मर्कस् 13
13
1ओउःतलेः येसुइ तोआथास ओहाङःसैको मन्दीर्सै ग्ल्युङ्ह्ती वाङ्ती ओउःकुस् वाह्ओमयःइ मन्दीर्कोः देआ बाङ् त्यास्ती योआकानी। मन्दीर्कोः गारा त्यास्ती योतोक्हाङः “लौ गुरुय इ दर्बाल्पाय् गुच्युक् पेजेःनाः त योउ दै। ओउःपाय् आन पेतो ङर्ओ बाङ्कोः देओ लेःआः बा” त दाय्ह्ती यात्चाक्इ येसुकायः तोथातो 2“लौ इत ब्राव्ओ मन्दीर् दर्बाल् नाङ्इ द्याह् योती मुधाङ्तेःनाः लोनेःसै ओउःपाय् जुगाङ् ह्र्योङःती वाय्तो स्याव्जेःनाः। ओउः ह्र्योङःती वाय्तोक्हाङःपाय् यातैज्याङ् बाङ् अरुकुस् द्योप्काय्ती मुबाय्ल” त दाय्ह्ती येसुइ तोआथास। 3ओहाङःसैको आल्ती ओउः जैथुन्सायः बुम्ताङ् दाह्ती वाङ्आकाय्। इ बुम्सै ओउः मन्दीर् च्यवःसा खाय्ओ खेःतो। 4ओहाङःसै बुम्ताङ् दाह्ती वाङ्आक्तीको येसु एकान्लेः च्युङःती मुतोक्हाङः पत्रुस्मा याकुब् युहना नीस्पुःचाःमा अन्द्रीयस्मा ओउः चार्जन येसुकःताङ् वाङ्ती “लौ नाङ्इ मेस् तोओ मन्दीर् ह्र्योङःती वाय्सा कुरापाय् गलखा स्याव्लेःनाः। ओहाङःसै ओउः ह्र्योङःती वाय्सा स्याव्खेःओ दीन्लम् गत हायःती ङ्हासै तय्ह्चाङःसु” त दाय्ह्ती व्हत्थातो 5“लौ नीङ्पाय् पेतो धय्ती मुजेःन दा ओहाङःसैको नीङ्कायः अरुलम्इ माःती होम्सा बोङःतेःनै त खेःया ओउःमयःइ नीङ्कायः ब्रःताक्सा खाय्नीली। 6लोन्ते नाःतो मान्तालम् ‘लौ ओउः वाङ्सा खेःओ चाक्पाय् ङा लेःआः ङ’ त दाय्ह्ती माःती ङाकोः मय्ङ् पेह्ती वाङ्नै ओउःमयः दाय्ह्ओ कुरा नाःतो मान्तालम्इ ङ्हाम्नानी। 7फेरी लोन्तेःमा ‘लौ इहाङःपाय् लदाय् जाङ्ह्नानी ओहाङः लदाय् जाङ्ह्सा बोङःनानी’ त दाय्ह्ती नोःओ सायःतेःनानी ओउः कुरा सायःतोक्हाङः ल्हुङ् र्याङःमाःत मुन इत हायःओ स्याव्सा खेःतो लेःआः ओउः बेलाहाङः ल्हाव्ह्दैबाङ्कोः द्युम्ओ दीन् वाङ्धाङ्ल। 8ओउःनम् दीन्हाङः यात्ज्योः देस्कोः मान्तालम् अरु देस्कोः मान्तालम्कुस् मीन्ह्काय्नै यात्ज्योः राजामा अरु राजाकुस्मा काय्काय्नै। थाव् थाव्हाङः ताङ्ह्ओ ल्याङ्मा वाङ्नाः जोक्तो अनीकाल्मा स्याव्नाः। इ दीन्पाय् लीह्सीःओ बेलाहाङः वाङ्खयःनाः बा। 