Tơlơi Tơbiă 29
29
Phĕt Pơjao Bruă Ƀing Khua Ngă Yang
(Lêwi 8:1-36)
1“Anai jing bruă ih khŏm ngă tơ ih pơyơr Arôn laih anŭn ƀing ană đah rơkơi ñu kiăng kơ gơñu ngă bruă khua ngă yang kơ Kâo.
Mă bĕ sa drơi rơmo tơno dăm laih anŭn dua drơi triu tơno ƀu hmâo rơka rơkeñ ôh. 2Yua tơpŭng ƀlĭ ngă ƀañ tơpŭng ƀu hmâo tơpơi, ƀañ mơmih ƀu hmâo tơpơi lŭk hăng ia boh ôliwơ, laih anŭn ƀañ rơpih ƀu hmâo tơpơi lŭk hăng ia boh ôliwơ. 3Brơi ih pioh rĭm mơta ƀañ anŭn amăng sa boh bai laih anŭn pơyơr bai ƀañ hrŏm hơbĭt hăng rơmo tơno tơdăm laih anŭn dua drơi triu tơno.
4Ih či ba Arôn laih anŭn ană đah rơkơi ñu nao ƀơi anăp Sang Khăn Pơƀŭt laih anŭn mă ia rao pơrơgoh gơñu. 5Giơ̆ng anŭn, mă sum ao buh brơi Arôn, anŭn jing: Ao amăng lăm, ao phyung êphot, êphot laih anŭn hnal băk ƀơi tơda; giơ̆ng anŭn hruă hơdrăng êphot kơ ñu; 6đua mŭk ƀơi akŏ ñu laih anŭn dưm plăk rơgoh ƀơi mŭk anŭn; 7mă ia jâu tuh ƀơi akŏ laih anŭn truač ƀơi ñu. 8Ih ăt ba mơ̆n ƀing ană đah rơkơi Arôn nao jĕ laih anŭn buh brơi kơ gơñu ao amăng lăm. 9Giơ̆ng anŭn hruă hơdrăng kơiăng laih anŭn đua mŭk brơi kơ Arôn hăng ƀing ană đah rơkơi ñu. Bruă mơnuă khua ngă yang či lơ̆m kơ gơñu hăng sa tơlơi juăt hlŏng lar. Hnŭn yơh, ih hmâo jao bruă kơ Arôn laih anŭn kơ ƀing ană đah rơkơi ñu.
10Brơi ih dui ba rơmo tơno tơdăm ƀơi anăp Sang Khăn Pơƀŭt. Arôn laih anŭn ƀing ană đah rơkơi ñu či ah tơngan ƀơi akŏ rơmo 11laih anŭn brơi ih koh rơmo tơno anŭn ƀơi anăp Yêhôwa, ƀơi bah amăng Sang Khăn Pơƀŭt, 12giơ̆ng anŭn mă drah rơmo, yua čơđeng tơngan pik ƀơi khul tơki kơƀang ngă yang laih anŭn črăn drah dŏ glaĭ tuh hĭ gah yŭ tơkai kơƀang ngă yang. 13Brơi ih ăt mă abih tal rơmuă gom pruăi hơtai, khul črăn gah glai hơtai, dua boh ƀleh laih anŭn rơmuă ƀơi anŭn čuh hĭ ñu ƀơi kơƀang ngă yang. 14Samơ̆ čơđeh añăm, klĭ laih anŭn eh rơmo tơno anŭn, brơi ih čuh hĭ pơ rơngiao anih jưh. Anŭn jing sa tơlơi ngă yang song mă tơlơi soh.
