Luk 18
18
Rạnḍi maejiu ar Hạkim reaṅ phen
1Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana. 2Uni do Isor bae botoraekan tahẽkana ar hoṛko hõ bae moneyako kan tahẽkana. 3Ona nagrahare mitʼṭen rạnḍi maejiue tahẽkana. Uni do ghane ghạṛicʼ hecʼkateye metaekan tahẽkana, ‘De, hok reakʼ bicạr chinḍạu kạtińme.’ 4Menkhan hạkim do thoṛa din hạbicʼ cetʼge bae cekawadea. Ado mucạtʼre mone moneteye menkeda, ‘iń do Isor bạń botoraekanre hõ ar manwako bạń moneyakokanre hõ, 5enhõ nui rạnḍi maejiu doe ạṛis edeńte hok reakʼ iń bicạrkataea. Ar baṅ khan ghane ghạṛicʼ hecʼkateye ạṛis cabayińạ.’ ”
6Noa tayom Jisu do arhõe menkeda, “Uni bedhorom bicạricʼ cetʼe menketʼ ona baṛe hudisjoṅpe. 7Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma? 8Ińiń metapekana, onkoakʼ dhorom bicạrtako lạgitʼ uni do bae biloma. Menkhan Manwa Hopone hecʼlenre uni do cetʼ dhạrtire biswạse ńamgea?”
Phạrusi ar mạsul uṭhạuko
9Okoe apnarte dhorom menteko hudisokʼkan ar eṭakʼkoko nihạ̃tetʼko onko cetʼako lạgitʼ Jisu do noa kathae lạiyatʼkoa: 10“Barea hoṛ do koejoṅ lạgitʼ mundiltekin rakapʼ calaoena. Unkin modre mitʼ hoṛ do Phạrusi ar eṭagicʼ do mạsul-uṭhạuicʼe tahẽkana. 11Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana. 12Iń do haptare bar dhaoiń upạsetʼkana ar ińakʼ sanam upjạuakʼ ar rojgarakʼ khon gel hạṭiń reakʼ mitʼ hạṭiń do amiń emamkana.’ 13#Mat 8 Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’
14 #
Mat 23.12; Luk 14.11 “Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”
Probhu Jisu ar kạticʼ gidrạko
(Mathae 19.13-15; Mark 10.13-16)
15Ado kạṭicʼ gidrạko Jisu ṭhenko ạguketʼkoa jemone capoko. Ona ńelte celako do onkoko dhomkaoketʼkoa. 16Menkhan Jisu do onko gidrạko acʼ ṭhene hohowatʼkoa. Ar inạ tayom do celakoe metatʼkoa, “Gidrạko iń ṭhen hecʼ ocowakope, alope manakoa; ente Isorakʼ raj do nonkankoakʼ kangea. 17Sạrigeń metapekana, jãhãege kạṭicʼ gidrạko leka Isorakʼ raj bae ataṅ uni do onare ohogeye bolo daṛelena.”
Mitʼṭen kisạ̃ṛ hoṛ
(Mathae 19.16-30; Mark 10.17-31)
18Mitʼṭen mukhiyạ hoṛ do Jisui kulikedea, “E Guru, am do mitʼṭen bhage hoṛ kanam. Lạiạńme, cetʼ iń cekalere jaejug jioniń ńamkea?”
19Jisu do uniye metadea, “Cedakʼ bhage dom mitạń kana? Isor chaḍa ar okoe hõ bhage do bạnukʼkoa. 20#Exo 20.14; Bib 5.18; Exo 20.13; Bib 5.17; Exo 20.15; Bib 5.19; Exo 20.16; Bib 5.20; Exo 20.12; Bib 5.16 Hukumko mam baḍaege, ‘alom laṭghaṭa, alom khũna, alom kombṛoya, eṛe goha alom ema, ar amren eṅgam ạpum ganaokinme.’ ”
21Uni mukhiyạ hoṛ doe menkeda, “Gidrạ khonge noako joto doń manao ạguakada.”
22Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.” 23Noa katha ańjomkate mukhiyạ hoṛ do ạḍiye bhabnayena, ente uni do ạḍi kisạ̃ṛe tahẽkana.
24Ado uni mukhiyạ hoṛ secʼ beṅgetʼkate Jisui menkeda, “Kisạ̃ṛko lạgitʼ Isorakʼ rajte bolokʼ do muskilgea. 25Kisạ̃ṛko Isorakʼ rajte bolokʼ khon, sui bhugạkʼte ũṭe bolo tabokʼge algawa.”
26Jisuakʼ noa katha okoeko ańjomketʼ onkoko menkeda, “Enḍekhan kại khon do okoeye bańcao daṛekokʼa?”
27Jisui menkeda, “Manwako ṭhen oka leṭejokʼakʼ baṅ kan Isor ṭhen ona do leṭejokʼakʼ kangea.”
28Unre Patrase menkeda, “Ale ma sanamakʼ bạgikate amren celale hoyakan.”
29Jisu do onkoe metatʼkoa, “Sạrigeń metapekana, okoe Isorakʼ raj iạte oṛakʼ-duạr, bạhu, boeha-misera, eṅgat-apat se gidrạkoko bạgi oṭo akatʼko, 30onko mimitʼko do noa piṛhire hõ ḍherko ńama ar darakan piṛhirehõ jaejug jionko hameṭ joṅa.”
Probhu Jisu do acʼakʼ gujukʼ reaṅe lạiyetʼ
(Mathae 20.17-19; Mark 10.32-34)
31Jisu do acʼren gelbar celako mitʼ secʼe hohowatʼkoteye metatʼkoa, “Ńelpe, Jerusalemte bon calakʼ kana. Ar Manwa Hopon reaṅ nạbiko okaṭakʼko ol oṭoakatʼ ona do sanamakʼge purạukʼa. 32Uni do boṅgan hoṛkoakʼ tireko soprotea. Ar hoṛko do uniko siṛogaea arko bemanotea arko thoaea. 33Ar cạbukte dalkateko gojea, ar pe mãhã hilokʼre uni doe jiwetʼ beredokʼa.”
34Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.
Kãṛã hoṛe bogeyen
(Mathae 20.29-34; Mark 10.46-52)
35Jisu Jerikho nagrahae seṭerokʼkan tahẽkanre mitʼṭen kãṛã hoṛ do hor aṛere duṛupʼkateye kokoekan tahẽkana. 36Ar gadel hoṛko parom calakʼkan reakʼ sabade ańjomketʼ khan cetʼ hoyokʼ kana menteye kuliyana. 37Adoko lạiyadea, Nasaretren Jisu noa horteye paromokʼ kana. 38Unre uni do ãṭ aṛaṅte hohowateye menkeda, “E Jisu Dạudren hopon, mãyãwạńme.”
39Ado okoeko hoṛ laha lahateko calakʼkan tahẽkan onko do uniko dhomkaokedete thir hapekʼko metadea. Menkhan uni do artetʼ ãṭ aṛaṅte hohowateye menkeda, “E Dạudren hopon, mãyãwạńme baṛe.”
40Jisu doe teṅgoyena ar uni kãṛã hoṛ acʼ ṭhen ạguiye lạgitʼe metatʼkoa. Are hecʼen khane metadea, 41“Cetʼem khojkana? Am lạgitʼ do cetʼ iń cekaea?”
Uni doe menkeda, “E Probhu, jemoniń ńeńel.”
42Jisu do uniye metadea, “Onkage hoyokʼma. Am do amakʼ biswạsgeye bogeketʼmea.”
43Ar unrege uni hoṛ do ńeńele ehopʼena ar Isor sarhao sarhaoate Jisui pańjakedea. Ar noa ńelte gadel hoṛ hõ Isorko sarhaokedea.
Избрани в момента:
Luk 18: SBT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Santali Bible © Bangladesh Bible Society, 2021.
