Čơdơ̆ng Phŭn 49
49
Yakôp Hơơč Mơyun Hnal Tuč Brơi Kơ Ƀing Ană Đah Rơkơi Ñu
1Yakôp iâu ƀing ană đah rơkơi ñu laih anŭn laĭ: “Pơƀŭt bĕ ƀơi anai, kâo či laĭ khul tơlơi či truh kơ ƀing gih amăng rơnŭk tơdơi.
2Ơ ƀing ană đah rơkơi Yakôp, pơƀŭt glaĭ laih anŭn hmư̆ bĕ;
Pơđing tơngia hmư̆ bĕ Israel, ama ƀing gih:
3Ơ Ruben! ană kơčoa kâo,
Jing pran kơtang kâo, laih anŭn jing boh bơnga blŭng hlâo mơ̆ng tơlơi kơtang kâo;
Ih hmâo anih yom kơdrưh laih anŭn tơlơi dưi hloh kơ abih bang.
4Ih jing kar hăng ia poh yă, hnŭn yơh ih ƀu hloh kơ hlơi hlơi pơkŏn ôh,
Yua kơ ih hmâo đih laih ƀơi sưng kâo,
Ngă brơi sưng kâo jing hĭ grĭ hơƀak!
5Simêôn laih anŭn Lêwi jing ayŏng adơi.
Đao gưm gơñu jing gơnam pơblah sat ƀai.
6Kiăng kơ pran jua kâo ƀu pơgop ôh hăng ƀing gơñu,
Bơngăt kâo kŏn kiăng lir hrŏm hơbĭt hăng ƀing gơñu lơi;
Yua kơ amăng tơlơi hil gơñu hmâo pơdjai laih mơnuih,
Amăng tơlơi kreñ hưt gơñu trơĭ laih ară jon rơmo tơno.
7Năng lăp hơtơ̆m pah yơh kơ tơlơi hil gơñu, yua kơ ñu jing kheñ ƀeñ!
Năng lăp hơtơ̆m pah yơh kơ tơlơi hil phĭ gơñu, yua kơ ñu sat ƀai biă mă!
Kâo či pơčơlah ƀing gơñu amăng sang Yakôp,
Laih anŭn pơbra hyu ƀing gơñu amăng ƀing Israel.
8Ơ Yuđa! ƀing ayŏng adơi ih či adoh bơni kơ ih,
Tơngan ih či djă tơkuai ƀing ayăt ih,
Ƀing ană đah rơkơi kâo ih či bon kơkuh ƀơi anăp ih.
9Ơ Yuđa! Ih jing sa drơi rơmông dŭl tơdăm;#Yap 24:9; Bơrđ 5:5.
Ơ ană, loa hmâo laih hlô mơnơ̆ng giơ̆ng anŭn ih wơ̆t glaĭ dơ̆ng.
Ñu čon tơŭt, bon krăp kar hăng sa drơi rơmông dŭl tơno,
Laih anŭn jing kar hăng rơmông dŭl ania. Hlơi khĭn pơčôih ñu?
10Gai jra pơtao ƀu či đuaĭ mơ̆ng Yuđa ôh,
Gai hnuăt kơ tơlơi wai lăng ƀu dŏ ataih ôh tơkai ñu,
Tơl Silô#49:10 Silô năng ai jing anăn sa čô mơnuih amăng ƀing ană Yuđa (Čơd 38:5). truh hĭ laih;
Laih anŭn abih bang ană plei pla či gưt asăp Pô anŭn.
11Ñu kă aseh kle tơdăm ñu ƀơi phŭn boh kơƀâu,
Laih anŭn kă aseh kle ană ñu ƀơi than boh kơƀâu hiam hloh.
Ñu či boh sum ao ñu amăng ia tơpai boh kơƀâu,
Laih anŭn boh ao kơpal ñu amăng drah boh kơƀâu.
12Mơta ñu mriah hloh kơ ia tơpai,
Tơgơi ñu kŏ hloh kơ ia tơsâo.
