Matyo 8
8
Yeso a Tsóʼə Ngaŋkaʼə
(Mag 1.40-45; Luk 5.12-16)
1Əghâ ándó Yeso a nə ńdǒo nə́ á ndu nkwəənə ńtsó lə́, pɨ pə́ zoŋə̂ yí tə ńnə́ənə a mənoonə mənoonə. 2Ngaŋnkaʼ yitsə̌ a yǐ ńkwə́ʼtə məko yí ə́sóŋ ńgə́, Tǎ mbɔʼ gho kɔŋ, gho ghɛd maŋ ŋwaʼə̂. 3Yeso a tsɛɛkə̂ apô ají ńkwumə̂ yí ə́wɨ́ ə́sóŋ ńgə́ “maŋ kɔŋə̂, ŋwaʼə̂!” Tsɔʼə əghâ yi wɨ́, nkaʼ əjǐ zə̂ ə́ měe yə́. 4Yeso a tíʼ ə́sóŋ nə́ yí ńgə́, “lɔg ndɛd ńgə́ kɔ gho yǐ fiʼtə̂ ŋwu tsə̌. Lə́ ghɛn ńnɨd mbɨ əzo á mbô mbêsê ńtíʼ ḿmaʼə̂ akáŋə́sê páʼ Mosisə a nə sóŋ nə́ ńgə́ pə́ maʼə̂ lə́, a mə́ nɨd nə ŋwu ntsəm ńgə́ gho ŋwaʼə̂.”
Yeso a Tsóʼə Ngaŋəfaʼ Nətû nə Ngaŋə́maʼə́ntso yitsə̌
(Luk 7.1-10)
5Ndzaŋ Yeso a kə kwú nə aláʼə Kapanawum lə́ nətû nə ngaŋə́maʼə́ntso nətsə́ nə yǐəə á mbô yí ḿbítə akwáalə. 6Ə́sóŋ nə yí ńgə́, “Mmaʼmbî, ngaŋəfaʼə mə a noŋnə̂ a ndɛ̂ ńkwû táʼ əléemə, ńchîə á mə́m chigə tə́kɔʼ ngə́ʼə.”
7Yeso a sóŋ nə yí ńgə́, “Maŋ yǐ ghɛn tsóʼə yə.”
8Nətû nə́ ngaŋə́maʼə́ntso zə̂ nə́ kwěe ńgə́, Mmaʼmbî, maŋ kě koʼnə̂ ŋwu mbɔʼ gho yǐ ńkwúnə á ndɛ̂ maŋ pô, lə́ kwíʼnə ə́sóŋə táʼə anuə, ngaŋəfaʼə mə a yǐ yáŋə. 9Ńté ńgə́ maŋ lə́ ŋwu pɨ pə́ chîə nətû maŋə, maŋ kə́ ńtúg ngaŋə́maʼə́ntso páʼ maŋ sáʼ nə́ ághóobə́. Mäŋ sóŋə á mbô táʼ ńgə́, ghɛnə̂! a kə́ ńgɛnə̂. Maŋ pɨ ńkə́ sóŋə á mbô yitsə̌ ńgə́ yǐəə! a kə́ ńgyǐəə. Mäŋ sóŋə á mbô ngaŋəfaʼə mə ńgə́, faʼ ńgə́! a kə́ faʼə̂.
10Á nə ńkɨʼnə̂ Yeso əghâ páʼə a nə ńdzóʼ nə́ anu zəənə́. Ńtíʼ ə́sóŋ nə́ pɨ pə́ nə̈ ńdzoŋ nə́ yí lə́ ńgə́, “Mäŋ fiʼtə̂ áwɨ́ nə́ ndə̌ŋdəŋ ńgə́ maŋ kě ŋwu tsə̌ á mə́m Islɛl kə́ zə́ənə, nə́ zəənə́ apə́ŋə mbimə́ pô. 11Mäŋ kyaʼə̂ áwɨ́ ńgə́ pɨ pipə nɨ́ nə́ pə́ yǒ fɛ́lə á əsáʼmə́nu pópə mɛ́dmə́nu ə́lɔg əliʼ póobə́ aliʼə́ akɔŋtə pópə Ablaamə, nə́ Azigə ḿbɨ ḿbə́ nə́ Jekɔbə á mə́mə anuə nəfoonə nəpóolə. 12Pɨ pə́ pěʼ nə́ ńchîə á mə́ chî nə́ á mə́mə anuə nəfɔ yə wɨ́, pə́ myaʼə̂ ághóobə́ á mə́m ndzəmə́ apeŋə́, aliʼ pó yǐ nə́ kyéŋ tə kɔ́d məsɔŋ móobə́.”