15Brơi ih mă sa drơi amăng dua drơi triu tơno ba nao kiăng kơ Arôn laih anŭn ƀing ană đah rơkơi ñu či ah tơngan ƀơi akŏ triu tơno anŭn; 16Giơ̆ng anŭn, brơi ih koh triu tơno anŭn, mă drah ñu prăh jum dar kơƀang ngă yang. 17Laih anŭn brơi ih khăt triu tơno anŭn lu črăn, rao agaih khul pruăi hơtai ñu laih anŭn čôp ñu, pioh hrŏm hơbĭt hăng khul čơđeh añăm laih anŭn akŏ ñu; 18#Êph 5:2; Phi 4:18.Laih anŭn brơi ih čuh hĭ abih bang ană triu tơno ƀơi kơƀang ngă yang. Anŭn jing sa tơlơi ngă yang čuh pơyơr đĭ kơ Yêhôwa, jing sa tơlơi ngă yang yua apui pơyơr mơnâo ƀâu hiam ngă bơmơak kơ Yêhôwa.
19Brơi ih ăt mă triu tơno tal dua ba nao kiăng kơ Arôn laih anŭn ƀing ană đah rơkơi ñu ah tơngan ƀơi akŏ triu tơno anŭn; 20Giơ̆ng anŭn ih koh triu tơno anŭn, mă drah ñu pik ƀơi pŏk tơngia gah iao, gah hơnuă kơ Arôn laih anŭn ƀing ană đah rơkơi ñu, pik ƀơi čơđeng ania tơngan gah hơnuă laih anŭn čơđeng ania tơkai gah hơnuă gơñu laih anŭn mă drah dŏ glaĭ prăh jum dar kơƀang ngă yang. 21Brơi ih ăt mă đơsĕt drah ƀơi kơƀang ngă yang laih anŭn đơsĕt ia jâu prăh ƀơi drơi jan Arôn hăng sum ao ñu, ăt prăh mơ̆n ƀơi drơi jan laih anŭn ƀơi sum ao ƀing ană đah rơkơi ñu. Hnŭn yơh, Arôn hrŏm hơbĭt hăng khul sum ao ñu, ƀing ană đah rơkơi ñu hrŏm hăng khul sum ao gơñu leng kơ či dưi hmâo tơlơi pơrơgoh.
22Yua kơ anŭn jing triu tơno yua amăng phĕt pơjao bruă hnŭn yơh brơi ih mă bĕ rơmuă, tơku, rơmuă gom pruăi hơtai, khul črăn gah rơngiao kơ hơtai, dua boh ƀleh hrŏm hăng tal rơmuă ƀơi anŭn, laih anŭn pha gah hơnuă ñu. 23Laih anŭn mă sa klŏ ƀañ tơpŭng, sa klŏ ƀañ mơmih luk hăng ia boh ôliwơ, laih anŭn sa pŏk ƀañ rơpih mơ̆ng bai ƀañ ƀu hmâo tơpơi ƀơi anăp Yêhôwa; 24giơ̆ng anŭn ih dưm abih bang khul mơnơ̆ng anŭn amăng plă tơngan Arôn laih anŭn amăng plă tơngan ƀing ană đah rơkơi ñu, laih anŭn ih ngă bruă pơyơr hơdai nao rai ƀơi anăp Yêhôwa. 25Tơdơi kơ anŭn, brơi ih mă glaĭ khul mơnơ̆ng anŭn mơ̆ng tơngan gơñu laih anŭn čuh hĭ ƀơi kơƀang ngă yang hrŏm hơbĭt hăng tơlơi ngă yang čuh pơyơr đĭ kơ Yêhôwa, anŭn jing tơlơi sa tơlơi ngă yang yua apui pơyơr mơnâo ƀâu hiam ngă bơmơak kơ Yêhôwa.
26Ih ăt mă tơda triu tơno yua amăng phĕt pơjao bruă kơ Arôn laih anŭn pơyơr đĭ kar hăng sa gơnam pơyơr hơdai nao rai ƀơi anăp Yêhôwa; anŭn či jing črăn kơ ih. 27Tui anŭn brơi ih khŏm pơyơr tơda ñu laih anŭn pha triu tơno kar hăng sa gơnam pơyơr hơdai nao rai amăng phĕt pơjao bruă kơ Arôn laih anŭn kơ ƀing ană đah rơkơi ñu. 28Hơdôm gơnam pơyơr mơ̆ng ƀing ană plei pla Israel pơyơr či lơ̆m kơ Arôn laih anŭn kơ ƀing ană đah rơkơi ñu tui hăng tơlơi juăt hlŏng lar, yua kơ anai jing črăn mă mơ̆ng hlô mơnơ̆ng ngă yang amăng tơlơi ngă yang rơnŭk rơnua ană plei pla Israel pơyơr đĭ kơ Yêhôwa.
29Khul sum ao rơgoh hiam Arôn či pioh glaĭ kơ ƀing ană đah rơkơi ñu tŏ tui bruă ñu kiăng kơ gơñu buh tơdah arăng truač ia jâu laih anŭn pơjao bruă. 30Ană đah rơkơi ñu dưi pơala kơ Arôn ngă khua ngă yang či buh sum ao anŭn amăng tơjuh hrơi tơdang mŭt amăng Sang Khăn Pơƀŭt kiăng mă bruă amăng Anih Rơgoh Hiam.
31Brơi ih mă triu tơno yua amăng phĕt pơjao bruă laih anŭn hơtuk añăm ñu amăng anih rơgoh hiam. 32Arôn hăng ƀing ană đah rơkơi ñu či ƀơ̆ng añăm triu tơno anŭn hrŏm hăng ƀañ amăng bai, ƀơi bah amăng Sang Khăn Pơƀŭt. 33Anŭn yơh, gơñu či ƀơ̆ng khul gơnam pơyơr song mă tơlơi soh anŭn kiăng kơ dưi mă tŭ pơjao bruă laih anŭn dưi jing pơrơgoh hiam. Samơ̆ mơnuih gah rơngiao ƀu dưi ƀơ̆ng ôh yua kơ mơnơ̆ng ƀơ̆ng anŭn jing rơgoh hiam. 34Tơdah añăm ƀôdah ƀañ tơlơi ngă yang kơ phĕt pơjao bruă dŏ rơbeh glaĭ truh pơ mơguah hrơi tơdơi, brơi ih čuh lui hĭ amăng apui, anăm ƀơ̆ng ôh yua kơ mơnơ̆ng anŭn jing rơgoh hiam.
35Tui anŭn brơi ih ngă brơi Arôn hăng ƀing ană đah rơkơi ñu djơ̆ kar hăng abih tơlơi Kâo hmâo pơtă laih kơ ih, laih anŭn ih či pơjao bruă kơ gơñu amăng tơjuh hrơi. 36Rĭm hrơi brơi ih pơyơr sa drơi rơmo tơno tơdăm kiăng ngă tơlơi ngă yang song mă tơlơi soh. Ih ăt pơyơr mơ̆n sa mơnơ̆ng ngă yang song mă tơlơi soh kơ kơƀang ngă yang laih anŭn ăt truač mơ̆n ia jâu ƀơi kơƀang hăng pơrơgoh hĭ ñu. 37Amăng tơjuh hrơi, brơi ih ngă phĕt song mă tơlơi soh laih anŭn pơrơgoh kơƀang ngă yang. Anŭn yơh kơƀang či jing hĭ rơgoh hiam biă mă, hơgĕt mơnơ̆ng ruaih djơ̆ kơƀang ngă yang leng kơ jing hĭ rơgoh hiam.”
