मत्ती 21
21
1येसुकायः गुल्ह्आकाचु ओहाङःसैको येसुमा ओउःकुस् वाह्ओलम्मा आल्दा आल्दा यरुसालेम् द्याङ्तो दाह्ती जैथुन्सायः त तोओ बुम्हाङः मुओ बेथ्फागे त तोओ गाव्ताङ् द्याङ्तोलेः वाङ्आकाय्। ओहाङः दाह्ती वाङ्आक्तीको येसुइ नीस्चाक् लयःकुस् वाह्ओमयः गोत्ती 2“लौ नीङ्जी उःनोको गाव्ताङ् आल्ज। ओहाङः दाह्ओ कुस्ब्रक्त यात्ज्योः आमा घोरा लयःकोः चोःकुस् पेन्ह्ती मुओ च्यवःतेःनाःजु। ओउःनीस्कायः फेन्ती ङाकःताङ् ताह्ती लात्ती वानःजु। 3ओहाङःसैको फेन्तोक् बेलाहाङः सुलाङःइ नीङ्जीकायः च्यवःती ‘दोह् हायःतेःनाःजु’ त दाय्ह्ती रेक्ती व्हत्तेःनाःज त खेःया ‘इपाय् प्रभुकायः द्याह् चाहनाः’ त दाय्ह्ती त्याङ्ज दा” त दाय्ह्ती येसुइ स्यान्ती ल्होक्आथाच। 4इत हायःओलेः यात्चाक् उय्ह्लेकोः परमेस्वर्कायः चीःओ मान्ताइ तोआकान्। 5“अ सीओन् त तोओ यरुसालेम् सहर्हाङः मुओलम् नीङ्कोः राजा मीतो वाह्ती घोरामा घोराकोः चोःकोः गीङ्हाङः लन्ह्ती नीङ्कःताङ् वाङ्नाः। एत योनु दा” त दाय्ह्ती लेखओ द्याह् ताप्तो स्याव्नाः। 6ओहाङःसैको ओउः नीस्चाक् आल्ती गाव्ताङ् दाह्ती ओउःहाङः मुआ घोरानीस्पाय् येसुइ ङ्हा स्यान्ओलो लेखा वानःआकाचु। 7वानःआक्तीको लयःकोः क्रमःनाय् घोराकोः गीङ्हाङः न्हाप्ती गम्आकानी। नाय्लम् न्हाप्ती गम्आक्तीको येसु घोराहाङः लन्ह्आ। 8घोराहाङः लन्ह्ती वाह्तोक्हाङः नाःतो मान्तालम् हुम्ती वाङ्ती येसुकायः म्रोताक्सा थेङा लःलयःकोः क्रमःनाय्लम् ओउःकोः ङ्हासै ल्याम्हाङः न्हाप्ती गम्आकानी। अरुलम्इ सीङःकोः दालालम् ह्राह्ती वानःती ल्याम्हाङः न्हाप्ती गम्आकानी। 9येसुकोः ङ्हासैमा लोनेसैमा वाह्ओ मान्तालम्इ येसुकायः स्यवती “होसाना भालातेः वाङ्तेःआ नाङ् परमेस्वर्इ ल्होक्ओ दावुद् राजाकोः प्लोमःदानेतेः। परमेस्वर्कायःपाय् ल्हाव्ह्दैबाङ्हाङः लाङ्काहाङः ताङ्ह्ताक्तो स्याव्पाः” त दाय्ह्ती गोःआकानी। 10ओउःत हायःदा हायःदा ओहाङःसैको येसु यरुसालेम् सहर्ताङ् दाह्ती वाङ्आकाय्। यरुसालेम् सहर्ताङ् दाह्ती वाङ्तोक्हाङः सबै सहर्कोः मान्तालम् इःसै उःसै तन्ती वाङ्ती “इपाय् सुलो” त व्हत्काय्ती येसुकुस् वाङ्ओलम् त्याङ्ती 11“लौ इपाय् येसुत तोओलेः। गालील अन्चल्कोः नासरेत् गाव्सै वाङ्ओ परमेस्वर्कोः कुरा छ्यानःओ मान्ता” त दाय्ह्ती तोआथास।
12ओहाङःसैको येसु घोरासै ग्ल्युङ्ह्ती परमेस्वर्कोः मन्दीर्हाङः पोक्ती वाङ्आकाय्। ओहाङः पोक्ती वाङ्तोक्हाङः मन्दीर्कोः कीम्दुङ्हाङः चीस् वीनःओ लेःओ मान्तालम् च्युङःती मुओ खेःइतो। ओउःमयःकायः येसुइ आन जान्ती तोती मन्दीर्सै रुनःती क्लाःआथास। पैसा सातओ मान्ताकोः तैबल्लम्मा धुकुर्वाः वीनःओ मान्ताकोः पीह्रालम्मा प्लवःती वाय्आकान्। 