Lik Ejiptơ 6
6
Yàng Tom Trồ ho dong tă làng bol Israel
1Gen Yàng Jehôwa đơs mơ Môise lah: “Tŭ do mê rơp sền gŏ bơta Añ rơp lơh di Pharaôn; tài bơh tê gơnap gơnoar Añ jê khai rơp lòi làng bol lik lòt; tài bơh tê gơnap gơnoar Añ jê khai rơp ting bơtrơh bol khai lik bơh di lơgar do.”
2 #
Sơnròp 17:1; 28:3; 35:11; Lik 3:13-15. Yàng Tom Trồ đơs tai mơ Môise lah: “Añ la Yàng Jehôwa. 3Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar#6:3 Js: El Sadai. Dờng; mơya bơh sơnđan Añ la Jehôwa#6:3 Sền jơnau cih kah tòm 3:14. gen Añ òhềt yal tơlik bol khai in git. 4Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih. 5Rlau mơ hơ̆, Añ kung neh kơno jơnau rac ròc cau Israel dê kong cau Ejiptơ kup lơh gơs dĭ, mơ Añ neh kah wơl bơta ho bal Añ jê. 6Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê. 7Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê. 8Mơ Añ rơp cèng bol mê mut tòm lơgar mơ Añ neh pò tê srat să ai Abraham in, ai Isak in, mơ ai Jakôp in. Añ rơp ai gơ bol mê in lơh gơs sre brê. Añ la Yàng Jehôwa.’” 9Môise yal wơl ală jơnau hơ̆ làng bol Israel in; mơya bol khai ò iat khai tài bơh bơta gơplơ̆ nùs mơ bơta duh broă kơnjơ̆ be cau dĭ.
10Gen Yàng Jehôwa đơs mơ Môise lah: 11“Lòt tĕ yal mơ Pharaôn, bơtau Ejiptơ dê, sồr khai lòi làng bol Israel in lik bơh di lơgar khai dê.” 12Mơya Môise đơs mơ Yàng Jehôwa lah: “Làng bol Israel rơp ò iat añ tài bơh añ ò jak đơs, gen Pharaôn rơp iat añ ơ?”
Jơi bơtiàn Môise mơ Arôn dê
13Yàng Jehôwa neh đơs mơ Môise bal mơ Arôn bơh làng bol Israel mơ bơh Pharaôn, bơtau lơgar Ejiptơ dê, mơ Kơnràñ ai jơnau sồr bol khai cèng làng bol Israel lik bơh di lơgar Ejiptơ.
14Do la ală cau sơnròp gơrê bal mơ ồng pàng bol khai dê. Ruben, kòn tơnhoa Israel dê, gơs ală kòn klau la Henok mơ Phalu, Hesrôn mơ Karmi. Hơ̆ la mpồl hìu nhă Ruben dê.
15Ală kòn klau Simeôn dê la Jemuel, Jamin, Ôhat, Jakin, Sôha, mơ Sol la kòn klau dô nă cau ùr Kanaan dê. Hơ̆ la mpồl hìu nhă Simeôn dê.
16 #
Khà 3:17-20; 26:57-58; I Yal 6:16-19. Do la sơnđan mat ală kòn klau Lebi dê, jat be jơi bơtiàn bol khai dê: Gersôn, Kôhat mơ Merari. Lebi kis dô rhiang pe jơt poh nam. 17Ală kòn klau Gersôn, jat jơi bơtiàn khai dê la Lipni, mơ Simei. 18Ală kòn klau Kôhat dê la Amram, Isar, Hebrôn, mơ Usiel. Kehat kis dô rhiang pe jơt pe nam. 19Ală kòn klau Merari dê la Mali, mơ Musi. Hơ̆ la mpồl hìu nhă Lebi dê, jat be jơi bơtiàn bol khai dê.
