مزگینیا لوقای 21
21
پێشكێشیێ بیژنێ
(مەرقۆس 12:41-44)
1بەرێ خۆ دایێ و دیت دەولەمەند یێ پێشكێشیێن خۆ دكەنە د پارەدانكا پەرستگەهێ دا، 2هەروەسا دیت بیژنەكا هەژار یا دوو فلسان#21:2 ب یونانی دوو ‹لەپتۆن›. دكەتە د پارەدانكێ دا. 3ئینا گۆت: «راستیێ دبێژمە هەوە: ڤێ بیژنا هەژار ژ هەمیان پتر كرنە تێدا، 4چنكو ڤان هەمیان ژ سامانێ خۆ یێ زێدە پارە دان، لێ وێ سەرەڕای بەلەنگازیا خۆ، هەر چ یێ وێ بۆ ژیارا خۆ هەی كرە تێدا.»
عیسا پێشوەخت بەحسێ هەڕفاندنا پەرستگەهێ دكەت
(مەتتا 24:1-2؛ مەرقۆس 13:1-2)
5دەمێ هندەكان بەحسێ پەرستگەهێ دكر، كو ب بەرێن جوان و پێشكێشیان هاتیە خەملاندن، عیسای گۆت: 6«ئەڤ تشتێن هوین دبینن، رۆژ دێ هێن كو بەر ل سەر بەری نامینیت، هەمی دێ هێنە هەڕفاندن.»
نیشانێن دویماهیا سەردەمی
(مەتتا 24:3-14؛ مەرقۆس 13:3-13)
7ئینا وان پرسیار ژێ كر و گۆتن: «مامۆستا، ئەڤە دێ كەنگی چێبن؟ و دێ چ نیشان هەبیت، دەمێ رویدانا وان نێزیك ببیت؟» 8عیسای گۆت: «هشیار بن نەهێنە دسەردابرن، چنكو گەلەك دێ ب ناڤێ من هێن و دێ بێژن ‹ئەز ئەوم!› و ‹ئەو دەم نێزیك بوو.› ل دویڤ وان نەچن. 9دەمێ هەوە گو‍‌ھ ل جەنگ و نەئارامیان دبیت، نەڤەجنقن. چنكو دڤێت ل پێشیێ ئەڤ تشتە روی بدەن. لێ دویماهی ئێكسەر ناهێت.» 10پاشی گۆتە وان: «دێ مللەتەك دژی مللەتەكی و پاشایەتیەك دژی پاشایەتیەكێ رابیت 11و دێ بیڤەلەرزێن مەزن و ل گەلەك جهان كولب و دەردێن ڤەگر و كوژەك پەیدا بن و تشتێن ب ترس و نیشانێن مەزن دێ ژ ئەسمانی دیار بن. 12لێ بەری ڤێ هەمیێ، ژ پێخەمەت ناڤێ من، ئەو دێ هەوە گرن و تەپەسەر كەن و دێ هەوە رادەستی كنیشتەیان كەن و هاڤێژنە د زیندانان دا و دێ هەوە راكێشنە نك پاشا و حوكمداران. 13ئەڤ رویدانە دێ چێبن، دا هوین بۆ من شاهدەییێ بدەن. 14ئەڤجا خۆ ئێكدل كەن و بەری هنگی خەمێ نەخۆن كا دێ چەوا بەڕەڤانیێ ژ خۆ كەن، 15چنكو ئەز دێ دەڤ و ئاقلمەندیەكێ دەمە هەوە، هەمی بەرهنگارێن هەوە نەشێن بەرگریێ بكەن یان بەرسڤا ئاخفتنێن هەوە بدەن. 16خۆ دایك و باب و برا و مرۆڤ و هەڤالێن هەوە ژی دێ هەوە رادەستی دەستهەلاتداران كەن و ژ هەوە دەنە كوشتن. 17دێ ژ بەر ناڤێ من كەربێن هەمیان ژ هەوە ڤەبن، 18لێ مویەك ژ سەرێ هەوە ژ ناڤ ناچیت، 19ب خۆڕاگرتنا خۆ هوین دێ ژیانا خۆ ب دەست ڤە ئینن.
