ᒐᓂᓯᔅ 23

ᑲ ᐳᓂᐱᒪᑎᓯᑦ ᑭᔭ ᑲ ᓇᐃᐧᑯᐛᑭᓄᐅᑦ ᓴᕋ

1ᑲᒋ ᒥᒐᑐᐳᓂᔨᒡ ᐃᔅᐱ ᓴᕋ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᐊᓱ ᓂᔄᐅᑕᒡ ᑲ ᐃᑕᑐᐳᓇᓯᑦ, 2ᒋ ᐳᓂᐱᒪᑎᓯᐤ ᓴᕋ ᐊᓐᑕ ᑲᐃᓇᓐ ᐊᔅᒋᒡ᙮ ᑭᕆᐊᑦ ᐊᕐᐸ ᐅᑕᓇᔪᐤ, ᐊᓐ ᐊᓄᒡ ᐃᑉᕈᓐ ᐊ ᐃᓯᓂᐧᑲᑕᒡ᙮ ᒋ ᓇᐧᑲᑕᔨᒧᐤ ᐊᑉᕋᐊᒻ ᑲ ᐳᓂᐱᒪᑎᓯᔨᒋ᙮

3ᐊᑯ ᐊᑉᕋᐊᒻ ᓇᑭᑕᐧᒃ ᐊᓐᑕ ᑲ ᐱᒥᓯᓂᔨᒋ ᐎᐛ ᑭᔭ ᐊᑐᑕᑦ ᐅᑕᓇᐤ ᐃᔎᑕᒥᒡ ᐊᓐᑕ ᑲ ᓂᒋᔅᑲᑐᐎᒋ ᐊᑦ ᐃᔪᐛ᙮ ᒋ ᐃᑕᐤ ᒪᒃ, 4“ᓂ ᐎᒋᓐ ᐅᑕ ᒋᑦ ᐊᔅᒋᐛᒡ ᒧᔭᒻ ᒪᓐᑕᐤ ᑭᔭ ᓇᒪ ᓂ ᑎᐸᔨᑕᓐ ᐊᔅᒋᔾ ᐊᓐᑕ ᒐᒋ ᓇᐃᐧᑯᐅᒃ ᓂᐅ᙮ ᐸᒋ ᐊᑕᒥᒄ ᐱᔅᒐ ᒐᒋ ᐊᔭᔭᓐ ᒋᑦ ᐊᔅᒋᐛᐤ᙮”

5ᐊᑉᕋᐊᒻ ᒋ ᐃᑎᑯᐤ ᐊᑦ ᐃᔪᐛ, 6“ᓂᑐᑐᐅᓇᓐ ᒪ ᐅᒋᒪᐤ, ᒋᔅᑕᔨᒥᑯᐅᓐ ᒧᔭᒻ ᐊ ᓱᐧᑲᑎᓯᑦ ᑲᓂᑲᓂᔅᑲᐧᒃ ᐅᑕ ᐊ ᐃᑕᔭᒡ᙮ ᐎᔭᐸᑕ ᒋᐱᐃᒋᐛᑉ ᐊ ᒥᔽᒡ ᒐᒋ ᓇᐃᐧᑯᐅᑦ ᒋᐅ᙮ ᓇᒪ ᐊᐛᓐ ᒋᑭ ᑯᔅᑎᐃᒄ ᒋᐱᐃᒋᐛᐱᔪᐤ ᒐᒋ ᓇᐃᐧᑯᐅᒥᑎ ᒋᐅ᙮”

