JENESIS 17
17
1Go ragi waina Abram e pei tea ni natau rualima loveti tamate loveti, Yehovah e pakilina ki Abram, po noa ki nia, e naga, Kinau a pei Sup̃e Kasua Mau; p̃a surata naraegu, go p̃a wia lua. 2Go aga wo mari navasasokiana aginau namawota kakagida, go aga wo mari ko p̃a wo laapa sa. 3Go Abram e dowo dap̃olosiwo: go Sup̃e e pasa ki nia, po naga, 4Kinau, p̃a leo, navasasokiana aginau e sikoti ko doko, go p̃a wo pei tama ni nalauna laapa. 5Go nagisam̃a ega ta moro pei tea sosoana ki Abram mau, ma nagisam̃a ega vei Abraham; nalakena a po mari ko ku pei tama ni nalauna laapa. 6Go aga wo mari ko p̃a wo pavakawora p̃arua sa, go aga wo mari ko p̃a wo pei nalauna maga, go nawota maga euga wo m̃elu ako umai. 7Go aga wo lawosoki navasasokiana aginau namawota kakagida go namawota kakagu ma naworaworam̃a waina euga wo edaku ki‐go sara tagona adeada, ega wo pei navasasokiana waina ega wo du du po du mau du, naga aga vei Sup̃e anigo go agi naworaworam̃a waina euga wo edaku ki‐go. 8Go aga wo dua mu ma naworaworam̃a waina euga wo edaku ki‐go, navanua ni nam̃enaki‐atatokoana anigo maga, navanua mamau ni Kanaan, ega wo pei naveaniana waina ega wo du du po du mau du; go aga wo pei Sup̃e adeada. 9Go Sup̃e e noa ki Abraham, e naga, Go nigo, navasasokiana aginau p̃a vavaigoro e nimu ma naworaworam̃a, waina euga wo edaku ki‐go sara tagona adeada. 10Tea waia e pei navasasokiana aginau, waina kuga vavaigoro e, namawota kakagida go namawota kakagu ma naworaworam̃a waina euga wo edaku ki‐go; sara naanoai kakamu euga vei tea tovadaviviana. 11Go kuga vei tea tovadaviviana nawili vea ni nap̃okasimu; go ega wo pei navaivaiana ni navasasokiana namawota kakagu ma nimu. 12Go tea ni naaleatia latolu ega vei tea tovadaviviana kakamu, sara naanoai ni sara tagona animu, tea waina e pakilina nasum̃a, go tea waina e pei tea vakotoviana ki m̃ane paki te naata p̃ota, waina e da pei tea ni naworaworam̃a mau. 13Tea waina e pakilina nasum̃a anigo, go tea waina e pei tea vakotoviana ki m̃ane anigo, e one ara one naga euga vei tea tovadaviviana: go navasasokiana aginau ega wo doko nap̃okasimu ega wo pei navasasokiana waina ega wo du du po du mau du. 14Go naanoai waina e da pei tea tovadaviviana mau waina e da pei tea tovadaviviana nawili vea ni nap̃okasina mau, naata wanogoe ega vei tea taeluaana m̃elu dua ki namatarau aneana maga: e po dapiri navasasokiana aginau.
15Go Sup̃e e noa ki Abraham, e naga, Am̃agoroi Sarai, p̃a ta soso nagisana ki Sarai mau, ma nagisana ega vei Sarah. 16Go aga wo pasa m̃ata ki nia, go aga wo dua ko natum̃a naanoai sikai asa: io, aga wo pasa m̃ata ki nia, go ega wo pei p̃ila ni nalauna maga; nawota maga ni nalauna maga euga wo m̃elu asa. 17Go Abraham e dowo dap̃olosiwo, po muru, po noa nap̃op̃ona, e naga, Piakiki sikai ega wo magi tea ni natau p̃onotia sikai pakilina kite? Go Sarah, waina e pei tea ni natau rualima loveti, ega wo dape piakiki kite? 18Go Abraham e noa ki Sup̃e, e naga, A masauna naga Ishmael ega mauri doko naraem̃a! 19Go Sup̃e e noa, Io, ma am̃agoroi Sarah ega wo manigo dape natum̃a naanoai sikai; go p̃a soso nagisana ki Isaak: go aga wo lawosoki navasasokiana aginau paki nia ega wo pei navasasokiana waina ega wo du du po du mau du agi naworaworana waina euga wo edaku ki nia. 20Go nalo ni Ishmael, a po dogo ko asa: p̃a leo, a po pasa m̃ata ki nia, go aga wo mari a ega wo pavakawora, aga wo mari a ega wo laapa sa; ega wo pesi tea maraki rualima sikai tamate dua, go aga wo mari a ega wo pei nalauna warua. 21Ma navasasokiana aginau aga wo lawosoki a paki Isaak, waina Sarah ega wo manigo dape a ragi waia ni natau waina e ko puoli. 22Go e makoto ki navasaana paki nia, go Sup̃e e padua ki Abraham sake pano. 23Go Abraham e puati natuna Ishmael, go tea mamau puti waina eu pakilina nasum̃a aneana, go tea mamau puti waina eu pei tea vakotoviana ki m̃ane aneana, sara naanoai kaka ni naatam̃oli maga ni nasum̃a ki Abraham, po dovadavivi nawili vea ni nap̃okasida naaleatia sikai maau wanogoe, dakiusi waina Sup̃e e noa ki nia asa. 24Go Abraham e pei tea ni natau rualima loveti tamate loveti, ragi waina e pei tea tovadaviviana nawili vea ni nap̃okasina. 25Go natuna Ishmael e pei tea ni natau rualima sikai tamate dolu, ragi waina e pei tea tovadaviviana nawili vea ni nap̃okasina. 26Naaleatia sikai maau wanogoe Abraham ma natuna Ishmael ero pei tea tovadaviviana. 27Go naanoai mamau puti ni nasum̃a aneana, tea maga waina eu pakilina nasum̃a, go tea maga waina eu pei tea vakotoviana ki m̃ane paki te naata p̃ota, eu pei tea tovadaviviana sikoti a.
Избрани в момента:
JENESIS 17: NTB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Bible Society of the South Pacific
JENESIS 17
17
1Go ragi waina Abram e pei tea ni natau rualima loveti tamate loveti, Yehovah e pakilina ki Abram, po noa ki nia, e naga, Kinau a pei Sup̃e Kasua Mau; p̃a surata naraegu, go p̃a wia lua. 2Go aga wo mari navasasokiana aginau namawota kakagida, go aga wo mari ko p̃a wo laapa sa. 3Go Abram e dowo dap̃olosiwo: go Sup̃e e pasa ki nia, po naga, 4Kinau, p̃a leo, navasasokiana aginau e sikoti ko doko, go p̃a wo pei tama ni nalauna laapa. 5Go nagisam̃a ega ta moro pei tea sosoana ki Abram mau, ma nagisam̃a ega vei Abraham; nalakena a po mari ko ku pei tama ni nalauna laapa. 6Go aga wo mari ko p̃a wo pavakawora p̃arua sa, go aga wo mari ko p̃a wo pei nalauna maga, go nawota maga euga wo m̃elu ako umai. 7Go aga wo lawosoki navasasokiana aginau namawota kakagida go namawota kakagu ma naworaworam̃a waina euga wo edaku ki‐go sara tagona adeada, ega wo pei navasasokiana waina ega wo du du po du mau du, naga aga vei Sup̃e anigo go agi naworaworam̃a waina euga wo edaku ki‐go. 8Go aga wo dua mu ma naworaworam̃a waina euga wo edaku ki‐go, navanua ni nam̃enaki‐atatokoana anigo maga, navanua mamau ni Kanaan, ega wo pei naveaniana waina ega wo du du po du mau du; go aga wo pei Sup̃e adeada. 9Go Sup̃e e noa ki Abraham, e naga, Go nigo, navasasokiana aginau p̃a vavaigoro e nimu ma naworaworam̃a, waina euga wo edaku ki‐go sara tagona adeada. 10Tea waia e pei navasasokiana aginau, waina kuga vavaigoro e, namawota kakagida go namawota kakagu ma naworaworam̃a waina euga wo edaku ki‐go; sara naanoai kakamu euga vei tea tovadaviviana. 11Go kuga vei tea tovadaviviana nawili vea ni nap̃okasimu; go ega wo pei navaivaiana ni navasasokiana namawota kakagu ma nimu. 12Go tea ni naaleatia latolu ega vei tea tovadaviviana kakamu, sara naanoai ni sara tagona animu, tea waina e pakilina nasum̃a, go tea waina e pei tea vakotoviana ki m̃ane paki te naata p̃ota, waina e da pei tea ni naworaworam̃a mau. 13Tea waina e pakilina nasum̃a anigo, go tea waina e pei tea vakotoviana ki m̃ane anigo, e one ara one naga euga vei tea tovadaviviana: go navasasokiana aginau ega wo doko nap̃okasimu ega wo pei navasasokiana waina ega wo du du po du mau du. 14Go naanoai waina e da pei tea tovadaviviana mau waina e da pei tea tovadaviviana nawili vea ni nap̃okasina mau, naata wanogoe ega vei tea taeluaana m̃elu dua ki namatarau aneana maga: e po dapiri navasasokiana aginau.
15Go Sup̃e e noa ki Abraham, e naga, Am̃agoroi Sarai, p̃a ta soso nagisana ki Sarai mau, ma nagisana ega vei Sarah. 16Go aga wo pasa m̃ata ki nia, go aga wo dua ko natum̃a naanoai sikai asa: io, aga wo pasa m̃ata ki nia, go ega wo pei p̃ila ni nalauna maga; nawota maga ni nalauna maga euga wo m̃elu asa. 17Go Abraham e dowo dap̃olosiwo, po muru, po noa nap̃op̃ona, e naga, Piakiki sikai ega wo magi tea ni natau p̃onotia sikai pakilina kite? Go Sarah, waina e pei tea ni natau rualima loveti, ega wo dape piakiki kite? 18Go Abraham e noa ki Sup̃e, e naga, A masauna naga Ishmael ega mauri doko naraem̃a! 19Go Sup̃e e noa, Io, ma am̃agoroi Sarah ega wo manigo dape natum̃a naanoai sikai; go p̃a soso nagisana ki Isaak: go aga wo lawosoki navasasokiana aginau paki nia ega wo pei navasasokiana waina ega wo du du po du mau du agi naworaworana waina euga wo edaku ki nia. 20Go nalo ni Ishmael, a po dogo ko asa: p̃a leo, a po pasa m̃ata ki nia, go aga wo mari a ega wo pavakawora, aga wo mari a ega wo laapa sa; ega wo pesi tea maraki rualima sikai tamate dua, go aga wo mari a ega wo pei nalauna warua. 21Ma navasasokiana aginau aga wo lawosoki a paki Isaak, waina Sarah ega wo manigo dape a ragi waia ni natau waina e ko puoli. 22Go e makoto ki navasaana paki nia, go Sup̃e e padua ki Abraham sake pano. 23Go Abraham e puati natuna Ishmael, go tea mamau puti waina eu pakilina nasum̃a aneana, go tea mamau puti waina eu pei tea vakotoviana ki m̃ane aneana, sara naanoai kaka ni naatam̃oli maga ni nasum̃a ki Abraham, po dovadavivi nawili vea ni nap̃okasida naaleatia sikai maau wanogoe, dakiusi waina Sup̃e e noa ki nia asa. 24Go Abraham e pei tea ni natau rualima loveti tamate loveti, ragi waina e pei tea tovadaviviana nawili vea ni nap̃okasina. 25Go natuna Ishmael e pei tea ni natau rualima sikai tamate dolu, ragi waina e pei tea tovadaviviana nawili vea ni nap̃okasina. 26Naaleatia sikai maau wanogoe Abraham ma natuna Ishmael ero pei tea tovadaviviana. 27Go naanoai mamau puti ni nasum̃a aneana, tea maga waina eu pakilina nasum̃a, go tea maga waina eu pei tea vakotoviana ki m̃ane paki te naata p̃ota, eu pei tea tovadaviviana sikoti a.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Bible Society of the South Pacific