Маркица бицараб Рохалил хабар 14
14
14 бетӏер
Ягьудиязул кашишзаби ургъула Гӏиса тӏагӏинавизе
1Кӏиго къо хутӏун букӏана Пасхаялъул ва Реччичӏел Панкъазул Байрамалъул анкь тӏаде щвезе. Чӏахӏиял кашишзабиги диниял гӏалимзабиги ургъулел рукӏана хӏилла-рекӏкӏалдалъун кквезеги ккун Гӏиса чӏвазавизе рес кколарищали. 2Амма абулеб букӏана байрамалъул къоялъ лъикӏ гурилан, халкъалъул дандечӏей багъаризе бегьулилан.
Цо чӏужугӏаданалъ Гӏисае гьабураб лъикӏлъи
3Барасалъ унтарав Симон абулев чиясул бакӏалда Бетания росулъ кваназе гӏодов чӏун Гӏиса вугеб мехалъ, тӏаде ячӏуна махӏ гьуинаб цӏакъ къиматаб ва бацӏцӏадаб нахул цӏураб щагӏил сурахӏиги босун, цо пуланай чӏужугӏадан. Сурахӏиги бекун, гьелъ гьеб нах Гӏисал ботӏроде чӏехьола. 4Гьенир рукӏарал цо-цо гӏадамал ццин бахъун лъугьуна. Гьез цоцазда абулеб букӏана:
– Щай гьабгощинаб нах гӏадада хвезабулеб? 5Бичун букӏарабани, лъабнусго динаралдаса цӏикӏкӏараб гӏарац щвелаан гьелъухъ, цинги мискинзабазе садакъаде кьезе бегьилаан гьеб.
Гьедин гьей чӏужугӏаданалдаса рази гьечӏого гаргадилел рукӏана гӏадамал. 6Гӏисаца гьезда абуна:
– Те гьей жийго! Щай нужеца гьей къварид гьаюлей? Дие лъикӏлъи гьабулейлъидал гьей йигей. 7Мискинзаби кидаго ратила нужеда аскӏор, бокьанщинахъе нужеца садакъа кьезе. Дунин абуни кидаго гуро нужгун вукӏунев. 8Гьелъ гьабуна жиндихъа бажарулеб иш; цебеккунго дир черхалда тӏаде махӏ гьуинаб нахги тӏун, хабалъейин гьелъ дун къачӏалев вугев. 9Хӏакълъун абулеб буго дица нужеда: тӏолабго дуниялалда Рохалил хабар лъазабунщинаб бакӏалда бицен букӏине буго гьай гӏаданги ва гьалъ дие гьабураб лъикӏлъиги ракӏалде щвезабун.
Ягьуда Искариот Гӏисае хилиплъула
10Анцӏила кӏиявго чапарасда гьоркьов вукӏарав Ягьуда Искариот ана гьебмехалъ чӏахӏиял кашишзабазухъе, Гӏиса гьезда кодове кьезе разилъун. 11Гьеб хабаралдаса дол цӏакъ рохана, ва Ягьудае гӏарац кьезе къотӏиги гьабуна гьез. Цинги Ягьудаца балагьулеб букӏана Гӏиса гьезул кверде кьезе санагӏалъи бугеб бакӏги заманги.
Пасхаялъул квен
12Реччичӏел Панкъазул Байрамалъул тӏоцебесеб къоялъ, Пасхаялъул къурбаналъе кьегӏер хъолеб къоялъ, муридаз Гӏисада абуна:
– Пасхаялъул квен киб кваназе дуе бокьилеб? Инеги ун, нижеца хӏадур гьабила гьеб.
13Гьебмехалъ Гӏисаца жиндирго кӏиго муридасда тӏадкъала:
– Нуж а гьанже шагьаралде. Лъел гӏеретӏги цӏун вачӏунев цо чи ватила нужеда. Нуж гьесда хадур а. 14Цинги гьев жаниве лъугьараб рукъалъул бетӏергьанасда нужеца абе: «Мугӏалимасе лъазе бокьун буго жиндирго муридалгун цадахъ Пасхаялъул квание рукъ киб бугебали». 15Гьес нужеда бихьизабила чӏухӏизабун къачӏараб гӏатӏидаб тӏасарукъ. Гьеле гьениб гьабе нужеца нилъеего Пасхаялъул квен.
