Lebi 13
13
Bơta boh lam bơh bơta kòp dun
1Yàng Jehôwa đơs mơ Môise mơ Arôn lah: 2“Tòm tŭ cau lơi gơs as hala toh prền hala tềl bò di gơltau khai dê mơ gơ gơlik gơs dun tòm gơltau, gen cau pal lam khai tus hơ Arôn cau gơnoar ơn phan duh khoai hala tus hơ dô nă tòm ală kòn klau khai dê la cau gơnoar ơn phan duh khoai. 3Cau gơnoar ơn phan duh khoai pal sền sơwì tiah sồt di gơltau cau hơ̆ dê, mơ dilah sơnò di tiah sồt neh gơlik gơs kò mơ tềl sồt sền gơlơh be neh gơ sa jrô rlau gơltau gen hơ̆ la dô bơta sồt dun tòm gơltau. Tòm tŭ cau gơnoar ơn phan duh khoai neh sền sơwì khai gen pal yal lah cau hơ̆ la ò goh jat bơta sồr lam duh khoai.
4Dilah tiah hơđang gơltau khai dê la bò mơ sền ò gơlơh be neh sa jrô rlau mơ gơltau mơ sơnò tòm tiah hơ̆ ò gơlik kò gen cau gơnoar ơn phan duh khoai pal lòi cau hơ̆ ơm is mìng dô nă khai lơm tòm poh ngai. 5Tòm ngai dơ̆ poh, cau gơnoar ơn phan duh khoai pal sền sơwì cau hơ̆, mơ dilah khai gŏ tiah sồt ò tòmgơl mơ neh ò gơ sa rì tòm gơltau gen khai pal lòi cau hơ̆ ơm is mìng dô nă khai tòm poh ngai tai. 6Tòm ngai poh, cau gơnoar ơn phan duh khoai pal sền sơwì cau hơ̆ tai, mơ dilah tiah sồt neh gơlik pàl pàl mơ neh ò gơ sa rì tòm gơltau, gen cau gơnoar ơn phan duh khoai pal yal tơlik lah cau hơ̆ la goh; bơta hơ̆ mìng la dô bơta sồt be òs gơ dê lơm. Cau hơ̆ pal pìh ală ồi ào khai dê mơ khai rơp geh goh. 7Mơya dilah tiah sồt gơ sa rì tòm gơltau khai dê tơnơ̆ mơ tŭ khai neh tus mơ cau gơnoar ơn phan duh khoai mơ neh geh yal tơlik khai la goh, gen khai pal lòt tus tai di đap cau gơnoar ơn phan duh khoai. 8Cau gơnoar ơn phan duh khoai pal sền sơwì cau hơ̆ mơ dilah tiah sồt neh gơ sa rì tòm gơltau, khai pal yal tơlik lah cau hơ̆ la ò goh; bơta hơ̆ la dô bơta kòp dun tòm gơltau.
9Tòm tŭ cau lơi gơs tềl dun tòm gơltau gen khai pal geh cèng tus hơ cau gơnoar ơn phan duh khoai. 10Cau gơnoar ơn phan duh khoai pal sền sơwì cau hơ̆, mơ dilah gơs tiah as bò tòm gơltau lơh sơnò in gơlik kò mơ dilah gơs poac pơrhê tòm tiah as, 11gen hơ̆ la dô bơta sồt tòm gơltau neh jŏ ngai, mơ cau gơnoar ơn phan duh khoai pal yal tơlik lah cau hơ̆ la ò goh. Cau gơnoar ơn phan duh khoai ò càng lòi cau hơ̆ ơm is tai, tài bơh khai neh gơlik gơs ò goh rau.
12Dilah bơta sồt jê gơlik tòm làm jơh gơltau khai dê jat be cau gơnoar ơn phan duh khoai neh gŏ, hơ̆ la gơ neh gơlik làm jơh tòm gơltau bơh bồ tus di jơng cau kòp hơ̆ dê, 13gen cau gơnoar ơn phan duh khoai pal sền sơwì cau hơ̆, mơ dilah bơta sồt neh gơs làm să cau hơ̆ dê gen khai pal yal tơlik lah cau hơ̆ la goh. Tài bơh bơta sồt neh gơlik gơs bò làm să, khai geh goh. 14Mơya tòm tŭ poac khai gơs pơrhê, gen khai rơp gơlik ò goh. 15Tòm tŭ cau gơnoar ơn phan duh khoai gŏ poac pơrhê, khai rơp yal tơlik cau hơ̆ la ò goh. Poac pơrhê la ò goh; cau hơ̆ gơs bơta kòp dun tòm gơltau. 16Dilah poac pơrhê gơtòmgơl mơ gơlik bò gen khai pal lòt tus hơ cau gơnoar ơn phan duh khoai. 17Cau gơnoar ơn phan duh khoai pal sền sơwì cau hơ̆, mơ dilah ală tiah sồt neh gơlik bò gen cau gơnoar ơn phan duh khoai rơp yal tơlik cau sồt jê hơ̆ la goh; gen khai geh goh.
18Tòm tŭ cau lơi gơs dô nơm toh as di gơltau khai dê mơ gơ neh bòi rau, 19mơ di tiah neh gơs toh as hơ̆ gơlik as bò hala pơrhê dô êt gen khai pal lòt tơlik să tòm khai di đap cau gơnoar ơn phan duh khoai. 20Cau gơnoar ơn phan duh khoai pal sền sơwì tiah hơ̆, mơ dilah tiah hơ̆ sền gơlơh kung be gơ neh sa jrô rlau mơ gơltau mơ sơnò tiah hơ̆ neh gơlik kò, gen cau gơnoar ơn phan duh khoai pal yal tơlik cau hơ̆ la ò goh. Hơ̆ la dô bơta kòp dun tòm gơltau neh gơlik gơs di tiah neh gơs as bơh lài. 21Mơya dilah tòm tŭ cau gơnoar ơn phan duh khoai sền sơwì gơ gen ò gŏ sơnò kò tòm hơ̆, mơ gơ ò di jrô rlau mơ gơltau mơ neh gơlik pàl pàl, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai. 22Dilah gơ sa rì làm tòm gơltau gen cau gơnoar ơn phan duh khoai pal yal tơlik cau hơ̆ la ò goh; hơ̆ la kòp dun tòm gơltau. 23Mơya dilah tiah hơ̆ ò gơtòmgơl mơ gơ ò sa rì gen gơ mìng la dô nơm tềl lòi wơl bơh dô nơm toh as, mơ cau gơnoar ơn phan duh khoai rơp yal tơlik cau hơ̆ la goh.
24Tòm tŭ cau lơi gơs ồs sa di gơltau lơh gơltau in gơ gơs dà pơrhê hala gơlik bò di poac pơrhê tòm tiah ồs sa, 25gen cau gơnoar ơn phan duh khoai pal sền sơwì tiah hơ̆, mơ dilah sơnò tòm tiah hơ̆ neh gơlik kò, mơ tiah hơ̆ sền gơlơh be jrô rlau mơ gơltau, hơ̆ la dô bơta kòp dun neh gơlik gơs tòm tiah ồs sa. Cau gơnoar ơn phan duh khoai pal yal tơlik lah cau hơ̆ ò goh; hơ̆ la dô bơta sồt dun tòm gơltau. 26Mơya dilah cau gơnoar ơn phan duh khoai neh sền sơwì tiah hơ̆ mơ ò gŏ sơnò kò di tiah hơ̆, mơ dilah tiah hơ̆ ò jrô rlau mơ gơltau mơ neh gơlik pàl pàl, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai. 27Tòm ngai dơ̆ poh, cau gơnoar ơn phan duh khoai pal sền sơwì khai, mơ dilah gơ neh sa rì tòm gơltau gen cau gơnoar ơn phan duh khoai pal yal tơlik khai la ò goh, hơ̆ la dô bơta sồt dun tòm gơltau. 28Bulah behơ̆, dilah tiah hơ̆ ò gơtòmgơl mơ gơ ò sa rề tòm gơltau mơya neh gơlik pàl pàl, hơ̆ la dô bơta as bơh ồs sa, mơ cau gơnoar ơn phan duh khoai pal yal tơlik cau hơ̆ la goh; hơ̆ mìng la dô nơm tềl lòi wơl bơh ồs sa.
