KĨAMBĨRĨRIA 3
3
1 #
Kũg 12.9; 20.2. Na rĩrĩ, nyamũ-ya-thĩ yarĩ na ũhinga gũkĩra nyamũ o na ĩrĩkũ thĩinĩ wa nyamũ iria ingĩ cia gĩthaka iria Jehova Ngai ombĩte. Nayo ĩkĩũria mũndũ mũka ũcio atĩrĩ, Anga Ngai nĩoigĩte atĩ mũtikanarĩe mũtĩ o na ũmwe wa mũgũnda ũyũ? 2Nake mũndũ mũka agĩcokeria nyamũ-ya-thĩ, akĩmĩĩra atĩrĩ, Maciaro ma mĩtĩ ya mũgũnda ũyũ, tũrĩ etĩkĩrie kũmarĩa; 3no rĩrĩ, ha ũhoro wa maciaro ma mũtĩ ũrĩa wĩ mũgũnda gatagatĩ-rĩ, Ngai oigĩte atĩrĩ, Mũtikanamarĩe, o na kana mũmahutie, nĩ getha mũtigakue. 4Nayo nyamũ-ya-thĩ ĩkĩĩra mũndũ mũka atĩrĩ, Aca, ti atĩ no mũhaka mũgakua 5nĩ gũkorũo Ngai nĩoĩ atĩ mũthenya ũrĩa mũkamarĩa, hĩndĩ ĩo maitho manyu nĩmakahingũka, mũtuĩke o ta Ngai, mũmenyage wega o na ũũru. 6Nake mũndũ mũka ũcio rĩrĩa onire atĩ mũtĩ ũcio nĩ mwega wa kuuma irio, o na atĩ nĩ wa kwendeka ũkĩonwo na maitho, o na ningĩ atĩ nĩ wa kwĩrirĩrio nĩ ũndũ wa kũũhĩgia mũndũ, agĩgĩtua maciaro maguo, akĩmarĩa; o na ningĩ akĩhe mũthuriwe nake, o nake akĩrĩa. 7Namo maitho mao o erĩ makĩhingũka, makĩmenya atĩ me njaga; magĩgĩtuma mathangũ ma mũkũyũ, magĩĩthondekera tũkuo twa njohero. 8Nao makĩigua mũgambo wa Jehova Ngai agĩceeranga kũu mũgũnda riũa rĩarura, nake mũndũ ũcio na mũka makĩĩhitha Jehova Ngai kũu mĩtĩ-inĩ ya mũgũnda, ndakamone. 9Nake Jehova Ngai agĩĩta mũndũ ũcio, akĩmũũria atĩrĩ, Wĩ ha? 10Nake akiuga atĩrĩ, Nĩ kũigua ndaigua mũgambo waku gũkũ mũgũnda, ndetigĩra, nĩ ũndũ nyuma njaga; ndakĩĩhitha.
11Nake akĩmũũria atĩrĩ, Nũ ũkwĩrire atĩ wĩ njaga? Kaĩ ũrĩĩte mũtĩ ũrĩa ndagwathire ngĩkwĩra ndũkanarĩe? 12Nake mũndũ ũcio akiuga atĩrĩ, Mũndũ mũka ũrĩa wa’heire tũtũũranie nake, nĩwe ũ’heire maciaro ma mũtĩ ũcio, na niĩ ndarĩa. 13#2 Kor 11.3; 1 Tim 2.14.Nake Jehova Ngai agĩcoka akĩũria mũndũ mũka ũcio atĩrĩ, Ũguo wĩkĩte nĩ atĩa? Nake mũndũ mũka akiuga atĩrĩ, Nyamũ-ya-thĩ nĩyo ĩ’henereirie, ndarĩa. 14Nake Jehova Ngai akĩĩra nyamũ-ya-thĩ atĩrĩ, Tondũ wa ũndũ ũcio wĩkĩte-rĩ, thĩinĩ wa mahiũ mothe, o na thĩinĩ wa nyamũ ciothe cia gĩthaka, wee nĩwatũũra wĩ mũthahu; gũthiĩ ũrĩthiaga na nda, na kũrĩa ũrĩrĩaga rũkũngũ matukũ mothe ma muoyo waku; 15#Kũg 12.17.na ningĩ nĩngũtũma inyuĩ na mũndũ mũka ũyũ mũgĩe ũthũ, o na mbeũ yaku na yake igĩe ũthũ; mbeũ yake nĩĩgakũgũtha mũtwe, nawe nĩũkamĩgũtha ndiira ya kũgũrũ. 16Ningĩ agĩcoka akĩĩra mũndũ mũka atĩrĩ, Nĩngũkũingĩhĩria mũno thĩna waku na mĩtangĩko ĩkoniĩ ũhoro waku wa kũgĩa ihu; ũrĩciaraga twana na ruo, na ningĩ merirĩria maku nĩmarĩkũgucagĩrĩria kwĩ mũthuriguo, nake nĩarĩgwathaga. 17#Ahib 6.8.Ningĩ akĩĩra Adamu o nake atĩrĩ, Tondũ wee nawe nĩwĩtĩkĩrire kũigua mũgambo wa mũkaguo, warĩa mũtĩ ũcio ndagwathire ngĩkwĩra ũũ: Ndũkanaũrĩe; tondũ wa ũhoro ũcio-rĩ, tĩri nĩwatũũra wĩ mũthahu nĩ ũndũ waku; ũrĩrĩaga irio ciaguo o na thĩna matukũ mothe ma muoyo waku; 18naguo nĩũgũkũmerera mĩigua, na mahiũ ma nyeki-inĩ, na ũrĩrĩaga tũhuti o twa mũgũnda; 19irio ciaku-rĩ, ũrĩcirĩaga na thithino ya ũthiũ waku, o nginya rĩrĩa ũgacoka tĩri-inĩ; nĩ gũkorũo nĩkuo warutirũo; amu wee ũrĩ o rũkũngũ, ningĩ ũgacoka ũtuĩke o rũkũngũ. 20Nake mũndũ ũcio aatuire mũka Hawa, nĩ ũndũ nĩwe watuĩkire nyina wa arĩa othe magĩaga muoyo. 21Ningĩ Jehova Ngai agĩthondekera Adamu o na mũka nguo cia njũa, akĩmahumba.
22 #
Kũg 22.14. Nake Jehova Ngai akiuga ũũ: Atĩrĩrĩ, mũndũ ũyũ nĩatuĩkĩte o ta ithuĩ, wa kũmenyaga wega o na ũũru; na rĩu getha ndagatwarĩrĩrie guoko, atue maciaro ma mũtĩ wa muoyo o namo, amarĩe, acoke atũũre tene na tene, 23tondũ ũcio-rĩ, Jehova Ngai akĩmũingata mũgũnda ũcio warĩ kũu Edeni, akarĩmage tĩri-inĩ kũrĩa aarutirũo. 24Agĩkĩrutũrũra mũndũ ũcio, ningĩ agĩcoka akĩiga Akerubi mũgũnda ũcio wa Edeni mwena ũrĩa riũa rĩrathagĩra, o na rũhiũ rũa rũrĩrĩmbĩ rũa mwaki rũeyerekagĩria na mbarĩ ciothe, nĩguo njĩra ya gũthiĩ mũtĩ-inĩ wa muoyo ĩikaragio ndĩkagerũo.
Избрани в момента:
KĨAMBĨRĨRIA 3: OGKBIBLE
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
©Bible Society of Kenya, 2019
KĨAMBĨRĨRIA 3
3
1 #
Kũg 12.9; 20.2. Na rĩrĩ, nyamũ-ya-thĩ yarĩ na ũhinga gũkĩra nyamũ o na ĩrĩkũ thĩinĩ wa nyamũ iria ingĩ cia gĩthaka iria Jehova Ngai ombĩte. Nayo ĩkĩũria mũndũ mũka ũcio atĩrĩ, Anga Ngai nĩoigĩte atĩ mũtikanarĩe mũtĩ o na ũmwe wa mũgũnda ũyũ? 2Nake mũndũ mũka agĩcokeria nyamũ-ya-thĩ, akĩmĩĩra atĩrĩ, Maciaro ma mĩtĩ ya mũgũnda ũyũ, tũrĩ etĩkĩrie kũmarĩa; 3no rĩrĩ, ha ũhoro wa maciaro ma mũtĩ ũrĩa wĩ mũgũnda gatagatĩ-rĩ, Ngai oigĩte atĩrĩ, Mũtikanamarĩe, o na kana mũmahutie, nĩ getha mũtigakue. 4Nayo nyamũ-ya-thĩ ĩkĩĩra mũndũ mũka atĩrĩ, Aca, ti atĩ no mũhaka mũgakua 5nĩ gũkorũo Ngai nĩoĩ atĩ mũthenya ũrĩa mũkamarĩa, hĩndĩ ĩo maitho manyu nĩmakahingũka, mũtuĩke o ta Ngai, mũmenyage wega o na ũũru. 6Nake mũndũ mũka ũcio rĩrĩa onire atĩ mũtĩ ũcio nĩ mwega wa kuuma irio, o na atĩ nĩ wa kwendeka ũkĩonwo na maitho, o na ningĩ atĩ nĩ wa kwĩrirĩrio nĩ ũndũ wa kũũhĩgia mũndũ, agĩgĩtua maciaro maguo, akĩmarĩa; o na ningĩ akĩhe mũthuriwe nake, o nake akĩrĩa. 7Namo maitho mao o erĩ makĩhingũka, makĩmenya atĩ me njaga; magĩgĩtuma mathangũ ma mũkũyũ, magĩĩthondekera tũkuo twa njohero. 8Nao makĩigua mũgambo wa Jehova Ngai agĩceeranga kũu mũgũnda riũa rĩarura, nake mũndũ ũcio na mũka makĩĩhitha Jehova Ngai kũu mĩtĩ-inĩ ya mũgũnda, ndakamone. 9Nake Jehova Ngai agĩĩta mũndũ ũcio, akĩmũũria atĩrĩ, Wĩ ha? 10Nake akiuga atĩrĩ, Nĩ kũigua ndaigua mũgambo waku gũkũ mũgũnda, ndetigĩra, nĩ ũndũ nyuma njaga; ndakĩĩhitha.