16Кӏиявго мурид шагьаралде ана ва гьенире щведал, Гӏисаца абухъе, ишги тӏубана. Цинги Пасхаялъул квенги хӏадур гьабуна.
17Дуниял рукӏкӏараб мехалъ анцӏила кӏиявго чапаргун цадахъ Гӏиса гьенив парахалъула. 18Гӏодор чӏун кваналел рукӏаго, Гӏисаца абула:
– Хӏакълъун абулеб буго дица нужеда: дида цадахъ гьанир кваналел ругел нужер цояв дие хилиплъила.
19Цӏакъ пашманлъун лъугьуна гьел. Цин-циял рахъун цӏехола:
– Дун гуро гурищ? – абун.
20Гӏисаца гьезда абула:
– Дида цадахъ гьаб гъадриниб чед ччулев вугев анцӏила кӏиявго чапарасда гьоркьов вуго гьев. 21Гӏадамил Лъимадул иш ккезе буго Тӏухьдузда хъван бугеб куцалда. Амма квешаб балагь рещтӏине бугебха Гӏадамил Лъимер тушбабазул кверде кьурав чиясде. Дуниялалда вижичӏевани лъикӏан гьесие.
22Гьедин кваналел рукӏаго, Гӏисаца, цо чедги кодобе босун, тӏаде дугӏаги гьабун, бек-бекун гьезухъе кьуна:
– Босе, кванай. Гьаб буго дир черх!
23Цинги, чогърол цӏураб щурунги кодобе босун, Аллагьасе реццги гьабун, гьезухъе кьуна Гӏисаца. Кинацаго иргадал гьекъана гьеб щурумалъуса. 24Гьес абуна:
– Гьаб буго гӏемерав чиясе гӏоло тӏолеб дир би – Цӏияб Къотӏи щулалъиялъе тӏолеб би. 25Хӏакълъун абулеб буго дица нужеда: Аллагьасул Парччахӏлъиялда цӏияб чагъир гьекъолеб къо тӏаде гӏунтӏизегӏан дица гьаб цӏолбол цӏцӏураб жа тӏокӏаб гьекъезе гьечӏо.
26Цинги гьез туркаби ахӏана, гьениса рахъун ун, Зайтуналъул магӏарде рахана.
«Дуца дидаса инкар гьабила»
27Гӏисаца гьезда абула:
– Яхӏ рехизе буго нужеца кинацаго, Тӏехьалда хъван бугелъул: «Дица вехь чӏвала, гӏиги рахъ-рахъалде тӏурун ина». 28Хун хадув чӏаголъараб мехалъ нужедаса цеве щвела дун Галилеялде.
29Пётрица гьесда абуна:
– Киназго яхӏ реханиги, дица яхӏ рехиларо.
30Гӏисаца гьесда абула:
– Хӏакълъун абулеб буго дица дуда: гьанже радакье хӏелеко кӏицӏул гӏегӏедилалде лъабцӏулго инкар гьабизе буго дуца дидаса.
31Амма Пётрица цӏакъ ракӏчӏезабун абулеб букӏана Гӏисада:
– Дуда цадахъ хвезе кканиги, дица дудаса инкар гьабизе гьечӏо, – ян.
Гьединго абулеб букӏана киналго цогидазги.
Гетсемания ахикь Гӏисал гьари-дугӏа
32Гьале гьел щвана Гетсемания абулеб бакӏалде. Гӏисаца жиндирго муридазда абуна:
– Нуж гьанир гӏодор чӏун рукӏа, дун Аллагьасе гьари-дугӏа гьабун вачӏинегӏан.
33Пётрги, Якъубги, Иоаннги рачана Гӏисаца жиндаго цадахъ. Ракӏ хӏинкъараб ва къваридаб ургъалилъе ккана гьев. 34Гӏисаца гьезда абуна:
– Хвалил гӏазаб буго дир рекӏее. Нуж гьанир рукӏа! Рорчӏуда чӏа!
35Цинги, дагьав довегӏанги ун, кӏалагъоркьеги речӏчӏун, Аллагьасда гьардезе лъугьана, бегьулеб батани гьеб хвалил сагӏат рикӏкӏад гьабейилан. 36Гьес абулеб букӏана:
– Абба!#14:36 Абба! – дада, эмен. Я дир Эмен! Мун сундуего хӏалкӏолев вугелъул, гьеб хвалил лълъар гьекъезабуге дида. Амма дие бокьухъе гуреб, дуего бокьухъе букӏине биччанте!
37Тӏадвуссун вачӏиндал, Гӏисада гьел кьижун ратана. Гьес Пётрида абуна:
– Симон! Кьижунищ мун вугев? Цо сагӏаталъ кьижичӏого яхӏ гьабизе кӏвечӏеб къагӏидаха дуда? 38Воре, нуж рорчӏуда чӏа! Гьари-дугӏаялде русса, нужго къосинарунгутӏизе. Инсанасул рухӏ – лебалаб, черх – загӏипаб.
39Нахъеги довегӏанги ун, додинго Аллагьасда гьардезе лъугьана Гӏиса. 40Гьанжеги тӏадвуссун щведал, Гӏисада гьел ратула, беразул тӏелхал бакӏлъун, кьижун ккун. Щиб жаваб кьелебали лъаларого хутӏана гьел. 41Лъабабизеги додинго тӏадвуссун щведал, Гӏисаца гьезда абула:
– Нуж жеги рахӏаталда кьижунищ ругел? Гьале, тӏубанагури кинабго! Тӏаде гӏунтӏана доб Гӏадамил Лъимер мунапикъзабазул кверде кьолеб сагӏат. 42Гьа, рахъа! Доле хиянатчи тӏаде щолев вугин!
Гӏиса ккун вачун уна
43Гӏисаца гьедин абулаго, тӏаде щвана Ягьуда, дол анцӏила кӏигояздасан цояв. Гьесда цадахъ хвалчабигун ва тӏилалгун тӏаде бачӏунеб букӏана чӏахӏиял кашишзабазги, диниял гӏалимзабазги, чӏухӏби-хӏакимзабазги битӏараб гӏемераб халкъ. 44Хиянатчияс гьезда лъазабун букӏана: «Дица убач гьабурав чи Гӏиса вукӏина. Цинги ккве нужеца гьев. Вореха, хъаравуллъи кутакаб чӏезабе!»
45Ягьуда битӏун Гӏисада аскӏове уна, «Рабби!» – янги абун, гьесда убач гьабула. 46Гьебсагӏат тӏад речӏчӏун гӏадамаз Гӏиса къан ккола. 47Гьебмехалъ Гӏисал цо муридас бахъун хьвагӏараб хвалчаца цо чиясул (гьев вукӏана кӏудияв кашишасул рагьтӏател) гӏин къотӏун рехула. 48Гьездехун вуссун Гӏисаца абула:
– Хвалчабигун, тӏилалгун хъачагъасде гӏадин кӏанцӏанагури нуж дун кквезе. 49Щибаб къоялъ нужее вагӏза-насихӏат гьабулев Мукъадасаб Рокъов вукӏунаангури дун. Гьениб нужеца диде квер борхичӏо. Амма Тӏехьалда хъвараб ритӏухълъизе биччанте!
50Гьебмехалъ Гӏисал киналго муридал, вукӏаралъув гьевги тун, лъутун уна. 51Гӏицӏаб черхалда тӏад шаршавги жемун, цо гӏолохъанчи вукӏана гьесда хадув вачӏунев. Амма рагъухъабаз гьев къан ккуна. 52Шаршавги гъоркьго тун, толохӏочго лъутун ворчӏана гьев.
Гӏиса тӏадегӏанаб судалда цеве чӏезавула
53Гӏиса вачана бищунго кӏудияв кашишасухъе. Гьенир данделъун рукӏана чӏахӏиял кашишзаби, чӏухӏби-хӏакимзаби ва диниял гӏалимзаби. 54Пётрги вукӏана нахъа-нахъа чӏун вачӏунев. Бищунго кӏудияв кашишасул азбаралъувеги лъугьана гьездаго хадув цун. Цинги рагъухъабазда аскӏов кӏусун, цӏадухъ хинлъулев вукӏана.