13“लौ ‘ङाकोः मन्दीर्पाय् ङाकायः झाह्ती तोसा कीम्लेः स्याव्नाः’ त दाय्ह्ती परमेस्वर्इ तोओ कुरापाय् ओउःकोः आखरःहाङः लेखओआः बा। नीङ्खेइ इ मन्दीर्कायः कुःरेव् मान्ताकोः कीम्लो जाङ्ह्तेःआकानी बा” त दाय्ह्ती येसुइ जान्ती ल्होक्आथास। 14ओहाङःसैको एत तोआक्तीको मीक् लोक्ओमा दोम् क्ल्योय्ओलम्मा मन्दीर्हाङः येसुकःताङ् वाङ्इतो ती ओउःमयःकायः येसुइ सबै स्याक्ताक्आथास। 15ओहाङःसैको येसुइ इतलो पेओ काम् जाङ्ह्ओमा च्यवःती हौलम्इ “अ दावुद् राजाकोः प्लोमःदानेय भालातेः वाङ्तेःआ” त दाय्ह्ती गोःओमा सायःती ओउः ताङ्ह्ओ पुरोहीत्लम्मा धर्मा स्यान्ओमयःमा ल्हुङ् मल्ह्तो स्याव्आकाय् 16“लौ इ हौलम्इ गोःओ कुरा सायःतेःनौया” त दाय्ह्ती येसुकायः व्हत्थातो “सायःसापाय् सायःलेःनाङः नीङ्खेइ परमेस्वर्कोः आखरःहाङः लेखओ कुरा पह्रतेःनीली यादो ‘नाङ्इ मीओ हौलम्कायः पेतो लुङ्ती तोओ नोःतेःताक्तेःआकान्’ त दाय्ह्ती लेखती मुनाः” त दाय्ह्ती येसुइ तोआथास। 17ओहाङःसैको एत तोआक्तीको येसु ग्ल्युङ्ह्ती सहर्सै आल्ती बेथानी गाव्ताङ् एनःलाङ् पाय्ह्आकाय्।
18ओहाङः एनःलाङ् पाय्ह्आकाय्। ओहाङःसैको बीहान च्योक्ती फेरीलेः यरुसालेम्ताङ् द्यान्ह्ती आल्आकाय्। 19आल्ती वाह्तोक्हाङः येसु योङ्क्राय्ती ल्याम्कोः छेव्हाङः मुओ तुरःओ न्याम्सी सीङः च्यवःती सायः बोङःलाङ् वाङ्तो ओहाङः सायःपाय् दोह्मा नाःल मात् ह खेःतो। एत च्यवःआक्तीको “लौ उया द्याह्गोते नाङ् गलमा सायः सायःलाम्” त दाय्ह्ती येसुइ तोआकान्। ओहाङःसैको तोआक्तीको ओउः सीङः रेन्ह्तोलेः झ्योम्ह्ती सीआ। 20ओहाङःसैको ओउः झ्योम्ह्ती वाय्ओ सीङः च्यवःती येसुकुस् वाह्ओमयः ग्याङ्ह्ती “लौ इ न्याम्सी आन रेन्ह्तोलेः झ्योम्ह्ती वाय्आ रैस” त दाय्ह्ती नोःकाय्आकाय् 21ओउःमयः नोःकाय्ओ सायःती “दोङ्सी दाय्ह्भनाङ् नीङ्इ परमेस्वर्कायः पेतो ङ्हाम्तेःचानी त खेःया इलो लेखा सीङः सीताक्सामा खाय्तेःनानी। ओउःसै ताङ्ह्ओ जाङ्ह्ती इ दुलुङःकायःमा ‘लौ च्योङ्ती द्युम्मालो तीःहाङः प्लाह्लाङ् क्लाःतेःपाः’ त दाय्ह्ती तोतेःचानी त खेःया नीङ्इ तोओ स्याव्आजेःनाः। 22दोह् दोह् नीङ्इ परमेस्वर्कायः पेतो ङ्हाम्ती ओउःकः तेती तोतेःनानी ओउःलेः दोःतेःनै बा” त दाय्ह्ती येसुइ स्यान्ती तोआथास।
23ओउःतलेः येसुइ तोआथास ओहाङःसैको यरुसालेम्ताङ् दाह्आक्तीको येसु फेरीलेः मन्दीर्हाङः पोक्ती वाङ्आकाय्। मन्दीर्हाङः पोक्ती वाङ्तोक्हाङः ताङ्ह्ओ पुरोहीत्लम् अरु यहुदीलम्कोः ताङ्ह्ओ मान्तालम्कुस् येसुकःताङ् वाङ्ती “लौ नाङ्इ अनम्ह् मन्दीर्हाङः जाङ्ह्ओ काम् जाङ्ह्साकायः सुइतेः ताक्तेःआ सुइतेः जाङ्ह्लाङ् ल्होक्तेःआ त तोताङी दा” त दाय्ह्ती व्हत्थातो 24“लौ ङ्हालेः यात्ज्योः ङाइ व्हत्ओ कुरा त्याङ्ती तोनाङ्स दा ओहाङःसैको ङा नीङ्कः त्याङ्नाङः” त दाय्ह्ती येसु दाय्ह्आ। 