Matiye 24
24
Zezu in dan wa dan bru so Ifray sôwâ Zuwif
(Mak 13.1-2; Luk 21.5-6)
1Zezu pâ mbə rawti so Ifray, ɓay kəri məni mum wə ta, sum ta zə rum mbə hay' rum kədan handay um ta' vari ɗam so Ifray sôwâ zuwif rumu. 2Zə rum, Zezu la' ne ndaya: «Hi we kwa məni kuni daŋ' si su? Na in mi ne, kəzin', ko gway' ɗaw cu də suk wa gway' məsin mi. Handay daŋ' də bru.»
Cik cem cem məni də mbə cop ndo' nya
(Mak 13.3-13; Luk 21.7-19)
3Zezu suk wa igway' məni gu olivə wə han juku. Sum ta zə rum mbə hay' rum 'yeŋ ɓay ci vun rumu: «A in ne mba ri'i! Kwa rum də gi kə ma su? Kwa mə ta' kwa mi wə də ta' ri mbə wû kə ndo' nya nə su?»
4Zezu ɗam vun ndaya: «I ji tu ri kədan swə ɗaw nə vi' ni mi. 5Zə sôwâ juk wə də mbə kə semɗe rin, ɓay handay də ini: "Na nə Kris na!" Ɓay handay də vi' sôwâ juku. 6Hi də mun ci' zi mə həre', ɓay hi də mun dan zi mə seŋe. I ne wəlok mi, zə kwa rum də mbə gi, ama ndo' nya cu məto'o. 7Sôwâ nya məsin də car zi wa sôwâ məsin, ɓay jwə məsin də car zi wa jwə məsini. Mê' də nde, ɓay nya də nyen wə ri cem ceme. 8Kwa rum daŋ' də ke ce' ndə təŋ zə boni məni ma wə tuk kə vra'a.»
9Kəri rum, sôwâ də mi ar də ɓa sôwâ məsin kədan handay də gi boni mi ne ɓay də mi ci. Sôwâ nya məsin də mi sî zə rini#Mat 10.22 . 10Kəri rum, sôwâ juk məni ta zə rin də njay də du kwa mə bro', handay də ar nji wə ɓa sum sî nday, ɓay handay də sî nji mbok nji. 11Sum ka' dan mə hay dan juk də mbə, ɓay handay də vi' sôwâ juku. 12Sin mə bro' də dlər ɓayrum hâ bə sôwâ juk də so'o. 13Ama swə məni car ŋgəɗiŋ' hâ ndo' rum, bə rum də ke kə nyî mə də hâ. 14Sôwâ də ka' Dan mə Kəɗam məni wə in dan wa dan vari məni Ifray wə də suk jwə wa sôwâ um nə wa nya daŋ' kədan handay in njeŋ dan rum ne kə sôwâ nya məsin daŋ'ŋ. Kəki rum, nya də ndo'o.
Kwa mə bro' məni wə ɗənok kwa
(Mak 13.14-23; Luk 21.20-24)
15«Hi də we kwa mə bro' məni wə ɗənok kwa məni bə ka' dan mə ɗe kə Daniyel in dan wa rum nə cin wə ri mə Ifraya. (Swə məni wə in dan rum, nə munu!) 16Kəri rum, sôwâ məni də ke wə nya Zude, kuni ne ur də wa igway'i. 17Swə məni də ke wa so lari um, bə rum nə dam ze də rawti so um kədan nə ra' kwa han mi. 18Ɓay swə məni də ke wə sine, bə rum nə gewa mbə so um kədan nə ra' mbraw um mi. 19Də ke kəcik kə bəka rum wa rawkwa məni kə ur, ɓay wa rawkwa məni kə daw vun pa'a! 20I o Ifray kədan kwa rum nə mbə wa ri kə ri simbeɗ ko kə fəta pemây mi! 21Zə kəri rum, boni də ke ɓayrum pâ boni daŋ' məni sôwâ wə ce daka təŋ zu nya hâ tam, ɓay boni mə ndani na' cu də mbə kərem za' mi#Dan 12.1; Kwe 7.14.» 22Ifray la' cu par raw bəka rum ta rəka mi si, swə ɗaw cu gak də siɗ mi. Ama mum par raw bəka rum ta rəka zə sôwâ məni mum da' ndaya.
