Tơlơi Tơbiă 3
3
Tơlơi Ơi Adai Iâu Môis
1Hlăk anŭn Môis hlăk dŏ wai triu tơhmua ñu, Jêtrô, khua ngă yang tring Madian; ñu ba triu găn nao pơ tơdrŏn har, laih anŭn truh pơ Hôrep#3:1 Ƀôdah: Sinai. jing čư̆ Ơi Adai. 2#Bruă 7:30-34.Ling jang adai Yêhôwa pơrơđah rai hăng ñu amăng jơlah apui, tơ̆ng krah pum drơi. Ñu ƀuh apui ƀơ̆ng pum drơi samơ̆ pum drơi ăt dŏ hơnơ̆ng. 3Môis laĭ: “Kâo khŏm či weh lăng tơlơi yom pơphan anai, yua hơgĕt apui ƀu thâo ƀơ̆ng ôh pum drơi.” 4Yêhôwa ƀuh ñu nao jĕ kiăng lăng, mơ̆ng tơ̆ng krah pum drơi Ơi Adai iâu ñu: “Ơ Môis, Môis.” Ñu laĭ glaĭ: “Hmâo kâo pơ anai.” 5Ơi Adai laĭ: “Anăm rai jĕ ôh; toh hĭ bĕ klĭ juă ih, yua kơ anih ih hlăk dŏ anai jing lŏn rơgoh hiam.” 6Laih anŭn Ñu laĭ dơ̆ng: “Kâo jing Ơi Adai kơ ơi adon ih, Ơi Adai kơ Abraham, Ơi Adai kơ Isak, laih anŭn Ơi Adai kơ Yakôp.” Môis gom hĭ ƀô̆ mơta ñu mơtam yua kơ ñu hwĭ lăng ƀuh Ơi Adai.
7Yêhôwa laĭ: “Kâo hmâo ƀuh rơđah rơđong laih tơlơi tơnap tap kơ ană plei pla Kâo amăng čar Êjip, laih anŭn Kâo hmâo hmư̆ laih tơlơi gơñu ur krao yua kơ ƀing khua wai lăng bruă gơñu; Kâo thâo krăn tơlơi ruă nuă gơñu. 8Kâo trŭn kiăng pơklaih ană plei pla anai mơ̆ng tơngan ƀing Êjip, ba gơñu tơbiă đuaĭ mơ̆ng čar anŭn, ba gơñu truh pơ sa anih lŏn hiam laih anŭn prŏng, anih bă hăng ia tơsâo laih anŭn ia hơni, jing anih dŏ ƀing Kanaan, ƀing Hitit, ƀing Amôrit, ƀing Pêrisit, ƀing Hiwit, laih anŭn ƀing Jêbusit. 9Anai nê tơlơi ur krao ană plei pla Israel hmâo đĭ truh pơ tơngia Kâo; Kâo hmâo ƀuh ƀing mơnuih Êjip kơtư̆ juă gơñu laih. 10Tui anŭn rai bĕ pơ anai, Kâo či pơkiaŏ ih nao pơ Pharaôn kiăng kơ ih ba ană plei pla Kâo, jing ƀing ană plei pla Israel tơbiă đuaĭ mơ̆ng čar Êjip.” 11Samơ̆ Môis laĭ hăng Ơi Adai: “Hlơi kâo jing khĭn nao pơ Pharaôn, laih anŭn ba ană plei pla Israel tơbiă mơ̆ng čar Êjip?” 12Ơi Adai laĭ: “Kâo či dŏ hơbĭt hăng ih, anai jing gru kơnăl kiăng ih thâo Kâo hmâo pơkiaŏ nao ih. Tơ ih hmâo ba ană plei pla tơbiă mơ̆ng čar Êjip laih, ƀing gih či kơkuh pơpŭ kơ Ơi Adai ƀơi čư̆ anai.”
