Маркица бицараб Рохалил хабар 16
16
16 бетӏер
Гӏиса хабалъ ватичӏо
1Шамат къо индал, Магдалаялдаса Марямицаги, Якъубил эбел Марямицаги, Саломеялъги бичун босана Гӏисал мусруялда бахине гьуинал махӏазул нах. 2Цинги анкьил тӏоцебесеб къоялъ#16:2 Гьатӏан къоялъ. цудунго рахъун ун, гьел Гӏисал хабаде щолеб мех букӏана гьанжего-гьанже бакъ баккулеб гӏуж. 3Нохъодул кӏалтӏаса гамачӏ лъицадай нахъе гиризабилаян ургъел бикьулел рукӏана гьел. 4Амма гамачӏ нахъе гиризабун батана. (Цӏакъ кӏудияб гамачӏни букӏана гьеб.) 5Жанире лъугьиндал, гьезда гьенив кваранаб рахъалда гӏодов чӏун ватана хъахӏаб гӏаба ретӏарав цо гӏолохъанчи. Ракӏ гъанцӏун лъугьана гьел.
6– Хӏикмалъуге нуж, – ан абуна гьес руччабазда. – Хъанчида ван хвезавурав Назареталдаса Гӏисайин нужеца валагьулев вугев. Гьев хваралъуса вахъана. Гьев гьанив гьечӏо. Гьале гьесул жаназа лъун букӏараб бакӏ. 7Нужеца, инеги ун, гьесул муридаздаги Пётридаги абе Галилеялде Гӏиса нужедаса цеве щвезе вугилан. Гӏисаца цебеккунго лъазабун букӏараб куцалда, дова вихьилин жидеда гьев.
8Кутакалда хӏинкъарал ва хӏикмалъарал гьел руччаби, сородилаго гьеб нохъодаса къватӏире кӏанцӏун, рекерун нахъе ана, гьелъул хӏакъалъулъ лъиданиги бицинеги кӏвечӏо гьезда.
Магдалаялдаса Марямида вихьула Гӏиса#16:9-20 Некӏсиял хъвай-хъвагӏаязги хъвадарухъабазги нугӏлъи гьабулеб буго «Маркица бицараб Рохалил хабар» гьаб бакӏалда лъугӏанилан. Гьединлъидал хадуб кьун бугеб кесек Маркица хъвараблъун рикӏкӏунаро. Амма гӏадатлъун лъугьун буго гьеб бутӏаги Маркица хъвараб тӏехьалда гьоркьобе бачин.
9Анкьил тӏоцебесеб къоялъ бакъ баккилелдего хваралъуса вахъарав Гӏиса гьебго къоялъ тӏоцеве вихьана анкьго шайтӏан гьес жиндир чорхолъа бачахъун букӏарай Магдалаялдаса Марямида. 10Инеги ун, гьелъ ккараб иш бицана цере Гӏисада цадахъ рукӏаразда – гьесда хадуб ракӏ бухӏун гӏодилел рукӏаразда. 11Амма гьел божичӏо Гӏиса чӏаго вугин ва гьев жинда вихьанин абураб Марямил рагӏиялда.
Кӏиго муридасдаги вихьула Гӏиса
12Гьелдаса хадуб цоги батӏияб сипаталда Гӏиса вихьана шагьаралдаса росулъе унев вукӏарав кӏиго муридасдаги. 13Тӏад руссун рачӏун цогидаздаги бицана гьез жидедаги Гӏиса вихьанилан, амма цогидал муридал гьездаги божичӏо.
Гӏиса анцӏила цо чапарасдаги вихьула
14Ахирги Гӏиса тӏаде вачӏуна анцӏила цо чапар кваналев вукӏараб бакӏалде. Гьес гьезие бадибчӏвай гьабула ракӏ согӏал чагӏи ругин нужилан ва жив чӏаголъун вихьарал гӏадамазда божичӏилан. 15Гӏисаца гьезда абуна:
– Гьаб дуниялалда киса-кирего щун, тӏолабго Аллагьас бижанщиналда лъазабе нужеца гьаб Рохалил хабар. 16Диде иман лъурав ва лъадалъ ччун вахъун жиндир мунагьал чурарав чи хвасарлъизе вуго. Амма иман лъечӏезе тамихӏ букӏина. 17Диде иман лъурал ратӏа гьарулел гӏаламатал гьадинал рукӏина: дир цӏаралдалъун гьезда кӏвела жундул рачахъизе ва гьезухъа бажарила батӏи-батӏиял мацӏазда кӏалъазе. 18Борхьал кодоре рачаниги, загьру гьекъаниги, тӏириги зарал лъугьинаро гьезие; унтаразда квер хъвани, гьелги сахлъила.
Гӏиса зобалазде восун уна
19Гьедин гьезие хабар бицун лъугӏараб мехалъ, Тӏадегӏанав Гӏиса зобалазде восун ана ва Аллагьасул кваранаб рахъалда рещтӏана. 20Муридалин абуни, гьениса рахъун ана киса-кибего Рохалил хабар лъазабизе. Тӏадегӏанасги квербакъулаан гьезие, ва гьез бицарабщинабги мугӏжизатаздалъун ритӏухълъулаан. Амин!
