Tơlơi Tơbiă 9
9
Tơlơi Răm Ruă tal Rơma: Kheng Klin truh kơ hlô mơnơ̆ng
1Yêhôwa pơhiăp hăng Môis: “Nao bĕ bưp Pharaôn laih anŭn laĭ kơ ñu, Yêhôwa, jing Ơi Adai kơ ană plei pla Hêbrơ laĭ: ‘Brơi bĕ ană plei pla kâo nao kiăng gơñu kơkuh pơpŭ kơ kâo. 2Yua kơ tơdah ih ƀu brơi gơñu nao ôh laih anŭn ăt dŏ kơ̆ng pioh gơñu. 3Anai nê tơngan Yêhôwa či brơi kheng klin kơtang biă mă truh kơ khul hlô mơnơ̆ng ih dŏ pơ hmua, ƀơi aseh ih, aseh kle ih, aseh samô ih laih anŭn khul triu ih. 4Yêhôwa či pơkah pioh phara hlô mơnơ̆ng ană plei pla Israel laih anŭn hlô mơnơ̆ng ană plei pla Êjip, ƀu hmâo ôh sa drơi hlô mơnơ̆ng ƀing ană plei pla Israel či djai hĭ.’” 5Yêhôwa pơkơčah hrơi laih anŭn laĭ: “Hrơi pơgi Yêhôwa či ngă bruă anŭn amăng čar Êjip.” 6Hrơi tơdơi anŭn mơtam, Yêhôwa ngă bruă anŭn, abih bang hlô mơnơ̆ng ƀing Êjip leng kơ djai samơ̆ ƀu hmâo sa drơi hlô mơnơ̆ng ƀing ană Israel djai ôh. 7Pharaôn pơkiaŏ nao mơnuih nao ep lăng, sĭt yơh ƀu hmâo sa drơi hlô mơnơ̆ng ƀing ană Israel djai ôh. Samơ̆ pran jua Pharaôn ăt dŏ khăng kơpĭl ƀu brơi ană plei pla đuaĭ nao ôh.
Tơlơi Răm Ruă Tal Năm: Ruă Teng
8Yêhôwa pơhiăp hăng Môis laih anŭn Arôn: “Kuaĭ bĕ hơbâo mơ̆ng tơpur bă tơngan ƀing gih, giơ̆ng anŭn Môis jai đĭ hơbâo anŭn hăng ngŏ ƀơi anăp Pharaôn. 9Hơbâo anŭn či jing hĭ ƀruih lŏn djŏp čar Êjip, hơbâo anŭn jing hĭ tơlơi ruă teng hăng rơnah ƀơi drơi jan mơnuih laih anŭn ƀơi hlô mơnơ̆ng rong amăng abih čar Êjip.” 10#Bơrđ 16:2.Tui anŭn dua gơñu kuaĭ hơbâo mơ̆ng tơpur laih anŭn dŏ dơ̆ng ƀơi anăp Pharaôn; Môis jai đĭ hơbâo hăng ngŏ, hơbâo anŭn jing hĭ tơlơi ruă teng laih anŭn rơnah ƀơi drơi jan mơnuih hăng ƀơi hlô mơnơ̆ng rong. 11Yua kơ tơlơi ruă teng, ƀing pơjâu ƀu dưi dŏ dơ̆ng ƀơi anăp Môis. Tơlơi ruă teng hmâo tơgŭ đĭ ƀơi drơi jan gơñu wơ̆t kơ abih bang ƀing Êjip. 12Yêhôwa ngă brơi pran jua Pharaôn khăng kơpĭl, ƀu hmư̆ tơlơi pơhiăp Môis hăng Arôn ôh, djơ̆ kar hăng tơlơi pơhiăp Yêhôwa hmâo laĭ laih hăng Môis.