13Sabulôn či hơdip ƀơi hang ia rơsĭ;
Anih brơi khul boh kompăn dŏ jưh;
Goai lŏn ñu či đuaĭ anăp nao gah plei Sidôn.
14Isakar jing sa drơi aseh kle kơtang,
Pôn pơdơi tơ̆ng krah war;
15Ñu ƀuh anih ñu pơdơi jing hiam,
Laih anŭn anih lŏn ñu jing mơak mơai.
Ñu gô rŏng ñu kiăng kơ gui mơnơ̆ng kơtraŏ,
Laih anŭn mă bruă gleh glăn hrup hăng hlŭn.
16Đan či phat kơđi ƀing ană plei pla ñu,
Kar hăng sa amăng ƀing kơnŭng djuai Israel.
17Đan či jing sa drơi ala ƀơi kơtuai jơlan,
Sa drơi ala tơpơ̆ng ƀơi kơtuai jơlan anĕt,
Čoh hĭ tơđôl aseh,
Ngă kơ pô đĭ aseh rơbuh đang hĭ.
18Ơ Yêhôwa! Kâo dŏ tơguan tơlơi Ih pơklaih!
19Gat či hmâo sa khul tơhan kơsung pơblah ñu.
Samơ̆ ñu či pơblah glaĭ laih anŭn kiaŏ tui ƀing anŭn.
20Aser hmâo mơnơ̆ng ƀơ̆ng huă jơman hiam,
Ñu či brơi mơnơ̆ng ƀơ̆ng huă hiam jơman kơ pơtao.
21Naptali jing sa drơi rơsa ania phư rơngai,
Tuh rai khul rơsa ană hiam rŏ.#49:21 Dưi pơblang dơ̆ng mơ̆n: Pơhiăp tơbiă khul boh pơhiăp hiam.
22Yôsep jing sa ƀĕ than kơyâo mơboh lu,
Sa ƀĕ than kơyâo mơboh lu ƀơi hnoh krong;
Than ñu či gom ƀơi pơnăng.#49:22 Amăng sŏp hră phŭn jơlan anai ƀu rơđah ôh. Hmâo đơđa hră pơblang: Yôsep jing sa drơi aseh ană, sa drơi aseh ană dŏ ƀơi hang ia, sa drơi aseh kle dŏ ƀơi bol čư̆.
23Ƀing mơnuih djă hraŏ hmâo pơblah hăng ñu kơtang kơtĭt
Pơnah ƀrŏm laih anŭn ngă sat kơ ñu;
24Samơ̆ yua mơ̆ng tơngan Pô Dưi Kơtang Yakôp,
Hnŭn yơh hraŏ ñu ăt dŏ kơjăp hĭ,
Yua mơ̆ng Pô Wai Triu, jing Boh Pơtâo kơ ƀing Israel,
Hnŭn yơh păl tơngan ñu ăt dŏ kơtang.
25Ơi Adai kâo či djru ih;
Pô Dưi Kơtang či brơi tơlơi mơyun hiam kơ ih,
Jing tơlơi mơyun hiam trŭn mơ̆ng adai hăng ngŏ,
Wơ̆t hăng tơlơi mơyun hiam mơ̆ng gah yŭ hlŭng dlam,
Tơlơi mơyun hiam mơ̆ng tơsâo amĭ laih anŭn kian ană.
26Tơlơi mơyun hiam ama ih hơơč brơi kơ ih
Jing prŏng hloh kơ tơlơi mơyun hiam ƀing ơi adon hơơč brơi kơ kâo,
Rơgao hloh kơ khul čŏng čư̆ mơ̆ng đưm đă,
Brơi khul tơlơi mơyun hiam anai dŏ ƀơi ngŏ akŏ Yôsep,
Ƀơi athơi pô pơtao tơ̆ng krah ƀing ayŏng adơi ñu.
