KENESE 33
33
Ko Fetaui a Iakopo mo Esau
1I te mateaga ne Iakopo a Esau mo tena kau e tokofa selau ko aumai, tela tufatufa ei ne ia ana tamaliki ki a Lea, Lasela mo ana avaga fakasalasala kola e tokolua. 2Ne tuku ne ia ana avaga fakasalasala mo la tamaliki i mua, tao atu ki ei ko Lea mo ana tama, kae fakamuli ko Lasela mo losefa. 3Ka ko Iakopo ne fanatu ki mua, kae punou ifo ki te laukele e fitu taimi, i te okoatuga a ia ki tena taina. 4Ka ko Esau ne tele atu o fakafetaui ki a ia, sai atu kae sogi atu ki a ia, 'tagi ei laua tokolua. 5Ne kilo ake Esau pela, lavea ne ia a fafine mo tamaliki, tela fesili atu ei penei, “Ko oi tino konei ne o'mai mo koe?”
Ne tali atu a Iakopo, “Tou malu, tamaliki kona ko aku tama ne tuku mai ne te Atua i tena alofa.” 6Tena ne olo aka a avaga fakasalasala a Iakopo ki mua, ifo atu ki a Esau; 7tao atu ki ei ko Lea mo ana tamaliki kae fakamuli ko Lasela mo Iosefa.
8Ne fesili atu Esau, “Kae se a foki te potukau tela ne fetaui matou? Ko oi latou?”
Ne tali atu a Iakopo, “Te kau kona ne olo atu ke fiafia mai koe.”
9Ne fai atu Esau, “Toku taina, au e lava kae toe; tausi au mea kona.”
10Muna a Iakopo, Fakamolemole, kafai ko se ita koe ki a au, talia mai aku meaalofa. A tou lavea ne au, e pela eiloa mo te lavea ne au a te Atua, i a koe ko oko eiloa i tou mata fiafia mai ki a au. 11Fakamolemole talia mai a meaalofa konei ko oti ne fakatoka ne au ma koe; a te Atua ne alofa mai ki a au o tuku mai a mea katoa e manako au ki ei.” Ne finau atu eiloa a Iakopo tela talia ei ne Esau a meaalofa.
12Muna a Esau, “Tatou ka olo. Au ka mua i otou mua.”
13Muna a Iakopo, “Kaati e malamalama koe i tamaliki e vaivai, e tau foki o amanaia ne au a mamoe mo pulumakau mo olotou tama. Kafai e faka'vavave ne au a latou i se aso e tasi, ko te mea eiloa ko mate katoa a te lafu manu. 14Fakamolemole, na mua koe, kae tautali malie atu matou, o taumafai ki te vave e mafai ne au mo pulumakau mo tamaliki konei, ke oko ki te taimi e maua atu ei ne matou koutou i Etoma.”
15Muna a Esau, “Ke tuku atu ne au nisi o aku tagata ke fesoasoani atu ki a koutou.”
Kae ne tali atu Iakopo, “E lei fua, ko lava eiloa i a matou.”#33.15: me i a au e manako fua ke fai toku loto; io me manafai e talia ne koe. 16Tena, i te aso tena, ne foki atu ei a Esau mo tena kau ki Etoma. 17Ka ko Iakopo ne fano ki Sukota, tela ne faite ei ne ia tena fale mo ne fakamalumalu mo ana pulumakau. Tena te mea ne fakaigoa ei te koga tena ko Sukota.#33.17: Sukota: Te uiga o te igoa tenei faka Epelu “ne fakamalumalu.”
18I te fokimaiga o Iakopo mai Mesopotamia, ne oko atu eiloa a ia mo te manuia ki Sekema i te fenua o Kanana, fakatu ei mo ana faleie i te koga e pili ki te fa'kai. 19#Ioa 4.5Ne togi ne ia te koga tena mai i tino o te gafa o Hamola te tamana o Sekema, ki te selau siliva. 20Ne fakatu aka ne ia se fata-fai-taulaga i kona, fakaigoa ei ne ia ko Ele, te igoa o te Atua o Isalaelu.
Избрани в момента:
KENESE 33: Tusi Tapu
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific