ᓗᒃ 23
23
ᑕᓐ ᑲ ᐃᓯ ᑯᒂᒋᒥᑯᑦ ᒋᓴᔅ ᑈᓚᑕ
ᒪᑎᔪᐤ 27.1,2,11-14; ᒪᕐᒃ 15.1-5; ᒠᓐ 18.28-38
Luke 23.1-49 (Palm Sunday Year C)
1ᒥᓯᐛ ᒪᒃ ᒪᒧᐤ ᐊ ᑎᓯᒡ ᒋ ᐃᑐᑕᐊᐅᒡ ᒋᓴᓴ ᐊᓐᑕ ᕈᒻ ᒋᓴᐅᒋᒪᐛ ᐊ ᑕᔨᒋ, ᑈᓚᑦ ᑲ ᐃᓯᓂᐧᑲᓱᔨᒋ᙮ 2ᐊᑯ ᓂᑎᒥᒄ ᑲ ᐃᓯ ᒪᒥᓯᒪᒡ ᐊ ᐃᔅᒋᔄᒡ, “ᐅ ᒪ ᓇᐸᐤ ᓂ ᒥᔅᑯᐛᓇᓐ ᐊ ᒥᒋᑭᒐᔅᒋᒪᑦ ᓂᑦ ᐃᔨᒥᓇᓇ, ᐊ ᒋᑕᐊᒧᐛᑦ ᒐᒋ ᒋᓯᐧᑯᐛᔨᒋ ᓱᓇᔭᔪᐤ ᕈᒻ ᒋᓴᐅᒋᒪᐛ ᓯᓴᕋ, ᑭᔭ ᐊ ᐎᑎᒧᐛᑦ ᐎᔾ ᐊ ᐊᐎᑦ ᙭, ᒋᓴᐅᒋᒪᐤ ᐊ ᐃᑕᐃᓱᑦ᙮”
3ᑈᓚᑦ ᒪᒃ ᒋ ᑯᒂᒋᒪᐤ ᐊ ᐃᑕᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᐅᑯᓐ ᐊ ᐃᔅᒋᔄᔨᓐ᙮”
4ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”
5ᐊᑯᑕ ᐊᑐᐎᔅ ᓱᒃ ᑲ ᐎ ᑕᑈᒡ ᐊ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ᒋᔅᑯᑎᒪᒐᑦ ᒥᓯᐛ ᐊ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ᒋᒋᐱᔨᑕᐤ ᐊ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ᒋᔅᑯᑎᒪᒐᐤ ᒋᕈᓯᓕᒥᒡ᙮”
ᒋᓴᔅ ᑲ ᐃᑐᑕᐊᑭᓄᐅᑦ ᐊᕈᑕ ᐊ ᑕᔨᒋ
6ᐃᔅᐱ ᒪᒃ ᑲ ᐸᑕᐧᒃ ᐊᓂᔭᔪᐤ ᑈᓚᑦ, ᒋ ᑯᒂᒋᒪᐤ, “ᑲᓕᓕᒡ ᐊ ᐅᒋᐤ ᐅ ᓇᐸᐤ ?” 7ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᑲᓕᓕᒡ ᐊ ᐅᒋᔨᒋ ᒋᓴᓴ ᐊᑯ ᑲ ᐃᑎᓴᐛᑦ ᐊᕈᑕ ᐊ ᑕᔨᒋ ᐛᔅ ᑲᓕᓕ ᐊᔅᒋᒡ ᒋ ᒋᓴᐅᒋᒪᐎᔪᐛ᙮ ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᐊᕈᑦ᙮
8ᐃᔅᐱ ᒪᒃ ᐊᕈᑦ ᐎᔭᐱᒪᑦ ᒋᓴᓴ ᓇᔅᒡ ᑕᑈ ᒋ ᓯᒋᔭᓱᐤ ᐛᔅ ᒋ ᐸᑎᒻ ᓂᓇᐧᑯᐤ ᐊ ᐃᓯ ᑎᐸᒋᒪᑭᓄᔨᒋ ᑭᔭ ᓴᔅ ᓇᔅᒡ ᑕᑈ ᐛᔅᑭᒡ ᒋ ᐎ ᐛᐱᒪᓯᐱᓐ᙮ ᒋ ᐱᑯᓴᔨᑎᒻ ᑭᔭ ᒐᒋ ᐛᐱᒪᑦ ᒋᓴᓴ ᐊ ᐃᑐᑎᒥᔨᒋ ᒪᒥᔅᑲᒡ ᒐᒂᔪᐛ᙮ 9ᐃᔅᐱ ᐱᔭᓱᐛᑭᓄᔨᒋ ᒋᓴᓴ, ᐊᕈᑦ ᓇᐅᔅ ᒪᒪᒡ ᒋ ᐃᓯ ᑯᒂᒋᒪᐤ᙮ ᓇᒪ ᒪᒃ ᒐᒂᔪᐤ ᐅᒋ ᐃᓯ ᐎᑎᒪᑯᐤ᙮ 10ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᓂᐳᐎᒡ ᐊᓐᑕ ᓱᒃ ᐊ ᐃᔨᒥᒡ ᓂᓇᐧᑯᐤ ᒐᒂᔪᐛ ᐊ ᐃᓯ ᒪᒥᓯᒪᒡ ᒋᓴᓴ᙮ 11ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ᐎᔭᐅᒡ ᒋᓴᓴ ᐊ ᒪᔭᔨᒪᒡ ᑭᔭ ᐊᔭᒡ ᐊ ᐃᑐᑐᐛᒡ ᐊ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ᑕᔨᒋ᙮ 12ᐊᑯᑕ ᒪᒃ ᐊᓐᑕ ᒂ ᐅᒋ ᐎᒐᐛᑭᓂᑐᑕᑐᒡ ᐊᕈᑦ ᑭᔭ ᑈᓚᑦ ᐛᔅ ᐊᓐᑕ ᐅᑕᒡ ᒋ ᐛᐧᑲᑎᑐᐅᒡ᙮
ᒋᓴᔅ ᑲ ᑎᐸᔅᑯᓇᑭᓄᐅᑦ
ᒪᑎᔪᐤ 27.15-26; ᒪᕐᒃ 15.6-15; ᒠᓐ 18.39-19.16
13ᑈᓚᑦ ᒋ ᓂᔅᑐᐅᓇᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᐃᔨᒪᐊᑦ᙮ 14ᐊᑯ ᒂ ᐃᑕᑦ, “ᔅᒋ ᐸᓱᐛᐛᐤ ᐅ ᓇᐸᐤ ᐅᑕ ᐊ ᑕᔭᓐ ᐊ ᐃᑕᒄ ᐊᒋ ᒥᒋᑭᒐᔅᒋᒪᑦ ᐃᔪᐛ ᐊ ᐃᑕᑦ ᒐᒋ ᓂᔅᑯᔅᑐᐛᔨᒋ ᒋᓴᐅᒋᒪᐛ᙮ ᓂᒋ ᓂᑐ ᒋᔅᒐᔨᒪᐤ ᐅᑕ ᐅᑎᔅᑯᐤ ᐊ ᑕᔭᒄ ᓇᒪ ᒪᒃ ᓂ ᒥᔅᑭᒺᓐ ᑕᓐ ᑲ ᐃᓯ ᒥᒋᑐᑎᒧᒂ᙮ 15ᐊᕈᑦ ᑭᔭ ᓇᒪ ᐅᒋ ᒥᔅᑭᒺᐤ ᑲ ᒥᒋᑐᑎᒥᒂᓂ, ᐛᔅ ᒥᓐ ᑲᐤ ᒋ ᐸᒋ ᒋᐛᑎᓴᐛᐤ᙮ ᐅ ᓇᐸᐤ ᓇᒪ ᒐᒂᔪᐤ ᐅᒋ ᒥᒋᑐᑎᒻ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᐅᑦ᙮ 16ᐊᑯ ᒪᒃ ᓂᑭ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᑭᔭ ᒐ ᐱᔅᑎᓂᒃ,” ᐊᐅᑯᓐ ᑲ ᐃᔅᒋᔄᑦ ᑈᓚᑦ᙮ 17ᐊᓯᑯᒻ ᐱᐳᓇ ᒪᒃ ᐃᔅᐱ ᐛᑎᒋᐱᒋ ᐎᒪᔅᑲᒐᐅ-ᒥᑯᓴᐅᓐ ᑲ ᐃᓯᓂᐧᑲᑕᒡ, ᑈᓚᑦ ᒋᐸ ᐱᔅᑎᓇᐱᓐ ᐸᐃᒄ ᐊᐛᔪᐛ ᐊᒋ ᒋᐸᐛᑭᓄᔨᒋ᙮
18ᐊᑯ ᐊᓐᒡ ᐃᔪᒡ ᑲ ᐃᓯ ᒪᒧᐤ ᑕᑈᒡ, “ᓂᐸᐊᐧᒄ ᒋᓴᔅ᙮ ᐸᕋᐸᔅ ᐊᐅᒄ ᐱᔅᑎᓇᐧᒄ᙮” 19ᐅ ᒪᒃ ᓇᐸᐤ ᐸᕋᐸᔅ ᒋ ᒋᐸᐛᑭᓄᐤ ᐛᔅ ᒋ ᒋᒋᐱᔨᑕᓯᐱᓐ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᐊᓐᑕ ᒋᕈᓯᓕᒥᒡ᙮ ᑭᔭ ᒋ ᓂᐸᐊᓯᐱᓐ ᐊᐛᔪᐛ᙮
20ᑈᓚᑦ ᒪᒃ ᒋ ᐎ ᐱᔅᑎᓇᐤ ᐊᓂᔭ ᒋᓴᓴ ᐊᑯ ᒥᓐ ᒂ ᑯᒂᒋᒪᑦ ᐊᓂᔭᔪᐛ ᐃᔪᐛ ᒐᒋ ᐱᔅᑎᓇᑦ ᒋᓴᓴ᙮ 21ᐊᑯ ᒪᒃ ᒂ ᐃᓯ ᒥᔅᑎ ᑕᑈᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ !”
22ᐊᐅᒄ ᐊᑯ ᓂᔍᐤ ᑈᓚᑦ ᑲ ᐃᑕᑦ, “ᒐᒄ ᒥᒋᑐᑎᒧᐅᓂᔪᐤ ᒪᒃ ᑲ ᐃᑐᑕᐧᒃ ᐅ ᓇᐸᐤ ᐊᓂᔭ ᒐ ᐅᒋ ᓂᐸᐊᑭᓄᐅᑦ ? ᓂᑭ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᐊᑯ ᒐ ᐱᔅᑎᓂᒃ᙮”
23ᐊᑯ ᐊᓐᒡ ᐃᔪᒡ ᐃᔭᐱᒡ ᒂ ᐃᓯ ᑕᑈᒡ ᓇᔅᒡ ᓱᒃ ᐊ ᓂᑐᐛᔨᒪᒡ ᒋᓴᓴ ᒐᒋ ᒋᔅᑕᔎᑕᑭᓄᔨᒋ᙮ ᒋ ᓴᐧᑯᒋᒪᐅᒡ ᒪᒃ᙮ 24ᐊᑯ ᑈᓚᑦ ᑭᑈ ᒂ ᐃᔅᒋᔄᑦ ᒐᒋ ᐃᑐᑕᑭᓄᐎᒡ ᐅᔭ ᑲ ᐃᓯ ᓂᑐᐛᔨᑎᒥᔨᒋ᙮ 25ᒂ ᐱᔅᑎᓇᑦ ᐊᓂᔭ ᓇᐸᐛ ᐸᕋᐸᔅ ᑲ ᐃᓯᓂᐧᑲᓱᔨᒋ ᐊᓐ ᑲ ᒋᒋᐱᔨᑕᒂ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᐊᒋ ᓂᐸᐃᐛᒂ᙮ ᐊᑯ ᐊᓐᒡ ᐃᔪᒡ ᒂ ᐱᔅᑎᓂᒧᐛᑭᓄᐎᒡ ᒐᒋ ᐃᑐᑐᐛᒡ ᒋᓴᓴ ᑕᓐ ᑲ ᐎ ᐃᑐᑐᐛᒡ᙮
ᒋᓴᔅ ᑲ ᒋᔅᑕᔎᑕᑭᓄᐅᑦ
ᒪᑎᔪᐤ 27.32-44; ᒪᕐᒃ 15.21-32; ᒠᓐ 19.17-27
26ᒪᒂᒡ ᒪᒃ ᐊ ᐊᑎ ᐱᒧᑕᐊᒡ ᒋᓴᓴ ᐊᓐᑕ ᒐ ᒋᔅᑕᔎᑕᑭᓄᔨᒋ, ᒋ ᓂᒋᔅᑯᐛᐅᒡ ᓇᐸᐛ ᓴᐃᒥᓐ ᐊ ᐃᓯᓂᐧᑲᓱᔨᒋ, ᓴᐃᕆᓐ ᐅᑕᓇᒡ ᐊ ᐅᒋᔨᒋ, ᒪᒂᒡ ᐅᑕᓇᒡ ᐊ ᐎ ᐸᒋ ᐃᑐᑕᔨᒋ᙮ ᒋ ᒪᑯᓇᐅᒡ ᒪᒃ ᒂ ᒥᔭᒡ ᐊᓂᔭ ᒋᐱᔭᑎᒂ ᒐᒋ ᐅᓂᑲᑕᐛᔨᒋ, ᐊᑯ ᒂ ᐊᑎ ᓇᓴᐛᔨᒋ ᒋᓴᓴ᙮ 27ᒥᒐᑦ ᒪᒃ ᐊᐛᔪᐛ ᒋ ᓇᓴᐅᑯᐤ ᒋᓴᔅ ᑭᔭ ᐃᔎᐛ ᒋ ᒪᑕᑯᐤ ᑭᔭ ᒋ ᒧᔅᑯᐛᑎᑯᐤ᙮ 28ᐊᑯ ᒋᓴᔅ ᒂ ᒂᔅᒋᑲᐳᔅᑐᐛᑦ ᐊᓂᔭ ᐃᔎᐛ ᒂ ᐃᑕᑦ, “ᒋᔨᐛᐤ ᐃᔎᑐᒄ ᒋᕈᓯᓕᒥᒡ ᑲ ᐅᒋᔭᒄ, ᐊᑲᐎᔾ ᒧᔅᑯᐛᓯᒄ, ᒋᔨᐛᐤ ᒧᔅᑯᐛᑎᓱᒄ, ᑭᔭ ᒋᑦ ᐊᐛᓯᒧᐛᐅᒡ ᒧᔅᑯᐛᑕᐧᑯᒡ᙮ 29ᐛᔅ ᐊᔅᒄ ᐊᑐᐎᔅ ᒋᑭ ᐊᔨᒥᓐ ᐊᑯᑕ ᒪᒃ ᒐ ᐃᓇᓄᐅᒡ, ‘ᓱᐛᔨᑕᑯᓱᐅᒡ ᐊᓐᒡ ᐃᔎᐅᒡ ᐊᑲ ᓂᑕ ᐅᒋ ᐊᔭᐛᒡ ᐊᐛᓴ, ᐊᓐᒡ ᐊᑲ ᓂᑕ ᐅᒋ ᓄᓴᓇᐊᐅᓱᒡ᙮’
