Yohana 17
17
Isa ka Ala dali a kɔbiladennu yɛ teme
1Isa wɔlinin kuma wolu fɔla, a k'a ɲa lajɛlɛ sanma k'a fɔ, a vɛɛ: «Ǹ Fa, waate vɛ se. Magbiliyali di i Denkɛ ma, fɔsa i Denkɛ fana yi magbiliyali di i ma. 2Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma. 3Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo. 4I na baale min dila m̀ ma, m̀'ɛ ban wo bɛ dafala k'iya magbiliyali jiya dunuɲa la. 5Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.
6«I na mɔɔ minu tala ka bɔ dunuɲa bolo k'ai di m̀ ma, m̀'ɛ iya ko jiya wolu la, fɔsa ai i lɔn. Ai tɛɛ i ta le le, i do n'ai dila m̀ ma. Ai v'i kumakan labato, 7k'a lɔn butu ko i na ko ko si dila m̀ ma, wo bɛ bɔnin ile le fɛ. 8Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.
9«Ǹ'i madalila ailu le yɛ. Ǹ t'i madalila dunuɲa yɛ, mafɔ i na minu dila m̀ ma, kamasɔlɔn i ta le ai le. 10Min bɛ yi m̀ bolo, i ta le wo bɛ le, ado minu yi ile fana bolo, ǹ ta le wo bɛ le. Ǹa magbiliyali la yi nkɛnɛmayala wolu le fɛ. 11Ǹ tɛnala tola dunuɲa butu, kɛɛ ailu yi dunuɲa bene, ǹ natɔle i fɛlɔ. Ǹ Fa, ile min sɛnɛyanin, i y'ai lakana i tɔɔ ya seetiiya lɔ, i na tɔɔ kelen min dila m̀ ma, fɔsa ai yi kɛ kelen ne iwo ǹe ni ile yi kelen ne teme. 12#Yohana 13.18.Ǹ tɛɛ ai fɛ waate min nɔ, ǹ tɛɛ ai lakanala i tɔɔ ya seetiiya le lɔ, i na tɔɔ kelen min dila m̀ ma. Ǹ n'ai kunmafɛlɛnna, ado ai suu suu ma tunun, mafɔ halakiko latɛɛnin tɛɛ mɔɔ min ma, fɔsa kitabu kɔnɔ kuma ma yi fa teme.
13«Ǹ natɔ i fɛlɔ yi ne, kɛɛ ǹ'i ko minu fɔla dunuɲa kɔnɔ, fɔsa ǹa kɔnɔlɔdiya dafanin ɲɔɔzii yi kɛ ai yɛ. 14M̀'ɛ i kumakan lase ai ma, ado dunuɲa vɛ ai lagbeyaɲɛ, kamasɔlɔn ai tɛ dunuɲa ta le iwo ǹe gbu tɛ dunuɲa ta le teme. 15Ǹ t'i madalila ai labɔko lɔ dunuɲa, mafɔ i y'ai matanga Soitana le ma. 16Ai tɛ dunuɲa ta le iwo ǹe gbu tɛ dunuɲa ta le teme. 17Ai bila ai ta fan i jɛlɛ yɛ ka bɛn tuɲandeya ma, kamasɔlɔn i kumakan yi tuɲa le le. 18I na ǹ kelayala dunuɲa teme, ǹe fana n'ai kelayala dunuɲa ten ne. 19M̀'ɛ ǹ jɛlɛ bila ǹ ta fan i yɛ ka bɛn ai ma, fɔsa ailu fana y'ai jɛlɛ bila ai ta fan bɛlɛbɛlɛ kɛ i yɛ.
20«Ǹ t'i madalila ailu kelen yɛ, mafɔ minu fana kɛtɔ limaniyala m̀ ma ka bɛn aiya seleyakan ma, 21fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala. 22I na magbiliyali min dila m̀ ma, ǹ na wo suu le dila ai ma, fɔsa ai yi kɛ kelen ne iwo ǹe ni ile yi kelen ne teme. 23Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.
24«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.
25«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala. 26M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»
Избрани в момента:
Yohana 17: MBT2023
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Manya Bible Translation, © SIM International, 2023
Yohana 17
17
Isa ka Ala dali a kɔbiladennu yɛ teme
1Isa wɔlinin kuma wolu fɔla, a k'a ɲa lajɛlɛ sanma k'a fɔ, a vɛɛ: «Ǹ Fa, waate vɛ se. Magbiliyali di i Denkɛ ma, fɔsa i Denkɛ fana yi magbiliyali di i ma. 2Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma. 3Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo. 4I na baale min dila m̀ ma, m̀'ɛ ban wo bɛ dafala k'iya magbiliyali jiya dunuɲa la. 5Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.
6«I na mɔɔ minu tala ka bɔ dunuɲa bolo k'ai di m̀ ma, m̀'ɛ iya ko jiya wolu la, fɔsa ai i lɔn. Ai tɛɛ i ta le le, i do n'ai dila m̀ ma. Ai v'i kumakan labato, 7k'a lɔn butu ko i na ko ko si dila m̀ ma, wo bɛ bɔnin ile le fɛ. 8Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.
9«Ǹ'i madalila ailu le yɛ. Ǹ t'i madalila dunuɲa yɛ, mafɔ i na minu dila m̀ ma, kamasɔlɔn i ta le ai le. 10Min bɛ yi m̀ bolo, i ta le wo bɛ le, ado minu yi ile fana bolo, ǹ ta le wo bɛ le. Ǹa magbiliyali la yi nkɛnɛmayala wolu le fɛ. 11Ǹ tɛnala tola dunuɲa butu, kɛɛ ailu yi dunuɲa bene, ǹ natɔle i fɛlɔ. Ǹ Fa, ile min sɛnɛyanin, i y'ai lakana i tɔɔ ya seetiiya lɔ, i na tɔɔ kelen min dila m̀ ma, fɔsa ai yi kɛ kelen ne iwo ǹe ni ile yi kelen ne teme. 12#Yohana 13.18.Ǹ tɛɛ ai fɛ waate min nɔ, ǹ tɛɛ ai lakanala i tɔɔ ya seetiiya le lɔ, i na tɔɔ kelen min dila m̀ ma. Ǹ n'ai kunmafɛlɛnna, ado ai suu suu ma tunun, mafɔ halakiko latɛɛnin tɛɛ mɔɔ min ma, fɔsa kitabu kɔnɔ kuma ma yi fa teme.
13«Ǹ natɔ i fɛlɔ yi ne, kɛɛ ǹ'i ko minu fɔla dunuɲa kɔnɔ, fɔsa ǹa kɔnɔlɔdiya dafanin ɲɔɔzii yi kɛ ai yɛ. 14M̀'ɛ i kumakan lase ai ma, ado dunuɲa vɛ ai lagbeyaɲɛ, kamasɔlɔn ai tɛ dunuɲa ta le iwo ǹe gbu tɛ dunuɲa ta le teme. 15Ǹ t'i madalila ai labɔko lɔ dunuɲa, mafɔ i y'ai matanga Soitana le ma. 16Ai tɛ dunuɲa ta le iwo ǹe gbu tɛ dunuɲa ta le teme. 17Ai bila ai ta fan i jɛlɛ yɛ ka bɛn tuɲandeya ma, kamasɔlɔn i kumakan yi tuɲa le le. 18I na ǹ kelayala dunuɲa teme, ǹe fana n'ai kelayala dunuɲa ten ne. 19M̀'ɛ ǹ jɛlɛ bila ǹ ta fan i yɛ ka bɛn ai ma, fɔsa ailu fana y'ai jɛlɛ bila ai ta fan bɛlɛbɛlɛ kɛ i yɛ.
20«Ǹ t'i madalila ailu kelen yɛ, mafɔ minu fana kɛtɔ limaniyala m̀ ma ka bɛn aiya seleyakan ma, 21fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala. 22I na magbiliyali min dila m̀ ma, ǹ na wo suu le dila ai ma, fɔsa ai yi kɛ kelen ne iwo ǹe ni ile yi kelen ne teme. 23Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.
24«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.
25«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala. 26M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Manya Bible Translation, © SIM International, 2023