Lebi 4
4
Phan ơn tơwài glài
1Yàng Jehôwa đơs mơ Môise: 2“Đơs tĕ mơ làng bol Israel lah: Tòm tŭ gơs cau lơi gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê.
3Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs. 4Khai pal cèng kơnrồ tus di tiah mut Sàl Tòm Mat di đap Yàng Jehôwa. Khai pal ơn tê hơđang gơ mơ tơnchơt gơ di đap Yàng Jehôwa. 5Gen cau gơnoar ơn phan duh khoai neh geh bong mơñà rơp ai dô pơnah mhàm kơnrồ dam dê mơ cèng mut tòm Sàl Tòm Mat. 6Khai pal iurŭ kòn tê khai dê tòm mhàm mơ rsìh gơ poh dơ̆ di đap Yàng Jehôwa, di đap bài kơrnìng tiah sàng goh dê. 7Gen cau gơnoar ơn phan duh khoai bong dô êt mhàm di ală ngke cơnòng chu kơlhô ƀô bơlhu di đap Yàng Jehôwa tòm Sàl Tòm Mat dê. Mhàm gam wơl kơnrồ dam dê gen khai rơp tuh di jơng cơnòng chu kơlhô di tiah mut Sàl Tòm Mat dê. 8Khai rơp tă jơh dơngi bơh di kơnrồ dam ơn tơwài glài, hơ̆ la dơngi jơm gòm ală pơnah tòm dơlam hala gơđềt bal mơ gơ, 9bàr nơm leh bal mơ dơngi hơđang gơ rềp di but, blah poac lơho jơm gòm klòm mơ khai rơp tă bal mơ ală leh, 10tòm toh kung be dơngi neh tă bơh di kơnrồ ơn lơh gơs phan ơn ring lơngai. Gen cau gơnoar ơn phan duh khoai rơp chu ală phan hơ̆ hơđang cơnòng ơn phan ơn chu pơrguc. 11Mơya gơltau mơ poac kơnrồ dê bal mơ bồ, jơng mơ ală pơnah tòm dơlam mơ è gơ dê, 12hơ̆ la jơh ală phan gam wơl bơh di kơnrồ, khai pal cèng tus hơ đah bơdìh tiah sàl ơm, tus di tiah neh ơn is sàng goh, la tiah tuh sang bùh, mơ chu gơtòm lòng ồs sa hơđang gơnru bùh.
13Dilah jơh dô mpồl jơnum làng bol Israel gơtup tìs tòm tồi glài#4:13 hơ̆ la ò di bơh nùs kòñ tìs glài. mơ lơh bơta neh bơkơ̆u tòm ală bơta sồr lam Yàng Jehôwa dê, bulah mpồl jơnum làng bol ò đal git bơta tồi glài bol khai neh tìs, gen bol khai kung neh tìs tòm tồi glài rau. 14Tòm tŭ bol khai neh git bơh tồi glài mơ bol khai neh tìs, gen mpồl làng bol pal cèng tus dô nơm kơnrồ dam gam dềt lơh gơs phan ơn tơwài glài mơ cèng gơ tus di đap Sàl Tòm Mat. 15Ală cau kwang kra mpồl làng bol dê pal ơn tê bol khai dê hơđang bồ kơnrồ dam di đap Yàng Jehôwa, mơ kơnrồ dam pal tơnchơt di đap Yàng Jehôwa. 16Gen cau gơnoar ơn phan duh khoai neh geh bong mơñà pal ai dô êt mhàm kơnrồ dam dê mơ cèng mut tòm Sàl Tòm Mat. 17Ală cau gơnoar ơn phan duh khoai rơp iurŭ kòn tê khai dê tòm mhàm mơ rsìh gơ di đap Yàng Jehôwa poh dơ̆ di đap bài kơrnìng. 18Cau gơnoar ơn phan duh khoai kung rơp bong dô êt mhàm hơđang ală ngke cơnòng duh khoai di đap Yàng Jehôwa tòm Sàl Tòm Mat. Mhàm gam wơl gen khai rơp tuh di jơng cơnòng chu kơlhô di tiah mut Sàl Tòm Mat dê. 19Khai rơp tă jơh ală dơngi bơh di gơ mơ chu gơ hơđang cơnòng ơn phan duh khoai, 20mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài. 21Lồc behơ̆, khai rơp cèng kơnrồ dam hơ đah bơdìh tiah sàl ơm mơ chu gơtòm ồs kung be khai neh chu kơnrồ ne. Hơ̆ la phan ơn tơwài glài mpồl làng bol dê.
22Tòm tŭ dô nă cau kwang at bồ gơtup tìs dùl tòm ală bơta sồr lam Jehôwa la Yàng Tom Trồ he dê, lơh dô bơta neh bơkơ̆u ò pal lơh, gen khai neh tìs glài. 23Tơnơ̆ hơ̆, dilah khai neh git tồi glài khai neh tìs, gen khai pal cèng dô nơm phan ơn la dô nơm be dam ò tềl sồt. 24Khai pal ơn tê khai dê hơđang bồ be dam mơ tơnchơt gơ di tiah lơh poac phan ơn chu pơrguc di đap Yàng Jehôwa. Hơ̆ la phan ơn tơwài glài. 25Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ ơn di ală ngke cơnòng ơn phan duh khoai chu pơrguc mơ tuh pơnah gam wơl mhàm dê di jơng cơnòng duh khoai. 26Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.
27 #
Khà 15:27-28. Dilah dô nă cau tòm mpồl làng bol gơtup tìs tòm bơta tồi glài mơ lơh dô bơta neh bơkơ̆u tòm ală jơnau sồr Yàng Jehôwa dê gen khai neh tìs glài. 28Tòm tŭ khai neh git tồi glài khai neh tìs gen khai pal cèng dô nơm phan ơn la dô nơm be dra ò tềl sồt. 29Khai pal ơn tê khai dê hơđang bồ phan ơn tơwài glài mơ tơnchơt gơ di tiah lơh poac phan ơn chu pơrguc. 30Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai. 31Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.
32Dilah khai cèng dô nơm belàt lơh gơs phan ơn tơwài glài gen khai pal cèng dô nơm belàt dra ò tềl sồt. 33Khai pal ơn tê khai dê hơđang bồ gơ mơ tơnchơt gơlơh gơs phan ơn tơwài glài di tiah lơh poac phan ơn chu pơrguc. 34Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai. 35Khai pal tă jơh dơngi tòm toh kung be khai neh tă bơh di belàt phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai hơđang ală phan ơn chu pơrguc ơn Yàng Jehôwa in. Lơh behơ̆, gen cau gơnoar ơn phan duh khoai rơp lơh gơs bơta tơwài glài cau hơ̆ in bơh tồi glài khai neh tìs, mơ khai rơp geh toh glài.”
Избрани в момента:
Lebi 4: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.
Lebi 4
4
Phan ơn tơwài glài
1Yàng Jehôwa đơs mơ Môise: 2“Đơs tĕ mơ làng bol Israel lah: Tòm tŭ gơs cau lơi gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê.
3Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs. 4Khai pal cèng kơnrồ tus di tiah mut Sàl Tòm Mat di đap Yàng Jehôwa. Khai pal ơn tê hơđang gơ mơ tơnchơt gơ di đap Yàng Jehôwa. 5Gen cau gơnoar ơn phan duh khoai neh geh bong mơñà rơp ai dô pơnah mhàm kơnrồ dam dê mơ cèng mut tòm Sàl Tòm Mat. 6Khai pal iurŭ kòn tê khai dê tòm mhàm mơ rsìh gơ poh dơ̆ di đap Yàng Jehôwa, di đap bài kơrnìng tiah sàng goh dê. 7Gen cau gơnoar ơn phan duh khoai bong dô êt mhàm di ală ngke cơnòng chu kơlhô ƀô bơlhu di đap Yàng Jehôwa tòm Sàl Tòm Mat dê. Mhàm gam wơl kơnrồ dam dê gen khai rơp tuh di jơng cơnòng chu kơlhô di tiah mut Sàl Tòm Mat dê. 8Khai rơp tă jơh dơngi bơh di kơnrồ dam ơn tơwài glài, hơ̆ la dơngi jơm gòm ală pơnah tòm dơlam hala gơđềt bal mơ gơ, 9bàr nơm leh bal mơ dơngi hơđang gơ rềp di but, blah poac lơho jơm gòm klòm mơ khai rơp tă bal mơ ală leh, 10tòm toh kung be dơngi neh tă bơh di kơnrồ ơn lơh gơs phan ơn ring lơngai. Gen cau gơnoar ơn phan duh khoai rơp chu ală phan hơ̆ hơđang cơnòng ơn phan ơn chu pơrguc. 11Mơya gơltau mơ poac kơnrồ dê bal mơ bồ, jơng mơ ală pơnah tòm dơlam mơ è gơ dê, 12hơ̆ la jơh ală phan gam wơl bơh di kơnrồ, khai pal cèng tus hơ đah bơdìh tiah sàl ơm, tus di tiah neh ơn is sàng goh, la tiah tuh sang bùh, mơ chu gơtòm lòng ồs sa hơđang gơnru bùh.
13Dilah jơh dô mpồl jơnum làng bol Israel gơtup tìs tòm tồi glài#4:13 hơ̆ la ò di bơh nùs kòñ tìs glài. mơ lơh bơta neh bơkơ̆u tòm ală bơta sồr lam Yàng Jehôwa dê, bulah mpồl jơnum làng bol ò đal git bơta tồi glài bol khai neh tìs, gen bol khai kung neh tìs tòm tồi glài rau. 14Tòm tŭ bol khai neh git bơh tồi glài mơ bol khai neh tìs, gen mpồl làng bol pal cèng tus dô nơm kơnrồ dam gam dềt lơh gơs phan ơn tơwài glài mơ cèng gơ tus di đap Sàl Tòm Mat. 15Ală cau kwang kra mpồl làng bol dê pal ơn tê bol khai dê hơđang bồ kơnrồ dam di đap Yàng Jehôwa, mơ kơnrồ dam pal tơnchơt di đap Yàng Jehôwa. 16Gen cau gơnoar ơn phan duh khoai neh geh bong mơñà pal ai dô êt mhàm kơnrồ dam dê mơ cèng mut tòm Sàl Tòm Mat. 17Ală cau gơnoar ơn phan duh khoai rơp iurŭ kòn tê khai dê tòm mhàm mơ rsìh gơ di đap Yàng Jehôwa poh dơ̆ di đap bài kơrnìng. 18Cau gơnoar ơn phan duh khoai kung rơp bong dô êt mhàm hơđang ală ngke cơnòng duh khoai di đap Yàng Jehôwa tòm Sàl Tòm Mat. Mhàm gam wơl gen khai rơp tuh di jơng cơnòng chu kơlhô di tiah mut Sàl Tòm Mat dê. 19Khai rơp tă jơh ală dơngi bơh di gơ mơ chu gơ hơđang cơnòng ơn phan duh khoai, 20mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài. 21Lồc behơ̆, khai rơp cèng kơnrồ dam hơ đah bơdìh tiah sàl ơm mơ chu gơtòm ồs kung be khai neh chu kơnrồ ne. Hơ̆ la phan ơn tơwài glài mpồl làng bol dê.
22Tòm tŭ dô nă cau kwang at bồ gơtup tìs dùl tòm ală bơta sồr lam Jehôwa la Yàng Tom Trồ he dê, lơh dô bơta neh bơkơ̆u ò pal lơh, gen khai neh tìs glài. 23Tơnơ̆ hơ̆, dilah khai neh git tồi glài khai neh tìs, gen khai pal cèng dô nơm phan ơn la dô nơm be dam ò tềl sồt. 24Khai pal ơn tê khai dê hơđang bồ be dam mơ tơnchơt gơ di tiah lơh poac phan ơn chu pơrguc di đap Yàng Jehôwa. Hơ̆ la phan ơn tơwài glài. 25Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ ơn di ală ngke cơnòng ơn phan duh khoai chu pơrguc mơ tuh pơnah gam wơl mhàm dê di jơng cơnòng duh khoai. 26Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.
27 #
Khà 15:27-28. Dilah dô nă cau tòm mpồl làng bol gơtup tìs tòm bơta tồi glài mơ lơh dô bơta neh bơkơ̆u tòm ală jơnau sồr Yàng Jehôwa dê gen khai neh tìs glài. 28Tòm tŭ khai neh git tồi glài khai neh tìs gen khai pal cèng dô nơm phan ơn la dô nơm be dra ò tềl sồt. 29Khai pal ơn tê khai dê hơđang bồ phan ơn tơwài glài mơ tơnchơt gơ di tiah lơh poac phan ơn chu pơrguc. 30Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai. 31Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.
32Dilah khai cèng dô nơm belàt lơh gơs phan ơn tơwài glài gen khai pal cèng dô nơm belàt dra ò tềl sồt. 33Khai pal ơn tê khai dê hơđang bồ gơ mơ tơnchơt gơlơh gơs phan ơn tơwài glài di tiah lơh poac phan ơn chu pơrguc. 34Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai. 35Khai pal tă jơh dơngi tòm toh kung be khai neh tă bơh di belàt phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai hơđang ală phan ơn chu pơrguc ơn Yàng Jehôwa in. Lơh behơ̆, gen cau gơnoar ơn phan duh khoai rơp lơh gơs bơta tơwài glài cau hơ̆ in bơh tồi glài khai neh tìs, mơ khai rơp geh toh glài.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.