7ᐊᑯ ᐸᓯᑯᑦ ᐊᑉᕋᐊᒻ ᑭᔭ ᐊ ᒋᔅᑕᔨᒪᑦ ᒋ ᓄᐛᑲᐳᔅᑐᐛᐤ᙮ 8ᒂ ᐃᑕᑦ, “ᓂᔭᐃᑎᒧᐛᒂ ᒐᒋ ᓇᐃᐧᑯᐅᒃ ᓂᐅ ᐅᑕ ᒋᑦ ᐊᔅᒋᐛᒡ, ᐊᑯ ᒐᓯᒋᒪᒄ ᐃᑉᕋᓐ, ᓱᐊᕐ ᐅᑯᓴ, 9ᒐᒋ ᐊᑕᒥᑦ ᒪᒃᐱᓚ ᐛᑎᑯᔪᐤ ᐎᔾ ᑕᐱᔨᐛᐅᓯᑦ, ᐊ ᐅᓂᔎᔨᒡ ᐅᓂᑕᐅᒋᑕᑭᓂᒡ ᐊ ᑎᑯᓂᔨᒡ᙮ ᓄᑎᒻ ᐊᑐᑕᒡ ᓂᑭ ᒋᓯᐧᑲᓱᓐ ᐅᓂᒂᔅᑲᓐ ᐊᔅᒋᔾ ᐅᑕ ᒋᑦ ᐊᔅᒋᐛᒡ᙮”

10ᐃᑉᕋᓐ ᐎᒡ ᐃᔪᐛ ᒋ ᐎᑎᐱᒪᐤ ᑭᔭ ᒋ ᓂᑐᑐᐛᐤ ᐊ ᐃᔅᒋᔄᔨᒋ ᐊᑉᕋᐊᒪ ᑭᔭ ᒂ ᐃᑕᑦ ᐊ ᐸᑕᑯᑦ ᒥᓯᐛ ᐊᑦ ᐃᔪᐛ ᑲ ᐸᒋ ᐃᑐᑕᔨᒋ ᐊᓐᑕ ᐅᑕᓇᐤ ᐃᔎᑕᒥᒡ᙮ 11“ᓇᒪ ᐅᒋᒪᐤ, ᓂᑐᑐᐎ, ᐊᓂᒪ ᓂᑕᐅᒋᑕᑭᓐ ᑭᔭ ᐊ ᑎᒂᒡ ᐊᓐᑕ ᐛᑎᒄ ᒋ ᒥᔨᑎᓐ᙮ ᐊ ᐛᐱᒥᔅᒡ ᓂᑦ ᐃᔨᒥᒡ ᒋ ᒥᔨᑎᓐ, ᐊᑯ ᒪᒃ ᒐᒋ ᓇᐃᐧᑯᐅᑦ ᒋᐅ᙮”

12ᐊᑉᕋᐊᒻ ᒥᓐ ᐸᐃᒂᐤ ᐊ ᒋᔅᑕᔨᒪᑦ ᒋ ᓄᐛᑲᐳᔅᑐᐛᐤ ᐊᑦ ᐃᔪᐛ᙮ 13ᒋ ᐃᑕᐤ ᒪᒃ ᐃᑉᕋᓇ ᒥᓯᐛ ᐊᐛᔪᐛ ᐊ ᐸᑕᑯᑦ, “ᒋᑭ ᑯᒂᒋᒥᑎᓐ ᒪ ᒐᒋ ᓂᑐᑐᐎᓐ, ᓄᑎᒻ ᓂᑭ ᐃᔭᓐ ᓂᑕᐅᒋᑕᑭᓐ᙮ ᐅᑎᓇ ᓱᓇᔭᐤ ᐊᑯ ᒪᒃ ᐊᓐᑕ ᒐᒋ ᓇᐃᐧᑯᐅᒃ ᓂᐅ ᑲ ᐳᓂᐱᒪᑎᓯᑦ᙮”

14ᐃᑉᕋᓐ ᒋ ᐃᑕᐤ ᐊᑉᕋᐊᒪ, 15“ᓂᑐᑐᐎ, ᒥᒄ ᓇᐤ ᒥᑕᓯᒥᑎᓄᐤ ᐛᐱᓯᐅᓱᓇᔭᐱᔎ ᐃᔅᐱᑕᔨᑕᑯᓐ ᐊᓐ ᐊᔅᒋᔾ, ᒥᒄ ᐊᑐᒡ ᔅᒋ ᐎᔭᔨᒪᔨᑎᒥᑯᓇᓄᐤ ᐊ ᐃᑐᑕᒡ᙮ ᒪᒋ ᑭᔭ ᓇᐃᐧᑯᐤ ᒋᐅ᙮”