23«Kəri rum, swə la' in ne ni i i kar ri'i: "Kris wə tira! Ko mum wə kəna!" I ve dan rum mi. 24Zə kris mə hay dan kə sum ka' dan mə hay dan də mba. Handay də gi kwa mə ta' kwa kə yew kədan handay vi' sôwâ məni Ifray da' nday, handay la' gak si. 25I mun ri', na ta' kwa rum ne ni copo.»
Mbə Vay sumra'a
(Mak 13.24-27; Luk 21.25-28)
26«Zə rum, swə la' in ne ni i i kar ri'i: "Mum wə du gop", i də han mi. Ko bə rum la' in ne ni i i kar ri'i: "Mum pe' wə tira", i ve dan rum mi. 27Ce' ndə wəɗi buŋô wəɗi wafray daka ga' fəta bəka hâ fəta riya, mbə Vay sumra' də ke ndəna' ta'a. 28Ri məni mar kwa wə han, bok də ɓa wə han ta'a.»
29«Kəki bəka boni məni kuni, fəta də faŋ ura', cer cu də ɗeri mi, ciciw də njay mbə nya, ɓay gbəgboŋ mə wafray də nyene#Esa 13.10; 34.4; Eze 32.7; Jowel 2.10; Kwe 6.5-8. 30Kəri rum, kwa mə ta' mbə Vay sumra' də car mbə wafray, zə rum, zə saŋ daŋ' wa nya də do ci', ɓay handay də we Vay sumra' mbə du dləmbur wafray kə gbəgboŋ juk ɓay kə mbra' ta'a. 31Daw sin Ifray mə wafray də pe duɓ mə mbri, ɓay Ifray də sin sum sin um məsin kədan kuni də ɓawa sôwâ məni Ifray da' nday wə jijəŋ nya fəɗi' daka vun nya hâ ndo' rumu.»
Zezu ta' kwa kə gu tərumu
(Mak 13.28-31; Luk 21.29-33)
32«I wum dan kwata' məni gu tərum wə ta'a: Kəri məni ɓa gu tərum təŋ kə kap ɓay tlap rum təŋ kə lo', hi we i vun ndor mbə həre' si. 33Ndəna' ta', kəri məni hi də we kwa məni kuni daŋ', i we i bəka mbə rum həre', mum car wə vun vari. 34Na in mi ne, kəzin', sôwâ məni kə i tam, cu də mar daŋ' dan kwa rum daŋ' mbə gi mi. 35Wafray kə nya də ndo', ama dan man cu də ndo' kpe mi.»
Ifray ɗaw sar we bəka ndo' vun kwa
(Mak 13.32-37; Luk 17.26-30,34-36)
36«Ama swə ɗaw cu we bəka mbə rum ko ri mbə rum mi. Ko sum sin Ifray mə wafray, ko Vay Ifray cu we mi, say Bəba ɗaw sar we. 37Kwa məni gi kə ri Nowe wə də gi ndəna' kə ri mbə Vay sumra' ta'a. 38Zə kəri məni mbi mə mbri cu mbə məto', sôwâ wə ti kwati kə ce kwace. Handay wə cin nji ɓay wə ne daw rawkwa nday kə nji, hâ fəta məni Nowe ze ta rawti da mə toŋ, 39ɓay handay cu we dan rum mi hâ mbi mə mbri mbə ra' nday daŋ'ŋ. Kwa rum də gi ndəna' kə ri mbə Vay sumra' ta'a. 40Kəri rum, njiwkwa hoɓ də ke wə sine: Ifray də tle ɗaw ɓay ar məsin, 41rawkwa hoɓ də hutu u wə vəna mə ɗawa. Ifray də tle ɗaw ɓay ar məsini. 42Zə rum, i ji kə ɓayrum, zə hi cu we bəka məni Bârî mi də mbə nə mi. 43I mun zu dan məni nə kə ɓayrumu: Bə so la' we ri məni hura wə də mbə so um kə ndi kə dukri si, mum də suk ji ɓay cu də ar hura ze so um mi. 44Zə rum, hi ta', i ji kə ɓayrum, zə Vay sumra' wə də mbə kə ri məni hi cu ɗik dan rum mi.»