30ᒐ ᐃᔅᐱᔅ ᐊᔨᒪᒡ ᒪᒃ ᐅ ᒐ ᓂᓇᐧᑲᑕᔨᒧᓇᓄᐅᒡ ᒋᑭ ᓂᑐᐛᔨᑎᒧᒡ ᐊᐛᓐᒋ ᐃᔭᐱᒡ ᒐᒋ ᐱᑎᔅᑕᐅᑯᒡ ᐱᔅᑯᑎᓇᐛ ᒪᒃ ᒐᒋ ᐊᑯᓇᐅᑯᒡ ᐱᔅᑯᑎᓇᓴ ᐃᔅᐱᔅ ᐎ ᒐᒋ ᐛᐎᓯᒐᔨᑕᒡ᙮
31ᐛᔅ ᐅ ᐊ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᒪᒂᒡ ᐊ ᐊᔅᑲᔅᑯᐅᑦ ᒥᔅᑎᒄ ᑕᓐ ᒐ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᐸᒂᑎᑯᐅᒐ ?” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᐃᔎᐛ ᑲ ᒧᔅᑯᐛᑎᑯᑦ᙮
32ᒋ ᓂᓱᐅᒡ ᒪᒃ ᑲᒋᒧᑎᒡ ᑭᔭ ᐎᔨᐛᐤ ᐊ ᐃᑐᑕᐊᑭᓄᐎᒡ ᐊᓐᑕ ᒐ ᐊᓯᒋᓂᐸᐊᑭᓄᐎᒡ ᒋᓴᓴ ᓂᐸᐊᑭᓄᔨᒐᓂ᙮
Luke 23.33-43 (Proper-29 Year C)
33ᐃᔅᐱ ᒪᒃ ᐛᑎᑕᒡ ᐊᓂᔭ ᐱᔅᑯᑎᓇᔪᐤ, ᐅᔅᑎᒂᓂᑭᓐ ᑲ ᐃᓯᓂᐧᑲᑕᔨᒡ, ᐊᑯᑕ ᑲ ᒋᔅᑕᔎᑕᒡ ᒋᓴᓴ ᒋᐱᔭᑎᑯᒡ᙮ ᐊᑯ ᐊᓂᔭᔪᐛ ᓂᓱ ᑲᓂᑕᐅᒋᒧᑎᔨᒋ ᐅᐱᒪ ᐊᓐᑕ ᐃᑐᐤ ᐊ ᑕᑦ ᒋ ᐊᑯᒋᓂᔪᐛ᙮ 34ᐊᑯ ᒋᓴᔅ ᒂ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐎᐅᑕᐅᑐᒡ, ᐊᑯᑕ ᑲ ᐅᒋ ᐎᔭᔨᑕᒡ ᐊᐛᔪᐛ ᒐ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮
35ᒋ ᓇᓂᐳᐅᒡ ᐊᓐᑕ ᐊᐛᓐᒋ ᐊ ᑭᓄᐛᐱᒡ ᐊ ᒪᔭᔨᒥᑯᔨᒋ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊ ᐃᔅᒋᔄᔨᒋ, “ᒋ ᐎᒋᐊᐤ ᑯᑎᑲ ᐊᐛᔪᐛ, ᒋᑭ ᐎᒋᐃᓱᐤ ᒪᒃ ᑕᑈ ᙭ ᐊ ᔭᐅᒂ, ᐊᓂᔭ ᒋᓴᒪᓂᑐᐤ ᑲ ᐅᑎᓇᑦ᙮”
36ᐊᓯᒪᑭᓂᓯᒡ ᑭᔭ ᒋ ᒪᔭᔨᒪᐅᒡ ᒋᓴᓴ, ᐊᑯ ᒂ ᓇᑕᒡ ᒥᒋᒪ ᒂ ᐎ ᒥᓇᐊᒡ ᐊ ᐎᓯᑲᐧᑭᒥᔨᒡ ᓱᒥᓇᐳᔪᐤ᙮ 37ᒋ ᐃᑕᐅᒡ ᑭᔭ, “ᐎᒋᐃᓱᐤ ᒪᒃ ᑕᑈ ᐊ ᐊᐎᓇ ᒍᐤ ᐅᒋᓴᐅᒋᒪᒧᐛᐛ᙮”
38ᒋ ᒋᑭᒧᑕᑭᓄᐎᔪᐤ ᒪᒃ ᒥᓯᓇᐃᑭᓂᔪᐤ ᐃᑉᕈᐤ, ᓚᑎᓐ ᑭᔭ ᑯᕆᒃ ᐊ ᐃᓯ ᐃᔨᒥᓇᓄᐅᒡ, ᐅᒋᐱᔭᑎᑯᒥᒡ ᐊᓐᑕ ᐃᔅᐱᒥᓯᔅ ᒋᓴᔅ ᐅᔅᑎᒂᓂᒡ ᐊᑎᔅᑕᔨᒡ, “ᐊᔪᑯᓐ ᐅᔭ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
39ᐸᐃᒄ ᐊᓐ ᑲᒋᒧᑎᑦ ᐊᓐᑕ ᑲ ᒋᔅᑕᔎᑕᑭᓄᐅᑦ ᑭᔭ ᐎᔾ ᒋ ᒪᔭᔨᒪᐤ ᒋᓴᓴ ᐊ ᐃᑕᑦ, “ᓇᒪᔭᐤ ᐊ ᒪᒃ ᒋᔾ ᙭ ? ᐎᒋᐃᓱᐤ, ᑭᔭ ᓂᔭᓐ ᐎᒋᐃᓇᓐ᙮”
40ᐊᓐ ᒪᒃ ᑯᑎᒃ ᑲᒋᒧᑎᑦ ᒂ ᐎᑎᒧᐛᑦ ᐊᓂᔭ ᐎᒋ ᒋᒧᑐᐛ ᐊ ᐃᑕᑦ, “ᓇᒪᐎᔾ ᐊ ᒋ ᑯᔅᑕᐤ ᒋᓴᒪᓂᑐᐤ ? ᔅᒋ ᐃᓯ ᑎᐸᔅᑯᓂᑯᓇᓄᐤ ᑕᐱᔅᑯᓐ ᐎᔾ ᐊ ᐃᓯ ᑎᐸᔅᑯᓇᑭᓄᐅᑦ᙮ 41ᒋᔭᓄᐤ ᒪᒃ ᐃᓯᓇᑯᓐ ᒐᒋ ᒋᔅᑕᔎᑎᑯᐅᔭᐧᒄ ᑕᓐ ᑲ ᐃᓯ ᒥᒋᑐᑎᒪᐧᒄ᙮ ᐅ ᒪᒃ ᓇᐸᐤ ᓇᒪ ᐅᒋ ᒥᒋᑐᑎᒻ᙮”
42ᐊᓐ ᒪᒃ ᑲᒋᒧᑎᑦ ᒋ ᐃᑕᐤ ᐊᓂᔭ ᒋᓴᓴ, “ᒐ ᒋᔅᒋᓯᑐᐎᓐ ᐃᔅᐱ ᑎᑯᓯᓂᔨᓇ ᐊ ᒋᓴᐅᒋᒪᐎᔨᓐ᙮”
43ᒋᓴᔅ ᒂ ᐃᑕᑦ, “ᒋᒋᐛ ᒋᑦ ᐃᑎᓐ, ᐊᓄᒡ ᒋᑭ ᑕᓇᓄᐤ ᐸᕋᑕᐃᓯᒡ, ᐊᓐᑕ ᐊ ᒥᔽᔨᑕᒂᒡ ᐊ ᑕᓄᐅᒡ᙮”