25“युहनाकायः सुखेइलो बाप्तीस्मा जाङ्ह्लाङ् ल्होक्आथै परमेस्वर्खेइ ल्होक्आथैया मान्तालम्खेइया” त दाय्ह्ती येसु द्यानःती व्हत्आथास। इत व्हत्ओ सायःआक्तीको ओउः ताङ्ह्ओ मान्तालम्मा पुरोहीत्लम्मा लयःमयःकुस् नोःकाय्आकाय् “गत त्याङ्इ दा। ङी ‘परमेस्वर्इ ल्होक्आथै’ त त्याङ्चाङी त खेःया ओउःपाय् ‘ओउःत झ्यान्ते दोह् हायःतीतेः युहनाकोः नोःराय् ङ्हाम्ती सायःतेःआक्नीली’ त तोनाःतय्ही। 26खेःल ङी ‘मान्तालम्इ ल्होक्आथै’ त त्याङ्चाङी त खेःया सबै मान्तालम् ङीकः ल्हुङ् मल्ह्तो स्याव्नै। युहनापाय् ‘दोङ् परमेस्वर्इ ल्होक्ओ ओउःकोः कुरा छ्यानःओ मान्तालेः खेःतो’ त ओउःमयः सबैलेः म्हर्नै” त दाय्ह्ती नोःकाय्इतो 27“लौ ङीइपाय् त्याङ्सा चीःङुसुलु” त दाय्ह्ती ओउः ताङ्ह्ओ मान्तालम् दाय्ह्आकाय्। “लौ उया सुइ ङाकायः काम् जाङ्ह्लाङ् ल्होक्आताङः त दाय्ह्सा ङाइमा छ्यानःती तोसा ग्याङल” त दाय्ह्ती येसुइ तोआथास।
28“लौ इ कुरा सायःती मुन दा। यात्चाक् आपाकोः नीस्चोः खेःतो। ओहाङःसैको आपापाय् जेथा चोःकःताङ् वाङ्ती ‘लौ जेथा तेन्पाय् ङाकोः धाक्सायः राङ्ताङ् काम् जाङ्ह्लाङ् आल्अ दा’ त दाय्ह्ती तोआथै 29‘अहः ङापाय् आल्सा ग्याङल’ त दाय्ह्ती ओउःकोः चोः त्याङ्तो लोने ल्हुङ् द्यान्ह्ती ओउः जेथाखे काम् जाङ्ह्लाङ् आल्आ। 30ओहाङःसैको ओउः आपा माय्ह्लाकःताङ् वाङ्ती ओउःकायः ‘लौ माय्ह्ला तेन्पाय् ङाकोः धाक्सायः राङ्ताङ् काम् जाङ्ह्लाङ् आल्अ दा’ त दाय्ह्ती तोआथै ‘लौ उया आल्नाङः’ त दाय्ह्ती माय्ह्ला त्याङ्तो ओउःखेपाय् जुगाङ् आल्ल। 31लौ ओउःनीस् पुःचाःपाय् गाव्खे आपाकायः ग्याती सायःआकाचु” त दाय्ह्ती येसुइ ओउः ताङ्ह्ओ मान्तालम्कायः व्हत्आकान् “जेथाखे” त दाय्ह्ती त्याङ्आकाय् “दोङ्सी दाय्ह्भनाङ् ओउः पैसा जेःती उथावओलम्मा रन्दीलम्मा नीङ्कोः ङ्हासै परमेस्वर्कोः राजीहाङः आल्सा दोःनै। 32दोह् हायःती दाय्ह्सा बाप्तीस्मा बयःओ युहनाइ वाङ्ती नीङ्कायः ‘मान्ता गत हायःती पेतो वाह्सा’ त छ्यानःतेःइतो ओउःकायः नीङ्इ ङ्हाम्तेःनीली। नीङ्खेइ ङ्हाम्तेःनीली ओउः पैसा जेःओलम्मा रन्दीलम्इमा ओउःकायः ङ्हाम्ती ओउःमयःकोः रेव्ओ ल्हुङ् फेती वाय्ती लोने पेतो हायःआकानी। इमा च्यवःआक्तीको नीङ्इपाय् ल्हुङ् द्यान्ह्ती ङ्हाम्तेःनीली।