Bə sin mə njeŋ ɓay bə sin mə vur vuru
(Luk 12.41-48)
45Sa nə bə sin mə njeŋ ɓay kə gwet su? Mum nə swə məni bârî um ne vari kar zu sum sin məsin so um ne num kədan mum nday ne kwati kə ri rumu. 46Kəɗam zə bə sin məni bârî um də um za' wə gi sin kəri məni mum gewa mbə so umu! 47Na in mi ne, kəzin', Bârî nə də ar kwa daŋ' də ɓa bə sin na. 48Ama bə sin la' bro' si, mum wə ɗik wə vunduk rumu: "Bârî man cu də mbə ga'ri mi." 49Ɓay mum də təŋ kə pum sum sin məni wə gi sin kə rum, ɓay mum də ti kwati kə ce kwace wanji kə sôwâ mə gal kə sum, 50Bârî um də gewa mbə kə bəka məni bə sin nə cu um ji mi, ko kəri məni mum cu we mbə um mi. 51Bârî nə də um ci, ɓay um gi ce boni wanji kə sum vur vuru. Wə ri rum, mum də ci' ɓay cwə se'e.
Избрани в момента:
Matiye 24: KMN
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Le Nouveau Testament et Psaumes en Peve © Alliance Biblique du Tchad, 2014.
Matiye 24
24
Zezu in dan wa dan bru so Ifray sôwâ Zuwif
(Mak 13.1-2; Luk 21.5-6)
1Zezu pâ mbə rawti so Ifray, ɓay kəri məni mum wə ta, sum ta zə rum mbə hay' rum kədan handay um ta' vari ɗam so Ifray sôwâ zuwif rumu. 2Zə rum, Zezu la' ne ndaya: «Hi we kwa məni kuni daŋ' si su? Na in mi ne, kəzin', ko gway' ɗaw cu də suk wa gway' məsin mi. Handay daŋ' də bru.»
Cik cem cem məni də mbə cop ndo' nya
(Mak 13.3-13; Luk 21.7-19)
3Zezu suk wa igway' məni gu olivə wə han juku. Sum ta zə rum mbə hay' rum 'yeŋ ɓay ci vun rumu: «A in ne mba ri'i! Kwa rum də gi kə ma su? Kwa mə ta' kwa mi wə də ta' ri mbə wû kə ndo' nya nə su?»
4Zezu ɗam vun ndaya: «I ji tu ri kədan swə ɗaw nə vi' ni mi. 5Zə sôwâ juk wə də mbə kə semɗe rin, ɓay handay də ini: "Na nə Kris na!" Ɓay handay də vi' sôwâ juku. 6Hi də mun ci' zi mə həre', ɓay hi də mun dan zi mə seŋe. I ne wəlok mi, zə kwa rum də mbə gi, ama ndo' nya cu məto'o. 7Sôwâ nya məsin də car zi wa sôwâ məsin, ɓay jwə məsin də car zi wa jwə məsini. Mê' də nde, ɓay nya də nyen wə ri cem ceme. 8Kwa rum daŋ' də ke ce' ndə təŋ zə boni məni ma wə tuk kə vra'a.»