9लौ नीङ् लःलयःकायः धय्ती मुन लोनेः अरुइ ताङ्ह्ओ मान्तालम्कःहाङः लात्ती दाक्तेःनै ‘लौ इपाय् ख्रीस्कोः मान्ता लेःआः’ त दाय्ह्ती नीङ्कायः गाल्तुम्ती नोःनाः। फेरी थनःओ कीम्हाङः नीङ्कायः घान्तेःनै। नीङ्कायः राजाकःताङ्मा दाक्ती वानःतेःनै ओउःमयःकायःमा ङाकोः पेओ कुरा नीङ्इ छ्यानःती तोसा दोःतेःनै। 10ओउः द्युम्ओ दीन्कोः ङ्हासैपाय् ङाकोः पेओ कुरा सबै जात्लम्कायः थोल्ह्ती तोसा खेःतो। 11ओहाङःसैको नीङ्कायः पानःती ताङ्ह्ओ मान्ताकःताङ् दाक्नम् दीन्हाङः ‘दोह्त नोःसा गत त्याङ्सा’ त ल्हुङ्हाङःतेः रुःतेःचै। ओउः बेलाहाङः दोह् दोह् कुरा परमेस्वर्इ नोःसाकायः बयःतेःनै ओउःलेः नोःनु दा। ओउः कुरा नीङ्कोः लयःकोः ल्हुङ्कोः खेःल परमेस्वर्कोः ग्वालामःइ नोःताक्ओ कुरा लेःआः। 12ओउः बेलाहाङःमा आपाचोङ्लम् पुःचोङ्लम् लःलयःमयःकायः सात्लाङ् दाक्नानी चोःलम्इमा लःलयःकोः आमा आपाकःताङ् चीङ्ती ओउःमयःकायः सात्साकायः दाक्नाःथास। 13ओहाङःसैको नीङ्पाय् ‘ख्रीस्त तोओकोः मान्ता लेःआः’ त चीःती अरुलम् नीङ्कः ल्हुङ् मल्ह्तो स्याव्नै। नीङ्कः ल्हुङ् मल्ह्इतो सुसुतेः इ लीह्सीःओ बेलाहाङः ङाकायःमा ङाकोः कुराकायःमा फेमाःत ग्रमःत मुनै ओउःलेः दल्तो स्याव्तेःनै।
14फेरी गलखा नीङ्इ ओउः रेव्तो ह्रावःओपाय् वाङ्सा स्याव्मालोहाङः चीङ्ती मुओतेः च्यवःतेःनानी ओउःनम् दीन्हाङः यहुदीया देस्हाङः मुओ मान्तालम् स्यालुङ्ताङ् क्रव्तेःपै। सुसुइ इ कुरा पह्रनै ओउःकोः माने पेतो चीःपानी। 15ओउः बेलाहाङः कीम् बाहीरहाङः मुओलम् कीम् पोक्मामाःत माल्ताल् त्युम्ह्मामाःत क्रव्सा खेःतो। 16फेरी राङ्हाङः मुओलम् लयःकोः क्रमःनाय् रोत्ती वानःसाकायः सुमा कीम्हाङः पाय्ह्लाम्। 17ओहाङःसैको ओउः स्यालुङ्ताङ् क्रव्नम् दीन्हाङः चोःतुक् लात्ओमा दुत् खोलःती बयःओ मान्तालम्मा आन लीह्तो स्याव्नै। 18ओउःत खेःओ ‘इ लीह्सीःओपाय् न्याम् झ्युङ्ओहाङः वाङ्ताक्लाम्’ त दाय्ह्ती परमेस्वर्कायः तेती तोसा। 19ओउः बेलाहाङः ओउःच्युक् जोक्तो लीह्ओ गलमा वाङ्धाङ्ल परमेस्वर्इ ल्हाव्ह्दैबाङ् जाङ्ह्तोक्हाङःसै ओउःतलेः स्याव्धाङ्ल लोन्तेसैमा फेरी स्याव्नाः जुगु। 