Матфейица бицараб Рохалил хабар 22
22
22 бетӏер
Бертадул мисал
1Мисал бачун, цоги хабар бицана Гӏисаца гьезие:
2– Зобалазул Парччахӏлъи релълъуна жиндирго васасе бертин гьабулев вукӏарав цо парччахӏасда. 3Берталъе гӏадамал ахӏизе рагьтӏателал ритӏун рукӏун руго гьес, амма гьенире рачӏине бокьун гьечӏо гӏадамазе. 4Нахъеги ритӏун руго гьес цогидал рагьтӏателал, гьезда абейин, квен хӏадурун бугин, мачӏадалъе хьихьарал оцалги бусбиги хъун ругин, кинабго къачӏан бугин, берталъе рачӏаян. 5Амма гьеб ахӏиялъул агъазги гьабичӏого, рахъ-рахъалъ ун руго гьел: цояв жиндирго хуриве ун вуго, цояв даран-базаралъ ун вуго. 6Цогидаз парччахӏасул рагьтӏателал, кквезеги ккун, инжитги гьарун, чӏван руго. 7Гьебмехалъ парччахӏасул кутакалда ццин бахъун буго гьезда. Жиндирго боги битӏун гъурун руго гьес дол рагьтӏателал чӏварал гӏадамал ва гьезул шагьарги бухӏун буго. 8Цинги гьес жиндирго рагьтӏателазда абун буго:
– Бертадул тӏутӏ тӏибитӏун буго, амма тӏотӏоде ахӏарал гӏадамал гьелъие мустахӏикъал ратичӏо. 9Гьанже къватӏахъе-нухазде ун, цеве вата-ватарав чи ваче берталъе.
10Къватӏахъе-нухазде ун гьел рагьтӏателаз квешалги лъикӏалги – цере рата-ратарал рачун рачӏуна. Гьедин ахӏарал гӏадамазул цӏун буго бертадул рукъ. 11Берталъе рачӏарал гӏадамазухъ валагьизе парччахӏ жаниве лъугьараб мехалъ, гьесда гьенив вихьун вуго берталъе ретӏунеб хасаб партал ретӏинчӏев цо чи. 12Парччахӏас гьесда абун буго: «Ле, гьудул, берталъе ретӏунеб партал ретӏинчӏев мун гьаниве жаниве кин ворчӏарав?» Гьев чи вуцӏцӏун чӏун вуго. 13Парччахӏас гьебмехалъ рагьтӏателазе амру гьабун буго гьев чи, квералги бохдулги рухьун, дове бецӏаб къотӏнове рехеян. Гӏодулел ва цаби къерщезарулел рукӏина дора гӏадамал. 14Ахӏарал гӏезегӏан ругониги, тӏаса рищарал дагь гурони гьечӏелъулха!
Гӏисае кьолел суалалги гьесул жавабалги
Къайсарасе магъало кьеялъул хӏакъалъулъ
15Гьениса къватӏире рахъун фарисеял данделъана Гӏисал кӏал таризабизе щибдай ургъун лъикӏилан. 16Гьез жидерго муридалги гьеродилалги#22:16 Гьеродилал – Гьерод ханасул рахъ ккурал гӏадамал. ритӏана Гӏисахъе. Гьез абуна:
– Я, Мугӏалим! Нижеда лъала мун ритӏухъав чи вукӏин. Аллагьасул хӏакъаб нух буго дур малъиги. Лъилниги мурад цӏунун, гьесие хӏелиги дур пикруялда рекъоларо. Чи вихьун иш гьабулеб гӏамалги дур гьечӏо. 17Гьединлъидал, бице нижеда. Дуда кин ракӏалде кколеб: Мусал Къануналда рекъон бегьулебищ къайсарасе магъало кьезе яги бегьуларебищ?
18Гьезул хӏилла-макру бичӏчӏун, Гӏисаца абуна:
– Гӏай, нуж ххвелал гьарулел чагӏи! Щай нужеца дир хӏалал рихьулел? 19Магъалоде кьезе кколеб цо гӏарац босе гьанибе дихъе.
Гьез гьесухъе цо динар босун бачӏуна.
20Гӏисаца абуна:
– Лъил суратги хъвай-хъвагӏайги гьалда бугеб?
21Къайсарасул бугилан абуна гьез.
– Гьедин батани, къайсарасулаб къайсарасе кье, Аллагьасулаб Аллагьасе кье, – ян абуна Гӏисаца гьезда.