55Гьебмехалъ чӏахӏиял кашишзабазги тӏолабго тӏадегӏанаб судалъги балагьулеб букӏана Гӏиса чӏвазе къотӏиялъе гӏураб гӏайиб гьесде гӏунтӏизабизе цогӏаги нугӏлъи. Амма гьеб гьезухъе щолеб букӏинчӏо. 56Гӏемер рукӏана гьересинугӏлъи гьабулел чагӏи, амма гьез бицараб жо данде кколеб букӏинчӏо. 57Цере рахъун цо-цо гьересинугӏзаз гьадин абулеб букӏана:
58– Нижеда рагӏана гьес абулеб гьаб инсанасул квераз гьабураб Мукъадасаб Рукъ щущазабила дица ва лъабго къоялде, лъицаниги квер хъвачӏого, цӏидасан банги кьелаян.
59Амма гьелъие нугӏлъи гьабулел гӏадамаз бицунебгицин данде кколеб букӏинчӏо. 60Гьебмехалъ тӏаде вахъун бакьулъ эхетун бищунго кӏудияв кашишас Гӏисада гьикъана:
– Дуда данде нугӏлъи гьабун гьаз бицунеб бугеб жоялъе жаваб кьезе рагӏигойищ дур гьечӏеб?
61Гӏиса, микъан кӏалъачӏого, вуцӏцӏун чӏун вукӏана. Бищунго кӏудияв кашишас цоги суал кьуна гьесие:
– Бице, мунищ кколев Рахӏманасул Вас Масихӏ?
62– У, – ян абуна Гӏисаца. – Нужеда вихьила Гӏадамил Лъимер, Къудратав Аллагьасул кваранаб рахъалда гӏодов чӏунги ва зобалазул накӏкӏул парчабазда тӏад вачӏуневги.
63Гьебмехалъ бищунго кӏудияв кашишас, жиндаго тӏад букӏараб ретӏелги тӏу-тӏун балаго#14:63 Жугьутӏазул гӏадат букӏана, цо кинаб бугониги гӏасилъи бихьараб мехалъ, тӏад бугеб ретӏел бихъулеб. , абуна:
– Тӏокӏалги сундуе нилъее нугӏзал къваригӏарал? 64Нужеда рагӏанагури гьасул гӏасиял-пасикъал рагӏаби. Щиб пикру нужер бугеб?
Киназго абуна гьев чӏвазе къотӏизе кколилан.
65Рахъун цо-цоял гьесде тударулел рукӏана. Беразда чӏортоги бухьун, кьабулеб букӏана гьесда:
– Ле, авараг, лъица кьабурабали бице! – янги абулаго.
Цинги рагъухъабиги лъугьана гьев вухизе.
Пётрица Гӏисадаса инкар гьабула
66Азбаралъув гъоркьа вукӏарав Пётрида аскӏое ячӏана бищунго кӏудияв кашишасул цо гъараваш. 67Цӏадухъ гӏодов чӏарав гьесухъги ялагьун, гьелъ абуна:
– Мунги вукӏанагури Назареталдаса Гӏисада цадахъ.
68Нагӏадала ккун инкар гьабуна Пётрица. Дуца бицунеб жо щибилан, гьеб жинда бичӏчӏуларилан чӏана гьев.
Цинги Пётрица къватӏибехун нух босана. Гьебмехалъ бахъана хӏелеко гӏегӏедулеб гьаракь. 69Нахъеги гьев вихьун, гъаравашалъ гьенир рукӏаразда бицана гьавги дозул чи вугилан. 70Гьанжеги нагӏадала ккуна Пётрица.
Цо заманаялдасан нахъеги тӏаделъана гьесде дол гӏадамал хӏакъикъаталдаги мун дозул чи вугин, мунги Галилеялдаса вукӏине кколин. 71Амма Пётр Аллагьасул цӏар бахъун гьедаризе лъугьана гьев нужеца бицунев чи жинда лъаларилан. 72Гьебмехалъ кӏиабизеги гӏегӏедана хӏелеко. Пётрида ракӏалде щвана Гӏисаца жинда абун рукӏарал рагӏаби: радакье бахъун хӏелеко кӏицӏул гӏегӏедилалде лъабцӏулго инкар гьабилин дуца дидасайилан. Гӏек-гӏекиялда гӏодана гьебмехалъ Пётр.
Избрани в момента:
Маркица бицараб Рохалил хабар 14: AvrNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008
Маркица бицараб Рохалил хабар 14
14
14 бетӏер
Ягьудиязул кашишзаби ургъула Гӏиса тӏагӏинавизе
1Кӏиго къо хутӏун букӏана Пасхаялъул ва Реччичӏел Панкъазул Байрамалъул анкь тӏаде щвезе. Чӏахӏиял кашишзабиги диниял гӏалимзабиги ургъулел рукӏана хӏилла-рекӏкӏалдалъун кквезеги ккун Гӏиса чӏвазавизе рес кколарищали. 2Амма абулеб букӏана байрамалъул къоялъ лъикӏ гурилан, халкъалъул дандечӏей багъаризе бегьулилан.
Цо чӏужугӏаданалъ Гӏисае гьабураб лъикӏлъи
3Барасалъ унтарав Симон абулев чиясул бакӏалда Бетания росулъ кваназе гӏодов чӏун Гӏиса вугеб мехалъ, тӏаде ячӏуна махӏ гьуинаб цӏакъ къиматаб ва бацӏцӏадаб нахул цӏураб щагӏил сурахӏиги босун, цо пуланай чӏужугӏадан. Сурахӏиги бекун, гьелъ гьеб нах Гӏисал ботӏроде чӏехьола. 4Гьенир рукӏарал цо-цо гӏадамал ццин бахъун лъугьуна. Гьез цоцазда абулеб букӏана:
– Щай гьабгощинаб нах гӏадада хвезабулеб? 5Бичун букӏарабани, лъабнусго динаралдаса цӏикӏкӏараб гӏарац щвелаан гьелъухъ, цинги мискинзабазе садакъаде кьезе бегьилаан гьеб.
Гьедин гьей чӏужугӏаданалдаса рази гьечӏого гаргадилел рукӏана гӏадамал. 6Гӏисаца гьезда абуна:
– Те гьей жийго! Щай нужеца гьей къварид гьаюлей? Дие лъикӏлъи гьабулейлъидал гьей йигей. 7Мискинзаби кидаго ратила нужеда аскӏор, бокьанщинахъе нужеца садакъа кьезе. Дунин абуни кидаго гуро нужгун вукӏунев. 8Гьелъ гьабуна жиндихъа бажарулеб иш; цебеккунго дир черхалда тӏаде махӏ гьуинаб нахги тӏун, хабалъейин гьелъ дун къачӏалев вугев. 9Хӏакълъун абулеб буго дица нужеда: тӏолабго дуниялалда Рохалил хабар лъазабунщинаб бакӏалда бицен букӏине буго гьай гӏаданги ва гьалъ дие гьабураб лъикӏлъиги ракӏалде щвезабун.
Ягьуда Искариот Гӏисае хилиплъула
10Анцӏила кӏиявго чапарасда гьоркьов вукӏарав Ягьуда Искариот ана гьебмехалъ чӏахӏиял кашишзабазухъе, Гӏиса гьезда кодове кьезе разилъун. 11Гьеб хабаралдаса дол цӏакъ рохана, ва Ягьудае гӏарац кьезе къотӏиги гьабуна гьез. Цинги Ягьудаца балагьулеб букӏана Гӏиса гьезул кверде кьезе санагӏалъи бугеб бакӏги заманги.
Пасхаялъул квен
12Реччичӏел Панкъазул Байрамалъул тӏоцебесеб къоялъ, Пасхаялъул къурбаналъе кьегӏер хъолеб къоялъ, муридаз Гӏисада абуна:
– Пасхаялъул квен киб кваназе дуе бокьилеб? Инеги ун, нижеца хӏадур гьабила гьеб.
13Гьебмехалъ Гӏисаца жиндирго кӏиго муридасда тӏадкъала:
– Нуж а гьанже шагьаралде. Лъел гӏеретӏги цӏун вачӏунев цо чи ватила нужеда. Нуж гьесда хадур а. 14Цинги гьев жаниве лъугьараб рукъалъул бетӏергьанасда нужеца абе: «Мугӏалимасе лъазе бокьун буго жиндирго муридалгун цадахъ Пасхаялъул квание рукъ киб бугебали». 15Гьес нужеда бихьизабила чӏухӏизабун къачӏараб гӏатӏидаб тӏасарукъ. Гьеле гьениб гьабе нужеца нилъеего Пасхаялъул квен.