20ओउः लीह्ओपाय् परमेस्वर्इ लयःइ चल्ओ मान्तालम्कायः ज्याङःतो स्याव्ताक्उलु। ज्याङःतो स्याव्आ त खेःया सुमा स्याक्तो मुइली। 21फेरी सुलाङःइ ‘लौ ख्रीस् त तोओ इहाङःलेः मुनाः’ अरुइ ‘ओहाङःलेः मुनाः’ त तोओ सायःतेःनानी त खेःया ओउः कुरा ङ्हाम्तेःचानी। 22लोन्तेहाङः मान्तालम् ‘लौ ङापाय् ख्रीस्लेः’ तमा ‘ङापाय् परमेस्वर्कोः कुरा छ्यानःओ मान्ता लेःआः ङ’ त माःती तोती वाङ्नै ओउःमयःइ फेरी ग्याङ्ह्राय्मा जाङ्ह्नानी। ओउःमयःइ सबैकायःमा परमेस्वर्कोः चल्ओमयःकायःमा थ्योन्ह्ती होम्सा बोङःनानी 23लौ उया धय्ती मुन ङाइ लोने स्याव्सा कुरा ङ्हापाय्लेः गानाक्तीलेः तोनेःनानाङ्सतो
24ओहाङःसैको ओउः लीह्ओ दीन्लम् दप्आक्तीको न्याम्मा लाह्मा पेतो थोङ्ल 25कार्लम्मा फेल्बाङ्सै ग्लेःनाः ओहाङः सबै थे स्याव्नाः। 26ओहाङःसैको ओउः मान्ताकोः चोः त तोओ आन ग्वम् दोःतीमा आन पेतो अङ्ग थङ्गत एङःसीःतो थोङ्तीमा मुस्हाङः वाङ्सा च्यवःनाः। 27वाङ्आक्तीको ओउःइ लाङ्काकोः ल्होक्ओमयः ल्होक्ती परमेस्वर्इ चल्ओ मान्तालम्कायः ल्हाव्ह्दैबाङ्कोः चार्दोवासै हुम्ती वानःनाःथास। 28ओउः बेलाहाङः गल वाङ्नाः त चीःसाकायः न्याम्सीकोः स्यान्राय् तय्ह्नु दा। न्याम्सीकोः मात् तुरःतोक् बेलाहाङःपाय् न्याम् रावःओ दाह्खेःनाः त नीङ्इ चीःसा खाय्तेःनानी। 29ओउःलो लेखा ङाइ मेस् तोओ कुरा स्याव्तोक्हाङः ‘ओउः मान्ताकोः चोः त तोओ वाङ्खेःआ’ तमा चीःसा खाय्तेःनानी। 30दोङ्सी दाय्ह्भनाङ् तेन्छ्याङ्कोः मान्तालम् सोय्ह्ती सीधाङ्माःच्युक्हाङः इ कुरा सबै ताप्तोलेः स्याव्नाः। 31ल्हाव्ह्दैबाङ्मा फेल्बाङ्मा लोन्ते म्हीत्सा खेःतो ओउःपाय् म्हीत्लेःनाः ङाइ तोओ कुरा गलमा मीह्ती वाय्ल।
32फेरी ओउः कुरा गलखा ताप्तो स्याव्नाः त चीःसा सुइमा चीःनीली परमेस्वर्कोः लयःकोः ल्होक्ओमयःइमा चीःनीली ओउःकोः चोःइमा चीःउलु ङाकोः परमेस्वर् आपाइ झुङ्आले चीःनौ। 33लौ उया पेतो ल्युङ्ह्ती मुन दा ओउःनम् दीन् गलखा वाङ्नाः त नीङ्इ चीःतेःनीली। 