Yohanes 2
2
O Kana ap mesik ugwe wogogukhwe Yesus en elalin aʼge mesik tegei wene
1Asogo togu legesarik, nogo agauwa ʼbiren oluk henaganak aʼge en e, o Galilea o kota mesik onuk Kana ai, ap mesik ugwe wogogukhwe Yesus ia yoʼgo pegesema eba emin welegesa. 2Eba oruakma, at Yesus osi iak wogu legesa aʼge enemin ogo re, yoʼgo enebegesema legesarik welegesayat. 3Legesarik oruakhwe, anggur weʼgen aʼbosu neʼgak aʼge ʼberlegat erlak agama re, at Yesus ia enat disogo moʼgulesi,
“Is anggur eʼgen aʼbosu neʼgak aʼge erlak agama oruak o,” oluk moʼgulesi. 4Asogo moʼgulesimu, at Yesus en e, disogo moʼgulesi,
“Eige. Nia. An en tu aʼge owan hegit lau wom erlak oruakhweat de, hat en an nopaget moʼgulnigen,” oluk moʼgulesi. 5Asogo moʼgulesi aʼgeat de, at ia en, is hwe wogegisa eiye eneragam aʼge disogo moʼgulentesi,
“At en,
Disogo tit, oso holuk e, at en ua aʼge aiat tit o,” oluk moʼgulentesi. 6Is aphwami Yahudi aʼge en page eba enat tugulat e, di aʼge yu aʼge emin, enebetne emin, emerak poluk nak togwi aʼge paget ik eʼbe dorom ʼgelaʼge ebe helep aʼge heleʼgik lok aʼge ebe hebarligen eba pegesema welaga. Dorom ʼgelaʼge ebe loʼbok ogola re, ik 100 liter ʼgelaʼge naʼgu elit aʼge welaga. 7Asogo oruakma re, at Yesus en is eneragam aʼge ebano moʼgulentasulat e, disogo moʼgulentesi,
“Ik eʼbe dorom ʼgelaʼge eba pam ik naʼgwit o,” oluk moʼgulentesimu, emde lorophegeik naʼgwigisa. 8Asogo naʼgwigisema re, at Yesus en is ebano disogo moʼgulentesi,
“Yogo. Naʼgwigep aʼge ai mesik luʼgwasogo ap ʼgain seni seregei eiye aʼge wogesi lit o,” oluk moʼgulentesimu wogesi legesa. 9Is en ik luʼgwasogo wogesi legesarikmu no oluk e, ik eʼbe dirak aʼge, oluk enaluk welegesa aʼgeat de, at ʼgain ano nak e,
“ʼGeba en woluk wegesa,” oluk eperlak welat e, ik ano anggur eʼgen aʼbosuat agama, oduk nekhesi ʼgal e, op en ap ugwe wogegisa aʼge ano iak pakhesi. 10Iak pakhesimu wagama re, disogo moʼgulesi,
“Aphwami ʼberlek en anggur eʼgen aʼbosu wogentasulat e, op aʼge naduk wogontogwi holuk, loksogo noʼgwiam, pobuk wiak aʼge wogontogwi aʼgeat de, hat nak e, op aʼge poluk welegentik en pobuk selakma pegen yu, nogorlok o!” oluk moʼgulesi.
11At Yesus ebe pobi tuagoluk elalin aʼge mesik tu erlak welagarik naduk naduk tegei yu re, o Galilea kota Kana welat tegei ai o. Asogo tegei ai pam, at erliktogwi aʼge enaluksogo moʼgulentesimu, is at osi iak wogu legesa aʼge ebano Yesus ebe pobirak poluk, enede at ebam heʼberik pegesa.
12Asogo arat toluk e, at Yesus ebe emin, ia emin, arilak emin, osi iak wogu legesa aʼge emin, enemin o Kapernaum legesa. Legesarik e, agauwa wei nagat welegesa.
Yesus Allah owi werikmu ʼgoluk degelegei wene
(Matius 21:12-13; Markus 11:15-17; Lukas 19:45-46)
13Eba oruakma en, is aphwami Yahudi aʼge en e,
“Nadugat at Allah en delnenebegei o,” oluk, enede eberak welat domba wam wusogo seni onuk Paskah paget no aʼge arat horok lau wagama re, Yesus o Yerusalem ʼbegei. 14ʼBegeitik Allah owi werikmu ʼgwegei ʼgal e, is aphwami oʼgo ʼbalogwi aʼge, sapi emin, domba emin, sue ʼberl ʼgelaʼge emin, oʼgo wogulat, is pema eba hweriogo welat uang agam-pagam hogulat, tugukhwe at il entesi. 15Asogo tugukhwe il ontoluk e, herle ʼgoʼbi aʼge ʼgoʼbu heliʼgogo sapi wam emin, domba emin, lagalʼbisok ʼgoʼbu wusogo Allah owi werikmu en mukho lebikpoluk, e delak pam en uang agam-pagam hogu legesa aʼge ebano abel edenogo ʼboluk-ʼbelaksogo hwikhai lasulat, 16is aphwami sue ʼberl ʼgelaʼge oʼgo wogu legesa aʼge wene yagentasulat, tegei. Asogo wene yagentasulat e,
“Sue yema horloluk lebemis o. An naik owi werikmu yema, o oʼgo ʼbalugumu ʼgelaʼge ʼbalugu legep yema re, asogo modok togup o,” oluk moʼgulentesi. 17Asogo wene yagentesimu, is ap at osi iak wogu legesa aʼge ebano onogola en e,
“Nadugat is ap pema en Allah iak pam pelal wokho pogulat e, disogo egesema oruak ano,
Naik Allah, hat howi werik aʼge nede modok hwedik en nolot modok het ago yo, (Mazmur 69:9=TB 69:10)
oluk pelal wegesema oruak epegi,” oluk enede eberigisa.
18Yesus en is aphwami ebano asogo moʼgulentesimu, is ap ʼgaindek Yahudi aʼge en Yesus ebe wene yagugulat e, disogo moʼgulegisa,
“Hat en tigen yu re, eiye welat tu hegirat tigenma oluk, pobi hobul en, elalin aʼge mesik tin da,” oluk wene yagegisa. 19Asogo wene yagegisema, at Yesus en e, disogo moʼgulentesi,
“Allah owi yu moluk tit o. Arat moluk togupmu re, an en pobuk agauwa ʼbirenam werise leiktik henaganak aʼge en arat ologun ʼbalogo werik o,” oluk moʼgulentesi. 20Asogo moʼgulentesimu re, is ap ʼgaindek Yahudi aʼge ebano en e, disogo moʼgulegisa,
“A! Allah owi yu owan worogukhwe 46 tahun welege aʼgeat de, hat e,
Agauwa ʼbiren nak werise leiktik en, agauwa henaganak aʼge en arat ologun ʼbalogo werik, egen ai re, elirat werigoluk en egen a? Mia o,” oluk moʼgulegisa. 21Asogo moʼgulegisa aʼge re, Yesus en wene Allah owi werik paget egei ai, o werik aʼge paget egei puk. At uʼgwarek ebe pagerat egei yo. 22Wene asogo egeitik, pobuk ebe waragarik en elaluk agama, is ap at osi iak wogu legesa aʼge ebano en,
“Wene yu nadugat moʼgulnentasukhwe nenesaʼgo hwelige aʼge,” oluk enede eberigisarik, Allah iak pelal wogo aʼge ano emin, wene Yesus en moʼgulentesi aʼge ano emin, pobi tigisarik onogola en demat epegesa.
At Yesus en aphwami ʼberlegat onogola aluk welago wene
23Asogo egesarik oruakhwe, o Yerusalem is aphwami Yahudi aʼge domba wam wusogo seni onuk Paskah noʼgukhwe, at Yesus eba enemin welat ebe pobi tuagoluk, elalin aʼge til laga ai en e, aphwami aʼbik enil hegesarik enede at ebam heʼberik pegesa. 24Asogo heʼberik pegesa aʼgeat de, at Yesus uʼgwarek nak e, is enebe ʼberlegat enebabut alukmu re,
“Demat woknobua,” oluk ede is enebam heʼberik po erlakma en welaga. 25Aphwami onogola at aluk modok welago ai en e, is aphwami pema en,
“Is logon enebabut degenik o,” oluk, at moʼgulom modok mia o.
Избрани в момента:
Yohanes 2: WUL
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Yohanes 2
2
O Kana ap mesik ugwe wogogukhwe Yesus en elalin aʼge mesik tegei wene
1Asogo togu legesarik, nogo agauwa ʼbiren oluk henaganak aʼge en e, o Galilea o kota mesik onuk Kana ai, ap mesik ugwe wogogukhwe Yesus ia yoʼgo pegesema eba emin welegesa. 2Eba oruakma, at Yesus osi iak wogu legesa aʼge enemin ogo re, yoʼgo enebegesema legesarik welegesayat. 3Legesarik oruakhwe, anggur weʼgen aʼbosu neʼgak aʼge ʼberlegat erlak agama re, at Yesus ia enat disogo moʼgulesi,
“Is anggur eʼgen aʼbosu neʼgak aʼge erlak agama oruak o,” oluk moʼgulesi. 4Asogo moʼgulesimu, at Yesus en e, disogo moʼgulesi,
“Eige. Nia. An en tu aʼge owan hegit lau wom erlak oruakhweat de, hat en an nopaget moʼgulnigen,” oluk moʼgulesi. 5Asogo moʼgulesi aʼgeat de, at ia en, is hwe wogegisa eiye eneragam aʼge disogo moʼgulentesi,
“At en,
Disogo tit, oso holuk e, at en ua aʼge aiat tit o,” oluk moʼgulentesi. 6Is aphwami Yahudi aʼge en page eba enat tugulat e, di aʼge yu aʼge emin, enebetne emin, emerak poluk nak togwi aʼge paget ik eʼbe dorom ʼgelaʼge ebe helep aʼge heleʼgik lok aʼge ebe hebarligen eba pegesema welaga. Dorom ʼgelaʼge ebe loʼbok ogola re, ik 100 liter ʼgelaʼge naʼgu elit aʼge welaga. 7Asogo oruakma re, at Yesus en is eneragam aʼge ebano moʼgulentasulat e, disogo moʼgulentesi,
“Ik eʼbe dorom ʼgelaʼge eba pam ik naʼgwit o,” oluk moʼgulentesimu, emde lorophegeik naʼgwigisa. 8Asogo naʼgwigisema re, at Yesus en is ebano disogo moʼgulentesi,
“Yogo. Naʼgwigep aʼge ai mesik luʼgwasogo ap ʼgain seni seregei eiye aʼge wogesi lit o,” oluk moʼgulentesimu wogesi legesa. 9Is en ik luʼgwasogo wogesi legesarikmu no oluk e, ik eʼbe dirak aʼge, oluk enaluk welegesa aʼgeat de, at ʼgain ano nak e,
“ʼGeba en woluk wegesa,” oluk eperlak welat e, ik ano anggur eʼgen aʼbosuat agama, oduk nekhesi ʼgal e, op en ap ugwe wogegisa aʼge ano iak pakhesi. 10Iak pakhesimu wagama re, disogo moʼgulesi,
“Aphwami ʼberlek en anggur eʼgen aʼbosu wogentasulat e, op aʼge naduk wogontogwi holuk, loksogo noʼgwiam, pobuk wiak aʼge wogontogwi aʼgeat de, hat nak e, op aʼge poluk welegentik en pobuk selakma pegen yu, nogorlok o!” oluk moʼgulesi.
11At Yesus ebe pobi tuagoluk elalin aʼge mesik tu erlak welagarik naduk naduk tegei yu re, o Galilea kota Kana welat tegei ai o. Asogo tegei ai pam, at erliktogwi aʼge enaluksogo moʼgulentesimu, is at osi iak wogu legesa aʼge ebano Yesus ebe pobirak poluk, enede at ebam heʼberik pegesa.
12Asogo arat toluk e, at Yesus ebe emin, ia emin, arilak emin, osi iak wogu legesa aʼge emin, enemin o Kapernaum legesa. Legesarik e, agauwa wei nagat welegesa.
Yesus Allah owi werikmu ʼgoluk degelegei wene
(Matius 21:12-13; Markus 11:15-17; Lukas 19:45-46)
13Eba oruakma en, is aphwami Yahudi aʼge en e,
“Nadugat at Allah en delnenebegei o,” oluk, enede eberak welat domba wam wusogo seni onuk Paskah paget no aʼge arat horok lau wagama re, Yesus o Yerusalem ʼbegei. 14ʼBegeitik Allah owi werikmu ʼgwegei ʼgal e, is aphwami oʼgo ʼbalogwi aʼge, sapi emin, domba emin, sue ʼberl ʼgelaʼge emin, oʼgo wogulat, is pema eba hweriogo welat uang agam-pagam hogulat, tugukhwe at il entesi. 15Asogo tugukhwe il ontoluk e, herle ʼgoʼbi aʼge ʼgoʼbu heliʼgogo sapi wam emin, domba emin, lagalʼbisok ʼgoʼbu wusogo Allah owi werikmu en mukho lebikpoluk, e delak pam en uang agam-pagam hogu legesa aʼge ebano abel edenogo ʼboluk-ʼbelaksogo hwikhai lasulat, 16is aphwami sue ʼberl ʼgelaʼge oʼgo wogu legesa aʼge wene yagentasulat, tegei. Asogo wene yagentasulat e,
“Sue yema horloluk lebemis o. An naik owi werikmu yema, o oʼgo ʼbalugumu ʼgelaʼge ʼbalugu legep yema re, asogo modok togup o,” oluk moʼgulentesi. 17Asogo wene yagentesimu, is ap at osi iak wogu legesa aʼge ebano onogola en e,
“Nadugat is ap pema en Allah iak pam pelal wokho pogulat e, disogo egesema oruak ano,
Naik Allah, hat howi werik aʼge nede modok hwedik en nolot modok het ago yo, (Mazmur 69:9=TB 69:10)
oluk pelal wegesema oruak epegi,” oluk enede eberigisa.
18Yesus en is aphwami ebano asogo moʼgulentesimu, is ap ʼgaindek Yahudi aʼge en Yesus ebe wene yagugulat e, disogo moʼgulegisa,
“Hat en tigen yu re, eiye welat tu hegirat tigenma oluk, pobi hobul en, elalin aʼge mesik tin da,” oluk wene yagegisa. 19Asogo wene yagegisema, at Yesus en e, disogo moʼgulentesi,
“Allah owi yu moluk tit o. Arat moluk togupmu re, an en pobuk agauwa ʼbirenam werise leiktik henaganak aʼge en arat ologun ʼbalogo werik o,” oluk moʼgulentesi. 20Asogo moʼgulentesimu re, is ap ʼgaindek Yahudi aʼge ebano en e, disogo moʼgulegisa,
“A! Allah owi yu owan worogukhwe 46 tahun welege aʼgeat de, hat e,
Agauwa ʼbiren nak werise leiktik en, agauwa henaganak aʼge en arat ologun ʼbalogo werik, egen ai re, elirat werigoluk en egen a? Mia o,” oluk moʼgulegisa. 21Asogo moʼgulegisa aʼge re, Yesus en wene Allah owi werik paget egei ai, o werik aʼge paget egei puk. At uʼgwarek ebe pagerat egei yo. 22Wene asogo egeitik, pobuk ebe waragarik en elaluk agama, is ap at osi iak wogu legesa aʼge ebano en,
“Wene yu nadugat moʼgulnentasukhwe nenesaʼgo hwelige aʼge,” oluk enede eberigisarik, Allah iak pelal wogo aʼge ano emin, wene Yesus en moʼgulentesi aʼge ano emin, pobi tigisarik onogola en demat epegesa.
At Yesus en aphwami ʼberlegat onogola aluk welago wene
23Asogo egesarik oruakhwe, o Yerusalem is aphwami Yahudi aʼge domba wam wusogo seni onuk Paskah noʼgukhwe, at Yesus eba enemin welat ebe pobi tuagoluk, elalin aʼge til laga ai en e, aphwami aʼbik enil hegesarik enede at ebam heʼberik pegesa. 24Asogo heʼberik pegesa aʼgeat de, at Yesus uʼgwarek nak e, is enebe ʼberlegat enebabut alukmu re,
“Demat woknobua,” oluk ede is enebam heʼberik po erlakma en welaga. 25Aphwami onogola at aluk modok welago ai en e, is aphwami pema en,
“Is logon enebabut degenik o,” oluk, at moʼgulom modok mia o.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте