यूहन्ना 13
13
प्रभू यीशू ऐ चैले के लात्त धुऐं
1(फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो। 2जबे प्रभू यीशू ऐं आप्णें चैले आरी बियाल़ी खाऐ लऐ थी, तबे शैतान#13:2 जैस्खे इबलीस बुली थिया; ऐ शमौन के बैटे यहूदा इस्करियोती के मंन दा ऐशा पाप पर्गट करा, के तू यीशू धोख्हे शे थंह्म्बड़ाऐ दे। 3प्रभू यीशू ऐजो जाँणो थिऐ, के बाबा ऐं सब-कुछ़ मेरे हाथों दो देऐ थुओ; अरह् ऐजो भे जाँणों थिऐ, के हाँव पंण्मिश्वर कैई शा आऐ रूवा, अरह् पाछ़ू पंण्मिश्वर कैई ज़ाँदा लागा। 4तबे: प्रभू यीशू खाँणों की मेंज गाच्छ़ै ऊबे बीऊँजे, अरह् तिन्ऐं आप्णें बाईले खोट्णों ऊँडे खुह्ले, अरह् साफ़े लई आप्णी कमरी दी गाच़ी बाँनी; 5अरह् तिन्ऐं ऐकी परात्ती दो पाँणीं करियों आप्णें चैले के लात्त धुऐ, अरह् आप्णीं कंमरी दे बाँनें अंदे साफ़े लई ऊबाँदे लागे। 6जबे प्रभू यीशू शमौन पतरस कैई आऐं, तअ तबे संत्त-पतरस ऐ तिनखे बुलो, “हे प्रभू! कियो तुँऐं मेरे लात्त धुह्दे?” 7प्रभू यीशू ऐ तेस्खे जबाब दिता, “जुण्जो मुँऐं करी लो, सेजो तुँऐ हेबी ऐसी बख्त्ते ने; परह् किऐ बंख्त्तो पाछ़ी संह्म्झी पाँदें।” 8संत्त-पतरस ऐ बुलो, “नाँ, प्रभू! तुऐं मेरे लात्त बिलकुल ने धुऐ”; प्रभू यीशू ऐ बुलो, “जे हाँव तुवाँरे लात्त ने धुह्ऊँ; तअ तुवाँरा मुँह आरी किऐ भे रिष्ता ने रंह्दा।” 9ईन्दें गाशी शमौन पतरस ऐ, प्रभू यीशू खे बुलो, “हे प्रभू! तबे तअ तुऐं मेरे लात्त ही ने, परह् मेरे हाथ अरह् मेरो मूँढ भे धुऐ पाव।” 10प्रभू यीशू ऐ जबाब दिता, “जुण्जा नहाँऐ रूवा, तेसी लात्तो के सुवाऐ, ऊको किऐ भे धोंणों के जरूरत्त ने आथी; किन्देंखे के से पुरण रूप शा शुद्ध हऐ रूवा। तुऐं लोग शुद्ध असो, परह् बादे के बादे ने शुद्ध आथी।” 11किन्देंखे के से ऐजो जाँणों थिऐ, के मेरी गईलो बिश्वाष-घात्त कुँण करदा। ईन्देंखे तिन्ऐं बुलो, “तुऐं बादे के बादे शुद्ध ने आथी।” 12जबे प्रभू यीशू ऐं तिनू आप्णें बादे चैले के लात्त धोऐ पाऐ, तअ तिन्ऐं आप्णें बादे बाईले खोट्णों पाछु ऊबे बाँम्बे अरह् से बंऐठी गुऐ, अरह् तिन्ऐं तिनखे बुलो, “कियों तुऐं संहम्झी गुऐ, के मुँऐ तुवाँरी गईलो का कियों? 13तुँऐं मुँखे गुरू, अरह् प्रभू बुलो, ऐजो ठीक असो, किन्देंखे के ‘हाँव सेजा ही असो’। 