33लौ इ अरु स्यान्सा वीनःराय् सायःनु दा। यात्चाक् साहु मान्ताइ धाक्सायः स्यास्ओ राङ् जाङ्ह्ती ओउः राङ्कोः चीनःचीनःसै बाङ्कोः बार् देती खोआकान् सायःकोः तीः च्युरःसा थाव्मा सायः ल्युङ्ह्सा थारामा जाङ्ह्आकान्। ओहाङःसैको ओउः राङ् जुगाङ् जाङ्ह्ती खाय्आक्तीको ओउः राङ्कोः धनी अरु देस्ताङ् आल्सा खेःतो त झ्यान्ते ओउःइ अरु मान्तालम् हुम्ती वानःती ओउःमयःकायः राङ् योताक्साकायःमा मेनःसाकायः गम्आकान्। 34ओहाङःसैको अरु देस्ताङ् आल्ती मुतोक्हाङः धाक्सायः मीन्लेःआ। धाक्सायः मीन्तोक्हाङः ओउः राङ्कोः धनी लयःकोः भाक् त्याक्साकायः यात्नीस्चाक् नोकरीलम् राङ्ताङ् ल्होक्उतो 35ओउः नोकरीकायः राङ् मेनःओलम्इ चुम्ती यात्चाक्कायः घान्आकानी यात्चाक्कायः सात्आकानी अरुखेकायः बाङ् आप्आकानी। 36ओहाङःसैको ओउः राङ्कोः धनीइ अरु नोकरीलम् न्हाङ्तोलेः ल्होक्उतो ओउःमयःकायःमा कोय्कायः घान्ती कोय्कायः सात्ती कोय्कायः बाङ् आप्आकानी। 37ओउःत झ्यान्ते ‘लौ छ्यो ङाकोः चोःपाय् ल्होक्नाङः ओउःकायः एङःती रोम्नाःथै’ त मुर्ती लयःकोः गोय्चोः ल्होक्आकान्। 38-39ओहाङःसैको ओउःकोः चोः ल्होक्ती वाङ्ओ च्यवःती ‘लौ उया इपाय् राङ्कोः धनीकोः ओकोलो चोः लेःआः रैस। इकायः चुम्ती सात्नी दा ओहाङःसैको आपा सीआक्तीको ओउः राङ् ङीकोःलेः स्याव्आनाः’ त दाय्ह्ती नोःकाय्ती ओउः राङ् मेनःओलम्इ चोःकायः चुम्ती सात्ती राङ् बाहीरसै ताती वाय्आकानी। 40ओउःतलेः हायःनीतो दोङ्सीलेः लयःकोः चोःकायः ‘सात्ती सीआबत्ताङः’ त चीःती वाङ्आक्तीको ओउः राङ्कोः धनीइ राङ् मेनःओलम्कायः दोह् हायःनौ दाय्ह्सा” त दाय्ह्ती येसुइ व्हत्आथास 41“वाङ्आक्तीको ओउःइ रेव्ओलम्कायः रेन्ह्तोलेः वाय्नाःथास ओहाङःसैको ओउः राङ्पाय् अरुइ मेनःसाकायः बयःती झ्यान्ते ओउःकोः भाक् दोःनाः” त दाय्ह्ती त्याङ्आकाय्। 42“लौ परमेस्वर्इ बयःओ आखरःहाङः इलेः लेखओ माःर ‘कीम् जाङ्ह्ओलम्इ ङ्हा “इ पेमालो” त दाय्ह्ती ताती वाय्ओ बाङ्पाय् लोने कीम् गाराकोः मुल्बाङ् स्याव्आनाः। इलेः प्रभु परमेस्वर्इ जाङ्ह्आकान् बा इपाय् गुच्युक् पेजेःनाः’ त दाय्ह्ओ लेखती मुनाः। 43लौ ङाइ तोनेःनाङ्स दा परमेस्वर्कोः राजी नीङ्खे द्याह्हाङःसै मुसा दोःतेःइली अरु पेओ काम् जाङ्ह्ओलम्कायः ओहाङः मुसा दोःनै। 44ओहाङःसैको सुसुइ ओउः मुल् बाङ्हाङः त्योक्ती तोन्चै ओउःखेकायः बाङ्इ छुक्ती जीक्ताक्नाःथै। सुसुखेकायः ओउः बाङ्इ क्रामःनाःथास ओउःकायःलेः दान्ह्तो स्याव्नै” त दाय्ह्ती येसुइ तोआथास। 45एत तोआक्तीको ओउः ताङ्ह्ओ पुरोहीत्लम्इमा फरीसीलम्इमा “लौ इत तोती ङीकायः पेमालो तोआतय्ही” त म्हर्ती 46ल्हुङ् मल्ह्ती येसुकायः चुम्सा बोङःनीतो अरु हुम्ती मुओलम् “येसुइपाय् पेओ कुरा छ्यानःआताङी” त नोःकाय्आकाय्। ओउःत झ्यान्ते ओउः हुम्ओलम्कः रैती ओउः पुरोहीत्लम्मा फरीसीलम्इमा येसुकायः ओउः बेलाहाङः चुम्सा ग्याइली।
Избрани в момента:
मत्ती 21: CDM93
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 1993 Wycliffe Bible Translators Inc., All Rights Reserved.