22Гьеб жавабалъ хӏикмалъизарурал гьел, живго гьевги тун, нахъе ана.
Хварал тӏаде рахъинариялъул хӏакъалъулъ
23Гьебго къоялъ Гӏисахъе рачӏана саддукеял абулел, къиямасеб къоялъ хварал тӏаде рахъине рукӏиналда божуларел гӏадамал, ва гьез Гӏисада гьикъана:
24– Я, Мугӏалим! Мусаца абун буго: «Лъимер-бетӏерги гьечӏого цо пуланав чи хвани, гьесул вацас ячине кколин жиндирго вацасул къоролай, дов хварав вацасул наслу къинчӏого букӏине». 25Нижер вукӏана анкьго вац. Чӏужу ячун хадув хвана бищун кӏудияв вац. Гьезул лъимер-бетӏер лъугьун букӏинчӏелъул, хадусев вацас ячана гьесул йикӏарай чӏужу. 26Гьединго ккана иш кӏиабилесулги, лъабабилесулги, анкьабилесде щвезегӏанги. 27Ахиралда хвана гьей гӏаданги. 28Къиямасеб къоялъ гьев анкьавго вацасда гьоркьоса лъил чӏужулъун гьей йикӏине йигей? Анкьасулго лъади йикӏиндалха гьей.
29Гьезие жавабалъе Гӏисаца абуна:
– Я Тӏухьдузда бугеб лъангутӏиялъ, я Аллагьасул къудраталда божунгутӏиялъ къосинарун руго нуж. 30Къиямасеб къоялъ чӏаголъаразул я лъудби, я росал рукӏине гьечӏо, зобалазда ругел малаикзабазул гӏадинаб гӏумру букӏине буго доба гьезулги. 31Хварал чӏаголъизе рукӏиналъул хӏакъалъулъ цӏаличӏебищ нужеца Аллагьас нужеда абураб гьадинаб калима: 32«Дун вуго Ибрагьимил Аллагь, Исхӏакъил Аллагь, Якъубил Аллагь»? Аллагь – гьев хваразул Аллагь гуро, чӏагоязул Аллагь вуго.
33Гьесухъ гӏенеккараб халкъ гӏажаиблъун хутӏана Гӏисал рагӏабазда.
Бищунго аслияб амруялъул хӏакъалъулъ
34Гӏисаца саддукеял руцӏцӏун чӏезарунилан рагӏидал, фарисеял данделъана. 35Гьезда гьоркьоса цо динияв гӏалимчияс, Гӏисал хӏалбихьизелъун, гьесда гьикъана:
36– Я, Мугӏалим! Къануналда бищунго аслияб амру щиб кколеб? – абун.
37Гӏисаца гьесда абуна:
– «Дурго Бетӏергьан Аллагь дуе вокьа дур тӏолабго ракӏалдалъун, дур тӏолабго рухӏалдалъун, дур тӏолабго гӏакълу-пикруялдалъун». 38Гьеб ккола бищунго аслияб ва тӏоцебесеб амру. 39Гьелдаго релълъараб буго кӏиабилебги: «Мунго гӏадин вокьа дуе дуда аскӏов вугевги». 40Гьеб кӏиябго амру буго тӏолабго Мусал къануналъулги аварагзабазул Тӏухьдузулги кьучӏ.
«Давудил вас гуро Масихӏ»
41Фарисеял гьенире данделъараб мехалда, Гӏисаца гьезда гьикъана:
42– Масихӏил хӏакъалъулъ щиб пикру нужер бугеб? Лъил вас гьев?
Давудил василан жаваб кьуна гьез.
43Гӏисаца гьезда абуна:
– Илагьияб Рухӏалъ малъун, Давудица щайха гьев жиндир Бетӏергьанлъун рикӏкӏунев вугев? Давудица абуна: 44«Тӏадегӏанав Аллагьас дир Бетӏергьанасда абуна: „Дир кваранаб рахъалда гӏодов вукӏа, дица дур тушбаби дур хӏатӏазда цере чӏезаризегӏан“». 45Гьедин Давудица жинцаго Масихӏиде жиндир Бетӏергьанилан абулеб бугеб мехалъ, Давудил вас кин гьев кколев?
46Лъиданиги кӏвечӏо Гӏисае жаваб кьезе, ва гьеб къоялдаса нахъе лъилниги бахӏарчилъи гӏечӏо гьесда щибниги гьикъизе.
