Mathew 5
5
1Naŋ ni me ilo o sul, ti kalo vawo tauwe, ti pute siwo, wa ira tiŋqoro anana we van ma suria. 2Wa ni me waka navalana ti vatogo neira, ti vet wa,
3Ineira ira gene vawia ra masara alo lolora, ape namora o marana tavunana.
4Ineira ira gene vawia we lolowono, ape te ge masur kelura.
5Ineira ira gene vawia we aperig, ape neira te taur usurag mora o marama.
6Ineira ira gene vawia we maliŋsala wa we marou o taniniga, ape neira te toqo.
7Ineira ira gene vawia we lolo magarosa, ape te magarosa ineira.
8Ineira ira gene vawia we lolo matartoga, ape neira te ilo mora God.
9Ineira ira gene vawia we ge tamata kel, ape te logira si ira nanatun God.
10Ineira ira gene vawia me gege neira ti o manigiu o taniniga, ape namora o marana tavunana. 11Kamiu ira gene vawia alo te vava vasigtag kamiu, wa we gege kamiu, wa we tila galegale kamiu ape sale gene we tatas ŋaŋ manigiu inau. 12Tur qaraqara wa tur masekeseke, ape nomiu o rusarusai we poa avunana; pa tamaine gina neira me gege ira prophet ŋaŋ me moai nan kamiu.
13Kamiu o nawo tape marama: pa si o nawo ta tamtamalea te tasig kel gasavai? gate wia ran nane aŋaisa, pa si a savsavrag reag, wa te vanovara. 14Kamiu gai o marmararan tape marama. O laqlaqe vanua ta taqa avune tauwe tete vatŋorag lai. 15Wa o tanun mulaŋ gate tiu o pul, wa we map lalaŋe wumeto, nava alo tano pul, wa te valawar iragai nol alo ima. 16Tamaine gina nomiu o marmararan ni valawar alo nagora tanun ŋaŋ, si neira a ilo mora nomiu o gagapalag we wia, wa we ge ronoga i Tamamiu tavunana apena.
17Turpea nononom si na me van ma si a ge tagea o lea si ra prophet ŋaŋ. Na gate mule ma si a ge tagea, nava si a ge tira ran. 18Ape we nun na we vava mun kamiu wa, Gai sagesaru o vunana wa o lalaŋana, o i si o manerei tuwale tete sagesaru lai nan o lea, gai ge tira nol ran. 19O manigiu o ine isei ta ul o lea tuwale nan o lea ŋaŋ iloke we mantagai aneane, wa ni ta vatogo o tanun ŋaŋ tamaine, te logia si we mantagai aneane alo marana tavunana; pa isei ta ge tataga o lea, wa we vatogo tamaine, te logia si we liwoa alo marana tavunana. 20Ape na we vava mun kamiu wa, si nomiu o liŋe taniniga ta tete poa sal nanora vatogo tara Pharise, kamiu tete kalo pata lai tea ilo marana tavunana.
21Kamiu me roŋotag veta si me gaganag mun neira we tuai was, Nipea vus nawono, wa isei qe vus nawono te tira ape te vevegia. 22Pa inau we vava mun kamiu wa, si isei qe lologagara gap i tasina, we tira ape te vevegia: pa si isei qe vava mun tasina wa, Raka, te tira ape vavtig veveg; pa si isei qe vava, Tupa, te tira ape av a Geena. 23Manigiu iloke si ko qe la ma nom o sogov ape tano oloolo, wa we lolomaran kel aia si o sava amen tasima natoqana gate wia muniko apena; 24ka mapvitag nom o sogov ape nago tano oloolo, wa mule ka pul kel mantag amen tasima amoa, paso nan ka mule ma ka oloolo mun nom o sogov. 25Ka nom saratuwale gaplot amen nom o tavalalea alo kamurua a matesala; nan nom o tavalalea wa ukegiko wun sur i veveg, wa i veveg we ukegiko sur i gagapalag, wa qara savragiko ilo ima rotrot. 26We nun na we vava muniko, Ko tete rowolue nan, ko gai wono qet ran o namei qatutui.
27Kam me roŋotag veta si me gaganag wa, Nipea pakapaka. 28Pa na we vava mun kamiu wa, si isei qe sagarag o tavine sin toronia, me pakapaka veta alo lolona kel. 29Wa si namatama o matua qe ge tutuagiko, ka wakele lue, wa ka savrag reag naniko, pa we wia nane si nasoesoema tuwale te tagea nan we savrag naturiama nol i Geena. 30Wa si napanema o matua qe ge tutuagiko, ka tara mot, ka savrag reag naniko; pa we wia nane si nasoesoema tuwale te tagea nan we savrag naturiama nol i Geena. 31Wa me vet mulaŋ wa, Si isei qe gevtag rasoana, ni le munia o raverave gevtag. 32Pa na we vava mun kamiu wa, si isei qe gevtag rasoana, si o manigiu ape pakapaka tagai, te ge neia ni pakapaka; wa si isei qe lag iro gene me gevtagia ti ni te pakapaka.
