Čơdơ̆ng Phŭn 37
37
Yôsep Hăng Ƀing Ayŏng Adơi Ñu
1Yakôp dŏ amăng čar Kanaan, jing čar ama ñu hmâo dŏ jưh laih hlâo adih. 2Anai jing tơlơi ră ruai kơ kơnŭng djuai Yakôp.
Hlăk anŭn Yôsep hmâo pluh tơjuh thŭn, ñu juăt nao wai triu hrŏm hăng ƀing ayŏng ñu. Ñu ngă gơyut hăng ƀing ană HʼBilha laih anŭn HʼSilpa, ƀing bơnai ama ñu, laih anŭn ruai glaĭ kơ ama ñu thâo khul tơlơi sat ƀing ayŏng ñu ngă. 3Israel khăp kơ Yôsep lu hloh kơ abih bang ƀing ană ñu pơkŏn, yua kơ gơ̆ jing ană ñu hmâo hlăk ñu tha laih. Ñu tơčoh brơi kơ gơ̆ sa blah ao phyung glong tơngan hmâo lu mơta ia khôr. 4Tơdah ƀing ayŏng ñu ƀuh ama gơñu khăp kơ Yôsep lu hloh kơ khăp kơ gơñu, gơñu bơrơmŭt hĭ kơ Yôsep laih anŭn ƀu thâo pơhiăp hiam hăng Yôsep ôh.
Tơlơi Yôsep Rơpơi
5Amăng sa mlam anŭn, Yôsep hmâo tơlơi rơpơi laih anŭn ruai glaĭ brơi kơ ƀing ayŏng ñu hmư̆, hnŭn yơh gơñu jai bơrơmŭt kơ Yôsep lu hloh dơ̆ng. 6Yôsep laĭ kơ gơñu: “Hmư̆ bĕ kơ tơlơi rơpơi kâo hmâo ƀuh laih: 7Tơdang ƀing ta hlăk dŏ čăp pơdai pơ hmua, hlăk anŭn čơnăp pơdai kâo tơgŭ dơ̆ng tơpă đĭ, bơ kơ khul čơnăp pơdai ƀing gih leng kơ dŏ jum dar laih anŭn bon kơkuh kơ čơnăp pơdai kâo.” 8Ƀing ayŏng ñu laĭ kơ ñu: “Ih pơmĭn ih či jing pơtao kơ ƀing gơmơi hă? Djơ̆ mơ̆ ih či wai lăng ƀing gơmơi?” Tui anŭn gơñu jai bơrơmŭt kơ Yôsep lu hloh dơ̆ng yua kơ tơlơi ñu rơpơi laih anŭn tơlơi ñu pơhiăp.
9Yôsep hmâo dơ̆ng tơlơi rơpơi pơkŏn, laih anŭn ñu ră ruai tơlơi anŭn kơ ƀing ayŏng ñu. Ñu laĭ: “Kâo hmâo dơ̆ng sa tơlơi rơpơi pơkŏn. Kâo ƀuh yang hrơi, yang blan laih anŭn pluh sa asar pơtŭ leng kơ bon kơkuh ƀơi anăp kâo.” 10Tơ ñu ruai glaĭ tơlơi rơpơi anŭn brơi kơ ama ñu laih anŭn ƀing ayŏng ñu hmư̆, ama ñu ƀuah kơ ñu laih anŭn laĭ: “Hơgĕt tơlơi kiăng laĭ kơ tơlơi rơpơi ih anŭn? Djơ̆ mơ̆ kâo, amĭ ih laih anŭn ƀing ayŏng ih či rai bon kơkuh pơ lŏn ƀơi anăp ih?” 11Ƀing ayŏng ñu bơrơmŭt kơ ñu, samơ̆ ama ñu djă pioh tơlơi anŭn amăng tơlơi pơmĭn ñu.#Bruă 7:9.
Ƀing ayŏng Yôsep glŏm trŭn Yôsep amăng hlŭng
12Hmâo sa hrơi, ƀing ayŏng Yôsep nao wai triu ama gơñu pơ plei Sičem. 13Israel laĭ kơ Yôsep: “Djơ̆ mơ̆ ƀing ayŏng ih hlăk dŏ wai triu pơ plei Sičem? Rai pơ anai bĕ, kâo či pơkiaŏ ih nao pơ gơñu.” Yôsep laĭ glaĭ: “Anai nê, hmâo kâo pơ anai.” 14Israel laĭ: “Brơi ih nao lăng bĕ hyư̆m ƀing ayŏng ih ră anai, hyư̆m khul triu jing, giơ̆ng anŭn glaĭ laĭ pơthâo brơi kâo.” Ñu pơkiaŏ nao Yôsep mơ̆ng klŭng Hêbron.
Tơ Yôsep truh pơ plei Sičem, 15hmâo sa čô mơnuih bưp ñu tơdang ñu wơr jơlan amăng hmua, pô anŭn tơña kơ ñu: “Hơgĕt ih dŏ hơduah lĕ?” 16Ñu laĭ glaĭ: “Kâo hơduah ƀing ayŏng kâo. Rơkâo ih laĭ brơi kơ kâo thâo pơpă anih gơñu wai triu.” 17Mơnuih anŭn laĭ: “Gơñu đuaĭ laih mơ̆ng anai, yua kơ kâo hmư̆ gơñu laĭ: ‘Brơi ƀing ta nao bĕ pơ plei Đôthan.’” Tui anŭn, Yôsep nao hơduah ƀing ayŏng ñu laih anŭn ƀuh ƀing gơñu pơ plei Đôthan.
18Ƀing ayŏng ñu ƀuh ñu mơ̆ng ataih, laih anŭn hlâo kơ ñu truh pơ gơñu, gơñu pơmĭn kiăng pơdjai hĭ gơ̆. 19Gơñu laĭ hăng tơdruă gơñu: “Adi adih, pô hmâo tơlơi rơpơi truh laih! 20Bơ bĕ ta! Brơi ƀing ta pơdjai ñu bĕ, glŏm hĭ ñu amăng ia dơmun, laih anŭn ta či laĭ: ‘Sa drơi hlô glai ƀơ̆ng hĭ ñu laih.’ Laih anŭn ta či lăng lăng hyư̆m tơlơi ñu rơpơi či truh.” 21Samơ̆ tơdah Ruben hmư̆ tơlơi anŭn, ñu hơduah jơlan kiăng pơklaih gơ̆ mơ̆ng tơngan ƀing gơñu, hnŭn yơh ñu laĭ: “Anăm pơdjai hĭ ñu ôh. 22Anăm ƀing ta ngă tuh drah ôh. Glŏm bĕ ñu amăng ia dơmun amăng tơdrŏn tač anai, samơ̆ anăm ƀing ta ngă răm kơ ñu ôh.” Ruben laĭ tui anŭn yua kơ ñu kiăng pơklaih adơi ñu mơ̆ng tơngan gơñu, kiăng ba gơ̆ glaĭ pơ ama gơñu. 23Tơdah Yôsep truh pơ ƀing ayŏng ñu, gơñu toh hĭ ao phyung ñu, jing ao hmâo lu mơta khôr ñu hlăk dŏ buh. 24Gơñu mă glŏm hĭ ñu amăng ia dơmun. Samơ̆ hlŭng anŭn hmâo thu hĭ laih, ƀu hmâo ia ôh.
Sĭ Yôsep nao ngă hlŭn
25Tơdang ƀing ayŏng Yôsep hlăk dŏ ber ƀơ̆ng huă, gơñu angak mơta lăng laih anŭn ƀuh ƀing Ismael sĭ mia rai mơ̆ng čar Galaat. Aseh samô ƀing gơñu pơdiăng lu mơnơ̆ng ƀâu mơngưi, ia ƀâu hiam laih anŭn ia jrao phĭ kiăng ba nao pơ čar Êjip. 26Yuđa laĭ kơ ƀing ayŏng adơi ñu: “Pơdjai ñu giơ̆ng anŭn pơdŏp hĭ drah ñu, tơlơi anŭn hmâo tơlơi tŭ yua hơgĕt brơi kơ ƀing ta mơ̆? 27Bơ ta, sĭ bĕ ñu kơ ƀing Ismael laih anŭn anăm ngă kơ ñu ôh yua kơ ñu jing adơi ta, drah kơtăk ta pô.” Ƀing ayŏng adơi ñu tŭ ư kơ tơlơi anŭn. 28#Bruă 7:9.Tơ ƀing Madian sĭ mia#37:28 Ăt iâu dơ̆ng mơ̆n jing ƀing Ismael sĭ mia. găn nao anih anŭn, ƀing ayŏng Yôsep dui đĭ Yôsep mơ̆ng ia dơmun laih anŭn sĭ ñu dua pluh klŏ prăk brơi kơ ƀing Ismael. Ƀing anŭn mă ba Yôsep nao pơ čar Êjip.
29Tơ Ruben wơ̆t glaĭ pơ ia dơmun, ñu ƀuh Yôsep ƀu dŏ pơ anŭn dơ̆ng ôh, ñu hek sum ao ñu pô, 30đuaĭ nao pơ ƀing adơi ñu laih anŭn laĭ: “Pơpă adơi anĕt ta lĕ? Bơ kâo, pơpă kâo či nao anai!”
31Ƀing ayŏng Yôsep pơdjai sa drơi bơbe tơno, giơ̆ng anŭn mă ao phyung Yôsep laih anŭn añrŭ hĭ ao anŭn amăng drah. 32Gơñu ba ao phyung glong tơngan anŭn brơi kơ ama gơñu laih anŭn laĭ: “Gơmơi hmâo ƀuh ao anai. Rơkâo kơ ih lăng bĕ djơ̆ mơ̆ anai jing ao phyung ană ih?” 33Yakôp thâo krăn ao anŭn laih anŭn laĭ: “Anai jing ao phyung ană kâo! Sa drơi hlô mơnơ̆ng glai hmâo hek ƀơ̆ng ñu laih! Sĭt biă mă hlô mơnơ̆ng glai hmâo kĕ hek hĭ ñu jing lu črăn!” 34Yakôp hek sum ao ñu pô, buh ao kơsăk, laih anŭn kơ-ŭ kơ-uăn kơ ană đah rơkơi ñu amăng lu hrơi. 35Abih bang ƀing ană đah rơkơi laih anŭn ană đah kơmơi ñu rai pơalum ñu, samơ̆ ñu hơngah ƀu tŭ tơlơi arăng juh alum ñu ôh. Ñu laĭ: “Ư ưh, kâo či trŭn nao pơ plei atâo djai ăt dŏ kơ-ŭ kơ-uăn kơ ană đah rơkơi kâo!” Tui anŭn, ama ñu čŏk hia kơ ñu nanao.
36Ƀing Madian sĭ mia ba Yôsep nao pơ čar Êjip, sĭ hĭ ñu kơ Pôtipar, khua kơ ƀing tơhan gak mă bruă kơ Pharaôn.
Избрани в момента:
Čơdơ̆ng Phŭn 37: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 37
37
Yôsep Hăng Ƀing Ayŏng Adơi Ñu
1Yakôp dŏ amăng čar Kanaan, jing čar ama ñu hmâo dŏ jưh laih hlâo adih. 2Anai jing tơlơi ră ruai kơ kơnŭng djuai Yakôp.
Hlăk anŭn Yôsep hmâo pluh tơjuh thŭn, ñu juăt nao wai triu hrŏm hăng ƀing ayŏng ñu. Ñu ngă gơyut hăng ƀing ană HʼBilha laih anŭn HʼSilpa, ƀing bơnai ama ñu, laih anŭn ruai glaĭ kơ ama ñu thâo khul tơlơi sat ƀing ayŏng ñu ngă. 3Israel khăp kơ Yôsep lu hloh kơ abih bang ƀing ană ñu pơkŏn, yua kơ gơ̆ jing ană ñu hmâo hlăk ñu tha laih. Ñu tơčoh brơi kơ gơ̆ sa blah ao phyung glong tơngan hmâo lu mơta ia khôr. 4Tơdah ƀing ayŏng ñu ƀuh ama gơñu khăp kơ Yôsep lu hloh kơ khăp kơ gơñu, gơñu bơrơmŭt hĭ kơ Yôsep laih anŭn ƀu thâo pơhiăp hiam hăng Yôsep ôh.
Tơlơi Yôsep Rơpơi
5Amăng sa mlam anŭn, Yôsep hmâo tơlơi rơpơi laih anŭn ruai glaĭ brơi kơ ƀing ayŏng ñu hmư̆, hnŭn yơh gơñu jai bơrơmŭt kơ Yôsep lu hloh dơ̆ng. 6Yôsep laĭ kơ gơñu: “Hmư̆ bĕ kơ tơlơi rơpơi kâo hmâo ƀuh laih: 7Tơdang ƀing ta hlăk dŏ čăp pơdai pơ hmua, hlăk anŭn čơnăp pơdai kâo tơgŭ dơ̆ng tơpă đĭ, bơ kơ khul čơnăp pơdai ƀing gih leng kơ dŏ jum dar laih anŭn bon kơkuh kơ čơnăp pơdai kâo.” 8Ƀing ayŏng ñu laĭ kơ ñu: “Ih pơmĭn ih či jing pơtao kơ ƀing gơmơi hă? Djơ̆ mơ̆ ih či wai lăng ƀing gơmơi?” Tui anŭn gơñu jai bơrơmŭt kơ Yôsep lu hloh dơ̆ng yua kơ tơlơi ñu rơpơi laih anŭn tơlơi ñu pơhiăp.
9Yôsep hmâo dơ̆ng tơlơi rơpơi pơkŏn, laih anŭn ñu ră ruai tơlơi anŭn kơ ƀing ayŏng ñu. Ñu laĭ: “Kâo hmâo dơ̆ng sa tơlơi rơpơi pơkŏn. Kâo ƀuh yang hrơi, yang blan laih anŭn pluh sa asar pơtŭ leng kơ bon kơkuh ƀơi anăp kâo.” 10Tơ ñu ruai glaĭ tơlơi rơpơi anŭn brơi kơ ama ñu laih anŭn ƀing ayŏng ñu hmư̆, ama ñu ƀuah kơ ñu laih anŭn laĭ: “Hơgĕt tơlơi kiăng laĭ kơ tơlơi rơpơi ih anŭn? Djơ̆ mơ̆ kâo, amĭ ih laih anŭn ƀing ayŏng ih či rai bon kơkuh pơ lŏn ƀơi anăp ih?” 11Ƀing ayŏng ñu bơrơmŭt kơ ñu, samơ̆ ama ñu djă pioh tơlơi anŭn amăng tơlơi pơmĭn ñu.#Bruă 7:9.
Ƀing ayŏng Yôsep glŏm trŭn Yôsep amăng hlŭng
12Hmâo sa hrơi, ƀing ayŏng Yôsep nao wai triu ama gơñu pơ plei Sičem. 13Israel laĭ kơ Yôsep: “Djơ̆ mơ̆ ƀing ayŏng ih hlăk dŏ wai triu pơ plei Sičem? Rai pơ anai bĕ, kâo či pơkiaŏ ih nao pơ gơñu.” Yôsep laĭ glaĭ: “Anai nê, hmâo kâo pơ anai.” 14Israel laĭ: “Brơi ih nao lăng bĕ hyư̆m ƀing ayŏng ih ră anai, hyư̆m khul triu jing, giơ̆ng anŭn glaĭ laĭ pơthâo brơi kâo.” Ñu pơkiaŏ nao Yôsep mơ̆ng klŭng Hêbron.
Tơ Yôsep truh pơ plei Sičem, 15hmâo sa čô mơnuih bưp ñu tơdang ñu wơr jơlan amăng hmua, pô anŭn tơña kơ ñu: “Hơgĕt ih dŏ hơduah lĕ?” 16Ñu laĭ glaĭ: “Kâo hơduah ƀing ayŏng kâo. Rơkâo ih laĭ brơi kơ kâo thâo pơpă anih gơñu wai triu.” 17Mơnuih anŭn laĭ: “Gơñu đuaĭ laih mơ̆ng anai, yua kơ kâo hmư̆ gơñu laĭ: ‘Brơi ƀing ta nao bĕ pơ plei Đôthan.’” Tui anŭn, Yôsep nao hơduah ƀing ayŏng ñu laih anŭn ƀuh ƀing gơñu pơ plei Đôthan.
18Ƀing ayŏng ñu ƀuh ñu mơ̆ng ataih, laih anŭn hlâo kơ ñu truh pơ gơñu, gơñu pơmĭn kiăng pơdjai hĭ gơ̆. 19Gơñu laĭ hăng tơdruă gơñu: “Adi adih, pô hmâo tơlơi rơpơi truh laih! 20Bơ bĕ ta! Brơi ƀing ta pơdjai ñu bĕ, glŏm hĭ ñu amăng ia dơmun, laih anŭn ta či laĭ: ‘Sa drơi hlô glai ƀơ̆ng hĭ ñu laih.’ Laih anŭn ta či lăng lăng hyư̆m tơlơi ñu rơpơi či truh.” 21Samơ̆ tơdah Ruben hmư̆ tơlơi anŭn, ñu hơduah jơlan kiăng pơklaih gơ̆ mơ̆ng tơngan ƀing gơñu, hnŭn yơh ñu laĭ: “Anăm pơdjai hĭ ñu ôh. 22Anăm ƀing ta ngă tuh drah ôh. Glŏm bĕ ñu amăng ia dơmun amăng tơdrŏn tač anai, samơ̆ anăm ƀing ta ngă răm kơ ñu ôh.” Ruben laĭ tui anŭn yua kơ ñu kiăng pơklaih adơi ñu mơ̆ng tơngan gơñu, kiăng ba gơ̆ glaĭ pơ ama gơñu. 23Tơdah Yôsep truh pơ ƀing ayŏng ñu, gơñu toh hĭ ao phyung ñu, jing ao hmâo lu mơta khôr ñu hlăk dŏ buh. 24Gơñu mă glŏm hĭ ñu amăng ia dơmun. Samơ̆ hlŭng anŭn hmâo thu hĭ laih, ƀu hmâo ia ôh.