13 #
Tơb 6:2-3. Môis laĭ hăng Ơi Adai: “Tơdah kâo nao truh pơ ană plei pla Israel laih anŭn laĭ hăng gơñu: ‘Ơi Adai kơ ơi adon ƀing gih pơkiaŏ rai kâo pơ ƀing gih,’ laih anŭn gơñu tơña kâo: ‘Hơgĕt anăn Ñu?’ hyư̆m kâo či laĭ glaĭ kơ gơñu lĕ?” 14#Bơrđ 1:4,8.Ơi Adai laĭ kơ Môis: “KÂO JING PÔ KÂO JING.” Ñu laĭ dơ̆ng: “Brơi ih laĭ bĕ hăng ană plei pla Israel tui anai: ‘PÔ KÂO JING#3:14 PÔ KÂO JING: Amăng tơlơi Hêbrơ, boh hră anai hmâo tơlơi arăng pơđok hrup hăng anăn “YAWEH”, tui hăng tơlơi juăt iâu pơblih hĭ ñu jing “YÊHÔWA”. hmâo pơkiaŏ kâo rai pơ ƀing gih.’”
Môis nao pơ ană plei Israel hăng Pharaôn
15Ơi Adai laĭ dơ̆ng hăng Môis: “Brơi ih laĭ hăng ană plei pla Israel tui anai: ‘Yêhôwa, Ơi Adai kơ ơi adon ƀing gih, Ơi Adai kơ Abraham, Ơi Adai kơ Isak, Ơi Adai kơ Yakôp hmâo pơkiaŏ kâo rai pơ ƀing gih’:
Anai jing anăn Kâo hlŏng lar,
Jing anăn hơdơr pioh găn amăng abih bang rơnŭk.
16Nao iâu pơƀŭt glaĭ bĕ ƀing kong tha Israel laih anŭn laĭ hăng gơñu tui anai: ‘Yêhôwa, Ơi Adai kơ ơi adon ƀing gih, Ơi Adai Abraham, Ơi Adai Isak, Ơi Adai Yakôp hmâo pơrơđah rai hăng kâo laih anŭn laĭ: Kâo hmâo kơčăng nao pơ ƀing gih laih anŭn ƀuh laih hơdôm tơlơi arăng ngă kơ ƀing gih amăng čar Êjip. 17Kâo ƀuăn Kâo či ba ƀing gih tơbiă mơ̆ng tơlơi tơnap ruă amăng čar Êjip laih anŭn ba ƀing gih pơ lŏn čar ƀing Kanaan, ƀing Hitit, ƀing Amôrit, ƀing Pêrisit, ƀing Hiwit, laih anŭn ƀing Jêbusit jing sa boh čar bă blai ia tơsâo laih anŭn ia hơni.’ 18Gơñu či tui gưt boh pơhiăp ih, anŭn yơh ih laih anŭn ƀing kong tha Israel nao bưp bĕ pơtao čar Êjip laih anŭn laĭ tui anai: ‘Yêhôwa, Ơi Adai kơ ană plei pla Hêbrơ hmâo pơrơđah rai hăng ƀing gơmơi. Ră anai, rơkâo kơ pơtao brơi kơ gơmơi nao klâo hrơi rơbat amăng tơdrŏn har kiăng pơyơr mơnơ̆ng ngă yang kơ Yêhôwa Ơi Adai ƀing gơmơi.’ 19Samơ̆ kâo thâo pơtao Êjip ƀu brơi kơ ƀing gih nao ôh, tơdah ƀu hmâo tơngan dưi mơyang kâo ngă. 20Yua kơ anŭn, kâo či yơr tơngan pơrai čar Êjip hăng khul tơlơi yom pơphan kâo či ngă tơ̆ng krah čar anŭn, giơ̆ng kơ anŭn gơñu či brơi ƀing gih nao. 21#Tơb 12:35-36.Kâo či ngă brơi ƀing ană plei pla anai hmâo tơlơi pap ƀơi anăp ƀing ană plei pla Êjip; kiăng kơ tơ ƀing gih tơbiă nao, ƀing gih ƀu či tơbiă nao hăng tơngan đôč đač ôh. 22Rĭm čô đah kơmơi či rơkâo mơ̆ng ƀing đah kơmơi jum dar ñu laih anŭn đah kơmơi dŏ jưh amăng sang ñu hơdôm gơnam ngă hăng mah, hăng prăk laih anŭn sum ao buh brơi kơ ană đah rơkơi laih anŭn ană đah kơmơi ƀing gih. Kar hăng anŭn yơh, ƀing gih či plah sua mă dram gơnam ƀing Êjip.”
Избрани в момента:
Tơlơi Tơbiă 3: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 3
3
Tơlơi Ơi Adai Iâu Môis
1Hlăk anŭn Môis hlăk dŏ wai triu tơhmua ñu, Jêtrô, khua ngă yang tring Madian; ñu ba triu găn nao pơ tơdrŏn har, laih anŭn truh pơ Hôrep#3:1 Ƀôdah: Sinai. jing čư̆ Ơi Adai. 2#Bruă 7:30-34.Ling jang adai Yêhôwa pơrơđah rai hăng ñu amăng jơlah apui, tơ̆ng krah pum drơi. Ñu ƀuh apui ƀơ̆ng pum drơi samơ̆ pum drơi ăt dŏ hơnơ̆ng. 3Môis laĭ: “Kâo khŏm či weh lăng tơlơi yom pơphan anai, yua hơgĕt apui ƀu thâo ƀơ̆ng ôh pum drơi.” 4Yêhôwa ƀuh ñu nao jĕ kiăng lăng, mơ̆ng tơ̆ng krah pum drơi Ơi Adai iâu ñu: “Ơ Môis, Môis.” Ñu laĭ glaĭ: “Hmâo kâo pơ anai.” 5Ơi Adai laĭ: “Anăm rai jĕ ôh; toh hĭ bĕ klĭ juă ih, yua kơ anih ih hlăk dŏ anai jing lŏn rơgoh hiam.” 6Laih anŭn Ñu laĭ dơ̆ng: “Kâo jing Ơi Adai kơ ơi adon ih, Ơi Adai kơ Abraham, Ơi Adai kơ Isak, laih anŭn Ơi Adai kơ Yakôp.” Môis gom hĭ ƀô̆ mơta ñu mơtam yua kơ ñu hwĭ lăng ƀuh Ơi Adai.
7Yêhôwa laĭ: “Kâo hmâo ƀuh rơđah rơđong laih tơlơi tơnap tap kơ ană plei pla Kâo amăng čar Êjip, laih anŭn Kâo hmâo hmư̆ laih tơlơi gơñu ur krao yua kơ ƀing khua wai lăng bruă gơñu; Kâo thâo krăn tơlơi ruă nuă gơñu. 8Kâo trŭn kiăng pơklaih ană plei pla anai mơ̆ng tơngan ƀing Êjip, ba gơñu tơbiă đuaĭ mơ̆ng čar anŭn, ba gơñu truh pơ sa anih lŏn hiam laih anŭn prŏng, anih bă hăng ia tơsâo laih anŭn ia hơni, jing anih dŏ ƀing Kanaan, ƀing Hitit, ƀing Amôrit, ƀing Pêrisit, ƀing Hiwit, laih anŭn ƀing Jêbusit. 9Anai nê tơlơi ur krao ană plei pla Israel hmâo đĭ truh pơ tơngia Kâo; Kâo hmâo ƀuh ƀing mơnuih Êjip kơtư̆ juă gơñu laih. 10Tui anŭn rai bĕ pơ anai, Kâo či pơkiaŏ ih nao pơ Pharaôn kiăng kơ ih ba ană plei pla Kâo, jing ƀing ană plei pla Israel tơbiă đuaĭ mơ̆ng čar Êjip.” 11Samơ̆ Môis laĭ hăng Ơi Adai: “Hlơi kâo jing khĭn nao pơ Pharaôn, laih anŭn ba ană plei pla Israel tơbiă mơ̆ng čar Êjip?” 12Ơi Adai laĭ: “Kâo či dŏ hơbĭt hăng ih, anai jing gru kơnăl kiăng ih thâo Kâo hmâo pơkiaŏ nao ih. Tơ ih hmâo ba ană plei pla tơbiă mơ̆ng čar Êjip laih, ƀing gih či kơkuh pơpŭ kơ Ơi Adai ƀơi čư̆ anai.”
13 #
Tơb 6:2-3. Môis laĭ hăng Ơi Adai: “Tơdah kâo nao truh pơ ană plei pla Israel laih anŭn laĭ hăng gơñu: ‘Ơi Adai kơ ơi adon ƀing gih pơkiaŏ rai kâo pơ ƀing gih,’ laih anŭn gơñu tơña kâo: ‘Hơgĕt anăn Ñu?’ hyư̆m kâo či laĭ glaĭ kơ gơñu lĕ?” 14#Bơrđ 1:4,8.Ơi Adai laĭ kơ Môis: “KÂO JING PÔ KÂO JING.” Ñu laĭ dơ̆ng: “Brơi ih laĭ bĕ hăng ană plei pla Israel tui anai: ‘PÔ KÂO JING#3:14 PÔ KÂO JING: Amăng tơlơi Hêbrơ, boh hră anai hmâo tơlơi arăng pơđok hrup hăng anăn “YAWEH”, tui hăng tơlơi juăt iâu pơblih hĭ ñu jing “YÊHÔWA”. hmâo pơkiaŏ kâo rai pơ ƀing gih.’”
Môis nao pơ ană plei Israel hăng Pharaôn
15Ơi Adai laĭ dơ̆ng hăng Môis: “Brơi ih laĭ hăng ană plei pla Israel tui anai: ‘Yêhôwa, Ơi Adai kơ ơi adon ƀing gih, Ơi Adai kơ Abraham, Ơi Adai kơ Isak, Ơi Adai kơ Yakôp hmâo pơkiaŏ kâo rai pơ ƀing gih’:
Anai jing anăn Kâo hlŏng lar,
Jing anăn hơdơr pioh găn amăng abih bang rơnŭk.
16Nao iâu pơƀŭt glaĭ bĕ ƀing kong tha Israel laih anŭn laĭ hăng gơñu tui anai: ‘Yêhôwa, Ơi Adai kơ ơi adon ƀing gih, Ơi Adai Abraham, Ơi Adai Isak, Ơi Adai Yakôp hmâo pơrơđah rai hăng kâo laih anŭn laĭ: Kâo hmâo kơčăng nao pơ ƀing gih laih anŭn ƀuh laih hơdôm tơlơi arăng ngă kơ ƀing gih amăng čar Êjip. 17Kâo ƀuăn Kâo či ba ƀing gih tơbiă mơ̆ng tơlơi tơnap ruă amăng čar Êjip laih anŭn ba ƀing gih pơ lŏn čar ƀing Kanaan, ƀing Hitit, ƀing Amôrit, ƀing Pêrisit, ƀing Hiwit, laih anŭn ƀing Jêbusit jing sa boh čar bă blai ia tơsâo laih anŭn ia hơni.’ 18Gơñu či tui gưt boh pơhiăp ih, anŭn yơh ih laih anŭn ƀing kong tha Israel nao bưp bĕ pơtao čar Êjip laih anŭn laĭ tui anai: ‘Yêhôwa, Ơi Adai kơ ană plei pla Hêbrơ hmâo pơrơđah rai hăng ƀing gơmơi. Ră anai, rơkâo kơ pơtao brơi kơ gơmơi nao klâo hrơi rơbat amăng tơdrŏn har kiăng pơyơr mơnơ̆ng ngă yang kơ Yêhôwa Ơi Adai ƀing gơmơi.’ 19Samơ̆ kâo thâo pơtao Êjip ƀu brơi kơ ƀing gih nao ôh, tơdah ƀu hmâo tơngan dưi mơyang kâo ngă. 20Yua kơ anŭn, kâo či yơr tơngan pơrai čar Êjip hăng khul tơlơi yom pơphan kâo či ngă tơ̆ng krah čar anŭn, giơ̆ng kơ anŭn gơñu či brơi ƀing gih nao. 21#Tơb 12:35-36.Kâo či ngă brơi ƀing ană plei pla anai hmâo tơlơi pap ƀơi anăp ƀing ană plei pla Êjip; kiăng kơ tơ ƀing gih tơbiă nao, ƀing gih ƀu či tơbiă nao hăng tơngan đôč đač ôh. 22Rĭm čô đah kơmơi či rơkâo mơ̆ng ƀing đah kơmơi jum dar ñu laih anŭn đah kơmơi dŏ jưh amăng sang ñu hơdôm gơnam ngă hăng mah, hăng prăk laih anŭn sum ao buh brơi kơ ană đah rơkơi laih anŭn ană đah kơmơi ƀing gih. Kar hăng anŭn yơh, ƀing gih či plah sua mă dram gơnam ƀing Êjip.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.