34ङाइ तोओ कुरा इलो लेखा मुनाः। लोक्तो थोयःती वाह्तोक्हाङः यात्चाक्इ लयःकोः नोकरीलम्कायः स्योताङ् स्योताङ् काम् बयःनाःथास ‘लौ ङाकोः रम्ह्गहाङः इ काम्पाय् नाङ्कोःलेः’ त दाय्ह्ती बयःआथास। फेरी कीम् ल्युङ्ह्सा मान्ताकायः ‘लौ ङाकोः कीम् पेतो योउ दा’ त दाय्ह्ती तोआक्तीको लोक्तोताङ् आल्नाः। ओउः ल्युङ्ह्ओ मान्ताइ न्हीदीङ्मा याह्दीङ्मा योसा खेःतो ओउःमयःकोः मालीक् ‘गलखा वाङ्नाः’ त चीःमाःत झ्यान्ते एत योसा खेःतो। 35ओउः कीम्कोः मालीक्लो लेखा ओउः ल्हाव्ह्दैबाङ्कोः मालीक्पाय् ओउः मान्ताकोः चोःत तोओपाय् ‘गलखा पाय्ह्लाङ् दाह्चाः’ त नीङ्इ चीःतेःनीली ‘राम्हसैलो दाह्चाःया दोङ् याह्दीङ्हाङः दाह्चाःया वाःगोःहाङःया न्हीदीङ्हाङःया दाह्चाः’ त नीङ्इ चीःतेःनीली। 36ओउःत झ्यान्ते ल्युङ्ह्ती मुन दा। ओउःकोः दाह्तोक्हाङः नीङ् न्हील्ह्ती एनःती मुचनै यादो। 37लौ इ ङाइ नीङ्कायः तोओ कुरा ङाइ सबैकायः तोनाङःसु ‘लौ पेतो ल्युङ्ह्ती मुन दा’ ” त दाय्ह्ती येसुइ लयःकुस् वाह्ओमयःकायः स्यान्ती तोआकान्।
Избрани в момента:
मर्कस् 13: CDM93
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 1993 Wycliffe Bible Translators Inc., All Rights Reserved.
मर्कस् 13
13
1ओउःतलेः येसुइ तोआथास ओहाङःसैको मन्दीर्सै ग्ल्युङ्ह्ती वाङ्ती ओउःकुस् वाह्ओमयःइ मन्दीर्कोः देआ बाङ् त्यास्ती योआकानी। मन्दीर्कोः गारा त्यास्ती योतोक्हाङः “लौ गुरुय इ दर्बाल्पाय् गुच्युक् पेजेःनाः त योउ दै। ओउःपाय् आन पेतो ङर्ओ बाङ्कोः देओ लेःआः बा” त दाय्ह्ती यात्चाक्इ येसुकायः तोथातो 2“लौ इत ब्राव्ओ मन्दीर् दर्बाल् नाङ्इ द्याह् योती मुधाङ्तेःनाः लोनेःसै ओउःपाय् जुगाङ् ह्र्योङःती वाय्तो स्याव्जेःनाः। ओउः ह्र्योङःती वाय्तोक्हाङःपाय् यातैज्याङ् बाङ् अरुकुस् द्योप्काय्ती मुबाय्ल” त दाय्ह्ती येसुइ तोआथास। 3ओहाङःसैको आल्ती ओउः जैथुन्सायः बुम्ताङ् दाह्ती वाङ्आकाय्। इ बुम्सै ओउः मन्दीर् च्यवःसा खाय्ओ खेःतो। 4ओहाङःसै बुम्ताङ् दाह्ती वाङ्आक्तीको येसु एकान्लेः च्युङःती मुतोक्हाङः पत्रुस्मा याकुब् युहना नीस्पुःचाःमा अन्द्रीयस्मा ओउः चार्जन येसुकःताङ् वाङ्ती “लौ नाङ्इ मेस् तोओ मन्दीर् ह्र्योङःती वाय्सा कुरापाय् गलखा स्याव्लेःनाः। ओहाङःसै ओउः ह्र्योङःती वाय्सा स्याव्खेःओ दीन्लम् गत हायःती ङ्हासै तय्ह्चाङःसु” त दाय्ह्ती व्हत्थातो 5“लौ नीङ्पाय् पेतो धय्ती मुजेःन दा ओहाङःसैको नीङ्कायः अरुलम्इ माःती होम्सा बोङःतेःनै त खेःया ओउःमयःइ नीङ्कायः ब्रःताक्सा खाय्नीली। 6लोन्ते नाःतो मान्तालम् ‘लौ ओउः वाङ्सा खेःओ चाक्पाय् ङा लेःआः ङ’ त दाय्ह्ती माःती ङाकोः मय्ङ् पेह्ती वाङ्नै ओउःमयः दाय्ह्ओ कुरा नाःतो मान्तालम्इ ङ्हाम्नानी। 7फेरी लोन्तेःमा ‘लौ इहाङःपाय् लदाय् जाङ्ह्नानी ओहाङः लदाय् जाङ्ह्सा बोङःनानी’ त दाय्ह्ती नोःओ सायःतेःनानी ओउः कुरा सायःतोक्हाङः ल्हुङ् र्याङःमाःत मुन इत हायःओ स्याव्सा खेःतो लेःआः ओउः बेलाहाङः ल्हाव्ह्दैबाङ्कोः द्युम्ओ दीन् वाङ्धाङ्ल। 8ओउःनम् दीन्हाङः यात्ज्योः देस्कोः मान्तालम् अरु देस्कोः मान्तालम्कुस् मीन्ह्काय्नै यात्ज्योः राजामा अरु राजाकुस्मा काय्काय्नै। थाव् थाव्हाङः ताङ्ह्ओ ल्याङ्मा वाङ्नाः जोक्तो अनीकाल्मा स्याव्नाः। इ दीन्पाय् लीह्सीःओ बेलाहाङः वाङ्खयःनाः बा। 9लौ नीङ् लःलयःकायः धय्ती मुन लोनेः अरुइ ताङ्ह्ओ मान्तालम्कःहाङः लात्ती दाक्तेःनै ‘लौ इपाय् ख्रीस्कोः मान्ता लेःआः’ त दाय्ह्ती नीङ्कायः गाल्तुम्ती नोःनाः। फेरी थनःओ कीम्हाङः नीङ्कायः घान्तेःनै। नीङ्कायः राजाकःताङ्मा दाक्ती वानःतेःनै ओउःमयःकायःमा ङाकोः पेओ कुरा नीङ्इ छ्यानःती तोसा दोःतेःनै। 10ओउः द्युम्ओ दीन्कोः ङ्हासैपाय् ङाकोः पेओ कुरा सबै जात्लम्कायः थोल्ह्ती तोसा खेःतो। 11ओहाङःसैको नीङ्कायः पानःती ताङ्ह्ओ मान्ताकःताङ् दाक्नम् दीन्हाङः ‘दोह्त नोःसा गत त्याङ्सा’ त ल्हुङ्हाङःतेः रुःतेःचै। ओउः बेलाहाङः दोह् दोह् कुरा परमेस्वर्इ नोःसाकायः बयःतेःनै ओउःलेः नोःनु दा। ओउः कुरा नीङ्कोः लयःकोः ल्हुङ्कोः खेःल परमेस्वर्कोः ग्वालामःइ नोःताक्ओ कुरा लेःआः। 12ओउः बेलाहाङःमा आपाचोङ्लम् पुःचोङ्लम् लःलयःमयःकायः सात्लाङ् दाक्नानी चोःलम्इमा लःलयःकोः आमा आपाकःताङ् चीङ्ती ओउःमयःकायः सात्साकायः दाक्नाःथास। 13ओहाङःसैको नीङ्पाय् ‘ख्रीस्त तोओकोः मान्ता लेःआः’ त चीःती अरुलम् नीङ्कः ल्हुङ् मल्ह्तो स्याव्नै। नीङ्कः ल्हुङ् मल्ह्इतो सुसुतेः इ लीह्सीःओ बेलाहाङः ङाकायःमा ङाकोः कुराकायःमा फेमाःत ग्रमःत मुनै ओउःलेः दल्तो स्याव्तेःनै।