Избрани в момента:
Матфейица бицараб Рохалил хабар 22: AvrNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008
Матфейица бицараб Рохалил хабар 22
22
22 бетӏер
Бертадул мисал
1Мисал бачун, цоги хабар бицана Гӏисаца гьезие:
2– Зобалазул Парччахӏлъи релълъуна жиндирго васасе бертин гьабулев вукӏарав цо парччахӏасда. 3Берталъе гӏадамал ахӏизе рагьтӏателал ритӏун рукӏун руго гьес, амма гьенире рачӏине бокьун гьечӏо гӏадамазе. 4Нахъеги ритӏун руго гьес цогидал рагьтӏателал, гьезда абейин, квен хӏадурун бугин, мачӏадалъе хьихьарал оцалги бусбиги хъун ругин, кинабго къачӏан бугин, берталъе рачӏаян. 5Амма гьеб ахӏиялъул агъазги гьабичӏого, рахъ-рахъалъ ун руго гьел: цояв жиндирго хуриве ун вуго, цояв даран-базаралъ ун вуго. 6Цогидаз парччахӏасул рагьтӏателал, кквезеги ккун, инжитги гьарун, чӏван руго. 7Гьебмехалъ парччахӏасул кутакалда ццин бахъун буго гьезда. Жиндирго боги битӏун гъурун руго гьес дол рагьтӏателал чӏварал гӏадамал ва гьезул шагьарги бухӏун буго. 8Цинги гьес жиндирго рагьтӏателазда абун буго:
– Бертадул тӏутӏ тӏибитӏун буго, амма тӏотӏоде ахӏарал гӏадамал гьелъие мустахӏикъал ратичӏо. 9Гьанже къватӏахъе-нухазде ун, цеве вата-ватарав чи ваче берталъе.
10Къватӏахъе-нухазде ун гьел рагьтӏателаз квешалги лъикӏалги – цере рата-ратарал рачун рачӏуна. Гьедин ахӏарал гӏадамазул цӏун буго бертадул рукъ. 11Берталъе рачӏарал гӏадамазухъ валагьизе парччахӏ жаниве лъугьараб мехалъ, гьесда гьенив вихьун вуго берталъе ретӏунеб хасаб партал ретӏинчӏев цо чи. 12Парччахӏас гьесда абун буго: «Ле, гьудул, берталъе ретӏунеб партал ретӏинчӏев мун гьаниве жаниве кин ворчӏарав?» Гьев чи вуцӏцӏун чӏун вуго. 13Парччахӏас гьебмехалъ рагьтӏателазе амру гьабун буго гьев чи, квералги бохдулги рухьун, дове бецӏаб къотӏнове рехеян. Гӏодулел ва цаби къерщезарулел рукӏина дора гӏадамал. 14Ахӏарал гӏезегӏан ругониги, тӏаса рищарал дагь гурони гьечӏелъулха!
Гӏисае кьолел суалалги гьесул жавабалги
Къайсарасе магъало кьеялъул хӏакъалъулъ
15Гьениса къватӏире рахъун фарисеял данделъана Гӏисал кӏал таризабизе щибдай ургъун лъикӏилан. 16Гьез жидерго муридалги гьеродилалги#22:16 Гьеродилал – Гьерод ханасул рахъ ккурал гӏадамал. ритӏана Гӏисахъе. Гьез абуна:
– Я, Мугӏалим! Нижеда лъала мун ритӏухъав чи вукӏин. Аллагьасул хӏакъаб нух буго дур малъиги. Лъилниги мурад цӏунун, гьесие хӏелиги дур пикруялда рекъоларо. Чи вихьун иш гьабулеб гӏамалги дур гьечӏо. 17Гьединлъидал, бице нижеда. Дуда кин ракӏалде кколеб: Мусал Къануналда рекъон бегьулебищ къайсарасе магъало кьезе яги бегьуларебищ?
18Гьезул хӏилла-макру бичӏчӏун, Гӏисаца абуна:
– Гӏай, нуж ххвелал гьарулел чагӏи! Щай нужеца дир хӏалал рихьулел? 19Магъалоде кьезе кколеб цо гӏарац босе гьанибе дихъе.
Гьез гьесухъе цо динар босун бачӏуна.
20Гӏисаца абуна:
– Лъил суратги хъвай-хъвагӏайги гьалда бугеб?
21Къайсарасул бугилан абуна гьез.
– Гьедин батани, къайсарасулаб къайсарасе кье, Аллагьасулаб Аллагьасе кье, – ян абуна Гӏисаца гьезда.
22Гьеб жавабалъ хӏикмалъизарурал гьел, живго гьевги тун, нахъе ана.
Хварал тӏаде рахъинариялъул хӏакъалъулъ
23Гьебго къоялъ Гӏисахъе рачӏана саддукеял абулел, къиямасеб къоялъ хварал тӏаде рахъине рукӏиналда божуларел гӏадамал, ва гьез Гӏисада гьикъана:
24– Я, Мугӏалим! Мусаца абун буго: «Лъимер-бетӏерги гьечӏого цо пуланав чи хвани, гьесул вацас ячине кколин жиндирго вацасул къоролай, дов хварав вацасул наслу къинчӏого букӏине». 25Нижер вукӏана анкьго вац. Чӏужу ячун хадув хвана бищун кӏудияв вац. Гьезул лъимер-бетӏер лъугьун букӏинчӏелъул, хадусев вацас ячана гьесул йикӏарай чӏужу. 26Гьединго ккана иш кӏиабилесулги, лъабабилесулги, анкьабилесде щвезегӏанги. 27Ахиралда хвана гьей гӏаданги. 28Къиямасеб къоялъ гьев анкьавго вацасда гьоркьоса лъил чӏужулъун гьей йикӏине йигей? Анкьасулго лъади йикӏиндалха гьей.
29Гьезие жавабалъе Гӏисаца абуна:
– Я Тӏухьдузда бугеб лъангутӏиялъ, я Аллагьасул къудраталда божунгутӏиялъ къосинарун руго нуж. 30Къиямасеб къоялъ чӏаголъаразул я лъудби, я росал рукӏине гьечӏо, зобалазда ругел малаикзабазул гӏадинаб гӏумру букӏине буго доба гьезулги. 31Хварал чӏаголъизе рукӏиналъул хӏакъалъулъ цӏаличӏебищ нужеца Аллагьас нужеда абураб гьадинаб калима: 32«Дун вуго Ибрагьимил Аллагь, Исхӏакъил Аллагь, Якъубил Аллагь»? Аллагь – гьев хваразул Аллагь гуро, чӏагоязул Аллагь вуго.
33Гьесухъ гӏенеккараб халкъ гӏажаиблъун хутӏана Гӏисал рагӏабазда.
Бищунго аслияб амруялъул хӏакъалъулъ
34Гӏисаца саддукеял руцӏцӏун чӏезарунилан рагӏидал, фарисеял данделъана. 35Гьезда гьоркьоса цо динияв гӏалимчияс, Гӏисал хӏалбихьизелъун, гьесда гьикъана:
36– Я, Мугӏалим! Къануналда бищунго аслияб амру щиб кколеб? – абун.
37Гӏисаца гьесда абуна:
– «Дурго Бетӏергьан Аллагь дуе вокьа дур тӏолабго ракӏалдалъун, дур тӏолабго рухӏалдалъун, дур тӏолабго гӏакълу-пикруялдалъун». 38Гьеб ккола бищунго аслияб ва тӏоцебесеб амру. 39Гьелдаго релълъараб буго кӏиабилебги: «Мунго гӏадин вокьа дуе дуда аскӏов вугевги». 40Гьеб кӏиябго амру буго тӏолабго Мусал къануналъулги аварагзабазул Тӏухьдузулги кьучӏ.
«Давудил вас гуро Масихӏ»
41Фарисеял гьенире данделъараб мехалда, Гӏисаца гьезда гьикъана:
42– Масихӏил хӏакъалъулъ щиб пикру нужер бугеб? Лъил вас гьев?
Давудил василан жаваб кьуна гьез.
43Гӏисаца гьезда абуна:
– Илагьияб Рухӏалъ малъун, Давудица щайха гьев жиндир Бетӏергьанлъун рикӏкӏунев вугев? Давудица абуна: 44«Тӏадегӏанав Аллагьас дир Бетӏергьанасда абуна: „Дир кваранаб рахъалда гӏодов вукӏа, дица дур тушбаби дур хӏатӏазда цере чӏезаризегӏан“». 45Гьедин Давудица жинцаго Масихӏиде жиндир Бетӏергьанилан абулеб бугеб мехалъ, Давудил вас кин гьев кколев?
46Лъиданиги кӏвечӏо Гӏисае жаваб кьезе, ва гьеб къоялдаса нахъе лъилниги бахӏарчилъи гӏечӏо гьесда щибниги гьикъизе.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008