मत्ती 21
21
1येसुकायः गुल्ह्आकाचु ओहाङःसैको येसुमा ओउःकुस् वाह्ओलम्मा आल्दा आल्दा यरुसालेम् द्याङ्तो दाह्ती जैथुन्सायः त तोओ बुम्हाङः मुओ बेथ्फागे त तोओ गाव्ताङ् द्याङ्तोलेः वाङ्आकाय्। ओहाङः दाह्ती वाङ्आक्तीको येसुइ नीस्चाक् लयःकुस् वाह्ओमयः गोत्ती 2“लौ नीङ्जी उःनोको गाव्ताङ् आल्ज। ओहाङः दाह्ओ कुस्ब्रक्त यात्ज्योः आमा घोरा लयःकोः चोःकुस् पेन्ह्ती मुओ च्यवःतेःनाःजु। ओउःनीस्कायः फेन्ती ङाकःताङ् ताह्ती लात्ती वानःजु। 3ओहाङःसैको फेन्तोक् बेलाहाङः सुलाङःइ नीङ्जीकायः च्यवःती ‘दोह् हायःतेःनाःजु’ त दाय्ह्ती रेक्ती व्हत्तेःनाःज त खेःया ‘इपाय् प्रभुकायः द्याह् चाहनाः’ त दाय्ह्ती त्याङ्ज दा” त दाय्ह्ती येसुइ स्यान्ती ल्होक्आथाच। 4इत हायःओलेः यात्चाक् उय्ह्लेकोः परमेस्वर्कायः चीःओ मान्ताइ तोआकान्। 5“अ सीओन् त तोओ यरुसालेम् सहर्हाङः मुओलम् नीङ्कोः राजा मीतो वाह्ती घोरामा घोराकोः चोःकोः गीङ्हाङः लन्ह्ती नीङ्कःताङ् वाङ्नाः। एत योनु दा” त दाय्ह्ती लेखओ द्याह् ताप्तो स्याव्नाः। 6ओहाङःसैको ओउः नीस्चाक् आल्ती गाव्ताङ् दाह्ती ओउःहाङः मुआ घोरानीस्पाय् येसुइ ङ्हा स्यान्ओलो लेखा वानःआकाचु। 7वानःआक्तीको लयःकोः क्रमःनाय् घोराकोः गीङ्हाङः न्हाप्ती गम्आकानी। नाय्लम् न्हाप्ती गम्आक्तीको येसु घोराहाङः लन्ह्आ। 8घोराहाङः लन्ह्ती वाह्तोक्हाङः नाःतो मान्तालम् हुम्ती वाङ्ती येसुकायः म्रोताक्सा थेङा लःलयःकोः क्रमःनाय्लम् ओउःकोः ङ्हासै ल्याम्हाङः न्हाप्ती गम्आकानी। अरुलम्इ सीङःकोः दालालम् ह्राह्ती वानःती ल्याम्हाङः न्हाप्ती गम्आकानी। 9येसुकोः ङ्हासैमा लोनेसैमा वाह्ओ मान्तालम्इ येसुकायः स्यवती “होसाना भालातेः वाङ्तेःआ नाङ् परमेस्वर्इ ल्होक्ओ दावुद् राजाकोः प्लोमःदानेतेः। परमेस्वर्कायःपाय् ल्हाव्ह्दैबाङ्हाङः लाङ्काहाङः ताङ्ह्ताक्तो स्याव्पाः” त दाय्ह्ती गोःआकानी। 10ओउःत हायःदा हायःदा ओहाङःसैको येसु यरुसालेम् सहर्ताङ् दाह्ती वाङ्आकाय्। यरुसालेम् सहर्ताङ् दाह्ती वाङ्तोक्हाङः सबै सहर्कोः मान्तालम् इःसै उःसै तन्ती वाङ्ती “इपाय् सुलो” त व्हत्काय्ती येसुकुस् वाङ्ओलम् त्याङ्ती 11“लौ इपाय् येसुत तोओलेः। गालील अन्चल्कोः नासरेत् गाव्सै वाङ्ओ परमेस्वर्कोः कुरा छ्यानःओ मान्ता” त दाय्ह्ती तोआथास।