33Wa mulaŋ, kamiu me roŋotag veta si me vava mun neira we tuai wa, Ko tete log vagogonag galegale, pa ko te ge tira ran mun i Lord nom o vavae vagogonag ŋaŋ. 34Pa na we vava mun kamiu wa, Nipea vava vagogonag ilo: si mun o vunana, ape ilone o tano maranaga non God; 35si mun o marama, ape ilone o tano ververesag alalaŋe raŋona; si mun Jerusalem, ape ilone navanuan o Maranaga liwoa. 36Wa ko tete log vagogonag mun naqatuma, ape ko tete ge lai o tape ului tuwale ni silsiliga si ni aqaga. 37Panava nomiu o vavae ni tamaike wa, We, we; Tagai, tagai; pa o sava we raka sage nan iloke we talo ganganor ma.
38Kam me roŋotag si me vava ti, O matai ape matai, wa o liwoi ape liwoi; 39pa na we vava mun kamiu wa, Nipea leasag goro o tatas; pa si isei qe wosa napalasama o matua, ka ate ris munia ape tavala palasama. 40Wa si isei qe maros we sike o vavae veveg goroko, wa we la naniko nom o siopa sarusaru, ka ukeg mulaŋ munia nom o vioviog. 41Wa si isei qe ge vavakaeko si a mule o masaoi tuwale, ka van pul amaia o masaoi nirua. 42Ke le at munsei qe paere naniko; wa nipea we ate ris nansei qe maros we avu o sava naniko.
43Kamiu me roŋotag si me vava veta wa, Ka tape i tagvanuama, wa ka loloanu nom o tavalalea. 44Pa na we vava mun kamiu wa, Tur tape nomiu o tavalalea ŋaŋ; tur wievavae irasei qe vivnag kamiu; tur vawia rasei qe loloanu kamiu; wa tur tataro apen rasei we koskos gap kamiu wa we gege kamiu; 45si kamiu a ris natun Tamamiu we tavunana nia; ape ni we ge non o loa ni rowo raka avunara ganganor tarasei we wia, wa ti ge o wena mun ra taniniga tarasei gate taniniga. 46Pa si kam qe tape kel ragai we tape kamiu, kam te taur o sava rusarusai? pa ira rowoagtalsom gai, neira gate ge tamaine? 47Wa si kam qe varpis amen ira tatasimiu vires, kamiu we ge raka sage o sava? pa iragai talo sul ŋaŋ we sea gai, neira gate ge tamaine? 48Pa namatevumiu ni wia ran tama namatevun Tamamiu tavunana we wia ran.
Избрани в момента:
Mathew 5: MOTA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
New Testament was published by the British and Foreign Bible Society in 1931.
Mathew 5
5
1Naŋ ni me ilo o sul, ti kalo vawo tauwe, ti pute siwo, wa ira tiŋqoro anana we van ma suria. 2Wa ni me waka navalana ti vatogo neira, ti vet wa,
3Ineira ira gene vawia ra masara alo lolora, ape namora o marana tavunana.
4Ineira ira gene vawia we lolowono, ape te ge masur kelura.
5Ineira ira gene vawia we aperig, ape neira te taur usurag mora o marama.
6Ineira ira gene vawia we maliŋsala wa we marou o taniniga, ape neira te toqo.
7Ineira ira gene vawia we lolo magarosa, ape te magarosa ineira.
8Ineira ira gene vawia we lolo matartoga, ape neira te ilo mora God.
9Ineira ira gene vawia we ge tamata kel, ape te logira si ira nanatun God.
10Ineira ira gene vawia me gege neira ti o manigiu o taniniga, ape namora o marana tavunana. 11Kamiu ira gene vawia alo te vava vasigtag kamiu, wa we gege kamiu, wa we tila galegale kamiu ape sale gene we tatas ŋaŋ manigiu inau. 12Tur qaraqara wa tur masekeseke, ape nomiu o rusarusai we poa avunana; pa tamaine gina neira me gege ira prophet ŋaŋ me moai nan kamiu.
13Kamiu o nawo tape marama: pa si o nawo ta tamtamalea te tasig kel gasavai? gate wia ran nane aŋaisa, pa si a savsavrag reag, wa te vanovara. 14Kamiu gai o marmararan tape marama. O laqlaqe vanua ta taqa avune tauwe tete vatŋorag lai. 15Wa o tanun mulaŋ gate tiu o pul, wa we map lalaŋe wumeto, nava alo tano pul, wa te valawar iragai nol alo ima. 16Tamaine gina nomiu o marmararan ni valawar alo nagora tanun ŋaŋ, si neira a ilo mora nomiu o gagapalag we wia, wa we ge ronoga i Tamamiu tavunana apena.
17Turpea nononom si na me van ma si a ge tagea o lea si ra prophet ŋaŋ. Na gate mule ma si a ge tagea, nava si a ge tira ran. 18Ape we nun na we vava mun kamiu wa, Gai sagesaru o vunana wa o lalaŋana, o i si o manerei tuwale tete sagesaru lai nan o lea, gai ge tira nol ran. 19O manigiu o ine isei ta ul o lea tuwale nan o lea ŋaŋ iloke we mantagai aneane, wa ni ta vatogo o tanun ŋaŋ tamaine, te logia si we mantagai aneane alo marana tavunana; pa isei ta ge tataga o lea, wa we vatogo tamaine, te logia si we liwoa alo marana tavunana. 20Ape na we vava mun kamiu wa, si nomiu o liŋe taniniga ta tete poa sal nanora vatogo tara Pharise, kamiu tete kalo pata lai tea ilo marana tavunana.