13Yeso a tíʼ ə́sóŋə á mbô nətû nə́ ngaŋə́maʼə́ntso zə̂ ńgə́, ghɛnə̂, anuə atsəmə a yǐ lɔgə̂ aliʼ tsɔʼə ndzaŋ páʼ mbimə́ əzo ə́ nɨd nə́ lə̂. “Tsɔʼə əghâ yi wɨ́ ngaŋəfaʼ əyǐ wə̂ a kə́ ńgyáŋə yə́.”
Yeso a Tsóʼ pɨ pipə Nɨ́ nə́
(Mag 1.29-34; Luk 4.38-41)
14Yeso a nə ńgɛnə̂ á ndɛ̂ Pita ńdzə́ənə ngəm Pita a noŋnə̂ á əkwu ńtə́ ńgoonə̂ nə́ əfə́gə. 15A kwumə̂ apô ají, əfə́g wə̂ ə́ měe yə́, a lǒo á ndəsê ńchúʼə á mə́ ghɛd nə́ məjî ə́fɛ̂ nə́ yə́.
16Əghâ nkwanə́ ə́ nə ḿbɛn ńkoʼ, pə́ chúʼə á mə́ yǐ nə́ nə́ pɨ páʼ pɛ̌sê ə́ chî nə́ á mbɨ pó á mbô yə́, a kəm əjwi təpɔŋ pi wɨ́ tsɔʼə nə́ táʼə atséebə ńkə́ ńtsóʼ pəghoonə́. 17A nə ńgɛd ndɛn mənuə nə́ lə́ á mə́ lwɛ́nkə nə́ anu pə́ nə sóŋ nə́ ńdaŋə̂ á mbô ntûsê Izaya; ńgə́, “A nə ńkwá əlɔʼ əpɛ́n ńkə́ ńtsóʼ məghɔ mɛ́nə.”
Ndzaŋ páʼ á Tyantə̂ nə́ á mə́ Zoŋ nə́ Ndzəm Yeso
(Luk 9.57-62)
18Ndzaŋ Yeso a nə ńdzɨ́ nə́ ənɔ pəənə á nəpɛnə́ yí lə́, ə́sóŋ nə́ ngaŋə́zoŋə́ndzəm əjí ńgə́ pó po tú nkǐ ńgɛn nə́ yitsə̌ ndzɛnə́. 19Táʼ ngaŋə́zéʼkə pənoŋkə yitsə̌ a tíʼ ńgyǐəə á mbô yí ə́sóŋ ńgə́, “Ndzéʼkə, maŋ yǐ zoŋə̂ gho aliʼə́ atsəm páʼ gho ghɛn nə́ ə́wə́.”
20Yeso a kwěe yí ńgə́, “Əntsɔb túg məngɔ́d móobə́, pəsə́ŋ pə̈ zag nə́ atǐ pə́ túg mənka móobə́. Lə́ Mɔ́ Ŋwunə a pə́ ńkě túgə aliʼ mbɔʼ a noŋkə̂ atûə ají əwɨ́ pô.”
21Yitsə̌ ŋwu páʼ a nə ḿbə́ nə táʼ ndzoŋdzəm əyǐə, a sóŋə á mbô yí ńgə́, “Mmaʼmbî, tíʼ maŋ peg ńgɛn ńtwə́ŋə tǎ mə záʼə.”
22Lə́ Yeso a pə́ ə́sóŋə á mbô yí ńgə́, “Zoŋə̂ mə ḿmɛdtə̂ pəkwû pə́ twə́ŋ pəkwû póobə́.”