Tơlơi Răm Ruă Tal Tơjuh: Hơjan Pler
13Tơdơi kơ anŭn, Yêhôwa pơhiăp hăng Môis: “Mơguah pơgi brơi ih tơgŭ bĕ mơ̆ng ưm, dŏ dơ̆ng ƀơi anăp Pharaôn laih anŭn laĭ kơ ñu Yêhôwa jing Ơi Adai kơ ană plei pla Hêbrơ laĭ: ‘Brơi bĕ ană plei pla kâo tơbiă nao kiăng kơ gơñu kơkuh pơpŭ kơ kâo. 14Yua kơ tal anai kâo či brơi khul tơlơi ruă nuă ƀơi pran jua ih, ƀơi ding kơna ih laih anŭn ƀơi ƀing ană plei pla ih, kiăng kơ ih thâo amăng abih lŏn tơnah ƀu hmâo hlơi kar hăng kâo ôh. 15Ră anai, kâo dưi yơr tơngan phak ih laih anŭn ană plei pla ih hăng tơlơi ruă teng kiăng kơ pơrai pơluč hĭ ih laih anŭn ană plei pla ih mơ̆ng lŏn tơnah. 16#Rôm 9:17.Samơ̆ yua hơgĕt Kâo brơi ih ăt dŏ hơdip, yua kơ Kâo kiăng kơ ih ƀuh tơlơi dưi mơyang kâo, laih anŭn kiăng kơ anăn kâo arăng dưi ră ruai djŏp čar. 17Tơdah ih ăt dŏ pơgăn, ƀu brơi ôh ană plei pla kâo nao, 18hrơi pơgi, amăng mông anai kâo či brơi hơjan pler prŏng aka hmâo djơ̆ ôh pơ čar Êjip mơ̆ng hrơi pơjing lŏn ia truh pơ ră anai. 19Tui anŭn ră anai, brơi ih tañ pơkiaŏ bĕ arăng pơƀŭt khul hlô mơnơ̆ng rong laih anŭn abih bang mơnơ̆ng ih hmâo pơ hmua mŭt amăng anih hơ-ĭt rơnŭk. Abih bang mơnuih laih anŭn hlô mơnơ̆ng dŏ pơ hmua, aka ba mŭt amăng sang, či djai hĭ abih tơ hơjan pler tuh trŭn.’” 20Đơ amăng ƀing ding kơna Pharaôn, hlơi pô hwĭ pơpŭ kơ boh pơhiăp Yêhôwa, gơñu brơi ding kơna laih anŭn hlô mơnơ̆ng gơñu glaĭ pơ sang; 21samơ̆ ƀing ƀu hyơ̆k bơngơ̆t ôh kơ tơlơi pơhiăp Yêhôwa, gơñu lui ƀing ding kơna laih anŭn khul triu, rơmo gơñu dŏ pơ hmua.
22Yêhôwa pơhiăp hăng Môis: “Brơi ih yơr đĭ tơngan pơ adai kiăng kơ hơjan pler lĕ trŭn amăng djŏp čar Êjip ƀơi mơnuih, ƀơi hlô mơnơ̆ng rong laih anŭn ƀơi abih bang kơyâo pơtâo pơ hmua.” 23Môis yơr đĭ gai jra pơ adai, Yêhôwa brơi grơ̆m kơtal mơñi kraih, hơjan pler lĕ trŭn, laih anŭn kơmlă kơtal bơngač ƀơi lŏn tơnah. Anŭn yơh Yêhôwa hmâo brơi hơjan pler tuh trŭn amăng čar Êjip. 24#Bơrđ 8:7; 16:21.Hơjan pler tuh trŭn, hrŏm hơbĭt hăng apui kơtal pơjing hĭ hơjan pler prŏng hwĭ biă mă aka hmâo djơ̆ ôh čơdơ̆ng mơ̆ng hrơi Êjip pơjing lŏn ia truh pơ ră anai. 25Tar ƀar čar Êjip hơjan pler pơrăm pơrai abih mơnơ̆ng pơ hmua wơ̆t kơ mơnuih laih anŭn hlô mơnơ̆ng rong mơ̆n; rơ̆k tơk pơ hmua, abih bang kơyâo pơtâo leng kơ joh hĭ. 26Kơnơ̆ng amăng lŏn Gôsen, anih ană plei pla Israel dŏ ƀu hmâo hơjan pler ôh.
Pharaôn tŭ ư̆ samơ̆ khăng kơpĭl dơ̆ng
27Pharaôn iâu Môis hăng Arôn laih anŭn laĭ: “Tal anai kâo hmâo ngă soh yơh. Yêhôwa jing tơpă hơnơ̆ng, bơ kơ kâo hăng ană plei pla kâo jing soh glaĭ. 28Kơwưh rơkâo bĕ kơ Yêhôwa, brơi grơ̆m kơtal laih anŭn hơjan pler khơ̆t hĭ, laih anŭn kâo či brơi ƀing gih đuaĭ nao, ƀu dŏ glaĭ dơ̆ng ôh!” 29Môis laĭ glaĭ: “Laih tơbiă mơ̆ng plei mơtam, kâo či yơr tơngan anăp nao kơ Yêhôwa; grơ̆m kơtal či pơdơi hĭ, hơjan pler či khơ̆t kiăng kơ ih thâo lŏn tơnah anai lơ̆m kơ Yêhôwa.” 30Samơ̆ kâo thâo ih laih anŭn ding kơna ih aka ƀu hwĭ pơpŭ kơ Yêhôwa Ơi Adai ôh. 31(Hlăk anŭn jing bơyan pơdai ôrgơ hroh, phŭn kơyâo drơi blang bơnga, yua kơ anŭn yơh pơdai ôrgơ laih anŭn phŭn kơyâo drơi joh phơč hĭ. 32Pơdai blê hăng pơdai ôrgơ hroh hnui, yua kơ anŭn ƀu hmâo răm rai ôh). 33Môis tơbiă mơ̆ng Pharaôn, rơbat nao pơ rơngiao plei, yơr tơngan anăp nao pơ Yêhôwa. Grơ̆m kơtal laih anŭn hơjan pler khơ̆t mơtam, hơjan kŏn lĕ ƀơi lŏn tơnah lơi. 34Tơ Pharaôn laih anŭn ƀing ding kơna ñu ƀuh hơjan pler laih anŭn grơ̆m kơtal hmâo pơdơi laih, Pharaôn laih anŭn ƀing ding kơna ñu ngă soh dơ̆ng, khăng pran jua dơ̆ng kar hăng hlâo. 35Pran jua Pharaôn jai khăng kơpĭl dơ̆ng, ƀu brơi ană plei pla Israel tơbiă nao ôh, djơ̆ kar hăng boh pơhiăp Yêhôwa hmâo pơhiăp găn mơ̆ng Môis.
Избрани в момента:
Tơlơi Tơbiă 9: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 9
9
Tơlơi Răm Ruă tal Rơma: Kheng Klin truh kơ hlô mơnơ̆ng
1Yêhôwa pơhiăp hăng Môis: “Nao bĕ bưp Pharaôn laih anŭn laĭ kơ ñu, Yêhôwa, jing Ơi Adai kơ ană plei pla Hêbrơ laĭ: ‘Brơi bĕ ană plei pla kâo nao kiăng gơñu kơkuh pơpŭ kơ kâo. 2Yua kơ tơdah ih ƀu brơi gơñu nao ôh laih anŭn ăt dŏ kơ̆ng pioh gơñu. 3Anai nê tơngan Yêhôwa či brơi kheng klin kơtang biă mă truh kơ khul hlô mơnơ̆ng ih dŏ pơ hmua, ƀơi aseh ih, aseh kle ih, aseh samô ih laih anŭn khul triu ih. 4Yêhôwa či pơkah pioh phara hlô mơnơ̆ng ană plei pla Israel laih anŭn hlô mơnơ̆ng ană plei pla Êjip, ƀu hmâo ôh sa drơi hlô mơnơ̆ng ƀing ană plei pla Israel či djai hĭ.’” 5Yêhôwa pơkơčah hrơi laih anŭn laĭ: “Hrơi pơgi Yêhôwa či ngă bruă anŭn amăng čar Êjip.” 6Hrơi tơdơi anŭn mơtam, Yêhôwa ngă bruă anŭn, abih bang hlô mơnơ̆ng ƀing Êjip leng kơ djai samơ̆ ƀu hmâo sa drơi hlô mơnơ̆ng ƀing ană Israel djai ôh. 7Pharaôn pơkiaŏ nao mơnuih nao ep lăng, sĭt yơh ƀu hmâo sa drơi hlô mơnơ̆ng ƀing ană Israel djai ôh. Samơ̆ pran jua Pharaôn ăt dŏ khăng kơpĭl ƀu brơi ană plei pla đuaĭ nao ôh.
Tơlơi Răm Ruă Tal Năm: Ruă Teng
8Yêhôwa pơhiăp hăng Môis laih anŭn Arôn: “Kuaĭ bĕ hơbâo mơ̆ng tơpur bă tơngan ƀing gih, giơ̆ng anŭn Môis jai đĭ hơbâo anŭn hăng ngŏ ƀơi anăp Pharaôn. 9Hơbâo anŭn či jing hĭ ƀruih lŏn djŏp čar Êjip, hơbâo anŭn jing hĭ tơlơi ruă teng hăng rơnah ƀơi drơi jan mơnuih laih anŭn ƀơi hlô mơnơ̆ng rong amăng abih čar Êjip.” 10#Bơrđ 16:2.Tui anŭn dua gơñu kuaĭ hơbâo mơ̆ng tơpur laih anŭn dŏ dơ̆ng ƀơi anăp Pharaôn; Môis jai đĭ hơbâo hăng ngŏ, hơbâo anŭn jing hĭ tơlơi ruă teng laih anŭn rơnah ƀơi drơi jan mơnuih hăng ƀơi hlô mơnơ̆ng rong. 11Yua kơ tơlơi ruă teng, ƀing pơjâu ƀu dưi dŏ dơ̆ng ƀơi anăp Môis. Tơlơi ruă teng hmâo tơgŭ đĭ ƀơi drơi jan gơñu wơ̆t kơ abih bang ƀing Êjip. 12Yêhôwa ngă brơi pran jua Pharaôn khăng kơpĭl, ƀu hmư̆ tơlơi pơhiăp Môis hăng Arôn ôh, djơ̆ kar hăng tơlơi pơhiăp Yêhôwa hmâo laĭ laih hăng Môis.
Tơlơi Răm Ruă Tal Tơjuh: Hơjan Pler
13Tơdơi kơ anŭn, Yêhôwa pơhiăp hăng Môis: “Mơguah pơgi brơi ih tơgŭ bĕ mơ̆ng ưm, dŏ dơ̆ng ƀơi anăp Pharaôn laih anŭn laĭ kơ ñu Yêhôwa jing Ơi Adai kơ ană plei pla Hêbrơ laĭ: ‘Brơi bĕ ană plei pla kâo tơbiă nao kiăng kơ gơñu kơkuh pơpŭ kơ kâo. 14Yua kơ tal anai kâo či brơi khul tơlơi ruă nuă ƀơi pran jua ih, ƀơi ding kơna ih laih anŭn ƀơi ƀing ană plei pla ih, kiăng kơ ih thâo amăng abih lŏn tơnah ƀu hmâo hlơi kar hăng kâo ôh. 15Ră anai, kâo dưi yơr tơngan phak ih laih anŭn ană plei pla ih hăng tơlơi ruă teng kiăng kơ pơrai pơluč hĭ ih laih anŭn ană plei pla ih mơ̆ng lŏn tơnah. 16#Rôm 9:17.Samơ̆ yua hơgĕt Kâo brơi ih ăt dŏ hơdip, yua kơ Kâo kiăng kơ ih ƀuh tơlơi dưi mơyang kâo, laih anŭn kiăng kơ anăn kâo arăng dưi ră ruai djŏp čar. 17Tơdah ih ăt dŏ pơgăn, ƀu brơi ôh ană plei pla kâo nao, 18hrơi pơgi, amăng mông anai kâo či brơi hơjan pler prŏng aka hmâo djơ̆ ôh pơ čar Êjip mơ̆ng hrơi pơjing lŏn ia truh pơ ră anai. 19Tui anŭn ră anai, brơi ih tañ pơkiaŏ bĕ arăng pơƀŭt khul hlô mơnơ̆ng rong laih anŭn abih bang mơnơ̆ng ih hmâo pơ hmua mŭt amăng anih hơ-ĭt rơnŭk. Abih bang mơnuih laih anŭn hlô mơnơ̆ng dŏ pơ hmua, aka ba mŭt amăng sang, či djai hĭ abih tơ hơjan pler tuh trŭn.’” 20Đơ amăng ƀing ding kơna Pharaôn, hlơi pô hwĭ pơpŭ kơ boh pơhiăp Yêhôwa, gơñu brơi ding kơna laih anŭn hlô mơnơ̆ng gơñu glaĭ pơ sang; 21samơ̆ ƀing ƀu hyơ̆k bơngơ̆t ôh kơ tơlơi pơhiăp Yêhôwa, gơñu lui ƀing ding kơna laih anŭn khul triu, rơmo gơñu dŏ pơ hmua.
