KENESE 9
9
Ko te Feagaiga a te Atua mo Noa
1 #
Kene 1.28
Ne fakamanuia ne te Atua a Noa mo ana tamaliki tagata, kae fai atu penei ki a latou, “Fakatokouke otou fanau, ko te mea ke salalau atu otou gafa i te lalolagi katoa. 2A manu vaefa katoa, mo manu eva, e pela foki mo ika ka ola mo te mataku ki a koutou. Ka 'nofo katoa i lalo o te otou pulega, 3kae ka mafai o kai ne koutou, e pela foki mo lakau kaina katoa; a mea katoa kona ko tuku atu ne au ke fai mo meakai a koutou. 4#Levi 7.26,27; 17.10-14; 19.26; Teu 12.16,23; 15.23Ko te mea e se 'tau o kai ne koutou, ko kano o manu kola koi isi ne toto i ei; e se talia ne au te mea tena me i te toto ko te ola tena. 5So se tino e tatino, e 'tau o fakasala. Ka fakasala ne au ki te mate so se manu tela e tamate ne ia te tino ola. 6#Eso 20.13; Kene 1.26A te tino ne faite ki foliga o te Atua, tela la, so se mea ola e tamate ne ia te tino, ka tamate a ia ne nisi tino.
7 #
Kene 1.28
“E tau o fakatokouke otou tamaliki, ko te mea ke salalau atu otou fanau i luga i te lalolagi.”
8Muna a te Atua ki a Noa mo ana tamaliki tagata, 9“Ko fai nei taku feagaiga mo koe mo tou gafa, 10e pela foki ki mea ola katoa — manu eva katoa mo manu vaefa katoa mo mea ola katoa kola ne 'mai mo koe i te vaka. 11Konei a pati e fai ei taku feagaiga mo koe: au ko tauto me ka se toe 'ta fakapalele a mea ola katoa i se lofiaga; ka se toe fakamasei eiloa te lalolagi katoa ne se lofiaga. 12Tenei te fakailoga o taku feagaiga tumau ki a koutou mo mea ola katoa, 13ka fakatu ne au te nuanua i kaumana. Ka fai te mea tena mo fakailoga o taku feagaiga mo te lalolagi. 14I so se taimi e ufi ei ne au te lagi ki kaumana, kae sae aka mo te nuanua, 15ka masaua ne au taku tautōga ki a koutou e pela foki ki manu katoa, me ka se toe 'ta fakapalele a mea ola katoa i se lofiaga. 16Kafai e sae aka se nuanua i kaumana, ka masaua ei ne au taku feagaiga tumau mo mea ola katoa i te lalolagi. 17Tena te fakailoga o te feagaiga tela ne fai ne au mo mea ola katoa.”
Ko Noa mo ana Tamaliki Tagata
18A tamaliki tagata a Noa kola ne olo mo ia i te vaka ko Semu, Hamo mo Iafeta. A Hamo ko te tamana o Kanana. 19A tamaliki tagata konei e tokotolua a Noa, ko tupuga o tino katoa i te lalolagi.
20A Noa, tela se faifatoaga, ko te tino muamua o toki ne ia se togavine. 21I te inuga a ia ki uaina, ne kona a ia, tela ne tapale keatea ona gatu, kae takato fuafua i loto i tena faleie. 22I te mateaga ne Hamo, te tamana o Kanana, i tena tamana e nofo fuafua, ne fano a ia o fakailoa ki ona taina kola e tokolua. 23Ne puke aka ne Semu mo lafeta se gatu 'loa, kae taofi ne laua i o la tua. Ne sasale laua ki te faleie, mo la tua e fuli ki ei, ulu atu ki loto, faka kafu ei ne laua te la tamana, mo la mata e kilo fakaatea ke se lavea ne laua te la tamana ne nofo fuafua. 24I te 'leiga o te kona o Noa, kae ko logo i te mea ne fai ne tena tama tagata tafa foniki eiloa, ne fai ana pati penei,
25“Ke malaia Kanana!
Ka fai a ia mo pologa ki ana taina.
26Ke vikia te Aliki, te Atua o Semu!
A Kanana ka fai mo pologa a Semu.
27Ke fakamanuia ne te Atua a Iafeta!#9.27: Iafeta: A te uiga o te igoa tenei faka Epelu “fakatokouke.”
Ke 'nofo tasi tena fanau mo te fanau a Semu!
A Kanana ka fai mo pologa a lafeta.”
28I te oti atuga o te lofiaga, ne ola atu eiloa a Noa e tusa mo te 350 tausaga, 29kae ne mate ka ko tusa mo te 950 tausaga o tena olaga.
Избрани в момента:
KENESE 9: Tusi Tapu
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific