Маркица бицараб Рохалил хабар 2
2
2 бетӏер
Гӏисаца сахлъизавула палижалъ ккурав чи
1Чанго къоялдасан Гӏиса нахъеги Капернаумалде вачӏана. Гьебсагӏат гӏадамазда лъана гьев рокъове тӏадвуссун вукӏин. 2Гьесухъе бачӏараб халкъалъул гӏемерлъиялъ нуцӏикӏалтӏацин хутӏун букӏинчӏо гӏадамазе чӏезе бакӏ. Гьезие Рохалил хабар бицунев вукӏана Гӏиса. 3Гьебмехалъ ункъояс восун гьениве вачӏана палижалъ ккурав цо чи. 4Кӏалтӏе ракӏарун рукӏарал гӏадамазул гӏемерлъиялъ Гӏисада аскӏове восизе санагӏат ккечӏелъул, гьев вугеб рукъалъул тӏохги бичун, гьениса гъоркье биччазе ккана унтарав тӏад лъураб турут. 5Гьел гӏадамазул божи бихьун, Гӏисаца унтарасда абуна:
– Мунагьаздаса вацӏцӏалъана, дир вас, мун!
6Гьенир гӏодор чӏун рукӏарал цо-цо диниял гӏалимзабаз пикру гьабуна: 7«Аллагьасде гӏасилъунцин гурищ гьав вугев? Гӏицӏго Аллагьасда гурони, лъида кӏолеб инсанасул мунагь чуризе?»
8Гӏисада гьебсагӏат лъана жиндир хӏакъалъулъ гьезул гьединал пикраби рукӏин. Гьездехун вуссун, Гӏисаца абуна:
– Щай нужеца нужерго рекӏелъе гьединал пикраби риччалел? 9Кинаб бигьаяб: унтарасда «Мун мунагьаздаса вацӏцӏалъанилан» абизейищ, яги «Тӏаде вахъун, дурго турутги босун, вилълъанхъейилан» абизейищ? 10Амма нужеда лъан букӏа: Гӏадамил Лъимадул ихтияр буго гьаб ракьалда гӏадамазул мунагьал тӏасалъугьун тезе, – янги абун, Гӏиса унтарасдехун вуссана:
– 11Дица дуда абулеб буго: тӏаде вахъа, дурго турутги босун, рокъове а!
12Ралагьун гӏадамалгун гьев чи гьебсагӏат тӏаде вахъуна, жиндирго турутги босун, къватӏиве уна. Киназго хӏикмалъун Аллагьасе рецц гьабуна. Гьез абулеб букӏана гьадинаб иш киданиги бихьичӏилан.
Гӏисаца Левий муридлъун восула
13Гьениса къватӏиве вахъун, Гӏиса нахъеги Галилеялъул ралъдахъе ана. Гьенибеги тӏолабго халкъ бачӏана гьесда хадуб. Гӏисаца гьезиеги гьабуна вагӏза-насихӏат. 14Нухлул хӏакъ бакӏарулеб бакӏалда гӏодов чӏун вихьарав Алфейил Левий абулев гьеб ишалъе тӏамурав чиясда цевесан унаго, Гӏисаца гьесда абула:
– Дида цадахъ вилълъа, – ян.
Вахъун Гӏисада цадахъ уна гьевги.
15Гьале Левийил бакӏалда кваналев вукӏана Гӏиса. Гьесда ва гьесул муридазда цадахъ гӏодор чӏун кваналел рукӏана гӏемерал магъало бакӏарулел чагӏи ва цогидабги мунагь-хӏакъалъул агьлу. Гӏисада цадахъ ругезда гъорлъ гӏемер рукӏана гьеб тайпаялъул гӏадамал. 16Гӏисада аскӏор гӏодор чӏун кваналел гьел рихьидал, фарисеязул диниял гӏалимзабаз гьесул муридазда абулаан:
– Магъало бакӏарулел чагӏаздаги цогидаб мунагь-хӏакъалъул агьлуялдаги цадахъ квана-гьекъон вукӏине бегьилищ гьав?
17Гьеб рагӏун, Гӏисаца гьезда абуна:
– Сахазе гурев тохтир хӏажалъулев, унтаразейин. Аллагьасде руссине муъминзаби ахӏизе гуро дунги вачӏун вугев, мунапикъзаби ахӏизейин.
Кӏал кквеялъул хӏакъалъулъ
18Яхӏял муридазги фарисеязги кӏал ккураб заман букӏана гьеб. Аскӏоре рачӏун гӏадамаз Гӏисада гьикъана:
– Яхӏял муридалги фарисеязулалги кӏал ккун ругеб мехалъ, гьал дур муридаз щай кӏал кколареб? – абун.
