Čơdơ̆ng Phŭn 24
24
Abraham pơkiaŏ ding kơna ñu nao sem bơnai brơi kơ Isak
1Abraham tha laih, thŭn ñu lu laih; Yêhôwa hmâo tuh tơlơi mơyun hiam kơ ñu amăng djŏp mơta bruă. 2Abraham laĭ hăng pô ding kơna dŏ sui thŭn hloh kơ ƀing pơkŏn amăng sang ñu,#24:2 Năng ai anai jing Êlisê hmâo pơhiăp amăng 15:2. jing pô wai lăng abih bang dram gơnam ñu hmâo: “Dưm bĕ tơngan ih ƀơi pha kâo.#24:2 Anai jing tơlơi ƀuăn rơ̆ng ƀu dưi pơblih hĭ ôh. 3Kâo kiăng ih yua hăng anăn Yêhôwa, jing Ơi Adai kơ adai laih anŭn lŏn, laih anŭn ƀuăn rơ̆ng bĕ hăng kâo tui anai ih ƀu či hơduah ôh brơi kơ ană kâo sa čô bơnai amăng ƀing đah kơmơi kơ ƀing Kanaan, jing anih kâo hlăk dŏ ră anai, 4samơ̆ ih či glaĭ kơ plei pla kâo pô, nao amăng ƀing kơnŭng djuai kâo kiăng hơduah bơnai brơi kơ ană kâo Isak.” 5Pô ding kơna laĭ: “Năng ai pô dra anŭn ƀu tŭ ư tui kâo glaĭ pơ čar anai ôh; tui anŭn dưi mơ̆ kâo djă ba ană ih glaĭ kơ čar ih hmâo tơbiă đuaĭ anŭn?” 6Abraham laĭ: “Ư ưh, anăm ba ană kâo glaĭ pơ čar anŭn ôh! 7Yêhôwa Ơi Adai amăng adai adih, Pô hmâo ba tơbiă kâo mơ̆ng sang ama kâo laih anŭn plei pla kâo, hmâo laĭ laih hăng kâo laih anŭn ƀuăn rơ̆ng hăng kâo tui anai: ‘Kâo či pha brơi kơnŭng djuai ih lŏn čar anai!’ Ñu pô či pơkiaŏ ling jang nao hlâo kơ ih, laih anŭn pơ anŭn ih či dưi hơduah sa čô bơnai brơi kơ ană đah rơkơi kâo. 8Tơdah dra anŭn ƀu kiăng wơ̆t glaĭ hăng ih, tui anŭn ih huaĭ đom ôh tơlơi ih ƀuăn rơ̆ng laih hăng kâo. Wơ̆t dah hyư̆m či jing ih ăt ƀu dưi ba ană kâo glaĭ pơ anŭn ôh.” 9Anŭn yơh, pô ding kơna anŭn dưm hĭ tơngan ñu ƀơi pha Abraham, khua ñu, laih anŭn ƀuăn rơ̆ng či ngă tui tơlơi ñu hmâo pơtă laih.
Ding kơna Abraham bưp HʼRêbêka
10Pô ding kơna ruah mă pluh drơi aseh samô mơ̆ng khua ñu giơ̆ng anŭn ñu rơbat nao, ñu djă ba abih gơnam yom mơ̆ng tơngan khua ñu jao brơi. Ñu nao pơ čar Mêsôpôtami, amăng plei Nahôr. 11Ñu brơi aseh samô ñu čon tơŭt dŏ pơdơi ƀơi gah rơngiao kơ plei, giăm ƀơi ia dơmun, hlăk yang hrơi klam jing mông ƀing đah kơmơi dra nao sŏ ia. 12Ñu iâu laĭ: “Ơ Yêhôwa, Ơi Adai kơ Abraham khua kâo hơi! Rơkâo kơ Ih brơi kơ kâo hrơi anai tui hăng tơlơi kâo kiăng, laih anŭn rơkâo ih bơrơđah tơlơi pap ih kơ khua kâo, Abraham! 13Anai nê, kâo dŏ jĕ ƀơi ia anai, laih anŭn ƀing đah kơmơi dra plei anai či rai sŏ ia pơ anai. 14Tơ kâo laĭ hăng ñu tui anai; ‘Rơkâo ih pơđing čeh ih pha kâo mơñum ia ƀiă,’ pô anŭn laĭ glaĭ: ‘Rơkâo ih mơñum bĕ, kâo ăt či brơi khul aseh samô ih mơñum mơ̆n,’ anŭn yơh jing pô ih hmâo ruah brơi laih kơ Isak, ding kơna Ih. Găn mơ̆ng bruă anai kâo či thâo krăn Ih hmâo pơrơđah laih tơlơi pap Ih kơ khua kâo.”
15Pô ding kơna iâu laĭ aka ƀu abih ôh, anai nê, HʼRêbêka glăm čeh ƀơi bra ñu tơbiă rai. Ñu jing ană đah kơmơi Bêthuel. Bêthuel jing ană đah rơkơi kơ HʼMilka, bơnai Nahôr; Nahôr jing adơi Abraham. 16Đah kơmơi dra anai hiam biă mă, dra hmŭm, aka dŏ rơkơi ôh. Ñu trŭn pơ ia dơmun, sŏ bă čeh laih anŭn wơ̆t glaĭ. 17Pô ding kơna đuaĭ nao pơ anăp dra anŭn laih anŭn laĭ: “Rơkâo ih pha kâo mơñum ƀiă ia amăng čeh.” 18Dra anŭn laĭ: “Ơ khua, rơkâo ih mơñum bĕ”, giơ̆ng anŭn ñu jač mač lưh trŭn čeh ia laih anŭn brơi ñu mơñum. 19Giơ̆ng kơ ñu mơñum, ñu laĭ dơ̆ng: “Kâo ăt či sŏ brơi khul aseh samô ih mơñum mơ̆n, gơñu či mơñum tơl gơñu hrăp.” 20Pô dra anŭn jač mač tuh ia amăng kơtong laih anŭn đuaĭ trŭn pơ ia dơmun sŏ dơ̆ng brơi kơ abih bang khul aseh samô mơñum. 21Pô ding kơna anai dŏ lăng dra anŭn amăng tơlơi dŏ rơiăt, kiăng lăng lăng Yêhôwa či brơi kơ ñu ngă pơgiơ̆ng hĭ mơ̆ bruă ñu nao anŭn ƀôdah ƀu ôh.
22Tơ aseh samô mơñum ia giơ̆ng laih, pô ding kơna anŭn mă sa boh buai mah kơ adŭng boh kơtraŏ ñu truh kơ rơma gram mơkrah,#24:22 Boh hră phŭn: Ha mơkrah sêkel. laih anŭn dua boh kong mah boh kơtraŏ truh kơ sa rơtuh pluh rơma gram#24:22 Boh hră phŭn: pluh sêkel. 23laih anŭn tơña kơ đah kơmơi dra anŭn: “Ih jing ană hlơi? Rơkâo ih ruai brơi kâo bĕ. Amăng sang ama ih hmâo anih brơi kơ ƀing gơmơi jưh pơdơi găn mlam mơ̆?” 24Pô dra anŭn laĭ glaĭ: “Kâo jing ană dra Bêthuel, ama kâo jing ană đah rơkơi Nahôr hăng HʼMilka.” 25Ñu laĭ dơ̆ng: “Sang gơmơi hmâo lu adrăng pơdai laih anŭn rơ̆k, laih anŭn ăt hmâo anih jưh pơdơi mơ̆n.” 26Pô ding kơna kŭp akŏ laih anŭn bon ƀơi anăp Yêhôwa, 27laih anŭn laĭ: “Bơni hơơč kơ Yêhôwa, jing Ơi Adai kơ Abraham khua kâo! Pô bă hăng tơlơi pap laih anŭn hơnơ̆ng ten hăng khua kâo! Gah kơ kâo, Yêhôwa hmâo ba laih jơlan kâo nao truh pơ sang kơnŭng djuai khua kâo.”
28Pô dra anŭn đuaĭ glaĭ, ruai abih tơlơi anŭn kơ sang amĭ ñu thâo.
Laban laih anŭn Bêthuel čơkă jum pô ding kơna
29HʼRêbêka hmâo sa čô ayŏng anăn ñu Laban. Laban đuaĭ nao pơ pô ding kơna anŭn ƀơi ia dơmun. 30Tơ ñu ƀuh buai mah laih anŭn khul kong ƀơi tơngan adơi ñu, laih anŭn hmư̆ HʼRêbêka ruai glaĭ kơ abih tơlơi pô anŭn hmâo laĭ, tui anŭn Laban nao pơ ñu laih anŭn ƀuh ñu hlăk dơ̆ng jĕ khul aseh samô, ƀơi ia dơmun. 31Ñu laĭ: “Rơkâo pô hmâo mă tŭ laih tơlơi Yêhôwa hơơč mơyun mŭt bĕ amăng sang! Yua hơgĕt ih dŏ pơ rơngiao anai? Kâo hmâo pơkra laih anih pơdơi brơi kơ ih laih anŭn brơi wơ̆t kơ khul aseh samô ih mơ̆n.” 32Pô ding kơna anŭn mŭt amăng sang. Laban lưh lui hĭ gơnam mơ̆ng khul aseh samô, ba rai rơ̆k laih anŭn adrăng kơ khul hlô anŭn laih anŭn mă ia brơi kơ pô ding kơna hăng ƀing mơnuih nao hrŏm hăng ñu rao tơkai. 33Mơnơ̆ng ƀơ̆ng hmâo pŭ rơmet laih, samơ̆ pô ding kơna laĭ: “Kâo ƀu či ƀơ̆ng huă ôh tơdah kâo aka ƀu pơhiăp khul tơlơi kâo khŏm pơhiăp.” Laban laĭ glaĭ: “Rơkâo ih pơhiăp bĕ.”
