Luk̆a 23
23
Yeso Vali Pilates Goʒ̆udgin
1Ok̆oxunus na rt̆es iri-xolok edgites do Yeso Pilates kogoʒ̆udgines. 2Hemus haşo k̆rima yondumt̆es: “Ham k̆oçi xalk̆i çkuni gzaşen gamionamt̆uşa bz̆irit. K̆aysaris vergi mot meçamt-ya do goludgitun. E do, ‘Ma Xrist̆e, mapa bore’-ya zop̆ons.”
3Pilatek Yesos, “Si, Yudeurepeşi mapa rei?”-ya do k̆itxu.
Yesok, “Si na zop̆onsteri ren”-ya.
4Pilatek, P̆ap̆aşumçanepes do xalk̆is, “Ma ham k̆oçis çkar suçi var buz̆irom”-ya uʒ̆u.
5Mara hentepek gyobaz̆ges: “Yudeaşi k̆at̆a k̆ele gulun do nosi dogurams, xalk̆is yomğezinams. Galileaşen hakşakis komoxtu”-ya uʒ̆ves.
6Pilatek haya ognuşi, “Ham k̆oçi Galiluri reni?”-ya do k̆itxu. 7İrodişi xukmi na uğun svalepeşen Yeso na moxtu Pilatek diguruşk̆ule, hem oras Yeruşalimis na ren İrodişa mendoşku.
8İrodi Yeso z̆iruşi dido ixelu. Hemuşi ambaepe na ognamt̆uşeni dido oraşen doni Yeso do ar simadi muşi oz̆iramu unt̆u. 9Yesos dido mutxape k̆itxu, mara hemuk çkar mutu var uʒ̆u. 10P̆ap̆aşumçanepe do Maç̆aralepe hek dodgites do Yesos monk̆a mutxanepe yondves. 11İrodikti askerepe muşi k̆ala Yesos gyoç̆onu do gyaz̆iʒu. Çxat̆ura dolokunu kodolokunu do Pilateşa mendoşku. 12Hem ndğas İrodi do Pilate k̆atape dives, mara hamuşen ʒ̆oxle duşmanoba ikomt̆es.
Pilatek Yesoşi Ğuras Xukmi Meçams
13Pilatek, P̆ap̆aşumçanepe, tişinerepe do xalk̆is koducoxu. 14Hentepes haşo uʒ̆u: “Tkva ham k̆oçi, xalk̆is yomğezinams-ya do komomionit. Mati tkvani ʒ̆oxle dop̆k̆itxi. Ham k̆oçis, tkva na eondvit suçepeşi mutu var maz̆iru. 15İrodisti var az̆iru. Hemuşeni ki, xolo çkunda komoşku. Aha z̆iromt, ham k̆oçik ğura muşi xukmi meçamuşeni mutu var vu. 16-17Hemuşeni, mati bobaxapare do oxobuşkvare”-ya.
18Mara, hentepek iri arte, “Haya gondini, Varava koxomişkvit!”-ya do ok̆omğores. 19Varava, noğas na ivu tiezdalaşen do k̆oçi oʒ̆amuşen molaxert̆u.
20Pilates Yesoşi oxoşkvinu guris uğut̆u. Xolo hentepes up̆aramitu. 21Hentepek “St̆avros kogyoç̆k̆adi, st̆avros kogyoç̆k̆adi!”-ya do ok̆omğores.
22Pilatek masumani fara, “Ham k̆oçik mu p̆at̆oba vu? Oğurinuşeni mutu suçi var maz̆iru. Bobaxapare do oxoboşkvapare”-ya.
23-24Mara hentepek zori mğores do Yeso st̆avros geç̆k̆aduşeni gyobaz̆ges. E do, hentepeşi omğorinuk gyocginu; Pilatek hentepes na unt̆es oxenuşeni k̆arari mek̆vatu. 25Tiezdalas na elak̆atuşeni do k̆oçi na ʒ̆amuşeni cixas na molaxert̆u, na unt̆es k̆oçiti koxuşkvinu. Yesosti hentepes na unt̆essteri ğuraş xukmi konuçu.
Yeso St̆avros Gyoç̆k̆adaman
26Askerepek Yeso nionamt̆esşi onaşen na mulun Kirenuri Simoni meç̆opes, st̆avro komok̆ides do Yesos ek̆ogzales. 27Dido k̆oçepeti Yesos ek̆oumt̆es. Hek Yesoşeni na ibgart̆es do na k̆oreʒxumt̆es oxorcalepeti kort̆es. 28Yeso goiktu do hentepes haşo uʒ̆u, “Be Yeruşalimişi bozope, çkimişeni mot ibgart, mara ti tkvanişeni do berepe tkvanişeni ibgarit. 29Heşo ndğalepe mulun ki, ‘E şana bedi mutepeşis: ap̆ark̆e oxorcalepes, na var durinapun mğast̆epes, na var uʒ̆unapun ʒiʒepes’-ya tkvanen. 30Hem oras germapes ‘Kogemat̆it’, rak̆anepes ‘Komomatvit’ uʒ̆vanoren. 31Larde ncalepes hantepe doğodanşk̆ule, xomulapes mupe ağodanen?”
32Yeso k̆ala çkva jur k̆oçiti oğurinuşeni nuonut̆es. 33Yeso do askerepe Kranyoni na uʒ̆umenan svaşa mextesşi, Yeso k̆ala, jur çkva masuçani k̆oçi; arti marz̆gvani, arti k̆vazali muşi k̆ele st̆avros komoç̆k̆ades. 34Yesok, “Baba, hentepes duxat̆iri, mu ikoman mutepesti var uçkinan”-ya tku. Hemuşi dolokunupe ok̆irtamt̆es do hemuşeni k̆ura komoizdes.
35Xalk̆i hek ok̆odgit̆es do hentepes uxosart̆es. Tişinerepek Yesos gyaz̆iʒes. “Çkvapes moşletinu; Ğormotişi goşaoneri Xrist̆e hea renna, haʒ̆i ti muşiti moşletinas”-ya tkves.
36Askerepekti Yesos nanç̆es do noz̆iʒes. Hemus mcumori komeçes. 37“Yudeurepeşi Mapa si rena, haʒ̆i moşletini ti skani”-ya uʒ̆ves. 38Yesoşi tiş jin “Haya Yudeurepeşi Mapa Ren”-ya noç̆art̆u.
39Yeso k̆ala st̆avros na noç̆k̆adun ar masuçanik “Xrist̆e si va rei? Ti skaniti, çkuti momoşletinit”-ya do ogoru.
40Mara majurani masuçanik duperxu do “Si Ğormotişen var gaşkurineni? Hemuşeni na meçes xukmi, skanişeniti komeçes. 41Çku p̆at̆oba na p̆itşeni ham ceza mʒ̆orumt. Mara ham k̆oçis çkar p̆at̆oba var uğun”-ya uʒ̆u.
42Uk̆ule, “Ç̆e Yeso, mapoba skanişa amaxtaşk̆ule mati gomişini”-ya uʒ̆u.
43Yesokti hemus, “Mtinala muşi giʒ̆umer, si handğa çkimi k̆ala cennetis rt̆are”-ya uʒ̆u.
Yesoşi Ğura
44Ondğeri saati vit̆ojuri k̆ele rt̆u. Ondğeşk̆ule sumişakis k̆at̆a sva kok̆omʒ̆k̆upu. 45Mjora domʒ̆k̆upu, Oxvameşi perde ok̆ixaru. 46Yesok zori nenate, “Baba, şuri çkimi xepe skanis megişkumer”-ya tku do şuri komeçu.
47Hantepe na az̆iru oşişdudik “Ham k̆oçi mtinalati ʒ̆ori k̆oçi rt̆u”-ya do Ğormoti omʒku. 48Hamuşi oz̆iramuşeni na ok̆ibğes xalk̆i na ivupe z̆iresşi gurp̆icepe mutepeşi baxeri-baxeri goiktes. 49Mara Yesoşi mteli çinoperepe do Galileaşen doni na ek̆ourt̆es oxorcalepek na ivupes mendraşen oʒ̆k̆edes.
Yesoşi Doxvalu
50Didi Ok̆oxunus Yosifi na coxons k̆ai do ʒ̆ori ar k̆oçi kort̆u. 51Arimatea na gyoz̆in Yudeurepeşi noğaşen rt̆u. Yosifik Ğormotişi Mapobas çumert̆u do Didi Ok̆oxunuşi xukmi guris var gyadudort̆un. 52Ham k̆oçik Pilateşa idu do Yesoşi xura ak̆vandu. 53Hea st̆avroşen kogeionu do ʒ̆it̆ias kogok̆oru. Miti na var moloxunes, kvas gamaxveri mezares komolonciru. 54Hem ndğa P̆arask̆e Ndğa rt̆u; Sap̆at̆oni Ndğa gyoç̆k̆asert̆u.
55Galileaşen Yeso k̆ala na moxtes oxorcalepe konaones. Mezare do Yesoşi xura muç̆o moladves kaz̆ires. 56Goiktes do k̆vanape do şuriari yağepe doxazires. Mara Sap̆at̆oni Ndğas, Ğormotik haşo na geiçinaduşeni moişvaces.
Избрани в момента:
Luk̆a 23: LZZ
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Laz Luke © Bible Society in Turkey (Kitabı Mukaddes Şirketi) 2020
Luk̆a 23
23
Yeso Vali Pilates Goʒ̆udgin
1Ok̆oxunus na rt̆es iri-xolok edgites do Yeso Pilates kogoʒ̆udgines. 2Hemus haşo k̆rima yondumt̆es: “Ham k̆oçi xalk̆i çkuni gzaşen gamionamt̆uşa bz̆irit. K̆aysaris vergi mot meçamt-ya do goludgitun. E do, ‘Ma Xrist̆e, mapa bore’-ya zop̆ons.”
3Pilatek Yesos, “Si, Yudeurepeşi mapa rei?”-ya do k̆itxu.
Yesok, “Si na zop̆onsteri ren”-ya.
4Pilatek, P̆ap̆aşumçanepes do xalk̆is, “Ma ham k̆oçis çkar suçi var buz̆irom”-ya uʒ̆u.
5Mara hentepek gyobaz̆ges: “Yudeaşi k̆at̆a k̆ele gulun do nosi dogurams, xalk̆is yomğezinams. Galileaşen hakşakis komoxtu”-ya uʒ̆ves.
6Pilatek haya ognuşi, “Ham k̆oçi Galiluri reni?”-ya do k̆itxu. 7İrodişi xukmi na uğun svalepeşen Yeso na moxtu Pilatek diguruşk̆ule, hem oras Yeruşalimis na ren İrodişa mendoşku.
8İrodi Yeso z̆iruşi dido ixelu. Hemuşi ambaepe na ognamt̆uşeni dido oraşen doni Yeso do ar simadi muşi oz̆iramu unt̆u. 9Yesos dido mutxape k̆itxu, mara hemuk çkar mutu var uʒ̆u. 10P̆ap̆aşumçanepe do Maç̆aralepe hek dodgites do Yesos monk̆a mutxanepe yondves. 11İrodikti askerepe muşi k̆ala Yesos gyoç̆onu do gyaz̆iʒu. Çxat̆ura dolokunu kodolokunu do Pilateşa mendoşku. 12Hem ndğas İrodi do Pilate k̆atape dives, mara hamuşen ʒ̆oxle duşmanoba ikomt̆es.
Pilatek Yesoşi Ğuras Xukmi Meçams
13Pilatek, P̆ap̆aşumçanepe, tişinerepe do xalk̆is koducoxu. 14Hentepes haşo uʒ̆u: “Tkva ham k̆oçi, xalk̆is yomğezinams-ya do komomionit. Mati tkvani ʒ̆oxle dop̆k̆itxi. Ham k̆oçis, tkva na eondvit suçepeşi mutu var maz̆iru. 15İrodisti var az̆iru. Hemuşeni ki, xolo çkunda komoşku. Aha z̆iromt, ham k̆oçik ğura muşi xukmi meçamuşeni mutu var vu. 16-17Hemuşeni, mati bobaxapare do oxobuşkvare”-ya.
18Mara, hentepek iri arte, “Haya gondini, Varava koxomişkvit!”-ya do ok̆omğores. 19Varava, noğas na ivu tiezdalaşen do k̆oçi oʒ̆amuşen molaxert̆u.
20Pilates Yesoşi oxoşkvinu guris uğut̆u. Xolo hentepes up̆aramitu. 21Hentepek “St̆avros kogyoç̆k̆adi, st̆avros kogyoç̆k̆adi!”-ya do ok̆omğores.
22Pilatek masumani fara, “Ham k̆oçik mu p̆at̆oba vu? Oğurinuşeni mutu suçi var maz̆iru. Bobaxapare do oxoboşkvapare”-ya.
23-24Mara hentepek zori mğores do Yeso st̆avros geç̆k̆aduşeni gyobaz̆ges. E do, hentepeşi omğorinuk gyocginu; Pilatek hentepes na unt̆es oxenuşeni k̆arari mek̆vatu. 25Tiezdalas na elak̆atuşeni do k̆oçi na ʒ̆amuşeni cixas na molaxert̆u, na unt̆es k̆oçiti koxuşkvinu. Yesosti hentepes na unt̆essteri ğuraş xukmi konuçu.
Yeso St̆avros Gyoç̆k̆adaman
26Askerepek Yeso nionamt̆esşi onaşen na mulun Kirenuri Simoni meç̆opes, st̆avro komok̆ides do Yesos ek̆ogzales. 27Dido k̆oçepeti Yesos ek̆oumt̆es. Hek Yesoşeni na ibgart̆es do na k̆oreʒxumt̆es oxorcalepeti kort̆es. 28Yeso goiktu do hentepes haşo uʒ̆u, “Be Yeruşalimişi bozope, çkimişeni mot ibgart, mara ti tkvanişeni do berepe tkvanişeni ibgarit. 29Heşo ndğalepe mulun ki, ‘E şana bedi mutepeşis: ap̆ark̆e oxorcalepes, na var durinapun mğast̆epes, na var uʒ̆unapun ʒiʒepes’-ya tkvanen. 30Hem oras germapes ‘Kogemat̆it’, rak̆anepes ‘Komomatvit’ uʒ̆vanoren. 31Larde ncalepes hantepe doğodanşk̆ule, xomulapes mupe ağodanen?”
32Yeso k̆ala çkva jur k̆oçiti oğurinuşeni nuonut̆es. 33Yeso do askerepe Kranyoni na uʒ̆umenan svaşa mextesşi, Yeso k̆ala, jur çkva masuçani k̆oçi; arti marz̆gvani, arti k̆vazali muşi k̆ele st̆avros komoç̆k̆ades. 34Yesok, “Baba, hentepes duxat̆iri, mu ikoman mutepesti var uçkinan”-ya tku. Hemuşi dolokunupe ok̆irtamt̆es do hemuşeni k̆ura komoizdes.
35Xalk̆i hek ok̆odgit̆es do hentepes uxosart̆es. Tişinerepek Yesos gyaz̆iʒes. “Çkvapes moşletinu; Ğormotişi goşaoneri Xrist̆e hea renna, haʒ̆i ti muşiti moşletinas”-ya tkves.
36Askerepekti Yesos nanç̆es do noz̆iʒes. Hemus mcumori komeçes. 37“Yudeurepeşi Mapa si rena, haʒ̆i moşletini ti skani”-ya uʒ̆ves. 38Yesoşi tiş jin “Haya Yudeurepeşi Mapa Ren”-ya noç̆art̆u.
39Yeso k̆ala st̆avros na noç̆k̆adun ar masuçanik “Xrist̆e si va rei? Ti skaniti, çkuti momoşletinit”-ya do ogoru.
40Mara majurani masuçanik duperxu do “Si Ğormotişen var gaşkurineni? Hemuşeni na meçes xukmi, skanişeniti komeçes. 41Çku p̆at̆oba na p̆itşeni ham ceza mʒ̆orumt. Mara ham k̆oçis çkar p̆at̆oba var uğun”-ya uʒ̆u.
42Uk̆ule, “Ç̆e Yeso, mapoba skanişa amaxtaşk̆ule mati gomişini”-ya uʒ̆u.
43Yesokti hemus, “Mtinala muşi giʒ̆umer, si handğa çkimi k̆ala cennetis rt̆are”-ya uʒ̆u.
Yesoşi Ğura
44Ondğeri saati vit̆ojuri k̆ele rt̆u. Ondğeşk̆ule sumişakis k̆at̆a sva kok̆omʒ̆k̆upu. 45Mjora domʒ̆k̆upu, Oxvameşi perde ok̆ixaru. 46Yesok zori nenate, “Baba, şuri çkimi xepe skanis megişkumer”-ya tku do şuri komeçu.
47Hantepe na az̆iru oşişdudik “Ham k̆oçi mtinalati ʒ̆ori k̆oçi rt̆u”-ya do Ğormoti omʒku. 48Hamuşi oz̆iramuşeni na ok̆ibğes xalk̆i na ivupe z̆iresşi gurp̆icepe mutepeşi baxeri-baxeri goiktes. 49Mara Yesoşi mteli çinoperepe do Galileaşen doni na ek̆ourt̆es oxorcalepek na ivupes mendraşen oʒ̆k̆edes.
Yesoşi Doxvalu
50Didi Ok̆oxunus Yosifi na coxons k̆ai do ʒ̆ori ar k̆oçi kort̆u. 51Arimatea na gyoz̆in Yudeurepeşi noğaşen rt̆u. Yosifik Ğormotişi Mapobas çumert̆u do Didi Ok̆oxunuşi xukmi guris var gyadudort̆un. 52Ham k̆oçik Pilateşa idu do Yesoşi xura ak̆vandu. 53Hea st̆avroşen kogeionu do ʒ̆it̆ias kogok̆oru. Miti na var moloxunes, kvas gamaxveri mezares komolonciru. 54Hem ndğa P̆arask̆e Ndğa rt̆u; Sap̆at̆oni Ndğa gyoç̆k̆asert̆u.
55Galileaşen Yeso k̆ala na moxtes oxorcalepe konaones. Mezare do Yesoşi xura muç̆o moladves kaz̆ires. 56Goiktes do k̆vanape do şuriari yağepe doxazires. Mara Sap̆at̆oni Ndğas, Ğormotik haşo na geiçinaduşeni moişvaces.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Laz Luke © Bible Society in Turkey (Kitabı Mukaddes Şirketi) 2020