وێرانكرنا ئورشەلیمێ
(مەتتا 24:15-21؛ مەرقۆس 13:14-19)
20دەمێ هوین دبینن ئورشەلیم ب لەشكەران یا دۆرپێچ كریە، هنگی بزانن وێرانكرنا وێ نێزیك بوو. 21هنگی ئەوێن ل دەڤەرا یەهودیایێ بلا بڕەڤنە چیایان، ئەوێن د ئورشەلیمێ دا بلا ژێ دەربكەڤن، ئەوێن ل گوندان بلا نەچنە باژێڕی، 22چنكو ئەڤ رۆژێن هەنێ یێن تۆلڤەكرنێنە، داكو هەر تشتێ هاتیە نڤیسین ب ج‍‌ھ بهێت، 23ل وان رۆژان، نەخوزیكێن ژنكێن دووگیان و شیردەران! چنكو دێ تەنگاڤیەكا گران ب سەر ئەردی و تۆڕەبوونەكا مەزن ب سەر ڤی مللەتی دا هێت. 24دێ ب دەڤێ شیری كەڤن و ب دیلی بۆ ناڤ هەمی مللەتان دێ هێنە برن و ئورشەلیم دێ ژ لایێ مللەتان ڤە هێتە بنپێ كرن، تاكو دەمێن مللەتان ب دویماهی دهێت.
هاتنا كوڕێ مرۆڤ
(مەتتا 24:29-31؛ مەرقۆس 13:24-27)
25دێ نیشان ل هەیڤ و رۆژ و ستێران پەیدا بن، ل سەر ئەردی ژی ژ بەر هورمە هورما دەریایێ و پێلێن وێ، مللەت دێ بزدیێن و شاش بن. 26دێ مرۆڤ دلگرتی بن، ژ بەر ترس و چاڤەڕێكرنا وان تشتێن كو دێ ب سەرێ جیهانێ هێن، چنكو هێزێن ئەسمانان دێ هێنە تێكهەژاندن. 27هنگی دێ بینن ‹كوڕێ مرۆڤ ب هێز و گەلەك مەزناهی د ناڤ عەورەكی دا یێ دهێت.›#21:27 دانیێل 7:13؛ ئاشكراكرن 1:7 28دەمێ ئەڤ تشتە دەست پێ دكەن، راست راوەستن و سەرێ خۆ بلند كەن، چنكو رزگاركرنا هەوە نێزیك دبیت.»
نموونەیا دارهژیرێ
(مەتتا 24:32-35؛ مەرقۆس 13:28-31)
29نموونەیەك ژی بۆ وان ئینا: «بەرێ خۆ بدەنە دارهژیرێ و دارێن دی. 30دەمێ بەلگ دان، هوین ب خۆ دبینن و دزانن هاڤین یا نێزیكە. 31وەسا هوین ژی، دەمێ دبینن ئەڤ تشتە روی ددەن، بزانن كو پاشایەتیا خودێ یا نێزیكە. 32راستیێ دبێژمە هەوە: ئەڤ نفشە ژ ناڤ ناچیت تا هەمی تشت روی نەدەن. 33ئەرد و ئەسمان دێ ژ ناڤ چن، لێ پەیڤێن من چ جاران ژ ناڤ ناچن.
هشیار بمینن و نڤێژان بكەن
(مەتتا 24:42-44؛ مەرقۆس 13:32-37)
34هشیاری خۆ بن، نەكو دلێن هەوە ب مەی ڤەخوارنێ و سەرخۆشیێ و خەمێن ژیانێ گران ببن و ئەو رۆژ ژ نشكەكێ ڤە ب سەر هەوە دا بهێت، 35چنكو دێ وەكو خەفكەكێ، هەمی ئاكنجیێن سەر رویێ ئەردی گریت. 36ئەڤجا هشیار بمینن و ل هەمی دەمان نڤێژان بكەن، داكو هوین بشێن خۆ ژ ڤان هەمی تشتێن كو نێزیكە دێ روی دەن قورتال بكەن و رویسپی ل بەرامبەر كوڕێ مرۆڤ راوەستن.»
37عیسای ب رۆژ ل پەرستگەهێ فێركرن دكر و ب شەڤ دەردكەفت و ل چیایێ دبێژنێ چیایێ زەیتوونان دما. 38خەلك هەمی ژی سپێدێ زوی رادبوون و دهاتنە پەرستگەهێ، دا گوهێ خۆ بدەنێ.
Избрани в момента:
مزگینیا لوقای 21: BHD
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
All rights reserved.