11Nake akĩmũũria atĩrĩ, Nũ ũkwĩrire atĩ wĩ njaga? Kaĩ ũrĩĩte mũtĩ ũrĩa ndagwathire ngĩkwĩra ndũkanarĩe? 12Nake mũndũ ũcio akiuga atĩrĩ, Mũndũ mũka ũrĩa wa’heire tũtũũranie nake, nĩwe ũ’heire maciaro ma mũtĩ ũcio, na niĩ ndarĩa. 13#2 Kor 11.3; 1 Tim 2.14.Nake Jehova Ngai agĩcoka akĩũria mũndũ mũka ũcio atĩrĩ, Ũguo wĩkĩte nĩ atĩa? Nake mũndũ mũka akiuga atĩrĩ, Nyamũ-ya-thĩ nĩyo ĩ’henereirie, ndarĩa. 14Nake Jehova Ngai akĩĩra nyamũ-ya-thĩ atĩrĩ, Tondũ wa ũndũ ũcio wĩkĩte-rĩ, thĩinĩ wa mahiũ mothe, o na thĩinĩ wa nyamũ ciothe cia gĩthaka, wee nĩwatũũra wĩ mũthahu; gũthiĩ ũrĩthiaga na nda, na kũrĩa ũrĩrĩaga rũkũngũ matukũ mothe ma muoyo waku; 15#Kũg 12.17.na ningĩ nĩngũtũma inyuĩ na mũndũ mũka ũyũ mũgĩe ũthũ, o na mbeũ yaku na yake igĩe ũthũ; mbeũ yake nĩĩgakũgũtha mũtwe, nawe nĩũkamĩgũtha ndiira ya kũgũrũ. 16Ningĩ agĩcoka akĩĩra mũndũ mũka atĩrĩ, Nĩngũkũingĩhĩria mũno thĩna waku na mĩtangĩko ĩkoniĩ ũhoro waku wa kũgĩa ihu; ũrĩciaraga twana na ruo, na ningĩ merirĩria maku nĩmarĩkũgucagĩrĩria kwĩ mũthuriguo, nake nĩarĩgwathaga. 17#Ahib 6.8.Ningĩ akĩĩra Adamu o nake atĩrĩ, Tondũ wee nawe nĩwĩtĩkĩrire kũigua mũgambo wa mũkaguo, warĩa mũtĩ ũcio ndagwathire ngĩkwĩra ũũ: Ndũkanaũrĩe; tondũ wa ũhoro ũcio-rĩ, tĩri nĩwatũũra wĩ mũthahu nĩ ũndũ waku; ũrĩrĩaga irio ciaguo o na thĩna matukũ mothe ma muoyo waku; 18naguo nĩũgũkũmerera mĩigua, na mahiũ ma nyeki-inĩ, na ũrĩrĩaga tũhuti o twa mũgũnda; 19irio ciaku-rĩ, ũrĩcirĩaga na thithino ya ũthiũ waku, o nginya rĩrĩa ũgacoka tĩri-inĩ; nĩ gũkorũo nĩkuo warutirũo; amu wee ũrĩ o rũkũngũ, ningĩ ũgacoka ũtuĩke o rũkũngũ. 20Nake mũndũ ũcio aatuire mũka Hawa, nĩ ũndũ nĩwe watuĩkire nyina wa arĩa othe magĩaga muoyo. 21Ningĩ Jehova Ngai agĩthondekera Adamu o na mũka nguo cia njũa, akĩmahumba.
22 #
Kũg 22.14. Nake Jehova Ngai akiuga ũũ: Atĩrĩrĩ, mũndũ ũyũ nĩatuĩkĩte o ta ithuĩ, wa kũmenyaga wega o na ũũru; na rĩu getha ndagatwarĩrĩrie guoko, atue maciaro ma mũtĩ wa muoyo o namo, amarĩe, acoke atũũre tene na tene, 23tondũ ũcio-rĩ, Jehova Ngai akĩmũingata mũgũnda ũcio warĩ kũu Edeni, akarĩmage tĩri-inĩ kũrĩa aarutirũo. 24Agĩkĩrutũrũra mũndũ ũcio, ningĩ agĩcoka akĩiga Akerubi mũgũnda ũcio wa Edeni mwena ũrĩa riũa rĩrathagĩra, o na rũhiũ rũa rũrĩrĩmbĩ rũa mwaki rũeyerekagĩria na mbarĩ ciothe, nĩguo njĩra ya gũthiĩ mũtĩ-inĩ wa muoyo ĩikaragio ndĩkagerũo.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
©Bible Society of Kenya, 2019