Čơdơ̆ng Phŭn 46
46
Ơi Adai Pơrơđah Ñu Pô Kơ Yakôp
1Israel trŭn nao pơ čar Êjip, djă ba abih bang kong ngăn ñu hmâo. Ñu truh pơ plei Bêrsêba, ñu pơyơr mơnơ̆ng ngă yang brơi kơ Ơi Adai Isak, ama ñu. 2Hmâo sa mlam anŭn, Ơi Adai pơhiăp hăng Israel găn mơ̆ng tơlơi pơƀuh. Ñu iâu: “Ơ Yakôp, Ơ Yakôp!” Israel laĭ glaĭ: “Kâo pơ anai.” 3Ơi Adai laĭ: “Kâo jing Ơi Adai, Ơi Adai kơ ama ih. Anăm hwĭ ôh tơdang trŭn nao pơ čar Êjip, yua kơ pơ anŭn Kâo či ngă brơi ih jing hĭ sa kơnŭng djuai prŏng. 4Kâo či trŭn nao pơ čar Êjip hrŏm hơbĭt hăng ih, laih anŭn Kâo pô mơ̆n či ba glaĭ ih pơ čar Kanaan dơ̆ng. Tơngan Yôsep či moaih brơi mơta ih ƀơi hrơi ih djai.”
Yakôp trŭn nao pơ čar Êjip
5Giơ̆ng anŭn Yakôp đuaĭ mơ̆ng Bêrsêba. Ƀing ană Israel jing Yakôp, ba ama gơñu, ƀing ană bă gơñu laih anŭn ƀing bơnai gơñu đĭ khul rơdeh Pharaôn hmâo mơit nao kiăng drong čơkă ama gơñu. 6#Bruă 7:15.Gơñu ăt djă ba mơ̆n khul hlô mơnŏng laih anŭn dram gơnam gơñu hmâo ngă rai laih amăng čar Kanaan trŭn nao pơ čar Êjip. 7Hnŭn yơh, Yakôp laih anŭn abih bang kơnŭng djuai ñu, amăng anŭn hmâo ană đah rơkơi, tơčo đah rơkơi, ană đah kơmơi, tơčo đah kơmơi, hrŏm hơbĭt trŭn nao pơ čar Êjip.
Sang anŏ Yakôp
8Anai jing anăn ƀing ană đah rơkơi Israel, kiăng laĭ jing Yakôp laih anŭn ƀing kơnŭng djuai ñu, hmâo truh laih pơ čar Êjip:
Ruben, jing ană đah rơkơi kơčoa Yakôp. 9Ƀing ană đah rơkơi Ruben jing: Hanôk, Palu, Hêsron, laih anŭn Karmi.
10Ƀing ană đah rơkơi Simêôn jing: Jêmuêl, Jamin, Ôhat, Jakin, Sôhar, laih anŭn Saul, ană đah rơkơi kơ bơnai ñu mơnuih Kanaan.
11Ƀing ană đah rơkơi Lêwi jing:
Gersôn, Kôhat, laih anŭn Mêrari.
12Ƀing ană đah rơkơi Yuđa jing: Er, Ônan, Sêla, Pêres, laih anŭn Sêra. Samơ̆ Er laih anŭn Ônan djai laih amăng čar Kanaan.
Ƀing ană đah rơkơi Pêres jing:
Hêsron laih anŭn Hamul.
13Ƀing ană đah rơkơi Isakar jing:
Tôla, Puwa, Yôp, laih anŭn Simrôn.
14Ƀing ană đah rơkơi Sabulôn jing:
Sêret, Êlon, laih anŭn Jahlêel.
15Anŭn yơh jing ƀing ană đah rơkơi laih anŭn sa čô ană đah kơmơi anăn gơ̆ HʼDina, HʼLêa hmâo tơkeng brơi kơ Yakôp pơ Padan Aram. Pơƀŭt wơ̆t hăng ƀing tơčo ñu hmâo abih bang jing klâo pluh klâo čô.
16Ƀing ană đah rơkơi Gat jing:
Sipiôn, Hagi, Suni, Êsbôn, Êri, Arôdi laih anŭn Arêli.
17Ƀing ană đah rơkơi Aser jing:
Imna, Iswa, Iswi, laih anŭn Bêria.
Adơi đah kơmơi gơñu jing HʼSêra.
Ƀing ană đah rơkơi Bêria jing:
Hêber laih anŭn Malkiêl.