21Kamiu me roŋotag veta si me gaganag mun neira we tuai was, Nipea vus nawono, wa isei qe vus nawono te tira ape te vevegia. 22Pa inau we vava mun kamiu wa, si isei qe lologagara gap i tasina, we tira ape te vevegia: pa si isei qe vava mun tasina wa, Raka, te tira ape vavtig veveg; pa si isei qe vava, Tupa, te tira ape av a Geena. 23Manigiu iloke si ko qe la ma nom o sogov ape tano oloolo, wa we lolomaran kel aia si o sava amen tasima natoqana gate wia muniko apena; 24ka mapvitag nom o sogov ape nago tano oloolo, wa mule ka pul kel mantag amen tasima amoa, paso nan ka mule ma ka oloolo mun nom o sogov. 25Ka nom saratuwale gaplot amen nom o tavalalea alo kamurua a matesala; nan nom o tavalalea wa ukegiko wun sur i veveg, wa i veveg we ukegiko sur i gagapalag, wa qara savragiko ilo ima rotrot. 26We nun na we vava muniko, Ko tete rowolue nan, ko gai wono qet ran o namei qatutui.
27Kam me roŋotag veta si me gaganag wa, Nipea pakapaka. 28Pa na we vava mun kamiu wa, si isei qe sagarag o tavine sin toronia, me pakapaka veta alo lolona kel. 29Wa si namatama o matua qe ge tutuagiko, ka wakele lue, wa ka savrag reag naniko, pa we wia nane si nasoesoema tuwale te tagea nan we savrag naturiama nol i Geena. 30Wa si napanema o matua qe ge tutuagiko, ka tara mot, ka savrag reag naniko; pa we wia nane si nasoesoema tuwale te tagea nan we savrag naturiama nol i Geena. 31Wa me vet mulaŋ wa, Si isei qe gevtag rasoana, ni le munia o raverave gevtag. 32Pa na we vava mun kamiu wa, si isei qe gevtag rasoana, si o manigiu ape pakapaka tagai, te ge neia ni pakapaka; wa si isei qe lag iro gene me gevtagia ti ni te pakapaka.
33Wa mulaŋ, kamiu me roŋotag veta si me vava mun neira we tuai wa, Ko tete log vagogonag galegale, pa ko te ge tira ran mun i Lord nom o vavae vagogonag ŋaŋ. 34Pa na we vava mun kamiu wa, Nipea vava vagogonag ilo: si mun o vunana, ape ilone o tano maranaga non God; 35si mun o marama, ape ilone o tano ververesag alalaŋe raŋona; si mun Jerusalem, ape ilone navanuan o Maranaga liwoa. 36Wa ko tete log vagogonag mun naqatuma, ape ko tete ge lai o tape ului tuwale ni silsiliga si ni aqaga. 37Panava nomiu o vavae ni tamaike wa, We, we; Tagai, tagai; pa o sava we raka sage nan iloke we talo ganganor ma.
38Kam me roŋotag si me vava ti, O matai ape matai, wa o liwoi ape liwoi; 39pa na we vava mun kamiu wa, Nipea leasag goro o tatas; pa si isei qe wosa napalasama o matua, ka ate ris munia ape tavala palasama. 40Wa si isei qe maros we sike o vavae veveg goroko, wa we la naniko nom o siopa sarusaru, ka ukeg mulaŋ munia nom o vioviog. 41Wa si isei qe ge vavakaeko si a mule o masaoi tuwale, ka van pul amaia o masaoi nirua. 42Ke le at munsei qe paere naniko; wa nipea we ate ris nansei qe maros we avu o sava naniko.
43Kamiu me roŋotag si me vava veta wa, Ka tape i tagvanuama, wa ka loloanu nom o tavalalea. 44Pa na we vava mun kamiu wa, Tur tape nomiu o tavalalea ŋaŋ; tur wievavae irasei qe vivnag kamiu; tur vawia rasei qe loloanu kamiu; wa tur tataro apen rasei we koskos gap kamiu wa we gege kamiu; 45si kamiu a ris natun Tamamiu we tavunana nia; ape ni we ge non o loa ni rowo raka avunara ganganor tarasei we wia, wa ti ge o wena mun ra taniniga tarasei gate taniniga. 46Pa si kam qe tape kel ragai we tape kamiu, kam te taur o sava rusarusai? pa ira rowoagtalsom gai, neira gate ge tamaine? 47Wa si kam qe varpis amen ira tatasimiu vires, kamiu we ge raka sage o sava? pa iragai talo sul ŋaŋ we sea gai, neira gate ge tamaine? 48Pa namatevumiu ni wia ran tama namatevun Tamamiu tavunana we wia ran.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
New Testament was published by the British and Foreign Bible Society in 1931.