bơnai ƀing gih či jing hĭ đah kơmơi djai rơkơi laih anŭn ană ƀing gih jing ană tơhrit.
25 #
Lêwi 25:35-38; Mơñă 15:7-11; 23:19-20. Tơdah ih brơi ƀing ƀun rin amăng ƀing ană plei pla kâo čan prăk, anăm ngă ôh kơ gơñu kar hăng pô hơnưh, laih anŭn kŏn anăm brơi gơñu kla kơmlai lơi. 26#Mơñă 24:10-13.Tơdah ih djă ao dai kơ mơnuih jum dar ih jing gơnam pioh pơala guan, brơi ih ba glaĭ kơ gơñu hlâo kơ yang hrơi lĕ; 27Yua kơ anŭn jing mơnơ̆ng sŏm drơi jan kơ gơñu, jing ao gom drơi jan, mă hĭ ao anŭn ñu đih pĭt hăng hơgĕt dơ̆ng? Tơdah ñu ur đĭ kơ Kâo sĭt yơh Kâo či hmư̆ ñu, yua kơ kâo jing Pô thâo pap.
28 #
Bruă 23:5. Ih anăm ƀrưh hmiah kơ Ơi Adai ôh,#22:28 Dưi pơblang dơ̆ng mơ̆n: Ih anăm ƀrưh hmiah ôh kơ ƀing khua phat kơđi. kŏn anăm hơtơ̆m pah kơ khua gĭt gai ană plei pla ih lơi.
29Ih anăm kaih amăng bruă pơyơr khul boh hlâo hlang laih anŭn ia tơpai ih ôh. Brơi ih ăt khŏm pơyơr kơ Kâo ƀing ană kơčoa đah rơkơi ih. 30Ih ăt ngă tui anŭn mơ̆n hăng triu laih anŭn rơmo ih. Brơi ih pioh ană tuh blŭng hlâo dŏ hăng amĭ ñu amăng tơjuh hrơi, truh hrơi tal sa păn brơi ih pơyơr ñu kơ Kâo.
31 #
Lêwi 17:15. Ƀing gih jing mơnuih rơgoh hiam kơ Kâo, yua kơ anŭn anăm ƀing gih ƀơ̆ng añăm hlô mơnơ̆ng kơ mơnơ̆ng glai kĕ hek hĭ pơ hmua ôh; brơi gih glŏm hĭ ñu brơi kơ asâo ƀơ̆ng.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.