27Benjamin jing sa drơi asâo tan khăp kĕ hek ƀơ̆ng;
Ƀơi mơguah ñu krăp mă hlô mơnơ̆ng,
Ƀơi klam ñu pơpha mơnơ̆ng ñu hmâo loa laih.”
28Anŭn jing pluh dua kơnŭng djuai Israel laih anŭn khul tơlơi ama gơñu hmâo pơhiăp laih hăng ƀing gơñu hlăk ñu hơơč tơlơi mơyun hiam kơ gơñu, rĭm čô hmâo sa tơlơi hơơč phara phara.
Tơlơi Yakôp Djai
29Tơdơi kơ anŭn ñu pơtă kơ ƀing ană ñu: “Kâo či djai nao dŏ hrŏm hơbĭt hăng ƀing ơi kâo. Brơi ƀing gih dơr bĕ kâo jĕ ƀing ơi adon kâo ƀơi drŏng čư̆ pơ hmua Êprôn mơnuih Hitit, 30anŭn jing drŏng čư̆ ƀơi hmua Makpêla, jĕ Mamrê, amăng čar Kanaan, jing anih Abraham hmâo blơi laih mơ̆ng Êprôn mơnuih Hitit, kiăng pioh ngă anih pơsat dơr mơnuih djai.#Čơd 23:3-20. 31Pơ anih anŭn, arăng hmâo dơr laih Abraham laih anŭn HʼSara bơnai ñu, Isak laih anŭn HʼRêbêka bơnai ñu; laih anŭn ăt ƀơi anŭn mơ̆n kâo hmâo dơr laih HʼLêa.#Čơd 25:9-10; 35:29. 32Hmua laih anŭn drŏng čư̆ anŭn arăng hmâo blơi laih mơ̆ng ƀing kơnŭng djuai Het.” 33Tơ Yakôp pơtă giơ̆ng laih kơ ƀing ană đah rơkơi ñu, ñu đih ƀơi sưng ñu laih anŭn tơĭ jua, laih anŭn nao dŏ hrŏm hăng ƀing ơi adon ñu.#Bruă 7:15.
Избрани в момента:
Čơdơ̆ng Phŭn 49: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 49
49
Yakôp Hơơč Mơyun Hnal Tuč Brơi Kơ Ƀing Ană Đah Rơkơi Ñu
1Yakôp iâu ƀing ană đah rơkơi ñu laih anŭn laĭ: “Pơƀŭt bĕ ƀơi anai, kâo či laĭ khul tơlơi či truh kơ ƀing gih amăng rơnŭk tơdơi.
2Ơ ƀing ană đah rơkơi Yakôp, pơƀŭt glaĭ laih anŭn hmư̆ bĕ;
Pơđing tơngia hmư̆ bĕ Israel, ama ƀing gih:
3Ơ Ruben! ană kơčoa kâo,
Jing pran kơtang kâo, laih anŭn jing boh bơnga blŭng hlâo mơ̆ng tơlơi kơtang kâo;
Ih hmâo anih yom kơdrưh laih anŭn tơlơi dưi hloh kơ abih bang.
4Ih jing kar hăng ia poh yă, hnŭn yơh ih ƀu hloh kơ hlơi hlơi pơkŏn ôh,
Yua kơ ih hmâo đih laih ƀơi sưng kâo,
Ngă brơi sưng kâo jing hĭ grĭ hơƀak!
5Simêôn laih anŭn Lêwi jing ayŏng adơi.
Đao gưm gơñu jing gơnam pơblah sat ƀai.
6Kiăng kơ pran jua kâo ƀu pơgop ôh hăng ƀing gơñu,
Bơngăt kâo kŏn kiăng lir hrŏm hơbĭt hăng ƀing gơñu lơi;
Yua kơ amăng tơlơi hil gơñu hmâo pơdjai laih mơnuih,
Amăng tơlơi kreñ hưt gơñu trơĭ laih ară jon rơmo tơno.
7Năng lăp hơtơ̆m pah yơh kơ tơlơi hil gơñu, yua kơ ñu jing kheñ ƀeñ!