22Yêhôwa pơhiăp hăng Môis: “Brơi ih yơr đĭ tơngan pơ adai kiăng kơ hơjan pler lĕ trŭn amăng djŏp čar Êjip ƀơi mơnuih, ƀơi hlô mơnơ̆ng rong laih anŭn ƀơi abih bang kơyâo pơtâo pơ hmua.” 23Môis yơr đĭ gai jra pơ adai, Yêhôwa brơi grơ̆m kơtal mơñi kraih, hơjan pler lĕ trŭn, laih anŭn kơmlă kơtal bơngač ƀơi lŏn tơnah. Anŭn yơh Yêhôwa hmâo brơi hơjan pler tuh trŭn amăng čar Êjip. 24#Bơrđ 8:7; 16:21.Hơjan pler tuh trŭn, hrŏm hơbĭt hăng apui kơtal pơjing hĭ hơjan pler prŏng hwĭ biă mă aka hmâo djơ̆ ôh čơdơ̆ng mơ̆ng hrơi Êjip pơjing lŏn ia truh pơ ră anai. 25Tar ƀar čar Êjip hơjan pler pơrăm pơrai abih mơnơ̆ng pơ hmua wơ̆t kơ mơnuih laih anŭn hlô mơnơ̆ng rong mơ̆n; rơ̆k tơk pơ hmua, abih bang kơyâo pơtâo leng kơ joh hĭ. 26Kơnơ̆ng amăng lŏn Gôsen, anih ană plei pla Israel dŏ ƀu hmâo hơjan pler ôh.
Pharaôn tŭ ư̆ samơ̆ khăng kơpĭl dơ̆ng
27Pharaôn iâu Môis hăng Arôn laih anŭn laĭ: “Tal anai kâo hmâo ngă soh yơh. Yêhôwa jing tơpă hơnơ̆ng, bơ kơ kâo hăng ană plei pla kâo jing soh glaĭ. 28Kơwưh rơkâo bĕ kơ Yêhôwa, brơi grơ̆m kơtal laih anŭn hơjan pler khơ̆t hĭ, laih anŭn kâo či brơi ƀing gih đuaĭ nao, ƀu dŏ glaĭ dơ̆ng ôh!” 29Môis laĭ glaĭ: “Laih tơbiă mơ̆ng plei mơtam, kâo či yơr tơngan anăp nao kơ Yêhôwa; grơ̆m kơtal či pơdơi hĭ, hơjan pler či khơ̆t kiăng kơ ih thâo lŏn tơnah anai lơ̆m kơ Yêhôwa.” 30Samơ̆ kâo thâo ih laih anŭn ding kơna ih aka ƀu hwĭ pơpŭ kơ Yêhôwa Ơi Adai ôh. 31(Hlăk anŭn jing bơyan pơdai ôrgơ hroh, phŭn kơyâo drơi blang bơnga, yua kơ anŭn yơh pơdai ôrgơ laih anŭn phŭn kơyâo drơi joh phơč hĭ. 32Pơdai blê hăng pơdai ôrgơ hroh hnui, yua kơ anŭn ƀu hmâo răm rai ôh). 33Môis tơbiă mơ̆ng Pharaôn, rơbat nao pơ rơngiao plei, yơr tơngan anăp nao pơ Yêhôwa. Grơ̆m kơtal laih anŭn hơjan pler khơ̆t mơtam, hơjan kŏn lĕ ƀơi lŏn tơnah lơi. 34Tơ Pharaôn laih anŭn ƀing ding kơna ñu ƀuh hơjan pler laih anŭn grơ̆m kơtal hmâo pơdơi laih, Pharaôn laih anŭn ƀing ding kơna ñu ngă soh dơ̆ng, khăng pran jua dơ̆ng kar hăng hlâo. 35Pran jua Pharaôn jai khăng kơpĭl dơ̆ng, ƀu brơi ană plei pla Israel tơbiă nao ôh, djơ̆ kar hăng boh pơhiăp Yêhôwa hmâo pơhiăp găn mơ̆ng Môis.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.