Lik Ejiptơ 27
27
Cơnòng ơn phan ơn chu pơrguc
1Lơh tĕ dô nơm cơnòng duh khoai mơ chi sitim, jơnhoa dô met pe; gơ gơs poan gah ring bal, jòng bàr met bàr mơ ơnàng bàr met. 2Lơh tĕ dô nơm ngke di kòp poan nơm mum cơnòng ơn phan duh khoai, ală ngke mơ cơnòng gơđềt bal dô bă, mơ ƀềp gơ mơ kòng. 3Jơh ală phan ngui bal mơ gơ kung lơh tĕ mơ kòng, hơ̆ la ală yang ơn bùh mơ ală cơnhŏ chŏ bùh, ală thùng ơn dà, ală cơnhŏ sề mơ ală chàng ơn ồs rnga. 4Lơh tĕ cơnòng duh khoai in dô nơm phan cang kung be bơtơng mơ kòng, di kòp nơm tòm poan mum gơ dê gen lơh tĕ dô nơm dơwàng mơ kòng. 5Ơn tĕ gơtòm dơlam cơnòng ơn phan duh khoai, digùl đah jơnhoa cơnòng dê. 6Mòn tĕ ală mơng tùng mơ chi sitim cơnòng duh khoai in mơ ƀềp gơ mơ kòng, 7Ală mơng tùng hơ̆ pal tơmut tòm ală dơwàng; bol gơ rơp ơm di bàr gah cơnòng ơn phan duh khoai tòm tŭ cau tùng gơ. 8Lơh tĕ cơnòng mơ mpàn, brong tòm dơlam, tòm toh jat be Añ neh sơnio mê in hơđang mơnơm.
Ƀlàng jơng hìu Sàl Ing Duh Khoai dê
9Lơh tĕ ƀlàng jơng hìu Sàl Ing Duh Khoai in. Đah đơm rơp gơs poan jơt poan met jòng mơ rơp gơs ală bài kơrnìng mơ bài che dơmài lơbơn tàñ hàng mơnĕ, 10bal mơ bàr jơt nơm jrong mơ bàr jơt nơm trồm jrong mơ kòng, kơlnĕ mơ priă mơ ală che kơt di ală jrong. 11Đah đang kung rơp gơs poan jơt poan met jòng mơ gơs bài kơrnìng bal mơ bàr jơt nơm jrong mơ bàr jơt nơm trồm jrong mơ kòng bal mơ ală kơlnĕ mơ priă mơ ală che kơt di ală jrong. 12Đah mattơngai mut ƀlàng jơng hìu dê rơp gơs bàr jơt bàr met ơnàng mơ gơs ală bài kơrnìng bal mơ jơt nơm jrong mơ jơt nơm trồm jrong. 13Wèt hơ mattơngai lik, ƀlàng jơng hìu kung la bàr jơt bàr met ơnàng. 14Gơs prau met prau bài dơrñang, pe nơm jrong mơ pe nơm trồm jrong; 15Ai bài kơrnìng prau met prau jòng rơp ơm di gah mpồng mut, gơs pe nơm jrong mơ pe nơm trồm jrong. 16Mpồng mut di ƀlàng jơng hìu gơs dô blah bài kơrnìng jòng phàm met phàm tàñ mơ che brài dà tơlir trồ, dà gur mơ dà pơrhê mơ bài che dơmài lơbơn tàñ hàng mơnĕ, la broă cau chài jing bơka dê, bal mơ poan nơm jrong mơ poan nơm trồm jrong. 17Jơh ală jrong gùt dar ƀlàng jơng hìu rơp gơs ală che pùt mơ priă, ală kơlnĕ kwĕ jrong lơh mơ priă ală trồm jrong mơ kòng. 18Ƀlàng jơng hìu la poan jơt poan met jòng mơ bàr met ơnàng, gơs ală bài kơrnìng mơ bài che dơmài lơbơn tàñ hàng mơnĕ, bàr jơt bàr met jơnhoa bal mơ ală trồm jrong mơ kòng. 19Jơh ală phan lơi ngui tòm broă duh khoai tòm Hìu Ing Duh Khoai, kòp bal tơn ală mơng sơntơp sàl Hìu Ing Duh Khoai mơ ƀlàng jơng hìu dê, rơp lơh mơ kòng.
Mơñà ồs jơng đèng
20Sồr tĕ cau Israel cèng mê in mơñà ôlibe neh pat mơ kơnềng sàng ngan nàng ngui lơh mơñà ồs đèng tồ gơ àng sùm sùm. 21Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.
Избрани в момента:
Lik Ejiptơ 27: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.
Lik Ejiptơ 27
27
Cơnòng ơn phan ơn chu pơrguc
1Lơh tĕ dô nơm cơnòng duh khoai mơ chi sitim, jơnhoa dô met pe; gơ gơs poan gah ring bal, jòng bàr met bàr mơ ơnàng bàr met. 2Lơh tĕ dô nơm ngke di kòp poan nơm mum cơnòng ơn phan duh khoai, ală ngke mơ cơnòng gơđềt bal dô bă, mơ ƀềp gơ mơ kòng. 3Jơh ală phan ngui bal mơ gơ kung lơh tĕ mơ kòng, hơ̆ la ală yang ơn bùh mơ ală cơnhŏ chŏ bùh, ală thùng ơn dà, ală cơnhŏ sề mơ ală chàng ơn ồs rnga. 4Lơh tĕ cơnòng duh khoai in dô nơm phan cang kung be bơtơng mơ kòng, di kòp nơm tòm poan mum gơ dê gen lơh tĕ dô nơm dơwàng mơ kòng. 5Ơn tĕ gơtòm dơlam cơnòng ơn phan duh khoai, digùl đah jơnhoa cơnòng dê. 6Mòn tĕ ală mơng tùng mơ chi sitim cơnòng duh khoai in mơ ƀềp gơ mơ kòng, 7Ală mơng tùng hơ̆ pal tơmut tòm ală dơwàng; bol gơ rơp ơm di bàr gah cơnòng ơn phan duh khoai tòm tŭ cau tùng gơ. 8Lơh tĕ cơnòng mơ mpàn, brong tòm dơlam, tòm toh jat be Añ neh sơnio mê in hơđang mơnơm.
Ƀlàng jơng hìu Sàl Ing Duh Khoai dê
9Lơh tĕ ƀlàng jơng hìu Sàl Ing Duh Khoai in. Đah đơm rơp gơs poan jơt poan met jòng mơ rơp gơs ală bài kơrnìng mơ bài che dơmài lơbơn tàñ hàng mơnĕ, 10bal mơ bàr jơt nơm jrong mơ bàr jơt nơm trồm jrong mơ kòng, kơlnĕ mơ priă mơ ală che kơt di ală jrong. 11Đah đang kung rơp gơs poan jơt poan met jòng mơ gơs bài kơrnìng bal mơ bàr jơt nơm jrong mơ bàr jơt nơm trồm jrong mơ kòng bal mơ ală kơlnĕ mơ priă mơ ală che kơt di ală jrong. 12Đah mattơngai mut ƀlàng jơng hìu dê rơp gơs bàr jơt bàr met ơnàng mơ gơs ală bài kơrnìng bal mơ jơt nơm jrong mơ jơt nơm trồm jrong. 13Wèt hơ mattơngai lik, ƀlàng jơng hìu kung la bàr jơt bàr met ơnàng. 14Gơs prau met prau bài dơrñang, pe nơm jrong mơ pe nơm trồm jrong; 15Ai bài kơrnìng prau met prau jòng rơp ơm di gah mpồng mut, gơs pe nơm jrong mơ pe nơm trồm jrong. 16Mpồng mut di ƀlàng jơng hìu gơs dô blah bài kơrnìng jòng phàm met phàm tàñ mơ che brài dà tơlir trồ, dà gur mơ dà pơrhê mơ bài che dơmài lơbơn tàñ hàng mơnĕ, la broă cau chài jing bơka dê, bal mơ poan nơm jrong mơ poan nơm trồm jrong. 17Jơh ală jrong gùt dar ƀlàng jơng hìu rơp gơs ală che pùt mơ priă, ală kơlnĕ kwĕ jrong lơh mơ priă ală trồm jrong mơ kòng. 18Ƀlàng jơng hìu la poan jơt poan met jòng mơ bàr met ơnàng, gơs ală bài kơrnìng mơ bài che dơmài lơbơn tàñ hàng mơnĕ, bàr jơt bàr met jơnhoa bal mơ ală trồm jrong mơ kòng. 19Jơh ală phan lơi ngui tòm broă duh khoai tòm Hìu Ing Duh Khoai, kòp bal tơn ală mơng sơntơp sàl Hìu Ing Duh Khoai mơ ƀlàng jơng hìu dê, rơp lơh mơ kòng.
Mơñà ồs jơng đèng
20Sồr tĕ cau Israel cèng mê in mơñà ôlibe neh pat mơ kơnềng sàng ngan nàng ngui lơh mơñà ồs đèng tồ gơ àng sùm sùm. 21Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.