20Amram bau mơ Jôkebet, la oh ùr bèp khai dê; khai tơnggơs Amram in Arôn mơ Môise. Amram kis dô rhiang pe jơt poh nam. 21Ală kòn klau Isar dê la Kôra, Nephek, Jikri. 22Ală kòn klau Usiel dê la: Misael, Eljaphan, Sitri. 23Arôn bau mơ Eliseba, kòn ùr Aminadap dê, oh ùr Nahasôn; khai tơnggơs Arôn in Nađap, Abihu, Eleajar, mơ Ithamar. 24Ală kòn klau Kôra dê la Assir, Elkana, mơ Abiasap. Hơ̆ la mpồl hìu nhă cau Kôra dê.
25Eleasa, kòn klau Arôn dê, bau mơ kòn ùr Phetuel dê; khai tơnggơs Phenina Eleajar in. Hơ̆ la ală cau sơnròp bồ dà jơi bơtiàn Lebi dê, jat kòp mpồl hìu nhă.
26Hơ̆ la Arôn mơ Môise do, la cau mơ Yàng Jehôwa neh đơs lah: “Cèng tơlik tĕ cau Israel bơh di lơgar Ejiptơ, jat mpồl bol khai dê.” 27Bol khai la ală cau đơs mơ Pharaôn, bơtau lơgar Ejiptơ bơh bơta cèng tơlik làng bol Israel bơh di lơgar Ejiptơ. Hơ̆ la Môise mơ Arôn hơ̆.
Arôn đơs ala Môise
28Tòm ngai Yàng Jehôwa đơs mơ Môise tòm lơgar Ejiptơ, 29gen Kơnràñ đơs mơ khai lah: “Añ la Yàng Jehôwa. Đơs tĕ mơ Pharaôn, bơtau Ejiptơ, jơh ală jơnau Añ đơs mơ mê.” 30Mơya Môise đơs lah: “Tài bơh añ la cau ò jak đơs, Pharaôn rơp iat añ ơ?”
Избрани в момента:
Lik Ejiptơ 6: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.
Lik Ejiptơ 6
6
Yàng Tom Trồ ho dong tă làng bol Israel
1Gen Yàng Jehôwa đơs mơ Môise lah: “Tŭ do mê rơp sền gŏ bơta Añ rơp lơh di Pharaôn; tài bơh tê gơnap gơnoar Añ jê khai rơp lòi làng bol lik lòt; tài bơh tê gơnap gơnoar Añ jê khai rơp ting bơtrơh bol khai lik bơh di lơgar do.”
2 #
Sơnròp 17:1; 28:3; 35:11; Lik 3:13-15. Yàng Tom Trồ đơs tai mơ Môise lah: “Añ la Yàng Jehôwa. 3Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar#6:3 Js: El Sadai. Dờng; mơya bơh sơnđan Añ la Jehôwa#6:3 Sền jơnau cih kah tòm 3:14. gen Añ òhềt yal tơlik bol khai in git. 4Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih. 5Rlau mơ hơ̆, Añ kung neh kơno jơnau rac ròc cau Israel dê kong cau Ejiptơ kup lơh gơs dĭ, mơ Añ neh kah wơl bơta ho bal Añ jê. 6Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê. 7Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê. 8Mơ Añ rơp cèng bol mê mut tòm lơgar mơ Añ neh pò tê srat să ai Abraham in, ai Isak in, mơ ai Jakôp in. Añ rơp ai gơ bol mê in lơh gơs sre brê. Añ la Yàng Jehôwa.’” 9Môise yal wơl ală jơnau hơ̆ làng bol Israel in; mơya bol khai ò iat khai tài bơh bơta gơplơ̆ nùs mơ bơta duh broă kơnjơ̆ be cau dĭ.