9Kəri rum, sôwâ də mi ar də ɓa sôwâ məsin kədan handay də gi boni mi ne ɓay də mi ci. Sôwâ nya məsin də mi sî zə rini#Mat 10.22 . 10Kəri rum, sôwâ juk məni ta zə rin də njay də du kwa mə bro', handay də ar nji wə ɓa sum sî nday, ɓay handay də sî nji mbok nji. 11Sum ka' dan mə hay dan juk də mbə, ɓay handay də vi' sôwâ juku. 12Sin mə bro' də dlər ɓayrum hâ bə sôwâ juk də so'o. 13Ama swə məni car ŋgəɗiŋ' hâ ndo' rum, bə rum də ke kə nyî mə də hâ. 14Sôwâ də ka' Dan mə Kəɗam məni wə in dan wa dan vari məni Ifray wə də suk jwə wa sôwâ um nə wa nya daŋ' kədan handay in njeŋ dan rum ne kə sôwâ nya məsin daŋ'ŋ. Kəki rum, nya də ndo'o.
Kwa mə bro' məni wə ɗənok kwa
(Mak 13.14-23; Luk 21.20-24)
15«Hi də we kwa mə bro' məni wə ɗənok kwa məni bə ka' dan mə ɗe kə Daniyel in dan wa rum nə cin wə ri mə Ifraya. (Swə məni wə in dan rum, nə munu!) 16Kəri rum, sôwâ məni də ke wə nya Zude, kuni ne ur də wa igway'i. 17Swə məni də ke wa so lari um, bə rum nə dam ze də rawti so um kədan nə ra' kwa han mi. 18Ɓay swə məni də ke wə sine, bə rum nə gewa mbə so um kədan nə ra' mbraw um mi. 19Də ke kəcik kə bəka rum wa rawkwa məni kə ur, ɓay wa rawkwa məni kə daw vun pa'a! 20I o Ifray kədan kwa rum nə mbə wa ri kə ri simbeɗ ko kə fəta pemây mi! 21Zə kəri rum, boni də ke ɓayrum pâ boni daŋ' məni sôwâ wə ce daka təŋ zu nya hâ tam, ɓay boni mə ndani na' cu də mbə kərem za' mi#Dan 12.1; Kwe 7.14.» 22Ifray la' cu par raw bəka rum ta rəka mi si, swə ɗaw cu gak də siɗ mi. Ama mum par raw bəka rum ta rəka zə sôwâ məni mum da' ndaya.
23«Kəri rum, swə la' in ne ni i i kar ri'i: "Kris wə tira! Ko mum wə kəna!" I ve dan rum mi. 24Zə kris mə hay dan kə sum ka' dan mə hay dan də mba. Handay də gi kwa mə ta' kwa kə yew kədan handay vi' sôwâ məni Ifray da' nday, handay la' gak si. 25I mun ri', na ta' kwa rum ne ni copo.»
Mbə Vay sumra'a
(Mak 13.24-27; Luk 21.25-28)
26«Zə rum, swə la' in ne ni i i kar ri'i: "Mum wə du gop", i də han mi. Ko bə rum la' in ne ni i i kar ri'i: "Mum pe' wə tira", i ve dan rum mi. 27Ce' ndə wəɗi buŋô wəɗi wafray daka ga' fəta bəka hâ fəta riya, mbə Vay sumra' də ke ndəna' ta'a. 28Ri məni mar kwa wə han, bok də ɓa wə han ta'a.»
29«Kəki bəka boni məni kuni, fəta də faŋ ura', cer cu də ɗeri mi, ciciw də njay mbə nya, ɓay gbəgboŋ mə wafray də nyene#Esa 13.10; 34.4; Eze 32.7; Jowel 2.10; Kwe 6.5-8. 30Kəri rum, kwa mə ta' mbə Vay sumra' də car mbə wafray, zə rum, zə saŋ daŋ' wa nya də do ci', ɓay handay də we Vay sumra' mbə du dləmbur wafray kə gbəgboŋ juk ɓay kə mbra' ta'a. 31Daw sin Ifray mə wafray də pe duɓ mə mbri, ɓay Ifray də sin sum sin um məsin kədan kuni də ɓawa sôwâ məni Ifray da' nday wə jijəŋ nya fəɗi' daka vun nya hâ ndo' rumu.»
Zezu ta' kwa kə gu tərumu
(Mak 13.28-31; Luk 21.29-33)
32«I wum dan kwata' məni gu tərum wə ta'a: Kəri məni ɓa gu tərum təŋ kə kap ɓay tlap rum təŋ kə lo', hi we i vun ndor mbə həre' si. 33Ndəna' ta', kəri məni hi də we kwa məni kuni daŋ', i we i bəka mbə rum həre', mum car wə vun vari. 34Na in mi ne, kəzin', sôwâ məni kə i tam, cu də mar daŋ' dan kwa rum daŋ' mbə gi mi. 35Wafray kə nya də ndo', ama dan man cu də ndo' kpe mi.»
Ifray ɗaw sar we bəka ndo' vun kwa
(Mak 13.32-37; Luk 17.26-30,34-36)
36«Ama swə ɗaw cu we bəka mbə rum ko ri mbə rum mi. Ko sum sin Ifray mə wafray, ko Vay Ifray cu we mi, say Bəba ɗaw sar we. 37Kwa məni gi kə ri Nowe wə də gi ndəna' kə ri mbə Vay sumra' ta'a. 38Zə kəri məni mbi mə mbri cu mbə məto', sôwâ wə ti kwati kə ce kwace. Handay wə cin nji ɓay wə ne daw rawkwa nday kə nji, hâ fəta məni Nowe ze ta rawti da mə toŋ, 39ɓay handay cu we dan rum mi hâ mbi mə mbri mbə ra' nday daŋ'ŋ. Kwa rum də gi ndəna' kə ri mbə Vay sumra' ta'a. 40Kəri rum, njiwkwa hoɓ də ke wə sine: Ifray də tle ɗaw ɓay ar məsin, 41rawkwa hoɓ də hutu u wə vəna mə ɗawa. Ifray də tle ɗaw ɓay ar məsini. 42Zə rum, i ji kə ɓayrum, zə hi cu we bəka məni Bârî mi də mbə nə mi. 43I mun zu dan məni nə kə ɓayrumu: Bə so la' we ri məni hura wə də mbə so um kə ndi kə dukri si, mum də suk ji ɓay cu də ar hura ze so um mi. 44Zə rum, hi ta', i ji kə ɓayrum, zə Vay sumra' wə də mbə kə ri məni hi cu ɗik dan rum mi.»
Bə sin mə njeŋ ɓay bə sin mə vur vuru
(Luk 12.41-48)
45Sa nə bə sin mə njeŋ ɓay kə gwet su? Mum nə swə məni bârî um ne vari kar zu sum sin məsin so um ne num kədan mum nday ne kwati kə ri rumu. 46Kəɗam zə bə sin məni bârî um də um za' wə gi sin kəri məni mum gewa mbə so umu! 47Na in mi ne, kəzin', Bârî nə də ar kwa daŋ' də ɓa bə sin na. 48Ama bə sin la' bro' si, mum wə ɗik wə vunduk rumu: "Bârî man cu də mbə ga'ri mi." 49Ɓay mum də təŋ kə pum sum sin məni wə gi sin kə rum, ɓay mum də ti kwati kə ce kwace wanji kə sôwâ mə gal kə sum, 50Bârî um də gewa mbə kə bəka məni bə sin nə cu um ji mi, ko kəri məni mum cu we mbə um mi. 51Bârî nə də um ci, ɓay um gi ce boni wanji kə sum vur vuru. Wə ri rum, mum də ci' ɓay cwə se'e.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Le Nouveau Testament et Psaumes en Peve © Alliance Biblique du Tchad, 2014.