JOHANU 6
6
1TO onú helẹ godo, Jesu sọ juwáyì ohù Galili tọn godo, he yín ohù Tibéliade tọn. 2Gbẹtọ susu hodo e na ye mọ ohia etọn he é basi do yé he jẹazọngo lẹ wutu. 3Jesu sọ hẹ́ji yì osó lọ ji, finẹ wẹ é sinai te po nuplọntọ etọn lẹ po. 4Juwayi, hùnwhẹ Ju lẹ tọn, sẹpọ. 5Enẹwutu whenuena Jesu zé nukun etọn do aga, bo mọ agùndaho de wá e de, é dọ hlan, Filipi, dọ, Fiẹ wẹ mí na hò akla te na omẹ helẹ nido dù? 6E dọ ehe nado whle e pọ́n; na ewọlọsu yón onú he é do wà. 7Filipi gblọn dọ hlan ẹn, dọ, Akla abọgan-kuẹ fọde tọn ma pé mẹhe lẹ, ma mẹdopodopo yetọn nido yí pẹ̃pẹ. 8Dopo to nuplọntọ etọn lẹ mẹ, Andlé, novisunnu Simọni Pita tọn, dọ hlan ẹn, dọ, 9Yọ: pọsunnu de tin to ofi he tindo akla bále tọn atón, po whèvi pẹvipẹvi awe po: ṣigba etéwẹ enẹlẹ yín to omẹ plànplan helẹ ṣẹnṣẹn? 10Jesu sọ dọmọ, Mì hẹn gbẹtọ lẹ jagla. Ogbé susu sọ tin to finẹ. Enẹwutu sunnu lẹ jagla, na hihià yé yi degbadefọtón. 11Jesu yí akla lẹ: whenuena é dopé, é má yé na mẹhe jagla le; mọkẹdẹ wẹwhèvi sọha he yé jlo, 12Whenuena yé ko gohò, é do hlan nuplọntọ etọn lẹ, dọ Mì bé dùpò he pò pli, yè hẹn núde gú blo. 13Enẹwutu ye bé yé plidopọ, ye gó oha wiawe sọn dùpo he poai bo sọ sùhúgan na yé omẹ he dú sọn akla aton bale tọn mẹ lẹ. 14Mowẹ whenuena gbeto lẹ mọ ohia he é basi, yé dọmọ, Nugbo, ehe wẹ yẹwhegán he ja aihọn mẹ lọ.
15Enewutu whenuena Jesu tunwun dọ ye po yíyí huhlọn do hẹn ẹn do basi aholu, e sọ vó gọ̀yì osó de ji ewọ dopokẹde.
16Whenuena ozán ku, nuplontọ etọn lẹ jéte yi ohù me, 17yé sọ biọ vàtle de me, bo gbò óhu pla yi Kapẹlnaumi dali. Zinvlu sọ do dinvie, Jesu ma ko jẹ yé de gbá. 18Ohù sọ to wuwlu na jẹhọn daho he fọ́n wutu. 19Enẹwutu whenuena yé kùnhun yì o jlẹ stade koatọ́n, kavi ogban hunkọ, yé mọ Jesu to zọnlinzin to ohù ji, bo sọ sẹpọ vàtlẹ lọ: obú sọ di yé. 20Ṣigba é dọ hlan ye, dọ, Yẹn we; mì dibú blo. 21Enẹwutu yé yín jijlo nado yí i do vatlẹ lọ mẹ: adonu vàtlẹ lọ jẹ age ofi he ye jei tọn ji.
22To azán awetọ gbè agùndaho he site to awà awetọ ohù tọn ji mọ dọ vàtlẹ pevi devo de ma tin to finẹ, adavo dopo, podọ Jesu ma zọn hẹ nuplontọ etọn lẹ biọ vàtlẹ lọ mẹ gba, ṣigba dọ nuplọntọ etọn lẹ kedẹ wẹ yì; 23ṣigba vatlẹ pẹvi dele sọn Tibeliade wá, bo sẹpọ́ ofi he yé dù akla lọ te, to godo na Oklunọ ko dopé; 24enẹwutu whenuena agùndaho lọ mọ dọ Jesu ma tin to finẹ, kavi nuplọntọ eton lẹ, yé wlọsu yí vàtlẹ pẹvi lẹ bo wá Kapẹlnaumi, bo to Jesu din. 25Whenuena yé mọ ẹn to awa awetọ ohù tọn, yé dọ hlan ẹn, dọ, Labbi, wheténu wẹ hiẹ wá ofi? 26Jesu gblọnna yé bo dọmọ, Nugbo, nugbo, wẹ yẹn dọ hlan mì, mì to dìndin mi, é ma yín mi mọ ohia wutu gba, ṣigba na mì dù akla nẹlẹ bo góhò wutu wẹ. 27Mì jẹtukla na núdùdù he na gble blo, ṣigba na núdùdù nẹ ehe nọ nọte kaka jẹ ogbè madopodo, ehe Ovi gbẹtọ tọn na na mì: na ewọ lọ wẹ Jiwheyẹwhe Otọ́ ko tlẹhiadonuna. 28Enẹwutu yé dọ hlan ẹn, dọ, Etéwẹ mí ni basi, bọ mí nado sọgan wà azón Jiwheyẹwhe tọn? 29Jesu gblọn bo dọ hlan yé, dọ, Ehe wẹ azọ́n Jiwhe yẹwhe tọn, dọ mì ni yise to mẹhe é dohlan mẹ. 30Enẹwutu yé dọ hlan ẹn, dọ, Etẹ wẹ hie basi na ohia, na mí ni mọ, bo nado yi we sè? Azọ́n tẹ́wẹ hiẹ wa? 31Otọ mìton lẹ dù manna to zùngbo mẹ; kedẹdile yè wlanwe dọ, E hẹn akla sọn olọn wá na yé dù 32Whenẹnu Jesu dọ hlan yé, dọ, Nugbo, nugbo, wẹ yẹn dọ hlan mì, Moṣe ma we ko na akla ne mì sọn olọn gba; ṣigba Oto ṣie wẹ yí akla nugoo nẹ na mì sọn olọn. 33Na akla Jiwheyẹwhe tọn wẹ enẹ he jete sọn olọn, bo sọ yí ogbe na aihon. 34Enewutu ye do hlan ẹn, dọ, Oklunọ, nọ na akla he mí tẹgbẹ̃. 35Jesu dọ hlan yé, dọ, Yen wẹ akla ogbẹ tọn: mẹdepope he wa dẽ hùvé ma na hù i, mẹhe sọ yi mi se, ovẹ ma na hu i gbede 36Ṣigba yẹn dọ hlan mì, dọ, Mìwlẹ ko mọ mi ga, mì ma sọ yise 37Onú he Otò ṣie yí na mi lẹpo na wá dè, podọ mẹhe so wá dẽ yẹn ma na yàn ẹn jegbonu, gbọn alọ depope mẹ. 38Na yẹn jẹte son olọn, é ma yín nado wà ojlo ṣie lọsu gba, adavo ojlo ewọ he do mi hlan tọn. 39Ehe we ojlo mẹhe do mi hlan tọn, dọ to onú he é ko na mi lẹ mẹ yẹn hẹn depópe bú to yé mẹ blo, ṣigba na yẹn ni fọ́n ẹn do ote to azán podo gbè 40Na ehe wè ojlo Otò ṣie tọn, dọ mẹdepope he mo Ovi, bo sọ yí i sè, nido tindo ogbè madopodo: yẹn nasọ fọ́n ẹn do ote to azán podo gbè.
41Enẹwutu Ju lẹ hlun do ota nẹ̃, na é dọ, Yẹn wẹ akla he jẹte sọn olọn wá wutu. 42Ye sọ dọmo, E ma yín ehe wẹ Jesu, ovi Joseíu tọn, mẹhe mí yọn otò etọn po onọ etọn po? etẹwutu wẹ e dọ dinvie, Yẹn jẹte sọn olon wá? 43Jesu gblọn, bo dọ hlan yé, dọmọ, Mì hlun to mìde ṣẹnṣẹn blo. 44Mẹdepope ma sọgan wá dè, adavo Otò he do mi hlan dòn ẹn: yẹn nasọ fọ́n ẹn do ote to azán pòdo gbè. 45Yè sọ wlan to owé yẹwhegán lẹ tọn mẹ dọ, Yè na plòn yé omẹ pó gbon Jiwheyẹwhe de.? Enẹwutu mẹdepope he sè, bọ yè sọ plón gbọn Otò de, ewọ wẹ to dẽ wá. 46E ma yín mẹdepope ko mọ Otò gbède gba, adavo mẹhe yín Jiwheyẹwhe tọn, ewọ wẹ ko mọ Otọ́ lọ. 47Nugbo, nugbo, wẹ yẹn dọ hlan mì, Mẹhe yí mi se tindo ogbè madopodo. 48Yẹn we akla ogbè tọn lọ 49Otò mìton lẹ dù manna to zùngbo mẹ, bo sọ kú. 50Ehe wẹ akla he jẹte sọn olọn wá, na gbẹtọ nido dù to e mẹ, bo ma kú. 51Yẹn wẹ akla ogbènọ lọ, ehe jẹte sọn olọn wa; eyín mẹdepope dù to akla he mẹ, e na tin to ogbẹ̀ kaka doi: mowẹ akla he yẹn na na lọ wẹ olan ṣie, ehe yẹn na na na ogbẹ̀ aihọn tọn.
52Enẹwutu Ju lẹ to nudòn to yéde ṣẹnṣẹn dọ, Nawẹ dawe he sọgan yí olan etọn na mí nado dù do? 53Enẹwutu Jesu dọ hlan yé, dọ, Nugbo, nugbo, wẹ yẹn dọ hlan mì, Adavo mi dù olan Ovi gbẹtọ ton tọn, bo sọ nù ohùn etọn, mì ma tindo ogbè to mì mẹ gba. 54Mẹdepope he dù olan ṣie, bo sọ nù ohùn ṣie, é tindo ogbẹ́ madopodo; yẹn nasọ fọ́n ẹn do ote to ozán podo gbè. 55Na olan ṣie wẹ akla nugbo, ohùn ṣie sọ wẹ núnùnù nugbo. 56Mehe dù olan ṣie, bo sọ nù ohùn ṣie, ewọ to nìnò yen me, yen sọ to ninọ ewọ mẹ. 57Kẹdẹdile Otọ́ ogbèhọ, ko do mì hlan, bọ yen sọ tin to ogbè gbọn Otọ́ dali; mọkedẹ wẹ mẹhe dù mi, yèdọ ewo na tin to ogbè gbọn yẹn dali ga. 58Ehe wẹ akla he jẹte sọn olọn wá lọ; é ma dile otọ́ mìtọn lẹ dù manna, bọ yé sọ kú gba: mẹhe dù akla he na tin to ogbè kakadoi. 59Onú helẹ wẹ é dọ to sinagọgu mẹ, le é to meplón to Kapẹlnaumi.
