Sơnròp Gơlik Gơs 40
40
Jôsep yal jơnau gơtha bơta mpau cau kwang at bồ yò ñô dê mơ cau kwang at bồ lơh ƀañ Pharaôn dê
1Tơnơ̆ mơ ală broă do, gơs cau kwang at bồ yò ñô mơ cau kwang at bồ lơh ƀañ lơh ò niam nùs cau tòm bol khai dê la bơtau lơgar Ejiptơ. 2Pharaôn gơjrañ di bàr nă cau kwang khai dê, la kwang at bồ yò ñô mơ cau kwang at bồ lơh ƀañ. 3Mơ kup krơ̆ bol khai tòm hìu jàm tòm hìu cau kwang at bồ ling la tiah jàm Jôsep. 4Cau kwang ling sồr Jôsep duh broă bàr nă cau kwang hơ̆ in. Bol khai ơm jàm tòm dô êt ngai.
5Tòm dô mang ne, cau kwang at bồ yò ñô mơ kwang at bồ lơh ƀañ bơtau Ejiptơ dê, tòm tŭ bol khai ơm jàm, gŏ dô bơta mpau, kòp nă kòp bơta mpau is, mơ kòp bơta mpau gơs jơnau gơtha is gơ dê. 6Drim hìng, Jôsep tus mơ bol khai, sền gŏ bol khai moat jrùng, 7gen lùp bàr nă cau kwang Pharaôn dê ơm bal mơ khai tòm hìu jàm cau tòm khai dê, lah: “Ñchi bơh tài ngai do bàr nă ồng gơs muh mat moat jrùng behơ̆ taih?” 8Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”
9Cau kwang at bồ yò ñô yal bơta mpau khai dê Jôsep in lah: “Tòm bơta mpau añ jê, añ gŏ dô đòm ño ơm di đap añ; 10tòm ño hơ̆ gơs pe ntê. Añ gŏ pe ntê hơ̆ rơp cat, gơs bơkào, dơrkum gơs plai dum. 11Tê añ at mơngàn Pharaôn dê, añ pic plai ño hơ̆, pat dà ño tòm mơngàn, gen tong gơ dê tê Pharaôn.” 12Jôsep đơs lah: “Gơtha mpau hơ̆ la be do: Pe ntê ño hơ̆ la pe ngai. 13Tòm pe ngai tai, Pharaôn rơp toh ồng bơh dê hìu jàm, ai wơl gơnoar ồng in, ồng tong mơngàn Pharaôn dê tòm tê khai be lài òr, be tòm tŭ ồng gam gơs kwang at bồ yò ñô. 14Tơnơ̆ mơ tŭ ồng neh geh bơta nđàc hơ̆ rau, dan kah wơl añ mơ yal mơ Pharaôn bơh añ, mơ lam añ lik klàs bơh tiah do. 15Bơh añ neh cau kơñau bơh dê lơgar Hebrơ, mơ tềng do añ kung ò tìs glài lơi mơ cau jàm añ tòm hìu do.”
16Dơ̆ cau kwang at bồ lơh ƀañ gŏ Jôsep yal jơnau gơtha mpau la niam, gen khai đơs: “Mơ tòm bơta mpau añ jê, añ đoa pe lơ-i piang lă hơđang bồ. 17Tòm lơ-i hơđang rlau jơh gơs tơl ală piang lă cau buh Pharaôn in, sềm rơp tòm lơ-i hơđang bồ añ sa ală phan hơ̆.” 18Jôsep đơs lah: “Jơnau gơtha mpau do lah: pe lơ-i la pe ngai. 19Tòm pe ngai tai, Pharaôn rơp koh ngko ồng mơ yồng ồng hơđang tòm chi, mơ sềm rơp sa poac ồng.”
20Tus di ngai pe, la tòm toh di ngai deh Pharaôn, khai lơh dô bơta ñô sa ai cau lơh broă khai in, mơ khai toh cau kwang at bồ yò ñô, mơ cau kwang at bồ lơh ƀañ bơh di hìu jàm. 21Pharaôn ai cau kwang at bồ yò ñô in gơnoar be lài òr, nàng khai tong mơngàn tòm tê Pharaôn dê. 22Mơya Pharaôn yồng cau kwang at bồ lơh ƀañ tòm toh be jơnau Jôsep neh yal.
23Ai cau kwang at bồ yò ñô ò kah Jôsep tai, mơya khai neh hŭi.
Избрани в момента:
Sơnròp Gơlik Gơs 40: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.