14फेरी गलखा नीङ्इ ओउः रेव्तो ह्रावःओपाय् वाङ्सा स्याव्मालोहाङः चीङ्ती मुओतेः च्यवःतेःनानी ओउःनम् दीन्हाङः यहुदीया देस्हाङः मुओ मान्तालम् स्यालुङ्ताङ् क्रव्तेःपै। सुसुइ इ कुरा पह्रनै ओउःकोः माने पेतो चीःपानी। 15ओउः बेलाहाङः कीम् बाहीरहाङः मुओलम् कीम् पोक्मामाःत माल्ताल् त्युम्ह्मामाःत क्रव्सा खेःतो। 16फेरी राङ्हाङः मुओलम् लयःकोः क्रमःनाय् रोत्ती वानःसाकायः सुमा कीम्हाङः पाय्ह्लाम्। 17ओहाङःसैको ओउः स्यालुङ्ताङ् क्रव्नम् दीन्हाङः चोःतुक् लात्ओमा दुत् खोलःती बयःओ मान्तालम्मा आन लीह्तो स्याव्नै। 18ओउःत खेःओ ‘इ लीह्सीःओपाय् न्याम् झ्युङ्ओहाङः वाङ्ताक्लाम्’ त दाय्ह्ती परमेस्वर्कायः तेती तोसा। 19ओउः बेलाहाङः ओउःच्युक् जोक्तो लीह्ओ गलमा वाङ्धाङ्ल परमेस्वर्इ ल्हाव्ह्दैबाङ् जाङ्ह्तोक्हाङःसै ओउःतलेः स्याव्धाङ्ल लोन्तेसैमा फेरी स्याव्नाः जुगु। 20ओउः लीह्ओपाय् परमेस्वर्इ लयःइ चल्ओ मान्तालम्कायः ज्याङःतो स्याव्ताक्उलु। ज्याङःतो स्याव्आ त खेःया सुमा स्याक्तो मुइली। 21फेरी सुलाङःइ ‘लौ ख्रीस् त तोओ इहाङःलेः मुनाः’ अरुइ ‘ओहाङःलेः मुनाः’ त तोओ सायःतेःनानी त खेःया ओउः कुरा ङ्हाम्तेःचानी। 22लोन्तेहाङः मान्तालम् ‘लौ ङापाय् ख्रीस्लेः’ तमा ‘ङापाय् परमेस्वर्कोः कुरा छ्यानःओ मान्ता लेःआः ङ’ त माःती तोती वाङ्नै ओउःमयःइ फेरी ग्याङ्ह्राय्मा जाङ्ह्नानी। ओउःमयःइ सबैकायःमा परमेस्वर्कोः चल्ओमयःकायःमा थ्योन्ह्ती होम्सा बोङःनानी 23लौ उया धय्ती मुन ङाइ लोने स्याव्सा कुरा ङ्हापाय्लेः गानाक्तीलेः तोनेःनानाङ्सतो
24ओहाङःसैको ओउः लीह्ओ दीन्लम् दप्आक्तीको न्याम्मा लाह्मा पेतो थोङ्ल 25कार्लम्मा फेल्बाङ्सै ग्लेःनाः ओहाङः सबै थे स्याव्नाः। 26ओहाङःसैको ओउः मान्ताकोः चोः त तोओ आन ग्वम् दोःतीमा आन पेतो अङ्ग थङ्गत एङःसीःतो थोङ्तीमा मुस्हाङः वाङ्सा च्यवःनाः। 27वाङ्आक्तीको ओउःइ लाङ्काकोः ल्होक्ओमयः ल्होक्ती परमेस्वर्इ चल्ओ मान्तालम्कायः ल्हाव्ह्दैबाङ्कोः चार्दोवासै हुम्ती वानःनाःथास। 