60Enẹwutu susu to nuplọntọ etọn lẹ mẹ, whenuena yé sè ehe, yé dọmọ, Ohó he sinyẹnawú talala wẹ ehe; mẹnu wẹ sogan sè e? 61Ṣigba Jesu yinyonẹn to ede homẹ, dọ nuplọntọ etọn lẹ to hunhlun do ehe go, dọ hlan yé, dọ, Ehe hẹn mì nado dahli we? 62Be etẹwẹ eyín mì mọ bọ Ovi gbẹtọ tọn hẹji jei ofì he é sọn wá? 63Gbigbọ wẹ nagbẹme; agbasa ma doale de: ohó he yẹn dọ hlan mì nẹlẹ, gbigbọ wẹ yé, ogbẹ̀ wẹ yé. 64Ṣigba medelẹ tin to mì me, he ma yise. Na Jesu yonẹn sọn whéwhéwhenu mehe hunkọ yé yín he ma yise lẹ, podọ mẹnu wẹ mẹhe na dè e hia yín. 65E sọ dọmọ, Enewutu wẹ yẹn do do hlan mì, dọ, Mẹde ma sogan wá dẽ, adavo yè na ẹn sọn Otọ́ ṣie de.
66Ehe ji wẹ susu to nuplọntọ etọn lẹ me gò do godo, bo ma sọ zòn hẹ ẹ ba. 67Enewutu Jesu dọ hlan ome wiawe lẹ, dọ, Mìwlẹ jlo na yì ga? 68Simoni Pita gblọn nẹ̃, dọ, Oklunọ, mẹnu de mìwlẹ na yì? hiẹ wẹ tindo ohó ogbè madopodo tọn. 69Mìwlẹ ko sọ yise, bo sọ yọnẹn dọ, hiẹ wẹ Klisti lọ, Ovi Jiwheyẹwhe ogbènọ tọn. 70Jesu sọ gblọnna yé, dọmọ, Mì omẹ wiawe ma wẹ yẹn dè, bọ dopo mìtọn yín lẹgba de? 71Juda Iskaliọti, ovisunnu Simoni tọn wẹ e to didọ: na ewọ wẹ mẹhe na dè e hia, mẹhe yín dopo to omẹ wiawe lẹ mẹ.
Избрани в момента:
JOHANU 6: BWL23
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Holy Bible in Gun-Alada © Bible Society of Benin and Bible Society of Nigeria, 1923.
JOHANU 6
6
1TO onú helẹ godo, Jesu sọ juwáyì ohù Galili tọn godo, he yín ohù Tibéliade tọn. 2Gbẹtọ susu hodo e na ye mọ ohia etọn he é basi do yé he jẹazọngo lẹ wutu. 3Jesu sọ hẹ́ji yì osó lọ ji, finẹ wẹ é sinai te po nuplọntọ etọn lẹ po. 4Juwayi, hùnwhẹ Ju lẹ tọn, sẹpọ. 5Enẹwutu whenuena Jesu zé nukun etọn do aga, bo mọ agùndaho de wá e de, é dọ hlan, Filipi, dọ, Fiẹ wẹ mí na hò akla te na omẹ helẹ nido dù? 6E dọ ehe nado whle e pọ́n; na ewọlọsu yón onú he é do wà. 7Filipi gblọn dọ hlan ẹn, dọ, Akla abọgan-kuẹ fọde tọn ma pé mẹhe lẹ, ma mẹdopodopo yetọn nido yí pẹ̃pẹ. 8Dopo to nuplọntọ etọn lẹ mẹ, Andlé, novisunnu Simọni Pita tọn, dọ hlan ẹn, dọ, 9Yọ: pọsunnu de tin to ofi he tindo akla bále tọn atón, po whèvi pẹvipẹvi awe po: ṣigba etéwẹ enẹlẹ yín to omẹ plànplan helẹ ṣẹnṣẹn? 10Jesu sọ dọmọ, Mì hẹn gbẹtọ lẹ jagla. Ogbé susu sọ tin to finẹ. Enẹwutu sunnu lẹ jagla, na hihià yé yi degbadefọtón. 11Jesu yí akla lẹ: whenuena é dopé, é má yé na mẹhe jagla le; mọkẹdẹ wẹwhèvi sọha he yé jlo, 12Whenuena yé ko gohò, é do hlan nuplọntọ etọn lẹ, dọ Mì bé dùpò he pò pli, yè hẹn núde gú blo. 13Enẹwutu ye bé yé plidopọ, ye gó oha wiawe sọn dùpo he poai bo sọ sùhúgan na yé omẹ he dú sọn akla aton bale tọn mẹ lẹ. 14Mowẹ whenuena gbeto lẹ mọ ohia he é basi, yé dọmọ, Nugbo, ehe wẹ yẹwhegán he ja aihọn mẹ lọ.
15Enewutu whenuena Jesu tunwun dọ ye po yíyí huhlọn do hẹn ẹn do basi aholu, e sọ vó gọ̀yì osó de ji ewọ dopokẹde.
16Whenuena ozán ku, nuplontọ etọn lẹ jéte yi ohù me, 17yé sọ biọ vàtle de me, bo gbò óhu pla yi Kapẹlnaumi dali. Zinvlu sọ do dinvie, Jesu ma ko jẹ yé de gbá. 18Ohù sọ to wuwlu na jẹhọn daho he fọ́n wutu. 19Enẹwutu whenuena yé kùnhun yì o jlẹ stade koatọ́n, kavi ogban hunkọ, yé mọ Jesu to zọnlinzin to ohù ji, bo sọ sẹpọ vàtlẹ lọ: obú sọ di yé. 20Ṣigba é dọ hlan ye, dọ, Yẹn we; mì dibú blo. 21Enẹwutu yé yín jijlo nado yí i do vatlẹ lọ mẹ: adonu vàtlẹ lọ jẹ age ofi he ye jei tọn ji.
22To azán awetọ gbè agùndaho he site to awà awetọ ohù tọn ji mọ dọ vàtlẹ pevi devo de ma tin to finẹ, adavo dopo, podọ Jesu ma zọn hẹ nuplontọ etọn lẹ biọ vàtlẹ lọ mẹ gba, ṣigba dọ nuplọntọ etọn lẹ kedẹ wẹ yì; 23ṣigba vatlẹ pẹvi dele sọn Tibeliade wá, bo sẹpọ́ ofi he yé dù akla lọ te, to godo na Oklunọ ko dopé; 24enẹwutu whenuena agùndaho lọ mọ dọ Jesu ma tin to finẹ, kavi nuplọntọ eton lẹ, yé wlọsu yí vàtlẹ pẹvi lẹ bo wá Kapẹlnaumi, bo to Jesu din. 25Whenuena yé mọ ẹn to awa awetọ ohù tọn, yé dọ hlan ẹn, dọ, Labbi, wheténu wẹ hiẹ wá ofi? 26Jesu gblọnna yé bo dọmọ, Nugbo, nugbo, wẹ yẹn dọ hlan mì, mì to dìndin mi, é ma yín mi mọ ohia wutu gba, ṣigba na mì dù akla nẹlẹ bo góhò wutu wẹ. 27Mì jẹtukla na núdùdù he na gble blo, ṣigba na núdùdù nẹ ehe nọ nọte kaka jẹ ogbè madopodo, ehe Ovi gbẹtọ tọn na na mì: na ewọ lọ wẹ Jiwheyẹwhe Otọ́ ko tlẹhiadonuna. 28Enẹwutu yé dọ hlan ẹn, dọ, Etéwẹ mí ni basi, bọ mí nado sọgan wà azón Jiwheyẹwhe tọn? 29Jesu gblọn bo dọ hlan yé, dọ, Ehe wẹ azọ́n Jiwhe yẹwhe tọn, dọ mì ni yise to mẹhe é dohlan mẹ. 30Enẹwutu yé dọ hlan ẹn, dọ, Etẹ wẹ hie basi na ohia, na mí ni mọ, bo nado yi we sè? Azọ́n tẹ́wẹ hiẹ wa? 31Otọ mìton lẹ dù manna to zùngbo mẹ; kedẹdile yè wlanwe dọ, E hẹn akla sọn olọn wá na yé dù 32Whenẹnu Jesu dọ hlan yé, dọ, Nugbo, nugbo, wẹ yẹn dọ hlan mì, Moṣe ma we ko na akla ne mì sọn olọn gba; ṣigba Oto ṣie wẹ yí akla nugoo nẹ na mì sọn olọn. 33Na akla Jiwheyẹwhe tọn wẹ enẹ he jete sọn olọn, bo sọ yí ogbe na aihon. 