12ओहाङःसैको येसु घोरासै ग्ल्युङ्ह्ती परमेस्वर्कोः मन्दीर्हाङः पोक्ती वाङ्आकाय्। ओहाङः पोक्ती वाङ्तोक्हाङः मन्दीर्कोः कीम्दुङ्हाङः चीस् वीनःओ लेःओ मान्तालम् च्युङःती मुओ खेःइतो। ओउःमयःकायः येसुइ आन जान्ती तोती मन्दीर्सै रुनःती क्लाःआथास। पैसा सातओ मान्ताकोः तैबल्लम्मा धुकुर्वाः वीनःओ मान्ताकोः पीह्रालम्मा प्लवःती वाय्आकान्। 13“लौ ‘ङाकोः मन्दीर्पाय् ङाकायः झाह्ती तोसा कीम्लेः स्याव्नाः’ त दाय्ह्ती परमेस्वर्इ तोओ कुरापाय् ओउःकोः आखरःहाङः लेखओआः बा। नीङ्खेइ इ मन्दीर्कायः कुःरेव् मान्ताकोः कीम्लो जाङ्ह्तेःआकानी बा” त दाय्ह्ती येसुइ जान्ती ल्होक्आथास। 14ओहाङःसैको एत तोआक्तीको मीक् लोक्ओमा दोम् क्ल्योय्ओलम्मा मन्दीर्हाङः येसुकःताङ् वाङ्इतो ती ओउःमयःकायः येसुइ सबै स्याक्ताक्आथास। 15ओहाङःसैको येसुइ इतलो पेओ काम् जाङ्ह्ओमा च्यवःती हौलम्इ “अ दावुद् राजाकोः प्लोमःदानेय भालातेः वाङ्तेःआ” त दाय्ह्ती गोःओमा सायःती ओउः ताङ्ह्ओ पुरोहीत्लम्मा धर्मा स्यान्ओमयःमा ल्हुङ् मल्ह्तो स्याव्आकाय् 16“लौ इ हौलम्इ गोःओ कुरा सायःतेःनौया” त दाय्ह्ती येसुकायः व्हत्थातो “सायःसापाय् सायःलेःनाङः नीङ्खेइ परमेस्वर्कोः आखरःहाङः लेखओ कुरा पह्रतेःनीली यादो ‘नाङ्इ मीओ हौलम्कायः पेतो लुङ्ती तोओ नोःतेःताक्तेःआकान्’ त दाय्ह्ती लेखती मुनाः” त दाय्ह्ती येसुइ तोआथास। 17ओहाङःसैको एत तोआक्तीको येसु ग्ल्युङ्ह्ती सहर्सै आल्ती बेथानी गाव्ताङ् एनःलाङ् पाय्ह्आकाय्।
18ओहाङः एनःलाङ् पाय्ह्आकाय्। ओहाङःसैको बीहान च्योक्ती फेरीलेः यरुसालेम्ताङ् द्यान्ह्ती आल्आकाय्। 19आल्ती वाह्तोक्हाङः येसु योङ्क्राय्ती ल्याम्कोः छेव्हाङः मुओ तुरःओ न्याम्सी सीङः च्यवःती सायः बोङःलाङ् वाङ्तो ओहाङः सायःपाय् दोह्मा नाःल मात् ह खेःतो। एत च्यवःआक्तीको “लौ उया द्याह्गोते नाङ् गलमा सायः सायःलाम्” त दाय्ह्ती येसुइ तोआकान्। ओहाङःसैको तोआक्तीको ओउः सीङः रेन्ह्तोलेः झ्योम्ह्ती सीआ। 20ओहाङःसैको ओउः झ्योम्ह्ती वाय्ओ सीङः च्यवःती येसुकुस् वाह्ओमयः ग्याङ्ह्ती “लौ इ न्याम्सी आन रेन्ह्तोलेः झ्योम्ह्ती वाय्आ रैस” त दाय्ह्ती नोःकाय्आकाय् 21ओउःमयः नोःकाय्ओ सायःती “दोङ्सी दाय्ह्भनाङ् नीङ्इ परमेस्वर्कायः पेतो ङ्हाम्तेःचानी त खेःया इलो लेखा सीङः सीताक्सामा खाय्तेःनानी। ओउःसै ताङ्ह्ओ जाङ्ह्ती इ दुलुङःकायःमा ‘लौ च्योङ्ती द्युम्मालो तीःहाङः प्लाह्लाङ् क्लाःतेःपाः’ त दाय्ह्ती तोतेःचानी त खेःया नीङ्इ तोओ स्याव्आजेःनाः। 22दोह् दोह् नीङ्इ परमेस्वर्कायः पेतो ङ्हाम्ती ओउःकः तेती तोतेःनानी ओउःलेः दोःतेःनै बा” त दाय्ह्ती येसुइ स्यान्ती तोआथास।
23ओउःतलेः येसुइ तोआथास ओहाङःसैको यरुसालेम्ताङ् दाह्आक्तीको येसु फेरीलेः मन्दीर्हाङः पोक्ती वाङ्आकाय्। मन्दीर्हाङः पोक्ती वाङ्तोक्हाङः ताङ्ह्ओ पुरोहीत्लम् अरु यहुदीलम्कोः ताङ्ह्ओ मान्तालम्कुस् येसुकःताङ् वाङ्ती “लौ नाङ्इ अनम्ह् मन्दीर्हाङः जाङ्ह्ओ काम् जाङ्ह्साकायः सुइतेः ताक्तेःआ सुइतेः जाङ्ह्लाङ् ल्होक्तेःआ त तोताङी दा” त दाय्ह्ती व्हत्थातो 24“लौ ङ्हालेः यात्ज्योः ङाइ व्हत्ओ कुरा त्याङ्ती तोनाङ्स दा ओहाङःसैको ङा नीङ्कः त्याङ्नाङः” त दाय्ह्ती येसु दाय्ह्आ। 25“युहनाकायः सुखेइलो बाप्तीस्मा जाङ्ह्लाङ् ल्होक्आथै परमेस्वर्खेइ ल्होक्आथैया मान्तालम्खेइया” त दाय्ह्ती येसु द्यानःती व्हत्आथास। इत व्हत्ओ सायःआक्तीको ओउः ताङ्ह्ओ मान्तालम्मा पुरोहीत्लम्मा लयःमयःकुस् नोःकाय्आकाय् “गत त्याङ्इ दा। ङी ‘परमेस्वर्इ ल्होक्आथै’ त त्याङ्चाङी त खेःया ओउःपाय् ‘ओउःत झ्यान्ते दोह् हायःतीतेः युहनाकोः नोःराय् ङ्हाम्ती सायःतेःआक्नीली’ त तोनाःतय्ही। 26खेःल ङी ‘मान्तालम्इ ल्होक्आथै’ त त्याङ्चाङी त खेःया सबै मान्तालम् ङीकः ल्हुङ् मल्ह्तो स्याव्नै। युहनापाय् ‘दोङ् परमेस्वर्इ ल्होक्ओ ओउःकोः कुरा छ्यानःओ मान्तालेः खेःतो’ त ओउःमयः सबैलेः म्हर्नै” त दाय्ह्ती नोःकाय्इतो 27“लौ ङीइपाय् त्याङ्सा चीःङुसुलु” त दाय्ह्ती ओउः ताङ्ह्ओ मान्तालम् दाय्ह्आकाय्। “लौ उया सुइ ङाकायः काम् जाङ्ह्लाङ् ल्होक्आताङः त दाय्ह्सा ङाइमा छ्यानःती तोसा ग्याङल” त दाय्ह्ती येसुइ तोआथास।
28“लौ इ कुरा सायःती मुन दा। यात्चाक् आपाकोः नीस्चोः खेःतो। ओहाङःसैको आपापाय् जेथा चोःकःताङ् वाङ्ती ‘लौ जेथा तेन्पाय् ङाकोः धाक्सायः राङ्ताङ् काम् जाङ्ह्लाङ् आल्अ दा’ त दाय्ह्ती तोआथै 29‘अहः ङापाय् आल्सा ग्याङल’ त दाय्ह्ती ओउःकोः चोः त्याङ्तो लोने ल्हुङ् द्यान्ह्ती ओउः जेथाखे काम् जाङ्ह्लाङ् आल्आ। 30ओहाङःसैको ओउः आपा माय्ह्लाकःताङ् वाङ्ती ओउःकायः ‘लौ माय्ह्ला तेन्पाय् ङाकोः धाक्सायः राङ्ताङ् काम् जाङ्ह्लाङ् आल्अ दा’ त दाय्ह्ती तोआथै ‘लौ उया आल्नाङः’ त दाय्ह्ती माय्ह्ला त्याङ्तो ओउःखेपाय् जुगाङ् आल्ल। 31लौ ओउःनीस् पुःचाःपाय् गाव्खे आपाकायः ग्याती सायःआकाचु” त दाय्ह्ती येसुइ ओउः ताङ्ह्ओ मान्तालम्कायः व्हत्आकान् “जेथाखे” त दाय्ह्ती त्याङ्आकाय् “दोङ्सी दाय्ह्भनाङ् ओउः पैसा जेःती उथावओलम्मा रन्दीलम्मा नीङ्कोः ङ्हासै परमेस्वर्कोः राजीहाङः आल्सा दोःनै। 32दोह् हायःती दाय्ह्सा बाप्तीस्मा बयःओ युहनाइ वाङ्ती नीङ्कायः ‘मान्ता गत हायःती पेतो वाह्सा’ त छ्यानःतेःइतो ओउःकायः नीङ्इ ङ्हाम्तेःनीली। नीङ्खेइ ङ्हाम्तेःनीली ओउः पैसा जेःओलम्मा रन्दीलम्इमा ओउःकायः ङ्हाम्ती ओउःमयःकोः रेव्ओ ल्हुङ् फेती वाय्ती लोने पेतो हायःआकानी। इमा च्यवःआक्तीको नीङ्इपाय् ल्हुङ् द्यान्ह्ती ङ्हाम्तेःनीली।
33लौ इ अरु स्यान्सा वीनःराय् सायःनु दा। यात्चाक् साहु मान्ताइ धाक्सायः स्यास्ओ राङ् जाङ्ह्ती ओउः राङ्कोः चीनःचीनःसै बाङ्कोः बार् देती खोआकान् सायःकोः तीः च्युरःसा थाव्मा सायः ल्युङ्ह्सा थारामा जाङ्ह्आकान्। ओहाङःसैको ओउः राङ् जुगाङ् जाङ्ह्ती खाय्आक्तीको ओउः राङ्कोः धनी अरु देस्ताङ् आल्सा खेःतो त झ्यान्ते ओउःइ अरु मान्तालम् हुम्ती वानःती ओउःमयःकायः राङ् योताक्साकायःमा मेनःसाकायः गम्आकान्। 34ओहाङःसैको अरु देस्ताङ् आल्ती मुतोक्हाङः धाक्सायः मीन्लेःआ। धाक्सायः मीन्तोक्हाङः ओउः राङ्कोः धनी लयःकोः भाक् त्याक्साकायः यात्नीस्चाक् नोकरीलम् राङ्ताङ् ल्होक्उतो 35ओउः नोकरीकायः राङ् मेनःओलम्इ चुम्ती यात्चाक्कायः घान्आकानी यात्चाक्कायः सात्आकानी अरुखेकायः बाङ् आप्आकानी। 36ओहाङःसैको ओउः राङ्कोः धनीइ अरु नोकरीलम् न्हाङ्तोलेः ल्होक्उतो ओउःमयःकायःमा कोय्कायः घान्ती कोय्कायः सात्ती कोय्कायः बाङ् आप्आकानी। 37ओउःत झ्यान्ते ‘लौ छ्यो ङाकोः चोःपाय् ल्होक्नाङः ओउःकायः एङःती रोम्नाःथै’ त मुर्ती लयःकोः गोय्चोः ल्होक्आकान्। 38-39ओहाङःसैको ओउःकोः चोः ल्होक्ती वाङ्ओ च्यवःती ‘लौ उया इपाय् राङ्कोः धनीकोः ओकोलो चोः लेःआः रैस। इकायः चुम्ती सात्नी दा ओहाङःसैको आपा सीआक्तीको ओउः राङ् ङीकोःलेः स्याव्आनाः’ त दाय्ह्ती नोःकाय्ती ओउः राङ् मेनःओलम्इ चोःकायः चुम्ती सात्ती राङ् बाहीरसै ताती वाय्आकानी। 40ओउःतलेः हायःनीतो दोङ्सीलेः लयःकोः चोःकायः ‘सात्ती सीआबत्ताङः’ त चीःती वाङ्आक्तीको ओउः राङ्कोः धनीइ राङ् मेनःओलम्कायः दोह् हायःनौ दाय्ह्सा” त दाय्ह्ती येसुइ व्हत्आथास 41“वाङ्आक्तीको ओउःइ रेव्ओलम्कायः रेन्ह्तोलेः वाय्नाःथास ओहाङःसैको ओउः राङ्पाय् अरुइ मेनःसाकायः बयःती झ्यान्ते ओउःकोः भाक् दोःनाः” त दाय्ह्ती त्याङ्आकाय्। 42“लौ परमेस्वर्इ बयःओ आखरःहाङः इलेः लेखओ माःर ‘कीम् जाङ्ह्ओलम्इ ङ्हा “इ पेमालो” त दाय्ह्ती ताती वाय्ओ बाङ्पाय् लोने कीम् गाराकोः मुल्बाङ् स्याव्आनाः। इलेः प्रभु परमेस्वर्इ जाङ्ह्आकान् बा इपाय् गुच्युक् पेजेःनाः’ त दाय्ह्ओ लेखती मुनाः। 43लौ ङाइ तोनेःनाङ्स दा परमेस्वर्कोः राजी नीङ्खे द्याह्हाङःसै मुसा दोःतेःइली अरु पेओ काम् जाङ्ह्ओलम्कायः ओहाङः मुसा दोःनै। 44ओहाङःसैको सुसुइ ओउः मुल् बाङ्हाङः त्योक्ती तोन्चै ओउःखेकायः बाङ्इ छुक्ती जीक्ताक्नाःथै। सुसुखेकायः ओउः बाङ्इ क्रामःनाःथास ओउःकायःलेः दान्ह्तो स्याव्नै” त दाय्ह्ती येसुइ तोआथास। 45एत तोआक्तीको ओउः ताङ्ह्ओ पुरोहीत्लम्इमा फरीसीलम्इमा “लौ इत तोती ङीकायः पेमालो तोआतय्ही” त म्हर्ती 46ल्हुङ् मल्ह्ती येसुकायः चुम्सा बोङःनीतो अरु हुम्ती मुओलम् “येसुइपाय् पेओ कुरा छ्यानःआताङी” त नोःकाय्आकाय्। ओउःत झ्यान्ते ओउः हुम्ओलम्कः रैती ओउः पुरोहीत्लम्मा फरीसीलम्इमा येसुकायः ओउः बेलाहाङः चुम्सा ग्याइली।
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 1993 Wycliffe Bible Translators Inc., All Rights Reserved.