Luk 18
18
Rạnḍi maejiu ar Hạkim reaṅ phen
1Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana. 2Uni do Isor bae botoraekan tahẽkana ar hoṛko hõ bae moneyako kan tahẽkana. 3Ona nagrahare mitʼṭen rạnḍi maejiue tahẽkana. Uni do ghane ghạṛicʼ hecʼkateye metaekan tahẽkana, ‘De, hok reakʼ bicạr chinḍạu kạtińme.’ 4Menkhan hạkim do thoṛa din hạbicʼ cetʼge bae cekawadea. Ado mucạtʼre mone moneteye menkeda, ‘iń do Isor bạń botoraekanre hõ ar manwako bạń moneyakokanre hõ, 5enhõ nui rạnḍi maejiu doe ạṛis edeńte hok reakʼ iń bicạrkataea. Ar baṅ khan ghane ghạṛicʼ hecʼkateye ạṛis cabayińạ.’ ”
6Noa tayom Jisu do arhõe menkeda, “Uni bedhorom bicạricʼ cetʼe menketʼ ona baṛe hudisjoṅpe. 7Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma? 8Ińiń metapekana, onkoakʼ dhorom bicạrtako lạgitʼ uni do bae biloma. Menkhan Manwa Hopone hecʼlenre uni do cetʼ dhạrtire biswạse ńamgea?”
Phạrusi ar mạsul uṭhạuko
9Okoe apnarte dhorom menteko hudisokʼkan ar eṭakʼkoko nihạ̃tetʼko onko cetʼako lạgitʼ Jisu do noa kathae lạiyatʼkoa: 10“Barea hoṛ do koejoṅ lạgitʼ mundiltekin rakapʼ calaoena. Unkin modre mitʼ hoṛ do Phạrusi ar eṭagicʼ do mạsul-uṭhạuicʼe tahẽkana. 11Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana. 12Iń do haptare bar dhaoiń upạsetʼkana ar ińakʼ sanam upjạuakʼ ar rojgarakʼ khon gel hạṭiń reakʼ mitʼ hạṭiń do amiń emamkana.’ 13#Mat 8 Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’
14 #
Mat 23.12; Luk 14.11 “Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”
Probhu Jisu ar kạticʼ gidrạko
(Mathae 19.13-15; Mark 10.13-16)
15Ado kạṭicʼ gidrạko Jisu ṭhenko ạguketʼkoa jemone capoko. Ona ńelte celako do onkoko dhomkaoketʼkoa. 16Menkhan Jisu do onko gidrạko acʼ ṭhene hohowatʼkoa. Ar inạ tayom do celakoe metatʼkoa, “Gidrạko iń ṭhen hecʼ ocowakope, alope manakoa; ente Isorakʼ raj do nonkankoakʼ kangea. 17Sạrigeń metapekana, jãhãege kạṭicʼ gidrạko leka Isorakʼ raj bae ataṅ uni do onare ohogeye bolo daṛelena.”
Mitʼṭen kisạ̃ṛ hoṛ
(Mathae 19.16-30; Mark 10.17-31)
18Mitʼṭen mukhiyạ hoṛ do Jisui kulikedea, “E Guru, am do mitʼṭen bhage hoṛ kanam. Lạiạńme, cetʼ iń cekalere jaejug jioniń ńamkea?”
19Jisu do uniye metadea, “Cedakʼ bhage dom mitạń kana? Isor chaḍa ar okoe hõ bhage do bạnukʼkoa. 20#Exo 20.14; Bib 5.18; Exo 20.13; Bib 5.17; Exo 20.15; Bib 5.19; Exo 20.16; Bib 5.20; Exo 20.12; Bib 5.16 Hukumko mam baḍaege, ‘alom laṭghaṭa, alom khũna, alom kombṛoya, eṛe goha alom ema, ar amren eṅgam ạpum ganaokinme.’ ”
21Uni mukhiyạ hoṛ doe menkeda, “Gidrạ khonge noako joto doń manao ạguakada.”
22Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.” 23Noa katha ańjomkate mukhiyạ hoṛ do ạḍiye bhabnayena, ente uni do ạḍi kisạ̃ṛe tahẽkana.
24Ado uni mukhiyạ hoṛ secʼ beṅgetʼkate Jisui menkeda, “Kisạ̃ṛko lạgitʼ Isorakʼ rajte bolokʼ do muskilgea. 25Kisạ̃ṛko Isorakʼ rajte bolokʼ khon, sui bhugạkʼte ũṭe bolo tabokʼge algawa.”
26Jisuakʼ noa katha okoeko ańjomketʼ onkoko menkeda, “Enḍekhan kại khon do okoeye bańcao daṛekokʼa?”
27Jisui menkeda, “Manwako ṭhen oka leṭejokʼakʼ baṅ kan Isor ṭhen ona do leṭejokʼakʼ kangea.”
28Unre Patrase menkeda, “Ale ma sanamakʼ bạgikate amren celale hoyakan.”
29Jisu do onkoe metatʼkoa, “Sạrigeń metapekana, okoe Isorakʼ raj iạte oṛakʼ-duạr, bạhu, boeha-misera, eṅgat-apat se gidrạkoko bạgi oṭo akatʼko, 30onko mimitʼko do noa piṛhire hõ ḍherko ńama ar darakan piṛhirehõ jaejug jionko hameṭ joṅa.”
Probhu Jisu do acʼakʼ gujukʼ reaṅe lạiyetʼ
(Mathae 20.17-19; Mark 10.32-34)
31Jisu do acʼren gelbar celako mitʼ secʼe hohowatʼkoteye metatʼkoa, “Ńelpe, Jerusalemte bon calakʼ kana. Ar Manwa Hopon reaṅ nạbiko okaṭakʼko ol oṭoakatʼ ona do sanamakʼge purạukʼa. 32Uni do boṅgan hoṛkoakʼ tireko soprotea. Ar hoṛko do uniko siṛogaea arko bemanotea arko thoaea. 33Ar cạbukte dalkateko gojea, ar pe mãhã hilokʼre uni doe jiwetʼ beredokʼa.”
34Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.
Kãṛã hoṛe bogeyen
(Mathae 20.29-34; Mark 10.46-52)
35Jisu Jerikho nagrahae seṭerokʼkan tahẽkanre mitʼṭen kãṛã hoṛ do hor aṛere duṛupʼkateye kokoekan tahẽkana. 36Ar gadel hoṛko parom calakʼkan reakʼ sabade ańjomketʼ khan cetʼ hoyokʼ kana menteye kuliyana. 37Adoko lạiyadea, Nasaretren Jisu noa horteye paromokʼ kana. 38Unre uni do ãṭ aṛaṅte hohowateye menkeda, “E Jisu Dạudren hopon, mãyãwạńme.”
39Ado okoeko hoṛ laha lahateko calakʼkan tahẽkan onko do uniko dhomkaokedete thir hapekʼko metadea. Menkhan uni do artetʼ ãṭ aṛaṅte hohowateye menkeda, “E Dạudren hopon, mãyãwạńme baṛe.”
40Jisu doe teṅgoyena ar uni kãṛã hoṛ acʼ ṭhen ạguiye lạgitʼe metatʼkoa. Are hecʼen khane metadea, 41“Cetʼem khojkana? Am lạgitʼ do cetʼ iń cekaea?”
Uni doe menkeda, “E Probhu, jemoniń ńeńel.”
42Jisu do uniye metadea, “Onkage hoyokʼma. Am do amakʼ biswạsgeye bogeketʼmea.”
43Ar unrege uni hoṛ do ńeńele ehopʼena ar Isor sarhao sarhaoate Jisui pańjakedea. Ar noa ńelte gadel hoṛ hõ Isorko sarhaokedea.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Santali Bible © Bangladesh Bible Society, 2021.