28ओउः बेलाहाङः गल वाङ्नाः त चीःसाकायः न्याम्सीकोः स्यान्राय् तय्ह्नु दा। न्याम्सीकोः मात् तुरःतोक् बेलाहाङःपाय् न्याम् रावःओ दाह्खेःनाः त नीङ्इ चीःसा खाय्तेःनानी। 29ओउःलो लेखा ङाइ मेस् तोओ कुरा स्याव्तोक्हाङः ‘ओउः मान्ताकोः चोः त तोओ वाङ्खेःआ’ तमा चीःसा खाय्तेःनानी। 30दोङ्सी दाय्ह्भनाङ् तेन्छ्याङ्कोः मान्तालम् सोय्ह्ती सीधाङ्माःच्युक्हाङः इ कुरा सबै ताप्तोलेः स्याव्नाः। 31ल्हाव्ह्दैबाङ्मा फेल्बाङ्मा लोन्ते म्हीत्सा खेःतो ओउःपाय् म्हीत्लेःनाः ङाइ तोओ कुरा गलमा मीह्ती वाय्ल।
32फेरी ओउः कुरा गलखा ताप्तो स्याव्नाः त चीःसा सुइमा चीःनीली परमेस्वर्कोः लयःकोः ल्होक्ओमयःइमा चीःनीली ओउःकोः चोःइमा चीःउलु ङाकोः परमेस्वर् आपाइ झुङ्आले चीःनौ। 33लौ उया पेतो ल्युङ्ह्ती मुन दा ओउःनम् दीन् गलखा वाङ्नाः त नीङ्इ चीःतेःनीली। 34ङाइ तोओ कुरा इलो लेखा मुनाः। लोक्तो थोयःती वाह्तोक्हाङः यात्चाक्इ लयःकोः नोकरीलम्कायः स्योताङ् स्योताङ् काम् बयःनाःथास ‘लौ ङाकोः रम्ह्गहाङः इ काम्पाय् नाङ्कोःलेः’ त दाय्ह्ती बयःआथास। फेरी कीम् ल्युङ्ह्सा मान्ताकायः ‘लौ ङाकोः कीम् पेतो योउ दा’ त दाय्ह्ती तोआक्तीको लोक्तोताङ् आल्नाः। ओउः ल्युङ्ह्ओ मान्ताइ न्हीदीङ्मा याह्दीङ्मा योसा खेःतो ओउःमयःकोः मालीक् ‘गलखा वाङ्नाः’ त चीःमाःत झ्यान्ते एत योसा खेःतो। 35ओउः कीम्कोः मालीक्लो लेखा ओउः ल्हाव्ह्दैबाङ्कोः मालीक्पाय् ओउः मान्ताकोः चोःत तोओपाय् ‘गलखा पाय्ह्लाङ् दाह्चाः’ त नीङ्इ चीःतेःनीली ‘राम्हसैलो दाह्चाःया दोङ् याह्दीङ्हाङः दाह्चाःया वाःगोःहाङःया न्हीदीङ्हाङःया दाह्चाः’ त नीङ्इ चीःतेःनीली। 36ओउःत झ्यान्ते ल्युङ्ह्ती मुन दा। ओउःकोः दाह्तोक्हाङः नीङ् न्हील्ह्ती एनःती मुचनै यादो। 37लौ इ ङाइ नीङ्कायः तोओ कुरा ङाइ सबैकायः तोनाङःसु ‘लौ पेतो ल्युङ्ह्ती मुन दा’ ” त दाय्ह्ती येसुइ लयःकुस् वाह्ओमयःकायः स्यान्ती तोआकान्।
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 1993 Wycliffe Bible Translators Inc., All Rights Reserved.