ᒋᓴᔅ ᑲ ᓂᐱᑦ
44ᓴᓯᑲᓐ ᒪᒃ ᐊ ᐊᐱᑕᒋᓯᑲᒡ ᐊᑯ ᒂ ᑎᐱᔅᒋᐱᔨᒡ ᒂ ᐊᑎ ᐅᑲᔅᑕᔭᒡ ᒥᓯᐛ ᐊᓐ ᐊᔅᒋᔾ᙮ ᐸᑐᔅ ᓂᔅᑐ ᑲ ᐃᔅᐱᔨᒡ ᐊᑯ ᒥᓐ ᒂ ᐊᑎ ᐛᓴᔭᒡ᙮ 45ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᑲ ᐊᑯᑕᒡ ᐊᑯᐛᑲᐃᑭᓐ ᓇᔅᒡ ᒋ ᑕᔅᒋᐱᔪᐤ᙮ 46ᒋᓴᔅ ᒪᒃ ᒋ ᐃᓯ ᑕᑈᐤ, “ᓄᑕ, ᒋᔾ ᐊ ᑕᔨᓐ ᓂ ᐱᔅᑎᓇᐤ ᓂᑦ ᐊᒐᐧᒄ ᒐᒋ ᑭᓄᐛᔨᒥᑦ᙮” ᐃᔅᐱ ᒪᒃ ᐅᔭᔪᐤ ᑲ ᐃᔅᒋᔄᑦ ᐊᑯ ᒂ ᓂᐱᑦ᙮
47ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᐃᔅᐱ ᑲ ᐛᐸᑕᐧᒃ ᑕᓐ ᑲ ᐃᔅᐱᔨᒡ, ᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᒋ ᐃᔅᒋᔄᐤ, “ᒐᔅᑎᓇᔅ ᑕᑈ ᒋ ᑯᐃᔅᑯᑕᑎᓯᒐ ᐅ ᓇᐸᐤ᙮” 48ᐃᔅᐱ ᒪᒃ ᐊᓐᒡ ᐃᔪᒡ ᑲ ᐸᒋ ᑭᓄᐛᐱᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ, ᒋ ᒋᐛᐅᒡ ᐊ ᐅᑎᑕᒪᔅᒋᑭᓇᐅᓱᒡ ᐊ ᐛᐸᑎᔨᐛᒡ ᐊᔅᐱᔅ ᒥᓯᒪᔨᑕᒡ᙮ 49ᒥᓯᐛ ᒪᒃ ᐊᓐᒡ ᐃᔪᒡ ᑲ ᒥᔪ ᒋᔅᒐᔨᒪᒡ ᒋᓴᓴ ᑭᔭ ᐊᓐᒡ ᐃᔎᐅᒡ ᑲ ᐱᐸᐎᒐᐛᒡ ᒋᓴᓴ ᑲᓕᓕᒡ ᐅᒋ, ᐛᔪᐎᔅ ᐊᓐᑕ ᒋ ᓂᐳᐅᒡ ᐊ ᑭᓄᐛᐱᒡ᙮
ᒋᓴᔅ ᑲ ᓇᐛᐊᑭᓄᐅᑦ
50ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ, 51ᑭᔭ ᐎᔾ ᒋ ᐊᓱᐛᐸᑎᒻ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐᒋ ᐅᑎᒋᐱᔨᒡ ᑭᔭ ᒋ ᐎᒋᐃᐛᐤ ᒍᐤ ᐃᔪᐛ ᐊ ᓂᑲᓂᔅᑯᐛᑭᓄᔨᒋ᙮ ᓇᒪ ᒪᒃ ᐅᒋ ᓇᐊᔨᑎᒻ ᑕᓐ ᑲ ᐃᓯ ᐃᑕᔨᑎᒥᔨᒋ ᒐ ᐃᑐᑐᐛᔨᒋ ᒋᓴᓴ ᑭᔭ ᓇᒪ ᐅᒋ ᓂᔅᑯᒧᐤ ᒐᒋ ᐃᑐᑐᐛᑭᓄᔨᒋ ᐊᓂᔭ ᑕᓐ ᑲ ᐃᑐᑐᐛᑭᓄᔨᒋ᙮ 52ᒋ ᓂᑐᐛᐱᒪᐤ ᑈᓚᑕ ᒂ ᓂᑐᑎᒧᐛᑦ ᒋᓴᓴ ᐎᔭᔪᐤ᙮ 53ᐊᑯ ᒪᒃ ᒂ ᐅᑎᓇᐧᒃ ᐊᓂᔭ ᒥᔭᔪᐤ ᒋᐱᔭᑎᑯᒡ ᐅᒋ, ᒂ ᐎᔎᔭᒋᓇᐧᒃ ᐱᒍᐎᔭᓂᒡ ᑭᔭ ᒂ ᓇᐅᔅᑕᑦ ᐊᓐᑕ ᐊᒋ ᐛᑎᒂᐱᔅᑲᐃᑭᓄᐎᒡ᙮ ᓇᒪ ᒪᒃ ᓂᑕ ᐅᒋ ᐊᐱᑎᓂᔪᐤ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ᐊᔅᑕᐛᑦ ᒋᓴᓴ ᐎᔭᔪᐤ᙮ 54ᐊᐅᒄ ᐅ ᐊ ᒋᓯᑲᒡ ᑲᒋ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᑭᔭ ᒪᒃ ᓴᔅ ᒋ ᐸᓱᓇᑯᓐ ᐊ ᒍᐤ ᐊᔭᒥᐊᐅᒋᓯᑲᒡ᙮
55ᐊᓐᒡ ᒪᒃ ᐃᔎᐅᒡ ᑲᓕᓕᒡ ᑲ ᐅᒋ ᐎᒐᐛᒡ ᒋᓴᓴ ᒋ ᐎᒐᐛᐅᒡ ᐊᓂᔭᔪᐛ ᒍᓯᐸ᙮ ᒋ ᐛᐸᑎᒧᒡ ᒪᒃ ᐊᓂᔭ ᒋᐱᐃᒋᐛᐱᔪᐤ ᑭᔭ ᑕᓐ ᑲ ᐃᑎᔅᑕᑭᓄᐎᒡ ᒋᓴᓴ ᐎᔭᔪᐤ ᐊᓐᑕ᙮ 56ᐊᑯ ᒪᒃ ᒂ ᒋᐛᒡ ᒂ ᐊᔭᔅᑯᔅᑕᒡ ᐊᓂᔭ ᑲ ᐎᒋᒪᑯᓯᔨᒋ ᒥᔅᑯᓱᐛ ᑭᔭ ᑐᒥᓂᑭᓇ ᐊᓂᔭᔪᐛ ᒐ ᐊᐱᒋᑕᒡ ᐊ ᒥᔪᐧᑲᒡ ᐊᓂᔭ ᒥᔭᔪᐤ᙮ ᐊᓂᔭ ᒪᒃ ᒍᐤ ᐅᑦ ᐊᔭᒥᐊᐅᒋᓯᑲᒥᔪᐤ ᒋ ᐊᔅᑕᔭᔅᑯᓯᐅᒡ ᐛᔅ ᐊᑯᓐ ᑲ ᐃᓯ ᐃᑎᓱᐛᑕᑭᓄᐎᒡ ᒋᓴᒪᓂᑐᐛ ᐅᐎᓱᐛᐅᓂᒡ ᒐ ᐃᑐᐛᒂ᙮
Избрани в момента:
ᓗᒃ 23: ᓇᔅᑲᐱ
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᓗᒃ 23