مزگینیا لوقای 21
21
پێشكێشیێ بیژنێ
(مەرقۆس 12:41-44)
1بەرێ خۆ دایێ و دیت دەولەمەند یێ پێشكێشیێن خۆ دكەنە د پارەدانكا پەرستگەهێ دا، 2هەروەسا دیت بیژنەكا هەژار یا دوو فلسان#21:2 ب یونانی دوو ‹لەپتۆن›. دكەتە د پارەدانكێ دا. 3ئینا گۆت: «راستیێ دبێژمە هەوە: ڤێ بیژنا هەژار ژ هەمیان پتر كرنە تێدا، 4چنكو ڤان هەمیان ژ سامانێ خۆ یێ زێدە پارە دان، لێ وێ سەرەڕای بەلەنگازیا خۆ، هەر چ یێ وێ بۆ ژیارا خۆ هەی كرە تێدا.»
عیسا پێشوەخت بەحسێ هەڕفاندنا پەرستگەهێ دكەت
(مەتتا 24:1-2؛ مەرقۆس 13:1-2)
5دەمێ هندەكان بەحسێ پەرستگەهێ دكر، كو ب بەرێن جوان و پێشكێشیان هاتیە خەملاندن، عیسای گۆت: 6«ئەڤ تشتێن هوین دبینن، رۆژ دێ هێن كو بەر ل سەر بەری نامینیت، هەمی دێ هێنە هەڕفاندن.»
نیشانێن دویماهیا سەردەمی
(مەتتا 24:3-14؛ مەرقۆس 13:3-13)
7ئینا وان پرسیار ژێ كر و گۆتن: «مامۆستا، ئەڤە دێ كەنگی چێبن؟ و دێ چ نیشان هەبیت، دەمێ رویدانا وان نێزیك ببیت؟» 8عیسای گۆت: «هشیار بن نەهێنە دسەردابرن، چنكو گەلەك دێ ب ناڤێ من هێن و دێ بێژن ‹ئەز ئەوم!› و ‹ئەو دەم نێزیك بوو.› ل دویڤ وان نەچن. 9دەمێ هەوە گو‍‌ھ ل جەنگ و نەئارامیان دبیت، نەڤەجنقن. چنكو دڤێت ل پێشیێ ئەڤ تشتە روی بدەن. لێ دویماهی ئێكسەر ناهێت.» 10پاشی گۆتە وان: «دێ مللەتەك دژی مللەتەكی و پاشایەتیەك دژی پاشایەتیەكێ رابیت 11و دێ بیڤەلەرزێن مەزن و ل گەلەك جهان كولب و دەردێن ڤەگر و كوژەك پەیدا بن و تشتێن ب ترس و نیشانێن مەزن دێ ژ ئەسمانی دیار بن. 12لێ بەری ڤێ هەمیێ، ژ پێخەمەت ناڤێ من، ئەو دێ هەوە گرن و تەپەسەر كەن و دێ هەوە رادەستی كنیشتەیان كەن و هاڤێژنە د زیندانان دا و دێ هەوە راكێشنە نك پاشا و حوكمداران. 13ئەڤ رویدانە دێ چێبن، دا هوین بۆ من شاهدەییێ بدەن. 14ئەڤجا خۆ ئێكدل كەن و بەری هنگی خەمێ نەخۆن كا دێ چەوا بەڕەڤانیێ ژ خۆ كەن، 15چنكو ئەز دێ دەڤ و ئاقلمەندیەكێ دەمە هەوە، هەمی بەرهنگارێن هەوە نەشێن بەرگریێ بكەن یان بەرسڤا ئاخفتنێن هەوە بدەن. 16خۆ دایك و باب و برا و مرۆڤ و هەڤالێن هەوە ژی دێ هەوە رادەستی دەستهەلاتداران كەن و ژ هەوە دەنە كوشتن. 17دێ ژ بەر ناڤێ من كەربێن هەمیان ژ هەوە ڤەبن، 18لێ مویەك ژ سەرێ هەوە ژ ناڤ ناچیت، 19ب خۆڕاگرتنا خۆ هوین دێ ژیانا خۆ ب دەست ڤە ئینن.
وێرانكرنا ئورشەلیمێ
(مەتتا 24:15-21؛ مەرقۆس 13:14-19)
20دەمێ هوین دبینن ئورشەلیم ب لەشكەران یا دۆرپێچ كریە، هنگی بزانن وێرانكرنا وێ نێزیك بوو. 21هنگی ئەوێن ل دەڤەرا یەهودیایێ بلا بڕەڤنە چیایان، ئەوێن د ئورشەلیمێ دا بلا ژێ دەربكەڤن، ئەوێن ل گوندان بلا نەچنە باژێڕی، 22چنكو ئەڤ رۆژێن هەنێ یێن تۆلڤەكرنێنە، داكو هەر تشتێ هاتیە نڤیسین ب ج‍‌ھ بهێت، 23ل وان رۆژان، نەخوزیكێن ژنكێن دووگیان و شیردەران! چنكو دێ تەنگاڤیەكا گران ب سەر ئەردی و تۆڕەبوونەكا مەزن ب سەر ڤی مللەتی دا هێت. 24دێ ب دەڤێ شیری كەڤن و ب دیلی بۆ ناڤ هەمی مللەتان دێ هێنە برن و ئورشەلیم دێ ژ لایێ مللەتان ڤە هێتە بنپێ كرن، تاكو دەمێن مللەتان ب دویماهی دهێت.
هاتنا كوڕێ مرۆڤ
(مەتتا 24:29-31؛ مەرقۆس 13:24-27)
25دێ نیشان ل هەیڤ و رۆژ و ستێران پەیدا بن، ل سەر ئەردی ژی ژ بەر هورمە هورما دەریایێ و پێلێن وێ، مللەت دێ بزدیێن و شاش بن. 26دێ مرۆڤ دلگرتی بن، ژ بەر ترس و چاڤەڕێكرنا وان تشتێن كو دێ ب سەرێ جیهانێ هێن، چنكو هێزێن ئەسمانان دێ هێنە تێكهەژاندن. 27هنگی دێ بینن ‹كوڕێ مرۆڤ ب هێز و گەلەك مەزناهی د ناڤ عەورەكی دا یێ دهێت.›#21:27 دانیێل 7:13؛ ئاشكراكرن 1:7 28دەمێ ئەڤ تشتە دەست پێ دكەن، راست راوەستن و سەرێ خۆ بلند كەن، چنكو رزگاركرنا هەوە نێزیك دبیت.»
نموونەیا دارهژیرێ
(مەتتا 24:32-35؛ مەرقۆس 13:28-31)
29نموونەیەك ژی بۆ وان ئینا: «بەرێ خۆ بدەنە دارهژیرێ و دارێن دی. 30دەمێ بەلگ دان، هوین ب خۆ دبینن و دزانن هاڤین یا نێزیكە. 31وەسا هوین ژی، دەمێ دبینن ئەڤ تشتە روی ددەن، بزانن كو پاشایەتیا خودێ یا نێزیكە. 32راستیێ دبێژمە هەوە: ئەڤ نفشە ژ ناڤ ناچیت تا هەمی تشت روی نەدەن. 33ئەرد و ئەسمان دێ ژ ناڤ چن، لێ پەیڤێن من چ جاران ژ ناڤ ناچن.
هشیار بمینن و نڤێژان بكەن
(مەتتا 24:42-44؛ مەرقۆس 13:32-37)
34هشیاری خۆ بن، نەكو دلێن هەوە ب مەی ڤەخوارنێ و سەرخۆشیێ و خەمێن ژیانێ گران ببن و ئەو رۆژ ژ نشكەكێ ڤە ب سەر هەوە دا بهێت، 35چنكو دێ وەكو خەفكەكێ، هەمی ئاكنجیێن سەر رویێ ئەردی گریت. 36ئەڤجا هشیار بمینن و ل هەمی دەمان نڤێژان بكەن، داكو هوین بشێن خۆ ژ ڤان هەمی تشتێن كو نێزیكە دێ روی دەن قورتال بكەن و رویسپی ل بەرامبەر كوڕێ مرۆڤ راوەستن.»
37عیسای ب رۆژ ل پەرستگەهێ فێركرن دكر و ب شەڤ دەردكەفت و ل چیایێ دبێژنێ چیایێ زەیتوونان دما. 38خەلك هەمی ژی سپێدێ زوی رادبوون و دهاتنە پەرستگەهێ، دا گوهێ خۆ بدەنێ.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
All rights reserved.