Sơnròp Gơlik Gơs 40
40
Jôsep yal jơnau gơtha bơta mpau cau kwang at bồ yò ñô dê mơ cau kwang at bồ lơh ƀañ Pharaôn dê
1Tơnơ̆ mơ ală broă do, gơs cau kwang at bồ yò ñô mơ cau kwang at bồ lơh ƀañ lơh ò niam nùs cau tòm bol khai dê la bơtau lơgar Ejiptơ. 2Pharaôn gơjrañ di bàr nă cau kwang khai dê, la kwang at bồ yò ñô mơ cau kwang at bồ lơh ƀañ. 3Mơ kup krơ̆ bol khai tòm hìu jàm tòm hìu cau kwang at bồ ling la tiah jàm Jôsep. 4Cau kwang ling sồr Jôsep duh broă bàr nă cau kwang hơ̆ in. Bol khai ơm jàm tòm dô êt ngai.
5Tòm dô mang ne, cau kwang at bồ yò ñô mơ kwang at bồ lơh ƀañ bơtau Ejiptơ dê, tòm tŭ bol khai ơm jàm, gŏ dô bơta mpau, kòp nă kòp bơta mpau is, mơ kòp bơta mpau gơs jơnau gơtha is gơ dê. 6Drim hìng, Jôsep tus mơ bol khai, sền gŏ bol khai moat jrùng, 7gen lùp bàr nă cau kwang Pharaôn dê ơm bal mơ khai tòm hìu jàm cau tòm khai dê, lah: “Ñchi bơh tài ngai do bàr nă ồng gơs muh mat moat jrùng behơ̆ taih?” 8Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”
9Cau kwang at bồ yò ñô yal bơta mpau khai dê Jôsep in lah: “Tòm bơta mpau añ jê, añ gŏ dô đòm ño ơm di đap añ; 10tòm ño hơ̆ gơs pe ntê. Añ gŏ pe ntê hơ̆ rơp cat, gơs bơkào, dơrkum gơs plai dum. 11Tê añ at mơngàn Pharaôn dê, añ pic plai ño hơ̆, pat dà ño tòm mơngàn, gen tong gơ dê tê Pharaôn.” 12Jôsep đơs lah: “Gơtha mpau hơ̆ la be do: Pe ntê ño hơ̆ la pe ngai. 13Tòm pe ngai tai, Pharaôn rơp toh ồng bơh dê hìu jàm, ai wơl gơnoar ồng in, ồng tong mơngàn Pharaôn dê tòm tê khai be lài òr, be tòm tŭ ồng gam gơs kwang at bồ yò ñô. 14Tơnơ̆ mơ tŭ ồng neh geh bơta nđàc hơ̆ rau, dan kah wơl añ mơ yal mơ Pharaôn bơh añ, mơ lam añ lik klàs bơh tiah do. 15Bơh añ neh cau kơñau bơh dê lơgar Hebrơ, mơ tềng do añ kung ò tìs glài lơi mơ cau jàm añ tòm hìu do.”
16Dơ̆ cau kwang at bồ lơh ƀañ gŏ Jôsep yal jơnau gơtha mpau la niam, gen khai đơs: “Mơ tòm bơta mpau añ jê, añ đoa pe lơ-i piang lă hơđang bồ. 17Tòm lơ-i hơđang rlau jơh gơs tơl ală piang lă cau buh Pharaôn in, sềm rơp tòm lơ-i hơđang bồ añ sa ală phan hơ̆.” 18Jôsep đơs lah: “Jơnau gơtha mpau do lah: pe lơ-i la pe ngai. 19Tòm pe ngai tai, Pharaôn rơp koh ngko ồng mơ yồng ồng hơđang tòm chi, mơ sềm rơp sa poac ồng.”
20Tus di ngai pe, la tòm toh di ngai deh Pharaôn, khai lơh dô bơta ñô sa ai cau lơh broă khai in, mơ khai toh cau kwang at bồ yò ñô, mơ cau kwang at bồ lơh ƀañ bơh di hìu jàm. 21Pharaôn ai cau kwang at bồ yò ñô in gơnoar be lài òr, nàng khai tong mơngàn tòm tê Pharaôn dê. 22Mơya Pharaôn yồng cau kwang at bồ lơh ƀañ tòm toh be jơnau Jôsep neh yal.
23Ai cau kwang at bồ yò ñô ò kah Jôsep tai, mơya khai neh hŭi.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.