Yeso a Pwɔ́dkə Atyǎntə Kəfəələ
(Mag 4.35-41; Luk 8.22-25)
23Yeso a tíʼ ńkwúnə á mə́mə aŋkənúʼə́, ngaŋə́zoŋə́ndzəm əjí zoŋə̂ yə́. 24Pó kə́ ńgə́ ghɛnə̂, ntɨ sə́mə a ghabkə̂ ńchiʼ nkǐ tə wɨ́d tíʼə ńdoonə̂ á mə́ kə́bkə nə́ aŋkənúʼə́ azóobə́. Lə́ Yeso a pə́ ńnoŋnə̂ ńtə́ ńdê yə́. 25Ngaŋə́zoŋə́ndzəm əjí pó ghɛn ńjimkə̂ yí ə́sóŋ ńgə́, “Mmaʼmbî, chwádkə áwə́gə́, pəg chîə á ntso nəwûə!”
26Yeso a kwěe ńgə́, “Nə́ pɔ́gə lə́ akə̂? Mbimə́ əjɨ ə́ chígə́ ńkə́g lɛ ə́lɛ́?” Ńtíʼ ńdǒo á əsê ə́sáʼə kəfɨd wə̂ pópə nkǐ wə̂ páʼ wɨ́d ə́ nə ńkɔ́ʼ nə́ lə̂. Əliʼ ə́ kə́ ńkwéʼnə mbwɔ́dnə.
27Anu yəwə́ á nə ńkɨʼnə̂ ŋwu ntsəm pó tíʼə ḿbítə ńgə́, “Lɛ̌ zə́ənə́ ndzaŋ ŋwunə, tə kəfɨd pópə nkǐ yi kɔ́ʼ nə ə́ zóʼnə yə́?”
Yeso a Tsóʼ Pɨ Pɛn Pɛ̌ páʼ Pɛ̌sê ə́ Chî nə a Mbɨ Pó
(Mag 5.1-20; Luk 8.26-39)
28Ndzaŋə ándó Yeso a nə ńtú nə́ ńkoʼə̂ a ndzɛnə́ aláʼə Gadelenesə lə́, ńjwánə mbyâŋnə yitsə̌ zɛ́n pɛ̌ páʼ pɛ̌sê ə́ chî nə́ a mbɨ pó, pó fɛ́lə á mə́m məse. Pó nə ńtsə́g lɛ tətətə, ŋwu tsə̌ a kě pɨ ńchî təmbɔʼ a laŋə̂ alaŋə́ yi wɨ́ pô. 29Ndzaŋ pó nə ńjɨ́ nə́ Yeso lə́, ńkyéŋ nə́ pətə́kɔʼ pə́ ngye ə́sóŋ ńgə́, “Mɔ́ Əsê, Gho kwáalə lə́ akə̂ á mbô pəgə́? Gho yǐ lə́ á mə́ fɛ̂ nə́ ngə́ʼ nə́ pəg tsɔʼə tə ghə́ ndɛd koʼ?”
30Akwɛlə pəkwúna yətsə́ a nə ńchî ḿbáatə ághɔ́b ńtə́ ńjîə. 31Pɛ̌sê pə̂ pə́ póʼ mbô nə́ Yeso ə́sóŋ ńgə́, “Mbɔʼ gho fɨ́dkə áwə́g, gho mɛdtə̂ áwə́g pəg ghɛn ńkwúnə á mə́mə akwɛlə pəkwúna jǐə.
32A sóŋə á mbô pó ńgə́, ghɛn nə́” pó tíʼ ə́fɛ́d ńgɛn ńkwúnə á mə́mə akwɛlə pəkwúna zə̂. Akwɛlə pəkwúna yə wɨ́ tsɔʼə atsəmə á shwəənə̂ á mbɨ nkəŋə́ ńtsóolə á mə́m nkǐ ə́fə́mnə ńkwúkə. 33Pɨ pə́ nə̈ ńdzə́g nə́ pəkwúna pə wɨ́, pə́ kə ńgɛnə̂ á mə́mə aláʼ ńtíʼ ə́fiʼtə̂ anuə atsəm páʼə a laŋ nə́, ḿbéenə anu páʼə á laŋ nə́ á mbɨ pɨ pɛ̌sê pə́ pěʼ nə́ ńchîə á mbɨ pó lə̂. 34Aláʼə atsəmə á tíʼ ə́fɛ́d ńgɛnə̂ á mə́ tég nə́ Yeso. Ndzaŋ pó nə ńjɨ́ nə́ yí lə́, ḿbóʼmbô nə́ yí ńgə́ a fɛ́lə aláʼ pó.