14ईन्देंखे जे मुँऐं, तुवाँरे गुरू, अरह् प्रभू, हऐयों भे तुओं सोभी चैले के लात्त धुऐ; तअ तुँऐं भे आपु मुँझी ओका ओकी के लात्त ऐष्णें ही धुऐ चैई। 15किन्देंखे के मुँऐं तुँओं कैई शा ऐजा ऐक नंमुना देखाऐ थुवा, के जेष्णों मुँऐं तुँवारी गईलो करी थो, तुँऐं भे ऐष्णों ही करिया करह्। 16हाँव तुँओं खे ऐक खास बात बुलू, के दास आप्णें माँलिक शा बड़ा ने आथी, अरह् ना डेयाल़ा अंदा आप्णें डेयाल़्णों वाल़ा शा बड़ा आथी। 17तुऐ ऐजी बातो तअ जाँणों ऐ, अरह् जे तुऐ ईनू बातो गाशी चालो, तअ तुऐं भागोंईत्त असो।
18“मुँऐ तुँओं सोभी के बारे दो ऐजो ने बुली लई; हाँव ऐजो जाँणू ऐ, के मुँऐं कोसी-कोसी आदमी चुँणीं-छ़ाटी थुऐ; परह् ऐजो ईन्देंखे हंदो लागो; के पबित्र-ग्रन्थो का सेजा बचन पुरा हो: के ‘जुण्जा मेरी रोटी खाँव, तेने ही मुँखे लात्ते ऊराल़ी थंऐ।’ 19ऐजी सब घट्णाँ घट्णों शो आगे ही मुँऐ तुओं कैई बुली लो, के जबे ऐजी घट्णाँ घटी ज़ाँव; तअ तुँऐं बिश्वाष करह्, के ‘हाँव मसीया असो।’ 20हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”
बिश्वाष-घात्ती की ढबे ईशारा
(मत्ती 26:20-25; मरकुस 14:17-21; लूका 22:21-23)
21ऐजी बातो बुल्दे-बुल्दे प्रभू यीशू आत्त्मा दे ब्याकुल हुऐ, अरह् तिन्ऐं बुलो; “हाँव तुँओं खे ऐक खास बात बुलू, के तुँओं मुँझ्षा कुऐं ऐक झुणा मुँह आरी धोख्हा करदा।” 22चैले षंक की नंजर शे आपु मुँझी ओका ओकी की ढबै देख्हदे लागे, के गुरू जी! ऐं ऐजो कोस्की बारे दो बुली लो। 23प्रभू यीशू का ऐक चैला, जेसी आरी से बैगे प्यार करह् थिऐ; से प्रभू यीशू की छात्ति-हिकुड़े की ढबे, कुईनी अरह् घुन्डू के सहारे बऐठी रूआ#13:23मतल्व सुत्तियों बऐठी रूआ थिया; थिया। 24शमौन पतरस ऐ तेसी चैले की ढबे ईशारा करियों बुलो, “पूछ़ तअ, ईन्ऐं ऐजो कोस्की बारे दो बुली लो?” 25तबे तेने चैले ऐं तेष्णों ही नंईयों प्रभू यीशू कैई शो पुछो; “प्रभू! सेजा कुँण असो?” 26प्रभू यीशू ऐ जबाब दिता, “हाँव जेस्खे ऐजा रोटी का टुक्ड़ा डुबऐयों देंऊँबा; सेजा ही असो।” अरह् तिन्ऐं रोटी का ऐक टुक्ड़ा डुबोऐयों शमौन के बैटे यहूदा इस्करियोती खे दिता। 27जेई सेजा रोटी का टुक्ड़ा यहूदा इस्करियोती ऐ आगु करा, तेई शैतान तेख्णीं तेस्दा संमाँया; अरह् तबे प्रभू यीशू ऐं तेस्खे बुलो, “तेरे जुण्जो किऐ कर्णो ऐं सेजो शींघौ करह्।” 