29Dilah dô nă cau klau hala dô nă cau ùr gơs dô nơm toh jê hơđang bồ hala di kang, 30gen cau gơnoar ơn phan duh khoai pal sền sơwì toh jê hơ̆, mơ dilah toh hơ̆ gơlơh be jrô rlau mơ gơltau mơ sŏ di tiah hơ̆ gơlik rmit mơ gam mìng dô êt, gen cau gơnoar ơn phan duh khoai pal yal tơlik cau hơ̆ la ò goh; hơ̆ la dô bă tiah toh kiat, la dô bơta sồt dun hơđang bồ hala di kang. 31Mơya dilah tòm tŭ cau gơnoar ơn phan duh khoai sền sơwì dô nơm toh behơ̆ mơ sền gơlơh ò di jrô rlau mơ gơltau mơ ò gŏ sơnò jù tòm hơ̆, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai. 32Tòm ngai dơ̆ poh, cau gơnoar ơn phan duh khoai pal sền sơwì toh as hơ̆ tai, mơ dilah tiah toh kiat hơ̆ ò gơ sa rì mơ ò gơs sơnò rmit tòm hơ̆ mơ sền gơlơh ò jrô rlau mơ gơltau, 33gen cau hơ̆ pal koah sơnò, lòi mìng tiah neh gơs toh jê, mơ cau gơnoar ơn phan duh khoai pal lòi cau hơ̆ ơm is khai tòm poh ngai tai. 34Tòm ngai dơ̆ poh, cau gơnoar ơn phan duh khoai pal sền sơwì tiah toh kiat hơ̆, mơ dilah gơ ò sa rề tòm gơltau, mơ sền gơlơh be ò jrô rlau mơ gơltau, gen cau gơnoar ơn phan duh khoai pal yal tơlik cau hơ̆ la goh. Khai pal pìh ală ồi ào khai dê, mơ khai rơp geh goh. 35Mơya dilah tiah toh kiat gơ sa rì tòm gơltau tơnơ̆ mơ tŭ khai neh geh yal tơlik la goh, 36gen cau gơnoar ơn phan duh khoai pal sền sơwì cau hơ̆, mơ dilah tiah toh kiat neh sa rì tòm gơltau, cau gơnoar ơn phan duh khoai ò càng jòi gŏ sơnò rmit, cau hơ̆ neh gơlik gơs ò goh rau. 37Bulah behơ̆, dilah jat bơta sền sơwì khai dê gen tiah hơ̆ ò gơtòmgơl, mơ sơnò jù neh hòn tòm tiah hơ̆ gen tiah toh kiat neh bòi. Cau hơ̆ geh goh, mơ cau gơnoar ơn phan duh khoai pal yal tơlik lah cau hơ̆ neh geh goh.
38Tòm tŭ dô nă cau klau hala cau ùr gơs ală tiah bò tòm gơltau, 39gen cau gơnoar ơn phan duh khoai pal sền sơwì ală tiah hơ̆, mơ dilah ală tiah bò hơ̆ la ò bò ngan gen hơ̆ la dô bă tiah kiat gòi lơm, gơ ò sa rì tòm gơltau; cau hơ̆ la goh. 40Tòm tŭ dô nă cau gơjrùh sŏ mơ lòl bồ, khai geh goh. 41Dilah khai jrùh sŏ mơ lòl bồ di đap bìng liang, gen khai geh goh. 42Mơya dilah khai gơs dô bă tiah sồt jê dà pơrhê hơđang bồ lòl khai dê hala di bìng liang khai dê gen hơ̆ la dô bơta sồt dun neh gơlik gơs hơđang bồ khai dê hala hơđang bìng liang khai dê. 43Cau gơnoar ơn phan duh khoai pal sền sơwì cau hơ̆, mơ dilah tiah as sồt hơđang bồ khai dê hala hơđang bìng liang khai dê gơ gơs dà pơrhê kung be sồt dun tòm gơltau, 44cau hơ̆ neh gơs dun mơ cau hơ̆ la ò goh. Cau gơnoar ơn phan duh khoai pal yal tơlik khai la ò goh tài bơh tiah sồt hơđang bồ khai dê.
45Cau gơs bơta sồt dun behơ̆ pal soh ồi ào crè sèt, lòi bồ gòi,#13:45 hala ò gòm bồ. gòm sơnò tềp khai dê mơ driau dờng lah: ‘Ò goh! Ò goh!’#13:45 hala “Ƀơ̆ ƀơl! Ƀơ̆ ƀơl!”. 46Khai gơkòl ò goh tòm jơh tŭ tơngai khai gơs bơta sồt dun hơ̆. Khai pal ơm is dô nă lơm; khai pal kis đah bơdìh sàl ơm làng bol dê.”
Bơta boh lam bơh ồi ào but bơsềt
47Dilah ồi ào lơi gơtòp bơta but bơsềt, ồi ào mơ sơnò belàt hala mơ che brài dơmài, 48ồi ào tàñ mơ che brài dơmài hala mơ sơnò belàt, mơ gơltau hala lơh gơs mơ gơltau, 49mơ dilah bơta neh gơtòp di ồi ào, hala di ồi ào lơh gơs mơ gơltau, hala ồi ào tàñ mơ sơnò belàt hala phan lơi lơh gơs mơ gơltau, bơta neh gơtòp hơ̆ la pàl pàl hala pơrhê, hơ̆ la gơ but bơsềt làm jơh mơ pal sơnio cau gơnoar ơn phan duh khoai in sền gŏ. 50Cau gơnoar ơn phan duh khoai pal sền sơwì bơta but bơsềt hơ̆ mơ ơn is phan neh but bơsềt hơ̆ tòm poh ngai. 51Tòm ngai dơ̆ poh khai pal sền sơwì phan hơ̆ tai, mơ dilah bơsềt neh but làm tòm ồi ào, hala tòm phan neh tàñ mơ sơnò belàt hala neh lơh gơs mơ gơltau, bulah ngui tòm broă lơi, phan hơ̆ neh gơlik ò goh. 52Khai pal chu tòm ồs ală ồi ào hala ală phan neh tàñ mơ sơnò belàt hala neh lơh gơs mơ gơltau mơ neh gơtòp bơta hơ̆, tài bơh but bơsềt hơ̆ la phan tơnroh; phan but bơsềt pal chu tòm ồs.
53Mơya, dilah tòm tŭ cau gơnoar ơn phan duh khoai sền sơwì phan hơ̆, bơsềt ò gơ but làm tòm ồi ào, hala tòm phan neh tàñ mơ sơnò belàt hala neh lơh gơs mơ gơltau, 54khai pal ai jơnau sồr pìh ală phan neh but bơsềt. Lồc behơ̆ khai pal ơn is phan hơ̆ tòm poh ngai tai. 55Tơnơ̆ mơ tŭ phan but bơsềt neh geh pìh rau gen cau gơnoar ơn phan duh khoai rơp sền sơwì gơ, mơ dilah bơsềt ò gơtòmgơl mơ gam sền be lài, bulah gơ ò sa làm, gơ la ò goh. Chu gơtòm ồs, bulah bơsềt neh but dô đah do hala đah ne. 56Dilah tòm tŭ cau gơnoar ơn phan duh khoai sền sơwì gơ, bơsềt neh roh tơnơ̆ mơ tŭ phan hơ̆ neh geh pìh, khai pal crè pơnah neh but bơsềt bơh di ồi ào, hala bơh di gơltau, hala bơh di phan tàñ mơ sơnò belàt. 57Mơya dilah gơ but tai hơđang ồi ào, hala hơđang phan tàñ mơ sơnò belàt, hala hơđang phan mơ gơltau, gơ sa rì làm jơh, mơ phan lơi gơ but bơsềt gen pal chu gơtòm ồs. 58Ồi ào, phan tàñ mơ sơnò belàt, phan ngui mơ gơltau neh pìh tòm dà mơ neh goh jơh bơh di bơsềt, ală phan hơ̆ pal pìh dơ̆ tai gen gơ rơp geh goh. 59Hơ̆ la ală bơta boh lam nàng yal tơlik goh hala ò goh gơwèt hơ bơsềt but tòm ală ồi ào, tòm phan tàñ mơ sơnò belàt hala mơ che brài, hala tòm phan ngui lơh gơs mơ gơltau.
Избрани в момента:
Lebi 13: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.
Lebi 13
13
Bơta boh lam bơh bơta kòp dun
1Yàng Jehôwa đơs mơ Môise mơ Arôn lah: 2“Tòm tŭ cau lơi gơs as hala toh prền hala tềl bò di gơltau khai dê mơ gơ gơlik gơs dun tòm gơltau, gen cau pal lam khai tus hơ Arôn cau gơnoar ơn phan duh khoai hala tus hơ dô nă tòm ală kòn klau khai dê la cau gơnoar ơn phan duh khoai. 3Cau gơnoar ơn phan duh khoai pal sền sơwì tiah sồt di gơltau cau hơ̆ dê, mơ dilah sơnò di tiah sồt neh gơlik gơs kò mơ tềl sồt sền gơlơh be neh gơ sa jrô rlau gơltau gen hơ̆ la dô bơta sồt dun tòm gơltau. Tòm tŭ cau gơnoar ơn phan duh khoai neh sền sơwì khai gen pal yal lah cau hơ̆ la ò goh jat bơta sồr lam duh khoai.
4Dilah tiah hơđang gơltau khai dê la bò mơ sền ò gơlơh be neh sa jrô rlau mơ gơltau mơ sơnò tòm tiah hơ̆ ò gơlik kò gen cau gơnoar ơn phan duh khoai pal lòi cau hơ̆ ơm is mìng dô nă khai lơm tòm poh ngai. 5Tòm ngai dơ̆ poh, cau gơnoar ơn phan duh khoai pal sền sơwì cau hơ̆, mơ dilah khai gŏ tiah sồt ò tòmgơl mơ neh ò gơ sa rì tòm gơltau gen khai pal lòi cau hơ̆ ơm is mìng dô nă khai tòm poh ngai tai. 6Tòm ngai poh, cau gơnoar ơn phan duh khoai pal sền sơwì cau hơ̆ tai, mơ dilah tiah sồt neh gơlik pàl pàl mơ neh ò gơ sa rì tòm gơltau, gen cau gơnoar ơn phan duh khoai pal yal tơlik lah cau hơ̆ la goh; bơta hơ̆ mìng la dô bơta sồt be òs gơ dê lơm. Cau hơ̆ pal pìh ală ồi ào khai dê mơ khai rơp geh goh. 7Mơya dilah tiah sồt gơ sa rì tòm gơltau khai dê tơnơ̆ mơ tŭ khai neh tus mơ cau gơnoar ơn phan duh khoai mơ neh geh yal tơlik khai la goh, gen khai pal lòt tus tai di đap cau gơnoar ơn phan duh khoai. 8Cau gơnoar ơn phan duh khoai pal sền sơwì cau hơ̆ mơ dilah tiah sồt neh gơ sa rì tòm gơltau, khai pal yal tơlik lah cau hơ̆ la ò goh; bơta hơ̆ la dô bơta kòp dun tòm gơltau.
9Tòm tŭ cau lơi gơs tềl dun tòm gơltau gen khai pal geh cèng tus hơ cau gơnoar ơn phan duh khoai. 10Cau gơnoar ơn phan duh khoai pal sền sơwì cau hơ̆, mơ dilah gơs tiah as bò tòm gơltau lơh sơnò in gơlik kò mơ dilah gơs poac pơrhê tòm tiah as, 11gen hơ̆ la dô bơta sồt tòm gơltau neh jŏ ngai, mơ cau gơnoar ơn phan duh khoai pal yal tơlik lah cau hơ̆ la ò goh. Cau gơnoar ơn phan duh khoai ò càng lòi cau hơ̆ ơm is tai, tài bơh khai neh gơlik gơs ò goh rau.
12Dilah bơta sồt jê gơlik tòm làm jơh gơltau khai dê jat be cau gơnoar ơn phan duh khoai neh gŏ, hơ̆ la gơ neh gơlik làm jơh tòm gơltau bơh bồ tus di jơng cau kòp hơ̆ dê, 13gen cau gơnoar ơn phan duh khoai pal sền sơwì cau hơ̆, mơ dilah bơta sồt neh gơs làm să cau hơ̆ dê gen khai pal yal tơlik lah cau hơ̆ la goh. Tài bơh bơta sồt neh gơlik gơs bò làm să, khai geh goh. 14Mơya tòm tŭ poac khai gơs pơrhê, gen khai rơp gơlik ò goh. 15Tòm tŭ cau gơnoar ơn phan duh khoai gŏ poac pơrhê, khai rơp yal tơlik cau hơ̆ la ò goh. Poac pơrhê la ò goh; cau hơ̆ gơs bơta kòp dun tòm gơltau. 16Dilah poac pơrhê gơtòmgơl mơ gơlik bò gen khai pal lòt tus hơ cau gơnoar ơn phan duh khoai. 17Cau gơnoar ơn phan duh khoai pal sền sơwì cau hơ̆, mơ dilah ală tiah sồt neh gơlik bò gen cau gơnoar ơn phan duh khoai rơp yal tơlik cau sồt jê hơ̆ la goh; gen khai geh goh.
18Tòm tŭ cau lơi gơs dô nơm toh as di gơltau khai dê mơ gơ neh bòi rau, 19mơ di tiah neh gơs toh as hơ̆ gơlik as bò hala pơrhê dô êt gen khai pal lòt tơlik să tòm khai di đap cau gơnoar ơn phan duh khoai. 20Cau gơnoar ơn phan duh khoai pal sền sơwì tiah hơ̆, mơ dilah tiah hơ̆ sền gơlơh kung be gơ neh sa jrô rlau mơ gơltau mơ sơnò tiah hơ̆ neh gơlik kò, gen cau gơnoar ơn phan duh khoai pal yal tơlik cau hơ̆ la ò goh. Hơ̆ la dô bơta kòp dun tòm gơltau neh gơlik gơs di tiah neh gơs as bơh lài. 21Mơya dilah tòm tŭ cau gơnoar ơn phan duh khoai sền sơwì gơ gen ò gŏ sơnò kò tòm hơ̆, mơ gơ ò di jrô rlau mơ gơltau mơ neh gơlik pàl pàl, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai. 22Dilah gơ sa rì làm tòm gơltau gen cau gơnoar ơn phan duh khoai pal yal tơlik cau hơ̆ la ò goh; hơ̆ la kòp dun tòm gơltau. 23Mơya dilah tiah hơ̆ ò gơtòmgơl mơ gơ ò sa rì gen gơ mìng la dô nơm tềl lòi wơl bơh dô nơm toh as, mơ cau gơnoar ơn phan duh khoai rơp yal tơlik cau hơ̆ la goh.
24Tòm tŭ cau lơi gơs ồs sa di gơltau lơh gơltau in gơ gơs dà pơrhê hala gơlik bò di poac pơrhê tòm tiah ồs sa, 25gen cau gơnoar ơn phan duh khoai pal sền sơwì tiah hơ̆, mơ dilah sơnò tòm tiah hơ̆ neh gơlik kò, mơ tiah hơ̆ sền gơlơh be jrô rlau mơ gơltau, hơ̆ la dô bơta kòp dun neh gơlik gơs tòm tiah ồs sa. Cau gơnoar ơn phan duh khoai pal yal tơlik lah cau hơ̆ ò goh; hơ̆ la dô bơta sồt dun tòm gơltau. 26Mơya dilah cau gơnoar ơn phan duh khoai neh sền sơwì tiah hơ̆ mơ ò gŏ sơnò kò di tiah hơ̆, mơ dilah tiah hơ̆ ò jrô rlau mơ gơltau mơ neh gơlik pàl pàl, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai. 27Tòm ngai dơ̆ poh, cau gơnoar ơn phan duh khoai pal sền sơwì khai, mơ dilah gơ neh sa rì tòm gơltau gen cau gơnoar ơn phan duh khoai pal yal tơlik khai la ò goh, hơ̆ la dô bơta sồt dun tòm gơltau. 28Bulah behơ̆, dilah tiah hơ̆ ò gơtòmgơl mơ gơ ò sa rề tòm gơltau mơya neh gơlik pàl pàl, hơ̆ la dô bơta as bơh ồs sa, mơ cau gơnoar ơn phan duh khoai pal yal tơlik cau hơ̆ la goh; hơ̆ mìng la dô nơm tềl lòi wơl bơh ồs sa.
29Dilah dô nă cau klau hala dô nă cau ùr gơs dô nơm toh jê hơđang bồ hala di kang, 30gen cau gơnoar ơn phan duh khoai pal sền sơwì toh jê hơ̆, mơ dilah toh hơ̆ gơlơh be jrô rlau mơ gơltau mơ sŏ di tiah hơ̆ gơlik rmit mơ gam mìng dô êt, gen cau gơnoar ơn phan duh khoai pal yal tơlik cau hơ̆ la ò goh; hơ̆ la dô bă tiah toh kiat, la dô bơta sồt dun hơđang bồ hala di kang. 31Mơya dilah tòm tŭ cau gơnoar ơn phan duh khoai sền sơwì dô nơm toh behơ̆ mơ sền gơlơh ò di jrô rlau mơ gơltau mơ ò gŏ sơnò jù tòm hơ̆, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai. 32Tòm ngai dơ̆ poh, cau gơnoar ơn phan duh khoai pal sền sơwì toh as hơ̆ tai, mơ dilah tiah toh kiat hơ̆ ò gơ sa rì mơ ò gơs sơnò rmit tòm hơ̆ mơ sền gơlơh ò jrô rlau mơ gơltau, 33gen cau hơ̆ pal koah sơnò, lòi mìng tiah neh gơs toh jê, mơ cau gơnoar ơn phan duh khoai pal lòi cau hơ̆ ơm is khai tòm poh ngai tai. 34Tòm ngai dơ̆ poh, cau gơnoar ơn phan duh khoai pal sền sơwì tiah toh kiat hơ̆, mơ dilah gơ ò sa rề tòm gơltau, mơ sền gơlơh be ò jrô rlau mơ gơltau, gen cau gơnoar ơn phan duh khoai pal yal tơlik cau hơ̆ la goh. Khai pal pìh ală ồi ào khai dê, mơ khai rơp geh goh. 35Mơya dilah tiah toh kiat gơ sa rì tòm gơltau tơnơ̆ mơ tŭ khai neh geh yal tơlik la goh, 36gen cau gơnoar ơn phan duh khoai pal sền sơwì cau hơ̆, mơ dilah tiah toh kiat neh sa rì tòm gơltau, cau gơnoar ơn phan duh khoai ò càng jòi gŏ sơnò rmit, cau hơ̆ neh gơlik gơs ò goh rau. 37Bulah behơ̆, dilah jat bơta sền sơwì khai dê gen tiah hơ̆ ò gơtòmgơl, mơ sơnò jù neh hòn tòm tiah hơ̆ gen tiah toh kiat neh bòi. Cau hơ̆ geh goh, mơ cau gơnoar ơn phan duh khoai pal yal tơlik lah cau hơ̆ neh geh goh.
38Tòm tŭ dô nă cau klau hala cau ùr gơs ală tiah bò tòm gơltau, 39gen cau gơnoar ơn phan duh khoai pal sền sơwì ală tiah hơ̆, mơ dilah ală tiah bò hơ̆ la ò bò ngan gen hơ̆ la dô bă tiah kiat gòi lơm, gơ ò sa rì tòm gơltau; cau hơ̆ la goh. 40Tòm tŭ dô nă cau gơjrùh sŏ mơ lòl bồ, khai geh goh. 41Dilah khai jrùh sŏ mơ lòl bồ di đap bìng liang, gen khai geh goh. 42Mơya dilah khai gơs dô bă tiah sồt jê dà pơrhê hơđang bồ lòl khai dê hala di bìng liang khai dê gen hơ̆ la dô bơta sồt dun neh gơlik gơs hơđang bồ khai dê hala hơđang bìng liang khai dê. 43Cau gơnoar ơn phan duh khoai pal sền sơwì cau hơ̆, mơ dilah tiah as sồt hơđang bồ khai dê hala hơđang bìng liang khai dê gơ gơs dà pơrhê kung be sồt dun tòm gơltau, 44cau hơ̆ neh gơs dun mơ cau hơ̆ la ò goh. Cau gơnoar ơn phan duh khoai pal yal tơlik khai la ò goh tài bơh tiah sồt hơđang bồ khai dê.
45Cau gơs bơta sồt dun behơ̆ pal soh ồi ào crè sèt, lòi bồ gòi,#13:45 hala ò gòm bồ. gòm sơnò tềp khai dê mơ driau dờng lah: ‘Ò goh! Ò goh!’#13:45 hala “Ƀơ̆ ƀơl! Ƀơ̆ ƀơl!”. 46Khai gơkòl ò goh tòm jơh tŭ tơngai khai gơs bơta sồt dun hơ̆. Khai pal ơm is dô nă lơm; khai pal kis đah bơdìh sàl ơm làng bol dê.”
Bơta boh lam bơh ồi ào but bơsềt
47Dilah ồi ào lơi gơtòp bơta but bơsềt, ồi ào mơ sơnò belàt hala mơ che brài dơmài, 48ồi ào tàñ mơ che brài dơmài hala mơ sơnò belàt, mơ gơltau hala lơh gơs mơ gơltau, 49mơ dilah bơta neh gơtòp di ồi ào, hala di ồi ào lơh gơs mơ gơltau, hala ồi ào tàñ mơ sơnò belàt hala phan lơi lơh gơs mơ gơltau, bơta neh gơtòp hơ̆ la pàl pàl hala pơrhê, hơ̆ la gơ but bơsềt làm jơh mơ pal sơnio cau gơnoar ơn phan duh khoai in sền gŏ. 50Cau gơnoar ơn phan duh khoai pal sền sơwì bơta but bơsềt hơ̆ mơ ơn is phan neh but bơsềt hơ̆ tòm poh ngai. 51Tòm ngai dơ̆ poh khai pal sền sơwì phan hơ̆ tai, mơ dilah bơsềt neh but làm tòm ồi ào, hala tòm phan neh tàñ mơ sơnò belàt hala neh lơh gơs mơ gơltau, bulah ngui tòm broă lơi, phan hơ̆ neh gơlik ò goh. 52Khai pal chu tòm ồs ală ồi ào hala ală phan neh tàñ mơ sơnò belàt hala neh lơh gơs mơ gơltau mơ neh gơtòp bơta hơ̆, tài bơh but bơsềt hơ̆ la phan tơnroh; phan but bơsềt pal chu tòm ồs.
53Mơya, dilah tòm tŭ cau gơnoar ơn phan duh khoai sền sơwì phan hơ̆, bơsềt ò gơ but làm tòm ồi ào, hala tòm phan neh tàñ mơ sơnò belàt hala neh lơh gơs mơ gơltau, 54khai pal ai jơnau sồr pìh ală phan neh but bơsềt. Lồc behơ̆ khai pal ơn is phan hơ̆ tòm poh ngai tai. 55Tơnơ̆ mơ tŭ phan but bơsềt neh geh pìh rau gen cau gơnoar ơn phan duh khoai rơp sền sơwì gơ, mơ dilah bơsềt ò gơtòmgơl mơ gam sền be lài, bulah gơ ò sa làm, gơ la ò goh. Chu gơtòm ồs, bulah bơsềt neh but dô đah do hala đah ne. 56Dilah tòm tŭ cau gơnoar ơn phan duh khoai sền sơwì gơ, bơsềt neh roh tơnơ̆ mơ tŭ phan hơ̆ neh geh pìh, khai pal crè pơnah neh but bơsềt bơh di ồi ào, hala bơh di gơltau, hala bơh di phan tàñ mơ sơnò belàt. 57Mơya dilah gơ but tai hơđang ồi ào, hala hơđang phan tàñ mơ sơnò belàt, hala hơđang phan mơ gơltau, gơ sa rì làm jơh, mơ phan lơi gơ but bơsềt gen pal chu gơtòm ồs. 58Ồi ào, phan tàñ mơ sơnò belàt, phan ngui mơ gơltau neh pìh tòm dà mơ neh goh jơh bơh di bơsềt, ală phan hơ̆ pal pìh dơ̆ tai gen gơ rơp geh goh. 59Hơ̆ la ală bơta boh lam nàng yal tơlik goh hala ò goh gơwèt hơ bơsềt but tòm ală ồi ào, tòm phan tàñ mơ sơnò belàt hala mơ che brài, hala tòm phan ngui lơh gơs mơ gơltau.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.