16Кӏиявго мурид шагьаралде ана ва гьенире щведал, Гӏисаца абухъе, ишги тӏубана. Цинги Пасхаялъул квенги хӏадур гьабуна.
17Дуниял рукӏкӏараб мехалъ анцӏила кӏиявго чапаргун цадахъ Гӏиса гьенив парахалъула. 18Гӏодор чӏун кваналел рукӏаго, Гӏисаца абула:
– Хӏакълъун абулеб буго дица нужеда: дида цадахъ гьанир кваналел ругел нужер цояв дие хилиплъила.
19Цӏакъ пашманлъун лъугьуна гьел. Цин-циял рахъун цӏехола:
– Дун гуро гурищ? – абун.
20Гӏисаца гьезда абула:
– Дида цадахъ гьаб гъадриниб чед ччулев вугев анцӏила кӏиявго чапарасда гьоркьов вуго гьев. 21Гӏадамил Лъимадул иш ккезе буго Тӏухьдузда хъван бугеб куцалда. Амма квешаб балагь рещтӏине бугебха Гӏадамил Лъимер тушбабазул кверде кьурав чиясде. Дуниялалда вижичӏевани лъикӏан гьесие.
22Гьедин кваналел рукӏаго, Гӏисаца, цо чедги кодобе босун, тӏаде дугӏаги гьабун, бек-бекун гьезухъе кьуна:
– Босе, кванай. Гьаб буго дир черх!
23Цинги, чогърол цӏураб щурунги кодобе босун, Аллагьасе реццги гьабун, гьезухъе кьуна Гӏисаца. Кинацаго иргадал гьекъана гьеб щурумалъуса. 24Гьес абуна:
– Гьаб буго гӏемерав чиясе гӏоло тӏолеб дир би – Цӏияб Къотӏи щулалъиялъе тӏолеб би. 25Хӏакълъун абулеб буго дица нужеда: Аллагьасул Парччахӏлъиялда цӏияб чагъир гьекъолеб къо тӏаде гӏунтӏизегӏан дица гьаб цӏолбол цӏцӏураб жа тӏокӏаб гьекъезе гьечӏо.
26Цинги гьез туркаби ахӏана, гьениса рахъун ун, Зайтуналъул магӏарде рахана.
«Дуца дидаса инкар гьабила»
27Гӏисаца гьезда абула:
– Яхӏ рехизе буго нужеца кинацаго, Тӏехьалда хъван бугелъул: «Дица вехь чӏвала, гӏиги рахъ-рахъалде тӏурун ина». 28Хун хадув чӏаголъараб мехалъ нужедаса цеве щвела дун Галилеялде.
29Пётрица гьесда абуна:
– Киназго яхӏ реханиги, дица яхӏ рехиларо.
30Гӏисаца гьесда абула:
– Хӏакълъун абулеб буго дица дуда: гьанже радакье хӏелеко кӏицӏул гӏегӏедилалде лъабцӏулго инкар гьабизе буго дуца дидаса.
31Амма Пётрица цӏакъ ракӏчӏезабун абулеб букӏана Гӏисада:
– Дуда цадахъ хвезе кканиги, дица дудаса инкар гьабизе гьечӏо, – ян.
Гьединго абулеб букӏана киналго цогидазги.
Гетсемания ахикь Гӏисал гьари-дугӏа
32Гьале гьел щвана Гетсемания абулеб бакӏалде. Гӏисаца жиндирго муридазда абуна:
– Нуж гьанир гӏодор чӏун рукӏа, дун Аллагьасе гьари-дугӏа гьабун вачӏинегӏан.
33Пётрги, Якъубги, Иоаннги рачана Гӏисаца жиндаго цадахъ. Ракӏ хӏинкъараб ва къваридаб ургъалилъе ккана гьев. 34Гӏисаца гьезда абуна:
– Хвалил гӏазаб буго дир рекӏее. Нуж гьанир рукӏа! Рорчӏуда чӏа!