18Anŭn jing ƀing ană đah rơkơi HʼSilpa, pô ding kơna Laban hmâo brơi laih kơ HʼLêa, ană đah kơmơi ñu, hmâo tơkeng brơi laih kơ Yakôp. Abih bang gơñu hmâo pluh năm čô.
19Ƀing ană đah rơkơi HʼRačel, bơnai Yakôp jing:
Yôsep laih anŭn Benjamin. 20Ƀing ană HʼAsênat, ană đah kơmơi Pôtipêra, khua ngă yang plei Ôn, hmâo tơkeng brơi laih kơ Yôsep amăng čar Êjip anŭn jing Manasê laih anŭn Êphraim.#Čơd 41:50-52.
21Ƀing ană đah rơkơi Benjamin jing:
Bêla, Bêker, Asbel, Gêra, Naaman, Êhi, Rôs, Mupim, Hupim, laih anŭn Ardơ.
22Anŭn jing ƀing ană đah rơkơi HʼRačel tơkeng brơi kơ Yakôp. Pơƀŭt wơ̆t hăng ƀing tơčo ñu abih bang jing pluh pă čô.
23Ană đah rơkơi Đan jing:
Husim.
24Ƀing ană đah rơkơi Naptali jing:
Jasêel, Guni, Jêser, laih anŭn Silem.
25Anŭn jing ƀing ană đah rơkơi HʼBilha, pô ding kơna Laban hmâo brơi laih kơ HʼRačel, ană đah kơmơi ñu, hmâo tơkeng brơi laih kơ Yakôp. Pơƀŭt wơ̆t hăng ƀing tơčo ñu abih bang jing tơjuh čô.
26Mrô ƀing mơnuih nao pơ čar Êjip hrŏm hơbĭt hăng Yakôp, jing ƀing kơnŭng djuai ñu, ƀu yap ôh ƀing hơđŭ Yakôp, jing năm pluh năm čô. 27Ƀing ană đah rơkơi Yôsep hmâo tơkeng laih amăng čar Êjip jing dua čô. Hnŭn yơh, mrô abih bang ƀing mơnuih lơ̆m kơ sang anŏ Yakôp nao truh pơ čar Êjip jing tơjuh pluh čô.#Bruă 7:14.
Yôsep Čơkă Jum ama ñu
28Yakôp pơkiaŏ Yuđa nao hlâo pơ Yôsep kiăng kơ Yôsep ba jơlan nao pơ Gôsen. Tơ gơñu truh pơ tring Gôsen, 29Yôsep hmâo prăp rơmet laih rơdeh aseh ñu, laih anŭn đĭ nao pơ tring Gôsen kiăng čơkă Israel, ama ñu. Yôsep truh pơ ama ñu, ñu kuar ƀơi tơkuai ama ñu, laih anŭn hia sui biă mă. 30Israel laĭ hăng Yôsep tui anai: “Ră anai kâo djai ăt tŭ mơ̆n, yua kơ kâo ƀuh laih ƀô̆ mơta ih laih anŭn thâo ih ăt dŏ hơdip.”
31Yôsep laĭ kơ ƀing ayŏng adơi ñu laih anŭn kơ ƀing mơnuih amăng sang anŏ ama ñu: “Kâo či laĭ pơthâo brơi kơ Pharaôn: ‘Ƀing ayŏng adơi kâo laih anŭn ƀing mơnuih amăng sang anŏ ama kâo mơ̆ng čar Kanaan truh laih pơ kâo. 32Ƀing mơnuih anai jing ƀing wai triu, hơdip hăng bruă rong hlô mơnơ̆ng. Gơñu hmâo djă ba khul triu, rơmo, hrŏm hơbĭt hăng abih bang kong ngăn gơñu hmâo.’ 33Hnŭn yơh, tơdah Pharaôn iâu ƀing gih laih anŭn tơña: ‘Hơgĕt bruă ƀing gih ngă?’ 34Brơi ƀing gih laĭ bĕ tui anai: ‘Čơdơ̆ng mơ̆ng čơđai truh pơ ră anai, ƀing ding kơna ih kơnơ̆ng hơdip hăng bruă rong hlô mơnơ̆ng kar hăng ơi yă gơmơi đôč.’ Laĭ tui anŭn kiăng kơ ƀing gih dưi dŏ glaĭ amăng lŏn Gôsen, yua kơ mơnuih Êjip bơrơmŭt biă mă kơ ƀing mơnuih wai triu.”
Избрани в момента:
Čơdơ̆ng Phŭn 46: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 46
46
Ơi Adai Pơrơđah Ñu Pô Kơ Yakôp
1Israel trŭn nao pơ čar Êjip, djă ba abih bang kong ngăn ñu hmâo. Ñu truh pơ plei Bêrsêba, ñu pơyơr mơnơ̆ng ngă yang brơi kơ Ơi Adai Isak, ama ñu. 2Hmâo sa mlam anŭn, Ơi Adai pơhiăp hăng Israel găn mơ̆ng tơlơi pơƀuh. Ñu iâu: “Ơ Yakôp, Ơ Yakôp!” Israel laĭ glaĭ: “Kâo pơ anai.” 3Ơi Adai laĭ: “Kâo jing Ơi Adai, Ơi Adai kơ ama ih. Anăm hwĭ ôh tơdang trŭn nao pơ čar Êjip, yua kơ pơ anŭn Kâo či ngă brơi ih jing hĭ sa kơnŭng djuai prŏng. 4Kâo či trŭn nao pơ čar Êjip hrŏm hơbĭt hăng ih, laih anŭn Kâo pô mơ̆n či ba glaĭ ih pơ čar Kanaan dơ̆ng. Tơngan Yôsep či moaih brơi mơta ih ƀơi hrơi ih djai.”
Yakôp trŭn nao pơ čar Êjip
5Giơ̆ng anŭn Yakôp đuaĭ mơ̆ng Bêrsêba. Ƀing ană Israel jing Yakôp, ba ama gơñu, ƀing ană bă gơñu laih anŭn ƀing bơnai gơñu đĭ khul rơdeh Pharaôn hmâo mơit nao kiăng drong čơkă ama gơñu. 6#Bruă 7:15.Gơñu ăt djă ba mơ̆n khul hlô mơnŏng laih anŭn dram gơnam gơñu hmâo ngă rai laih amăng čar Kanaan trŭn nao pơ čar Êjip. 7Hnŭn yơh, Yakôp laih anŭn abih bang kơnŭng djuai ñu, amăng anŭn hmâo ană đah rơkơi, tơčo đah rơkơi, ană đah kơmơi, tơčo đah kơmơi, hrŏm hơbĭt trŭn nao pơ čar Êjip.
Sang anŏ Yakôp
8Anai jing anăn ƀing ană đah rơkơi Israel, kiăng laĭ jing Yakôp laih anŭn ƀing kơnŭng djuai ñu, hmâo truh laih pơ čar Êjip:
Ruben, jing ană đah rơkơi kơčoa Yakôp. 9Ƀing ană đah rơkơi Ruben jing: Hanôk, Palu, Hêsron, laih anŭn Karmi.
10Ƀing ană đah rơkơi Simêôn jing: Jêmuêl, Jamin, Ôhat, Jakin, Sôhar, laih anŭn Saul, ană đah rơkơi kơ bơnai ñu mơnuih Kanaan.
11Ƀing ană đah rơkơi Lêwi jing:
Gersôn, Kôhat, laih anŭn Mêrari.
12Ƀing ană đah rơkơi Yuđa jing: Er, Ônan, Sêla, Pêres, laih anŭn Sêra. Samơ̆ Er laih anŭn Ônan djai laih amăng čar Kanaan.
Ƀing ană đah rơkơi Pêres jing:
Hêsron laih anŭn Hamul.
13Ƀing ană đah rơkơi Isakar jing:
Tôla, Puwa, Yôp, laih anŭn Simrôn.
14Ƀing ană đah rơkơi Sabulôn jing:
Sêret, Êlon, laih anŭn Jahlêel.
15Anŭn yơh jing ƀing ană đah rơkơi laih anŭn sa čô ană đah kơmơi anăn gơ̆ HʼDina, HʼLêa hmâo tơkeng brơi kơ Yakôp pơ Padan Aram. Pơƀŭt wơ̆t hăng ƀing tơčo ñu hmâo abih bang jing klâo pluh klâo čô.
16Ƀing ană đah rơkơi Gat jing:
Sipiôn, Hagi, Suni, Êsbôn, Êri, Arôdi laih anŭn Arêli.
17Ƀing ană đah rơkơi Aser jing:
Imna, Iswa, Iswi, laih anŭn Bêria.
Adơi đah kơmơi gơñu jing HʼSêra.
Ƀing ană đah rơkơi Bêria jing:
Hêber laih anŭn Malkiêl.