Избрани в момента:
Matyo 8: azo
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Matyo 8
8
Yeso a Tsóʼə Ngaŋkaʼə
(Mag 1.40-45; Luk 5.12-16)
1Əghâ ándó Yeso a nə ńdǒo nə́ á ndu nkwəənə ńtsó lə́, pɨ pə́ zoŋə̂ yí tə ńnə́ənə a mənoonə mənoonə. 2Ngaŋnkaʼ yitsə̌ a yǐ ńkwə́ʼtə məko yí ə́sóŋ ńgə́, Tǎ mbɔʼ gho kɔŋ, gho ghɛd maŋ ŋwaʼə̂. 3Yeso a tsɛɛkə̂ apô ají ńkwumə̂ yí ə́wɨ́ ə́sóŋ ńgə́ “maŋ kɔŋə̂, ŋwaʼə̂!” Tsɔʼə əghâ yi wɨ́, nkaʼ əjǐ zə̂ ə́ měe yə́. 4Yeso a tíʼ ə́sóŋ nə́ yí ńgə́, “lɔg ndɛd ńgə́ kɔ gho yǐ fiʼtə̂ ŋwu tsə̌. Lə́ ghɛn ńnɨd mbɨ əzo á mbô mbêsê ńtíʼ ḿmaʼə̂ akáŋə́sê páʼ Mosisə a nə sóŋ nə́ ńgə́ pə́ maʼə̂ lə́, a mə́ nɨd nə ŋwu ntsəm ńgə́ gho ŋwaʼə̂.”
Yeso a Tsóʼə Ngaŋəfaʼ Nətû nə Ngaŋə́maʼə́ntso yitsə̌
(Luk 7.1-10)
5Ndzaŋ Yeso a kə kwú nə aláʼə Kapanawum lə́ nətû nə ngaŋə́maʼə́ntso nətsə́ nə yǐəə á mbô yí ḿbítə akwáalə. 6Ə́sóŋ nə yí ńgə́, “Mmaʼmbî, ngaŋəfaʼə mə a noŋnə̂ a ndɛ̂ ńkwû táʼ əléemə, ńchîə á mə́m chigə tə́kɔʼ ngə́ʼə.”
7Yeso a sóŋ nə yí ńgə́, “Maŋ yǐ ghɛn tsóʼə yə.”
8Nətû nə́ ngaŋə́maʼə́ntso zə̂ nə́ kwěe ńgə́, Mmaʼmbî, maŋ kě koʼnə̂ ŋwu mbɔʼ gho yǐ ńkwúnə á ndɛ̂ maŋ pô, lə́ kwíʼnə ə́sóŋə táʼə anuə, ngaŋəfaʼə mə a yǐ yáŋə. 9Ńté ńgə́ maŋ lə́ ŋwu pɨ pə́ chîə nətû maŋə, maŋ kə́ ńtúg ngaŋə́maʼə́ntso páʼ maŋ sáʼ nə́ ághóobə́. Mäŋ sóŋə á mbô táʼ ńgə́, ghɛnə̂! a kə́ ńgɛnə̂. Maŋ pɨ ńkə́ sóŋə á mbô yitsə̌ ńgə́ yǐəə! a kə́ ńgyǐəə. Mäŋ sóŋə á mbô ngaŋəfaʼə mə ńgə́, faʼ ńgə́! a kə́ faʼə̂.
10Á nə ńkɨʼnə̂ Yeso əghâ páʼə a nə ńdzóʼ nə́ anu zəənə́. Ńtíʼ ə́sóŋ nə́ pɨ pə́ nə̈ ńdzoŋ nə́ yí lə́ ńgə́, “Mäŋ fiʼtə̂ áwɨ́ nə́ ndə̌ŋdəŋ ńgə́ maŋ kě ŋwu tsə̌ á mə́m Islɛl kə́ zə́ənə, nə́ zəənə́ apə́ŋə mbimə́ pô. 11Mäŋ kyaʼə̂ áwɨ́ ńgə́ pɨ pipə nɨ́ nə́ pə́ yǒ fɛ́lə á əsáʼmə́nu pópə mɛ́dmə́nu ə́lɔg əliʼ póobə́ aliʼə́ akɔŋtə pópə Ablaamə, nə́ Azigə ḿbɨ ḿbə́ nə́ Jekɔbə á mə́mə anuə nəfoonə nəpóolə. 12Pɨ pə́ pěʼ nə́ ńchîə á mə́ chî nə́ á mə́mə anuə nəfɔ yə wɨ́, pə́ myaʼə̂ ághóobə́ á mə́m ndzəmə́ apeŋə́, aliʼ pó yǐ nə́ kyéŋ tə kɔ́d məsɔŋ móobə́.”