Năng lăp hơtơ̆m pah yơh kơ tơlơi hil phĭ gơñu, yua kơ ñu sat ƀai biă mă!
Kâo či pơčơlah ƀing gơñu amăng sang Yakôp,
Laih anŭn pơbra hyu ƀing gơñu amăng ƀing Israel.
8Ơ Yuđa! ƀing ayŏng adơi ih či adoh bơni kơ ih,
Tơngan ih či djă tơkuai ƀing ayăt ih,
Ƀing ană đah rơkơi kâo ih či bon kơkuh ƀơi anăp ih.
9Ơ Yuđa! Ih jing sa drơi rơmông dŭl tơdăm;#Yap 24:9; Bơrđ 5:5.
Ơ ană, loa hmâo laih hlô mơnơ̆ng giơ̆ng anŭn ih wơ̆t glaĭ dơ̆ng.
Ñu čon tơŭt, bon krăp kar hăng sa drơi rơmông dŭl tơno,
Laih anŭn jing kar hăng rơmông dŭl ania. Hlơi khĭn pơčôih ñu?
10Gai jra pơtao ƀu či đuaĭ mơ̆ng Yuđa ôh,
Gai hnuăt kơ tơlơi wai lăng ƀu dŏ ataih ôh tơkai ñu,
Tơl Silô#49:10 Silô năng ai jing anăn sa čô mơnuih amăng ƀing ană Yuđa (Čơd 38:5). truh hĭ laih;
Laih anŭn abih bang ană plei pla či gưt asăp Pô anŭn.
11Ñu kă aseh kle tơdăm ñu ƀơi phŭn boh kơƀâu,
Laih anŭn kă aseh kle ană ñu ƀơi than boh kơƀâu hiam hloh.
Ñu či boh sum ao ñu amăng ia tơpai boh kơƀâu,
Laih anŭn boh ao kơpal ñu amăng drah boh kơƀâu.
12Mơta ñu mriah hloh kơ ia tơpai,
Tơgơi ñu kŏ hloh kơ ia tơsâo.
13Sabulôn či hơdip ƀơi hang ia rơsĭ;
Anih brơi khul boh kompăn dŏ jưh;
Goai lŏn ñu či đuaĭ anăp nao gah plei Sidôn.
14Isakar jing sa drơi aseh kle kơtang,
Pôn pơdơi tơ̆ng krah war;
15Ñu ƀuh anih ñu pơdơi jing hiam,
Laih anŭn anih lŏn ñu jing mơak mơai.
Ñu gô rŏng ñu kiăng kơ gui mơnơ̆ng kơtraŏ,
Laih anŭn mă bruă gleh glăn hrup hăng hlŭn.
16Đan či phat kơđi ƀing ană plei pla ñu,
Kar hăng sa amăng ƀing kơnŭng djuai Israel.
17Đan či jing sa drơi ala ƀơi kơtuai jơlan,
Sa drơi ala tơpơ̆ng ƀơi kơtuai jơlan anĕt,
Čoh hĭ tơđôl aseh,
Ngă kơ pô đĭ aseh rơbuh đang hĭ.
18Ơ Yêhôwa! Kâo dŏ tơguan tơlơi Ih pơklaih!
19Gat či hmâo sa khul tơhan kơsung pơblah ñu.
Samơ̆ ñu či pơblah glaĭ laih anŭn kiaŏ tui ƀing anŭn.
20Aser hmâo mơnơ̆ng ƀơ̆ng huă jơman hiam,
Ñu či brơi mơnơ̆ng ƀơ̆ng huă hiam jơman kơ pơtao.
21Naptali jing sa drơi rơsa ania phư rơngai,
Tuh rai khul rơsa ană hiam rŏ.#49:21 Dưi pơblang dơ̆ng mơ̆n: Pơhiăp tơbiă khul boh pơhiăp hiam.
22Yôsep jing sa ƀĕ than kơyâo mơboh lu,
Sa ƀĕ than kơyâo mơboh lu ƀơi hnoh krong;
Than ñu či gom ƀơi pơnăng.#49:22 Amăng sŏp hră phŭn jơlan anai ƀu rơđah ôh. Hmâo đơđa hră pơblang: Yôsep jing sa drơi aseh ană, sa drơi aseh ană dŏ ƀơi hang ia, sa drơi aseh kle dŏ ƀơi bol čư̆.
23Ƀing mơnuih djă hraŏ hmâo pơblah hăng ñu kơtang kơtĭt
Pơnah ƀrŏm laih anŭn ngă sat kơ ñu;
24Samơ̆ yua mơ̆ng tơngan Pô Dưi Kơtang Yakôp,
Hnŭn yơh hraŏ ñu ăt dŏ kơjăp hĭ,
Yua mơ̆ng Pô Wai Triu, jing Boh Pơtâo kơ ƀing Israel,
Hnŭn yơh păl tơngan ñu ăt dŏ kơtang.
25Ơi Adai kâo či djru ih;
Pô Dưi Kơtang či brơi tơlơi mơyun hiam kơ ih,
Jing tơlơi mơyun hiam trŭn mơ̆ng adai hăng ngŏ,
Wơ̆t hăng tơlơi mơyun hiam mơ̆ng gah yŭ hlŭng dlam,
Tơlơi mơyun hiam mơ̆ng tơsâo amĭ laih anŭn kian ană.
26Tơlơi mơyun hiam ama ih hơơč brơi kơ ih
Jing prŏng hloh kơ tơlơi mơyun hiam ƀing ơi adon hơơč brơi kơ kâo,
Rơgao hloh kơ khul čŏng čư̆ mơ̆ng đưm đă,
Brơi khul tơlơi mơyun hiam anai dŏ ƀơi ngŏ akŏ Yôsep,
Ƀơi athơi pô pơtao tơ̆ng krah ƀing ayŏng adơi ñu.
27Benjamin jing sa drơi asâo tan khăp kĕ hek ƀơ̆ng;
Ƀơi mơguah ñu krăp mă hlô mơnơ̆ng,
Ƀơi klam ñu pơpha mơnơ̆ng ñu hmâo loa laih.”
28Anŭn jing pluh dua kơnŭng djuai Israel laih anŭn khul tơlơi ama gơñu hmâo pơhiăp laih hăng ƀing gơñu hlăk ñu hơơč tơlơi mơyun hiam kơ gơñu, rĭm čô hmâo sa tơlơi hơơč phara phara.
Tơlơi Yakôp Djai
29Tơdơi kơ anŭn ñu pơtă kơ ƀing ană ñu: “Kâo či djai nao dŏ hrŏm hơbĭt hăng ƀing ơi kâo. Brơi ƀing gih dơr bĕ kâo jĕ ƀing ơi adon kâo ƀơi drŏng čư̆ pơ hmua Êprôn mơnuih Hitit, 30anŭn jing drŏng čư̆ ƀơi hmua Makpêla, jĕ Mamrê, amăng čar Kanaan, jing anih Abraham hmâo blơi laih mơ̆ng Êprôn mơnuih Hitit, kiăng pioh ngă anih pơsat dơr mơnuih djai.#Čơd 23:3-20. 31Pơ anih anŭn, arăng hmâo dơr laih Abraham laih anŭn HʼSara bơnai ñu, Isak laih anŭn HʼRêbêka bơnai ñu; laih anŭn ăt ƀơi anŭn mơ̆n kâo hmâo dơr laih HʼLêa.#Čơd 25:9-10; 35:29. 32Hmua laih anŭn drŏng čư̆ anŭn arăng hmâo blơi laih mơ̆ng ƀing kơnŭng djuai Het.” 33Tơ Yakôp pơtă giơ̆ng laih kơ ƀing ană đah rơkơi ñu, ñu đih ƀơi sưng ñu laih anŭn tơĭ jua, laih anŭn nao dŏ hrŏm hăng ƀing ơi adon ñu.#Bruă 7:15.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.