Избрани в момента:
Маркица бицараб Рохалил хабар 16: AvrNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008
Маркица бицараб Рохалил хабар 16
16
16 бетӏер
Гӏиса хабалъ ватичӏо
1Шамат къо индал, Магдалаялдаса Марямицаги, Якъубил эбел Марямицаги, Саломеялъги бичун босана Гӏисал мусруялда бахине гьуинал махӏазул нах. 2Цинги анкьил тӏоцебесеб къоялъ#16:2 Гьатӏан къоялъ. цудунго рахъун ун, гьел Гӏисал хабаде щолеб мех букӏана гьанжего-гьанже бакъ баккулеб гӏуж. 3Нохъодул кӏалтӏаса гамачӏ лъицадай нахъе гиризабилаян ургъел бикьулел рукӏана гьел. 4Амма гамачӏ нахъе гиризабун батана. (Цӏакъ кӏудияб гамачӏни букӏана гьеб.) 5Жанире лъугьиндал, гьезда гьенив кваранаб рахъалда гӏодов чӏун ватана хъахӏаб гӏаба ретӏарав цо гӏолохъанчи. Ракӏ гъанцӏун лъугьана гьел.
6– Хӏикмалъуге нуж, – ан абуна гьес руччабазда. – Хъанчида ван хвезавурав Назареталдаса Гӏисайин нужеца валагьулев вугев. Гьев хваралъуса вахъана. Гьев гьанив гьечӏо. Гьале гьесул жаназа лъун букӏараб бакӏ. 7Нужеца, инеги ун, гьесул муридаздаги Пётридаги абе Галилеялде Гӏиса нужедаса цеве щвезе вугилан. Гӏисаца цебеккунго лъазабун букӏараб куцалда, дова вихьилин жидеда гьев.
8Кутакалда хӏинкъарал ва хӏикмалъарал гьел руччаби, сородилаго гьеб нохъодаса къватӏире кӏанцӏун, рекерун нахъе ана, гьелъул хӏакъалъулъ лъиданиги бицинеги кӏвечӏо гьезда.
Магдалаялдаса Марямида вихьула Гӏиса#16:9-20 Некӏсиял хъвай-хъвагӏаязги хъвадарухъабазги нугӏлъи гьабулеб буго «Маркица бицараб Рохалил хабар» гьаб бакӏалда лъугӏанилан. Гьединлъидал хадуб кьун бугеб кесек Маркица хъвараблъун рикӏкӏунаро. Амма гӏадатлъун лъугьун буго гьеб бутӏаги Маркица хъвараб тӏехьалда гьоркьобе бачин.
9Анкьил тӏоцебесеб къоялъ бакъ баккилелдего хваралъуса вахъарав Гӏиса гьебго къоялъ тӏоцеве вихьана анкьго шайтӏан гьес жиндир чорхолъа бачахъун букӏарай Магдалаялдаса Марямида. 10Инеги ун, гьелъ ккараб иш бицана цере Гӏисада цадахъ рукӏаразда – гьесда хадуб ракӏ бухӏун гӏодилел рукӏаразда. 11Амма гьел божичӏо Гӏиса чӏаго вугин ва гьев жинда вихьанин абураб Марямил рагӏиялда.
Кӏиго муридасдаги вихьула Гӏиса
12Гьелдаса хадуб цоги батӏияб сипаталда Гӏиса вихьана шагьаралдаса росулъе унев вукӏарав кӏиго муридасдаги. 13Тӏад руссун рачӏун цогидаздаги бицана гьез жидедаги Гӏиса вихьанилан, амма цогидал муридал гьездаги божичӏо.
Гӏиса анцӏила цо чапарасдаги вихьула
14Ахирги Гӏиса тӏаде вачӏуна анцӏила цо чапар кваналев вукӏараб бакӏалде. Гьес гьезие бадибчӏвай гьабула ракӏ согӏал чагӏи ругин нужилан ва жив чӏаголъун вихьарал гӏадамазда божичӏилан. 15Гӏисаца гьезда абуна:
– Гьаб дуниялалда киса-кирего щун, тӏолабго Аллагьас бижанщиналда лъазабе нужеца гьаб Рохалил хабар. 16Диде иман лъурав ва лъадалъ ччун вахъун жиндир мунагьал чурарав чи хвасарлъизе вуго. Амма иман лъечӏезе тамихӏ букӏина. 17Диде иман лъурал ратӏа гьарулел гӏаламатал гьадинал рукӏина: дир цӏаралдалъун гьезда кӏвела жундул рачахъизе ва гьезухъа бажарила батӏи-батӏиял мацӏазда кӏалъазе. 18Борхьал кодоре рачаниги, загьру гьекъаниги, тӏириги зарал лъугьинаро гьезие; унтаразда квер хъвани, гьелги сахлъила.
Гӏиса зобалазде восун уна
19Гьедин гьезие хабар бицун лъугӏараб мехалъ, Тӏадегӏанав Гӏиса зобалазде восун ана ва Аллагьасул кваранаб рахъалда рещтӏана. 20Муридалин абуни, гьениса рахъун ана киса-кибего Рохалил хабар лъазабизе. Тӏадегӏанасги квербакъулаан гьезие, ва гьез бицарабщинабги мугӏжизатаздалъун ритӏухълъулаан. Амин!
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008