34Enewutu ye do hlan ẹn, dọ, Oklunọ, nọ na akla he mí tẹgbẹ̃. 35Jesu dọ hlan yé, dọ, Yen wẹ akla ogbẹ tọn: mẹdepope he wa dẽ hùvé ma na hù i, mẹhe sọ yi mi se, ovẹ ma na hu i gbede 36Ṣigba yẹn dọ hlan mì, dọ, Mìwlẹ ko mọ mi ga, mì ma sọ yise 37Onú he Otò ṣie yí na mi lẹpo na wá dè, podọ mẹhe so wá dẽ yẹn ma na yàn ẹn jegbonu, gbọn alọ depope mẹ. 38Na yẹn jẹte son olọn, é ma yín nado wà ojlo ṣie lọsu gba, adavo ojlo ewọ he do mi hlan tọn. 39Ehe we ojlo mẹhe do mi hlan tọn, dọ to onú he é ko na mi lẹ mẹ yẹn hẹn depópe bú to yé mẹ blo, ṣigba na yẹn ni fọ́n ẹn do ote to azán podo gbè 40Na ehe wè ojlo Otò ṣie tọn, dọ mẹdepope he mo Ovi, bo sọ yí i sè, nido tindo ogbè madopodo: yẹn nasọ fọ́n ẹn do ote to azán podo gbè.
41Enẹwutu Ju lẹ hlun do ota nẹ̃, na é dọ, Yẹn wẹ akla he jẹte sọn olọn wá wutu. 42Ye sọ dọmo, E ma yín ehe wẹ Jesu, ovi Joseíu tọn, mẹhe mí yọn otò etọn po onọ etọn po? etẹwutu wẹ e dọ dinvie, Yẹn jẹte sọn olon wá? 43Jesu gblọn, bo dọ hlan yé, dọmọ, Mì hlun to mìde ṣẹnṣẹn blo. 44Mẹdepope ma sọgan wá dè, adavo Otò he do mi hlan dòn ẹn: yẹn nasọ fọ́n ẹn do ote to azán pòdo gbè. 45Yè sọ wlan to owé yẹwhegán lẹ tọn mẹ dọ, Yè na plòn yé omẹ pó gbon Jiwheyẹwhe de.? Enẹwutu mẹdepope he sè, bọ yè sọ plón gbọn Otò de, ewọ wẹ to dẽ wá. 46E ma yín mẹdepope ko mọ Otò gbède gba, adavo mẹhe yín Jiwheyẹwhe tọn, ewọ wẹ ko mọ Otọ́ lọ. 47Nugbo, nugbo, wẹ yẹn dọ hlan mì, Mẹhe yí mi se tindo ogbè madopodo. 48Yẹn we akla ogbè tọn lọ 49Otò mìton lẹ dù manna to zùngbo mẹ, bo sọ kú. 50Ehe wẹ akla he jẹte sọn olọn wá, na gbẹtọ nido dù to e mẹ, bo ma kú. 51Yẹn wẹ akla ogbènọ lọ, ehe jẹte sọn olọn wa; eyín mẹdepope dù to akla he mẹ, e na tin to ogbẹ̀ kaka doi: mowẹ akla he yẹn na na lọ wẹ olan ṣie, ehe yẹn na na na ogbẹ̀ aihọn tọn.
52Enẹwutu Ju lẹ to nudòn to yéde ṣẹnṣẹn dọ, Nawẹ dawe he sọgan yí olan etọn na mí nado dù do? 53Enẹwutu Jesu dọ hlan yé, dọ, Nugbo, nugbo, wẹ yẹn dọ hlan mì, Adavo mi dù olan Ovi gbẹtọ ton tọn, bo sọ nù ohùn etọn, mì ma tindo ogbè to mì mẹ gba. 54Mẹdepope he dù olan ṣie, bo sọ nù ohùn ṣie, é tindo ogbẹ́ madopodo; yẹn nasọ fọ́n ẹn do ote to ozán podo gbè. 55Na olan ṣie wẹ akla nugbo, ohùn ṣie sọ wẹ núnùnù nugbo. 56Mehe dù olan ṣie, bo sọ nù ohùn ṣie, ewọ to nìnò yen me, yen sọ to ninọ ewọ mẹ. 57Kẹdẹdile Otọ́ ogbèhọ, ko do mì hlan, bọ yen sọ tin to ogbè gbọn Otọ́ dali; mọkedẹ wẹ mẹhe dù mi, yèdọ ewo na tin to ogbè gbọn yẹn dali ga. 58Ehe wẹ akla he jẹte sọn olọn wá lọ; é ma dile otọ́ mìtọn lẹ dù manna, bọ yé sọ kú gba: mẹhe dù akla he na tin to ogbè kakadoi. 59Onú helẹ wẹ é dọ to sinagọgu mẹ, le é to meplón to Kapẹlnaumi.
60Enẹwutu susu to nuplọntọ etọn lẹ mẹ, whenuena yé sè ehe, yé dọmọ, Ohó he sinyẹnawú talala wẹ ehe; mẹnu wẹ sogan sè e? 61Ṣigba Jesu yinyonẹn to ede homẹ, dọ nuplọntọ etọn lẹ to hunhlun do ehe go, dọ hlan yé, dọ, Ehe hẹn mì nado dahli we? 62Be etẹwẹ eyín mì mọ bọ Ovi gbẹtọ tọn hẹji jei ofì he é sọn wá? 63Gbigbọ wẹ nagbẹme; agbasa ma doale de: ohó he yẹn dọ hlan mì nẹlẹ, gbigbọ wẹ yé, ogbẹ̀ wẹ yé. 64Ṣigba medelẹ tin to mì me, he ma yise. Na Jesu yonẹn sọn whéwhéwhenu mehe hunkọ yé yín he ma yise lẹ, podọ mẹnu wẹ mẹhe na dè e hia yín. 65E sọ dọmọ, Enewutu wẹ yẹn do do hlan mì, dọ, Mẹde ma sogan wá dẽ, adavo yè na ẹn sọn Otọ́ ṣie de.
66Ehe ji wẹ susu to nuplọntọ etọn lẹ me gò do godo, bo ma sọ zòn hẹ ẹ ba. 67Enewutu Jesu dọ hlan ome wiawe lẹ, dọ, Mìwlẹ jlo na yì ga? 68Simoni Pita gblọn nẹ̃, dọ, Oklunọ, mẹnu de mìwlẹ na yì? hiẹ wẹ tindo ohó ogbè madopodo tọn. 69Mìwlẹ ko sọ yise, bo sọ yọnẹn dọ, hiẹ wẹ Klisti lọ, Ovi Jiwheyẹwhe ogbènọ tọn. 70Jesu sọ gblọnna yé, dọmọ, Mì omẹ wiawe ma wẹ yẹn dè, bọ dopo mìtọn yín lẹgba de? 71Juda Iskaliọti, ovisunnu Simoni tọn wẹ e to didọ: na ewọ wẹ mẹhe na dè e hia, mẹhe yín dopo to omẹ wiawe lẹ mẹ.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Holy Bible in Gun-Alada © Bible Society of Benin and Bible Society of Nigeria, 1923.