Эклц 2
2
1Тиигҗ теңгр болн һазр, цуг теднә зүсн-зүүл бәәдлнь күцәгдв. 2Доладгч өдр күртл, Бурхн кеҗәсн көдлмшән чиләв. Доладгч өдртән Тер кеҗәсн эврәннь көдлмшәсн амрв. 3Бурхн доладгч өдр йөрәһәд, терүнд әрүн өдр гив. Яһад гихлә эн өдр Бурхн үүдәҗ болн күцәҗ бәәсн көдлмшәсн амрв.
Адам Ева хойр
4Теңгр һазр хойр үүдәгдснә тускар тууҗлҗ келлһн эн. Деед Эзн Бурхн теңгр һазр хойриг үүдәҗәх цагт, 5һазр деер тиигхд тәрәнә бура чигн уга билә, тәрәнә ноһан чигн урһад уга билә. Яһад гихлә Деед Эзн һазрт хур өгчәсмн уга бәәҗ, һазриг эд-бод кедг күн уга бәәҗ, 6болв һазрас усн һарад, терүг кевтнь услдг болв. 7Тегәд Деед Эзн Бурхн күүг һазрин#2:7 «Күн» (евр. адам) болн «һазр» (евр. адама) гидг үгмүд еврей бичврт үгмүдин ирлцән болҗана. тооснас үүдәһәд, терүнә хамрар әмдин ки үләһәд орулв. Тегәд күн әмтә болв.
8Хөөннь Деед Эзн Бурхн дорд үзгин Эден гидг һазрт сад суулһв. Терүнд үүдәсн күүһән Тер орулҗ бәәлһв. 9Деед Эзн Бурхн зүсәрн ке болн хот кехд туста цуг зүсн-зүүл модд һазрас урһав. Садын тал дунд җирһлин модн болн цаһан сана, хар сана медх хойр мод урһаҗ.
10Садыг услдг һол Эденәс эклцән авч. Терүнәс тер һол 4 урсхулд хувагдҗ урсдг бәәҗ. 11Түрүңкнь Пишон гидг нертә бәәҗ: тернь алтн бәәх Хавила гидг һазриг кевтнь бүсләд урсна. (12Тер һазрин алтнь сән, тенд бас сән үнртә модна салм, оникс гидг эрднь чолун бәәҗ.) 13Хойрдгч һол Гихон гидг нертә: эннь Куш#2:13 Месопотамийин өмн-дорд үзг чигн болх; Библьд грек келәр Эфиопия. һазриг кевтнь эргәд урсна. 14Һурвдгч һол Хиддекель#2:14 Эс гихлә Тигр. гидг нертә: эннь Ашурас дорд үзг тал гүүнә. Дөрвдгч һол Епрат гидг нертә.
15Садыг хәләтхә, терүнд килмҗән өгтхә гиһәд, Деед Эзн Бурхн Эденә садт күүг орулҗ бәәлһв. 16Деед Эзн Бурхн иим заквр күүнд өгв:
– Сад дотр бәәх дурта моднас темс идҗ чадҗанач, 17болв цаһан сана болн хар сана медх моднас темс бичә ид. Яһад гихлә терүнәс темс идхләрн, чи эрк биш үкҗ одхич.
18Деед Эзн Бурхн тиигхлә келв:
– Күн һанцарн бәәхд сән биш, Би терүнд ирлцх дүңгә нөкд үүдәнәв.
19Деед Эзн Бурхн һазрас зерлг аңгудыг цугтаһинь, теңгрин шовудыг цугтаһинь үүдәв. Дәкәд теднд күн ямаран нер өгхинь медхәр, Деед Эзн Бурхн тедниг күн тал авч ирнә. Тегәд әмтә-киитә тоот күүнә өгсн нерд зүүцхәв. 20Тегәд күн цуг малд, теңгрин цуг шовудт болн көдән цуг аңгудт нер өгв. Болв Адамд ирлцх дүңгә нөкд олдсн уга. 21Тиигхлә Деед Эзн Бурхн күүг бат нөөрт орулв. Терүг унтҗ кевттл, Бурхн терүнә нег хавсинь авад, орминь махар бүтәнә. 22Күүнәс татҗ авсн хавснас Деед Эзн Бурхн күүкд кү үүдәнә. Энүг терүн тал дахулҗ ирнә. 23Күн келв:
– Тиигәд ода эн ясн мини яснас, махн мини махнас: эн «күүкд күн»#2:23 «Күүкд күн» (евр. ишша) болн «залу күн» (евр. иш) гидг үгмүд еврей бичврт үгмүдин ирлцән болҗана. гиҗ нерәдгдх, яһад гихлә залу күүнә цогцас авгдла.
24Тер учрас залу күн эцк эк хойран үлдәһәд, гергнләһән ниилх, тегәд тедн нег цогц-махмуд болх.
25Күн чигн, терүнә гергн чигн нүцкн бәәҗ, болв ичҗәсмн уга.
Избрани в момента:
Эклц 2: ХКО_ӘБ
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2002-2023