10Gen Yàng Jehôwa đơs mơ Môise lah: 11“Lòt tĕ yal mơ Pharaôn, bơtau Ejiptơ dê, sồr khai lòi làng bol Israel in lik bơh di lơgar khai dê.” 12Mơya Môise đơs mơ Yàng Jehôwa lah: “Làng bol Israel rơp ò iat añ tài bơh añ ò jak đơs, gen Pharaôn rơp iat añ ơ?”
Jơi bơtiàn Môise mơ Arôn dê
13Yàng Jehôwa neh đơs mơ Môise bal mơ Arôn bơh làng bol Israel mơ bơh Pharaôn, bơtau lơgar Ejiptơ dê, mơ Kơnràñ ai jơnau sồr bol khai cèng làng bol Israel lik bơh di lơgar Ejiptơ.
14Do la ală cau sơnròp gơrê bal mơ ồng pàng bol khai dê. Ruben, kòn tơnhoa Israel dê, gơs ală kòn klau la Henok mơ Phalu, Hesrôn mơ Karmi. Hơ̆ la mpồl hìu nhă Ruben dê.
15Ală kòn klau Simeôn dê la Jemuel, Jamin, Ôhat, Jakin, Sôha, mơ Sol la kòn klau dô nă cau ùr Kanaan dê. Hơ̆ la mpồl hìu nhă Simeôn dê.
16 #
Khà 3:17-20; 26:57-58; I Yal 6:16-19. Do la sơnđan mat ală kòn klau Lebi dê, jat be jơi bơtiàn bol khai dê: Gersôn, Kôhat mơ Merari. Lebi kis dô rhiang pe jơt poh nam. 17Ală kòn klau Gersôn, jat jơi bơtiàn khai dê la Lipni, mơ Simei. 18Ală kòn klau Kôhat dê la Amram, Isar, Hebrôn, mơ Usiel. Kehat kis dô rhiang pe jơt pe nam. 19Ală kòn klau Merari dê la Mali, mơ Musi. Hơ̆ la mpồl hìu nhă Lebi dê, jat be jơi bơtiàn bol khai dê.
20Amram bau mơ Jôkebet, la oh ùr bèp khai dê; khai tơnggơs Amram in Arôn mơ Môise. Amram kis dô rhiang pe jơt poh nam. 21Ală kòn klau Isar dê la Kôra, Nephek, Jikri. 22Ală kòn klau Usiel dê la: Misael, Eljaphan, Sitri. 23Arôn bau mơ Eliseba, kòn ùr Aminadap dê, oh ùr Nahasôn; khai tơnggơs Arôn in Nađap, Abihu, Eleajar, mơ Ithamar. 24Ală kòn klau Kôra dê la Assir, Elkana, mơ Abiasap. Hơ̆ la mpồl hìu nhă cau Kôra dê.
25Eleasa, kòn klau Arôn dê, bau mơ kòn ùr Phetuel dê; khai tơnggơs Phenina Eleajar in. Hơ̆ la ală cau sơnròp bồ dà jơi bơtiàn Lebi dê, jat kòp mpồl hìu nhă.
26Hơ̆ la Arôn mơ Môise do, la cau mơ Yàng Jehôwa neh đơs lah: “Cèng tơlik tĕ cau Israel bơh di lơgar Ejiptơ, jat mpồl bol khai dê.” 27Bol khai la ală cau đơs mơ Pharaôn, bơtau lơgar Ejiptơ bơh bơta cèng tơlik làng bol Israel bơh di lơgar Ejiptơ. Hơ̆ la Môise mơ Arôn hơ̆.
Arôn đơs ala Môise
28Tòm ngai Yàng Jehôwa đơs mơ Môise tòm lơgar Ejiptơ, 29gen Kơnràñ đơs mơ khai lah: “Añ la Yàng Jehôwa. Đơs tĕ mơ Pharaôn, bơtau Ejiptơ, jơh ală jơnau Añ đơs mơ mê.” 30Mơya Môise đơs lah: “Tài bơh añ la cau ò jak đơs, Pharaôn rơp iat añ ơ?”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.