Sơnròp Gơlik Gơs 34
34
Sicem mơ Dina
1Dina, kòn ùr Lea neh deh Jakôp in, lik lòt nàng còp ală cau ơruh tòm lơgar hơ̆. 2Sicem, kòn klau Hamor, cau Hebit, kwang lơgar hơ̆, gŏ Dina, gen kup, bic bơklơn mơ khai. 3Nùs nhơm khai gơđềt mơ Dina, kòn ơruh Jakôp; khai kòñ gơboh di cau ơruh hơ̆, mơ ai jơnau niam#34:3 Rct: pơndòm nùs. đơs mơ khai. 4Sicem đơs mơ Hamor, bèp khai lah: “Ai tĕ añ in cau ơruh do nàng bau.” 5Tŭ hơ̆ Jakôp git lah cau klau neh lơh roh pơnro niam Dina, kòn ơruh khai dê, mơ ală kòn klau khai gam ơm tòm ƀlàng bal mơ phan poan jơng gen khai ơm mŏ mŏ tus di tŭ bol khai rê.
6Tòm tŭ hơ̆, Hamor bèp Sicem, tus mơ Jakôp nàng tòmbơhbơr mơ khai. 7Ală kòn klau Jakôp rê bơh tòm ƀlàng. Dơ̆ bol khai neh kơno bơh broă hơ̆ gen jê nùs mơ gơjrañ ngan, bơh broă iơh rmơh Sicem neh lơh cau Israel in, bic mơ kòn ơruh Jakôp dê la broă ò di lơh. 8Hamor đơs mơ bol khai lah: “Nùs nhơm Sicem, kòn klau añ, neh đềt mềr mơ cau ơruh ală ồng, dan ai tĕ cau ơruh hơ̆ khai in bau. 9Tòmbau tĕ nàng gơs gơp bơtiàn bal, ală ồng ai ală cau ơruh bol hi in, gen ală ồng bau mơ ală cau ơruh bol hi dê. 10Ơm tĕ mơ bol hi, lơgar neh rcang sir ală ồng in, ơm tĕ kă bro mơ lơh gơlik gơs phan mơna tềng hơ̆.”
11Sicem đơs mơ bèp mơ ală lŏ klau cau ơruh dê lah: “Dan ai añ in geh bơta nđàc di đap ală ồng, mơ ñchi bơta ală ồng dan añ rơp ai. 12Dan tĕ oă phan kơt lap, mơ phan pà gòi, gen añ rơp ai be jơnau ală ồng dan, mơya ai tĕ cau ơruh hơ̆ añ in nàng bau.” 13Ală kòn klau Jakôp ho Sicem mơ Hamor, bèp khai, mơ ai jơnau đơs pơrlồm bol khai, tài bơh Sicem neh lơh roh pơnro niam Dina, oh ùr bol khai dê. 14Ală bol hơ̆ đơs lah: “Ai oh ùr hi dê cau lơi òhềt siat gơltau in bau, hơ̆ la dô nơm broă ò di pal lơh, tài bơh hơ̆ la dô bơta lơh ƀàssìl ƀàsso bol hi in. 15Bol hi rơp lơh jat jơnau ală ồng tŭ lơi ală ồng lơh gơlik be bol hi, hơ̆ la kòp nă cau klau pal siat gơltau. 16Behơ̆, bol hi rơp ai ală cau ơruh bol hi dê ală ồng in, mơ bol hi rơp bau mơ ală cau ơruh ală ồng sơl; gen bol he rơp ơm bal mơ gơlik gơs dô nơm làng bol lơm. 17Mơ dilah ală ồng ò bài lơh jat jơnau bol hi mơ ò bài siat gơltau, gen bol hi ai wơl cau ơruh mơ lòt ơm tiah ndai.”
18Ală jơnau bol khai đơs niam nùs Hamor mơ Sicem, kòn klau khai. 19Cau pơnu hơ̆ ò gơn rlĕ adàr broă hơ̆, bơh kòn ơruh Jakôp niam nùs khai. Cau pơnu do la dô nă kòn geh sền dờng màng rlau jơh tòm hìu bèp khai dê.
Simeôn mơ Lebi tơnchơt làng bol lơgar Sicem
20Behơ̆, Hamor mơ Sicem, kòn klau khai, lòt tus di mpồng ƀòn khai dê, mơ đơs be do mơ làng bol tòm ƀòn: 21“Ală bol hơ̆ ơm ring lơngai digùl bol he, behơ̆ ai bol khai in ơm tòm lơgar nàng kă bro. Do lơgar kung ơnàng bol khai in ơm, bol he rơp bau mơ cau ơruh bol khai, mơ ai wơl ală kòn ơruh he dê bol khai in, 22Mơya bol khai kòñ ơm bal mơ bol he nàng gơlik gơs dô nơm làng bol, la tŭ lơi ală cau klau tòm bol he siat gơltau kung be kòp nă cau klau bol khai dê. 23Gen behơ̆, ală phan poan jơng, ală phan mơna mơ ală phan ròng ndai bol khai dê rơp gơrê bal mơ bol he ò ơ? Bol he lơh jat tĕ bol khai tòm bơta hơ̆ nàng bol khai ơm bal mơ bol he.”
24Kòp nă lik hơ bơdìh mpồng ƀòn he nàng iat Hamor mơ Sicem, kòn klau khai, mơ jơh ală cau klau lik hơ bơdìh mpồng ƀòn kong siat gơltau.
25Tus di ngai pe, tòm tŭ kòp nă jê sồt, gen bàr nă kòn klau Jakôp la Simeôn mơ Lebi, ală bi Dina, bol khai at đào he dê, mut tòm ƀòn tòm tŭ ală cau ơm lơngai mơ sreh jơh ală cau klau. 26Bàr nă bol khai ai đào sreh chơt Hamor mơ Sicem, kòn klau khai dê, ai Dina lik bơh hìu Sicem mơ lòt. 27Bơh bol hơ̆ neh lơh tơnroh pơnro niam oh ơruh bol khai dê; behơ̆, ală kòn klau Jakôp lòt tus jă hơđang ală cau chơt mơ phà kơñau ƀòn hơ̆. 28Bol khai kup ală mpồl belàt kơnrồ, alàng, ală phan tòm ƀòn mơ tòm ƀlàng, 29mơ kup ai jơh phan mơna, ală kơnòm bal mơ cau ùr, kung ai jơh ală phan lơi tòm hìu sơl.
30Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.” 31Bol khai ho lah: “Bol hi kong jai cau lơh di oh ùr hi be cau dri ơ?”
Избрани в момента:
Sơnròp Gơlik Gơs 34: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.
Sơnròp Gơlik Gơs 34
34
Sicem mơ Dina
1Dina, kòn ùr Lea neh deh Jakôp in, lik lòt nàng còp ală cau ơruh tòm lơgar hơ̆. 2Sicem, kòn klau Hamor, cau Hebit, kwang lơgar hơ̆, gŏ Dina, gen kup, bic bơklơn mơ khai. 3Nùs nhơm khai gơđềt mơ Dina, kòn ơruh Jakôp; khai kòñ gơboh di cau ơruh hơ̆, mơ ai jơnau niam#34:3 Rct: pơndòm nùs. đơs mơ khai. 4Sicem đơs mơ Hamor, bèp khai lah: “Ai tĕ añ in cau ơruh do nàng bau.” 5Tŭ hơ̆ Jakôp git lah cau klau neh lơh roh pơnro niam Dina, kòn ơruh khai dê, mơ ală kòn klau khai gam ơm tòm ƀlàng bal mơ phan poan jơng gen khai ơm mŏ mŏ tus di tŭ bol khai rê.
6Tòm tŭ hơ̆, Hamor bèp Sicem, tus mơ Jakôp nàng tòmbơhbơr mơ khai. 7Ală kòn klau Jakôp rê bơh tòm ƀlàng. Dơ̆ bol khai neh kơno bơh broă hơ̆ gen jê nùs mơ gơjrañ ngan, bơh broă iơh rmơh Sicem neh lơh cau Israel in, bic mơ kòn ơruh Jakôp dê la broă ò di lơh. 8Hamor đơs mơ bol khai lah: “Nùs nhơm Sicem, kòn klau añ, neh đềt mềr mơ cau ơruh ală ồng, dan ai tĕ cau ơruh hơ̆ khai in bau. 9Tòmbau tĕ nàng gơs gơp bơtiàn bal, ală ồng ai ală cau ơruh bol hi in, gen ală ồng bau mơ ală cau ơruh bol hi dê. 10Ơm tĕ mơ bol hi, lơgar neh rcang sir ală ồng in, ơm tĕ kă bro mơ lơh gơlik gơs phan mơna tềng hơ̆.”
