إنجيل متّى 3

الفصل التالت

1وْفي ديك الأيّام، جا يوحَنّا المَعْمَدان#3‏:1 يوحَنّا المَعْمَدان معروف عند البعض بالِاسم د سيدي يَحْيى. كيبشّر في الخلا د اليَهوديّة، 2كيقول: "توبو، حيت قرّب مُلك السماوات." 3حيت هَدا هُوَ الّي قال عليه النَّبي إشَعْيا: "الصوت د شي واحد الّي كيبرّح في الخلا: «وجّدو طريق الرَّبّ، ردّو الطرْقان ديالو مسْتَقيمة.»"#3‏:3 هَد الاقتباس من سفر النَّبي إشعيا 40‏:3. 4وْكانو الحوايج ديال يوحَنّا من الشعر د الجمولة وْعلى النُّص ديالو حزام من الجلد. وْكانت الماكلة ديالو الجراد والعسل د الخلا. 5في ديك الساعة خرجَتْ نْعندو أُورُشَليم واليَهوديّة كاملة والناس من البلاد كاملة الدايرة بالأُرْدُن 6وْتغطّسو في الما على يَدّو في واد الأُرْدُن، كيعْتَرفو بالدنوب ديالوم.

7ملّي شاف يوحَنّا بزّاف من الفرّيسيّين والصدّوقيّين كيجيو باش يغطّسوم، قالّوم: "آ وْلاد الحياي! شكون نبّهكُم باش تهربو من الغضب الّي ماجي؟ 8إدَن، جيبو الغلّة الّي كتبيّن التوبة، 9وْما تقولو شي نْراسكُم: «إبراهيم هُوَ بابانا.» حيت كنقول لكُم بلّي اللّٰه قادر باش يعمل من هَد الحجار الولاد نإبراهيم. 10وْدابا راه الشاقور منزّل على العروق د الشجار. وْكُل شجرة الّي ما كتجيب شي غلّة مزيانة غادي تْتقطّع وْتْتسيّب في العافية. 11أمّا أنا كنغطّسكُم بالما باش تتوبو، وَلكن هَداك الّي ماجي من بعد منّي هُوَ قوي منّي. ما كَنْسْتاهل شي نحيّد حتّى الصبّاط ديالو. هُوَ غادي يغطّسكُم بالروح القُدُس والعافية. 12المدْرى في يَدّو وْغادي ينقّي النوادر ديالو ويجمَع الزرَع ديالو في الخزين. أمّا التبن غادي يحرقوْ بالعافية الّي ما عُمراْ غادي تطفى."

13في ديك الوقت مشى يَسوع من الجَليل نالأُرْدُن نْعند يوحَنّا باش يتغطّس على يَدّو. 14وَلكن يوحَنّا حصروْ وْقال لو: "أنا محْتاج نتغطّس على يَدّك وانتينا كتجي نْعندي؟" 15ردّ عليه يَسوع وْقال لو: "خلّيه يكون هَيدا دابا، حيت هَيدا مزيان نّا باش نكمّلو كُل التقوى." ديك الساعة خلّاه. 16وْملّي تغطّس يَسوع، طلَع في الحين من الما. والسما تْفتحَتْ لو وْشاف روح اللّٰه كيهبَط، فحال واحد الحمامة، وْنزل عليه. 17وْجا واحد الصوت من السما كيقول: "هَدا هُوَ اِبني العزيز الّي كنفرح بِه."

Избрани в момента:

إنجيل متّى 3: ary

Маркирай стих

Споделяне

Копиране

Искате ли вашите акценти да бъдат запазени на всички ваши устройства? Регистрирайте се или влезте

Научете повече за Northern Mor N T

إنجيل متّى 3

Популярни библейски стихове от
إنجيل متّى 3

Библия:

الدارجة المغربية

Версия: Northern Mor N T - ary