Tơlơi Ngă Yang Rĭm Hrơi
(Yap 28:1-8)
38“Anai jing mơnơ̆ng ih khŏm pơyơr nanao ƀơi kơƀang ngă yang: rĭm hrơi brơi ih pơyơr dua drơi ană triu sa thŭn. 39Sa drơi ƀơi mơguah laih anŭn sa drơi ƀơi klam. 40Kơ ană triu tal sa, brơi ih pơlŭk bĕ sa kilôgram#29:40 Boh hră phŭn: sa črăn amăng pluh êphah; sa êphah mơdơ̆ hăng 22 lit. tơpŭng ƀlĭ hrŏm hơbĭt hăng sa lit#29:40 Boh hră phŭn: sa črăn amăng pă hin; sa hin mơdơ̆ hăng 3,8 lit. ia jâu ôliwơ arăng djet laih, laih anŭn sa lit ia tơpai boh kơƀâu brơi kơ tơlơi ngă yang tuh ia tơpai. 41Bơ kơ ană triu tal dua, brơi ih pơyơr ƀơi klam hrŏm hơbĭt sa phĕt ngă yang hăng braih pơdai laih anŭn sa tơlơi ngă yang tuh ia tơpai kar hăng tơlơi ngă yang ƀơi mơguah. Anŭn jing sa tơlơi ngă yang yua apui pơyơr mơnâo ƀâu hiam ngă bơmơak Yêhôwa. 42Tơlơi ngă yang čuh khŏm dưi pơyơr nanao amăng abih rơnŭk, ƀơi bah amăng Sang Khăn Pơƀŭt ƀơi anăp Yêhôwa jing anih Kâo či bưp ƀing gih laih anŭn pơtô pơhrăm ƀing gih. 43Kâo či bưp ană plei pla Israel ƀơi anŭn; anih anai či dưi hmâo pơrơgoh yua mơ̆ng tơlơi ang yang Kâo. 44Kâo či pơrơgoh Sang Khăn Pơƀŭt laih anŭn kơƀang ngă yang, ăt či pơrơgoh wơ̆t Arôn laih anŭn ƀing ană đah rơkơi ñu kiăng kơ gơñu ngă bruă khua ngă yang kơ Kâo. 45Kâo či dŏ tơ̆ng krah ană plei pla Israel laih anŭn jing Ơi Adai kơ gơñu. 46Gơñu či thâo krăn Kâo jing Yêhôwa Ơi Adai gơñu, hmâo ba tơbiă laih gơñu mơ̆ng čar Êjip, kiăng kơ dŏ tơ̆ng krah gơñu. Kâo jing Yêhôwa Ơi Adai gơñu.”
Избрани в момента:
Tơlơi Tơbiă 29: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 29
29
Phĕt Pơjao Bruă Ƀing Khua Ngă Yang
(Lêwi 8:1-36)
1“Anai jing bruă ih khŏm ngă tơ ih pơyơr Arôn laih anŭn ƀing ană đah rơkơi ñu kiăng kơ gơñu ngă bruă khua ngă yang kơ Kâo.
Mă bĕ sa drơi rơmo tơno dăm laih anŭn dua drơi triu tơno ƀu hmâo rơka rơkeñ ôh. 2Yua tơpŭng ƀlĭ ngă ƀañ tơpŭng ƀu hmâo tơpơi, ƀañ mơmih ƀu hmâo tơpơi lŭk hăng ia boh ôliwơ, laih anŭn ƀañ rơpih ƀu hmâo tơpơi lŭk hăng ia boh ôliwơ. 3Brơi ih pioh rĭm mơta ƀañ anŭn amăng sa boh bai laih anŭn pơyơr bai ƀañ hrŏm hơbĭt hăng rơmo tơno tơdăm laih anŭn dua drơi triu tơno.
4Ih či ba Arôn laih anŭn ană đah rơkơi ñu nao ƀơi anăp Sang Khăn Pơƀŭt laih anŭn mă ia rao pơrơgoh gơñu. 5Giơ̆ng anŭn, mă sum ao buh brơi Arôn, anŭn jing: Ao amăng lăm, ao phyung êphot, êphot laih anŭn hnal băk ƀơi tơda; giơ̆ng anŭn hruă hơdrăng êphot kơ ñu; 6đua mŭk ƀơi akŏ ñu laih anŭn dưm plăk rơgoh ƀơi mŭk anŭn; 7mă ia jâu tuh ƀơi akŏ laih anŭn truač ƀơi ñu. 8Ih ăt ba mơ̆n ƀing ană đah rơkơi Arôn nao jĕ laih anŭn buh brơi kơ gơñu ao amăng lăm. 9Giơ̆ng anŭn hruă hơdrăng kơiăng laih anŭn đua mŭk brơi kơ Arôn hăng ƀing ană đah rơkơi ñu. Bruă mơnuă khua ngă yang či lơ̆m kơ gơñu hăng sa tơlơi juăt hlŏng lar. Hnŭn yơh, ih hmâo jao bruă kơ Arôn laih anŭn kơ ƀing ană đah rơkơi ñu.
10Brơi ih dui ba rơmo tơno tơdăm ƀơi anăp Sang Khăn Pơƀŭt. Arôn laih anŭn ƀing ană đah rơkơi ñu či ah tơngan ƀơi akŏ rơmo 11laih anŭn brơi ih koh rơmo tơno anŭn ƀơi anăp Yêhôwa, ƀơi bah amăng Sang Khăn Pơƀŭt, 12giơ̆ng anŭn mă drah rơmo, yua čơđeng tơngan pik ƀơi khul tơki kơƀang ngă yang laih anŭn črăn drah dŏ glaĭ tuh hĭ gah yŭ tơkai kơƀang ngă yang. 13Brơi ih ăt mă abih tal rơmuă gom pruăi hơtai, khul črăn gah glai hơtai, dua boh ƀleh laih anŭn rơmuă ƀơi anŭn čuh hĭ ñu ƀơi kơƀang ngă yang. 14Samơ̆ čơđeh añăm, klĭ laih anŭn eh rơmo tơno anŭn, brơi ih čuh hĭ pơ rơngiao anih jưh. Anŭn jing sa tơlơi ngă yang song mă tơlơi soh.
15Brơi ih mă sa drơi amăng dua drơi triu tơno ba nao kiăng kơ Arôn laih anŭn ƀing ană đah rơkơi ñu či ah tơngan ƀơi akŏ triu tơno anŭn; 16Giơ̆ng anŭn, brơi ih koh triu tơno anŭn, mă drah ñu prăh jum dar kơƀang ngă yang. 17Laih anŭn brơi ih khăt triu tơno anŭn lu črăn, rao agaih khul pruăi hơtai ñu laih anŭn čôp ñu, pioh hrŏm hơbĭt hăng khul čơđeh añăm laih anŭn akŏ ñu; 18#Êph 5:2; Phi 4:18.Laih anŭn brơi ih čuh hĭ abih bang ană triu tơno ƀơi kơƀang ngă yang. Anŭn jing sa tơlơi ngă yang čuh pơyơr đĭ kơ Yêhôwa, jing sa tơlơi ngă yang yua apui pơyơr mơnâo ƀâu hiam ngă bơmơak kơ Yêhôwa.
19Brơi ih ăt mă triu tơno tal dua ba nao kiăng kơ Arôn laih anŭn ƀing ană đah rơkơi ñu ah tơngan ƀơi akŏ triu tơno anŭn; 20Giơ̆ng anŭn ih koh triu tơno anŭn, mă drah ñu pik ƀơi pŏk tơngia gah iao, gah hơnuă kơ Arôn laih anŭn ƀing ană đah rơkơi ñu, pik ƀơi čơđeng ania tơngan gah hơnuă laih anŭn čơđeng ania tơkai gah hơnuă gơñu laih anŭn mă drah dŏ glaĭ prăh jum dar kơƀang ngă yang. 21Brơi ih ăt mă đơsĕt drah ƀơi kơƀang ngă yang laih anŭn đơsĕt ia jâu prăh ƀơi drơi jan Arôn hăng sum ao ñu, ăt prăh mơ̆n ƀơi drơi jan laih anŭn ƀơi sum ao ƀing ană đah rơkơi ñu. Hnŭn yơh, Arôn hrŏm hơbĭt hăng khul sum ao ñu, ƀing ană đah rơkơi ñu hrŏm hăng khul sum ao gơñu leng kơ či dưi hmâo tơlơi pơrơgoh.
22Yua kơ anŭn jing triu tơno yua amăng phĕt pơjao bruă hnŭn yơh brơi ih mă bĕ rơmuă, tơku, rơmuă gom pruăi hơtai, khul črăn gah rơngiao kơ hơtai, dua boh ƀleh hrŏm hăng tal rơmuă ƀơi anŭn, laih anŭn pha gah hơnuă ñu. 23Laih anŭn mă sa klŏ ƀañ tơpŭng, sa klŏ ƀañ mơmih luk hăng ia boh ôliwơ, laih anŭn sa pŏk ƀañ rơpih mơ̆ng bai ƀañ ƀu hmâo tơpơi ƀơi anăp Yêhôwa; 24giơ̆ng anŭn ih dưm abih bang khul mơnơ̆ng anŭn amăng plă tơngan Arôn laih anŭn amăng plă tơngan ƀing ană đah rơkơi ñu, laih anŭn ih ngă bruă pơyơr hơdai nao rai ƀơi anăp Yêhôwa. 25Tơdơi kơ anŭn, brơi ih mă glaĭ khul mơnơ̆ng anŭn mơ̆ng tơngan gơñu laih anŭn čuh hĭ ƀơi kơƀang ngă yang hrŏm hơbĭt hăng tơlơi ngă yang čuh pơyơr đĭ kơ Yêhôwa, anŭn jing tơlơi sa tơlơi ngă yang yua apui pơyơr mơnâo ƀâu hiam ngă bơmơak kơ Yêhôwa.
26Ih ăt mă tơda triu tơno yua amăng phĕt pơjao bruă kơ Arôn laih anŭn pơyơr đĭ kar hăng sa gơnam pơyơr hơdai nao rai ƀơi anăp Yêhôwa; anŭn či jing črăn kơ ih. 27Tui anŭn brơi ih khŏm pơyơr tơda ñu laih anŭn pha triu tơno kar hăng sa gơnam pơyơr hơdai nao rai amăng phĕt pơjao bruă kơ Arôn laih anŭn kơ ƀing ană đah rơkơi ñu. 28Hơdôm gơnam pơyơr mơ̆ng ƀing ană plei pla Israel pơyơr či lơ̆m kơ Arôn laih anŭn kơ ƀing ană đah rơkơi ñu tui hăng tơlơi juăt hlŏng lar, yua kơ anai jing črăn mă mơ̆ng hlô mơnơ̆ng ngă yang amăng tơlơi ngă yang rơnŭk rơnua ană plei pla Israel pơyơr đĭ kơ Yêhôwa.
29Khul sum ao rơgoh hiam Arôn či pioh glaĭ kơ ƀing ană đah rơkơi ñu tŏ tui bruă ñu kiăng kơ gơñu buh tơdah arăng truač ia jâu laih anŭn pơjao bruă. 30Ană đah rơkơi ñu dưi pơala kơ Arôn ngă khua ngă yang či buh sum ao anŭn amăng tơjuh hrơi tơdang mŭt amăng Sang Khăn Pơƀŭt kiăng mă bruă amăng Anih Rơgoh Hiam.
31Brơi ih mă triu tơno yua amăng phĕt pơjao bruă laih anŭn hơtuk añăm ñu amăng anih rơgoh hiam. 32Arôn hăng ƀing ană đah rơkơi ñu či ƀơ̆ng añăm triu tơno anŭn hrŏm hăng ƀañ amăng bai, ƀơi bah amăng Sang Khăn Pơƀŭt. 33Anŭn yơh, gơñu či ƀơ̆ng khul gơnam pơyơr song mă tơlơi soh anŭn kiăng kơ dưi mă tŭ pơjao bruă laih anŭn dưi jing pơrơgoh hiam. Samơ̆ mơnuih gah rơngiao ƀu dưi ƀơ̆ng ôh yua kơ mơnơ̆ng ƀơ̆ng anŭn jing rơgoh hiam. 34Tơdah añăm ƀôdah ƀañ tơlơi ngă yang kơ phĕt pơjao bruă dŏ rơbeh glaĭ truh pơ mơguah hrơi tơdơi, brơi ih čuh lui hĭ amăng apui, anăm ƀơ̆ng ôh yua kơ mơnơ̆ng anŭn jing rơgoh hiam.