35Цинги, дагьав довегӏанги ун, кӏалагъоркьеги речӏчӏун, Аллагьасда гьардезе лъугьана, бегьулеб батани гьеб хвалил сагӏат рикӏкӏад гьабейилан. 36Гьес абулеб букӏана:
– Абба!#14:36 Абба! – дада, эмен. Я дир Эмен! Мун сундуего хӏалкӏолев вугелъул, гьеб хвалил лълъар гьекъезабуге дида. Амма дие бокьухъе гуреб, дуего бокьухъе букӏине биччанте!
37Тӏадвуссун вачӏиндал, Гӏисада гьел кьижун ратана. Гьес Пётрида абуна:
– Симон! Кьижунищ мун вугев? Цо сагӏаталъ кьижичӏого яхӏ гьабизе кӏвечӏеб къагӏидаха дуда? 38Воре, нуж рорчӏуда чӏа! Гьари-дугӏаялде русса, нужго къосинарунгутӏизе. Инсанасул рухӏ – лебалаб, черх – загӏипаб.
39Нахъеги довегӏанги ун, додинго Аллагьасда гьардезе лъугьана Гӏиса. 40Гьанжеги тӏадвуссун щведал, Гӏисада гьел ратула, беразул тӏелхал бакӏлъун, кьижун ккун. Щиб жаваб кьелебали лъаларого хутӏана гьел. 41Лъабабизеги додинго тӏадвуссун щведал, Гӏисаца гьезда абула:
– Нуж жеги рахӏаталда кьижунищ ругел? Гьале, тӏубанагури кинабго! Тӏаде гӏунтӏана доб Гӏадамил Лъимер мунапикъзабазул кверде кьолеб сагӏат. 42Гьа, рахъа! Доле хиянатчи тӏаде щолев вугин!
Гӏиса ккун вачун уна
43Гӏисаца гьедин абулаго, тӏаде щвана Ягьуда, дол анцӏила кӏигояздасан цояв. Гьесда цадахъ хвалчабигун ва тӏилалгун тӏаде бачӏунеб букӏана чӏахӏиял кашишзабазги, диниял гӏалимзабазги, чӏухӏби-хӏакимзабазги битӏараб гӏемераб халкъ. 44Хиянатчияс гьезда лъазабун букӏана: «Дица убач гьабурав чи Гӏиса вукӏина. Цинги ккве нужеца гьев. Вореха, хъаравуллъи кутакаб чӏезабе!»
45Ягьуда битӏун Гӏисада аскӏове уна, «Рабби!» – янги абун, гьесда убач гьабула. 46Гьебсагӏат тӏад речӏчӏун гӏадамаз Гӏиса къан ккола. 47Гьебмехалъ Гӏисал цо муридас бахъун хьвагӏараб хвалчаца цо чиясул (гьев вукӏана кӏудияв кашишасул рагьтӏател) гӏин къотӏун рехула. 48Гьездехун вуссун Гӏисаца абула:
– Хвалчабигун, тӏилалгун хъачагъасде гӏадин кӏанцӏанагури нуж дун кквезе. 49Щибаб къоялъ нужее вагӏза-насихӏат гьабулев Мукъадасаб Рокъов вукӏунаангури дун. Гьениб нужеца диде квер борхичӏо. Амма Тӏехьалда хъвараб ритӏухълъизе биччанте!
50Гьебмехалъ Гӏисал киналго муридал, вукӏаралъув гьевги тун, лъутун уна. 51Гӏицӏаб черхалда тӏад шаршавги жемун, цо гӏолохъанчи вукӏана гьесда хадув вачӏунев. Амма рагъухъабаз гьев къан ккуна. 52Шаршавги гъоркьго тун, толохӏочго лъутун ворчӏана гьев.
Гӏиса тӏадегӏанаб судалда цеве чӏезавула
53Гӏиса вачана бищунго кӏудияв кашишасухъе. Гьенир данделъун рукӏана чӏахӏиял кашишзаби, чӏухӏби-хӏакимзаби ва диниял гӏалимзаби. 54Пётрги вукӏана нахъа-нахъа чӏун вачӏунев. Бищунго кӏудияв кашишасул азбаралъувеги лъугьана гьездаго хадув цун. Цинги рагъухъабазда аскӏов кӏусун, цӏадухъ хинлъулев вукӏана.
55Гьебмехалъ чӏахӏиял кашишзабазги тӏолабго тӏадегӏанаб судалъги балагьулеб букӏана Гӏиса чӏвазе къотӏиялъе гӏураб гӏайиб гьесде гӏунтӏизабизе цогӏаги нугӏлъи. Амма гьеб гьезухъе щолеб букӏинчӏо. 56Гӏемер рукӏана гьересинугӏлъи гьабулел чагӏи, амма гьез бицараб жо данде кколеб букӏинчӏо. 57Цере рахъун цо-цо гьересинугӏзаз гьадин абулеб букӏана:
58– Нижеда рагӏана гьес абулеб гьаб инсанасул квераз гьабураб Мукъадасаб Рукъ щущазабила дица ва лъабго къоялде, лъицаниги квер хъвачӏого, цӏидасан банги кьелаян.
59Амма гьелъие нугӏлъи гьабулел гӏадамаз бицунебгицин данде кколеб букӏинчӏо. 60Гьебмехалъ тӏаде вахъун бакьулъ эхетун бищунго кӏудияв кашишас Гӏисада гьикъана:
– Дуда данде нугӏлъи гьабун гьаз бицунеб бугеб жоялъе жаваб кьезе рагӏигойищ дур гьечӏеб?
61Гӏиса, микъан кӏалъачӏого, вуцӏцӏун чӏун вукӏана. Бищунго кӏудияв кашишас цоги суал кьуна гьесие:
– Бице, мунищ кколев Рахӏманасул Вас Масихӏ?
62– У, – ян абуна Гӏисаца. – Нужеда вихьила Гӏадамил Лъимер, Къудратав Аллагьасул кваранаб рахъалда гӏодов чӏунги ва зобалазул накӏкӏул парчабазда тӏад вачӏуневги.
63Гьебмехалъ бищунго кӏудияв кашишас, жиндаго тӏад букӏараб ретӏелги тӏу-тӏун балаго#14:63 Жугьутӏазул гӏадат букӏана, цо кинаб бугониги гӏасилъи бихьараб мехалъ, тӏад бугеб ретӏел бихъулеб. , абуна:
– Тӏокӏалги сундуе нилъее нугӏзал къваригӏарал? 64Нужеда рагӏанагури гьасул гӏасиял-пасикъал рагӏаби. Щиб пикру нужер бугеб?
Киназго абуна гьев чӏвазе къотӏизе кколилан.
65Рахъун цо-цоял гьесде тударулел рукӏана. Беразда чӏортоги бухьун, кьабулеб букӏана гьесда:
– Ле, авараг, лъица кьабурабали бице! – янги абулаго.
Цинги рагъухъабиги лъугьана гьев вухизе.
Пётрица Гӏисадаса инкар гьабула
66Азбаралъув гъоркьа вукӏарав Пётрида аскӏое ячӏана бищунго кӏудияв кашишасул цо гъараваш. 67Цӏадухъ гӏодов чӏарав гьесухъги ялагьун, гьелъ абуна:
– Мунги вукӏанагури Назареталдаса Гӏисада цадахъ.
68Нагӏадала ккун инкар гьабуна Пётрица. Дуца бицунеб жо щибилан, гьеб жинда бичӏчӏуларилан чӏана гьев.
Цинги Пётрица къватӏибехун нух босана. Гьебмехалъ бахъана хӏелеко гӏегӏедулеб гьаракь. 69Нахъеги гьев вихьун, гъаравашалъ гьенир рукӏаразда бицана гьавги дозул чи вугилан. 70Гьанжеги нагӏадала ккуна Пётрица.
Цо заманаялдасан нахъеги тӏаделъана гьесде дол гӏадамал хӏакъикъаталдаги мун дозул чи вугин, мунги Галилеялдаса вукӏине кколин. 71Амма Пётр Аллагьасул цӏар бахъун гьедаризе лъугьана гьев нужеца бицунев чи жинда лъаларилан. 72Гьебмехалъ кӏиабизеги гӏегӏедана хӏелеко. Пётрида ракӏалде щвана Гӏисаца жинда абун рукӏарал рагӏаби: радакье бахъун хӏелеко кӏицӏул гӏегӏедилалде лъабцӏулго инкар гьабилин дуца дидасайилан. Гӏек-гӏекиялда гӏодана гьебмехалъ Пётр.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008