34Ñu laĭ: “Kâo jing ding kơna kơ Abraham. 35Yêhôwa hmâo tuh tơlơi mơyun hiam rơbeh blai kơ khua kâo laih anŭn ngă brơi khua kâo jing pô pơdrŏng biă mă. Ñu pha brơi kơ khua kâo khul triu rơmo, prăk mah, ding kơna đah rơkơi đah kơmơi, aseh samô laih anŭn aseh kle. 36HʼSara, bơnai khua kâo, hlăk ñu tha ñu hmâo tơkeng brơi laih kơ khua kâo sa čô ană đah rơkơi laih anŭn ñu hmâo jao abih kong ngăn ñu kơ ană đah rơkơi anŭn. 37Khua kâo hmâo pơgŏ kâo khŏm ƀuăn rơ̆ng tui anai: ‘Ih ƀu dưi mă bơnai brơi kơ ană đah rơkơi kâo sa čô bơnai amăng ƀing ană dra kơ ƀing Kanaan ôh, anih kâo hlăk dŏ ră anai, 38samơ̆ ih khŏm glaĭ pơ sang ama kâo, nao pơ ƀing kơnŭng djuai kâo, laih anŭn mă bơnai brơi kơ ană đah rơkơi kâo sa čô bơnai.’ 39Kâo hmâo laĭ laih hăng khua kâo tui anai: ‘Năng ai đah kơmơi anŭn ƀu kiăng tui kâo glaĭ ôh.’ 40Samơ̆ khua kâo laĭ: ‘Yêhôwa jing Pô kâo gưt săp, Ñu či pơkiaŏ ling jang nao hrŏm hăng ih laih anŭn djru brơi ih dưi jing bruă. Ih či mă bơnai brơi kơ ană đah rơkơi kâo sa čô bơnai amăng ƀing kơnŭng djuai kâo, mơ̆ng sang ama kâo. 41Ih ƀu či đom ôh tơlơi ih ƀuăn rơ̆ng hăng kâo tơdang ih nao truh pơ ƀing kơnŭng djuai kâo; wơ̆t dah gơñu hơngah hăng ƀu brơi ôh kơ đah kơmơi anŭn glaĭ hăng ih, ih či rơngai yơh mơ̆ng tơlơi ih hmâo ƀuăn rơ̆ng laih hăng kâo.’ 42Hrơi anai, tơ kâo truh ƀơi ia dơmun, kâo hmâo iâu laĭ tui anai: ‘Ơ Yêhôwa, Ơi Adai kơ Abraham khua kâo! Rơkâo Ih djru brơi bruă kâo nao dưi jing hĭ. 43Ră anai kâo dơ̆ng ƀơi ia dơmun anai, tơdah hmâo sa čô dra pă nao sŏ ia laih anŭn kâo laĭ hăng pô anŭn tui anai; “Rơkâo ih pha brơi kâo mơñum ƀiă ia amăng čeh,” 44pô anŭn či laĭ glaĭ hăng kâo: “Rơkâo ih mơñum bĕ, kâo ăt či sŏ brơi khul aseh samô ih mơñum mơ̆n,” kâo yap mơnuih anŭn jing mơnuih Yêhôwa hmâo ruah brơi laih kơ ană đah rơkơi khua kâo!’ 45Kâo iâu laĭ aka abih ôh, plŭt mơtam HʼRêbêka glăm čeh ƀơi bra tơbiă rai, trŭn sŏ ia. Kâo laĭ hăng ñu: ‘Pha kâo mơñum ia đa.’ 46Tañ mơtam ñu lưh trŭn čeh laih anŭn laĭ: ‘Rơkâo ih mơñum bĕ, kâo ăt či brơi khul aseh samô ih mơñum mơ̆n.’ Tui anŭn kâo mơñum laih anŭn ñu ăt hmâo brơi laih kơ khul aseh samô mơñum mơ̆n. 47Kâo tơña: ‘Ih jing ană hlơi?’ Ñu laĭ glaĭ: ‘Kâo jing ană Bêthuel, ama kâo jing ană Nahôr hăng HʼMilka.’ Kâo čŭt buai ƀơi adŭng ñu laih anŭn kong ƀơi tơngan ñu. 48Kâo kŭp akŏ laih anŭn bon ƀơi anăp Yêhôwa, pơpŭ bơni kơ Yêhôwa Ơi Adai kơ Abraham khua kâo, Pô hmâo atăt ba kâo mŭt amăng jơlan djơ̆ klă kiăng ruah mă tơčo kơ pô jing adơi đah rơkơi khua kâo brơi kơ ană đah rơkơi ñu. 49Anŭn yơh ră anai, tơdah ƀing gih kiăng ngă tơlơi hiam laih anŭn tơlơi sĭt nĭk hăng khua kâo, rơkâo laĭ brơi kâo thâo. Tơdah ƀing gih ƀu tŭ ư ôh, laĭ brơi kâo thâo mơ̆n, kiăng kơ kâo dưi thâo hơgĕt tơlơi kâo khŏm ngă.”