23
ᑕᓐ ᑲ ᐃᓯ ᑯᒂᒋᒥᑯᑦ ᒋᓴᔅ ᑈᓚᑕ
ᒪᑎᔪᐤ 27.1,2,11-14; ᒪᕐᒃ 15.1-5; ᒠᓐ 18.28-38
Luke 23.1-49 (Palm Sunday Year C)
1ᒥᓯᐛ ᒪᒃ ᒪᒧᐤ ᐊ ᑎᓯᒡ ᒋ ᐃᑐᑕᐊᐅᒡ ᒋᓴᓴ ᐊᓐᑕ ᕈᒻ ᒋᓴᐅᒋᒪᐛ ᐊ ᑕᔨᒋ, ᑈᓚᑦ ᑲ ᐃᓯᓂᐧᑲᓱᔨᒋ᙮ 2ᐊᑯ ᓂᑎᒥᒄ ᑲ ᐃᓯ ᒪᒥᓯᒪᒡ ᐊ ᐃᔅᒋᔄᒡ, “ᐅ ᒪ ᓇᐸᐤ ᓂ ᒥᔅᑯᐛᓇᓐ ᐊ ᒥᒋᑭᒐᔅᒋᒪᑦ ᓂᑦ ᐃᔨᒥᓇᓇ, ᐊ ᒋᑕᐊᒧᐛᑦ ᒐᒋ ᒋᓯᐧᑯᐛᔨᒋ ᓱᓇᔭᔪᐤ ᕈᒻ ᒋᓴᐅᒋᒪᐛ ᓯᓴᕋ, ᑭᔭ ᐊ ᐎᑎᒧᐛᑦ ᐎᔾ ᐊ ᐊᐎᑦ ᙭, ᒋᓴᐅᒋᒪᐤ ᐊ ᐃᑕᐃᓱᑦ᙮”
3ᑈᓚᑦ ᒪᒃ ᒋ ᑯᒂᒋᒪᐤ ᐊ ᐃᑕᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᐅᑯᓐ ᐊ ᐃᔅᒋᔄᔨᓐ᙮”
4ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”
5ᐊᑯᑕ ᐊᑐᐎᔅ ᓱᒃ ᑲ ᐎ ᑕᑈᒡ ᐊ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ᒋᔅᑯᑎᒪᒐᑦ ᒥᓯᐛ ᐊ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ᒋᒋᐱᔨᑕᐤ ᐊ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ᒋᔅᑯᑎᒪᒐᐤ ᒋᕈᓯᓕᒥᒡ᙮”
ᒋᓴᔅ ᑲ ᐃᑐᑕᐊᑭᓄᐅᑦ ᐊᕈᑕ ᐊ ᑕᔨᒋ
6ᐃᔅᐱ ᒪᒃ ᑲ ᐸᑕᐧᒃ ᐊᓂᔭᔪᐤ ᑈᓚᑦ, ᒋ ᑯᒂᒋᒪᐤ, “ᑲᓕᓕᒡ ᐊ ᐅᒋᐤ ᐅ ᓇᐸᐤ ?” 7ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᑲᓕᓕᒡ ᐊ ᐅᒋᔨᒋ ᒋᓴᓴ ᐊᑯ ᑲ ᐃᑎᓴᐛᑦ ᐊᕈᑕ ᐊ ᑕᔨᒋ ᐛᔅ ᑲᓕᓕ ᐊᔅᒋᒡ ᒋ ᒋᓴᐅᒋᒪᐎᔪᐛ᙮ ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᐊᕈᑦ᙮
8ᐃᔅᐱ ᒪᒃ ᐊᕈᑦ ᐎᔭᐱᒪᑦ ᒋᓴᓴ ᓇᔅᒡ ᑕᑈ ᒋ ᓯᒋᔭᓱᐤ ᐛᔅ ᒋ ᐸᑎᒻ ᓂᓇᐧᑯᐤ ᐊ ᐃᓯ ᑎᐸᒋᒪᑭᓄᔨᒋ ᑭᔭ ᓴᔅ ᓇᔅᒡ ᑕᑈ ᐛᔅᑭᒡ ᒋ ᐎ ᐛᐱᒪᓯᐱᓐ᙮ ᒋ ᐱᑯᓴᔨᑎᒻ ᑭᔭ ᒐᒋ ᐛᐱᒪᑦ ᒋᓴᓴ ᐊ ᐃᑐᑎᒥᔨᒋ ᒪᒥᔅᑲᒡ ᒐᒂᔪᐛ᙮ 9ᐃᔅᐱ ᐱᔭᓱᐛᑭᓄᔨᒋ ᒋᓴᓴ, ᐊᕈᑦ ᓇᐅᔅ ᒪᒪᒡ ᒋ ᐃᓯ ᑯᒂᒋᒪᐤ᙮ ᓇᒪ ᒪᒃ ᒐᒂᔪᐤ ᐅᒋ ᐃᓯ ᐎᑎᒪᑯᐤ᙮ 10ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᓂᐳᐎᒡ ᐊᓐᑕ ᓱᒃ ᐊ ᐃᔨᒥᒡ ᓂᓇᐧᑯᐤ ᒐᒂᔪᐛ ᐊ ᐃᓯ ᒪᒥᓯᒪᒡ ᒋᓴᓴ᙮ 11ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ᐎᔭᐅᒡ ᒋᓴᓴ ᐊ ᒪᔭᔨᒪᒡ ᑭᔭ ᐊᔭᒡ ᐊ ᐃᑐᑐᐛᒡ ᐊ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ᑕᔨᒋ᙮ 12ᐊᑯᑕ ᒪᒃ ᐊᓐᑕ ᒂ ᐅᒋ ᐎᒐᐛᑭᓂᑐᑕᑐᒡ ᐊᕈᑦ ᑭᔭ ᑈᓚᑦ ᐛᔅ ᐊᓐᑕ ᐅᑕᒡ ᒋ ᐛᐧᑲᑎᑐᐅᒡ᙮
ᒋᓴᔅ ᑲ ᑎᐸᔅᑯᓇᑭᓄᐅᑦ
ᒪᑎᔪᐤ 27.15-26; ᒪᕐᒃ 15.6-15; ᒠᓐ 18.39-19.16
13ᑈᓚᑦ ᒋ ᓂᔅᑐᐅᓇᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᐃᔨᒪᐊᑦ᙮ 14ᐊᑯ ᒂ ᐃᑕᑦ, “ᔅᒋ ᐸᓱᐛᐛᐤ ᐅ ᓇᐸᐤ ᐅᑕ ᐊ ᑕᔭᓐ ᐊ ᐃᑕᒄ ᐊᒋ ᒥᒋᑭᒐᔅᒋᒪᑦ ᐃᔪᐛ ᐊ ᐃᑕᑦ ᒐᒋ ᓂᔅᑯᔅᑐᐛᔨᒋ ᒋᓴᐅᒋᒪᐛ᙮ ᓂᒋ ᓂᑐ ᒋᔅᒐᔨᒪᐤ ᐅᑕ ᐅᑎᔅᑯᐤ ᐊ ᑕᔭᒄ ᓇᒪ ᒪᒃ ᓂ ᒥᔅᑭᒺᓐ ᑕᓐ ᑲ ᐃᓯ ᒥᒋᑐᑎᒧᒂ᙮ 15ᐊᕈᑦ ᑭᔭ ᓇᒪ ᐅᒋ ᒥᔅᑭᒺᐤ ᑲ ᒥᒋᑐᑎᒥᒂᓂ, ᐛᔅ ᒥᓐ ᑲᐤ ᒋ ᐸᒋ ᒋᐛᑎᓴᐛᐤ᙮ ᐅ ᓇᐸᐤ ᓇᒪ ᒐᒂᔪᐤ ᐅᒋ ᒥᒋᑐᑎᒻ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᐅᑦ᙮ 16ᐊᑯ ᒪᒃ ᓂᑭ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᑭᔭ ᒐ ᐱᔅᑎᓂᒃ,” ᐊᐅᑯᓐ ᑲ ᐃᔅᒋᔄᑦ ᑈᓚᑦ᙮ 17ᐊᓯᑯᒻ ᐱᐳᓇ ᒪᒃ ᐃᔅᐱ ᐛᑎᒋᐱᒋ ᐎᒪᔅᑲᒐᐅ-ᒥᑯᓴᐅᓐ ᑲ ᐃᓯᓂᐧᑲᑕᒡ, ᑈᓚᑦ ᒋᐸ ᐱᔅᑎᓇᐱᓐ ᐸᐃᒄ ᐊᐛᔪᐛ ᐊᒋ ᒋᐸᐛᑭᓄᔨᒋ᙮
18ᐊᑯ ᐊᓐᒡ ᐃᔪᒡ ᑲ ᐃᓯ ᒪᒧᐤ ᑕᑈᒡ, “ᓂᐸᐊᐧᒄ ᒋᓴᔅ᙮ ᐸᕋᐸᔅ ᐊᐅᒄ ᐱᔅᑎᓇᐧᒄ᙮” 19ᐅ ᒪᒃ ᓇᐸᐤ ᐸᕋᐸᔅ ᒋ ᒋᐸᐛᑭᓄᐤ ᐛᔅ ᒋ ᒋᒋᐱᔨᑕᓯᐱᓐ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᐊᓐᑕ ᒋᕈᓯᓕᒥᒡ᙮ ᑭᔭ ᒋ ᓂᐸᐊᓯᐱᓐ ᐊᐛᔪᐛ᙮
20ᑈᓚᑦ ᒪᒃ ᒋ ᐎ ᐱᔅᑎᓇᐤ ᐊᓂᔭ ᒋᓴᓴ ᐊᑯ ᒥᓐ ᒂ ᑯᒂᒋᒪᑦ ᐊᓂᔭᔪᐛ ᐃᔪᐛ ᒐᒋ ᐱᔅᑎᓇᑦ ᒋᓴᓴ᙮ 21ᐊᑯ ᒪᒃ ᒂ ᐃᓯ ᒥᔅᑎ ᑕᑈᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ !”
22ᐊᐅᒄ ᐊᑯ ᓂᔍᐤ ᑈᓚᑦ ᑲ ᐃᑕᑦ, “ᒐᒄ ᒥᒋᑐᑎᒧᐅᓂᔪᐤ ᒪᒃ ᑲ ᐃᑐᑕᐧᒃ ᐅ ᓇᐸᐤ ᐊᓂᔭ ᒐ ᐅᒋ ᓂᐸᐊᑭᓄᐅᑦ ? ᓂᑭ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᐊᑯ ᒐ ᐱᔅᑎᓂᒃ᙮”
23ᐊᑯ ᐊᓐᒡ ᐃᔪᒡ ᐃᔭᐱᒡ ᒂ ᐃᓯ ᑕᑈᒡ ᓇᔅᒡ ᓱᒃ ᐊ ᓂᑐᐛᔨᒪᒡ ᒋᓴᓴ ᒐᒋ ᒋᔅᑕᔎᑕᑭᓄᔨᒋ᙮ ᒋ ᓴᐧᑯᒋᒪᐅᒡ ᒪᒃ᙮ 24ᐊᑯ ᑈᓚᑦ ᑭᑈ ᒂ ᐃᔅᒋᔄᑦ ᒐᒋ ᐃᑐᑕᑭᓄᐎᒡ ᐅᔭ ᑲ ᐃᓯ ᓂᑐᐛᔨᑎᒥᔨᒋ᙮ 25ᒂ ᐱᔅᑎᓇᑦ ᐊᓂᔭ ᓇᐸᐛ ᐸᕋᐸᔅ ᑲ ᐃᓯᓂᐧᑲᓱᔨᒋ ᐊᓐ ᑲ ᒋᒋᐱᔨᑕᒂ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᐊᒋ ᓂᐸᐃᐛᒂ᙮ ᐊᑯ ᐊᓐᒡ ᐃᔪᒡ ᒂ ᐱᔅᑎᓂᒧᐛᑭᓄᐎᒡ ᒐᒋ ᐃᑐᑐᐛᒡ ᒋᓴᓴ ᑕᓐ ᑲ ᐎ ᐃᑐᑐᐛᒡ᙮
ᒋᓴᔅ ᑲ ᒋᔅᑕᔎᑕᑭᓄᐅᑦ
ᒪᑎᔪᐤ 27.32-44; ᒪᕐᒃ 15.21-32; ᒠᓐ 19.17-27
26ᒪᒂᒡ ᒪᒃ ᐊ ᐊᑎ ᐱᒧᑕᐊᒡ ᒋᓴᓴ ᐊᓐᑕ ᒐ ᒋᔅᑕᔎᑕᑭᓄᔨᒋ, ᒋ ᓂᒋᔅᑯᐛᐅᒡ ᓇᐸᐛ ᓴᐃᒥᓐ ᐊ ᐃᓯᓂᐧᑲᓱᔨᒋ, ᓴᐃᕆᓐ ᐅᑕᓇᒡ ᐊ ᐅᒋᔨᒋ, ᒪᒂᒡ ᐅᑕᓇᒡ ᐊ ᐎ ᐸᒋ ᐃᑐᑕᔨᒋ᙮ ᒋ ᒪᑯᓇᐅᒡ ᒪᒃ ᒂ ᒥᔭᒡ ᐊᓂᔭ ᒋᐱᔭᑎᒂ ᒐᒋ ᐅᓂᑲᑕᐛᔨᒋ, ᐊᑯ ᒂ ᐊᑎ ᓇᓴᐛᔨᒋ ᒋᓴᓴ᙮ 27ᒥᒐᑦ ᒪᒃ ᐊᐛᔪᐛ ᒋ ᓇᓴᐅᑯᐤ ᒋᓴᔅ ᑭᔭ ᐃᔎᐛ ᒋ ᒪᑕᑯᐤ ᑭᔭ ᒋ ᒧᔅᑯᐛᑎᑯᐤ᙮ 28ᐊᑯ ᒋᓴᔅ ᒂ ᒂᔅᒋᑲᐳᔅᑐᐛᑦ ᐊᓂᔭ ᐃᔎᐛ ᒂ ᐃᑕᑦ, “ᒋᔨᐛᐤ ᐃᔎᑐᒄ ᒋᕈᓯᓕᒥᒡ ᑲ ᐅᒋᔭᒄ, ᐊᑲᐎᔾ ᒧᔅᑯᐛᓯᒄ, ᒋᔨᐛᐤ ᒧᔅᑯᐛᑎᓱᒄ, ᑭᔭ ᒋᑦ ᐊᐛᓯᒧᐛᐅᒡ ᒧᔅᑯᐛᑕᐧᑯᒡ᙮ 29ᐛᔅ ᐊᔅᒄ ᐊᑐᐎᔅ ᒋᑭ ᐊᔨᒥᓐ ᐊᑯᑕ ᒪᒃ ᒐ ᐃᓇᓄᐅᒡ, ‘ᓱᐛᔨᑕᑯᓱᐅᒡ ᐊᓐᒡ ᐃᔎᐅᒡ ᐊᑲ ᓂᑕ ᐅᒋ ᐊᔭᐛᒡ ᐊᐛᓴ, ᐊᓐᒡ ᐊᑲ ᓂᑕ ᐅᒋ ᓄᓴᓇᐊᐅᓱᒡ᙮’
30ᒐ ᐃᔅᐱᔅ ᐊᔨᒪᒡ ᒪᒃ ᐅ ᒐ ᓂᓇᐧᑲᑕᔨᒧᓇᓄᐅᒡ ᒋᑭ ᓂᑐᐛᔨᑎᒧᒡ ᐊᐛᓐᒋ ᐃᔭᐱᒡ ᒐᒋ ᐱᑎᔅᑕᐅᑯᒡ ᐱᔅᑯᑎᓇᐛ ᒪᒃ ᒐᒋ ᐊᑯᓇᐅᑯᒡ ᐱᔅᑯᑎᓇᓴ ᐃᔅᐱᔅ ᐎ ᒐᒋ ᐛᐎᓯᒐᔨᑕᒡ᙮
31ᐛᔅ ᐅ ᐊ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᒪᒂᒡ ᐊ ᐊᔅᑲᔅᑯᐅᑦ ᒥᔅᑎᒄ ᑕᓐ ᒐ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᐸᒂᑎᑯᐅᒐ ?” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᐃᔎᐛ ᑲ ᒧᔅᑯᐛᑎᑯᑦ᙮
32ᒋ ᓂᓱᐅᒡ ᒪᒃ ᑲᒋᒧᑎᒡ ᑭᔭ ᐎᔨᐛᐤ ᐊ ᐃᑐᑕᐊᑭᓄᐎᒡ ᐊᓐᑕ ᒐ ᐊᓯᒋᓂᐸᐊᑭᓄᐎᒡ ᒋᓴᓴ ᓂᐸᐊᑭᓄᔨᒐᓂ᙮
Luke 23.33-43 (Proper-29 Year C)
33ᐃᔅᐱ ᒪᒃ ᐛᑎᑕᒡ ᐊᓂᔭ ᐱᔅᑯᑎᓇᔪᐤ, ᐅᔅᑎᒂᓂᑭᓐ ᑲ ᐃᓯᓂᐧᑲᑕᔨᒡ, ᐊᑯᑕ ᑲ ᒋᔅᑕᔎᑕᒡ ᒋᓴᓴ ᒋᐱᔭᑎᑯᒡ᙮ ᐊᑯ ᐊᓂᔭᔪᐛ ᓂᓱ ᑲᓂᑕᐅᒋᒧᑎᔨᒋ ᐅᐱᒪ ᐊᓐᑕ ᐃᑐᐤ ᐊ ᑕᑦ ᒋ ᐊᑯᒋᓂᔪᐛ᙮ 34ᐊᑯ ᒋᓴᔅ ᒂ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐎᐅᑕᐅᑐᒡ, ᐊᑯᑕ ᑲ ᐅᒋ ᐎᔭᔨᑕᒡ ᐊᐛᔪᐛ ᒐ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮
35ᒋ ᓇᓂᐳᐅᒡ ᐊᓐᑕ ᐊᐛᓐᒋ ᐊ ᑭᓄᐛᐱᒡ ᐊ ᒪᔭᔨᒥᑯᔨᒋ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊ ᐃᔅᒋᔄᔨᒋ, “ᒋ ᐎᒋᐊᐤ ᑯᑎᑲ ᐊᐛᔪᐛ, ᒋᑭ ᐎᒋᐃᓱᐤ ᒪᒃ ᑕᑈ ᙭ ᐊ ᔭᐅᒂ, ᐊᓂᔭ ᒋᓴᒪᓂᑐᐤ ᑲ ᐅᑎᓇᑦ᙮”
36ᐊᓯᒪᑭᓂᓯᒡ ᑭᔭ ᒋ ᒪᔭᔨᒪᐅᒡ ᒋᓴᓴ, ᐊᑯ ᒂ ᓇᑕᒡ ᒥᒋᒪ ᒂ ᐎ ᒥᓇᐊᒡ ᐊ ᐎᓯᑲᐧᑭᒥᔨᒡ ᓱᒥᓇᐳᔪᐤ᙮ 37ᒋ ᐃᑕᐅᒡ ᑭᔭ, “ᐎᒋᐃᓱᐤ ᒪᒃ ᑕᑈ ᐊ ᐊᐎᓇ ᒍᐤ ᐅᒋᓴᐅᒋᒪᒧᐛᐛ᙮”
38ᒋ ᒋᑭᒧᑕᑭᓄᐎᔪᐤ ᒪᒃ ᒥᓯᓇᐃᑭᓂᔪᐤ ᐃᑉᕈᐤ, ᓚᑎᓐ ᑭᔭ ᑯᕆᒃ ᐊ ᐃᓯ ᐃᔨᒥᓇᓄᐅᒡ, ᐅᒋᐱᔭᑎᑯᒥᒡ ᐊᓐᑕ ᐃᔅᐱᒥᓯᔅ ᒋᓴᔅ ᐅᔅᑎᒂᓂᒡ ᐊᑎᔅᑕᔨᒡ, “ᐊᔪᑯᓐ ᐅᔭ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
39ᐸᐃᒄ ᐊᓐ ᑲᒋᒧᑎᑦ ᐊᓐᑕ ᑲ ᒋᔅᑕᔎᑕᑭᓄᐅᑦ ᑭᔭ ᐎᔾ ᒋ ᒪᔭᔨᒪᐤ ᒋᓴᓴ ᐊ ᐃᑕᑦ, “ᓇᒪᔭᐤ ᐊ ᒪᒃ ᒋᔾ ᙭ ? ᐎᒋᐃᓱᐤ, ᑭᔭ ᓂᔭᓐ ᐎᒋᐃᓇᓐ᙮”
40ᐊᓐ ᒪᒃ ᑯᑎᒃ ᑲᒋᒧᑎᑦ ᒂ ᐎᑎᒧᐛᑦ ᐊᓂᔭ ᐎᒋ ᒋᒧᑐᐛ ᐊ ᐃᑕᑦ, “ᓇᒪᐎᔾ ᐊ ᒋ ᑯᔅᑕᐤ ᒋᓴᒪᓂᑐᐤ ? ᔅᒋ ᐃᓯ ᑎᐸᔅᑯᓂᑯᓇᓄᐤ ᑕᐱᔅᑯᓐ ᐎᔾ ᐊ ᐃᓯ ᑎᐸᔅᑯᓇᑭᓄᐅᑦ᙮ 41ᒋᔭᓄᐤ ᒪᒃ ᐃᓯᓇᑯᓐ ᒐᒋ ᒋᔅᑕᔎᑎᑯᐅᔭᐧᒄ ᑕᓐ ᑲ ᐃᓯ ᒥᒋᑐᑎᒪᐧᒄ᙮ ᐅ ᒪᒃ ᓇᐸᐤ ᓇᒪ ᐅᒋ ᒥᒋᑐᑎᒻ᙮”
42ᐊᓐ ᒪᒃ ᑲᒋᒧᑎᑦ ᒋ ᐃᑕᐤ ᐊᓂᔭ ᒋᓴᓴ, “ᒐ ᒋᔅᒋᓯᑐᐎᓐ ᐃᔅᐱ ᑎᑯᓯᓂᔨᓇ ᐊ ᒋᓴᐅᒋᒪᐎᔨᓐ᙮”
43ᒋᓴᔅ ᒂ ᐃᑕᑦ, “ᒋᒋᐛ ᒋᑦ ᐃᑎᓐ, ᐊᓄᒡ ᒋᑭ ᑕᓇᓄᐤ ᐸᕋᑕᐃᓯᒡ, ᐊᓐᑕ ᐊ ᒥᔽᔨᑕᒂᒡ ᐊ ᑕᓄᐅᒡ᙮”
ᒋᓴᔅ ᑲ ᓂᐱᑦ
44ᓴᓯᑲᓐ ᒪᒃ ᐊ ᐊᐱᑕᒋᓯᑲᒡ ᐊᑯ ᒂ ᑎᐱᔅᒋᐱᔨᒡ ᒂ ᐊᑎ ᐅᑲᔅᑕᔭᒡ ᒥᓯᐛ ᐊᓐ ᐊᔅᒋᔾ᙮ ᐸᑐᔅ ᓂᔅᑐ ᑲ ᐃᔅᐱᔨᒡ ᐊᑯ ᒥᓐ ᒂ ᐊᑎ ᐛᓴᔭᒡ᙮ 45ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᑲ ᐊᑯᑕᒡ ᐊᑯᐛᑲᐃᑭᓐ ᓇᔅᒡ ᒋ ᑕᔅᒋᐱᔪᐤ᙮ 46ᒋᓴᔅ ᒪᒃ ᒋ ᐃᓯ ᑕᑈᐤ, “ᓄᑕ, ᒋᔾ ᐊ ᑕᔨᓐ ᓂ ᐱᔅᑎᓇᐤ ᓂᑦ ᐊᒐᐧᒄ ᒐᒋ ᑭᓄᐛᔨᒥᑦ᙮” ᐃᔅᐱ ᒪᒃ ᐅᔭᔪᐤ ᑲ ᐃᔅᒋᔄᑦ ᐊᑯ ᒂ ᓂᐱᑦ᙮
47ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᐃᔅᐱ ᑲ ᐛᐸᑕᐧᒃ ᑕᓐ ᑲ ᐃᔅᐱᔨᒡ, ᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᒋ ᐃᔅᒋᔄᐤ, “ᒐᔅᑎᓇᔅ ᑕᑈ ᒋ ᑯᐃᔅᑯᑕᑎᓯᒐ ᐅ ᓇᐸᐤ᙮” 48ᐃᔅᐱ ᒪᒃ ᐊᓐᒡ ᐃᔪᒡ ᑲ ᐸᒋ ᑭᓄᐛᐱᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ, ᒋ ᒋᐛᐅᒡ ᐊ ᐅᑎᑕᒪᔅᒋᑭᓇᐅᓱᒡ ᐊ ᐛᐸᑎᔨᐛᒡ ᐊᔅᐱᔅ ᒥᓯᒪᔨᑕᒡ᙮ 49ᒥᓯᐛ ᒪᒃ ᐊᓐᒡ ᐃᔪᒡ ᑲ ᒥᔪ ᒋᔅᒐᔨᒪᒡ ᒋᓴᓴ ᑭᔭ ᐊᓐᒡ ᐃᔎᐅᒡ ᑲ ᐱᐸᐎᒐᐛᒡ ᒋᓴᓴ ᑲᓕᓕᒡ ᐅᒋ, ᐛᔪᐎᔅ ᐊᓐᑕ ᒋ ᓂᐳᐅᒡ ᐊ ᑭᓄᐛᐱᒡ᙮
ᒋᓴᔅ ᑲ ᓇᐛᐊᑭᓄᐅᑦ
50ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ, 51ᑭᔭ ᐎᔾ ᒋ ᐊᓱᐛᐸᑎᒻ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐᒋ ᐅᑎᒋᐱᔨᒡ ᑭᔭ ᒋ ᐎᒋᐃᐛᐤ ᒍᐤ ᐃᔪᐛ ᐊ ᓂᑲᓂᔅᑯᐛᑭᓄᔨᒋ᙮ ᓇᒪ ᒪᒃ ᐅᒋ ᓇᐊᔨᑎᒻ ᑕᓐ ᑲ ᐃᓯ ᐃᑕᔨᑎᒥᔨᒋ ᒐ ᐃᑐᑐᐛᔨᒋ ᒋᓴᓴ ᑭᔭ ᓇᒪ ᐅᒋ ᓂᔅᑯᒧᐤ ᒐᒋ ᐃᑐᑐᐛᑭᓄᔨᒋ ᐊᓂᔭ ᑕᓐ ᑲ ᐃᑐᑐᐛᑭᓄᔨᒋ᙮ 52ᒋ ᓂᑐᐛᐱᒪᐤ ᑈᓚᑕ ᒂ ᓂᑐᑎᒧᐛᑦ ᒋᓴᓴ ᐎᔭᔪᐤ᙮ 53ᐊᑯ ᒪᒃ ᒂ ᐅᑎᓇᐧᒃ ᐊᓂᔭ ᒥᔭᔪᐤ ᒋᐱᔭᑎᑯᒡ ᐅᒋ, ᒂ ᐎᔎᔭᒋᓇᐧᒃ ᐱᒍᐎᔭᓂᒡ ᑭᔭ ᒂ ᓇᐅᔅᑕᑦ ᐊᓐᑕ ᐊᒋ ᐛᑎᒂᐱᔅᑲᐃᑭᓄᐎᒡ᙮ ᓇᒪ ᒪᒃ ᓂᑕ ᐅᒋ ᐊᐱᑎᓂᔪᐤ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ᐊᔅᑕᐛᑦ ᒋᓴᓴ ᐎᔭᔪᐤ᙮ 54ᐊᐅᒄ ᐅ ᐊ ᒋᓯᑲᒡ ᑲᒋ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᑭᔭ ᒪᒃ ᓴᔅ ᒋ ᐸᓱᓇᑯᓐ ᐊ ᒍᐤ ᐊᔭᒥᐊᐅᒋᓯᑲᒡ᙮
55ᐊᓐᒡ ᒪᒃ ᐃᔎᐅᒡ ᑲᓕᓕᒡ ᑲ ᐅᒋ ᐎᒐᐛᒡ ᒋᓴᓴ ᒋ ᐎᒐᐛᐅᒡ ᐊᓂᔭᔪᐛ ᒍᓯᐸ᙮ ᒋ ᐛᐸᑎᒧᒡ ᒪᒃ ᐊᓂᔭ ᒋᐱᐃᒋᐛᐱᔪᐤ ᑭᔭ ᑕᓐ ᑲ ᐃᑎᔅᑕᑭᓄᐎᒡ ᒋᓴᓴ ᐎᔭᔪᐤ ᐊᓐᑕ᙮ 56ᐊᑯ ᒪᒃ ᒂ ᒋᐛᒡ ᒂ ᐊᔭᔅᑯᔅᑕᒡ ᐊᓂᔭ ᑲ ᐎᒋᒪᑯᓯᔨᒋ ᒥᔅᑯᓱᐛ ᑭᔭ ᑐᒥᓂᑭᓇ ᐊᓂᔭᔪᐛ ᒐ ᐊᐱᒋᑕᒡ ᐊ ᒥᔪᐧᑲᒡ ᐊᓂᔭ ᒥᔭᔪᐤ᙮ ᐊᓂᔭ ᒪᒃ ᒍᐤ ᐅᑦ ᐊᔭᒥᐊᐅᒋᓯᑲᒥᔪᐤ ᒋ ᐊᔅᑕᔭᔅᑯᓯᐅᒡ ᐛᔅ ᐊᑯᓐ ᑲ ᐃᓯ ᐃᑎᓱᐛᑕᑭᓄᐎᒡ ᒋᓴᒪᓂᑐᐛ ᐅᐎᓱᐛᐅᓂᒡ ᒐ ᐃᑐᐛᒂ᙮
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada