Čơdơ̆ng Phŭn 39
39
Yôsep laih anŭn Bơnai Pôtipar
1Ƀing Ismael sĭ mia#39:1 Arăng ăt iâu jing ƀing Madian sĭ mia. djă ba Yôsep trŭn nao pơ čar Êjip sĭ hĭ gơ̆ kơ Pôtipar, sa čô mơnuih Êjip ngă khua kơ ƀing tơhan gak Pharaôn. 2Yêhôwa dŏ hrŏm hơbĭt hăng Yôsep, yua kơ anŭn yơh abih bruă ñu ngă dưi jing soh sel amăng sang khua ñu, mơnuih Êjip.#Bruă 7:9. 3Khua ñu ƀuh Yêhôwa dŏ hrŏm hơbĭt hăng ñu, laih anŭn ngă brơi abih bruă ñu ngă dưi jing soh sel. 4Yôsep hmâo tơlơi pap ƀơi anăp khua ñu laih anŭn jing hĭ pô djru mă bruă kơ khua ñu. Pôtipar pơjing ñu jing khua wai sang laih anŭn jao abih bang dram gơnam brơi kơ ñu wai lăng. 5Čơdơ̆ng mơ̆ng hrơi ñu brơi Yôsep wai lăng sang hăng abih bang dram gơnam amăng sang, yua kơ Yôsep yơh Yêhôwa pha brơi tơlơi mơyun hiam kơ Pôtipar. Tơlơi mơyun hiam Yêhôwa gom ƀơi abih bang mơnơ̆ng mơnuă ñu hmâo, amăng sang wơ̆t amăng hmua. 6Ñu jao abih bang dram gơnam ñu hmâo brơi kơ Yôsep wai lăng, ñu ƀu bơngơ̆t kơ sa mơta bruă hơgĕt ôh gah rơngiao kơ mơnơ̆ng ñu ƀơ̆ng huă.
Yôsep jing pô kơjăp kơjĭn laih anŭn hiam rơkơi biă mă.
Yôsep dŏ amăng sang mơnă
7Tơdơi kơ khul bruă anŭn, bơnai khua Yôsep amoaih hơr kơ Yôsep laih anŭn laĭ: “Rai đih bĕ hăng kâo.” 8Samơ̆ Yôsep hơngah laih anŭn laĭ: “Ih lăng bĕ, khua kâo ƀu hyơ̆k bơngơ̆t dơ̆ng ôh kơ sa mơta bruă hơgĕt amăng sang anai. Ñu hmâo jao brơi laih kơ kâo wai lăng abih bang dram gơnam ñu hmâo. 9Amăng sang anai, ƀu hmâo hlơi prŏng hloh kơ kâo ôh, laih anŭn khua kâo ƀu djă pioh ôh sa mơta tơlơi hơgĕt hăng kâo, samơ̆ rơngiao kơ ih, yua kơ ih jing bơnai ñu. Hyư̆m kâo khĭn ngă tơlơi sat ƀai prŏng kar hăng anai, laih anŭn ngă soh hăng Ơi Adai?” 10Rĭm hrơi, ñu plư Yôsep, samơ̆ Yôsep hơngah ƀu kiăng đih hrŏm hăng ñu ôh.
11Hmâo sa hrơi, Yôsep mŭt amăng sang kiăng mă bruă. Yua kơ ƀu hmâo ôh sa čô mơnuih amăng sang anŭn 12hnŭn yơh bơnai khua ñu mă ao, dui ñu hăng laĭ: “Rai đih hăng kâo bĕ!” Samơ̆ Yôsep lui hĭ ao ñu amăng tơngan bơnai khua ñu, ñu đuaĭ hĭ pơ rơngiao. 13Tơdang ñu ƀuh Yôsep lui hĭ ao gơ̆ amăng tơngan ñu laih anŭn đuaĭ hĭ pơ rơngiao, 14ñu iâu ƀing mơnuih amăng sang ñu laih anŭn laĭ tui anai: “Lăng bĕ! Mơnuih Hêbrơ, pô rơkơi kâo hmâo ba glaĭ hmâo ngă pơmlâo laih kơ ƀing ta. Ñu rai pơ kâo kiăng đih hăng kâo, samơ̆ kâo hmâo ur kraih hĭ. 15Tơdah ñu hmư̆ kâo ur hăng asăp kraih, ñu lui ao ñu ƀơi kâo laih anŭn đuaĭ kơdŏp pơ rơngiao.” 16Ñu djă pioh ao Yôsep ƀơi ñu hlŏng truh hrơi khua Yôsep glaĭ pơ sang, 17laih anŭn ñu ăt yua mơ̆n boh pơhiăp kar hăng hlâo kiăng pơhiăp hăng rơkơi ñu: “Pô hlŭn mơnuih Hêbrơ ih hmâo ba glaĭ pơ sang, hmâo rai laih pơ kâo kiăng ngă pơmlâo kâo. 18Samơ̆ tơ kâo ur kraih, ñu lui hĭ ao ñu pơ kâo, giơ̆ng anŭn đuaĭ tơbiă pơ rơngiao.”
19Tơ khua Yôsep hmư̆ tơlơi bơnai ñu ruai: “Pô hlŭn ih hmâo ngă laih kơ kâo kar hăng anŭn,” ñu hil biă mă. 20Khua Yôsep mă krư̆ hĭ Yôsep amăng sang mơnă, anih arăng krư̆ ƀing mơnă pơtao. Hnŭn yơh, Yôsep dŏ hĭ amăng sang mơnă.
21Samơ̆ Yêhôwa dŏ hrŏm hơbĭt hăng Yôsep. Ñu pơrơđah tơlơi hiam klă kơ Yôsep laih anŭn ngă brơi ñu hmâo tơlơi pap ƀơi anăp khua sang mơnă.#Bruă 7:9. 22Khua sang mơnă jao brơi Yôsep wai lăng abih bang ƀing mơnă; abih bang bruă amăng sang mơnă leng kơ găn mơ̆ng ñu soh sel. 23Khua sang mơnă ƀu hyơ̆k bơngơ̆t ôh kơ hơgĕt bruă ñu hmâo jao laih kơ Yôsep, yua kơ Yêhôwa dŏ hrŏm hơbĭt hăng ñu, ngă brơi abih bang bruă ñu ngă leng kơ dưi jing soh sel.
Избрани в момента:
Čơdơ̆ng Phŭn 39: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 39
39
Yôsep laih anŭn Bơnai Pôtipar
1Ƀing Ismael sĭ mia#39:1 Arăng ăt iâu jing ƀing Madian sĭ mia. djă ba Yôsep trŭn nao pơ čar Êjip sĭ hĭ gơ̆ kơ Pôtipar, sa čô mơnuih Êjip ngă khua kơ ƀing tơhan gak Pharaôn. 2Yêhôwa dŏ hrŏm hơbĭt hăng Yôsep, yua kơ anŭn yơh abih bruă ñu ngă dưi jing soh sel amăng sang khua ñu, mơnuih Êjip.#Bruă 7:9. 3Khua ñu ƀuh Yêhôwa dŏ hrŏm hơbĭt hăng ñu, laih anŭn ngă brơi abih bruă ñu ngă dưi jing soh sel. 4Yôsep hmâo tơlơi pap ƀơi anăp khua ñu laih anŭn jing hĭ pô djru mă bruă kơ khua ñu. Pôtipar pơjing ñu jing khua wai sang laih anŭn jao abih bang dram gơnam brơi kơ ñu wai lăng. 5Čơdơ̆ng mơ̆ng hrơi ñu brơi Yôsep wai lăng sang hăng abih bang dram gơnam amăng sang, yua kơ Yôsep yơh Yêhôwa pha brơi tơlơi mơyun hiam kơ Pôtipar. Tơlơi mơyun hiam Yêhôwa gom ƀơi abih bang mơnơ̆ng mơnuă ñu hmâo, amăng sang wơ̆t amăng hmua. 6Ñu jao abih bang dram gơnam ñu hmâo brơi kơ Yôsep wai lăng, ñu ƀu bơngơ̆t kơ sa mơta bruă hơgĕt ôh gah rơngiao kơ mơnơ̆ng ñu ƀơ̆ng huă.
Yôsep jing pô kơjăp kơjĭn laih anŭn hiam rơkơi biă mă.
Yôsep dŏ amăng sang mơnă
7Tơdơi kơ khul bruă anŭn, bơnai khua Yôsep amoaih hơr kơ Yôsep laih anŭn laĭ: “Rai đih bĕ hăng kâo.” 8Samơ̆ Yôsep hơngah laih anŭn laĭ: “Ih lăng bĕ, khua kâo ƀu hyơ̆k bơngơ̆t dơ̆ng ôh kơ sa mơta bruă hơgĕt amăng sang anai. Ñu hmâo jao brơi laih kơ kâo wai lăng abih bang dram gơnam ñu hmâo. 9Amăng sang anai, ƀu hmâo hlơi prŏng hloh kơ kâo ôh, laih anŭn khua kâo ƀu djă pioh ôh sa mơta tơlơi hơgĕt hăng kâo, samơ̆ rơngiao kơ ih, yua kơ ih jing bơnai ñu. Hyư̆m kâo khĭn ngă tơlơi sat ƀai prŏng kar hăng anai, laih anŭn ngă soh hăng Ơi Adai?” 10Rĭm hrơi, ñu plư Yôsep, samơ̆ Yôsep hơngah ƀu kiăng đih hrŏm hăng ñu ôh.
11Hmâo sa hrơi, Yôsep mŭt amăng sang kiăng mă bruă. Yua kơ ƀu hmâo ôh sa čô mơnuih amăng sang anŭn 12hnŭn yơh bơnai khua ñu mă ao, dui ñu hăng laĭ: “Rai đih hăng kâo bĕ!” Samơ̆ Yôsep lui hĭ ao ñu amăng tơngan bơnai khua ñu, ñu đuaĭ hĭ pơ rơngiao. 13Tơdang ñu ƀuh Yôsep lui hĭ ao gơ̆ amăng tơngan ñu laih anŭn đuaĭ hĭ pơ rơngiao, 14ñu iâu ƀing mơnuih amăng sang ñu laih anŭn laĭ tui anai: “Lăng bĕ! Mơnuih Hêbrơ, pô rơkơi kâo hmâo ba glaĭ hmâo ngă pơmlâo laih kơ ƀing ta. Ñu rai pơ kâo kiăng đih hăng kâo, samơ̆ kâo hmâo ur kraih hĭ. 15Tơdah ñu hmư̆ kâo ur hăng asăp kraih, ñu lui ao ñu ƀơi kâo laih anŭn đuaĭ kơdŏp pơ rơngiao.” 16Ñu djă pioh ao Yôsep ƀơi ñu hlŏng truh hrơi khua Yôsep glaĭ pơ sang, 17laih anŭn ñu ăt yua mơ̆n boh pơhiăp kar hăng hlâo kiăng pơhiăp hăng rơkơi ñu: “Pô hlŭn mơnuih Hêbrơ ih hmâo ba glaĭ pơ sang, hmâo rai laih pơ kâo kiăng ngă pơmlâo kâo. 18Samơ̆ tơ kâo ur kraih, ñu lui hĭ ao ñu pơ kâo, giơ̆ng anŭn đuaĭ tơbiă pơ rơngiao.”
19Tơ khua Yôsep hmư̆ tơlơi bơnai ñu ruai: “Pô hlŭn ih hmâo ngă laih kơ kâo kar hăng anŭn,” ñu hil biă mă. 20Khua Yôsep mă krư̆ hĭ Yôsep amăng sang mơnă, anih arăng krư̆ ƀing mơnă pơtao. Hnŭn yơh, Yôsep dŏ hĭ amăng sang mơnă.
21Samơ̆ Yêhôwa dŏ hrŏm hơbĭt hăng Yôsep. Ñu pơrơđah tơlơi hiam klă kơ Yôsep laih anŭn ngă brơi ñu hmâo tơlơi pap ƀơi anăp khua sang mơnă.#Bruă 7:9. 22Khua sang mơnă jao brơi Yôsep wai lăng abih bang ƀing mơnă; abih bang bruă amăng sang mơnă leng kơ găn mơ̆ng ñu soh sel. 23Khua sang mơnă ƀu hyơ̆k bơngơ̆t ôh kơ hơgĕt bruă ñu hmâo jao laih kơ Yôsep, yua kơ Yêhôwa dŏ hrŏm hơbĭt hăng ñu, ngă brơi abih bang bruă ñu ngă leng kơ dưi jing soh sel.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.