50Laban hăng Bêthuel laĭ glaĭ: “Tơlơi anai rai mơ̆ng Yêhôwa, ƀing gơmơi ƀu dưi laĭ ôh hăng ih dưi ƀôdah ƀu dưi. 51Anai nê, HʼRêbêka hlăk dŏ ƀơi anăp ih. Brơi ih djă ba ñu bĕ kiăng kơ ñu dưi jing bơnai kơ ană đah rơkơi khua ih kar hăng tơlơi Yêhôwa hmâo laĭ laih.”
52Giơ̆ng hmư̆ gơñu laĭ, ding kơna Abraham bon kŭp ƀơi lŏn kơkuh kơ Yêhôwa. 53Ñu mă tơbiă abih mơnơ̆ng ƀing đah kơmơi pơhrôp ngă hăng prăk mah laih anŭn sum ao brơi kơ HʼRêbêka; ñu ăt mă khul mơnơ̆ng yom brơi kơ ayŏng laih anŭn amĭ đah kơmơi anŭn. 54Giơ̆ng anŭn pô ding kơna hăng abih mơnuih nao hrŏm hăng ñu, ƀơ̆ng huă laih anŭn đih pơdơi pơ anŭn.
Ưm mơguah hrơi tŏ tui, tơ gơñu mơdưh mơ̆ng pĭt, pô ding kơna laĭ: “Rơkâo ih brơi kâo wơ̆t glaĭ pơ khua kâo.” 55Samơ̆ ayŏng hăng amĭ đah kơmơi anŭn laĭ: “Rơkâo ih brơi ñu dŏ glaĭ hăng ƀing gơmơi ƀiă hrơi dơ̆ng, ƀiă hloh pluh hrơi dơ̆ng, giơ̆ng anŭn ñu či nao.” 56Ding kơna anŭn laĭ glaĭ: “Anăm pơkơ̆ng hĭ kâo ôh, yua kơ Yêhôwa brơi laih bruă kâo nao dưi jing hĭ. Rơkâo gih brơi kâo wơ̆t glaĭ pơ khua kâo.” 57Gơñu laĭ glaĭ: “Gơmơi či iâu HʼRêbêka laih anŭn tơña kơ ñu hyư̆m tơlơi ñu pơmĭn.” 58Gơñu iâu HʼRêbêka laih anŭn tơña: “Ih kiăng nao hrŏm hăng mơnuih anai mơ̆?” Ñu laĭ glaĭ: “Ơ, kâo kiăng nao mơ̆n.” 59Tui anŭn gơñu brơi adơi gơñu HʼRêbêka laih anŭn wơ̆t hăng pô ding kơna đah kơmơi rong gơ̆ nao hrŏm hăng ƀing ding kơna Abraham laih anŭn ƀing mơnuih nao hrŏm hơbĭt ñu. 60Gơñu hơơč tơlơi mơyun hiam kơ HʼRêbêka tui anai:
“Ơ adơi đah kơmơi gơmơi hơi! Hơơč mơyun kơ ih dưi jing amĭ
Kơ lu rơbâo čô mơnuih,
Laih anŭn kơnŭng djuai či dưi sua mă
Bah amăng jang kơ ƀing ayăt.”
61HʼRêbêka hăng ƀing đah kơmơi ding kơna ñu tơgŭ, đĭ aseh samô laih anŭn đuaĭ tui pô ding kơna anŭn. Tui anŭn, pô ding kơna anŭn djă ba HʼRêbêka glaĭ.
HʼRêbêka Jing Hĭ Bơnai Isak
62Hlăk anŭn, Isak hlăk dŏ pơ#24:62 Đơđa hră pơblang phŭn hơđăp: Isak mơ̆ng tơdrŏn tač. Nêgep laih anŭn mơ̆ng ia dơmun Bêrlahairoi Roi wơ̆t glaĭ. 63Yang hrơi klam laih, Isak tơbiă nao pơ hmua kiăng pơmĭn. Ñu angak đĭ mơta laih anŭn ñu ƀuh khul aseh samô hlăk rai jĕ ñu. 64HʼRêbêka ăt angak đĭ mơta laih anŭn ƀuh Isak. Ñu trŭn mơtam mơ̆ng aseh samô, 65laih anŭn tơña kơ pô ding kơna: “Hlơi pô đah rơkơi hlăk rơbat găn đang hmua kiăng nao pơ ƀing ta anŭn lĕ?” Pô ding kơna laĭ glaĭ: “Anŭn jing khua kâo.” Tui anŭn ñu mă khăn rơpih hăng gom hĭ ƀô̆ ñu. 66Pô ding kơna anŭn ruai glaĭ kơ Isak abih bang bruă ñu hmâo ngă laih. 67Isak ba HʼRêbêka mŭt amăng sang khăn HʼSara, amĭ ñu, mă ñu jing bơnai laih anŭn khăp hơeng ñu. Tui anŭn, Isak dưi hmâo tơlơi pơalum tơdơi kơ tơlơi djai amĭ ñu.