16ᐊᑉᕋᐊᒻ ᒋ ᓂᔅᑯᒪᐤ ᐃᑉᕋᓇ ᑭᔭ ᒋ ᑎᐸᐸᑲᒧᐛᐤ ᐛᐱᓯᐅᓱᓇᔭᐱᔎ ᑲ ᐃᔅᒋᔄᔨᒋ ᑲ ᐸᑎᑯᔨᒋ ᐊᑦ ᐃᔪᐛ ᐊᑐᑕᐃᒡ᙮ ᓇᐤ ᒥᑕᓯᒥᑎᓄᐤ ᐛᐱᓯᐅᓱᓇᔭᐱᔎ᙮ ᒋ ᑎᐸᐸᑲᐃᑭᓄᐤ ᐛᐱᓯᐅᓱᓇᔭᐱᔎ ᒧᔭᒻ ᐊᑕᐛᐤ ᐃᔨᓯᒡ ᑲ ᐃᓯ ᑎᐸᐸᑲᐊᒡ ᐛᐱᓯᐅᓱᓇᔭᐱᔎ ᐊᓐᑕ ᐊᑕᐛᓄᔨᒋ᙮

17ᐊᑯ ᐃᑉᕋᓐ ᒪᒃᐱᓚ ᐅᓂᑕᐅᒋᑕᑭᓐ ᐊᓐᑕ ᒪᒻᕋ ᐛᐱᓄᑕᒡ ᑭᔭ ᐊᓐᑕ ᑲ ᑎᑯᓂᔨᒡ ᐛᑎᑯᔪᐤ, ᒋᒡ ᒥᔅᑎᒂ ᓂᑕᐅᒋᑕᑭᓂᒡ ᑲ ᑕᔨᒋ ᒋ ᐱᔅᑎᓂᒧᐛᑭᓄᐤ᙮ 18ᐊᑉᕋᐊᒻ ᒐᒋ ᑎᐱᔨᐛᐅᓯᑦ ᐊ ᐛᐱᒥᑯᑦ ᐊᑦ ᐃᔪᐛ ᐊᓂᔭ ᑲ ᐸᒋ ᐃᑐᑕᔨᒋ ᐊᓐᑕ ᐅᑕᓇᐤ ᐃᔎᑕᒥᒡ᙮

19ᑲᒋ ᐃᔭᑦ ᐊᔅᒋᔪᐤ ᐊᑉᕋᐊᒻ, ᐛᑎᑯᒡ ᐊᓐᑕ ᒋ ᓇᐃᐧᑯᐛᐤ ᐎᐛ ᓴᕋᔨᒋ᙮ ᑲᐃᓇᓐ ᐊᔅᒋᒡ ᑎᒂᓐ ᐊᓐ ᐃᑕᐅᓐ, ᐛᐱᓄᑕᒡ ᒪᒻᕋ ᐅᑕᓇᒡ, ᐊᓄᒡ ᐃᑉᕈᓐ ᐊ ᐃᓯᓂᐧᑲᑕᒡ᙮ 20ᐊᑯ ᐊᑉᕋᐊᒻ ᒋ ᒥᔨᑯᐤ ᐊᑦ ᐃᔪᐛ ᓂᑕᐅᒋᑕᑭᓂᔪᐤ ᒧᔭᒻ ᓂᒂᔅᑲᓐ ᐊᔅᒋᔪᐤ ᑭᔭ ᐛᑎᑯᔪᐤ ᐊᓐᑕ ᑲ ᑎᑯᓂᔨᒡ᙮

Избрани в момента:

ᒐᓂᓯᔅ 23: ᓇᔅᑲᐱ

Маркирай стих

Споделяне

Копиране

Искате ли вашите акценти да бъдат запазени на всички ваши устройства? Регистрирайте се или влезте

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Научете повече за ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