19Гӏисаца гьезда абуна:
– Бахӏарав аскӏов вугебгӏан мехалъ, гьес берталъе ахӏарал гьудулзаби квана-гьекъечӏого кӏал ккундайха рукӏинел? Бахӏарав аскӏов вугебгӏан мехалъ гьез кӏал кквезе бегьуларо. 20Рачӏина бахӏарав гьезухъа вахъун арал къоялги, гьеле гьел къояз кквела гьез кӏалги. 21Лъицаниги баларо басрияб ратӏлида цӏияб рукъи: цӏияб букъулаго басрияб бихъун ина, каратӏги дагьабги кӏодолъила. 22Лъицаниги тӏоларо басрияб рахълъеналъубе цӏияб чагъирги. Гьелъ рахълъен багьизабула, гьебмехалъ чагъирги рахълъенги хола. Цӏияб чагъир тӏезе ккола цӏияб рахълъеналъубе.
Шамат къоялъул хӏакъалъулъ
23Пуланаб шамат къоялъ Гӏиса унев вукӏана цо хурзабахъан. Гьенисан унаго, ролъул тӏорал ретӏизе лъугьана гьесул муридал. 24Гьебмехалъ фарисеяз Гӏисада абуна:
– Балагье шамат къоялъ гъоз гьабулеб бугеб жо: Мусал къануналъ гьабизе гьукъараб иш гьабулеб буго.
25Гӏисаца гьезда абуна:
– Унго, киданиги цӏаличӏебищ нужеца, живгоги цадахъ рукӏаралги рес къотӏун, ракъун хутӏидал, Давудица щиб гьабурабали? 26Бищунго кӏудияв кашишлъун Абиатар вугеб заманаялда, Аллагьасул рокъове жанивеги лъугьун, гьениса босун Давудица жинцагоги кванан буго, цадахъ рукӏаразеги кьун буго гӏицӏго кашишзабаз гурони кваназе гьукъараб чед.
27Цинги Гӏисаца гьезда абуна:
– Гӏадамал шамат къоялъе гӏоло гуро рижун ругел, шамат къо гӏадамазе гӏоло бижун буго. 28Гьединлъидалин шамат къоялъулги ихтияр Гӏадамил Лъимадухъ бугеб.
Избрани в момента:
Маркица бицараб Рохалил хабар 2: AvrNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008
Маркица бицараб Рохалил хабар 2
2
2 бетӏер
Гӏисаца сахлъизавула палижалъ ккурав чи
1Чанго къоялдасан Гӏиса нахъеги Капернаумалде вачӏана. Гьебсагӏат гӏадамазда лъана гьев рокъове тӏадвуссун вукӏин. 2Гьесухъе бачӏараб халкъалъул гӏемерлъиялъ нуцӏикӏалтӏацин хутӏун букӏинчӏо гӏадамазе чӏезе бакӏ. Гьезие Рохалил хабар бицунев вукӏана Гӏиса. 3Гьебмехалъ ункъояс восун гьениве вачӏана палижалъ ккурав цо чи. 4Кӏалтӏе ракӏарун рукӏарал гӏадамазул гӏемерлъиялъ Гӏисада аскӏове восизе санагӏат ккечӏелъул, гьев вугеб рукъалъул тӏохги бичун, гьениса гъоркье биччазе ккана унтарав тӏад лъураб турут. 5Гьел гӏадамазул божи бихьун, Гӏисаца унтарасда абуна:
– Мунагьаздаса вацӏцӏалъана, дир вас, мун!
6Гьенир гӏодор чӏун рукӏарал цо-цо диниял гӏалимзабаз пикру гьабуна: 7«Аллагьасде гӏасилъунцин гурищ гьав вугев? Гӏицӏго Аллагьасда гурони, лъида кӏолеб инсанасул мунагь чуризе?»
8Гӏисада гьебсагӏат лъана жиндир хӏакъалъулъ гьезул гьединал пикраби рукӏин. Гьездехун вуссун, Гӏисаца абуна:
– Щай нужеца нужерго рекӏелъе гьединал пикраби риччалел? 9Кинаб бигьаяб: унтарасда «Мун мунагьаздаса вацӏцӏалъанилан» абизейищ, яги «Тӏаде вахъун, дурго турутги босун, вилълъанхъейилан» абизейищ? 10Амма нужеда лъан букӏа: Гӏадамил Лъимадул ихтияр буго гьаб ракьалда гӏадамазул мунагьал тӏасалъугьун тезе, – янги абун, Гӏиса унтарасдехун вуссана:
– 11Дица дуда абулеб буго: тӏаде вахъа, дурго турутги босун, рокъове а!
12Ралагьун гӏадамалгун гьев чи гьебсагӏат тӏаде вахъуна, жиндирго турутги босун, къватӏиве уна. Киназго хӏикмалъун Аллагьасе рецц гьабуна. Гьез абулеб букӏана гьадинаб иш киданиги бихьичӏилан.
Гӏисаца Левий муридлъун восула
13Гьениса къватӏиве вахъун, Гӏиса нахъеги Галилеялъул ралъдахъе ана. Гьенибеги тӏолабго халкъ бачӏана гьесда хадуб. Гӏисаца гьезиеги гьабуна вагӏза-насихӏат. 14Нухлул хӏакъ бакӏарулеб бакӏалда гӏодов чӏун вихьарав Алфейил Левий абулев гьеб ишалъе тӏамурав чиясда цевесан унаго, Гӏисаца гьесда абула:
– Дида цадахъ вилълъа, – ян.
Вахъун Гӏисада цадахъ уна гьевги.
15Гьале Левийил бакӏалда кваналев вукӏана Гӏиса. Гьесда ва гьесул муридазда цадахъ гӏодор чӏун кваналел рукӏана гӏемерал магъало бакӏарулел чагӏи ва цогидабги мунагь-хӏакъалъул агьлу. Гӏисада цадахъ ругезда гъорлъ гӏемер рукӏана гьеб тайпаялъул гӏадамал. 16Гӏисада аскӏор гӏодор чӏун кваналел гьел рихьидал, фарисеязул диниял гӏалимзабаз гьесул муридазда абулаан:
– Магъало бакӏарулел чагӏаздаги цогидаб мунагь-хӏакъалъул агьлуялдаги цадахъ квана-гьекъон вукӏине бегьилищ гьав?
17Гьеб рагӏун, Гӏисаца гьезда абуна:
– Сахазе гурев тохтир хӏажалъулев, унтаразейин. Аллагьасде руссине муъминзаби ахӏизе гуро дунги вачӏун вугев, мунапикъзаби ахӏизейин.
Кӏал кквеялъул хӏакъалъулъ
18Яхӏял муридазги фарисеязги кӏал ккураб заман букӏана гьеб. Аскӏоре рачӏун гӏадамаз Гӏисада гьикъана:
– Яхӏял муридалги фарисеязулалги кӏал ккун ругеб мехалъ, гьал дур муридаз щай кӏал кколареб? – абун.
19Гӏисаца гьезда абуна:
– Бахӏарав аскӏов вугебгӏан мехалъ, гьес берталъе ахӏарал гьудулзаби квана-гьекъечӏого кӏал ккундайха рукӏинел? Бахӏарав аскӏов вугебгӏан мехалъ гьез кӏал кквезе бегьуларо. 20Рачӏина бахӏарав гьезухъа вахъун арал къоялги, гьеле гьел къояз кквела гьез кӏалги. 21Лъицаниги баларо басрияб ратӏлида цӏияб рукъи: цӏияб букъулаго басрияб бихъун ина, каратӏги дагьабги кӏодолъила. 22Лъицаниги тӏоларо басрияб рахълъеналъубе цӏияб чагъирги. Гьелъ рахълъен багьизабула, гьебмехалъ чагъирги рахълъенги хола. Цӏияб чагъир тӏезе ккола цӏияб рахълъеналъубе.
Шамат къоялъул хӏакъалъулъ
23Пуланаб шамат къоялъ Гӏиса унев вукӏана цо хурзабахъан. Гьенисан унаго, ролъул тӏорал ретӏизе лъугьана гьесул муридал. 24Гьебмехалъ фарисеяз Гӏисада абуна:
– Балагье шамат къоялъ гъоз гьабулеб бугеб жо: Мусал къануналъ гьабизе гьукъараб иш гьабулеб буго.
25Гӏисаца гьезда абуна:
– Унго, киданиги цӏаличӏебищ нужеца, живгоги цадахъ рукӏаралги рес къотӏун, ракъун хутӏидал, Давудица щиб гьабурабали? 26Бищунго кӏудияв кашишлъун Абиатар вугеб заманаялда, Аллагьасул рокъове жанивеги лъугьун, гьениса босун Давудица жинцагоги кванан буго, цадахъ рукӏаразеги кьун буго гӏицӏго кашишзабаз гурони кваназе гьукъараб чед.
27Цинги Гӏисаца гьезда абуна:
– Гӏадамал шамат къоялъе гӏоло гуро рижун ругел, шамат къо гӏадамазе гӏоло бижун буго. 28Гьединлъидалин шамат къоялъулги ихтияр Гӏадамил Лъимадухъ бугеб.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Библия таржама гьабиялъул институт Москва 2008