18Anŭn jing ƀing ană đah rơkơi HʼSilpa, pô ding kơna Laban hmâo brơi laih kơ HʼLêa, ană đah kơmơi ñu, hmâo tơkeng brơi laih kơ Yakôp. Abih bang gơñu hmâo pluh năm čô.
19Ƀing ană đah rơkơi HʼRačel, bơnai Yakôp jing:
Yôsep laih anŭn Benjamin. 20Ƀing ană HʼAsênat, ană đah kơmơi Pôtipêra, khua ngă yang plei Ôn, hmâo tơkeng brơi laih kơ Yôsep amăng čar Êjip anŭn jing Manasê laih anŭn Êphraim.#Čơd 41:50-52.
21Ƀing ană đah rơkơi Benjamin jing:
Bêla, Bêker, Asbel, Gêra, Naaman, Êhi, Rôs, Mupim, Hupim, laih anŭn Ardơ.
22Anŭn jing ƀing ană đah rơkơi HʼRačel tơkeng brơi kơ Yakôp. Pơƀŭt wơ̆t hăng ƀing tơčo ñu abih bang jing pluh pă čô.
23Ană đah rơkơi Đan jing:
Husim.
24Ƀing ană đah rơkơi Naptali jing:
Jasêel, Guni, Jêser, laih anŭn Silem.
25Anŭn jing ƀing ană đah rơkơi HʼBilha, pô ding kơna Laban hmâo brơi laih kơ HʼRačel, ană đah kơmơi ñu, hmâo tơkeng brơi laih kơ Yakôp. Pơƀŭt wơ̆t hăng ƀing tơčo ñu abih bang jing tơjuh čô.
26Mrô ƀing mơnuih nao pơ čar Êjip hrŏm hơbĭt hăng Yakôp, jing ƀing kơnŭng djuai ñu, ƀu yap ôh ƀing hơđŭ Yakôp, jing năm pluh năm čô. 27Ƀing ană đah rơkơi Yôsep hmâo tơkeng laih amăng čar Êjip jing dua čô. Hnŭn yơh, mrô abih bang ƀing mơnuih lơ̆m kơ sang anŏ Yakôp nao truh pơ čar Êjip jing tơjuh pluh čô.#Bruă 7:14.
Yôsep Čơkă Jum ama ñu
28Yakôp pơkiaŏ Yuđa nao hlâo pơ Yôsep kiăng kơ Yôsep ba jơlan nao pơ Gôsen. Tơ gơñu truh pơ tring Gôsen, 29Yôsep hmâo prăp rơmet laih rơdeh aseh ñu, laih anŭn đĭ nao pơ tring Gôsen kiăng čơkă Israel, ama ñu. Yôsep truh pơ ama ñu, ñu kuar ƀơi tơkuai ama ñu, laih anŭn hia sui biă mă. 30Israel laĭ hăng Yôsep tui anai: “Ră anai kâo djai ăt tŭ mơ̆n, yua kơ kâo ƀuh laih ƀô̆ mơta ih laih anŭn thâo ih ăt dŏ hơdip.”
31Yôsep laĭ kơ ƀing ayŏng adơi ñu laih anŭn kơ ƀing mơnuih amăng sang anŏ ama ñu: “Kâo či laĭ pơthâo brơi kơ Pharaôn: ‘Ƀing ayŏng adơi kâo laih anŭn ƀing mơnuih amăng sang anŏ ama kâo mơ̆ng čar Kanaan truh laih pơ kâo. 32Ƀing mơnuih anai jing ƀing wai triu, hơdip hăng bruă rong hlô mơnơ̆ng. Gơñu hmâo djă ba khul triu, rơmo, hrŏm hơbĭt hăng abih bang kong ngăn gơñu hmâo.’ 33Hnŭn yơh, tơdah Pharaôn iâu ƀing gih laih anŭn tơña: ‘Hơgĕt bruă ƀing gih ngă?’ 34Brơi ƀing gih laĭ bĕ tui anai: ‘Čơdơ̆ng mơ̆ng čơđai truh pơ ră anai, ƀing ding kơna ih kơnơ̆ng hơdip hăng bruă rong hlô mơnơ̆ng kar hăng ơi yă gơmơi đôč.’ Laĭ tui anŭn kiăng kơ ƀing gih dưi dŏ glaĭ amăng lŏn Gôsen, yua kơ mơnuih Êjip bơrơmŭt biă mă kơ ƀing mơnuih wai triu.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.