28परह् भोजन कर्णो वाल़े मुँझ्शो #13:28 मूल दा सुते आँदें ऐ; ऐजो कंसी के भे सहम्झ ने आई, के प्रभू यीशू ऐं ऐजो यहूदा इस्करियोती खे का बुलो। 29कंऐ लोगे ऐ ऐजो जाँणों के प्रभू यीशू ऐ यहूदा ईस्करियोती खे ऐजो बुलो, के जुण्जो किऐ अमाँरे तैयारोह् के मेंल़ै खे चेंई; सेजो मोंले-खर्दियों शीघौ ऊँडो आँणों, अरह् किऐ गरीब-कंगालो खे देऐ दे; किन्देंखे के तेसी यहूदा ईस्करियोती कैई पंय्सै के थंह्ऊली रंह थी। 30ईन्देंखे जेई यहूदा इस्करियोती ऐ सेजा रोटी का टुक्ड़ा आगु करा, तेई से तेख्णीं बाँईडा हुटा; अरह् सेजा रात्ती का बख्हत्त थिया।
प्रभू यीशू की नंऐ अज्ञाँ
31यहूदा इस्करियोती के बाँईडे ज़ाँणों गाशी, प्रभू यीशू ऐं बुलो: “ऐबे आदमी के बैटे की बड़ियाऐ हंदी; अरह् तेस्के ही जाँणें पंण्मिश्वर की बड़ियाऐ हंदी। 32(अरह् जे तेस्के जाँणें पंण्मिश्वर की बड़ियाऐं हंदी)#13:32 ऐजा लेख कंई पुराँणें हाथ के लेख दा भेट्दा ने; तअ पंण्मिश्वर भे तेस्की बड़याऐ कर्दे; अरह् से शीघी ही तेस्की बड़ियाऐ कर्दे। 33हे, बालकों, हाँव थोड़ी ही देर खे हजो तुवाँरी गंईलो असो; हजो तुऐं मुँह जुह्ले, अरह् जेष्णों मुँऐं यहूदी अगवाल़ों खे बुलो थियो; तेष्णों ही हाँव तुँओं खे भे बुलू, के ‘जेथै हाँव ज़ाँदा लागा, तेथै तुँऐं ने आऐ सक्दे’; 34हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्। 35जे तुँऐं आपु मुँझी ओका ओकी शो प्यार थंह्ले, तअ ईन्दी ही लई बादे लोग जाँण्ले के तुँऐं मेरे चैले असो।”
पतरस के भाज्णों का ईशारा
(मत्ती 26:31-35; मरकुस 14:27-31; लूका 22:31-34)
36शमौन पतरस ऐ तिनखे बुलो, “हे प्रभू! तुँऐं केथै ज़ाँदे लागे?” प्रभू यीशू ऐ तेस्खे जबाब दिता, “हाँव जेथै ज़ादा लागा, तेथै तू हेभी मुँह पाछी ने आऐ सक्दा; परह् कुछ़ बख्त्तो पाछी तू भी मुँह ही पाछी आँईदा।” 37संत्त-पतरस ऐ तिनखे बुलो, “हे प्रभू! हाँव हेभी तुँओं पाछी कैई ने आऐ सक्दा? हाँव तअ तुँवारी ताँईऐं आप्णी जीयाँन-प्राँण भे देऐ देऊँबा।” 38प्रभू यीशू ऐ जबाब दिता, “कियों तू मेरी ताँईऐं आप्णी जीयाँन-प्राँण भे देऐ देईदा? तअ हाँव ताँव्खे खास बात बुलू, के ऐत्त्लो ही तू कोक्ड़े के बाँक देणों शा आगे च़ीं बई भाजी ज़ाँईदा के हाँव ने ऐसी जाँण्दा।
Избрани в момента:
यूहन्ना 13: sri
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2022, Wycliffe Bible Translators, Inc. All rights reserved.
यूहन्ना 13
13
प्रभू यीशू ऐ चैले के लात्त धुऐं
1(फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो। 2जबे प्रभू यीशू ऐं आप्णें चैले आरी बियाल़ी खाऐ लऐ थी, तबे शैतान#13:2 जैस्खे इबलीस बुली थिया; ऐ शमौन के बैटे यहूदा इस्करियोती के मंन दा ऐशा पाप पर्गट करा, के तू यीशू धोख्हे शे थंह्म्बड़ाऐ दे। 3प्रभू यीशू ऐजो जाँणो थिऐ, के बाबा ऐं सब-कुछ़ मेरे हाथों दो देऐ थुओ; अरह् ऐजो भे जाँणों थिऐ, के हाँव पंण्मिश्वर कैई शा आऐ रूवा, अरह् पाछ़ू पंण्मिश्वर कैई ज़ाँदा लागा। 4तबे: प्रभू यीशू खाँणों की मेंज गाच्छ़ै ऊबे बीऊँजे, अरह् तिन्ऐं आप्णें बाईले खोट्णों ऊँडे खुह्ले, अरह् साफ़े लई आप्णी कमरी दी गाच़ी बाँनी; 5अरह् तिन्ऐं ऐकी परात्ती दो पाँणीं करियों आप्णें चैले के लात्त धुऐ, अरह् आप्णीं कंमरी दे बाँनें अंदे साफ़े लई ऊबाँदे लागे। 6जबे प्रभू यीशू शमौन पतरस कैई आऐं, तअ तबे संत्त-पतरस ऐ तिनखे बुलो, “हे प्रभू! कियो तुँऐं मेरे लात्त धुह्दे?” 7प्रभू यीशू ऐ तेस्खे जबाब दिता, “जुण्जो मुँऐं करी लो, सेजो तुँऐ हेबी ऐसी बख्त्ते ने; परह् किऐ बंख्त्तो पाछ़ी संह्म्झी पाँदें।” 8संत्त-पतरस ऐ बुलो, “नाँ, प्रभू! तुऐं मेरे लात्त बिलकुल ने धुऐ”; प्रभू यीशू ऐ बुलो, “जे हाँव तुवाँरे लात्त ने धुह्ऊँ; तअ तुवाँरा मुँह आरी किऐ भे रिष्ता ने रंह्दा।” 9ईन्दें गाशी शमौन पतरस ऐ, प्रभू यीशू खे बुलो, “हे प्रभू! तबे तअ तुऐं मेरे लात्त ही ने, परह् मेरे हाथ अरह् मेरो मूँढ भे धुऐ पाव।” 10प्रभू यीशू ऐ जबाब दिता, “जुण्जा नहाँऐ रूवा, तेसी लात्तो के सुवाऐ, ऊको किऐ भे धोंणों के जरूरत्त ने आथी; किन्देंखे के से पुरण रूप शा शुद्ध हऐ रूवा। तुऐं लोग शुद्ध असो, परह् बादे के बादे ने शुद्ध आथी।” 11किन्देंखे के से ऐजो जाँणों थिऐ, के मेरी गईलो बिश्वाष-घात्त कुँण करदा। ईन्देंखे तिन्ऐं बुलो, “तुऐं बादे के बादे शुद्ध ने आथी।” 12जबे प्रभू यीशू ऐं तिनू आप्णें बादे चैले के लात्त धोऐ पाऐ, तअ तिन्ऐं आप्णें बादे बाईले खोट्णों पाछु ऊबे बाँम्बे अरह् से बंऐठी गुऐ, अरह् तिन्ऐं तिनखे बुलो, “कियों तुऐं संहम्झी गुऐ, के मुँऐ तुवाँरी गईलो का कियों? 13तुँऐं मुँखे गुरू, अरह् प्रभू बुलो, ऐजो ठीक असो, किन्देंखे के ‘हाँव सेजा ही असो’। 14ईन्देंखे जे मुँऐं, तुवाँरे गुरू, अरह् प्रभू, हऐयों भे तुओं सोभी चैले के लात्त धुऐ; तअ तुँऐं भे आपु मुँझी ओका ओकी के लात्त ऐष्णें ही धुऐ चैई। 15किन्देंखे के मुँऐं तुँओं कैई शा ऐजा ऐक नंमुना देखाऐ थुवा, के जेष्णों मुँऐं तुँवारी गईलो करी थो, तुँऐं भे ऐष्णों ही करिया करह्। 16हाँव तुँओं खे ऐक खास बात बुलू, के दास आप्णें माँलिक शा बड़ा ने आथी, अरह् ना डेयाल़ा अंदा आप्णें डेयाल़्णों वाल़ा शा बड़ा आथी। 17तुऐ ऐजी बातो तअ जाँणों ऐ, अरह् जे तुऐ ईनू बातो गाशी चालो, तअ तुऐं भागोंईत्त असो।
18“मुँऐ तुँओं सोभी के बारे दो ऐजो ने बुली लई; हाँव ऐजो जाँणू ऐ, के मुँऐं कोसी-कोसी आदमी चुँणीं-छ़ाटी थुऐ; परह् ऐजो ईन्देंखे हंदो लागो; के पबित्र-ग्रन्थो का सेजा बचन पुरा हो: के ‘जुण्जा मेरी रोटी खाँव, तेने ही मुँखे लात्ते ऊराल़ी थंऐ।’ 19ऐजी सब घट्णाँ घट्णों शो आगे ही मुँऐ तुओं कैई बुली लो, के जबे ऐजी घट्णाँ घटी ज़ाँव; तअ तुँऐं बिश्वाष करह्, के ‘हाँव मसीया असो।’ 20हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”
बिश्वाष-घात्ती की ढबे ईशारा
(मत्ती 26:20-25; मरकुस 14:17-21; लूका 22:21-23)
21ऐजी बातो बुल्दे-बुल्दे प्रभू यीशू आत्त्मा दे ब्याकुल हुऐ, अरह् तिन्ऐं बुलो; “हाँव तुँओं खे ऐक खास बात बुलू, के तुँओं मुँझ्षा कुऐं ऐक झुणा मुँह आरी धोख्हा करदा।” 22चैले षंक की नंजर शे आपु मुँझी ओका ओकी की ढबै देख्हदे लागे, के गुरू जी! ऐं ऐजो कोस्की बारे दो बुली लो। 23प्रभू यीशू का ऐक चैला, जेसी आरी से बैगे प्यार करह् थिऐ; से प्रभू यीशू की छात्ति-हिकुड़े की ढबे, कुईनी अरह् घुन्डू के सहारे बऐठी रूआ#13:23मतल्व सुत्तियों बऐठी रूआ थिया; थिया। 24शमौन पतरस ऐ तेसी चैले की ढबे ईशारा करियों बुलो, “पूछ़ तअ, ईन्ऐं ऐजो कोस्की बारे दो बुली लो?” 25तबे तेने चैले ऐं तेष्णों ही नंईयों प्रभू यीशू कैई शो पुछो; “प्रभू! सेजा कुँण असो?” 26प्रभू यीशू ऐ जबाब दिता, “हाँव जेस्खे ऐजा रोटी का टुक्ड़ा डुबऐयों देंऊँबा; सेजा ही असो।” अरह् तिन्ऐं रोटी का ऐक टुक्ड़ा डुबोऐयों शमौन के बैटे यहूदा इस्करियोती खे दिता। 27जेई सेजा रोटी का टुक्ड़ा यहूदा इस्करियोती ऐ आगु करा, तेई शैतान तेख्णीं तेस्दा संमाँया; अरह् तबे प्रभू यीशू ऐं तेस्खे बुलो, “तेरे जुण्जो किऐ कर्णो ऐं सेजो शींघौ करह्।” 28परह् भोजन कर्णो वाल़े मुँझ्शो #13:28 मूल दा सुते आँदें ऐ; ऐजो कंसी के भे सहम्झ ने आई, के प्रभू यीशू ऐं ऐजो यहूदा इस्करियोती खे का बुलो। 29कंऐ लोगे ऐ ऐजो जाँणों के प्रभू यीशू ऐ यहूदा ईस्करियोती खे ऐजो बुलो, के जुण्जो किऐ अमाँरे तैयारोह् के मेंल़ै खे चेंई; सेजो मोंले-खर्दियों शीघौ ऊँडो आँणों, अरह् किऐ गरीब-कंगालो खे देऐ दे; किन्देंखे के तेसी यहूदा ईस्करियोती कैई पंय्सै के थंह्ऊली रंह थी। 30ईन्देंखे जेई यहूदा इस्करियोती ऐ सेजा रोटी का टुक्ड़ा आगु करा, तेई से तेख्णीं बाँईडा हुटा; अरह् सेजा रात्ती का बख्हत्त थिया।
प्रभू यीशू की नंऐ अज्ञाँ
31यहूदा इस्करियोती के बाँईडे ज़ाँणों गाशी, प्रभू यीशू ऐं बुलो: “ऐबे आदमी के बैटे की बड़ियाऐ हंदी; अरह् तेस्के ही जाँणें पंण्मिश्वर की बड़ियाऐ हंदी। 32(अरह् जे तेस्के जाँणें पंण्मिश्वर की बड़ियाऐं हंदी)#13:32 ऐजा लेख कंई पुराँणें हाथ के लेख दा भेट्दा ने; तअ पंण्मिश्वर भे तेस्की बड़याऐ कर्दे; अरह् से शीघी ही तेस्की बड़ियाऐ कर्दे। 33हे, बालकों, हाँव थोड़ी ही देर खे हजो तुवाँरी गंईलो असो; हजो तुऐं मुँह जुह्ले, अरह् जेष्णों मुँऐं यहूदी अगवाल़ों खे बुलो थियो; तेष्णों ही हाँव तुँओं खे भे बुलू, के ‘जेथै हाँव ज़ाँदा लागा, तेथै तुँऐं ने आऐ सक्दे’; 34हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्। 35जे तुँऐं आपु मुँझी ओका ओकी शो प्यार थंह्ले, तअ ईन्दी ही लई बादे लोग जाँण्ले के तुँऐं मेरे चैले असो।”
पतरस के भाज्णों का ईशारा
(मत्ती 26:31-35; मरकुस 14:27-31; लूका 22:31-34)
36शमौन पतरस ऐ तिनखे बुलो, “हे प्रभू! तुँऐं केथै ज़ाँदे लागे?” प्रभू यीशू ऐ तेस्खे जबाब दिता, “हाँव जेथै ज़ादा लागा, तेथै तू हेभी मुँह पाछी ने आऐ सक्दा; परह् कुछ़ बख्त्तो पाछी तू भी मुँह ही पाछी आँईदा।” 37संत्त-पतरस ऐ तिनखे बुलो, “हे प्रभू! हाँव हेभी तुँओं पाछी कैई ने आऐ सक्दा? हाँव तअ तुँवारी ताँईऐं आप्णी जीयाँन-प्राँण भे देऐ देऊँबा।” 38प्रभू यीशू ऐ जबाब दिता, “कियों तू मेरी ताँईऐं आप्णी जीयाँन-प्राँण भे देऐ देईदा? तअ हाँव ताँव्खे खास बात बुलू, के ऐत्त्लो ही तू कोक्ड़े के बाँक देणों शा आगे च़ीं बई भाजी ज़ाँईदा के हाँव ने ऐसी जाँण्दा।
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2022, Wycliffe Bible Translators, Inc. All rights reserved.