Sĭ Yôsep nao ngă hlŭn
25Tơdang ƀing ayŏng Yôsep hlăk dŏ ber ƀơ̆ng huă, gơñu angak mơta lăng laih anŭn ƀuh ƀing Ismael sĭ mia rai mơ̆ng čar Galaat. Aseh samô ƀing gơñu pơdiăng lu mơnơ̆ng ƀâu mơngưi, ia ƀâu hiam laih anŭn ia jrao phĭ kiăng ba nao pơ čar Êjip. 26Yuđa laĭ kơ ƀing ayŏng adơi ñu: “Pơdjai ñu giơ̆ng anŭn pơdŏp hĭ drah ñu, tơlơi anŭn hmâo tơlơi tŭ yua hơgĕt brơi kơ ƀing ta mơ̆? 27Bơ ta, sĭ bĕ ñu kơ ƀing Ismael laih anŭn anăm ngă kơ ñu ôh yua kơ ñu jing adơi ta, drah kơtăk ta pô.” Ƀing ayŏng adơi ñu tŭ ư kơ tơlơi anŭn. 28#Bruă 7:9.Tơ ƀing Madian sĭ mia#37:28 Ăt iâu dơ̆ng mơ̆n jing ƀing Ismael sĭ mia. găn nao anih anŭn, ƀing ayŏng Yôsep dui đĭ Yôsep mơ̆ng ia dơmun laih anŭn sĭ ñu dua pluh klŏ prăk brơi kơ ƀing Ismael. Ƀing anŭn mă ba Yôsep nao pơ čar Êjip.
29Tơ Ruben wơ̆t glaĭ pơ ia dơmun, ñu ƀuh Yôsep ƀu dŏ pơ anŭn dơ̆ng ôh, ñu hek sum ao ñu pô, 30đuaĭ nao pơ ƀing adơi ñu laih anŭn laĭ: “Pơpă adơi anĕt ta lĕ? Bơ kâo, pơpă kâo či nao anai!”
31Ƀing ayŏng Yôsep pơdjai sa drơi bơbe tơno, giơ̆ng anŭn mă ao phyung Yôsep laih anŭn añrŭ hĭ ao anŭn amăng drah. 32Gơñu ba ao phyung glong tơngan anŭn brơi kơ ama gơñu laih anŭn laĭ: “Gơmơi hmâo ƀuh ao anai. Rơkâo kơ ih lăng bĕ djơ̆ mơ̆ anai jing ao phyung ană ih?” 33Yakôp thâo krăn ao anŭn laih anŭn laĭ: “Anai jing ao phyung ană kâo! Sa drơi hlô mơnơ̆ng glai hmâo hek ƀơ̆ng ñu laih! Sĭt biă mă hlô mơnơ̆ng glai hmâo kĕ hek hĭ ñu jing lu črăn!” 34Yakôp hek sum ao ñu pô, buh ao kơsăk, laih anŭn kơ-ŭ kơ-uăn kơ ană đah rơkơi ñu amăng lu hrơi. 35Abih bang ƀing ană đah rơkơi laih anŭn ană đah kơmơi ñu rai pơalum ñu, samơ̆ ñu hơngah ƀu tŭ tơlơi arăng juh alum ñu ôh. Ñu laĭ: “Ư ưh, kâo či trŭn nao pơ plei atâo djai ăt dŏ kơ-ŭ kơ-uăn kơ ană đah rơkơi kâo!” Tui anŭn, ama ñu čŏk hia kơ ñu nanao.
36Ƀing Madian sĭ mia ba Yôsep nao pơ čar Êjip, sĭ hĭ ñu kơ Pôtipar, khua kơ ƀing tơhan gak mă bruă kơ Pharaôn.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.