13Yeso a tíʼ ə́sóŋə á mbô nətû nə́ ngaŋə́maʼə́ntso zə̂ ńgə́, ghɛnə̂, anuə atsəmə a yǐ lɔgə̂ aliʼ tsɔʼə ndzaŋ páʼ mbimə́ əzo ə́ nɨd nə́ lə̂. “Tsɔʼə əghâ yi wɨ́ ngaŋəfaʼ əyǐ wə̂ a kə́ ńgyáŋə yə́.”
Yeso a Tsóʼ pɨ pipə Nɨ́ nə́
(Mag 1.29-34; Luk 4.38-41)
14Yeso a nə ńgɛnə̂ á ndɛ̂ Pita ńdzə́ənə ngəm Pita a noŋnə̂ á əkwu ńtə́ ńgoonə̂ nə́ əfə́gə. 15A kwumə̂ apô ají, əfə́g wə̂ ə́ měe yə́, a lǒo á ndəsê ńchúʼə á mə́ ghɛd nə́ məjî ə́fɛ̂ nə́ yə́.
16Əghâ nkwanə́ ə́ nə ḿbɛn ńkoʼ, pə́ chúʼə á mə́ yǐ nə́ nə́ pɨ páʼ pɛ̌sê ə́ chî nə́ á mbɨ pó á mbô yə́, a kəm əjwi təpɔŋ pi wɨ́ tsɔʼə nə́ táʼə atséebə ńkə́ ńtsóʼ pəghoonə́. 17A nə ńgɛd ndɛn mənuə nə́ lə́ á mə́ lwɛ́nkə nə́ anu pə́ nə sóŋ nə́ ńdaŋə̂ á mbô ntûsê Izaya; ńgə́, “A nə ńkwá əlɔʼ əpɛ́n ńkə́ ńtsóʼ məghɔ mɛ́nə.”
Ndzaŋ páʼ á Tyantə̂ nə́ á mə́ Zoŋ nə́ Ndzəm Yeso
(Luk 9.57-62)
18Ndzaŋ Yeso a nə ńdzɨ́ nə́ ənɔ pəənə á nəpɛnə́ yí lə́, ə́sóŋ nə́ ngaŋə́zoŋə́ndzəm əjí ńgə́ pó po tú nkǐ ńgɛn nə́ yitsə̌ ndzɛnə́. 19Táʼ ngaŋə́zéʼkə pənoŋkə yitsə̌ a tíʼ ńgyǐəə á mbô yí ə́sóŋ ńgə́, “Ndzéʼkə, maŋ yǐ zoŋə̂ gho aliʼə́ atsəm páʼ gho ghɛn nə́ ə́wə́.”
20Yeso a kwěe yí ńgə́, “Əntsɔb túg məngɔ́d móobə́, pəsə́ŋ pə̈ zag nə́ atǐ pə́ túg mənka móobə́. Lə́ Mɔ́ Ŋwunə a pə́ ńkě túgə aliʼ mbɔʼ a noŋkə̂ atûə ají əwɨ́ pô.”
21Yitsə̌ ŋwu páʼ a nə ḿbə́ nə táʼ ndzoŋdzəm əyǐə, a sóŋə á mbô yí ńgə́, “Mmaʼmbî, tíʼ maŋ peg ńgɛn ńtwə́ŋə tǎ mə záʼə.”
22Lə́ Yeso a pə́ ə́sóŋə á mbô yí ńgə́, “Zoŋə̂ mə ḿmɛdtə̂ pəkwû pə́ twə́ŋ pəkwû póobə́.”
Yeso a Pwɔ́dkə Atyǎntə Kəfəələ
(Mag 4.35-41; Luk 8.22-25)
23Yeso a tíʼ ńkwúnə á mə́mə aŋkənúʼə́, ngaŋə́zoŋə́ndzəm əjí zoŋə̂ yə́. 24Pó kə́ ńgə́ ghɛnə̂, ntɨ sə́mə a ghabkə̂ ńchiʼ nkǐ tə wɨ́d tíʼə ńdoonə̂ á mə́ kə́bkə nə́ aŋkənúʼə́ azóobə́. Lə́ Yeso a pə́ ńnoŋnə̂ ńtə́ ńdê yə́. 25Ngaŋə́zoŋə́ndzəm əjí pó ghɛn ńjimkə̂ yí ə́sóŋ ńgə́, “Mmaʼmbî, chwádkə áwə́gə́, pəg chîə á ntso nəwûə!”
26Yeso a kwěe ńgə́, “Nə́ pɔ́gə lə́ akə̂? Mbimə́ əjɨ ə́ chígə́ ńkə́g lɛ ə́lɛ́?” Ńtíʼ ńdǒo á əsê ə́sáʼə kəfɨd wə̂ pópə nkǐ wə̂ páʼ wɨ́d ə́ nə ńkɔ́ʼ nə́ lə̂. Əliʼ ə́ kə́ ńkwéʼnə mbwɔ́dnə.
27Anu yəwə́ á nə ńkɨʼnə̂ ŋwu ntsəm pó tíʼə ḿbítə ńgə́, “Lɛ̌ zə́ənə́ ndzaŋ ŋwunə, tə kəfɨd pópə nkǐ yi kɔ́ʼ nə ə́ zóʼnə yə́?”
Yeso a Tsóʼ Pɨ Pɛn Pɛ̌ páʼ Pɛ̌sê ə́ Chî nə a Mbɨ Pó
(Mag 5.1-20; Luk 8.26-39)
28Ndzaŋə ándó Yeso a nə ńtú nə́ ńkoʼə̂ a ndzɛnə́ aláʼə Gadelenesə lə́, ńjwánə mbyâŋnə yitsə̌ zɛ́n pɛ̌ páʼ pɛ̌sê ə́ chî nə́ a mbɨ pó, pó fɛ́lə á mə́m məse. Pó nə ńtsə́g lɛ tətətə, ŋwu tsə̌ a kě pɨ ńchî təmbɔʼ a laŋə̂ alaŋə́ yi wɨ́ pô. 29Ndzaŋ pó nə ńjɨ́ nə́ Yeso lə́, ńkyéŋ nə́ pətə́kɔʼ pə́ ngye ə́sóŋ ńgə́, “Mɔ́ Əsê, Gho kwáalə lə́ akə̂ á mbô pəgə́? Gho yǐ lə́ á mə́ fɛ̂ nə́ ngə́ʼ nə́ pəg tsɔʼə tə ghə́ ndɛd koʼ?”
30Akwɛlə pəkwúna yətsə́ a nə ńchî ḿbáatə ághɔ́b ńtə́ ńjîə. 31Pɛ̌sê pə̂ pə́ póʼ mbô nə́ Yeso ə́sóŋ ńgə́, “Mbɔʼ gho fɨ́dkə áwə́g, gho mɛdtə̂ áwə́g pəg ghɛn ńkwúnə á mə́mə akwɛlə pəkwúna jǐə.
32A sóŋə á mbô pó ńgə́, ghɛn nə́” pó tíʼ ə́fɛ́d ńgɛn ńkwúnə á mə́mə akwɛlə pəkwúna zə̂. Akwɛlə pəkwúna yə wɨ́ tsɔʼə atsəmə á shwəənə̂ á mbɨ nkəŋə́ ńtsóolə á mə́m nkǐ ə́fə́mnə ńkwúkə. 33Pɨ pə́ nə̈ ńdzə́g nə́ pəkwúna pə wɨ́, pə́ kə ńgɛnə̂ á mə́mə aláʼ ńtíʼ ə́fiʼtə̂ anuə atsəm páʼə a laŋ nə́, ḿbéenə anu páʼə á laŋ nə́ á mbɨ pɨ pɛ̌sê pə́ pěʼ nə́ ńchîə á mbɨ pó lə̂. 34Aláʼə atsəmə á tíʼ ə́fɛ́d ńgɛnə̂ á mə́ tég nə́ Yeso. Ndzaŋ pó nə ńjɨ́ nə́ yí lə́, ḿbóʼmbô nə́ yí ńgə́ a fɛ́lə aláʼ pó.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте