Tơlơi Tơbiă 33
33
Yêhôwa Pơtă kơ Ană Plei Pla Israel Đuaĭ mơ̆ng Čư̆ Sinai
1 #
Čơd 12:7; 26:3; 28:13. Yêhôwa laĭ kơ Môis: “Ih laih anŭn ƀing ană plei pla ih hmâo atăt tơbiă laih mơ̆ng čar Êjip, đuaĭ bĕ mơ̆ng anih anai laih anŭn đĭ nao bĕ pơ lŏn čar Kâo hmâo ƀuăn rơ̆ng laih kơ Abraham, kơ Isak laih anŭn kơ Yakôp, tui anai: ‘Kâo či brơi lŏn čar anŭn kơ ƀing ană tơčo ih.’ 2Kâo či pơkiaŏ nao sa čô ling jang hiam nao hlâo kơ ih, laih anŭn kâo či puh pơđuaĭ ƀing Kanaan, ƀing Amôrit, ƀing Hitit, ƀing Pêrisit, ƀing Hiwit laih anŭn ƀing Jêbusit. 3Kiăng ba ƀing gih mŭt amăng lŏn čar bă hăng ia tơsâo laih anŭn ia hơni; Samơ̆ Kâo ƀu či đĭ nao hrŏm hăng ƀing gih ôh, yua kơ ƀing gih jing ƀing ană plei pla khăng akŏ, hwĭ dah Kâo či pơrai ƀing gih kơtuai jơlan.”
4Tơ ƀing ană plei pla hmâo hmư̆ tơlơi pơhiăp sat anŭn, gơñu hia rơngot; laih anŭn ƀu hmâo hlơi pô yua mơnơ̆ng pơhrôp ôh. 5Yua kơ Yêhôwa laĭ laih kơ Môis: “Laĭ bĕ kơ ƀing ană plei pla Israel: ‘Ƀing gih jing ƀing ană plei pla khăng akŏ. Tơdah kâo nao hrŏm hăng ƀing gih wơ̆t dah kơnơ̆ng kơ ƀiă hrơi, kâo či pơrai ƀing gih! Tui anŭn ră anai toh hĭ bĕ mơnơ̆ng pơhrôp ƀing gih, giơ̆ng anŭn Kâo či khư̆p ư hơgĕt kâo či ngă kơ ƀing gih.’” 6Yua kơ anŭn yơh, dơ̆ng mơ̆ng čư̆ Hôrep#33:6 ƀôdah Sinai. ƀing ană plei pla Israel toh hĭ abih bang mơnơ̆ng pơhrôp gơñu.
Pơdơ̆ng Sang Khăn gah rơngiao kơ anih jưh
7Hlăk anŭn, Môis ngă sang khăn pơdơ̆ng pơ rơngiao kơ anih jưh. Ñu pia anŭn jing sang khăn pơƀŭt. Hlơi pô kiăng rơkâo kơwưh kơ Yêhôwa, nao bĕ pơ sang khăn pơƀŭt gah rơngiao kơ anih jưh. 8Rĭm wơ̆t Môis tơbiă nao pơ sang khăn, abih bang ƀing ană plei pla tơgŭ dơ̆ng, rĭm čô dŏ dơ̆ng ƀơi bah amăng anih jưh gơñu pô, pơđok tui Môis tơl ñu mŭt laih amăng sang khăn. 9Hlăk Môis mŭt amăng sang khăn, tơmeh kơthul trŭn, dơ̆ng ƀơi bah amăng sang khăn, Yêhôwa pơhiăp hrŏm hăng Môis. 10Tơ ƀuh tơmeh kơthul dơ̆ng ƀơi bah amăng sang khăn, abih bang ƀing ană plei pla tơgŭ dơ̆ng laih anŭn kơkuh pơpŭ ƀơi bah amăng sang khăn gơñu pô.
Ơi Adai Pơhiăp Klă Anăp Hăng Môis
11Yêhôwa pơhiăp hrŏm hăng Môis klă anăp hrup hăng sa čô mơnuih pơhiăp hăng gơyut gơyâo ñu pô. Giơ̆ng anŭn Môis glaĭ pơ anih jưh, samơ̆ sa čô hlăk ai pô djru ñu jing Yôsuê ană đah rơkơi Nun ƀu tơbiă mơ̆ng sang khăn ôh.
12Môis pơhiăp hăng Yêhôwa: “Ơ Khua Yang, Ih hmâo pơhiăp laih hăng kâo: ‘Atăt bĕ ƀing ană plei pla anai,’ samơ̆ ih ƀu brơi kâo thâo ôh hlơi pô ih či pơkiaŏ nao hrŏm hăng kâo. Wơ̆t dah Ih hmâo laĭ: ‘Kâo thâo krăn anăn ih, laih anŭn ih hmâo laih tơlơi pap ƀơi anăp Kâo.’ 13Tui anŭn ră anai, tơdah kâo dưi hmâo tơlơi pap ƀơi anăp Ih, pơrơđah bĕ kơ kâo jơlan Ih, kiăng kơ kâo dưi thâo krăn Ih laih anŭn hmâo tơlơi pap ƀơi anăp Ih. Brơi Ih ăt hơdơr glaĭ mơ̆n ƀing ană plei pla anai Ih hmâo ruah laih kơ Ih Pô.” 14Yêhôwa laĭ: “Kâo pô či nao hrŏm hơbĭt hăng ih, laih anŭn Kâo či brơi kơ ih dưi hmâo tơlơi pơdơi.” 15Môis laĭ glaĭ: “Tơdah Ih pô ƀu nao hrŏm hơbĭt ôh, rơkâo Ih anăm brơi ƀing gơmơi đuaĭ mơ̆ng anih anai ôh. 16Tơdah Ih ƀu nao hrŏm hăng ƀing gơmơi ôh hyư̆m arăng dưi thâo kâo laih anŭn ƀing ană plei pla ih dưi hmâo tơlơi pap ƀơi anăp Ih? Hmâo Ih nao hrŏm hơbĭt, hnŭn yơh kâo laih anŭn ƀing ană plei pla Ih či dưi hmâo tơlơi pơkah hăng abih bang mơnuih ƀơi lŏn tơnah.” 17Yêhôwa laĭ kơ Môis: “Kâo či ngă tơlơi ih rơkâo laih kơ kâo yua kơ ih dưi hmâo tơlơi pap ƀơi anăp Kâo, laih anŭn Kâo thâo krăn ih hăng anăn ih pô.”
Môis Rơkâo Kiăng Ƀuh Tơlơi Ư Ang Ơi Adai
18Môis laĭ: “Rơkâo kơ Ih, brơi kâo dưi ƀuh tơlơi ang yang Ih.” 19#Rôm 9:15.Yêhôwa laĭ: “Kâo či ngă brơi tơlơi hiam kâo ƀơi anăp ih, laih anŭn kâo či pơhaih anăn Yêhôwa ƀơi anăp ih. Kâo či pap kơ hlơi pô kâo či pap, laih anŭn kâo či ngă hiam kơ hlơi pô kâo či ngă hiam.” 20Ñu laĭ: “Samơ̆ ih ƀu dưi ƀuh ƀô̆ mơta kâo ôh; yua kơ ƀu hmâo hlơi ôh ƀuh ƀô̆ mơta Kâo samơ̆ ăt dưi dŏ hơdip.” 21Yêhôwa laĭ dơ̆ng: “Anai nê, hmâo sa anih jĕ kâo, brơi ih dơ̆ng bĕ ƀơi hăng ngŏ boh pơtâo. 22Hlăk tơlơi ang yang Kâo rơbat găn nao, Kâo či pioh ih ƀơi amăng boh pơtâo, laih anŭn kâo či gom ih hăng tơngan kâo tơl kâo rơbat găn laih. 23Giơ̆ng anŭn Kâo či dui glaĭ hĭ tơngan Kâo. Ih či ƀuh gah klon Kâo, samơ̆ ƀu ƀuh ƀô̆ mơta Kâo ôh.”
Избрани в момента:
Tơlơi Tơbiă 33: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 33
33
Yêhôwa Pơtă kơ Ană Plei Pla Israel Đuaĭ mơ̆ng Čư̆ Sinai
1 #
Čơd 12:7; 26:3; 28:13. Yêhôwa laĭ kơ Môis: “Ih laih anŭn ƀing ană plei pla ih hmâo atăt tơbiă laih mơ̆ng čar Êjip, đuaĭ bĕ mơ̆ng anih anai laih anŭn đĭ nao bĕ pơ lŏn čar Kâo hmâo ƀuăn rơ̆ng laih kơ Abraham, kơ Isak laih anŭn kơ Yakôp, tui anai: ‘Kâo či brơi lŏn čar anŭn kơ ƀing ană tơčo ih.’ 2Kâo či pơkiaŏ nao sa čô ling jang hiam nao hlâo kơ ih, laih anŭn kâo či puh pơđuaĭ ƀing Kanaan, ƀing Amôrit, ƀing Hitit, ƀing Pêrisit, ƀing Hiwit laih anŭn ƀing Jêbusit. 3Kiăng ba ƀing gih mŭt amăng lŏn čar bă hăng ia tơsâo laih anŭn ia hơni; Samơ̆ Kâo ƀu či đĭ nao hrŏm hăng ƀing gih ôh, yua kơ ƀing gih jing ƀing ană plei pla khăng akŏ, hwĭ dah Kâo či pơrai ƀing gih kơtuai jơlan.”
4Tơ ƀing ană plei pla hmâo hmư̆ tơlơi pơhiăp sat anŭn, gơñu hia rơngot; laih anŭn ƀu hmâo hlơi pô yua mơnơ̆ng pơhrôp ôh. 5Yua kơ Yêhôwa laĭ laih kơ Môis: “Laĭ bĕ kơ ƀing ană plei pla Israel: ‘Ƀing gih jing ƀing ană plei pla khăng akŏ. Tơdah kâo nao hrŏm hăng ƀing gih wơ̆t dah kơnơ̆ng kơ ƀiă hrơi, kâo či pơrai ƀing gih! Tui anŭn ră anai toh hĭ bĕ mơnơ̆ng pơhrôp ƀing gih, giơ̆ng anŭn Kâo či khư̆p ư hơgĕt kâo či ngă kơ ƀing gih.’” 6Yua kơ anŭn yơh, dơ̆ng mơ̆ng čư̆ Hôrep#33:6 ƀôdah Sinai. ƀing ană plei pla Israel toh hĭ abih bang mơnơ̆ng pơhrôp gơñu.
Pơdơ̆ng Sang Khăn gah rơngiao kơ anih jưh
7Hlăk anŭn, Môis ngă sang khăn pơdơ̆ng pơ rơngiao kơ anih jưh. Ñu pia anŭn jing sang khăn pơƀŭt. Hlơi pô kiăng rơkâo kơwưh kơ Yêhôwa, nao bĕ pơ sang khăn pơƀŭt gah rơngiao kơ anih jưh. 8Rĭm wơ̆t Môis tơbiă nao pơ sang khăn, abih bang ƀing ană plei pla tơgŭ dơ̆ng, rĭm čô dŏ dơ̆ng ƀơi bah amăng anih jưh gơñu pô, pơđok tui Môis tơl ñu mŭt laih amăng sang khăn. 9Hlăk Môis mŭt amăng sang khăn, tơmeh kơthul trŭn, dơ̆ng ƀơi bah amăng sang khăn, Yêhôwa pơhiăp hrŏm hăng Môis. 10Tơ ƀuh tơmeh kơthul dơ̆ng ƀơi bah amăng sang khăn, abih bang ƀing ană plei pla tơgŭ dơ̆ng laih anŭn kơkuh pơpŭ ƀơi bah amăng sang khăn gơñu pô.
Ơi Adai Pơhiăp Klă Anăp Hăng Môis
11Yêhôwa pơhiăp hrŏm hăng Môis klă anăp hrup hăng sa čô mơnuih pơhiăp hăng gơyut gơyâo ñu pô. Giơ̆ng anŭn Môis glaĭ pơ anih jưh, samơ̆ sa čô hlăk ai pô djru ñu jing Yôsuê ană đah rơkơi Nun ƀu tơbiă mơ̆ng sang khăn ôh.
12Môis pơhiăp hăng Yêhôwa: “Ơ Khua Yang, Ih hmâo pơhiăp laih hăng kâo: ‘Atăt bĕ ƀing ană plei pla anai,’ samơ̆ ih ƀu brơi kâo thâo ôh hlơi pô ih či pơkiaŏ nao hrŏm hăng kâo. Wơ̆t dah Ih hmâo laĭ: ‘Kâo thâo krăn anăn ih, laih anŭn ih hmâo laih tơlơi pap ƀơi anăp Kâo.’ 13Tui anŭn ră anai, tơdah kâo dưi hmâo tơlơi pap ƀơi anăp Ih, pơrơđah bĕ kơ kâo jơlan Ih, kiăng kơ kâo dưi thâo krăn Ih laih anŭn hmâo tơlơi pap ƀơi anăp Ih. Brơi Ih ăt hơdơr glaĭ mơ̆n ƀing ană plei pla anai Ih hmâo ruah laih kơ Ih Pô.” 14Yêhôwa laĭ: “Kâo pô či nao hrŏm hơbĭt hăng ih, laih anŭn Kâo či brơi kơ ih dưi hmâo tơlơi pơdơi.” 15Môis laĭ glaĭ: “Tơdah Ih pô ƀu nao hrŏm hơbĭt ôh, rơkâo Ih anăm brơi ƀing gơmơi đuaĭ mơ̆ng anih anai ôh. 16Tơdah Ih ƀu nao hrŏm hăng ƀing gơmơi ôh hyư̆m arăng dưi thâo kâo laih anŭn ƀing ană plei pla ih dưi hmâo tơlơi pap ƀơi anăp Ih? Hmâo Ih nao hrŏm hơbĭt, hnŭn yơh kâo laih anŭn ƀing ană plei pla Ih či dưi hmâo tơlơi pơkah hăng abih bang mơnuih ƀơi lŏn tơnah.” 17Yêhôwa laĭ kơ Môis: “Kâo či ngă tơlơi ih rơkâo laih kơ kâo yua kơ ih dưi hmâo tơlơi pap ƀơi anăp Kâo, laih anŭn Kâo thâo krăn ih hăng anăn ih pô.”
Môis Rơkâo Kiăng Ƀuh Tơlơi Ư Ang Ơi Adai
18Môis laĭ: “Rơkâo kơ Ih, brơi kâo dưi ƀuh tơlơi ang yang Ih.” 19#Rôm 9:15.Yêhôwa laĭ: “Kâo či ngă brơi tơlơi hiam kâo ƀơi anăp ih, laih anŭn kâo či pơhaih anăn Yêhôwa ƀơi anăp ih. Kâo či pap kơ hlơi pô kâo či pap, laih anŭn kâo či ngă hiam kơ hlơi pô kâo či ngă hiam.” 20Ñu laĭ: “Samơ̆ ih ƀu dưi ƀuh ƀô̆ mơta kâo ôh; yua kơ ƀu hmâo hlơi ôh ƀuh ƀô̆ mơta Kâo samơ̆ ăt dưi dŏ hơdip.” 21Yêhôwa laĭ dơ̆ng: “Anai nê, hmâo sa anih jĕ kâo, brơi ih dơ̆ng bĕ ƀơi hăng ngŏ boh pơtâo. 22Hlăk tơlơi ang yang Kâo rơbat găn nao, Kâo či pioh ih ƀơi amăng boh pơtâo, laih anŭn kâo či gom ih hăng tơngan kâo tơl kâo rơbat găn laih. 23Giơ̆ng anŭn Kâo či dui glaĭ hĭ tơngan Kâo. Ih či ƀuh gah klon Kâo, samơ̆ ƀu ƀuh ƀô̆ mơta Kâo ôh.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.