Избрани в момента:
Čơdơ̆ng Phŭn 24: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 24
24
Abraham pơkiaŏ ding kơna ñu nao sem bơnai brơi kơ Isak
1Abraham tha laih, thŭn ñu lu laih; Yêhôwa hmâo tuh tơlơi mơyun hiam kơ ñu amăng djŏp mơta bruă. 2Abraham laĭ hăng pô ding kơna dŏ sui thŭn hloh kơ ƀing pơkŏn amăng sang ñu,#24:2 Năng ai anai jing Êlisê hmâo pơhiăp amăng 15:2. jing pô wai lăng abih bang dram gơnam ñu hmâo: “Dưm bĕ tơngan ih ƀơi pha kâo.#24:2 Anai jing tơlơi ƀuăn rơ̆ng ƀu dưi pơblih hĭ ôh. 3Kâo kiăng ih yua hăng anăn Yêhôwa, jing Ơi Adai kơ adai laih anŭn lŏn, laih anŭn ƀuăn rơ̆ng bĕ hăng kâo tui anai ih ƀu či hơduah ôh brơi kơ ană kâo sa čô bơnai amăng ƀing đah kơmơi kơ ƀing Kanaan, jing anih kâo hlăk dŏ ră anai, 4samơ̆ ih či glaĭ kơ plei pla kâo pô, nao amăng ƀing kơnŭng djuai kâo kiăng hơduah bơnai brơi kơ ană kâo Isak.” 5Pô ding kơna laĭ: “Năng ai pô dra anŭn ƀu tŭ ư tui kâo glaĭ pơ čar anai ôh; tui anŭn dưi mơ̆ kâo djă ba ană ih glaĭ kơ čar ih hmâo tơbiă đuaĭ anŭn?” 6Abraham laĭ: “Ư ưh, anăm ba ană kâo glaĭ pơ čar anŭn ôh! 7Yêhôwa Ơi Adai amăng adai adih, Pô hmâo ba tơbiă kâo mơ̆ng sang ama kâo laih anŭn plei pla kâo, hmâo laĭ laih hăng kâo laih anŭn ƀuăn rơ̆ng hăng kâo tui anai: ‘Kâo či pha brơi kơnŭng djuai ih lŏn čar anai!’ Ñu pô či pơkiaŏ ling jang nao hlâo kơ ih, laih anŭn pơ anŭn ih či dưi hơduah sa čô bơnai brơi kơ ană đah rơkơi kâo. 8Tơdah dra anŭn ƀu kiăng wơ̆t glaĭ hăng ih, tui anŭn ih huaĭ đom ôh tơlơi ih ƀuăn rơ̆ng laih hăng kâo. Wơ̆t dah hyư̆m či jing ih ăt ƀu dưi ba ană kâo glaĭ pơ anŭn ôh.” 9Anŭn yơh, pô ding kơna anŭn dưm hĭ tơngan ñu ƀơi pha Abraham, khua ñu, laih anŭn ƀuăn rơ̆ng či ngă tui tơlơi ñu hmâo pơtă laih.
Ding kơna Abraham bưp HʼRêbêka
10Pô ding kơna ruah mă pluh drơi aseh samô mơ̆ng khua ñu giơ̆ng anŭn ñu rơbat nao, ñu djă ba abih gơnam yom mơ̆ng tơngan khua ñu jao brơi. Ñu nao pơ čar Mêsôpôtami, amăng plei Nahôr. 11Ñu brơi aseh samô ñu čon tơŭt dŏ pơdơi ƀơi gah rơngiao kơ plei, giăm ƀơi ia dơmun, hlăk yang hrơi klam jing mông ƀing đah kơmơi dra nao sŏ ia. 12Ñu iâu laĭ: “Ơ Yêhôwa, Ơi Adai kơ Abraham khua kâo hơi! Rơkâo kơ Ih brơi kơ kâo hrơi anai tui hăng tơlơi kâo kiăng, laih anŭn rơkâo ih bơrơđah tơlơi pap ih kơ khua kâo, Abraham! 13Anai nê, kâo dŏ jĕ ƀơi ia anai, laih anŭn ƀing đah kơmơi dra plei anai či rai sŏ ia pơ anai. 14Tơ kâo laĭ hăng ñu tui anai; ‘Rơkâo ih pơđing čeh ih pha kâo mơñum ia ƀiă,’ pô anŭn laĭ glaĭ: ‘Rơkâo ih mơñum bĕ, kâo ăt či brơi khul aseh samô ih mơñum mơ̆n,’ anŭn yơh jing pô ih hmâo ruah brơi laih kơ Isak, ding kơna Ih. Găn mơ̆ng bruă anai kâo či thâo krăn Ih hmâo pơrơđah laih tơlơi pap Ih kơ khua kâo.”
15Pô ding kơna iâu laĭ aka ƀu abih ôh, anai nê, HʼRêbêka glăm čeh ƀơi bra ñu tơbiă rai. Ñu jing ană đah kơmơi Bêthuel. Bêthuel jing ană đah rơkơi kơ HʼMilka, bơnai Nahôr; Nahôr jing adơi Abraham. 16Đah kơmơi dra anai hiam biă mă, dra hmŭm, aka dŏ rơkơi ôh. Ñu trŭn pơ ia dơmun, sŏ bă čeh laih anŭn wơ̆t glaĭ. 17Pô ding kơna đuaĭ nao pơ anăp dra anŭn laih anŭn laĭ: “Rơkâo ih pha kâo mơñum ƀiă ia amăng čeh.” 18Dra anŭn laĭ: “Ơ khua, rơkâo ih mơñum bĕ”, giơ̆ng anŭn ñu jač mač lưh trŭn čeh ia laih anŭn brơi ñu mơñum. 19Giơ̆ng kơ ñu mơñum, ñu laĭ dơ̆ng: “Kâo ăt či sŏ brơi khul aseh samô ih mơñum mơ̆n, gơñu či mơñum tơl gơñu hrăp.” 20Pô dra anŭn jač mač tuh ia amăng kơtong laih anŭn đuaĭ trŭn pơ ia dơmun sŏ dơ̆ng brơi kơ abih bang khul aseh samô mơñum. 21Pô ding kơna anai dŏ lăng dra anŭn amăng tơlơi dŏ rơiăt, kiăng lăng lăng Yêhôwa či brơi kơ ñu ngă pơgiơ̆ng hĭ mơ̆ bruă ñu nao anŭn ƀôdah ƀu ôh.
22Tơ aseh samô mơñum ia giơ̆ng laih, pô ding kơna anŭn mă sa boh buai mah kơ adŭng boh kơtraŏ ñu truh kơ rơma gram mơkrah,#24:22 Boh hră phŭn: Ha mơkrah sêkel. laih anŭn dua boh kong mah boh kơtraŏ truh kơ sa rơtuh pluh rơma gram#24:22 Boh hră phŭn: pluh sêkel. 23laih anŭn tơña kơ đah kơmơi dra anŭn: “Ih jing ană hlơi? Rơkâo ih ruai brơi kâo bĕ. Amăng sang ama ih hmâo anih brơi kơ ƀing gơmơi jưh pơdơi găn mlam mơ̆?” 24Pô dra anŭn laĭ glaĭ: “Kâo jing ană dra Bêthuel, ama kâo jing ană đah rơkơi Nahôr hăng HʼMilka.” 25Ñu laĭ dơ̆ng: “Sang gơmơi hmâo lu adrăng pơdai laih anŭn rơ̆k, laih anŭn ăt hmâo anih jưh pơdơi mơ̆n.” 26Pô ding kơna kŭp akŏ laih anŭn bon ƀơi anăp Yêhôwa, 27laih anŭn laĭ: “Bơni hơơč kơ Yêhôwa, jing Ơi Adai kơ Abraham khua kâo! Pô bă hăng tơlơi pap laih anŭn hơnơ̆ng ten hăng khua kâo! Gah kơ kâo, Yêhôwa hmâo ba laih jơlan kâo nao truh pơ sang kơnŭng djuai khua kâo.”
28Pô dra anŭn đuaĭ glaĭ, ruai abih tơlơi anŭn kơ sang amĭ ñu thâo.
Laban laih anŭn Bêthuel čơkă jum pô ding kơna
29HʼRêbêka hmâo sa čô ayŏng anăn ñu Laban. Laban đuaĭ nao pơ pô ding kơna anŭn ƀơi ia dơmun. 30Tơ ñu ƀuh buai mah laih anŭn khul kong ƀơi tơngan adơi ñu, laih anŭn hmư̆ HʼRêbêka ruai glaĭ kơ abih tơlơi pô anŭn hmâo laĭ, tui anŭn Laban nao pơ ñu laih anŭn ƀuh ñu hlăk dơ̆ng jĕ khul aseh samô, ƀơi ia dơmun. 31Ñu laĭ: “Rơkâo pô hmâo mă tŭ laih tơlơi Yêhôwa hơơč mơyun mŭt bĕ amăng sang! Yua hơgĕt ih dŏ pơ rơngiao anai? Kâo hmâo pơkra laih anih pơdơi brơi kơ ih laih anŭn brơi wơ̆t kơ khul aseh samô ih mơ̆n.” 32Pô ding kơna anŭn mŭt amăng sang. Laban lưh lui hĭ gơnam mơ̆ng khul aseh samô, ba rai rơ̆k laih anŭn adrăng kơ khul hlô anŭn laih anŭn mă ia brơi kơ pô ding kơna hăng ƀing mơnuih nao hrŏm hăng ñu rao tơkai. 33Mơnơ̆ng ƀơ̆ng hmâo pŭ rơmet laih, samơ̆ pô ding kơna laĭ: “Kâo ƀu či ƀơ̆ng huă ôh tơdah kâo aka ƀu pơhiăp khul tơlơi kâo khŏm pơhiăp.” Laban laĭ glaĭ: “Rơkâo ih pơhiăp bĕ.”
34Ñu laĭ: “Kâo jing ding kơna kơ Abraham. 35Yêhôwa hmâo tuh tơlơi mơyun hiam rơbeh blai kơ khua kâo laih anŭn ngă brơi khua kâo jing pô pơdrŏng biă mă. Ñu pha brơi kơ khua kâo khul triu rơmo, prăk mah, ding kơna đah rơkơi đah kơmơi, aseh samô laih anŭn aseh kle. 36HʼSara, bơnai khua kâo, hlăk ñu tha ñu hmâo tơkeng brơi laih kơ khua kâo sa čô ană đah rơkơi laih anŭn ñu hmâo jao abih kong ngăn ñu kơ ană đah rơkơi anŭn. 37Khua kâo hmâo pơgŏ kâo khŏm ƀuăn rơ̆ng tui anai: ‘Ih ƀu dưi mă bơnai brơi kơ ană đah rơkơi kâo sa čô bơnai amăng ƀing ană dra kơ ƀing Kanaan ôh, anih kâo hlăk dŏ ră anai, 38samơ̆ ih khŏm glaĭ pơ sang ama kâo, nao pơ ƀing kơnŭng djuai kâo, laih anŭn mă bơnai brơi kơ ană đah rơkơi kâo sa čô bơnai.’ 39Kâo hmâo laĭ laih hăng khua kâo tui anai: ‘Năng ai đah kơmơi anŭn ƀu kiăng tui kâo glaĭ ôh.’ 40Samơ̆ khua kâo laĭ: ‘Yêhôwa jing Pô kâo gưt săp, Ñu či pơkiaŏ ling jang nao hrŏm hăng ih laih anŭn djru brơi ih dưi jing bruă. Ih či mă bơnai brơi kơ ană đah rơkơi kâo sa čô bơnai amăng ƀing kơnŭng djuai kâo, mơ̆ng sang ama kâo. 41Ih ƀu či đom ôh tơlơi ih ƀuăn rơ̆ng hăng kâo tơdang ih nao truh pơ ƀing kơnŭng djuai kâo; wơ̆t dah gơñu hơngah hăng ƀu brơi ôh kơ đah kơmơi anŭn glaĭ hăng ih, ih či rơngai yơh mơ̆ng tơlơi ih hmâo ƀuăn rơ̆ng laih hăng kâo.’ 42Hrơi anai, tơ kâo truh ƀơi ia dơmun, kâo hmâo iâu laĭ tui anai: ‘Ơ Yêhôwa, Ơi Adai kơ Abraham khua kâo! Rơkâo Ih djru brơi bruă kâo nao dưi jing hĭ. 43Ră anai kâo dơ̆ng ƀơi ia dơmun anai, tơdah hmâo sa čô dra pă nao sŏ ia laih anŭn kâo laĭ hăng pô anŭn tui anai; “Rơkâo ih pha brơi kâo mơñum ƀiă ia amăng čeh,” 44pô anŭn či laĭ glaĭ hăng kâo: “Rơkâo ih mơñum bĕ, kâo ăt či sŏ brơi khul aseh samô ih mơñum mơ̆n,” kâo yap mơnuih anŭn jing mơnuih Yêhôwa hmâo ruah brơi laih kơ ană đah rơkơi khua kâo!’ 45Kâo iâu laĭ aka abih ôh, plŭt mơtam HʼRêbêka glăm čeh ƀơi bra tơbiă rai, trŭn sŏ ia. Kâo laĭ hăng ñu: ‘Pha kâo mơñum ia đa.’ 46Tañ mơtam ñu lưh trŭn čeh laih anŭn laĭ: ‘Rơkâo ih mơñum bĕ, kâo ăt či brơi khul aseh samô ih mơñum mơ̆n.’ Tui anŭn kâo mơñum laih anŭn ñu ăt hmâo brơi laih kơ khul aseh samô mơñum mơ̆n. 47Kâo tơña: ‘Ih jing ană hlơi?’ Ñu laĭ glaĭ: ‘Kâo jing ană Bêthuel, ama kâo jing ană Nahôr hăng HʼMilka.’ Kâo čŭt buai ƀơi adŭng ñu laih anŭn kong ƀơi tơngan ñu. 48Kâo kŭp akŏ laih anŭn bon ƀơi anăp Yêhôwa, pơpŭ bơni kơ Yêhôwa Ơi Adai kơ Abraham khua kâo, Pô hmâo atăt ba kâo mŭt amăng jơlan djơ̆ klă kiăng ruah mă tơčo kơ pô jing adơi đah rơkơi khua kâo brơi kơ ană đah rơkơi ñu. 49Anŭn yơh ră anai, tơdah ƀing gih kiăng ngă tơlơi hiam laih anŭn tơlơi sĭt nĭk hăng khua kâo, rơkâo laĭ brơi kâo thâo. Tơdah ƀing gih ƀu tŭ ư ôh, laĭ brơi kâo thâo mơ̆n, kiăng kơ kâo dưi thâo hơgĕt tơlơi kâo khŏm ngă.”
50Laban hăng Bêthuel laĭ glaĭ: “Tơlơi anai rai mơ̆ng Yêhôwa, ƀing gơmơi ƀu dưi laĭ ôh hăng ih dưi ƀôdah ƀu dưi. 51Anai nê, HʼRêbêka hlăk dŏ ƀơi anăp ih. Brơi ih djă ba ñu bĕ kiăng kơ ñu dưi jing bơnai kơ ană đah rơkơi khua ih kar hăng tơlơi Yêhôwa hmâo laĭ laih.”
52Giơ̆ng hmư̆ gơñu laĭ, ding kơna Abraham bon kŭp ƀơi lŏn kơkuh kơ Yêhôwa. 53Ñu mă tơbiă abih mơnơ̆ng ƀing đah kơmơi pơhrôp ngă hăng prăk mah laih anŭn sum ao brơi kơ HʼRêbêka; ñu ăt mă khul mơnơ̆ng yom brơi kơ ayŏng laih anŭn amĭ đah kơmơi anŭn. 54Giơ̆ng anŭn pô ding kơna hăng abih mơnuih nao hrŏm hăng ñu, ƀơ̆ng huă laih anŭn đih pơdơi pơ anŭn.
Ưm mơguah hrơi tŏ tui, tơ gơñu mơdưh mơ̆ng pĭt, pô ding kơna laĭ: “Rơkâo ih brơi kâo wơ̆t glaĭ pơ khua kâo.” 55Samơ̆ ayŏng hăng amĭ đah kơmơi anŭn laĭ: “Rơkâo ih brơi ñu dŏ glaĭ hăng ƀing gơmơi ƀiă hrơi dơ̆ng, ƀiă hloh pluh hrơi dơ̆ng, giơ̆ng anŭn ñu či nao.” 56Ding kơna anŭn laĭ glaĭ: “Anăm pơkơ̆ng hĭ kâo ôh, yua kơ Yêhôwa brơi laih bruă kâo nao dưi jing hĭ. Rơkâo gih brơi kâo wơ̆t glaĭ pơ khua kâo.” 57Gơñu laĭ glaĭ: “Gơmơi či iâu HʼRêbêka laih anŭn tơña kơ ñu hyư̆m tơlơi ñu pơmĭn.” 58Gơñu iâu HʼRêbêka laih anŭn tơña: “Ih kiăng nao hrŏm hăng mơnuih anai mơ̆?” Ñu laĭ glaĭ: “Ơ, kâo kiăng nao mơ̆n.” 59Tui anŭn gơñu brơi adơi gơñu HʼRêbêka laih anŭn wơ̆t hăng pô ding kơna đah kơmơi rong gơ̆ nao hrŏm hăng ƀing ding kơna Abraham laih anŭn ƀing mơnuih nao hrŏm hơbĭt ñu. 60Gơñu hơơč tơlơi mơyun hiam kơ HʼRêbêka tui anai:
“Ơ adơi đah kơmơi gơmơi hơi! Hơơč mơyun kơ ih dưi jing amĭ
Kơ lu rơbâo čô mơnuih,
Laih anŭn kơnŭng djuai či dưi sua mă
Bah amăng jang kơ ƀing ayăt.”
61HʼRêbêka hăng ƀing đah kơmơi ding kơna ñu tơgŭ, đĭ aseh samô laih anŭn đuaĭ tui pô ding kơna anŭn. Tui anŭn, pô ding kơna anŭn djă ba HʼRêbêka glaĭ.
HʼRêbêka Jing Hĭ Bơnai Isak
62Hlăk anŭn, Isak hlăk dŏ pơ#24:62 Đơđa hră pơblang phŭn hơđăp: Isak mơ̆ng tơdrŏn tač. Nêgep laih anŭn mơ̆ng ia dơmun Bêrlahairoi Roi wơ̆t glaĭ. 63Yang hrơi klam laih, Isak tơbiă nao pơ hmua kiăng pơmĭn. Ñu angak đĭ mơta laih anŭn ñu ƀuh khul aseh samô hlăk rai jĕ ñu. 64HʼRêbêka ăt angak đĭ mơta laih anŭn ƀuh Isak. Ñu trŭn mơtam mơ̆ng aseh samô, 65laih anŭn tơña kơ pô ding kơna: “Hlơi pô đah rơkơi hlăk rơbat găn đang hmua kiăng nao pơ ƀing ta anŭn lĕ?” Pô ding kơna laĭ glaĭ: “Anŭn jing khua kâo.” Tui anŭn ñu mă khăn rơpih hăng gom hĭ ƀô̆ ñu. 66Pô ding kơna anŭn ruai glaĭ kơ Isak abih bang bruă ñu hmâo ngă laih. 67Isak ba HʼRêbêka mŭt amăng sang khăn HʼSara, amĭ ñu, mă ñu jing bơnai laih anŭn khăp hơeng ñu. Tui anŭn, Isak dưi hmâo tơlơi pơalum tơdơi kơ tơlơi djai amĭ ñu.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.