35Tui anŭn brơi ih ngă brơi Arôn hăng ƀing ană đah rơkơi ñu djơ̆ kar hăng abih tơlơi Kâo hmâo pơtă laih kơ ih, laih anŭn ih či pơjao bruă kơ gơñu amăng tơjuh hrơi. 36Rĭm hrơi brơi ih pơyơr sa drơi rơmo tơno tơdăm kiăng ngă tơlơi ngă yang song mă tơlơi soh. Ih ăt pơyơr mơ̆n sa mơnơ̆ng ngă yang song mă tơlơi soh kơ kơƀang ngă yang laih anŭn ăt truač mơ̆n ia jâu ƀơi kơƀang hăng pơrơgoh hĭ ñu. 37Amăng tơjuh hrơi, brơi ih ngă phĕt song mă tơlơi soh laih anŭn pơrơgoh kơƀang ngă yang. Anŭn yơh kơƀang či jing hĭ rơgoh hiam biă mă, hơgĕt mơnơ̆ng ruaih djơ̆ kơƀang ngă yang leng kơ jing hĭ rơgoh hiam.”
Tơlơi Ngă Yang Rĭm Hrơi
(Yap 28:1-8)
38“Anai jing mơnơ̆ng ih khŏm pơyơr nanao ƀơi kơƀang ngă yang: rĭm hrơi brơi ih pơyơr dua drơi ană triu sa thŭn. 39Sa drơi ƀơi mơguah laih anŭn sa drơi ƀơi klam. 40Kơ ană triu tal sa, brơi ih pơlŭk bĕ sa kilôgram#29:40 Boh hră phŭn: sa črăn amăng pluh êphah; sa êphah mơdơ̆ hăng 22 lit. tơpŭng ƀlĭ hrŏm hơbĭt hăng sa lit#29:40 Boh hră phŭn: sa črăn amăng pă hin; sa hin mơdơ̆ hăng 3,8 lit. ia jâu ôliwơ arăng djet laih, laih anŭn sa lit ia tơpai boh kơƀâu brơi kơ tơlơi ngă yang tuh ia tơpai. 41Bơ kơ ană triu tal dua, brơi ih pơyơr ƀơi klam hrŏm hơbĭt sa phĕt ngă yang hăng braih pơdai laih anŭn sa tơlơi ngă yang tuh ia tơpai kar hăng tơlơi ngă yang ƀơi mơguah. Anŭn jing sa tơlơi ngă yang yua apui pơyơr mơnâo ƀâu hiam ngă bơmơak Yêhôwa. 42Tơlơi ngă yang čuh khŏm dưi pơyơr nanao amăng abih rơnŭk, ƀơi bah amăng Sang Khăn Pơƀŭt ƀơi anăp Yêhôwa jing anih Kâo či bưp ƀing gih laih anŭn pơtô pơhrăm ƀing gih. 43Kâo či bưp ană plei pla Israel ƀơi anŭn; anih anai či dưi hmâo pơrơgoh yua mơ̆ng tơlơi ang yang Kâo. 44Kâo či pơrơgoh Sang Khăn Pơƀŭt laih anŭn kơƀang ngă yang, ăt či pơrơgoh wơ̆t Arôn laih anŭn ƀing ană đah rơkơi ñu kiăng kơ gơñu ngă bruă khua ngă yang kơ Kâo. 45Kâo či dŏ tơ̆ng krah ană plei pla Israel laih anŭn jing Ơi Adai kơ gơñu. 46Gơñu či thâo krăn Kâo jing Yêhôwa Ơi Adai gơñu, hmâo ba tơbiă laih gơñu mơ̆ng čar Êjip, kiăng kơ dŏ tơ̆ng krah gơñu. Kâo jing Yêhôwa Ơi Adai gơñu.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.