11Sicem đơs mơ bèp mơ ală lŏ klau cau ơruh dê lah: “Dan ai añ in geh bơta nđàc di đap ală ồng, mơ ñchi bơta ală ồng dan añ rơp ai. 12Dan tĕ oă phan kơt lap, mơ phan pà gòi, gen añ rơp ai be jơnau ală ồng dan, mơya ai tĕ cau ơruh hơ̆ añ in nàng bau.” 13Ală kòn klau Jakôp ho Sicem mơ Hamor, bèp khai, mơ ai jơnau đơs pơrlồm bol khai, tài bơh Sicem neh lơh roh pơnro niam Dina, oh ùr bol khai dê. 14Ală bol hơ̆ đơs lah: “Ai oh ùr hi dê cau lơi òhềt siat gơltau in bau, hơ̆ la dô nơm broă ò di pal lơh, tài bơh hơ̆ la dô bơta lơh ƀàssìl ƀàsso bol hi in. 15Bol hi rơp lơh jat jơnau ală ồng tŭ lơi ală ồng lơh gơlik be bol hi, hơ̆ la kòp nă cau klau pal siat gơltau. 16Behơ̆, bol hi rơp ai ală cau ơruh bol hi dê ală ồng in, mơ bol hi rơp bau mơ ală cau ơruh ală ồng sơl; gen bol he rơp ơm bal mơ gơlik gơs dô nơm làng bol lơm. 17Mơ dilah ală ồng ò bài lơh jat jơnau bol hi mơ ò bài siat gơltau, gen bol hi ai wơl cau ơruh mơ lòt ơm tiah ndai.”
18Ală jơnau bol khai đơs niam nùs Hamor mơ Sicem, kòn klau khai. 19Cau pơnu hơ̆ ò gơn rlĕ adàr broă hơ̆, bơh kòn ơruh Jakôp niam nùs khai. Cau pơnu do la dô nă kòn geh sền dờng màng rlau jơh tòm hìu bèp khai dê.
Simeôn mơ Lebi tơnchơt làng bol lơgar Sicem
20Behơ̆, Hamor mơ Sicem, kòn klau khai, lòt tus di mpồng ƀòn khai dê, mơ đơs be do mơ làng bol tòm ƀòn: 21“Ală bol hơ̆ ơm ring lơngai digùl bol he, behơ̆ ai bol khai in ơm tòm lơgar nàng kă bro. Do lơgar kung ơnàng bol khai in ơm, bol he rơp bau mơ cau ơruh bol khai, mơ ai wơl ală kòn ơruh he dê bol khai in, 22Mơya bol khai kòñ ơm bal mơ bol he nàng gơlik gơs dô nơm làng bol, la tŭ lơi ală cau klau tòm bol he siat gơltau kung be kòp nă cau klau bol khai dê. 23Gen behơ̆, ală phan poan jơng, ală phan mơna mơ ală phan ròng ndai bol khai dê rơp gơrê bal mơ bol he ò ơ? Bol he lơh jat tĕ bol khai tòm bơta hơ̆ nàng bol khai ơm bal mơ bol he.”
24Kòp nă lik hơ bơdìh mpồng ƀòn he nàng iat Hamor mơ Sicem, kòn klau khai, mơ jơh ală cau klau lik hơ bơdìh mpồng ƀòn kong siat gơltau.
25Tus di ngai pe, tòm tŭ kòp nă jê sồt, gen bàr nă kòn klau Jakôp la Simeôn mơ Lebi, ală bi Dina, bol khai at đào he dê, mut tòm ƀòn tòm tŭ ală cau ơm lơngai mơ sreh jơh ală cau klau. 26Bàr nă bol khai ai đào sreh chơt Hamor mơ Sicem, kòn klau khai dê, ai Dina lik bơh hìu Sicem mơ lòt. 27Bơh bol hơ̆ neh lơh tơnroh pơnro niam oh ơruh bol khai dê; behơ̆, ală kòn klau Jakôp lòt tus jă hơđang ală cau chơt mơ phà kơñau ƀòn hơ̆. 28Bol khai kup ală mpồl belàt kơnrồ, alàng, ală phan tòm ƀòn mơ tòm ƀlàng, 29mơ kup ai jơh phan mơna, ală kơnòm bal mơ cau ùr, kung ai jơh ală phan lơi tòm hìu sơl.
30Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.” 31Bol khai ho lah: “Bol hi kong jai cau lơh di oh ùr hi be cau dri ơ?”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.